「前瞻性指標」

大家今時今日睇數據去估轉勢時，一定要記得今次海嘯嘅源頭花旗國樓市，係由二戰以來第一次下跌而引起。即係所有由二戰之後嘅「前瞻性指標」，啲前瞻功能都可能冇效。

例如，上個禮拜五公佈嘅「持續領取失業救濟金人數」係喺21個禮拜來第一次跌。如果你覺得係好事兼轉勢訊號，咁就大錯特錯。

失業救濟金最長派26周

之前，持續領取失業救濟金人數下跌嘅原因，係因啲人開始搵到工，即經濟轉好。不過今時今日數字跌，係因為花旗國福利制度唔會養人過世，政府平均最長只會派26個禮拜救濟金，用完即止。依家數字跌，係因啲人已開始到冇得再攞嘅階段。

好事？
轉勢？
你諗你囉。