「下一個係」雷曼兄弟

早幾日，孫柏文同大學同學「左翼banker」食晏。大家唔好誤會，我叫佢做「左翼banker」嘅原因，唔係因為佢冇支持計劃經濟，而係因為我哋讀大學時，踢波佢踢左翼（佢速度快、交波準），我踢前鋒（盡量減低累後防輸波嘅可能性）。畢業後，我哋一路都有保持聯絡，不過可能科技太發達，早幾日係十年嚟第一次坐低食晏。

不得不提，左翼banker除咗係我舊同學之外，同時都係 Bear Stearns嘅舊僱員。大家都應該知道，Bear Stearns喺三月冇咗。當時，由百幾美元跌至10美元一股嘅作價，被JP Morgan收購。

賤賣資產有原因

佢現在已離開之前嘅工作單位，準備為新公司效力。不過之前嘅工作單位，就要佢有冷靜期，嗰日食晏，左翼banker就叫冷靜期做gardening leave。雖然一個好似佢咁嘅banker搵埋唔少，不過喺呢個石屎森林，啲番鬼銀行就應該改改用字，冷靜期唔好叫做gardening leave。當種盆栽都未有位，唔好話花園啦。

不過嗰日講到Bear Stearns點解冇咗時，就見到平時冰般冷靜嘅佢，有少許激動。開名鬧花旗國財長Paulson，話佢賤賣資產。原來，有對冲基金肯出幾十蚊一股作價，去收購Bear Stearns，不過統統都被Paulson否決。

左翼banker估Paulson係因為98年，諾貝爾得獎者坐鎮嘅LTCM對冲基金爆煲時，Bear Stearns唔肯出手干預，想市場自由運作，所以先至被針對。佢繼續話，就算賣唔出，就不如一拍兩散，將Bear Stearns清盤，債權人慢慢計算資產價值。

業務萎縮埋伏線

佢話就係咁，所以對Bear Stearns末代CEO係完全滿意。我同佢講：「一拍兩散？之後個末代CEO點樣仲搵到工？投資銀行家為銀行股東？我成日都話，要靠投資銀行搵錢，做客戶、股東都唔得，惟有做員工。」

最後佢話，雷曼兄弟已將業務大幅萎縮，亦都以「下一個係佢哋」嚟形容雷曼兄弟。究竟「下一個係佢哋」點解？大家自己諗諗。

I feel the same...

As the research director of the Lion Rock Institute and hence an ardent supporter of the free market system.

Yes, I have the same feeling every time any government wants to nationalize any business.

Well said 林小珍!

三十年前 奸商名單

上星期，商務及經濟發展局局長劉吳惠蘭女士為佢嘅「逢商必奸」言論作解釋，透過新聞秘書話佢當日嘅言論只係憶述三十年前嘅世界，而今時今日社會環境已經唔係咁。

孫柏文睇到，知道唔係講緊我，因為三十年前我仲未出世，所以對於佢嘅澄清都收貨。

今時唔同往日

不過，作為一個一向關心別人感受嘅人，我將自己代入三十年前劉吳惠蘭嘅處境，嘗試扮演佢，幻想自己係三十年前二十幾歲、啱啱港大畢業，走去大學嘅就業介紹處，搵個adviser指導吓嘅經驗。

去到坐低，個adviser拎住叠資料同劉吳惠蘭講：「以你嘅成績，應該好多大公司爭住請你，係你揀工而唔係工揀你。」於是對方就叫劉吳睇吓啲資料，點知一見間公司個名，就諗起間公司嘅負責人，繼而諗起佢嘅奸詐、不擇手段嘅邪惡。劉吳惠蘭逐張逐張公司簡介拎喺手，對住個adviser講：
「滙豐銀行，沈弼，奸。
太古洋行，Swire，奸。
怡和洋行，Keswick，奸。
和記企業，祈德尊，奸。
中電集團，嘉道理，奸。
東方海外，董浩雲，奸。
新鴻基地產，郭得勝，奸。
長江實業，李嘉誠，奸。
九龍倉，包玉剛，奸。
電視廣播，邵逸夫，奸。
新鴻基證券，馮景禧，奸。
東方石油，霍英東，奸……」

幻想完後，孫柏文嘗試用計數機計吓，以上公司三十年來交稅養活好似劉吳惠蘭呢啲咁嘅公務員嘅款項有幾多，不過因為小弟嘅計數機只係得12個位，當然計唔到啦。

於是我又諗，當時以阿惠蘭嘅激情抱負，冇理由唔叫啲同學唔好加入商界，以免助長奸險商界的歪風，成為邪惡勢力嘅幫兇。作為金手指嘅fans，如果你係劉吳惠蘭當年嘅同學，不妨電郵給我，分享吓佢當年點樣用佢嘅魅力同感染力，成功說服你放棄從商、進入私人機構嘅道路。

經濟神話之形成

最後，我想知道，讀者之中有冇一啲係以上提過嘅公司嘅後人，如果你係，你係咪好應該企出嚟，對劉吳惠蘭話你上一輩、三十年前通通都係奸商作出回應。唔講不但對你祖輩唔公平，而係對嗰一代將香港變成經濟神話，令我哋今時今日有機會嘅後輩唔公平。求求你哋，出聲吧！

We can't let this stubborn, self-righteous, ungrateful, unrepentant bitch get away with this。

「慘過八萬五」兩周年紀念

花旗國禮拜二東岸時間下午兩點半，一名53歲女業主傳真咗張fax畀佢嘅按揭公司。Fax上面話：「到今日你哋收樓時，我已經會唔喺世上。」嗰日嘅下午五點，按揭公司其實已安排咗人去收女業主嘅樓，亦安排咗即時進行銀主盤拍賣。

喺下午兩點半，收到女業主傳真時，按揭公司已即時報警。到下午三點半，警員到達現場時，已經發現該名女業主，吞槍自殺。到下午四點半，原先安排咗嘅拍賣時間前半小時，當有興趣嘅買家陸續到達現場時，女業主嘅屍體仲喺間屋裏面。樓價大跌，生靈塗炭。

預言今日實現

今日同大家講呢場悲劇，孫柏文係抱住最沉重嘅心情去講。呢個世界，好少嘢慘過睇住一場已預見、可避免嘅悲劇，好似有劇本一樣，一步一步咁發生。

06年嘅今日，小弟寫咗篇題為「花旗國樓市將慘過八萬五」嘅文章。文中最後話：「花旗國有好多人買樓係做盡按揭，所以就會好快有一浪一浪嘅負資產出現。銀主盤湧現、破產人數急升、有人自尋短見令到生靈塗炭，特區人民見過，花旗國人民亦將會感受得到，祝佢哋好運！」06年嗰日啲人對篇文嘅反應，可以形容為「比欠佳差少少」。

到07年嘅今日，我又自我檢討咁攞篇文出嚟，同大家話：「今時今日，因為花旗樓市又真係未慘過『八萬五』時代嘅特區樓市，所以我在此承諾，出年今日，我會再檢討。」

到咗08年嘅今日，都唔使我再講，你哋都知道係點啦。

漏洞不斷發生

其實，當年特區嘅八萬五政策，殺傷力最大唔係純粹嗰個政策本身，而係八萬五代表一種管治模式、政策大方向，八萬五本身只係其中最嚴重嘅症狀。

情況好似「次按」唔係花旗國樓市泡沫膨脹、爆破嘅根源，只係症狀一樣。泡沫膨脹嘅根源，就係聯儲局為首嘅「紙幣狂魔」，同各級銀行、金融機構，發現貨幣制度、信貸評級、證券化嘅漏洞。重複又重複咁屈機，將全球信貸供應瘋狂咁膨脹。

泡沫爆破時，悲劇。

Appeared 25th of July 2006

劉吳惠蘭 — One ungrateful bitch

早幾日，孫柏文聽到收音機一段講話，聽到時令我有作悶作嘔嘅感覺。一段收音機、電視台講話令我有咁嘅感覺，97年回歸之後只係試過兩次。
第一次就係98年，我喺香港聽收音機話政府宣佈入市，大舉購買股票托市「去擊退外國炒家」。
第二次就係03年，聽到當時嘅保安局局長葉劉淑儀話：「希特拉都係民選出嚟。」

對上兩次，除咗作悶作嘔嘅感覺，腦中就不斷不停咁諗：「唔會啩？唔係真係香港嚟啩？我哋究竟發生咗乜事？我哋點解搞成咁？」不過已經過咗五年，我人都過咗三十，句說話就算心痛，都應該已能抑壓身體機能反應，原來仲未得。

商界好奸好凶險？

早幾日再次令我有咁嘅感覺嘅講話，就係取代辭職離任嘅馬時亨，新任商務及經濟發展局局長劉吳惠蘭。佢喺電台話：「從冇諗過入商界，商界好奸，商界非常凶險，為咗錢可以你爭我鬥，不擇手段，當人係賺錢機器，無人受到尊重。」

香港每一個喺私人機構做嘢嘅人；
每個每日返工放工，都喺度製造其他市民需要嘅產品同服務嘅人；
每個每日千方百計，盡量希望自己賣嘅嘢，更能滿足市民需要而擊敗對手嘅人；
每個每日辛辛苦苦滿足市民需要，有回報之後，畀政府抽稅嘅人，劉吳惠蘭講緊你。

孫柏文今日想提醒劉吳惠蘭，我有份養你。
我每日要冒住被廣大讀者、網友抨擊嘅風險去養你。
我要申請稅務貸款去養你。
你真係咁同我講嘢？你唔係嘛？You truly are one ungrateful bitch。

公務員系統腐敗

我知道劉吳局長手上最棘手嘅問題，根本唔係「香港電台」問題，其實係要聽隨歐盟啲鬼佬話，為香港通過競爭法。如果因為咁，你講咗以上嘅說話，你就係「葉劉淑儀2.0」。

喺03年，我曾經安慰過自己，一個可以升級再升級嘅香港公務員，冇可能講得出「希特拉都係民選出嚟」嘅說話，冇可能真心相信呢樣嘢嘅人，可以通過我哋香港公務員系統嘅甄別，俾人揀為「人才」。葉劉淑儀可能係「無間道」，諗出呢個終極方法，去推倒23條立法。

我真係太天真，葉劉唔係「無間道」，原來公務員揀人才嘅系統，就係咁腐敗。

World's greatest SIVs

"... I am going to be the next Fed Governor. And my Brother will take over from Hank Paulson as Secretary of the Treasury... WHAK WHAK... Hand me a US Dollar... I mean a banana"

If SIVs (Structured investment vehicles) are defined as vehicles designed and founded by an entity, and then ran as 'independent'.

But when shit hits the fan, the liability is then rolled back into the controlling entity. It's an SIV.

Lets face it. Fannie Mae and Freddie Mac are the world greatest SIVs.

But when searching 'SIV' on Google, perhaps the other definition for SIV (Simian immunodeficiency virus) is applicable.

For the Federal Reserve and the US treasury Dept are truly ran by individuals with the intelligence of Simians.

I'll be shorting Oil here...

I'll be honest here... I'll be shorting oil right now.

The 50 days moving average (DMA) has been broken through, I think it might just go all the way back to the 200 DMA.

For those who is holding CNOOC (883.HK), I will be getting the hell out of the stock right now and wait for a lower entry position to get back in.

拋空係衰人咁買入呢？

呢幾日，見到全球各地好多人都問呢個問題，所以孫柏文都想同大家分享。相信大家都知道，上個禮拜花旗國證監會宣佈推出新措施，令包括「兩房」合共19隻金融機構嘅股票，更難被投資者拋空。

業績公佈金融股把脈

問題就係美證監咁做，即係覺得拋空金融股係錯，拋空嘅投資者就係衰人。
咁係咪買入金融股就係（至少道德上）聖人？
如果買入唔拋空就係聖人，咁點解買入唔拋空石油，就會俾人鬧到仆街？

大家千祈唔好笑花旗國，話佢哋缺乏邏輯。喺特區，大手買入人民幣？有人會話你係邪惡美帝大炒家，一個熱錢團隊成員，想興波作浪破壞祖國經濟穩定。
不過你試吓掉轉頭沽爆港元同時拋空港股？就會有官員用納稅人（即係我哋）嘅錢，體罰你。到十年後嘅今日，該官員仲會喺外國記者前話自己好叻。不過對官股入市後，因為冇晒街貨，所以經紀業成交額暴跌，完全冇悔意。

相信該官員睇蝙蝠俠新片，會覺得出奇，喺特區上空飛嚟飛去嘅蝙蝠俠唔係打煲呔。我話出奇嘅係，點解個Joker唔係打煲呔。This city deserves a better class of bureaucrats。

講番個市。花旗國又到業績公佈期，即係對於佢哋啲金融股嚟講，又到把脈期，能夠被把脈嘅先決條件，就一定先要有脈搏。咁好多金融股嘅股價，喺早排有某程度上反映倒閉嘅危機，點知未死得，拋空咗嘅投資者都要畀畀面平倉。

兩房債券有政府保障

雖然有脈搏，但個市仲係好病。雖然仲未講出口，不過「兩房」嘅債券應該有花旗國政府百分之一百嘅保障。可惜房利美嘅債券，相對國債有越來越大折扣。全球最大嘅債券基金 PIMCO，已經一早落重注買國債同「兩房」債券嘅息差收窄，現在輸緊錢，唔知會唔會老貓燒鬚。大家都係小心行事。