乜野階層都有「財技」

尋日，孫柏文講過剛剛新鮮出爐既諾貝爾和平獎得獎者間「鄉村銀行」（孟加拉話叫Grameen Bank），點樣運用「社群壓力」，令到一班冇資產做低押，不過又問「鄉村銀行」借左錢既人唔會走數，令還款率超過98%。繼而令到「鄉村銀行」可以盡量提供低息貸款畀好多有需要既孟加拉人民做小生意，跟住就成功脫貧。

「鄉村銀行」為債仔製造「社群壓力」既方法，就係需要每個借錢既人，同三個親戚朋友一齊去「鄉村銀行」，先至可以借到錢。如果原本既債仔走數，其他三個人就要還，所以會令到呢三位朋友「睇實」個債仔，債仔就會受到「社群壓力」盡量還錢。

我尋日都講過，除左係孟加拉間「鄉村銀行」之外，我地特區都有D用「社群壓力」迫還款既細金額融資渠道。呢條融資渠道，就係叫「做會」。不過，因為孫柏文都知道好多70年代未之後出世既fan屎，完全唔知道「做會」為何物，所以今日我就希望為呢班後生仔女解釋一下乜叫「做會」。

首先，以下有一個「做會」表，幫助解釋「做會」中借錢同還款過程。今次呢個例子，就有四個人參與，Auntie（A）、B女（B）、師奶C（C）同Debtor（D）。今次四個人參與「做會」既原因，就係Debtor幫女朋友買手袋買到「碌爆咭」，頂唔順D息，所以問Auntie借錢。點知，Auntie唔夠錢借畀Debtor，所以就提議幫Debtor「做個會」，Auntie管理亦即係變成「會頭」。

Debtor就需要借$300，Auntie、B女同師奶C 就每人夾份$100「供會」借畀佢，跟住Debtor之後每個月還$100畀個「會」。到第二個月，首先Debtor還$100，跟住Auntie、B女同師奶C就會「出標」make a bid去嘗試「標會」，「標會」既意思係解為「成功將一期大家集來既錢去」。

大家可能會問：「如何決定邊個人既「標」可以「標會」？」其實，Auntie、B女同師奶C每人都會出一個暗標，寫低一個銀碼。出最高銀碼既「標」，就可以成功「標會」。不過，標上面既銀碼，就會變成D未標過會既人，期「供會」既折扣。例如用以下個表既例子，第二期個「會」出最高銀碼既「標」，就係來自要交學費既B女，佢就出$5「標」。所以，未標過會既Auntie同師奶C，期每人都只需要供$95就夠，而第一期已經標左會既Debtor就還$100，B女亦得到$290。

到第三期，Auntie要抽工行新股，所以就出最高銀碼$10既「標」。未標過會既師奶C就要供$95，而已經標左會既Debtor同B女就每人還$100，Auntie亦得到$295。到最後期，因為得番師奶C未標會，所以亦都自動「標會」，其他全部標左會既人就每人還$100，師奶C亦得到$300。

大家可能會問：「點解「做會」有吸引力？」其實，個人貸款比較困難，除左幫襯大耳窿、當舖之外，基本上冇乜選擇。以以上既例子，參加一個會既可以當儲蓄，又可以當一條credit line。好似師奶C，三個月總成本都之不過係$285，就可以賺取$15，即係每年有21厘利息回報。B女就只需要付出$10，咁就可以即時有$290週轉。所以真係可以話我地特區什麼階層都擁有高強既「財技」。
最後，大家可能會問：「點解會有人肯幫D債仔一齊去做會？」其實，如果你今日唔肯幫人，他朝你需要用錢既時候，又會有邊個肯幫你？

情與義值千金 順嫂拿和平獎

孫柏文聽到，剛剛新鮮出爐既諾貝爾和平獎得獎者，呢幾日來都只係度神州遊。拿到獎去遊山玩水，都係件好事，我相信他朝孫柏文憑隻金手指到諾貝爾和平獎既時候，我都會去「布吉」行下，不過為左避免會太心散，我只會去深圳個「布吉」去玩。如果要刺激D去泰國既「布吉」，就要等孫柏文贏得諾貝爾經濟獎時，先至會去。大家可能會話：「咁孫柏文咪一世都冇機會去布吉玩？哈、哈！」

大家千祈唔好咁老定，覺得我一世去唔到布吉玩，因為睇番今屆和平獎得獎者，孟加拉既「尤努斯」Muhammad Yunus。諾貝爾獎評審委員會都係覺得佢搞出來，提供非常細額信貸既間「鄉村銀行」（孟加拉話叫Grameen Bank），好成功咁幫孟加拉人民脫貧，所以就畀左個和平獎佢，而是鼓勵。

講真，每個讀過幾堂經濟學既朋友，都知任何想富起來既社會，都需要個「運作中」既信貸融資系統。所謂「運作中」，就等如需要資金既人，可以借到錢，有多餘資金既人，可以借錢畀人收利息。所以設計一個信貸融資系統，聽落好似好容易，不過任何信貸融資系統都面對同一個問題，呢個問題就係，點樣令到借左錢既人還錢。因為如果借左錢既人唔還，債主又冇辦法追債，又點會再有多餘資金既人肯借錢畀人？

一般來說，如果地權畫得清楚，有地既人就可以好容易借錢，因為債主知道債仔唔還，就可以收地，情況就好似我特區「有磚頭就可以借錢」一樣。不過，係孟加拉D窮鄉僻壤，地權畫得唔清楚，呢個融資渠道就唔可行，到債仔走數唔還錢既時候，債主吹佢唔脹。

諾獎評審會覺得「尤努斯」勁既地方，就係佢「發現」左個方法，可以係債仔冇資產既情況之下，都會盡量還錢。「尤努斯」令到債仔盡量還錢既方法其實好簡單，就係需要每個需要資金既人，同三個「行俠仗義」既朋友一齊去「鄉村銀行」，先至可以借到錢。如果原本既債仔走數，其他三個人就要還，所以會令到呢三位朋友「睇實」個債仔，債仔就會受到「社群壓力」。仲有，「鄉村銀行」只係做女人生意，因為信用好似好D，男人想借錢就要諗其他方法。「尤努斯」就係用呢D咁簡單既方法，令到還款率超過90%。
不過，利用「社群壓力」做信貸融資系統「迫還錢」既動力，令到一個社會可以有經濟增長，孟加拉絕對唔係第一個。其實，如果大家可以睇下我特區，以前係非常流行一種叫「做會」既融資系統，「迫還錢」既動力一樣來只「社群壓力」，經過多年來運作，亦上算成功。所以如果呢個搞「鄉村銀行」既「尤努斯」都可以和平獎，咁多年來幫左無數有需要姊妹「做個會」既牛頭角順嫂，都應該獎！今日，我知道好多後生仔女fan屎，唔識乜野叫「做會」，所以聽日我會解釋「做會」呢個融資渠道既運作。

點解環新升完就跌

相信大家如果有留意我特區上市公司點樣維繫同股東關係，就會發覺其中一個最重要伎倆，就係出「公告」announcements。呢「公告」就係上市公司同市場講關於公司。例如，有董事辭職、公司轉型、公司大股東有變、主席有喜等等消息都可以通過「公告」機制去通知股東同其他市場參與者。

我特區股票市場，孫柏文相信最常見一種「公告」，就係當一間公司股票成交量有大幅變動時候，上市公司出「成交量的不尋常波動」unusual volume movement公告。99%「成交量的不尋常波動」公告，都係上市公司澄清董事局、高層完全「唔知點解」成交量大升，公司本身「冇乜特別」發生。

咁星期二朝頭早就有一間公司出個呢「講等如冇講過」成交量不尋常公告，去交代星期一突然高出成交量，呢間公司就係做可可豆貿易502環新國際。環新星期一成交量比起對上星期五交易日，多出超過十倍，成交量仲要集中收市前一小時裏面進行，最後仲令股價升15%。大家可能會問：「咁究竟發生乜事？」

其實理由好簡單，不過講之前，我相同大家講環新股價升理由，充分反映我特區股票市場裏充斥著好多「奇能異士」，對國際局勢不但瞭如指掌，仲要可以洞悉先機。環新本身做可可豆貿易方法，就令環新可可豆價升情況之下，可以直接得益，所以如果可可豆價升環新股價都應該升。不過，如果大家睇番可可豆價呢幾日走勢，就會發覺冇乜異動，而各大報章、傳媒都冇辦法解釋環新點解升，淨係話：「農產品當炒！」

原來，非洲早上時間，全球最大可可豆生產國，沾全球四成生產量科特迪瓦Cote d'ivoire，佢可可豆生產商商同政府談判決裂，生產商罷賣。科特迪瓦政府一路都係壟斷可可豆本地採購權，欺壓生產商，生產商如果想將可可豆出口都要畀出口稅，所以生產商希望可以將政府採購價提升同埋減出口稅。不過呢段新聞，就算係被稱為「民營CIA」stratfor.com，都要到特區晚上時間先至出，所以當日特區下午時間有份買環新人，果然消息靈通。

大家可能會問：「不過點解可可豆生產商罷賣，可可豆價都冇乜異動？環新股價都跌番落來？」原來，99同04年科特迪瓦都發生過呢種談判破裂情況，不過每一次都一個星期之內解決。尋日，已經有消息傳出生產商暫時中止罷賣行動，話畀政府一個星期去接收生產商要求。所以最後，星期一買環新朋友，消息就一定靈通，不過真係唔知最終佢哋有冇錢賺。

點解環新升完就跌

相信大家如果有留意我地特區上市公司點樣維繫同股東既關係，就會發覺其中一個最重要既伎倆，就係出「公告」announcements。呢D「公告」就係上市公司同市場講關於公司D。例如，有董事辭職、公司轉型、公司大股東有變、主席有喜等等既消息都可以通過「公告」機制去通知股東同其他市場參與者。

係我地特區股票市場，孫柏文相信最常見既一種「公告」，就係當一間公司股票成交量有大幅變動既時候，上市公司出既「成交量的不尋常波動」unusual volume movement公告。99%既「成交量的不尋常波動」公告，都係上市公司澄清董事局、高層完全「唔知點解」成交量大升，公司本身「冇乜特別」發生。

咁星期二朝頭早就有一間公司出左個呢D「講左等如冇講過」既成交量不尋常公告，去交代星期一突然高出既成交量，呢間公司就係做可可豆貿易既502環新國際。環新係星期一既成交量比起對上星期五既交易日，多出超過十倍，成交量仲要集中係收市前一小時裡面進行，最後仲令股價升15%。大家可能會問：「咁究竟發生左乜事？」

其實理由好簡單，不過講之前，我相同大家講環新股價升既理由，充分反映我地特區既股票市場裡充斥著好多「奇能異士」，對國際局勢不但瞭如指掌，仲要可以洞悉先機。環新本身做可可豆貿易既方法，就令環新係可可豆價升既情況之下，可以直接得益，所以如果可可豆價升環新股價都應該升。不過，如果大家睇番可可豆價呢幾日既走勢，就會發覺冇乜異動，而各大報章、傳媒都冇辦法解釋環新點解升，淨係話：「農產品當炒！」

原來，係非洲早上時間，全球最大可可豆生產國，沾全球四成生產量既科特迪瓦Cote d'ivoire，佢地既可可豆生產商商同政府談判決裂，生產商罷賣。科特迪瓦政府一路都係壟斷可可豆本地採購權，欺壓生產商，生產商如果想將可可豆出口都要畀出口稅，所以生產商希望可以將政府採購價提升同埋減出口稅。不過呢段新聞，就算係被稱為「民營CIA」既stratfor.com，都要到特區晚上時間先至出，所以當日特區下午時間有份買環新既人，果然消息靈通。

大家可能會問：「不過點解可可豆生產商罷賣，可可豆價都冇乜異動？環新股價都跌番落來？」原來，係99同04年科特迪瓦都發生過呢種談判破裂既情況，不過每一次都一個星期之內解決。尋日，已經有消息傳出生產商暫時中止罷賣行動，話畀政府一個星期去接收生產商既要求。所以最後，星期一買左環新既朋友，消息就一定靈通，不過真係唔知最終佢哋有冇錢賺。

反對禁煙！

尋日，孫柏文講過同大家研究曾蔭權特首施政報告裏面入政策，不過適逢尋日立法會辯論吸煙修訂條例，我就先想同大家講呢條法例。大家好多時候聽到任何特區市民（包括立法會議員在內）推銷全面公眾場所禁煙，大約都會聽到以下的一句：「禁煙係世界大潮流，個個先進國家都實施公眾場所全面禁煙政策，所以如果要香港先進、文明，我都要公眾場所全面禁煙。」

不過，我想同大家講世界上有一個非常先進民主國家，不但冇全面禁煙，仲要就算國民大多數都唔食煙，絕大多數國民都係反對公眾場所全面禁煙，所以一路都冇通過任何法例禁煙。大家可能會問：「先進國家喎。國民大多數反對禁煙？相信孫柏文你搞錯！」冇搞錯！呢個國家就係德國，應該夠先進啦？大家可能會問點解佢居然會反對禁煙，原因其實都好簡單。

其實全球第一個公眾場所全面禁煙國家，就係德國，不過係希特勒納粹統治德國。當年，希特勒又係好似郭家麒、鄭家富等立法會議員，大喊要保護市民健康、製造「完美」社會，所以施公眾場所全面禁煙政策。德國人民知道，如果你可以見到全場成人、全場你情我願情況之下有人食煙，等如個社會仲係包容。只要個社會仲容許食煙，個社會就仲未邁向盲目追求「完美」。因為追求「完美」結果令到數百萬個猶太人、吉普賽人、同性戀者、異己分子遭到系統性「淨化」。

試想想，一個好似鄭家富患有「肛門堵塞症」anally retentive人統治香港，包容就會從此消失。如果有「專家」話肛交對身體有害，你估鄭家富會唔會要求重罰男同性戀者？太誇張？ok，如果有「專家」話香港市民休息不足，你估鄭家富會唔會要求最高工時？真正要反對禁煙理由，係遠比任何經濟理由大。各位市民，呢就係我選出來代表！08年知點做啦？

講番施政報告，我作為一個佛利民Milton Friedman（好崇尚同好希望全世界都抄香港「積極不干預」政策諾貝爾經濟獎得主）fan屎可以同大家講，曾特首放棄「積極不干預」都祇會令到佛利民痛心疾首、滿淚盈眶。今次曾特首「假奶粉」般翻版貨「學券制」，先至係令佛利民佢老人家暴跳如雷新搞作，因為完全強姦「學券制」精神。

無他，因「學券制」神髓就係學校最終教書方針同模式，就係由辦學團體因應學生需要自由決定去，結果會令「教好學生」變成教育唯一考慮，真正「學券制」只會考慮學生，而唔會考慮老師飯碗、心繫家國、政治正確、牟利邪惡等等因素。孫柏文想今日問李國章局長，你作為一個家長，你當年為自己小朋友選擇學校時候，除了問一句：「Is this the best education I can get for my children？」之外，會唔會因教得最好學校係「牟利」所以唔畀自己小朋友讀？最後李局長係來自一個大家族，我想問李局長有幾多個百分比姪仔姪女，係生活於教統局之下？如果唔係100%，點解唔可以畀其他香港家長一張「學券」，等佢小朋友都可以好似李家族一樣，逃離教統局魔掌？

施政報告提供炒股概念？

上個禮拜三，曾蔭權特首發表任內最後一份施政報告，報告裏面當然談及很多想做的新措施或政策。大家可能已經到諗：「孫柏文呢個死硬派「積極不干預」、佛利民Milton Friedman（好崇尚同好希望全世界都抄香港「積極不干預」政策諾貝爾經濟獎得主）fan屎，一定係想鬧曾蔭權放棄「積極不干預」政策，希望用隻金手指去篤醒曾特首。」今日我作為一個佛利民fan屎，雖然真係有好大引誘去篤醒曾特首，不過我今日唔想鬧佢，我相同大家分析究竟施政報告有冇提供炒股概念。政策留番明天先至講。

上個禮拜五，小弟拜讀曾淵滄教授題為「特首提供4個炒股概念」文章，令我今日有感而發希望同大家分享。曾教授文章裏面分析曾特首施政報告，得出結果就係有四類股票可以炒。我今日想大家討論就係曾教授講過港交所（388），因為特首話，要修訂上市規則等多非本地企業會來港上市，愈多企業來我特區上市，成交量就會增加，港交所因而會賺大錢。

對呢個論點，我有少少唔同意，因為「畀企業自由融資、投資者自由投資」已經唔係特區金融業運作大方向，今時今日特別講到企業上市運作大方向，「保護投資者」先至係唯一考慮因素。因為如果「出事」就有人要「咩鑊」，所以企業有咁困難得咁困難上市，監管機構就會算「好成功」。最好就係「冇企業上市」，因為如果冇企業可以成功上市，就唔會「出事」，唔出事就冇人需要「咩鑊」。如果你係一間需要融資企業，不過遲遲都上唔到市，只因監管「做得好」。

大家可能會問：「不過好似好多內地企業都成功來港上市，孫柏文有冇杞人憂天？」記得，今次曾教授叫大家買港交所，係因為曾特首會修訂上市規例，不過我同大家講，點樣修訂規例都只會有內地企業同埋零星的本地企業上市。因為始終都有人驚「咩鑊」，除非可以「瀉鑊」，點樣修訂規例都係冇人可以上市。祖國巨型國有企業可以成功來港上市，係因為監管機構知道可以「瀉鑊」。已被邊緣化香港人組成監管機構只要一句：「國家要推政策，國企要來上市，唔通螳臂擋車？」就可以未來有國企爆煲情況之下，都可以「瀉鑊」。

仲有，吸引呢「可瀉鑊」企業來港上市，根本就毋須修改上市規例，因為我特區一路運作模式，就係呢「可瀉鑊」企業可以根本就收到無窮無盡「豁免通知書」Waiver。任何條例都可以豁免，即係對「可瀉鑊」企業有冇規例都冇所謂。只要繼續「針對性」discriminatory需要「不能瀉鑊」企業遵守規例，「可瀉鑊」企業收Waiver，曾特首就可以落實佢施政方針。不過，應該冇得炒，因為孫柏文相信港交所股價已經反映呢個現實，除非可以開放港交所壟斷，如果唔係就只會規例照修、一切照舊。

點解最好用白表抽工行

如果大家有留意，自《金手指》面世之後，孫柏文從未試過同大家談及有關祖國銀行。大家可能會問：「呢排遇上巨型祖國銀行上市潮，仲要上隻就升隻。孫柏文，你唔怕畀人話你out咩？」其實，大家都知道正當一個經濟體系急速增長時候，最有機會賺大錢行業，就一定係負責分配資金銀行業。

大家試想想，正當一個經濟體系起飛時候，一間銀行只要存款充裕，就會有大把機會放債畀好需要資金投資擴充企業家、開始想置業安居工人同初嘗物質享受消費者們。同時，因為經濟起飛，每一個借錢人同公司，會發現還款負擔越來越輕，呆壞帳比率亦越來越低，呢個情況之下銀行又豈能唔賺大錢呢？

不過，祖國銀行始終畀唔到我信心，因為我成日都覺得祖國銀行管理層好似計時炸彈一樣。大家可能會問：「點解你要咁講？」原因其實好簡單，大家問心句，如果聽日全球主要報章頭版新聞，都係報度話某祖國銀行管理層全部畀政府拉晒，大家會覺得出奇嗎？

大家可能會反駁：「畀人拉？真係唔出奇，不過咁又點？我相信市場定價已經將「管理層一晚畀人拉晒」呢個可能性已經計算在內。」我反問大家，如果換轉係一間特區公司管理層畀人拉，或者係花旗國公司，你唔覺得呢個係一個問題咩？大家想想，祖國銀行現今管理層係點樣升上來，試想十、十五年前，現今班管理層仲係「二打六」時候，佢哋要升職就只需要聽話。什麼風險管理、信貸評核，根本都冇用，一個銀行職員升職最直接方法，就係本地班「高幹」要投資乜，佢哋就聽聽話話咁錢出來。

如果借錢企業，就連利息都還唔到時候，一個銀行職員就只需要再借多錢畀間企業去還利息，問題就當「解決」，就算「未解決」最後變成呆壞帳，最終都有「阿媽」出手相救。根據中國人民銀行自己數據，祖國銀行體系中呆壞帳比率由01年31.1%跌到06年初得8%，看落好似好令人鼓舞。

不過被譽為「民營CIA」stratfor.com計過數，首先有一半（大約將呆壞帳比率降低15%）呆壞帳就被國家「收買」。跟住因自01至05年，每年祖國銀行借款總額都增21%，大約增加一倍，亦即係話只要完全冇新呆壞帳情況之下，就算舊呆壞帳冇「處理好」，呆壞帳比率都可以15%跌到8%。不過你信唔信自01年冇新呆壞帳？係完全冇，zero！有一日，新呆壞帳逐漸出現，舊呆壞帳又未「處理好」，祖國銀行就冇可能放新債。冇得放債又豈能賺錢？

不過最後，我都希望大家踴躍去抽新股，因為一定有炒賣價值，不過最好用白表去抽。點解？因為用白表抽新股，特別係得「一手」時候，好多人都會收到一張張「實物」股票。咁股票上面就有管理層簽名，如果大家當年有去抽中銀香港2388，就會收到一張由被判處死刑劉金寶簽名。試當今世上，就幾多人可以話有一張有死囚簽名股票？都時將股票同當年中銀出，有劉金寶簽名銀紙收齊一套，淨係上ebay炒都大把錢賺！

互聯網供應商交資料 白癡不如

孫柏文今日想問大家一個非常簡單既問題。問題就係如果你係一個產品服務供應商，而你係個市場裏面賣緊既產品服務，你同D對手基本上是一模一樣。你同你D對手，鬥來鬥去都係鬥價錢，同埋D無關痛癢既花招，咁而家突然間有人畀機會你，好合法同好合理咁，花少少錢同出少少力，就可以令到你既產品服務係消費者眼中，比其他供應商絕對優勝。甚至乎，你花少少錢同出少少力之後，你個市場裏面最中堅既消費者，不單覺得你既產品優勢，還要覺得你公司係一間有正義感既公司。

亦因上述兩個理由，消費者若蜂擁而至，令你發大達，咁孫柏文問大家：「你會唔會花呢D少錢同出呢點棉力呢？」作為<金手指>fan屎既你，都一定會答：「白癡都會啦，仲問。當你D fan屎傻架？」聽到大家咁樣既答案，作為你哋好崇拜既偶像，孫柏文都好開心。不過，今日真係要用隻金手指幫大家，篤一班就連白癡都不如既人出來。佢哋就係香港四大互聯網寬頻服務供應商，榜上有名既係，和記環球電訊、有線寬頻、電訊盈科同香港寬頻。

大家諗下，互聯網寬頻服務基本上係一模一樣，乜M物M既速度，垃圾既服務態度，非常取巧既收費方法，係四大互聯網寬頻服務供應商當中，邊度有分別？不過，尋日睇新聞報道，話佢哋被高等法院頒令迫要交出D擺電影、音樂上互聯網被人抄既客戶私人資料。咁根據報導，佢哋話經過「徵詢律師意見之後」，就決定投降。入稟法院既電影公司因為忽然有高院，所以就可以要乜有乜，你既身分証號碼、地址、電話、阿媽祖家姓乜、你隻狗既名、你小學係邊度讀等等，供應商通通都要交出。

咁點解你哋會話，佢哋連白癡都不如呢？理由好簡單，係互聯網世界裏面，特別對互聯網敏感、好奇既人，例如年青一輩。都知道互聯網對現代和未來社會最大既威脅，就係私隱難得保全。四方八面，會用盡一切方法，去蠶蝕大家既私隱，例如有D人會話同你有D金錢糾紛、私人恩怨，話要從民事訴訟方式去告你，所以就去你個互聯網供應商，你D私人資料。呢D你私人資料既人，可以係你以前既男朋友，又可以係因日日畀你隻狗嘈醒，而非常之想報仇既鄰居，甚至可以係D電影公司用緊既私家偵探。

而消費者如果可以見到一間互聯網供應商，用盡一切辦法，去維護大家既私隱，就算「徵詢律師意見之後」，都繼續上訴到終審庭，仲要下次有人要求客戶私人資料，呢間互聯網供應商既即時反應係：「No！要既就法庭見，我哋仲會用盡一切辦法，令到你有咁難得咁難打呢場官司，就算次次要打到終審庭，我哋都會。橫惦互聯網係一個咁新既，其他普通法司法地區都未有定案，一定有grounds去上訴。做咁多，都只係因為我哋覺得客戶既私隱係神聖、不可侵犯既。」

當今香港，如果真係有一間互聯網供應商咁做，大家仲唔仆倒去做佢哋既客戶？所以作為互聯網供應商，一份上訴申請，比鋪天蓋地既廣告有效，好過搵千千萬萬個阻街Sale屎幫你sell？佢哋仲唔係連白癡都不如！