未來的開始

今日，我30歲。

根據官方資料，今時今日特區男性人民嘅平均壽命係79歲。即係話，孫柏文壽 命只要有平均咁好，就會睇到鄧小平同志為特區定下「五十年不變」嘅終結，2047年。噚日就幫自己做回顧，今日就同大家諗吓我哋嘅未來。

大家每日參與嘅金 融市場，特別係股票買賣，無時無刻跳動嘅價格，反映緊市場對未來嘅預測。所以，作為一個財經口水佬，預測未來係工作嘅根本。

繼續投資買白銀

然， 大家可能會話：「唔好話2047年會點，講中聽日會點都已經好勁。」同意，不過有啲嘢都係值得做吓預測。理由係，有啲嘢聽日會點，大家心目中會好肯定，不 過問大家2047會點，就真係完全唔知。例如，我問你：「聽日起身邊個係特首？」相信大家都識答。不過問你：「2047年特首會係邊個？」你分分鐘反問 我：「仲有冇特區都未知啦！」所以諗吓未來會點，可以爆發好多新思維。

首先，大家可能想知，由今日到2047年，有啲乜好投資。大家肯定以為，孫柏文作為「白銀戰隊隊長」，一定又話「一注獨贏買白銀」。冇錯，我相信到2047年時，世界各國都仲係會用單憑信心做保證嘅紙幣fiat currency做法定貨幣。即係各國人民繼續被「紙幣狂魔」蹂躪，紙幣嘅購買力將會不斷削弱，買白銀絕對冇錯。

長線投資生仔女

不 過，如果大家今日問我，由今日到2047年最好嘅投資係乜，我覺得一定係生番幾個仔女。跟住投入好多心機、時間，做大量嘅人力資源投資。

黃金、白銀係啲非 常消極、防禦性高嘅投資。40、50年咁長嘅時間，大家可以做啲風險較高嘅投資，而冇乜投資嘅風險高得過生仔女，所以回報亦一樣高。我，係樂觀嘅。

再講，呢個世 上冇任何人造力量，強大得過人口變化。所以長遠來說，孫柏文最擔心就係我國嘅「一孩政策」。就有如97年，特區政府將百分百香港人兒童拒於境外，種下今日唔夠後生仔嘅世界。未來可能係我國嘅，不過可以係幾耐？

廿歲年代的句號

聽日，我就30歲。

如果大家對數學略懂一二，應該計到孫柏文1977年出世。今日 寫呢篇文，我唔會話係代表一代人嘅說話，只係同大家分享自己嘅少少經歷，如果你同我年齡差唔多，希望會有啲共鳴。

96年，卒之搵到間花旗國嘅大學肯收我， 就係咁，我喺聽聞香港最風光嘅日子出國留學。大家可能會問：「點解用『聽聞』呢兩個字？」原因係自己根本未試過喺嗰啲日子搵錢，當年聽啲諗過移民嘅長輩 話：「點走呀？錢喺香港咁易搵！」對我嚟講，真係一個傳說。

細細個聽過兩句「真言」，第一句係「香港地少人多」，如果呢個係上聯，下聯就係「所以炒樓必 勝」。對我嚟講，又係一個傳說。樓，我冇份炒。

缺席香港風光日子

我第一次自己落場炒股票，係大學第一年回港放暑假。北京控股 （395）我冇抽，不過「一籃子紅籌」輪就有炒。炒到8月中，因為要返學，所以清倉。好彩。

到99、千禧年，我畢業。「錢喺香港咁易搵！」嘅傳說已經完全 幻滅。我嗰屆嘅畢業生，好多被特區之亂嚇怕，為咗搵食讀電腦系。雖然佢哋未有師兄Larry Page或Bill Joy咁勁，不過每次有人話香港人「不懂科技」，我就會記起我啲到今時今日仲流落異鄉嘅舊同學。

除咗讀電腦，我嗰屆叻嘅人、喺花旗國搵到工嘅人，到今日仲係未返。我當年讀書冇搵工，諗住去搞dot com，點知未開始，泡沫已經爆破。dot com，我冇份搞。

不過當時23歲一份熱誠，諗住為其他市民提供一個「自由市場」嘅立法會選擇，所以走去參選。結果？有如《南華早報》幾日前話 「humiliating defeat」。

千禧年，盈科數碼動力，我炒過，12蚊上車，18蚊落車。好彩。

曾經雙失炒過賺過

之後幾年特區經濟點，毋須多講。我試過好耐冇工返、冇書讀。我，曾經雙失過。嗰種每日慢慢不斷摧毀自信嘅感受，殘酷。不過，雙失嘅日子，亦係我睇、讀最多嘢嘅日子，為之後做分析員打基礎。得閒就係咁。

今日，就當我為自己嘅廿歲年代畫上句號。不過畫之前，我想向所有我30年嚟整喊過嘅女人道歉，當時我可能愛妳 不夠，又或太過愛妳，點都好，I love you and I am sorry。

聽日，就係我人生新嘅一頁。

一注獨贏買江銅：到價！

多謝各位《金手指》fan屎支持！

孫柏文喺今年4月10日，叫大家「一注獨贏買江銅」。咁江西銅業（358）喺4月9日嘅收市價，就係10.32元，不過到4月10日開市時，已經裂口高開，開市價10.8元。

冇辦法，《金手指》嘅「一注獨贏」品牌，實在太強，所以裂口高開不足為奇。當日，我為大家提供咗16元嘅目標價，以建議日開市價嘅10.8元計，即係話會升48%。到噚日，江銅就成功升穿我嘅目標價。

4月我建議大家買江銅嘅理由，係因睇江銅06年第三季業績，當時銅價維持大約7600元1噸，江銅就賺大約0.5元。只要全年銅價平均喺同一水平，江銅就會賺2元一股。呢個盈利計算已經非常保守，因為完全假設江銅嘅生產量冇增長。

只 要市場覺得銅價能徘徊7600元1噸水平，而唔係泡沫，市場可以接受江銅嘅市盈率，亦可以攀升。當時我話過：「江銅一年可以每股賺兩元，而如果市盈率係8 倍，即係話股價就會16元一股。」無獨有偶，由4月1日至今，銅價平均真係徘徊喺7600元1噸水平，而市場亦好似接受呢個唔係泡沫。江銅升穿我嘅目標 價，唔係冇根據。

咁仲有冇得升

當然，如果睇江銅股價走勢圖，我咁多理論都好，由建議日到7月初曾經升上15.74元一股。到 「大奇迹日」，全日最低見過10.4元，仲低過建議日開市價。江銅居然可以喺之後嘅6個交易日，由低過建議價到升穿目標價。我當然係繼續話係因市場卒之明 白以上嘅理由，所以升。不過，大家就可能覺得係大陸同胞可以「炒股自由行」，炒AH股折讓，所以升。

無謂拗，中就得。

最後，大家一定會問：「究竟江銅仲有 冇得升？」我只可以話，用港元計，江銅A股噚日收42.87元一股，仲有冇得升？你話呢？

水草綁蟹 建築面積

呢個周末，有個叫「billy」嘅網友，喺小弟嘅blog留言，問孫柏文：「螃蟹單嘢呀，唔知你觀點係咪同我一樣？希望你寫吓教育大眾。」

最初，我唔係好明「螃蟹單嘢」係講緊啲乜，後來再問billy之後，先至知道原來講緊海關「揭發」有賣蟹商人「呃秤」。「呃秤」手法就係用好多同好粗嘅水草綁蟹，跟住消費者買蟹嘅時候，商人就會水草連蟹一齊秤。最差個案，蟹本身重量只係總重量嘅37%。

自由市場價錢反映

主 流傳媒嘅指定反射式動作，相信我都無需要同大家講，又係喊打喊殺，「奸商」前、「奸商」後。

雖然海關「揭發」賣蟹商人「呃秤」，不過，我想問：「究竟海關 有冇睇埋蟹商與蟹商之間嘅賣價差別？」我呢啲自由市場信徒，絕對相信如果一個蟹商長期呃秤，佢可以叫嘅賣價一定打折扣。甚至可以相信，如果蟹佔總重量得 37%，嗰個蟹販嘅賣價就應該比起蟹佔總重量100%嘅賣價，少63%。除非特區所有螃蟹賣同一個價錢，市場價格係會調節反映現實。

其實，呢個情況同特區 賣樓一樣，多年來，好多硬膠嘅人，成日都話要立法規定啲人用實用面積，而唔准用建築面積。講真，除非特區所有住宅樓宇劃一呎價，如果唔係劃一，樓宇呎價可 以自由浮動，一個樓盤嘅實用面積比率偏低，呎價係會反映。

再講，孫柏文鄉下喺寧波鎮海， 我細細個開始已經食好多大閘蟹。試問，有邊個食過大閘蟹嘅人，未試過食一隻「空心蟹」？咁樣係咪呃人？係咪又要拉人？

再問，如果有實際用途，用嚟防止螃蟹鉗傷人嘅水 草，因為唔食得落肚所以唔准計埋，咁唔食得嘅蟹殼點算？唔通淨係可以計蟹肉？如果碰正個廣東佬，食大閘蟹時連蟹肉都唔食，淨係食膏，係咪要拉晒計埋蟹肉嘅 商人？

最後，講起「蟹」同「樓」，我想提提大家今晚花旗國將會公佈樓宇二手市場，大家密切留意，因為應該會比預期差。

To that "anon" that loves my blog

Here is the comment one "anon" has left me.

Well, first of all, someone leaving comments as "anon". I am not going to judge.

You all can.

Anyhow, there has recently been an "anon" who has been leaving a lot of messages on my blog. Perhaps cloaked with anonymity, or perhaps due to the untimely death of its maternal parent, the "anon" has been, well... rude.

Someone leaving rude comments as "anon"... Once again, you all can judge.

This last particular comment left by "anon", was left in the message section of my previous entry... Quoting I about my 13 Hutchison's recommendation at the beginning.

"... "Hutchison is higher than when I suggested to buy"

So 阿Ｑ. Relative to the index, Hutch has been a huge underperformer since your recommendation. It is a hard fact...still u r trying to twist it...this reflects how childish u r...

If you can't take any critisim, just close your blog. Or simply do not accept any comments..."

Anyhow, this "anon" obviously has neglected to read my previous posting regarding anon posts. But hey, what would you expect, for "anon" is a loyal fan of this blog. (yes admit it, you love coming here hor hor hor) My fans are sloppy this way...

So "anon" have no idea that I am actually letting it leave messages here.

But lets get back to my hutch recommendation. Why did I recommend? you might ask...

odds.

its all about the odds...

If it works, Hutch goes to 100

If it doesn't, Hutch stays the same. No downside.

When a stock is priced to destruction, it is not hard to beat expectations.

And if only (really low) expectations are met, then the stock doesn't move.

No downside. X-Series is a true and sincere attempt by 3 to revolutionize the way unlimited-wireless-broadband-internet access is priced. I liked the odds. With the way the stock gapped up on my recommendation day, it seems a lot of you liked the odds too.

Also, in a previous entry, the "anon" called me a "smart ass". I am sure 99.999% of you (including my parents) agree with this particular assessment. That there is not a single whiff of "expert" from me. That every stock I recommend, you just can't jump in automatically, because I am just a "smart ass".

WHICH MAKES THE GAPPING UP THAT DAY THE BETTER. That despite the recommendation coming from a "smart ass", the reasoning and analysis was strong enough for people going in to buy! hahahaha

I need to ask "anon". Seriously, is odds, cost/benefit, beyond your grasp? Seriously. Is it Beyond your grasp? Yup it is! hahahahah The masses does get it.

It is when a stock is priced to perfection, that the odds does not favour the stock. I have addressed the issue of opportunity costs in my previous Chinese entry.

I need to ask "anon". Why are you so bothered?

You seem really bothered by my writing.

Like seriously... Why are you so bothered? hahhahaaha

And why, when you are so bothered, do you keep coming back? You love me hor hor hor THATS WHY! admission is the first step to the cure.

Here's a video for you. Notice how the reverend answers with 17 sec left in the video.
You are Lauren Cooper.



PS. This policy is once again in effect.
PPS. Seems like "anon" uses broadband. For your IP address ... = )

撤銷「一注獨贏買和黃」

噚日，和黃（013）公佈07上半年業績。對孫柏文嚟講，用兩個字總結，好差。

大家可能會話：「和黃業績好似合乎預期喎，點解你會話好差？」和黃業績，只係合乎市場預期，而唔係我嘅預期。我喺舊年11月22日叫大家「一注獨贏買和黃」，有效12個月嘅目標價仲定喺100元，即係比建議當日，和黃開市價嘅71.95元，高39%。

孫柏文用得「一注獨贏」呢四個字，和黃就唔可以只係交番「合乎市場預期」畀我。就算唔係大紅大紫，都要一鳴驚人。

傷心：業績冇驚喜

當 時，我叫大家買和黃係因旗下嘅3，拋棄以前嘅典型電訊硬膠收費模式，收費方法進行文化大革命，推出「無線寬頻上網服務」叫X-Series。我當時覺得X -Series應該可以令3化腐朽為神奇，而因我對3嘅樂觀預期，當時股價絕對未反映，所以建議大家去買。

不過，噚日睇和黃業績，喺3最先推出X- Series嘅愛爾蘭同前宗主國市場，已簽合約形式嘅客戶增長數量，只有3%增長。就算X-Series服務，由推出至今口碑雖好，不過上唔到客就係上唔 到客。原先，我仲估和黃業績報告當中，將會最令我傷心嘅係佢哋話手上有好多次按投資，就算3救得番，股價都要下跌。不過佢哋冇，但係3都係唔得。

以前我曾經講過，因為「無線寬頻上網服務」X-Series嘅收費模式，已經係3G電訊服務可以畀顧客嘅最終極方案，所以如果X-Series救唔到3，3G本身真係一個冇得做嘅生意。

沽貨：因上唔到客

我唔知道X-Series唔好賣，係因其他例如WiFi嘅無線寬頻上網方法吸引啲， 定係因為X-Series要人用手機上網，而手機始終都唔好用，不過上唔到客就係上唔到客。

雖然，離開目標價有效限期仲有好幾個月，不過今日，我要撤銷 「一注獨贏買和黃」嘅建議。用噚日和黃77.2元收市價計算，係有錢賺（7.3%），不過輸咗機會成本，如果你係因為我嘅建議買咗和黃，今日就係時候放。

Hutchison's 1H07 results...

Really sucked.

There are no other ways to describe its earnings from my SUPER BULLISH perspective.

和黃出業績 求神唔甩轆

今日，和黃（013）將會公布半年業績，孫柏文當然睇到實。大家作為《金手指》嘅 fan屎，都知道我會睇到實嘅原因，係因我喺舊年11月22日叫過大家「一注獨贏買和黃」。

當時，我叫大家買和黃，係因為和黃嘅3拋棄以前嘅硬膠收費模 式，收費方法進行文化大革命，卒之明白賣嘅只係「無線寬頻上網服務」。和黃改革嘅決心，甚至畀用戶可以用無線寬頻上網打電話同經互聯網send短訊，毋須 用原先吓吓計住嘅電訊服務。當今無線電訊界中，有乜嘢比起打電話voice同短訊sms更加「不可侵犯」、「神聖」，和黃揮刀斬呢兩隻sacred cows，足以證明佢哋嘅決心。

最緊要係從炒賣角度嚟睇，因市場覺得3G隨時會拖垮和黃，所以如果3G不但有救，仲大紅大紫嘅話，和黃就會大升特升。

冀和黃投資部 冇掂次按

建 議「一注獨贏」當日，和黃開市價係71.95元，而目標價係100元，有效期12個月。

今日，和黃最好係宣佈3嘅全球上客量突飛猛進，跟住仲要話上客費下 跌。只要EBIT好好睇睇，和黃就升。

不過，我對和黃係有憂慮。和黃上上下下嘅同事，出咗名「好醒」，而「最醒」嘅部門必屬佢哋炒嘢投資部。過去幾年，全 世界啲「最醒」嘅投資、對冲基金，好多都走咗去買包括次按債券等嘅衍生工具，所以求神拜佛，和黃嘅炒嘢部，千祈唔好甩轆，畀啲乜嘢「驚喜」我哋。

霍 建寧、陸法蘭，今日睇你哋點樣同一眾（包括李嘉誠）嘅股東交代！

撐扎鐵工人 拋空地產股

最後，離一離題。聽聞，職工盟李卓人成功籌款，有好多匿名嘅人捐錢，今後扎鐵工人罷工每日 有300元津貼。假設特區有3000個扎鐵工人，如果全面罷工，每日需要90萬元去維持。講真，如果我係一個對冲基金，我會每日攞90萬元出嚟，跟住只要 所有地盤停工，我可以拋空地產股，喺股市搵食。