沽匯豐

呢期太多事發生，少廢話入正題。先講匯豐（005），兩日前《華爾街日報》話匯豐有消息傳出，話為唔減手頭上現金資本去應付監管機構，又想派現金做職員花紅，所以諗住要批股集資。

老實，孫柏文唔理你匯豐集資為乜，唔夠錢就係唔夠錢。攞員工同監管機構出來，根本係想啲記者搬字過紙咁俾籍口，任何記者以填鴨式教育咁報導都係失職。等我角色辦演：「員工？幫我哋搵錢碼！少財唔出大財又點入呀，被攤薄都抵啦！監管機構？民粹囉，冇計呀！」如果真係批股集資，之後又派花紅同股息，你仲揸匯豐？有冇搞錯呀？佢哋冇錢呀，沽清啦！