Enron 兩大佬提堂

Enron兩大佬，卒之提堂。Enron有無犯罪？呢個真係艾炖撈。不過無可否認的是，他們當年真的是好勇鬥狠，膽大包天，信心十足。試想想，他們當年做的所作所為，虛構地說，好似香港交易所內的猛將要將成交額提高，自己開公司，要交易所抵押交易所的股票，問銀行借錢去交易所內買賣股票。然後知道貨源歸邊，玩夾倉來谷高股價和成交額。交易所又將成交額，邊為營業額，令公司從營業額角度看，成為花旗國十大公司之一。最後，正當被揭發，繼而交易所股價狂瀉，借了錢的銀行要求還錢，不過有貨冇現金，所以便執笠收場。

其實，遠在一九九八年，當時我還在美國讀緊大學的時候，有一個在找工作，又非常做得嘢既靚女同學同我講過：「我去過高盛、大摩等的投資銀行面試，都沒有見過一班甘寸既自大狂。」我還問她：「妳在大學讀經濟的，妳不像會去一些加州dotcom公司面試？」她回答：「是一間在休斯頓，我都未聽過的能源公司，叫Enron。如果他們沒有支付所有費用，令到我好似去放假，我唔會去。」我再追問：「點解覺得他們甘寸？」她的答案令我說了一句：「我同意，電力都有得炒？主宰世界能源政策去賺錢？他們知不知道一桶石油十蚊都唔使，點炒，點賺錢吖？」

到了２００６年，都唔知邊個係精仔，邊個係廢柴？