輪商輸錢 我有快感

孫柏文相信喺特區股壇，輪商係第一被仇視嘅對象。雖然本人就對某輪后有個crush，不過撇除兒女私情，都絕對明白點解大家咁仇視佢哋。孫柏文絕對明白乜乜引伸波幅會影響啲輪嘅定價，不過都仲仇視佢哋嘅原因，就係因為佢哋好似永遠都冇得輸咁。

點知，噚日同法國巴黎銀行窩輪部嘅朋友傾偈，孫柏文條 氣順晒。因為佢話輪商雖然日日都賺你，不過賺埋賺埋可以一鋪過輸晒。例子有中石油，佢話對上六個月，中石油試過三次裂口高開（見附圖），輪商想追做對沖， 點知一路追唔到。佢話相信好多輪商，喺呢三個交易日蝕咗嘅錢，就已經輸晒全年喺中石油出輪嘅盈利。唔好話我黑心，不過見輪商輸錢，真係令我有快感。我係咪 變態？