教你上一堂通識教育 花旗國種族關係

孫柏文一連幾日都講白銀，大家都知道我係白銀大好友，而且隻金手指邀功都邀到手指軟，所以，今日想講番啲比較宏觀啲既嘢。順便同大家上一堂，通識教育課。通識教育係乜？總括呢講，就係啲冇model answer既學術研究，什至到係冇答案，研究完得出呢既結果係仲多知多點問題。

今日想講既係，花旗國種族關係。孫柏文有幸係花旗國讀大學，仲要係大學被人告到去最高法院，話我母校種族歧視既時候就讀。嗰陣時，真係覺得係種族問題上，黑人同白人冇偈傾。點知而家，真係有樣種族問題，花旗國黑人同白人都係普遍反對。佢哋反對啲乜？就係墨西哥非法移民囉。

根據估計，花旗國而家係有大約一千一百萬個墨西哥非法移民。花旗國人民話佢哋搶飯碗，同埋用晒納稅人既資源。咁今日通識堂，想研究既第一個角度，就係如果花旗國張墨西哥來既黑工，全部趕走晒，會對伯南克主宰既貨幣政策點樣？嗱，墨西哥來既黑工大約佔花旗國勞動人口既4.9%，而花旗國失業率只係4.7%，咁如果花旗國政府真係趕走晒啲黑工，花旗國生產出來既商品同服務既價格，就自然會升。首先，嚴重影響花旗國商品同服務既競爭力，出口減少，令到貿易赤字惡化，美元受壓。再講，如果花旗國商品同服務價格上升，亦都等如通脹率惡化，到時你話伯南克會點做？如果加息，咁香港會點樣？一條花旗國對黑工既法例，足以震散全球經濟。

再用第二個角度研究，花旗國人民係普遍反對被黑工融入花旗國社會既機會。不過，而家係花旗國參議院，係有一條被黑工融入社會既法例，得到過半數議員支持。有啲人話，咁樣係啱既，議員係應該有道義責任做自己覺得啱既嘢，選民唔likey 可以下次唔投票被佢。又有啲人話，咁樣係唔啱既，議員係應該有道義責任好「貼市」咁代表選民既聲音。呢兩種想法，就係麥迪遜式民主制度，同埋傑弗遜式民主制度既分別。係香港，直選議員都好啲，功能組別議員就日日為呢樣嘢掙扎。唔信？你問下會計界既譚議員。

因為字數有限，金手指就篤住咁多先，都知道大家學到好多野呢？所以大家都唔好話，通識教育冇料到。

再論買白銀姿勢與實際

尋日，孫柏文講過３月６日係本欄為大家用隻金手指篤既投資建議，觸動到蘋果財經版兩位高手，分別係禮拜一同埋禮拜二，對小弟作出咗一啲提點。亦因我隻金手指感激無限，我尋日係本欄對王冠一兄，係佢禮拜一「國際視野」欄，題為「有姿勢無實際、點贏？」一文作咗啲回應，以作報答提點之恩。

咁利世民兄，係佢禮拜二，「利字當頭」一欄，題為「姿勢和實際？」一文亦提點過小弟。小弟亦從世民兄文章中，特別係「姿勢上孫兄就笨拙少少」一句，得到很大既教訓。所以，好似尋日咁，孫柏文今日希望對世民兄既教訓，作一啲回應，以作報答教訓之恩。

而家，我試下總結世民兄對小弟既提點。故事起源，小弟３月６日編文，題為「一注獨贏買白銀」建議大家要強力買入實貨白銀，目標價為120美元一盎士，目標價有效年期為10年。咁世民兄對呢個建議，覺得最唔啱 feel 既係關於目標價有效年期為10年，呢樣嘢。世民兄話：「十年投資目標？香港又有幾多人同你等得咁耐？孫兄如果想黎個難道九點五分既動作，就不如同各位讀者分析下三個月白銀價格，又或者話下畀大家知今年底白銀見幾多都好。」

其實，短線炒作白銀唔係冇方法睇，只不過唔係好準。如果係準，孫柏文以經可以靠炒白銀孖展，發咗達。大家見到我仲未左擁右抱，就知道我未發達。如果真係要短炒，我覺得最好既參考工具，就係用白銀價50日同埋200日平均線。雖然我個隻金手指，成日篤爆技術分析係長線呢講，一定係流嘢，不過如果真係要短
炒，50日同埋200日平均線，係可以幫到你。今次大升浪，白銀現價每一次低過200日平均價，多過5%，都係一個冇死錯既入市價，而每一次白銀現價高50日平均價12%，都係一個好靚既短炒出貨價。而家，白銀現價高50日平均價約11%，所以大家如果係短炒，就小心啲啊。

仲有，世民兄禮拜二亦問了一句：「究竟金手指孫兄咁落力谷白銀為乜？」，而世民兄既結論係：「惟一解釋，就係佢一心想出位，想多的人記得佢個大名囉！」其實，繼尋日為自己被指為「相信會有世界末日既悲觀者」辟謠之後，今日想澄清我唔係為咗「出位」而「咁落力谷白銀」。我「咁落力」叫大家買白銀，都只不過出於一分愛港愛國之心。因為，我覺得每一個炎黃子孫，都應該肩負保家衛國既使命，所以，就「咁落力」叫大家買白銀。咁買白銀同愛港愛國又有乜關係？孫柏文會它朝為大家分解。

你仲有冇用ICQ?

禮拜六晚，孫柏文同班朋友劈完酒之後，又再一次一枝公返屋企。孤零零又wing wing地咁坐係部電腦前面，開下已經唔係好流行既網上短訊程式ICQ，睇下有無失蹤咗既女性朋友蒲頭，跟住用隻金手指同佢地溝通，溝通。其實，今時今日既香港，如果你同啲後生仔女話，交換一下「ICQ號碼」。撞正識少少科網歷史既後生仔女，佢哋都祇會笑你「乜咁out既」。撞正啲唔識科網歷史既後生仔女，佢哋就分分鐘會問你ICQ係唔係Telex或者電報年代既一種通訊技術。

其實，我係係花旗國大學讀緊書既時候，開始用ICQ，差唔多都有十年囉。當時，ICQ如日方中，稱霸網上短訊世界。網上短訊程式好唔好用，是決定於有幾多人用緊個隻短訊程式，因為越多人用個隻短訊程式，你就可以透過個隻短訊程同越多人傾偈。如果畀一個短訊程式你，冇其他人用，更好用，都冇用，因為冇其他人，傾唔到偈。呢一個現象，就係叫做「市集效應」（Marketplace Effect）。係古代時候，一個市集要成功，就要人流高。正當買家賣家都人頭湧湧，買方知道呢個市集有全城最多賣家競爭，就會相信到該市集會搵到最低既價錢。掉翻轉頭，賣方如果知道呢個市集有全城最多買家出價，就會相信到該市集會搵到最高既價錢賣貨。
最後，越係旺既市集就會越旺，越冷清既市集就會越冷清，直至到個市集人多到迫爆，就會見到有啲貨品既買賣雙方，自自然然咁去其他地方做交易。去到今時今日，二十一世紀，係虛擬世界係唔會有「迫爆」，所以如果你有一個全城最旺既「市集」應該只會越做越旺。不過，就算有更旺既「市集」，如果唔用心去管理，買賣雙方遲早會走去其他「市集」。我今日用ICQ搵唔到朋友，代表ICQ既沒落。ICQ既息微就係一個好好既例子，ICQ後來被花旗國AOL買咗，AOL又緊著同埋時代華那合併。最後科網爆破，ICQ變成棄嬰，ICQ越來越唔好用。一個唔用心去管理既「市集」，就算可以靠「市集效應」稱霸世界，都可以玩完。

叫買白銀＝有姿勢無實際？

嘩！孫柏文今次真係受寵若驚，近期小弟既名，係本欄隔籬左右，前前後後，曝光率奇高。有人話過，呢個世界係冇分正面宣傳，或者負面宣傳，所以見到人地講孫柏文，我就感受到一剎那既非理性亢奮。人氣急升原因，都係多得，３月６日小弟係本欄為大家用隻金手指篤既投資建議。嗰日，小弟編文，題為「一注獨贏買白銀」建議大家要強力買入實貨白銀，目標價為120美元一盎士，目標價有效年期為10年。當日，白銀現價為10美元一盎士。而當日，小弟又講過，每一次白銀創新高，我都會出呢邀功，每一次跌，我都會叫大家「趁低吸納」。

咁係上個禮拜五，見到白銀創22年新高，我就出咗呢幫我個隻金手指邀功。點知，觸動到蘋果財經版兩位高手，呢兩日出呢提點下我呢一個乳臭未乾既新進財經口水老（仔？）。首先係，我心目中德高望重既王冠一兄，係佢禮拜一「國際視野」欄，題為「有姿勢無實際、點贏？」一文，提出咗一啲令小弟有好多啟發既提點，所以，今日我會作一啲回應，以作報答提點之恩。第二就係隔籬利世民兄，佢我明天會回應。

而家，我試下總結冠一兄對小弟既提點。冠一兄最擔心既系，如果「盎斯銀價假如去到120美元，你估會是個甚麼世界？…世界末日囉！」。好彩，隻金手指，可以向冠一兄講一句：「I feel your pain，but don’t worry」。首先，我知道有人買黃金白銀，係用呢對沖「世界有末日」既風險。不過，小弟既目標價係排除咗「世界末日」既可能性。因為如果我既目標價，係以世界末日為出發點，我係唔會用美元作為目標價單位，而係會研究，究竟要用幾多盎士白銀，先至可以買到一張乘搭洛亞方舟既船飛囉。

第二，冠一兄又話過：「金價通常是銀價的50倍，如果10年銀價見120美元，那麼黃金豈不…？」冇錯，如果黃金價格飛升至6000美元一盎士，亦都真係會反映到世人普遍覺得「世界末日」即將降臨。不過，小弟可以同大家講，自羅馬帝國時代至十九世紀中，金價同銀價分別相差12至20倍，如果回到12倍差價，120美元一盎士白銀，亦只會等如1440美元一盎士黃金。同埋，小弟唔排除120美元一盎士白銀，唔係反映世人覺得「世界末日」即將降臨，只係反映世人覺得「美元/帝末日」即將降臨。
最後想澄清，小弟係一個不折不扣既樂觀者，如果我係一個覺得會有「世界末日」既悲觀者，我就唔可以每一次浦完吧之後，同自己講：「唔使驚，你下一次一定可以識到女仔。」所以，多謝冠一兄關心，不果唔使膽心！

一個同我同名同姓，又差不多年紀的人。

A person with the exact same name and around the same age as I.

http://www.fayang.com/Article_Show.asp?ArticleID=4619

蘋果批：香港電台安息吧！

一九三九年波蘭民粹政客以保證國土安全為理由，大力主張保留該地歷史悠久的騎兵隊。這批民粹政客因為放不下歷史的包袱，無視科學技術進步，對落後的騎兵依依不捨。最後，面對敵國坦克車攻擊，騎兵隊兵敗如山倒，國家在三個星期內淪陷。

今日的香港電台和她的擁護者，就如當年支持保留騎兵隊的民粹政客一樣，以很多理由，不肯接受時代變遷，不願面對時代進步。香港政府就公營廣播服務開始諮詢，亦可相信改革公共廣播的焦點是放在香港電台上，以及每年放在她身上的四至五億撥款。

〈蘋果批〉認為，唯一可以接受的解救方案，不是全面廢除香港電台，而是將她徹底民營化，斷絕香港電台和政府間的「奶水關係」。我們姑不論四至五億元公帑用在港台身上有否浪費，但肯定的是，在港台工作的精英，會因香港電台現時尷尬身份，才華無法盡情發揮，這才是香港社會的最大損失。

一直以來維護現時港台運作的論點，背後都隱藏兩個假設。第一是香港人沒有分辨是非黑白的能耐，私營傳媒可以誤導他們；第二，私營傳媒機構儘管不會存心誤導群眾，但肯定是不可靠的媒體。我們不能否認每個私營傳媒都有不同觀點與角度，不同信念的媒體持有人，會吸引信念相近的員工，所以從來沒有一個傳媒能夠自稱完全「中立」。

不過，當所有的觀點都有足夠的空間自由表述，不同傳媒的努力就自然會編織出事實真相的全貌。香港印刷媒體有左中右立場絕對是健康的現象，不過電子傳媒因為政府過份規管，令市民沒有足夠選擇，才合理化了香港電台的存在意義。

今時今日，互聯網和流動電訊技術已經讓多媒體資訊進佔香港每一個角落，連政府也沒有能力要求香港人接受甚麼資訊，私營傳媒又怎能夠壟斷資訊、玩弄香港人的思想？那些認為香港人會被操控的論調，其實是對我們獨立思考的一個侮辱。

我們感受到支持港台朋友的憂慮，他們認為最後一顆捍真理的明燈快將熄滅，又憂心黎民百姓日後會被玩弄、操控。不過，想深一層，如果港台真的是唯一一所能夠提供真相報道的傳媒，倒不如倡議政府立法把所有私營媒體取締掉，把香港電台重新定位成前蘇聯《真理報》的接棒人，改叫「香港真理台」。

希望政府透過今次改革公共廣播政策，重視肯定政府是相信香港市民明辨是非的能力，亦接受科技一日千里的現實，Podcast、網上電台、Bittorrent（BT）同網誌，是分分秒秒在發育的媒體世界的一角，人人都可以是新聞話事人。一個把持到真理的網友可以用簡單的網誌打倒講大話的跨國傳媒。

香港電台作為一個以公帑餵哺的官僚機構，已經完成了她的歷史任務。這個不合時宜的組織，理應接受全面民營化或被廢棄的命運。每年四億多的公帑，實在有太多更迫切的用途，例如醫療、教育和減輕中產負擔。

今日的港台就如昔日的騎兵中看不中用，多謝港台，但現在是妳安息永別的時候了！

蘋果批：壟斷令官僚生補鑊心態

香港經濟神話，簡單地說是由一個完全沒有天然資源的窮地方，在三四十年間發展成一個可以媲美世界上最發達國家的地方。當年香港不但缺乏天然資源，其實資金和營商條件都缺乏，有的只是大量廉價的勞動人口，和一個不會事事都管的小政府。

有效的資本分配，不但可以成就積極進取的創業者，亦會釋放勞動人口潛在的生產力，提高人民的薪金水平。香港經濟增長最高速的七八十年代，香港人生活水準提高，全賴一套活躍澎湃的資本分配機制。當時香港的資本分配渠道百花齊放，反映了政府不但相信投資者會經過深思熟慮才作出投資決定，而且還絕對尊重投資者才是決定資本去向的最佳舵手。

如果當年的香港政府以保護投資者為名去作出任何所謂的監管，箝制投資者的作決定的自由，結果只會令到「香港號」行駛的速度減慢，令到香港人生活水平進步的速度拖慢，香港人也沒有機會享有今天的繁榮富庶。

歷史已經證明，金融市場是整個資本分配機制的關鍵之所。雖然大部份的創業者都不會到股票市場去集資，但是百花齊放的金融市場始終為創業者實在地提供了集資渠道的選擇自由。一個真正的自由市場，建基於一個非常簡單的原則，就是政府尊重市場上買賣雙方的決定，而交易之後的成敗得失亦要買賣雙方自行承擔。雖然有人可能認為，像牛頭角順嫂那類型的投資者是需要政府出手去保護，但可以相信牛頭角順嫂每天買菜買肉，難道買股票這樣的重要投資會輕易決定？
八十年代末，經過四會合一之後，香港股票市場的當權者可以停市四天，政府便開始背離了上述的原則，所有的政策美其名為保護投資者，不過其實都是為了增加官僚權力，讓政府可以介入投資者活動自由而設的控制。

時至今天，政府製造出來的監管官僚，已經將香港股票市場傳統為創業者提供機會的功能，變成資本主義的動物園，養著各式各樣的「受保護物種」。四會合一之後才面世的公司，亦比以前更難享用到市場的養份，因此香港的企業亦沒法壯大。當百花齊放的金融市場被一個怕「揹鍋」的壟斷性官僚制度取代，不少中小企的僱員因為企業無法壯大，潛在的生產力亦不能盡情發揮，因此工資增長被拖累，令生活水平亦無法提高。

昨日證監會就認股證市場提出六點針對性官僚「補鍋方案」，亦反映了現今政府官僚對香港的金融市場是否百花齊放毫不在乎。今次的補鍋方案主要針對自2002年之後引進的認股證莊家制度，政府當年強行推行莊家制，是為了解決之前認股證交投量偏低的另一個補鍋方案。

當年本來沒有官僚多此一舉，其實只消取消繁瑣的監管限制，類似莊家制形式的活動一樣會出現，甚至比現在的官僚式莊家制更有效。更根本一點的問題，就是香港的唯一交易所壟斷市場，也缺乏正面競爭。不要說甚麼認股證，其他的金融工具也會迎合市場需要而自動出現！那用馬時亨和David Webb 等自高自大的控制式計劃經濟信徒指手劃腳說三道四？

一百億桶油，又如可？

孫柏文以前做分析員時候，睇見好多行家每日都出好多買賣建議。大多數建議都算有根有據，不過有時的山埃就唔知道佢地究竟係唔係想害人。個陣金手指只不過係業餘嗜好，只會茶餘飯後去篤爆同行(的)害人建議。每一次發表完我啲偉論之後，我都會問一句：「囂！我就唔信佢自己會買勒！」

後來，自己做分析員做得耐，發現就算分析員跟自己既建議做買賣，亦唔代表分析員對自己既建議有100%既信心。如果大家真係要知道究竟分析員對買賣建議係唔係有100%信心，最好就睇一睇該分析員既母親有冇跟建議就得勒。因為如果建議錯咗，呢位分析員一定被煩到無覺好(目訓)。所以如果有機會響互動情況下同分析員傾佢地的建議，記著問：「令壽堂有冇買先？」咁就知道買賣建議係唔係堅料。

孫柏文以前做石油股分析員既時候，耐唔耐就會篤隻石油股叫阿媽買，我阿媽亦耐唔耐執到的，畀佢可以落茶餐廳享受一下Afternoon Tea加蛋撻。不過，分析員母親們始終不是熟行的分析員，她們所注意的新聞往往同貼市分析員睇個啲唔同。例如早排祖國中央政府宣布，計劃用上千億元去投資核子能源，搞到我阿媽即刻捉住我問：「咁多核子能源，石油公司咪死羅？」

好彩我阿媽係醒目人，我畀左些少中央政府的能源數據，佢就識得話︰「車！原來得個幾個巴仙核能，祖國真係仲需好多石油。」

上周又有一單咁誤導既新聞。話說中美洲Tequila國總統宣布響離岸海域發現一個蘊藏一百億桶石油既超級油田。如果大家唔熟識石油業，就可能會覺得呢個油田一定可以解決世界能源危機，令到石油股大跌。
不過睇真啲，每日世界平均消耗八千萬多桶石油，一百億桶亦只可以維持世界一百多天的消耗量。仲有Tequila國政府對石油業一向採取封關鎖國既態度，令到好多外國尖端科技都無法引入。呢個油田最少5至7年先投產，所以有排都唔會影響石油價格。金手指篤這個故事出來，都係希望大家睇新聞唔好淨係睇頭條，一定要分析清楚先好買賣。

教佢炒人　教你買銀

嘩！孫柏文今次真係醒！隻金手指真係冇得頂！話說前日，我響公仔箱睇見二少和「黎．古惑拉」，來了場贊人熱淚的「斷背握」。又見到冬姑識做，遇到呢個情況，企埋一邊比佢哋兩個繼續纏綿。令到我有感而發，問了一句：「這場鬧劇不是這樣收場嗎？有冇搞錯，炒左個編劇啦！」搞到我即刻諗下其他領導人會點，結過寫了昨天的「九鐵事件，列根會點做」。

孫柏文只不過是利用前花旗國總統列根炒晒搞事份子的例子，去暗示給特區領導層有關人仕，唔可以縱容造反，以及殺一警百的重要性。點知，有關人仕真係聰明，一睇完我編嘢，被我隻金手指篤醒之後，即刻造嘢。攞番「黎．古惑拉」一早已經簽了的辭職信出黎，叫「實Q」睇住佢執嘢，然後拉閘放狗。所以如果大家想睇有前瞻性的文章，就一定要睇我孫柏文的金手指。剎有介事話這呢件事「峰迴路轉」，只係是的無遠見，同無睇我孫柏文金手指既人先會說。

幫自己賣完廣告之後，想用今日的機會，去解答一些讀者的問題。有讀者問，如果想買實貨白銀，可以去邊度買。所以金手指亦做了點功課，為大家去篤一些買實貨白銀的渠道。抄左一陣，孫柏文可以同大家講，原來香港很多金行，都可以為大家用現金實貨去進行黃金白銀買賣。一舊cash，一舊白銀。要賣既時候，就掉翻轉，一舊白銀，一舊cash。我條針話︰「金行朋友好均真，又有彈性，賣金又得，賣銀又得，飾金都收。小至四錢一條鏈，大至一條十公斤金磚，統統有交易。」

最衰香港實在有太多間金行，金手指唔可以淨係篤一間。大家都知我係全世界對實貨白銀最睇好既財經口水佬，所以希望睇到呢篇文既金行，自己識做在金手指專欄附近登廣告，謝謝！

金手指：九鐵事件列根會點做

花旗國年輕基督徒近年興起一個對人處事方法的潮流，就是每次遇到難題，都會問句「耶穌基督會點做？」（What Would Jesus Do?），簡稱為WWJD。這個潮流影響美國社會很多其他派別人士爭相抄計，將自己派別的「聖人」安放上問題之上。
花旗國自由市場派人士，便會用第一代牛仔總統，八十年代花旗國領導人列根。特別遇到足以影響國家經濟的勞資糾紛的時候，他們便會問一句「列根會點做？」。
話說當年列根剛剛上台，全國13000個地面飛機控制員罷工。列根二話不說，就將他們全部炒魷魚。雖然航空交通指揮員工會曾經在1980年的花旗國總統選舉支持列根，不過列根為了殺一儆百，便將13000個罷工者全部炒魷魚。最厲害的是，這個舉動沒有影響航空運作。自此之後，阻礙經濟發展工會行動的次數便大大減少了。這個行動背後的高深政治學，總括來說是︰「咩話？玩？造反？當我流？炒晒你！」這五步。
雖然他老人家已經仙遊，如果唔係可以問佢九鐵事件，特區政府究竟應該點做。不過家既然事件已經平息，都唔好話我特區領導人曾爵士冇料到。
幕後玩家
再講，這件事件引發了很多陰謀論。有隔籬世民兄「苦肉炖冬菇」論，又有人話左派玩的「2007倒曾」論，甚至有人提出「黃藍黨為唐唐鋪路」論。孫柏文一聽到，隻金手指便想篤爆佢謬論。呢單，一定係警監會做出來，等人冇咁留意佢醜聞。如果唔係警監會，就一定係班傳媒老闆，為了谷高收視或出紙數而編的鬧劇。
其實如果想知道真相，大家只要留意這班成世都貪生怕死官僚，不過一夜之間變成叛軍英雄的人，退休之後的收容所在哪裏，便會大概知道邊個係幕後玩人。到時，孫柏文隻金手指一定會篤佢出來，等大家唔使好似追劇但又睇唔到大結局咁慘。

為女權一戰

《金手指》這一欄，一向都以輕鬆的心情談及世上大事。由祖國能源危機到禽流感，由惡性通貨膨脹到反恐戰爭都開過玩笑。不過今日真係要好認真，同大家講下一個男女平等有極大威脅既民粹建議。

上個禮拜38婦女節，有一班冇事做的人大叫，要為香港姊妹們爭取每月一次既所謂「月經假」。呢個建議不單唔會幫姊妹們改善生活水準，仲會建立一個「男女因生理分別，所以根本沒可能在工作表現上平等」。

自小父母便灌輸「雖然男女與生俱來生理分別，不過在職業上男女平等，what men can do，women can too。」相信很多香港家長都有同自己小朋友講呢個信念。我父母給妹妹家姐和我最好的教育機會，反映了他們深信這理念，而我家中兩名女將都懂得把握機會，依家兩個都係Dr. 孫，為人民服務。我呢個男丁反而失手，淪為一個財經口水老 (不過我都引以為榮)。

所以聽到的白痴話要落實一個肯定「男女因生理分別，所以根本沒可能在工作表現上平等」的政策，隻金手指即刻激到彈起。 佢地話南韓及日本都有所謂「月經假」，所以我們香港也要有！佢地有沒有想過，南韓及日本都是嚴重歧視女性的社會，覺得男女在工作表現上沒可能平等。「月經假」反映了這個心態。我地香港人可以接受這個謬論嗎？

現今社會，男女生理分別根本不是影響工作表現的因素。 十九世紀末，女權運動爭取男女平等對待，就是建於男女生理分別不會影響女性比男性的能力。民粹政客一個「月經假」建議，就推翻了這個信念，點都諗唔到有人竟能可以這麼戇居。
最後，孫柏文希望那些支持「月經假」的人仕，可以向他們的女兒說：「阿女，因為妳的身體構造，妳永遠都比不上男人，唔好爭取男女平等，不如跟我上街去肯定男女因生理沒可能平等吧。」如果他們真的可以向他們女兒說這句話，孫柏文也會收起隻金手指，唔再去篤爆佢哋。

歐洲紅白藍芝士國，又發生學生抗議事件。孫柏文響花旗國大學生活既時候，已經好鍾意睇人搞學運，睇下佢哋嘈乜嘢。求學時期，我母校都好多人搞學運，每一次我都會去睇睇，睇下有無靚女。

當時孫柏文仲以為這些學生運動家一定對真理好執著，亦都唔介意有人會犯顏篤爆佢哋深信的謬論，甚至會欣賞好似我一樣有金手指既人。 當時我同佢地爭拗、去篤爆去玩嘢，其實只是希望多點人欣賞我隻金手指。

不過得到一班麻甩友既欣賞我，對我呢個血氣方剛青年，真是沒有什麼增值的可言。所以，每一次有學運我都會去特別捉住比較靚女既學生運動家，跟著用隻金手指去篤醒佢。諗著佢會好欣賞我既真誠。點知過左四年，要去到大學最後一年的最後一個學期，先至明白點解我讀大學的時候冇拖拍。

自此之後，為了自己生活不會淡而無味，孫柏文見到靚女學生運動家既時候，隻金手指都很少出鞘。最慘係冇篤嘢既時候，我個腦同埋隻金手指都會唔高興，而有篤嘢既時候，荷爾蒙分泌就不平衡。後來身體各部位達成共識，唔係唔可以篤，不過要像奧運會一樣，要到四年一次既立法會選舉先至可以去篤爆靚女社會運動家的謬論。

上個禮拜，孫柏文睇屋企個部公仔箱，見到的芝士國大學生時，便舊病復發。

芝士國熱血青年高叫國號「自由、平等、博愛」，抗議(岩岩)通過既「首次僱用合約」法例。呢條法例容許芝士國的老闆比較容易去大膽起用年青工人，不過就無左以前個種「免炒金牌」。表面上，學生不滿冇咗以前那種有人請便無得炒既「保障」。不過這些學生唔明白，如果老闆請錯人但係又唔可以換人，佢地就連請人都慳返。依家可以老闆試到啱為止，所以亦可以盡情請人試試，對學生實在百利而無一害。

不過孫柏文相信，這條法例生效之後，大家都會減少見到芝士國學生去搞學運。因為到時年青人勞工市場搞活了，大家都會忙著去打履歷，準備面試，又點會好似而家咁失業，大把空閒時間去搞搞震，搞學運？

最後奉勸所有家長，如果你的仔女大把空閒時間去搞搞震，與其鬧佢哋無所事事，不如跟我一起去篤爆立法會內，社會主義政客提倡的那些所謂勞工「保障」。

想炒「環保」？買中石化！

全國政協同埋人大會議相繼閉幕。祖國中央政府今次乘機向兩岸四地的人民，解釋未來會推行的政策。傳媒自然將焦點放在兩岸問題上，雖然這個問題由一九四九年到依家都未解決，不過都唔好話無變數，唔好唔值得關注。

如果兩岸有乜易郁打起上來，台北食飛彈，我哋香港，作為祖國首屈一指的城市，亦必然會食飛彈，又如果到時添馬艦已經變成政府總部，一支巡航導彈，就可以擺平解放軍，國務院，同埋我哋特區政府駐港總部。作為特區人民，都唔好話唔驚，唔知民建聯係唔係收到「內部」memo，有先見之明提出要「遷都」到九龍。

當然，孫柏文個隻金手指，都希望從政協人大會議中提過的新政策方向，為大家篤一個投資機會。兩岸問題實在太多變數，金手指都諗唔到從那個角度去提供投資建議，只不過希望天下太平，阿彌陀佛！反而孫柏文覺得最有投資價值的新政策，就是領導人對環保的方向。

多種跡象顯示，祖國今次對環保真係好認真。孫柏文成日話，如果將政府比喻成為一家之主，政策是分三大層面。第一層係國防。打個比喻，如果有人爬入你屋企，揸支槍對主你家小，你第一時間梗係諗點樣可以趕走個賊，仲邊會有人心情諗下一餐開唔開到飯？

再提升一個層面。當個賊走左，屋企又換埋新鎖，不過你無工開，擔心下一餐開唔開到飯，你係唔會閒情去管人你(的)「二手煙」，更加唔會諗究竟十年八年之後會否會令家人帶來癌症。第三層，當你步入小康，開始可未來計劃，你同屋企就會開始擔心「二手煙」危害健康。

世界各國的環保運動，都是國家去到第三層的發展階段，才有足夠的國民支持得而成功。祖國經過多年來的經濟發展，應開始進入第三層的發展階段。 中央政府政策軍火庫內，對促進環保確實有一個強大武器，就是「能源價格市場化」。

現在電油、柴油、電力都是控制在市場價格之下，令到短缺、浪費、排對等市場失調症狀出現。如果能源價格可以提昇到市場價格的程度，中央政府便可以利用「貪錢」商人希望增加成本效益的動力，去達成環保這個目標。最後給讀者一個投資建議，如果石油副產品價格因環保市場化，最大得益者必是中石化(386)。所以想炒環保概念，一定要買中石化。

蘋 果 批 ： 徵 丁 屋 稅 拆 這 計 時 炸 彈


據 鄉 議 局 估 計 ， 合 資 格 享 有 丁 屋 權 利 的 原 居 民 為 數 約 二 十 四 萬 ， 單 以 這 個 數 目 來 推 算 ， 香 港 潛 在 可 建 的 丁 屋 樓 面 面 積 高 達 五 千 多 萬 平 方 公 尺 ， 差 不 多 等 於 現 有 的 所 有 住 宅 面 積 的 四 成 。 試 想 這 種 潛 在 的 供 應 又 豈 不 會 對 香 港 的 住 宅 市 場 構 成 龐 大 壓 力 。 符 合 享 有 丁 屋 權 利 的 人 數 只 會 不 斷 增 加 ， 也 意 味 香 港 整 個 社 會 要 共 同 承 擔 一 個 不 可 以 履 行 的 承 諾 ， 這 個 政 策 炸 彈 遲 早 會 引 發 。

丁 屋 究 竟 是 殖 民 地 政 府 對 原 居 民 的 一 種 補 償 ？ 還 是 原 居 民 與 生 俱 來 的 一 種 特 權 ？ 還 是 政 治 壓 力 之 下 的 一 種 妥 協 ？ 一 九 七 二 年 十 一 月 二 十 九 日 ， 當 時 的 新 界 民 政 署 長 黎 敦 義 （ Denis Bray ） 在 立 法 局 提 出 將 丁 屋 納 入 規 範 化 的 政 策 綱 領 之 內 ， 已 經 再 三 表 明 丁 屋 政 策 只 是 權 宜 之 計 ， 讓 原 居 民 暫 時 可 以 興 建 合 理 的 居 處 ， 待 新 界 的 規 劃 和 發 展 成 熟 後 原 居 民 便 慢 慢 融 入 城 市 生 活 之 中 ， 丁 屋 的 需 要 也 不 會 繼 續 存 在 。

當 時 對 丁 屋 政 策 反 對 最 力 者 ， 擔 心 這 項 政 策 會 扭 曲 城 市 規 劃 發 展 ， 也 擔 心 一 旦 缺 口 打 開 殘 局 便 無 從 收 拾 。 雖 然 當 時 的 殖 民 地 政 府 對 這 些 批 評 置 若 罔 聞 ， 事 實 上 丁 屋 這 項 臨 時 政 策 對 今 時 今 日 仍 然 看 不 見 盡 頭 。 此 外 ， 當 時 黎 敦 義 亦 直 言 不 諱 丁 屋 政 策 將 會 分 化 城 市 人 和 原 居 民 。 事 實 上 ， 要 不 是 丁 屋 政 策 的 存 在 ， 原 居 民 這 種 身 份 亦 不 會 人 為 地 被 延 續 下 來 。 村 長 選 舉 和 婦 女 權 益 等 問 題 ， 其 實 也 只 不 過 是 因 為 丁 屋 政 策 而 衍 生 出 來 的 社 會 矛 盾 。

政 府 早 前 提 出 興 建 二 十 層 高 的 新 形 丁 屋 ， 以 解 決 手 頭 上 近 一 萬 二 千 個 的 丁 屋 申 請 。 事 實 上 ， 政 府 容 許 丁 屋 向 高 空 發 展 ， 等 同 鼓 勵 原 居 民 加 入 地 產 發 展 的 行 列 。 誰 不 知 樓 宇 可 以 起 得 愈 高 ， 潛 在 利 益 便 愈 大 ？ 只 怕 這 缺 口 一 開 就 會 像 當 年 開 始 丁 屋 計 劃 一 樣 ， 變 成 了 既 得 利 益 政 治 ， 丁 屋 只 會 愈 起 愈 高 ， 申 請 的 人 數 也 愈 來 愈 多 。 政 府 這 個 新 丁 屋 政 策 建 議 不 但 沒 有 根 本 解 決 問 題 ， 反 而 提 供 了 更 大 的 誘 因 去 吸 引 更 多 原 居 民 去 加 入 搶 建 丁 屋 。

真 正 的 政 策 構 想 ， 應 該 是 在 合 法 以 及 尊 重 原 居 民 文 化 的 大 前 提 下 ， 解 決 丁 屋 這 一 個 尾 大 不 掉 的 包 袱 。 政 府 和 公 眾 必 須 面 對 現 實 ， 承 認 丁 屋 已 經 由 「 暫 時 為 原 居 民 提 供 住 處 」 的 功 能 ， 變 成 了 一 種 人 為 的 世 襲 式 特 權 。 當 然 ， 在 明 文 法 規 下 的 丁 屋 權 亦 不 應 該 隨 便 逆 轉 ， 時 事 評 論 員 Jake van der Kamp 便 提 出 可 以 繼 續 讓 原 居 民 享 有 建 築 及 居 住 丁 屋 的 權 利 ， 不 過 若 丁 屋 轉 讓 或 出 租 ， 所 有 收 入 就 會 全 數 被 徵 收 為 丁 屋 稅 ， 目 的 就 是 要 杜 絕 一 切 以 丁 屋 謀 利 及 扭 曲 市 場 的 行 為 。

丁 屋 稅 甚 至 可 以 限 定 用 作 鄉 村 發 展 及 推 廣 原 居 民 文 化 的 用 途 ， 這 也 可 以 算 得 上 是 對 香 港 原 居 民 有 一 點 交 代 。 最 重 要 一 點 是 當 丁 屋 不 再 是 一 個 謀 利 的 工 具 ， 那 些 有 真 正 需 要 的 原 居 民 便 可 以 更 快 獲 得 批 准 興 建 丁 屋 ， 無 疑 這 是 一 個 既 合 理 又 公 道 的 做 法 。 政 府 說 要 強 政 勵 治 ， 這 是 千 載 難 逢 的 好 機 會 ！

蘋 果 批 ： 通 訊 事 務 管 理 局 　 有 所 為 　 有 所 不 為

一 九 九 五 年 三 月 三 日 ， Yahoo ！ 這 間 今 天 市 值 四 百 五 十 億 美 元 （ 約 三 千 四 百 九 十 億 港 元 ） 的 互 聯 網 公 司 剛 剛 成 立 了 一 天 ， 可 是 這 天 香 港 政 府 的 一 次 搜 捕 行 動 ， 卻 為 香 港 新 經 濟 前 途 的 發 展 畫 上 了 句 號 。 這 一 天 是 香 港 新 經 濟 的 黑 色 星 期 五 。

雖 然 當 時 已 經 有 少 數 電 腦 發 燒 友 開 始 研 究 互 聯 網 是 甚 麼 一 回 事 ， 世 界 上 甚 至 還 未 有 互 聯 網 服 務 供 應 商 這 個 概 念 。 這 一 天 ， 警 方 商 業 罪 案 調 查 科 探 員 連 同 電 訊 管 理 局 職 員 ， 在 事 前 沒 有 通 知 或 警 告 的 情 況 下 ， 搜 查 七 間 公 司 辦 公 室 並 充 公 有 關 的 電 腦 器 材 。 估 計 這 次 行 動 令 一 萬 名 互 聯 網 用 戶 無 法 上 網 。

當 時 電 訊 管 理 局 聲 稱 ， 這 次 搜 捕 是 為 了 調 查 「 有 關 電 腦 黑 客 活 動 的 商 業 罪 案 」 。 最 耐 人 尋 味 的 是 ， 在 警 方 的 搜 查 令 以 及 之 後 的 檢 控 過 程 當 中 ， 完 全 沒 有 再 提 及 有 關 黑 客 的 問 題 ， 可 是 卻 有 八 名 人 士 因 「 無 牌 經 營 電 訊 服 務 」 被 拘 留 問 話 。 事 實 上 ， 電 訊 管 理 局 在 同 年 的 一 月 十 九 日 曾 去 信 這 些 服 務 商 ， 表 示 將 會 對 牌 照 事 宜 發 出 指 引 ， 可 是 另 一 方 面 市 場 上 兩 家 持 牌 服 務 商 ， 亦 曾 公 開 表 示 會 向 電 訊 管 理 局 施 壓 。 究 竟 這 次 搜 捕 ， 是 行 政 上 的 溝 通 問 題 ， 還 是 政 府 被 人 利 用 為 打 擊 對 手 的 工 具 呢 ？

究 竟 上 網 收 電 郵 對 社 會 構 成 多 大 的 危 害 ， 要 勞 師 動 眾 地 進 行 大 規 模 的 搜 捕 呢 ？ 自 命 對 一 切 完 全 掌 握 的 官 僚 ， 也 有 他 們 不 了 解 的 事 。 一 般 人 面 對 不 明 白 的 事 ， 會 去 嘗 試 了 解 學 習 ， 可 是 自 高 自 大 的 官 僚 卻 會 循 另 一 種 完 全 不 一 樣 的 思 維 去 處 理 未 知 的 事 ， 他 們 會 想 盡 一 切 辦 法 去 設 立 各 種 關 卡 障 礙 ， 美 其 名 是 製 造 一 個 有 秩 序 的 環 境 ， 實 質 只 是 為 了 保 護 他 們 的 權 力 ， 要 市 場 聽 命 於 他 們 。 可 惜 ， 官 僚 所 不 知 道 的 是 ， 這 些 種 種 行 政 權 力 ， 其 實 也 被 市 場 中 最 財 雄 勢 大 的 財 團 利 用 ， 不 但 削 弱 市 場 中 的 競 爭 ， 更 重 要 是 令 到 消 費 者 得 不 到 最 好 最 多 的 選 擇 。

雖 然 電 訊 管 理 局 經 常 自 詡 引 入 電 訊 業 競 爭 的 功 勞 ， 可 是 仔 細 一 點 看 歷 史 便 不 難 發 覺 這 官 僚 扼 殺 競 爭 同 樣 罪 孽 深 重 。 香 港 電 訊 市 場 被 少 數 財 團 壟 斷 的 市 場 ， 最 大 原 因 是 出 於 電 訊 管 理 局 官 僚 僵 化 的 發 牌 制 度 。 電 訊 管 理 局 的 技 術 官 僚 甘 心 為 財 團 服 務 ， 以 發 牌 作 為 財 團 打 擊 對 手 的 工 具 。

今 次 工 商 及 科 技 局 建 議 改 組 現 有 的 所 謂 監 管 架 構 ， 成 立 通 訊 事 務 管 理 局 辦 公 室 ， 政 策 制 訂 者 最 重 要 的 考 慮 ， 並 非 自 大 地 去 構 想 甚 麼 偉 大 的 監 管 方 案 ， 而 是 避 免 再 為 既 得 利 益 者 服 務 ， 想 辦 法 去 為 市 場 競 爭 帶 來 正 面 影 響 。 事 實 上 ， 香 港 有 不 少 新 技 術 和 服 務 ， 因 為 正 面 威 脅 既 得 利 益 者 的 業 務 被 拒 諸 香 港 之 外 ， 最 佳 的 例 子 就 有 第 三 代 流 動 電 訊 商 （ 3G ） 游 說 政 府 禁 制 市 民 引 入 WiMAX 技 巧 。

通 訊 事 務 管 理 局 另 一 個 重 點 ， 是 要 放 棄 過 往 那 種 規 管 資 訊 內 容 的 思 維 。 官 僚 亦 必 須 明 白 ， 監 管 機 構 在 互 聯 網 世 界 幾 乎 無 可 能 對 資 訊 作 出 任 何 規 管 。 事 實 上 ， 香 港 的 監 管 機 構 又 如 何 監 管 境 外 的 資 訊 供 應 者 的 內 容 ？ 政 府 倒 不 如 面 對 現 實 ， 接 受 EOIP （ Everything over Internet Protocol ） 的 路 向 ， 由 市 場 去 主 導 香 港 電 訊 業 的 藍 圖 。



Never will we see a Yahoo! in Hong Kong
Because of our government.

金 手 指 ： 美 元 「 最 後 審 判 日 」

讀 者 甲 ： 「 嘩 ！ 比 喻 黃 金 和 紙 幣 關 係 ， 孫 柏 文 你 使 唔 使 出 動 到 『 上 帝 大 戰 凡 人 』 呀 ？ 用 落 敗 總 統 候 選 人 麥 凱 恩 （ John McCain ） 對 格 林 斯 潘 看 法 的 小 故 事 ， 就 話 凡 人 對 上 帝 力 量 不 恭 敬 、 不 畏 懼 ， 咁 小 事 就 話 可 以 看 通 令 到 黃 金 價 格 上 升 。 讀 者 不 服 ， 怕 你 隻 金 手 指 難 以 再 篤 。 」 這 些 不 經 大 腦 的 挑 釁 ， 孫 柏 文 平 時 都 不 會 理 會 ， 因 為 好 像 沒 有 分 析 過 我 那 篇 文 章 。 但 有 一 位 前 輩 對 我 講 ： 「 操 控 紙 幣 發 行 的 西 方 央 行 模 式 ， 已 經 迷 惑 很 多 人 ， 好 多 聰 明 人 都 墮 進 呢 個 陷 阱 。 為 求 保 護 特 區 祖 國 人 民 ， 孫 柏 文 你 一 定 要 用 你 隻 金 手 指 ， 去 篤 醒 香 港 人 。 」 今 日 就 當 為 國 家 服 務 ， 解 釋 一 下 。

黃 金 價 格 就 是 凡 間 紙 幣 跟 黃 金 的 兌 換 率 ， 亦 代 表 紙 幣 的 購 買 力 。 用 一 個 簡 單 的 例 子 ， 如 果 市 場 上 只 有 100 盎 斯 黃 金 ， 而 亦 只 有 100 美 元 ， 那 1 美 元 便 可 以 買 1 盎 斯 黃 金 。 大 家 試 想 像 ， 天 仙 下 凡 ， 給 市 場 供 應 多 100 盎 斯 黃 金 ， 那 用 1 美 元 便 可 以 買 到 2 盎 斯 黃 金 。 掉 番 轉 頭 ， 如 果 中 央 銀 行 的 印 刷 機 ， 給 市 場 供 應 多 100 美 元 現 鈔 ， 那 麼 要 用 2 美 元 才 可 以 買 到 1 盎 斯 黃 金 。

天 仙 下 凡 的 機 會 大 ？ 還 是 印 刷 機 啟 動 的 機 會 大 ？ 上 帝 製 造 地 球 的 一 刻 ， 已 經 注 定 了 地 殼 中 黃 金 的 蘊 藏 量 ， 不 可 能 被 有 貪 念 的 人 類 去 複 製 ， 令 到 市 場 供 應 氾 濫 ， 價 值 大 跌 。 紙 幣 就 有 好 大 分 別 。 以 前 紙 幣 供 應 ， 還 需 要 靠 印 刷 機 及 紙 張 。 現 在 中 央 銀 行 只 需 要 在 鍵 盤 按 幾 個 鍵 再 加 一 次 「 Enter 」 ， 便 可 以 把 紙 幣 供 應 提 高 。 唔 用 卑 微 的 凡 人 大 戰 全 能 的 上 帝 做 比 喻 ， 又 點 得 呢 ？

最 後 ， 忠 告 盲 目 相 信 紙 幣 的 信 徒 ， 操 控 黃 金 供 應 的 上 帝 ， 不 是 一 個 聖 經 新 約 的 上 帝 ， 而 是 一 個 聖 經 舊 約 的 上 帝 ， 是 會 懲 罰 那 些 不 自 量 力 ， 自 覺 已 有 媲 美 神 的 力 量 的 凡 人 。 以 上 的 比 喻 中 ， 由 1 美 元 對 1 盎 斯 黃 金 到 2 美 元 對 1 盎 斯 黃 金 ， 就 是 100% 的 通 脹 率 ， 就 是 這 類 通 脹 在 凡 間 引 起 數 之 不 清 的 戰 爭 和 饑 荒 。 雖 然 強 大 的 央 行 可 以 令 人 覺 得 天 下 太 平 ， 不 過 歷 史 一 次 又 一 次 證 明 ， 凡 人 鬥 不 贏 上 帝 ， 紙 幣 必 敗 於 黃 金 。 在 美 元 的 「 最 後 審 判 日 」 ， 希 望 你 不 是 一 個 會 被 懲 罰 的 人 。

金 手 指 ： 鑽 石 可 以 保 值 ？ 哈 、 哈 、 哈 ！


經 過 一 連 兩 日 講 過 白 銀 同 埋 黃 金 之 後 ， 好 多 讀 者 問 關 於 保 值 的 問 題 。 有 一 位 特 別 對 其 他 礦 產 有 興 趣 的 讀 者 ， 問 了 孫 柏 文 對 於 鑽 石 是 否 可 以 保 值 的 看 法 。 所 以 孫 柏 文 希 望 用 今 天 的 文 章 回 答 這 位 讀 者 的 問 題 。 其 實 ， 今 天 的 鑽 石 是 否 可 以 成 功 保 值 ， 大 家 可 以 參 考 珍 珠 的 歷 史 。

在 人 類 古 代 歷 史 中 ， 珍 珠 價 值 連 城 ， 話 說 埃 及 妖 后 同 埋 佢 愛 人 古 羅 馬 王 安 東 尼 進 行 了 一 場 比 賽 ， 看 誰 能 夠 舉 辦 最 豪 「 派 對 」 。

在 第 一 回 合 ， 安 東 尼 舉 辦 了 一 場 空 前 絕 後 、 「 賓 墟 」 場 面 的 宴 會 ， 搜 羅 羅 馬 帝 國 版 圖 中 所 有 珍 禽 異 獸 ， 又 不 惜 工 本 用 盡 黃 金 、 白 銀 去 裝 飾 場 地 ， 搞 氣 氛 。 安 東 尼 沾 沾 自 喜 向 埃 及 妖 后 問 了 一 句 ： 「 你 能 夠 比 這 派 對 更 豪 嗎 ？ 」
埃 及 妖 后 只 向 他 笑 了 一 笑 ， 然 後 把 她 當 晚 戴 的 一 對 珍 珠 耳 環 ， 除 下 其 中 一 隻 ， 然 後 把 耳 環 上 的 珍 珠 大 力 在 桌 上 拍 下 ， 將 它 變 成 粉 末 ， 再 將 粉 末 混 進 她 的 酒 中 ， 一 口 氣 便 喝 下 杯 內 的 酒 。

喝 完 了 之 後 ， 正 當 埃 及 妖 后 想 把 她 另 一 隻 耳 環 也 除 下 照 辦 煮 碗 之 際 ， 安 東 尼 立 刻 叫 停 ， 只 說 了 ： 「 算 了 ， 我 再 舉 辦 更 豪 的 宴 會 ， 也 沒 可 能 比 得 上 妳 ， 不 需 舉 辦 第 二 回 合 ， 我 都 算 你 贏 了 ！ 」 這 個 故 事 （ 神 話 ？ ） 反 映 了 珍 珠 在 古 代 的 價 值 。

到 二 十 世 紀 初 ， 首 飾 商 卡 地 亞 ， 在 紐 約 物 色 物 業 作 該 公 司 花 旗 國 總 部 。 卡 地 亞 跟 當 時 在 紐 約 第 五 街 653 號 總 部 的 前 業 主 協 商 ， 結 果 只 用 了 兩 串 珍 珠 便 買 下 現 今 卡 地 亞 的 總 部 。 當 時 市 場 上 只 有 天 然 珍 珠 ， 所 以 要 擁 有 一 串 同 等 色 澤 ， 形 狀 相 同 的 珍 珠 鏈 ， 材 料 可 遇 不 可 求 ， 一 顆 一 顆 儲 等 閒 要 幾 十 年 時 間 。

但 是 ， 到 三 十 年 代 日 本 拉 麵 商 人 御 木 本 幸 吉 （ Mikimoto ） 的 人 造 養 珠 開 始 氾 濫 市 場 ， 令 到 珍 珠 價 錢 大 跌 。 今 天 珍 珠 已 成 為 大 眾 化 產 品 。 畢 竟 珍 珠 只 是 色 澤 悅 目 的 碳 酸 鈣 化 合 物 ， 人 類 科 技 一 日 千 里 ， 便 可 以 利 用 生 化 科 技 把 碳 酸 鈣 化 合 物 複 製 。

同 一 道 理 ， 鑽 石 畢 竟 只 是 碳 元 素 ， 人 類 遲 早 可 以 複 製 鑽 石 ， 令 到 市 場 氾 濫 ， 價 格 大 跌 。 所 以 ， 如 果 你 是 想 為 下 世 代 買 鑽 石 來 保 值 ， 絕 對 要 三 思 。 如 果 你 愛 人 用 「 保 值 」 這 個 原 因 叫 你 去 買 鑽 石 ， 亦 希 望 這 篇 文 章 的 分 析 可 以 幫 到 你 。 黃 金 白 銀 是 化 學 元 素 ， 連 中 國 原 子 之 父 錢 三 強 都 無 辦 法 憑 空 創 造 。 除 非 你 像 我 六 歲 侄 仔 一 樣 ， 相 信 有 煉 金 術 師 這 回 事 ， 在 保 值 問 題 上 ， 黃 金 白 銀 始 終 有 絕 對 優 勢 。

金 手 指 ： 保 值 ？ 信 人 不 如 信 神

昨 日 講 完 白 銀 ， 今 日 就 討 論 一 黃 金 。

格 林 斯 潘 榮 休 前 ， 電 視 財 經 啦 啦 隊 台 「 詩 奀 卑 詩 」 請 來 一 個 專 畫 格 林 斯 潘 的 畫 家 。 問 她 為 何 對 畫 格 林 斯 潘 的 人 像 畫 有 興 趣 ， 她 說 當 年 想 找 一 個 最 能 代 表 「 Dollar 」 的 對 象 去 發 揮 自 己 的 藝 術 才 能 ， 所 以 選 了 格 林 斯 潘 。 就 是 她 這 句 話 ， 令 到 我 聯 想 起 一 個 最 能 代 表 黃 金 價 格 轉 勢 的 故 事 。

講 故 事 之 前 ， 先 容 許 孫 柏 文 賣 個 關 子 ， 講 一 講 「 貨 幣 是 甚 麼 」 。 其 實 ， 可 以 充 當 貨 幣 的 物 品 實 在 有 很 多 。 二 十 年 代 德 國 用 過 香 煙 ， 太 平 洋 荒 島 用 過 貝 殼 ， 到 現 在 我 們 荷 包 的 一 張 張 銀 紙 ， 全 都 充 當 貨 幣 的 角 色 。 當 然 ， 自 古 至 今 人 類 最 接 受 的 貨 幣 便 是 黃 金 和 白 銀 。 貨 幣 要 成 功 保 值 ， 就 是 要 供 應 有 限 。 除 了 我 6 歲 大 姪 仔 Louis 之 外 ， 相 信 沒 有 其 他 人 信 有 煉 金 術 師 這 回 事 ， 黃 金 和 白 銀 最 成 功 的 地 方 ， 也 就 是 因 為 上 帝 控 制 了 供 應 。 紙 幣 是 由 像 你 我 一 樣 的 血 肉 之 軀 去 主 宰 ， 凡 人 始 終 有 貪 念 ， 這 亦 是 紙 幣 價 值 的 風 險 。 歷 史 證 明 ， 人 民 面 對 一 個 制 度 時 間 愈 長 ， 信 任 程 度 就 愈 高 。


睇 圖 表 不 如 聽 古 仔

話 說 回 頭 ， 2000 年 花 旗 國 共 和 黨 初 選 總 統 候 選 人 時 ， 曾 經 有 記 者 問 挑 戰 小 布 殊 的 麥 凱 恩 （ John McCain ） 對 貨 幣 政 策 的 看 法 ， 特 別 是 對 格 林 斯 潘 工 作 表 現 的 意 見 ， 他 說 ： 「 格 林 斯 潘 做 得 很 好 ， 好 到 如 果 局 長 遭 到 甚 麼 不 測 ， 我 會 替 他 的 遺 體 戴 上 一 副 太 陽 眼 鏡 ， 安 放 在 局 長 聯 儲 局 辦 公 室 的 大 班 椅 上 ， 讓 眾 人 覺 得 他 繼 續 工 作 。 」

嘩 ！ 除 了 耶 穌 基 督 之 外 ， 還 有 誰 能 夠 死 後 繼 續 為 世 人 工 作 ？ 這 豈 不 是 將 卑 微 的 凡 人 等 同 全 能 的 上 帝 嗎 ？ 格 林 斯 潘 在 位 十 八 年 ， 原 來 已 經 令 到 世 人 有 呢 種 信 任 ！ 這 還 不 是 一 個 市 場 出 現 的 嚴 重 量 值 錯 配 嗎 ？ 這 不 是 一 個 「 Short 凡 人 、 Long 天 神 」 的 好 機 會 嗎 ？ 當 然 ， 凡 間 沒 有 一 個 可 以 直 接 做 這 個 交 叉 盤 的 金 融 工 具 。 最 接 近 的 ， 就 是 沽 美 元 、 黃 金 了 。 結 果 ， 黃 金 在 1980 年 800 元 1 安 士 ， 2000 年 跌 到 300 元 樓 下 ， 到 2006 年 的 今 天 升 至 570 元 1 安 士 。 有 時 ， 要 洞 悉 轉 勢 ， 睇 圖 表 不 如 聽 古 仔 。

一注獨贏買白銀

金 手 指 ： 一 注 獨 贏 買 白 銀

首 先 ， 孫 柏 文 多 謝 大 家 的 支 持 。 由 今 天 開 始 ， 各 位 逢 周 一 至 周 五 都 可 以 睇 到 我 用 我 隻 金 手 指 去 篤 、 篤 、 篤 ， 唔 需 要 再 等 到 星 期 五 先 可 以 睇 到 小 弟 專 欄 。 為 了 報 答 各 位 的 支 持 ， 小 弟 今 日 為 大 家 提 供 一 個 長 線 投 資 建 議 。 雖 然 大 家 可 能 對 短 炒 投 機 貼 士 更 有 興 趣 ， 不 過 為 免 「 為 畀 貼 士 而 畀 貼 士 」 之 類 例 牌 貨 ， 唔 覺 意 之 下 令 到 大 家 短 線 投 機 變 成 長 線 投 資 ， 所 以 孫 柏 文 開 始 就 強 調 這 是 一 個 長 線 投 資 的 建 議 。

建 議 買 入 ： 白 銀 　 目 標 價 ： 每 盎 司 120 美 元 　 年 期 ： 十 年

大 家 都 可 能 知 道 ， 每 年 從 世 界 各 大 銀 礦 開 採 出 來 的 白 銀 有 大 約 五 至 六 億 盎 司 ， 而 每 年 全 球 消 耗 大 約 八 億 盎 司 的 白 銀 。 所 以 每 年 白 銀 都 是 求 過 於 供 ， 而 且 白 銀 往 往 都 是 其 他 礦 產 的 副 產 品 ， 所 以 供 應 量 很 難 因 價 格 飛 升 而 提 高 。
這 個 供 求 錯 配 現 象 最 大 變 數 ， 就 是 不 知 道 世 上 白 銀 存 貨 有 多 少 。 如 果 存 貨 多 ， 供 求 錯 配 可 以 維 持 一 段 相 當 長 的 日 子 。 不 過 ， 我 相 信 大 家 都 知 道 上 周 白 銀 升 穿 了 10 美 元 一 盎 司 ， 這 個 對 我 來 說 ， 就 是 供 求 錯 配 到 達 了 沒 有 許 多 存 貨 的 先 兆 。 10 美 元 一 盎 司 ， 就 是 這 場 燎 原 之 火 的 開 始 。


紙 上 白 銀 如 買 外 圍
雖 然 還 有 一 百 多 種 理 由 白 銀 會 升 ， 不 過 這 個 根 本 的 供 求 錯 配 已 經 足 夠 令 到 白 銀 升 到 孫 柏 文 的 目 標 價 ： 120 美 元 一 盎 司 。 我 無 說 錯 ， 目 標 價 真 的 是 120 美 元 一 盎 司 ， 是 上 周 收 市 價 的 十 二 倍 。 當 然 要 見 到 這 一 天 也 要 有 耐 性 ， 因 為 可 能 要 等 十 年 。
相 信 今 日 香 港 財 經 吹 水 佬 界 中 沒 有 一 個 比 我 對 白 銀 更 有 信 心 。 以 後 ， 白 銀 每 一 次 升 ， 我 都 會 出 來 邀 功 ， 每 一 次 跌 ， 我 都 會 叫 你 「 趁 低 吸 納 」 。
最 後 ， 勸 喻 大 家 不 要 貪 圖 方 便 而 買 「 紙 上 」 白 銀 ， 要 買 就 買 實 貨 ， 放 在 保 險 箱 或 床 下 底 。 打 個 比 喻 ， 如 果 買 白 銀 像 賭 馬 一 樣 ， 買 「 紙 上 」 白 銀 就 係 幫 襯 外 圍 佬 。 白 銀 升 至 120 美 元 ， 就 好 像 你 買 中 了 一 注 六 串 一 獨 贏 過 關 ， 到 時 外 圍 佬 走 路 無 得 賠 ， 唔 好 話 我 冇 警 告 過 。

金手指：和黃：花旗國反恐沙包

如果大家對花旗國經濟數據略知一二，會否像我孫柏文一樣覺得花旗國係一個大花筒呢？大花筒者，支出比收入高也。好似花旗國般大花筒，又要一直維持現有生活模式，方法只得兩個︰借錢或變賣家當。
花旗國債台高築，欠我祖國特區上萬億元巨債，所以不得不變賣家當。自911之後，「極少數」花旗國國民「恐外」情緒已經到達杯弓蛇影地步，將花旗國深層種族歧視醜陋一面顯現出來，最明顯行為就係將「另類膚色」外國人想買任何覺得「戰略性」資產，例如石油、港口等資產，都會被政客群起而攻。
舊年中海油出高價買優尼科，但最終都飲恨而回。家航運中東自由港杜拜國企，出手收購前宗主國鐵行，結果花旗國政客都要阻撓，因為鐵行在花旗國六個口岸經營港口業務。最肉酸係杜拜一向以來都係花旗國在阿拉伯世界最堅定反恐支持者。唔知道世界各國「反美」派會怎樣利用這一件事，去攻擊國內「崇美」派。
花旗國政客，又稱港口已經被外國勢力「操控」，矛頭直指被標籤為「五星企業」和記黃埔。和黃管理層已經為3G煩惱，希望這場花旗國「港口」風暴唔會令和黃管理層百上加斤。
不過孫柏文最擔憂係，花旗國政客阻撓外國投資者投資，只會令到花旗國資產價值大跌，繼而令到花旗國經濟衰退。屆時，全世界投資者都會頭痛。

點樣變身新一代神話股

講起花旗國現在吹風，不能不提Google大上大落股價。睇Google股價，比去海洋公園坐過山車更刺激。
起初股價狂升，係因為股價某程度上反映投資者對Google前景非常睇好，覺得佢前途無可限量，甚至認為Google超越了網上搜尋訊息服務，偉大到可以帶給世人世界和平、醫治H5N1、解決以巴衝突方法。如果將Google比喻成一隊英超球隊，股民覺得它唔單止會贏聯賽冠軍、足總盃冠軍、歐冠杯冠軍，就連無份踢世界盃也會贏，甚至可以做埋NBA冠軍，仲埋奧運會女子排球金牌，直頭係完美代表。
之後當Google管理層放風，暗示世上暫時沒有可以開發「處女地」市場，它的股價便應聲下挫。其實千禧年以後Google都算係科網股中最有創意公司。老實講Google實力唔差，它搜尋技術在這個品牌未走紅之前，已經被用戶譽為世界第一，但它真正走紅原因，係因為能夠擺脫單靠網上搜尋器「一曲走天涯」。話說2004年4月1日Google發新聞稿，宣布推出Gmail網上電郵計劃，而且話會突破性地提供比對手Hotmail多500倍信箱容量，好似我呢類「精」仔即時反應係︰「肯定係愚人節玩啦！」
不過當發現原來Gmail係堅料時候，孫柏文也要承認Google係真正值得被譽為「科網黃大仙」，可以做到對用家有求必應。話投資者將Google股價推高，倒不如話它成功建立了一個事事都有可以「超越用家想像」完美形象。

冷炒H5N1

當聽到德國有禽流貓，我就開始擔心政府遲早會將我隻狗「米路」捉去，亦後悔在政府沒收市民散養家禽一天，沒有以行動聲援「吳食得」。如果有朝一日政府真係捉「米路」，我會將佢改名做Anne Frank，然後收埋佢閣仔，如果等唔到禽流感過去，就搵人幫佢寫書拍電影……話說回頭，除擔心家犬安危，孫柏文炒家DNA影響之下，亦都諗有乜投資機會。
投資有時候要放膽，要抗衡大眾智慧。好似響禽流感陰影下，大家唔敢食雞，亦令到一企業盈利大受打擊。花旗國第二大雞肉供應商Pilgrim's Pride Corporation，天下大亂之際連盈利預測都收回，股價亦直線下滑。
不過理性分析，雞及雞蛋對人類飲食文化實在太重要，所以就算再嚴峻情況下，政府都無可能全面禁雞、禁鳳爪、禁雞蛋，最多只會監管、監管、再監管，設下大量關卡去「實」養雞行業。大家都知中小企對應付官僚繁文縟節能力，一定比唔上大企業律師公關團。Pilgrim's Pride係美國數一數二雞肉供應商，如果政府趕絕小雞農，呢間公司又點可能唔會因禍得福呢？
無錯Google係好有潛力，不過股價高唱入雲，已經反映投資者心目中「完美」形象，再無真正投資價值。相反Pilgrim's Pride6倍市盈率，無錯係災難性預測，不過事情有無想像中咁可怕呢？炒股票，其實係睇準現實同股價之間分歧，要出勇氣同盲流Say No！