篤爆牛仔總統出口術

講起「油」，呢幾日油價都大翻生，全世界 都話係因花旗國牛仔總統出口術，話要提高花旗國石油戰略儲備。今日，我要為大家篤爆呢個謬論。今時今日，花旗國石油戰略儲備有7億桶，牛仔總統話要提升8 億桶，即係上升到15億桶。

咁8億桶即係幾多？全球每日生產8000萬桶石油，8億桶即係全球10日嘅生產量，牛仔總統仲話要用好多年先至會到15億桶， 所以油價升根本同牛仔總統無關。呢幾日油價大翻生嘅真正原因，係冬天卒之降臨北美同歐洲，如果溫度回暖，淡友又會再出擊，到時牛仔總統出乜嘢口術都無能力 抵受拋空帶來嘅壓力。

牛仔總統的虛幻口術托油價，會敵不過淡友的拋空。