Monday, December 31, 2007

邊個幫誠哥起新屋

噚日,孫柏文一路睇電視新聞台一路睇《蘋果日報》。我知我知,一心二用真係唔係幾好。不過噚日,我喺電視就仲估睇到長實(001)主席李嘉誠,北上訪京。見到長長嘅紅地氈,第一個反應係:「嘩!香港嘅首富都仲有江湖地位,訪京時,國家最高領導人居然會以最高規格款待。都唔好話我哋香港人冇料到。」

點知,睇真啲。領導人款待嘅,唔係李嘉誠,而係日本首相福田康夫。佢兩位老人家,真係有少少似樣。唔怪之得,我有個auntie話佢哋兩兄弟咁款。

睇完電視報道,睇番我報。噚日,原來係李嘉誠做頭條新聞,話佢搬屋。據聞,李嘉誠嘅新居,係啱啱改裝新建。不過我就想知邊個幫佢起新居。

點解我會咁問?多就唔講,因為我始終對地產唔熟。不過呢幾年嚟,喺股票行好或係其他工作單位,我都有同事每次接到地產經紀cold call時,都會話:「長實起嘅新樓冇興趣。都話冇興趣囉!」點解佢哋會咁?

佢老人家好頭痕

講真,我就想知邊個幫李嘉誠起新居嘅原因,係因為睇我報報道話李嘉誠要搬,理由係喺深水灣住開間屋,因為漏水所以要重建…冇錯,李嘉誠層樓都漏水。所以一旦新屋質素唔好,佢老人家就會好頭痕。

No comments:

Post a Comment