獅子山學會 in Today's Sing Tao

Below appeared in Singtao today, in an article discussing the 3 newish political/policy discussion groups 三十會、Roundtable and 獅子山學會. I 孫柏文, of course, am the research director at 獅子山學會.

-------------------------------------------------------------

隨七一冒起獲政府看重 論政新人王 獻策不「戀政」

記者 衞嘉欣

七一後，香港冒出了多個年輕的論政團體，三十會、Roundtable及 獅子山學會，更是當中的積極分子，經常在各項社會議題上出謀獻策。今次古物諮詢委員會的新成員中，政府就委任了四名來自這些團體的「論政新人王」擔任成 員，更有指政府對這批新人王甚為看重，甚至早前打算擴大政治任命，增設副局長及局長助理時，亦對他們「眼甘甘」，欲在當中揀蟀。不過，外界在想當然，幾個 團體的核心成員卻暫時無心「戀政」，只滿足徘徊於建制邊緣，發揮知識分子的獻策角色。

三名成員李律仁、王兼揚及張正樑被邀入古物諮詢委員會的三十會，可謂新論政團體中「收穫」最豐的一個，王兼揚坦言：「只是剛巧有機會，政府又有興趣找新面孔，我們只是其中一批，有機會嘗試新的參與形式，我不覺得影響力大了。」

三十會創會人之一的李律仁來自法律界，曾在證監會工作，是沈聯濤愛將，另一位王兼揚則是跨國企業的管理層，其餘核心成員亦是專業人士，所以給外界的印象是 「專業論政團體」，但其實要簡單地闡明三十會的立場亦不容易，例如中產的三十會，卻反對政府減稅派糖，「我們一班人，覺得自己應該為社會做點事，那是甚麼 事呢？很難實質地說明。」核心成員莊綺雯說。

經常在報章撰文，但因在公營機構工作，不能以真身示人的「林中鳥」，則道出了三十會的一個特色，「我們左中右派的成員都有，像我寫文章交給王兼揚，他從來不會作任何修改，我們可以有不同立論，只要互相尊重就可以。」

三十會非刻意「沒有立場」

另一核心成員魏華星補充：「我們並非智庫，沒有請研究員，活動分為三大類，一是舉行講座，讓會員來『學嘢』，甚至文藝活動也會搞；『學咗嘢』之後，撰寫文 章發表自己的見解；還有我們會做社會服務。」「沒有立場」是否就是三十會的立場？王解答：「這樣說就太刻意了，我們沒有刻意設定成『沒有立場』，其實我們 和一班喜歡踢波和行山的人沒有分別，聚在一起，你可以是區議員，可以是政府官員。」主力做社會服務的李昕，則坦言三十會不只定位為論政團體，「像我就只做 服務少論政，我們利用自己的專業，去幫助社會企業，讓弱勢社群去營運。」另一矚目的論政團體Roundtable(下稱RT)，骨幹成員沈旭輝亦被邀入古 物諮詢委員會，據悉RT不少會員與三十會重疊，兩者着重多元及開放的平台，不想「非保守派即開放派，非泛民即保皇」，例如有親政府馬力的前助理是RT成 員，在會內就「人格分裂」地要平衡聲音，使之不會側重在某一邊。沈旭輝本身是中大兼職講師，耶魯大學博士畢業，RT的成員多是二十多歲的大學研究生。今次 政府的委任動作，外指是為天星事件塗脂抹粉，延攬這班左派以外、形象開明的年輕人入會，更有指政府甚至早前打算擴大政治任命，增設副局長及局長助理時，亦 對他們「眼甘甘」，打算在當中揀蟀。

RT 代表明言「討厭政治」

但據悉三十會並無任何政治議程，而代表RT的沈旭輝更曾多次明言「討厭政治」，今次加入委員會只為RT搭橋，功成身退後他會淡出，專注於他的強項國際研究。另一個備受關注的智庫組織獅子山學會，其研究部總監孫柏文斷 言，會中的核心成員已有共識，不會參與政治，「我們的理念是推動民意，帶民眾認識另一領域，但政客只能取民意的大多數，有了選票的壓力，就很難起到先導作 用。」該會經濟研究員陳心田解釋：「就如我們反對最低工資，因為外國太多例子，這只會令低技術工人失業，他們唯一可競爭的就是工資，現在很多公司會請保 安，因他們工資還可以應付，最低工資只會令公司裁減保安人手。我們不介意最後社會仍認同要推行最低工資，但至少他們要知道，這個政策原來有這一面，是政客 或議員不會談及的。」

選票壓力阻推動民意

「我們的角色亦頗清晰，就是只關注政策，很少會討論政制發展，因為這方面已有其他團體去做，我們不必重複了。」孫柏文說。獅子山學會主力研究自由巿場經濟，幾個主要成員都是海歸派，信奉佛利民、海耶克學說，認為政府對教育管得太多，應該全面落實學券制，以錢去取決辦學團體的優勝劣敗，又認為政府與其辦公營房屋，不如讓錢流歸巿場，以租券制資助巿民。

---------------------------------------------------------------------------------------------------------------

I like the fact that the other groups (RT + 30's) keeps the focus on how the group serves its members, and what the members do...

While once we explained that our group, like all think tanks in the world is here to move the frame of what is acceptable policy within society, aka Moving the window of policy possibility.We hammered away on policy after policy. There it is... Lion Rock's image... Our Image... We are the think tank with policies. Our beliefs speaks louder... much louder than our organization, our participants, our activities.

If you believe in that freedom for the people to choose, freedom in the people to interact, the free market is the best, most effective and quickest way of lifting an entire population. It is time for you to join too... $800 annual members fee.

和電賣印度業務 之 繼續跟進

呢 幾日，除咗諗白銀，都有諗和電2332賣印度業務單嘢，因為和電嘅董事會啱啱開完會，去研究呢單嘢嘅錯綜複雜關係同可出現嘅收購組合。其實，其中一個可出現嘅情況，就係和黃13連和電也賣埋。不過我可以同大家講，和電印度拍檔Essar唔想再玩電信業，因為佢哋已經申請將旗下上咗市嘅石油、鋼鐵公司私有 化。又好想將石油、鋼鐵業務發大，唯一可以得到呢兩個目的，就係售賣佢哋33%嘅和電印度業務股權。

仲有，呢單嘢可衍生嘅另一個後果，係其中一個買家 Vodafone需要集資。好多話和電印度業務值200億美元，其實Vodafone手頭上嘅中移動941股票都值65億美元。佢哋絕對可以賣出該股份集資。不過，65億美元即係值500億港元，掟出來會否掟散個市？記得，500億港元唔係小嘢，分分鐘係一日股市成交量。

買一磚磚白銀？

呢幾日，孫柏文應承過大家會講點樣買實貨白銀，所以今日我就會同大家分享買嘅方法。大家都知道，孫柏文重複又重複咁叫大家買白銀嘅時候，一定要買實貨。原本，孫柏文好 想好想推介啲賣一磚磚白銀嘅地方。不過呢幾日來，實在有太多人怕將一磚磚白銀擺屋企床下底，所以為求可以唔需要攞一磚磚白銀就可以接實貨，我今日推介大家 買白銀基金Silver ETF 。

因為呢個基金，可以好似股票一樣買賣，而大家每次向基金買一股，佢哋就要買十盎斯白銀。基金管理公司每年會從自動下調基金贖回價，去收取百分之一嘅管理 費當倉租，既公平又易明。大家絕對可以考慮買呢個基金，基金嘅股票編號係「SLV」。大家可能會問：「究竟用邊一個花旗國股票經紀好？」

大家可以考慮用我 用開嘅股票經紀E-trade（電話號碼：31913311）（利益披露：我冇收任何利益）。其實我用咗佢哋好多年都冇問題，所以大家不妨考慮用E- trade。最後，記得要長揸，最好每幾個或每個月儲夠錢就去買。

Patron Saint of 雙語 Incoherent thoughts - God of Plastic... Clown

「公信第一」的交易

噚日，孫柏文應 承過大家，聽日會公開可以買到實貨白銀嘅地方，而應承過大家之後，有同事建議我，應該擴闊我嘅諮詢網絡，問一問廣大讀者，大家有乜建議。

所以今日，我首先 想向所有讀者廣發英雄帖，希望大家都可以戴上一隻金手指。希望大家可以幫我，篤出香港所有售賣0.99、0.999、0.9999 Fine Silver白銀條嘅地方，我又好希望所有售賣實貨白銀條嘅商戶，可以寫電郵嚟insider@appledaily.com，等我可以為大家提供一啲建 議。希望大家可以踴躍來電郵！

入正題。噚晚，彭博通訊社同路透社都相繼報道，685明報企業會用股票吞併馬來西亞星洲媒體SCM.MK同南洋報業 NAN.MK。根據彭博，明報企業會用3.3股去換一股星洲媒體，同用3.47股換一股南洋報業。噚日，明報企業嘅收市價，係1.73元一股。以噚日嘅兌 換率嚟計，即係等如星洲媒體每股值2.56馬幣。

噚日，星洲媒體喺吉隆坡嘅收市價係3.2馬幣，如果彭博冇報道錯，真係3.3股明報企業換一股星洲媒體， 真係唔知呢單交易係唔係仲會有下文。不過，奇怪嘅係明報企業嘅股價，雖然喺06年一路橫行，喺每股1.3同1.5元之間徘徊，不過去到今年1月初，就喺兩 日之內，由1.35升至1.8元一股。如果明報企業每股仲係1.35元，3.3股就只會值2馬幣。

無獨有偶，如果睇番星洲媒體嘅股價走勢，又係同明報企業 一樣，今年1月初開始急升，由2.52升至3.2馬幣一股。翻查明報企業嘅紀錄，公司冇解釋過，股價點解會喺1月初急升，就連一張通告都冇。

唔 講吞併南洋報業嗰邊，淨係睇星洲媒體。根據彭博資料，星洲媒體已經發行嘅股票，數目達到3億股，而2馬幣同3.2馬幣嘅股價，令公司市值嘅分別係3.57 億港元。

大家要記得，係3.57億港元嘅分別。呢個分別，全因明報企業嘅股價喺兩日之內由1.35升至1.8元一股。大家可能會問：「兩日之內就可以將自 己股份，增加3.57億嘅購買力，唔通係神仙？」

其實，翻查買賣紀錄，喺呢半年來，明報企業嘅每日平均成交股數係75000股。不過喺股價急升嘅兩日，成 交股數達到每日大約40萬股，可能因為求過於供，所以股價就直線上升。雖然相比之下，嗰兩日嘅成交股數好似好多，不過，加埋都冇兩百萬港元。兩百萬港元嘅 成交，就造就咗3.57億元嘅購買力，孫柏文要向一向用「公信第一」做招牌嘅明報企業寫個「服」字！唔知港交所會唔會check check？

公信第一？

-------------------------------------------------

後記：這一篇文章出街之後當日，股價繼續上升至最高價$2.58，收市$2.0。

Breaking news...

Ming Pao (685 HK) announces takeover of Sing Chew Media (SCM MK) and Nanyang Press Holdings (NAN MK) ...

Look out for my piece tommorrow... This is going to be good...

《蘋果日報》投資講座 coverage

Below is the main article...

蘋果07投資講座市況波動股海尋寶

上周六《蘋果日報》舉辦的第二次投資講座──「市況波動．股海尋寶」，在 灣仔會議展覽中心順利完成，當日吸引逾300名讀者到場。雖然天氣驟冷，但未減與會者熱情，碰巧上周後期港股大幅調整，更令讀者關心整體投資形勢。4位主 講嘉賓亦施展渾身解數，除了在自己熟悉範疇為大市把脈，亦提供精闢獨到的投資意見，並即場解答讀者提問。

各位主講嘉賓背景及投資風格各異，林少陽師承「亞洲股神」東尼、信奉價值投資法；曾淵滄深信只要是「好股」，長揸一定可獲利；東方匯理銀行衍生產品董事李靄欣深明窩輪只宜以小博大；孫柏文則堅持一注獨贏買白銀，大家最終都是想帶出一個主題──要「贏錢」，就要做好風險管理。

中高檔住宅07睇升

上 星期，曾淵滄及時提出沽清所持麗星郵輪（678），令不少支持者獲利，現場獲支持者當面道謝，曾氏即場加贈更多投資心得，「若有閒錢唔等使，可以繼續買滙 豐（005）、中石油（857）同港交所（388）。」他亦看好今年樓市，「我睇好呎價4000元的市區樓，如黃埔、太古城、麗港城等，我都係揸住呢類物 業，回報應該唔錯。」曾淵滄認為樓宇的流動性（Liquidity）雖然較股票低，但卻是「被迫」長期投資的良方。

機場股投資價值高

另 外，中資股近年備受追捧，被問及有關內地航空股前景時，林少陽指出，火車仍是內地主要交通工具，從中國經濟增長速度看，航空業仍有很大增長空間，而機場股 的投資價值還會再高一些。至於較早前市場焦點「五行三保」，林少陽認為以質素來說，內地銀行股前景不俗，但現時買入，已錯過最賺錢階段，其中最受注目的中 國人壽（2628）現價偏高，他質疑國壽盈利能否長期維持增長，及繼續保持領導地位。

金屬股首選江西銅

Cute or what! hahahahahahahah ok, I was looking at something on the projector screen that was to my left...

近期，金屬資源股接力中資金融股猛升，以「一注獨贏買白銀」為口號的孫柏文， 亦被追問何處可以買到白銀實貨，他建議投資者，最簡單的方法是到中國銀行開貴金屬存摺賬戶戶口，但千叮萬囑不要買「紙白銀」，因為白銀是長線投資，買實物 可減低中途「沽貨」風險。除了買實貨白銀，他亦建議投資者現價購入江西銅業（358），因江銅主業為開採及熔煉銅，亦從事與金及銀的相關業務，可謂「食正 潮流」。06年本港窩輪總成交額達1.79萬億元，較05年升1.09倍，李靄欣稱，窩輪的優點在於具有槓桿效應，能將回報放大，但投資者應注意其時間 值，愈接近到期日，窩輪的價值愈低，屆時即使相關正股造好，但窩輪仍不能緊隨升勢，所以她提醒投資者：「窩輪不可以揸到尾！」

---------------------------------------------

Below was about my recommendation and my tragic non-profit (I shall write about that trade later)

平均入市法買白銀

本報財經版專欄《金手指》作者孫柏文在研討會上，以自己02年投資新浪網股票的經驗為例，提醒散戶做足功課後選出來的股票，買入後切記要嚴守擬定的目標價。

他指出，由於新浪網當年每股淨現金高達2.5美元，而且短訊（SMS）業務正高速發展，故以每股1.5美元買入；但買入後不久，新浪網即下跌，到該股回升至1.79元，即較買入價上升20%，他隨即沽貨。

結果，該股全年升至6.5美元，翌年更升至43.57美元，令他白白錯失賺大錢的機會。

賽後檢討學教訓

總括投資心得，孫柏文認為：「贏錢未必等於炒得好」；而有些時候，「輸錢未必等於炒得差」，他指出「炒股」最緊要事後檢討買賣決定，防止再犯同樣的錯誤，嚴守自己分析後所作出的投資決定，不被外間「噪音」影響。對於今年投資前景，他預計全球「水浸」情況仍會持續，故大市將仍然暢旺。

孫柏文估計，未來全球資金充裕，加上美國霸權受質疑，勢將導致通脹重現，在這情況下，投資者可購買貴金屬如白銀。他更進一步建議，可透過平均入市法買入白銀，以免錯失白銀突發性的升勢，捕捉增值機會。

---------------------------------------------

Below are other facts of the event, by the way...

孫柏文手機現真身

1. 講座係散戶同投資專家近距離接觸嘅好機會，尤其一啲只見其文，冇緣見真身嘅神秘人。本報專欄《金手指》作家孫柏文處女演講，喺中場休息以至講座結束後，都有fans拉住佢問：「實物交收白銀，定買紙白銀好？」

難得見到孫柏文「真身」，有熱情fans不停用電話錄音都唔夠，仲用手機拍低佢嘅「靚仔相」。

2. 散戶畀錢聽講座，梗係爭取一切機會，近距離向專家請教投資心得，結果中場休息時，會場就出現3大團人堆，其中林少陽被追問中資股前景；李靄欣被追問炒輪須注意事項；孫柏文除咗被問到白銀及黃金走勢，當然唔少得佢嘅強項──資源股。

至於一向大把擁躉嘅曾淵滄，身邊反而沒有人堆，原因唔係佢嘅吸引力下降，而係當日曾教授要連趕3場，大會為免佢餓親，特別預備咗三文治，而體貼嘅fans亦耐心等佢醫肚後，先提問、攞簽名同合照。

Money Honey又出事

講完和黃，同大家講吓外國發生緊嘅事。花旗國靚女財經記者Maria Bartiromo，繼舊年大爆伯南克私底下同佢講市場誤會咗聯儲局加完息嘅消息，繼而令全球市場大幅波動之後，呢個花名叫Money Honey嘅女主播，又出事。聽聞，花旗銀行Citigroup財富管理部嘅全球主管Todd Thomson，以「同傳媒建立更良好關係」為理由，攞公司嘅私人飛機，送咗Maria一程，由北京飛往紐約。不過問題係原先呢部飛機係預咗用來接載公司 嘅員工，所以令呢班員工要用咗公司好多錢去搭普通航班。結果係，今次「Maria搭飛機」事件，令Todd冇咗份工。

其實，Todd喺Citigroup 出名揮霍無度，不過因為Citigroup股價長期落後於其他對手，所以公司為求減低開支，應該已經喺度尋找藉口郁佢。相信大家都覺得Todd今次真係非 常唔小心。不過講真，如果換轉係我，有機會單對單同被稱為年輕版蘇菲亞羅蘭Sophia Loren嘅Maria搭好多個鐘頭飛機，就算明知公司要減低開支，都會抵受唔住誘惑。始終都係嗰句，the mind is willing，but the flesh is weak。

Maria Bartiromo at the age of 39...

Sophia Loren at the age of 39...

白銀、和黃

前日禮拜六，孫柏文喺灣仔會展舉辦嘅「《蘋果日報》07投資講座」首次粉墨登場，作出處女表演。當時喺台上同讀者、觀眾分享自己啲見解同經驗嘅30分鐘，真係緊張到不得了。首先，有靚女主持人介紹我嘅時候，公開咗網友幫我改嘅「股壇黑氣石」花名，仲問我：「今日，你嘅環目叫『從輸錢到贏錢』，咁對檢討以前嘅錯失會唔會有保留？」

對其他人來講，以上嘅問題可能有少少太過尖酸刻薄。不過因為我知道自己罪孽深重（舊年叫人買恒指熊證、花旗國足球隊)，所以我亦說明禮拜六嘅演講，唔係做講座而係向大家懺悔。當然，作為「白銀戰隊 隊長」，我亦有把握機會向觀眾重申「一注獨贏買白銀」呢個可以對抗「紙幣狂魔」衍生出通脹嘅投資建議。

我 記得曾經應承過好幾個fan屎，今日公開點樣買實貨白銀嘅方法。不過因為之後同幾個已經買咗實貨白銀嘅「白銀戰隊」成員，交流咗買實貨白銀嘅心得。所以亦 因而得到幾個可以買到實貨白銀渠道嘅新建議，希望各位fan屎可以畀多兩日時間我做啲研究，喺禮拜三1月31日同大家一一分享。

雖 然，因為時間關係，當日喺台上只係有機會深入講點解要「一注獨贏買白銀」，不過有有心嘅fan屎記得我都曾經建議過「一注獨贏買和黃」，問我點睇。其實， 中長線嚟講，和黃3舊年11月全球推出嘅X-Series收費模式改革，會將3由包袱變成金礦，所以我一定睇好。而短線嚟講，今日和黃旗下嘅和記電訊，將 會為售賣印度電信業務開董事局會議。亦有可能喺收市之後，會有決定接受邊個收購建議同售價嘅消息。呢幾日，做13和黃同2332和記電訊嘅股東將會非常刺 激。

蘋果07投資講座 - With me!

More pictures of the investment seminar to come...

My fans taken a picture of me! hahahahaha

To bring to Canal Street (aka goose neck bridge) so that the ladies there can whack me with their wooden clogs.

=)

政壇 Yumiko 李華明 responds to me and Greg Sung

This is 李華明's response to my piece of calling him 硬膠議員and 宋漢生's piece

Included also is some highlighted words from 李華明 and my subsequent response in brackets.

At the end... Is my conclusion...

But... 今日我希望所有覺得民主黨恨鐵不成鋼的朋友，或者不喜歡李華明的朋友，將今日我寫出來的感受轉載出去！是時候為民主派，香港的民主進程鏟除妖孽。

http://phatdat.blogspot.com/2007/01/by-yumiko.html

-------------------------------------------------------------------------------------------

回應孫柏文及宋漢生就油價的批評

就1月22日及23日貴報刊載孫柏文先 生及宋漢生先生文章，內容頗多謬誤，特此撰文回覆。

文章開首，孫先生力斥本人列舉數字不確，以車用汽油零售油價（含稅）與新加坡離岸油價比較屬「完全不了 解」。我強調本地車用汽油零售價與新加坡離岸油價的差距越來越大，因此應有減價空間，油公司不應趁火打劫。本人從沒有表示「來貨減多少售價就要減多少」(an ad nauseum repeating of the comparison between Import price decrease 23% vs retail price of 6% was for what? For primary school students to learn maths? 李華明你好硬膠 and I know you google your name, so I know you are going to read this.)， 指控純屬子虛烏有。

另一方面，每次當本人講述油價時，也說明包括稅款在內，這實不容混淆視聽。本人月初曾在立法會提出問題，質疑本地車用汽油零售價與新加 坡離岸油價的差距。在之後的回覆中，當局也了解本人所述的零售油價數字包含稅款在內。有關詳情可以參考1月17日立法會會議第12條問題︰燃油零售價格。 另一方面，孫、宋兩位皆指油商沒有減價空間，皆因成本高昂，當中包括地租及折扣。首先，油站乃油公司投標經營，每個站因地點不同而地租各異。而油站的地租 從來也屬於商業秘密，作者以個別油站過億地租，籠統推斷每個油站的成本也過億，足見立論之輕率。再者，宋提出因油公司已同時提出折扣，折扣已抵得上不少成 本，因此要求減油價是「反智行為」。從06年政府顧問所做的《車用燃油零售市場研究報告》中，宋選取了「典型折扣」0.93元來證明油價貴得合理。但連政 府也取不到各油公司的折扣資料，單純用0.93元是否接近靠估？我親自詢問過油公司每年的銷售額及利潤，但他們均以商業秘密而拒絕提供。除非孫及宋有內幕 消息(I use to be an oil analyst who knows how to use google, our data is from this report from the government, 李華明 if you are reading this, you totally deserves to be called 硬膠)，否則怎能計算各間油公司的詳細成本及利潤資料。

公平競爭法

最 後，孫稱本人提議制訂「計劃競爭法」來降低油價是crooked（狡詐），這是文革期間扣帽子常見的手法 (I merely asked whether you were incompetent or crooked... Well, you have proven not to be incompetent... )。制訂公平競爭法本身並非用來操縱油價，我們追求 是建立一個公平競爭的平台，保障汽油市場的競爭環境。根據本地零售油價走勢分析，香港四大油公司在05至07年1月期間在28次的調整裏，有24次是在 48小時內「同步提出」，而上下幅度大致相同。當油價基本一致時，市場競爭變成空談，駕駛人士根本被剝奪了價格的選擇權，只能在回贈的折扣得些「小恩小 惠」。因此只有引入全面性的競爭法，嚴厲監督市場才有機會迫使油商把以上的「小恩小惠」重新反映在零售油價上，油價屆時才能有望減低。

李華明（立法會議員 ）

----------------------------------------------------------------------------

All I can say is this.

李華明是政壇中的 Yumiko，今次徹底甩褲、赤裸裸地被宋漢生和我捉到他用嘩眾取寵的手法行硬銷「計劃競爭法」。在立法會答問大會當中，又在傳媒面前重複又重複地講話：

「零售價下跌幅度(6%)不及新加坡離岸油價下跌幅度(23%) 」是為了什麼？

李華明，你今次被人捉到甩褲，應該有如我的文章中建議一樣，大方得體地做事，好過麻木發爛。我知道道歉是一件很困難的事，不過同時間是一件非常簡單的事，只需要一點勇氣。我知道作為一個不折不扣的民粹議員，最喜歡是打本地油商，不過今次被人捉到Bull Shit，是時候道歉。

你已經証明你不是incompetent，而是crooked。今次再証明你是沒有勇氣的人，我再一次重申08年立法會選舉，唔好再投畀李華明呢個硬膠議員！

如果你當年你投了贊成的一票，我們可能已經有全民直選。李華明 = 政棍 ！

「油魚」屎、尿、油、屁笑話

聽日，孫柏文就 會首次粉墨登場，喺灣仔會展舉辦嘅「《蘋果日報》07投資講座」，作出處女表演。講真嗰句，呢幾日真係感受到壓力，瞓都瞓得唔好。無他嘅，平時喺《金手 指》裏面篤爆謬論，都只會收到啲瘋癲回應信或電郵（看上），最多都只係聽吓啲瘋癲投訴。不過，聽日如果講錯嘢，將會有300個食鹽多過我食米嘅資深投資 者，可以兜口兜面咁「提醒我」。

好多人誤會，呢啲 投資講座，多數都係啲得閒冇嘢做嘅「羊太」先至會去。其他講座我唔知，不過，我哋《蘋果日報》搞嘅講座就一定唔係。理由係《蘋果日報》搞嘅講座，同其他單 位搞嘅講座唔同，我哋收入場費，所以觀眾席當中已經會少咗啲「得閒冇嘢做」先至嚟嘅人。希望聽日唔好「甩轆」。

賣完廣告入正題，講番今期全城最重要嘅新聞，百佳超級市場「油魚當鱈魚賣」案件。噚日，小弟篇批評百佳辯護方法好牽強嘅文章出街之後，四方八面嘅好友，都來電同我傾呢單嘢。

首 先，有《利字當頭》一欄總舵主利世民兄。佢喺電話度劈頭第一句：「屙油囉大佬！屙油啊！噚日先知我外母食好多呢啲油魚，佢話，仲估屙油係因為佢食嘅靈芝有 效！點知原來係呢啲油魚作怪。」我答：「聽講話呢啲油魚喺澳洲係用嚟炸油，啲油跟住會用嚟做機械潤滑油。」世民兄：「唔怪之得我外母呢排健步如飛，原來佢 雙腿之間唧咗潤滑油！」

我：「聽聞食呢啲油魚不單 止會屙油，分分仲會導致pre rectal bleeding。」世民兄：「我當年讀文科，唔該你解釋吓。」我：「Pre rectal bleeding廣東話即係解『屙拔甩』。」世民兄：「I see！不過，卒之明白點解8222長江生命科技搞唔起，食油魚已經可以屙油，根本唔需要買8222啲靈芝。原來長江生科係俾13和黃玩死。」

同 世民兄傾完之後，我嘅好朋友Rapiere就打電話來，佢話：「李嘉誠今次都好難搞。相信好多香港人仲記得佢喺2000年話過，和黃啲錢喺外國賺，香港仲 保留業務，係因為佢有愛心，唔係野心，因為佢深愛香港。大佬！唔係真係愛我哋愛成咁！」我：「其實，如果畀你做和黃嘅公關，今次會點搞？」

Rapiere： 「一定係採納陳馮富珍嘅解圍方法！即係話，應該叫李嘉誠出來開記者會，話日日食油魚，仲要話屋企人都食。不過，一定要澄清唔係淨係畀李澤楷食，費事被人誤 會，仲估佢喺度罰緊個仔。最好當然即刻開兩圍，李嘉誠親自餵佢個孫仔Michael Li食。咁百佳嘅問題就會迎刃而解。」Rapiere果然勁！

最 後，就係DNA出錯，汗水中含有pitera嘅靚女同事Winery，佢話：「食呢啲油魚屙油其實係好事，原理同去油丸Xenical同一道理。吸收唔 到，即係唔使肥，幾好！」我：「其實，我都想去試試呢啲油魚。咁多油嘅魚我話最好炭燒，肯定好香，仲要吸收唔到唔使肥，簡直係完美嘅食物。」 Winery：「你最好着住尿片嚟食，小心屙油！」食之前，我都想周一嶽交代，究竟食「油魚」有冇害？

篤爆牛仔總統出口術

講起「油」，呢幾日油價都大翻生，全世界 都話係因花旗國牛仔總統出口術，話要提高花旗國石油戰略儲備。今日，我要為大家篤爆呢個謬論。今時今日，花旗國石油戰略儲備有7億桶，牛仔總統話要提升8 億桶，即係上升到15億桶。

咁8億桶即係幾多？全球每日生產8000萬桶石油，8億桶即係全球10日嘅生產量，牛仔總統仲話要用好多年先至會到15億桶， 所以油價升根本同牛仔總統無關。呢幾日油價大翻生嘅真正原因，係冬天卒之降臨北美同歐洲，如果溫度回暖，淡友又會再出擊，到時牛仔總統出乜嘢口術都無能力 抵受拋空帶來嘅壓力。

牛仔總統的虛幻口術托油價，會敵不過淡友的拋空。

百佳的「冰茶」辯護法

勁！孫柏文今次真係要甘拜下風。噚日，和黃（013）旗下嘅百佳超級市場「斷正」，被人捉到「油魚Ruvettus Pretiosus」當「鱈魚Cod」賣。食過油魚嘅百佳客戶，有啲仲出現「屙油」情況，令全城一面倒圍攻百佳。

不過，噚晚百佳舉行記者招待會，24小時新聞台全程直播，孫柏文當然開電視機睇。睇完我都要話百佳勁！首先，百佳完全唔否認「油魚」當「鱈魚」賣，誠實程度已經可嘉。可能因百佳知道冇可能否認，又冇可能認公司運作混亂到不知情，所以就要出孫柏文稱為「Hong Kong people dun know English」嘅高層次辯護法。

噚 晚呢種辯護法咁成功，最緊要係因百佳搵咗個鬼佬返嚟，理直氣壯咁用英文話：「因為點樣界定define乜嘢係『鱈魚』根本冇乜準則，所以油魚絕對可以當 『鱈魚』賣！」如果以上嘅係上聯，呢個「百佳鬼佬」冇講嘅下聯就係：「即係話，如果連我呢個母語係英文嘅鬼佬都覺得『油魚』等同『鱈魚』，你哋呢班 chinks又點可以話有分別！」

雖然好牽強，不過我絕對覺得可以接受。如果大家覺得好離譜，孫柏文今 日為大家提供一個更「勁」嘅辯護法。1996年花旗國，共和、民主兩大黨候選人紛紛為大選作準備。大家都知道，花旗國兩大黨為求可以將候選人嘅理念同政綱 宣揚出去，都需要好多錢，所以每個候選人都會積極籌錢。不過，大選過後，有人發現當年克林頓Clinton同戈爾Gore嘅競選工程，曾經舉行過違反競選 條例嘅籌款活動。

喺 花旗國，任何競選工程撞到呢啲醜聞嘅「指定動作」，都會交「負責人」出來畀傳媒同輿論祭旗。點知，翻查競選工程會議記錄，原來當時批准舉行嗰次籌款活動嘅 會議中，最高負責人係副總統戈爾，戈爾嘅情況有如噚日嘅百佳一樣「斷正」。不過當時，副總統戈爾話：「因為會議當日，會議室內有免費檸檬冰茶，而我又飲咗 好多。會議決定嗰次籌款活動嘅一刻，我啱啱去咗洗手間屙尿，所以冇份批准舉行嗰次籌款。」

呢個「屙尿」辯護法一出街，即刻被各大傳媒稱為「冰茶辯護法」 Ice Tea Defense，大家一樣覺得好牽強，不過戈爾最終都係冇事。所以大家千祈唔好覺得辯護「牽強」就唔會「甩身」。

識得人多衍生套戥機會

唔知係唔係因為兩日前，孫柏文公開回答過一位讀者寄嚟問我問題嘅信，呢幾日突然間收到好幾封讀者寄嚟問問題嘅信。今日，我就希望解答其中兩條問題。

第一封問：「孫柏文先 生，你曾經公開批評過嗰啲會考考試考到10A嘅學生，因為你覺得6A已經夠，而攞10A只會使到其他學生更加難得到好嘅成績。今年，我就要參加會考考試， 你可否再次提醒嗰啲可以考到10A嘅學生，唔好提高及格門檻？準會考生上」上一次，我公開批評啲學生之後，畀好多人鬧「教壞細路」，雖然我今時今日都相信 自己嘅論點，不過今日我唔會重複。理由係你好似覺得自己考試考得好嘅機會好微，如果要我提醒佢哋，不如我畀啲（如果你最終考得唔好）自救嘅建議你。

我有個 朋友名叫Sozuki，佢成日話：「識得人多，比讀得書多重要。」睇嚟對於如何變成成功人士，孫柏文真係一頭霧水，雖然我覺得書裏面可以得到好多幫到大家搵錢嘅資訊，不過Sozuki嗰句話唔係冇道理。

我 哋雖然生活於資訊年代information age，不過好多真正可以提供套戥arbitrage機會嘅資訊同消息，要喺「小道」先至可以聽到，因為正當資訊已經喺雜誌出現，除非你分析能力比市場 強，根本就唔會有套戥機會。

正當一個人有廣泛嘅人際網絡，就會有大量資訊流入用嚟交換更多嘅資訊，而遲早就會出現套戥機會，只要能夠把握機會，能夠落實套 戥大計，應該都可以餓唔死。

用自己名做招牌

第二封信問：「手指兄！小弟一路都係你嘅fan屎，我今年想創業，不過對公司叫乜名完全冇idea。可否指點迷津？創業上」創 先生，我完全唔知道你會做乜嘢生意，不過，我覺得永遠可以考慮用自己嘅姓名做招牌。

原因很簡單，正當用自己嘅姓名做招牌時，每日就需要面對「唔可以蒙污自 己成名」嘅壓力。到時候就會日日鞭策自己，做到最好。當然，淨係得個姓名係唔夠，應該加埋間公司做乜生意。例如，花旗國有Ford Motor Company（福特汽車公司），一睇就知佢哋做乜。如果有一日出咗名，仲可以連「做乜生意」都慳埋，例如Dell Inc.、Goldman Sachs等等呢啲得個姓嘅公司名，就係最佳例子。

所以，孫柏文見到「廖創興銀行」變成「創興銀行」都覺得好浪費。以前聽到「廖創興銀行」就會即時勾起一段段香港經濟神話嘅回憶，家聽到「創興銀行」呢個名，就好似間銀行被一啲dot com形象顧問改過名。再重申一次，好浪費！

宋漢生 + 溫敏妮

今日，《蘋果批》宋漢生同全《蘋果日報》最漂亮嘅溫敏妮 Money Wan，都有講到小弟。


溫敏妮就幫我查找不足。

宋漢生就繼續砲轟李華明。

大家不妨自己去看看 = )

想公民抗命？食板前壽司！

恭喜！恭喜！今日，孫柏文首 先想恭喜因湊女忙碌，而讓咗篇幅畀我嘅《利字當頭》一欄總舵主利世民兄。恭喜佢同阿嫂喺禮拜日添丁！噚日朝頭早，我打電話畀利世民恭喜佢嘅時候，佢仲話， 雖然特區政府上個禮拜先至出口術話要打壓啲祖國大肚婆，今個禮拜陪老婆去醫院生仔，已經見唔到有祖國嚟嘅大肚婆。唔通特區政府變成聯儲局或日本央行，一出 口術就見效？我仲記得上個禮拜寫咗一篇文章，話因政府會打壓啲祖國大肚婆，不過又唔會即時實施，所以會見到大批大批嘅大肚婆喺實施限期之前蜂擁來港。不 過，如果利世民兄嘅經驗，唔係個別事件，咁就真係好在嗰篇文章嘅題唔係《一注獨贏買大肚婆湧港》。

唔發牌就唔使孭鑊

講番正題，孫柏文噚日睇到一篇關於一間食肆無牌經營嘅新聞報道。嗰間食肆名叫「板前壽司」，係一家連鎖式日本餐廳。

無 牌經營嘅分店，位於旺角登打士街柏裕商業中心家樂坊一樓。呢間「板前壽司」，聽聞人頭湧湧、生意滔滔，根據基本市場經濟學，啲嘢應該食唔死人，甚至可能好 好食。不過，唔知道點解，政府遲遲未發出牌照，等佢可以有牌經營。其實，無論係食肆或酒吧，甚至舞蹈學校，發牌制度根本已經去到擾民嘅地步。

呢啲發牌條件，往往出於保護消費者嘅出發點而制訂，不過，今時今日已經去到就連消費者都覺得討厭。我曾經多次話過，官僚唯一考慮係會唔會「孭鑊」，唔發牌就唔需要「孭鑊」。

官僚最想見到嘅香港，就係冇酒吧、食肆嘅香港。大家都知道，我哋嘅家、我哋嘅香港，飲食文化扮演一個非常重要、肯定我哋身份嘅角色。

好多因為官僚唔發牌而消失嘅食肆，往往就係因冇牌而從此從我哋嘅集體回憶中消失。大家如果曾經參與過「保護天星」或被保護人士嘅行動感動過，今次就要來一次轟轟烈烈嘅公民抗命。

原先，今日呢寫篇文章，絕對唔需要將該分店嘅地址完完整整重複一次，不過，今日孫柏文就係希望大家可以跟住地址去嗰間分店，幫襯佢哋。保護集體回憶，你同我都有責任，大家不如挺身而出去食（柏裕商業中心嘅）板前壽司！

噚日同尹思哲兄講起呢單嘢，佢都覺得為咗公民抗命（柏裕商業中心嘅）板前壽司值得支持，所以我哋已經訂咗枱，呢幾日之內就會去。如果有緣，希望見到大家！

孫柏文呢幾日內就會同尹思哲兄去（ 柏裕商業中心嘅）板前壽司擦番餐。

李華明係硬膠議員

上個禮拜六，有讀者寄信來問：「金手指先生您好！我是一個從1995年立法局選舉以來，每一次都會支持李華明議員的選民。上周看見您著作的一篇文章中，暗示李華明議員完全不了解本地油商成本結構，我覺得這樣對李華明議員不公平。希望您可以說明為何有如此論調，如果不能，是否應向李華明議員道歉？一讀者」

今日我會解釋點解我覺得李華明「完全不了解本地油商成本結構」。李華明議員，早前喺立法會大大聲要求有《計劃競爭法》。因為李議員話汽油進口價，由6月至11月下跌23%，不過零售價只係跌咗6%，所以本地油商「趁火打劫」，而杜絕方法就係立呢條法例。如果李華明議 員有做最基本嘅資料搜集，都會知道汽油稅係大家打油畀錢時，單一最大嘅成本。而每公升嘅汽油稅係固定，即係話油商賣幾多錢都好，汽油稅都係6.06元一公 升。而噚日我見到12.99元一公升電油價來計，汽油稅就佔咗零售價嘅47%。

即係話就算油商完全冇成本，進口價跌100%到零，零售價都只係可以跌到 6.06元，即係跌53%。李華明議員一係incompetent（無能），一係為通過自己喜愛嘅法例變成crooked。如果唔係點會攞進口價跌23%同零售價跌6%來比？

為畀折扣 隨入口價變

當 然油商除咗汽油稅同進口價之外，仲要畀其他成本例如地租，咁地租又幾多錢？e家租塊可以經營21年油站嘅地皮，以對上幾次嘅成交價來睇，已經超過1億元。 如果將來21年，每年利息要5%，加埋分攤1億元嘅原先成本，等如每一個油站至少每年要賺1000萬。香港有超過150個油站，上年賣4.5億公升汽油， 等如每個油站大約賣300萬公升汽油，加埋賣柴油，大家估吓油商每公升要賺多少錢先至可以彌補（又係）畀政府嘅地租？地租就一定要畀，咁如果汽油同柴油嘅 進口價跌100%到零，你哋估吓零售價可跌幾多？最後，好多油商提供好多折扣優惠畀可以提供穩定收入嘅大客戶，所以，好多時牌價唔郁，不過實際售價就因為 油商調校折扣而追隨入口價變化。

除咗李華明議員之外，仲有好多政客、傳媒話油商「加快減慢」。孫柏文為大家提供一個圖表，圖表裏講埃索柴油進口同零售價，01年至05年嘅走勢。睇完之後，唔該嗰位來信嘅朋友，08年立法會選舉，唔好再投畀李華明呢個硬膠議員！仲有孫柏文今日唔會向李華明道歉！

你敢食大茶飯嗎？

噚日，日本中央銀行議息，亦已非常唔尋常嘅投票比數，6比3決定唔加息 （如果花旗國聯儲局議息投票比數有3個人反對，局長伯南克已經要下台）。各大傳媒、分析員紛紛出嚟解釋，話唔加息嘅理由係因為自民黨執政嘅日本政府，畀好 大壓力落獨立運作嘅中央銀行，而中央銀行承受唔到啲壓力，所以就範唔加息。

孫柏文相信， 最能代表呢一股有形壓力嘅係一句來自自民黨秘書長嘅說話。佢幾日前向日本央行行長贈咗句：「如果央行決定加息，央行嘅人一定要記得承受所有政治責任。」

如 果大家要分析點解「加息決定」被殺，最好嘅分析方法就係扮演一個偵探，好似查謀殺案一樣咁去分析。大家都知道殺人犯係一班自民黨嘅政客，不過動機係乜？殺 人武器又係乜？

大眾智慧：自民黨政客想殺死「加息」嘅動機，係因為怕日本再一次墮入通縮漩渦，到時候因為任何投資都需要龐大嘅回報先至值得做，所以會令企 業借錢去投資嘅意欲大減，再一次將經濟推向衰退局面。

自民黨政客殺死「加息」嘅武器，就係提醒央行嘅人，如果千禧時代嘅日本經濟因為噚日加息而引發通縮同 衰退，歷史會視佢哋為千古罪人。就因為以上動機同武器，日本央行亦排除會爆發80年代過度投資嘅戒心，宣布唔加息。

官僚最終只怕落台

我 問大家一句：「你信唔信以上嘅解釋？」如果你答：「信！」咁我就覺得你一定係「Always simple，sometimes naive。」

真正原因：自民黨政客想殺死「加息」嘅動機，係因為自民黨根本上係現今統治世界「紙幣狂魔黨」嘅中堅分子。「紙幣狂魔」最鍾意中央銀行濫發 鈔票，引發資產價格節節上升。任何嘢嘅價格上升，就係通脹，而喺通脹環境之下，受害者往往都係最冇權力、將錢放入銀行嘅一群人，而最大得益者就係嗰啲識玩 財技、喺建制嘅人。

日本央行呢幾年嚟嘅超低利息政策，已經令全球各國喺建制嘅人，因為可以借平錢去做投機買賣，搵好多錢。各國建制嘅人，都希望呢個局面可 以持續，自民黨作為建制「紙幣狂魔黨」成員之一，當然合作，殺死「加息決定」。問題係，乜嘢係殺人武器？日央行行長福井俊彥，同其他官僚一樣，最終只怕嘅 係「落台」。而官僚最容易下台嘅方法，就係爆出醜聞。

其實，喺06年6月，自民黨已經出過招。06年5月嘅時候，福井俊彥宣布超低利率時代過去，令全球資 產價格下跌，亦代表貨幣購買力增強。大家應該記得，到6月14日，所有資產價格全面反彈，升到今日。無獨有偶，舊年6月13日，亦係日本報章爆出福井俊彥 有未公布非法利潤嘅一日。而到上個禮拜，日本政府公布福井醜聞嘅初步調查結果，孫柏文相信就係呢個「溫馨提示」令佢哋決定唔加息。我想知道嘅係，究竟日本央行嘅人，仲有幾多痛腳被人揸住呢？而揸痛腳嘅人，仲可以食多幾耐呢啲大茶飯？

Physics/Mathematics Question need your help...

Ok, yesterday 蘋果日報 Headline was a traffic accident on the 青衣北橋 Tsing Yi North Bridge.

The report was that a truck had a minor accident first and collided with a barrier. One of the passengers got off and checked the damage. Then they chose to flee the scene.

About after 800m of driving, they struck the lane partition and got killed in a second accident.







Now... The truck supposedly was travelling at 140 km/h when it struck the partition the second time that led to the fatal mistake.

Now my question is... One of these trucks not carrying cargo, could they accelerate to 140km/h from a standing start with 800m?

I would appreciate it greatly if someone out there can answer me. What would the acceleration be? (I have long given back nearly all my differentiation back to my calculus teacher) 0 - nearly 100mph in 800m... Is it possible?

本地油商要打靶嘅真正原因

呢排，孫柏文睇到好多關於本地油商「呃秤」嘅新聞。基本上，完全證據確鑿，好似我老竇話齋：「Guilty like hell！」。如果大家上個禮拜去咗火星，所以睇唔到有關報道，我就好快咁嚟一次「案件重演」。

冇上繳燃油稅

屯 仁街埃索（即全球最大上市公司、市值等如兩個滙豐嘅XOM埃克森美孚ExxonMobil嘅特區附屬品牌）油站，被驗出有一支「呃秤」油槍。出事之後，海關「放蛇」到同一個油站打油，居然發現每一次油站賣汽油，標示供油量比實際高出5%。事後，仲要被傳媒揭發，政府原來批准油槍有0.6%誤差。

大家可能會問：「點解孫柏文對呃秤呢啲自古至今都有嘅詐騙手法，咁激動？話要將本地油商處死，攞佢 哋去打靶？」大家唔好誤會，以我一個咁高層次嘅人，當然唔會因為呢啲咁低層次嘅詐騙手法，「強烈要求政府處死啲油商」。如果大家對特區零售汽油收費組成嘅 方法略懂一二，即係知道多過立法會議員李華明，不過，一年先至睇報紙一次嘅人，就會知道消費者每一次打油，畀嘅錢最大開支係畀燃油稅。

噚日，我見到有油站 賣無鉛汽油，每公升賣12.88元。而12.88元中，就有6.06元係燃油稅，即47%。

今日，我攞油商去打靶嘅原因，係因為油商賣100公升汽油，不過收105公升汽油錢嘅時候，等如油商同時間代政府從消費者袋中收取5公升汽油、冇上繳嘅燃油稅。我作為特區數一數二嘅愛國者，已經對逃稅非常反感，今次啲油商唔係逃稅，直情係「挾政府權力，中飽私囊」。如果唔拎佢哋去打靶，仲可以點？

挾政府權力中飽私囊

再 講，政府批准油槍有0.6%誤差，而有前油商坦白承認，好多油槍調校到啱啱少0.6%。呢個雖然係錯，不過絕對合法，所以大家冇得打靶。不過，大家知唔知 道如果全香港嘅油槍，都調校到啱啱少0.6%嘅電油，油商因為「挾政府權力，中飽私囊」代政府收、冇上繳嘅燃油稅，又有幾多？

根據政府數字，喺05年我哋 特區嘅汽車，唔計柴油等等，淨係無鉛汽油都燒咗大約4.5億公升。而如果油商「賣多」0.6%，就等如「賣多」2700萬公升電油。燃油稅就係6.06 元，亦即係油商「幫」政府收咗1.6億。係1.6億冇成本，令市民要求減燃油稅嘅利潤。

以前，埃克森美孚係由John D Rockefeller建立、叫Standard Oil嘅石油公司拆骨出嚟。可能因為Standard Oil個名太臭，所以，全部拆骨出嚟嘅公司都改名，e家剩番「標準石油氣」有用「Standard」呢個名。如果埃克森美孚再繼續「呃秤」，真係用乜名都死。

This is my brain...

This is my brain...

Your Brain is 27% Female, 73% Male

You have a total boy brain Logical and detailed, you tend to look at the facts And while your emotions do sway you sometimes... You never like to get feelings too involved

What Gender Is Your Brain?

商品市場：風繼續吹！

前晚，孫柏文突然失眠，成晚用咗好多種方法都瞓唔着覺。經過好幾小時嘅掙扎，情緒亦開始唔穩定。忽然，靈機一觸，我走去電腦，開啓政府嘅網站，下載咗特區政府配合祖國 「十一五」計劃經濟……I mean經濟計劃嘅政策建議。

唔睇都冇事，一睇就大鑊。原本已經瞓唔着，一睇政府「十一五」嘅政策建議，直情令我興奮忘形。原來，我哋嘅特區政府想搞商品期貨市場，作為「白銀戰隊隊長」嘅我當然非常雀躍。

金融天才居然做公僕

文件中嘅建議，質素比我想像中強，原來一班「積極不干預」下訓練出來嘅政府官員，識點樣提供金融服務。有時，孫柏文覺得我哋特區真係好行運，因為有一班可以從事金融業嘅天才，放下身段做公僕。作為一個自由市場支持者，我很相信市場可以將資源好有效地分配，不過，金融業天 才居然會做公僕，都令我對香港作為全世界最自由市場嘅地方有懷疑。

其實，我哋特區係已經有非常龐大嘅商品期貨買賣，例如我以前做貿易行買賣嘅塑膠原料。一樣有人掛牌買貨賣貨，相信如果有需要統一報價，已經有人做咗。不過，再諗深一層，如果有人真係想為某一類商品搞統一報價，將各個貿易行嘅掛牌喺一個地方就 可以睇到，你哋估吓特區政府會有乜嘢反應？

如果做統一報價嘅人，諗埋一套完善嘅交收貨系統，你哋估吓特區政府會點？

最後，搞手為希望市價可以更快、更靈活到達能夠解決供求差別嘅價位，而引入同該類商品無關嘅投資者，你哋估吓政府會唔會拉人？

如果香港今時今日對商品市場或期貨買賣有需求，而冇供應，你哋估係因為政府「冇做嘢」？定係想搞商品市場嘅人怕咗政府？

請畀孫柏文一個機會

大 家要明白，政府官員第一樣要考慮嘅係會唔會「孭鑊」，冇人搞市場買賣就冇人要「孭鑊」，所以政府一定唔會畀人搞。大家可能會問：「不過，政府家唔係想搞 商品期貨市場咩？」係就係，因為政府有壓力要搞番個，不過，好似「五隧一橋」同「納指七雄」一樣，如果防止市場出現失敗，就要退到「就算有市場，都要冇成 交」嘅官僚第二防線。可以一路高叫「保護投資者」，一路打壓買賣。

如果就算大力打壓都仲有買賣，就等如有需求，到時候可以順水推舟，來多一次利益輸送，繼 續畀又名「港交所」嘅特區金融服務生產部，提供壟斷性行業一般有嘅服務水準。最後，我希望政府可以畀機會（等如唔好即刻拉人）孫柏文開一間白銀市場。睇番以前嘅新聞報道，我絕對有信心我哋特區可以提供實貨交收返祖國大陸。我哋已經有龐大嘅交收車隊，大家睇圖就明白！



孫記白銀市場嘅車隊，就算要將白銀放喺車軸度運輸，都會成功將實貨喺大陸交收。

大肚婆15天高潮：A貨強政勵治

1972年8月4日，前宗主國殖民地烏干達嘅總統伊廸．阿敏 Idi Amin，頒布命令，要烏干達境內嘅5萬名南亞裔居民，喺90日之內離境。伊廸．阿敏亦宣布全面推行本地化，將呢批南亞印度裔居民嘅資產充公。

當年，呢批 南亞印度裔居民，其實已經落地生根，不過因為歷史原因，所以每一個人都有大英帝國護照。亦因為有大英帝國護照，所以正當面對勒令離境同資產將會被充公嘅現 實，佢哋就紛紛湧往英國。

大家可能會問：「孫柏文今日係唔係想舉例，究竟乜嘢先至叫做真 正嘅強政勵治？」冇錯！當年英國政府，面對住一批一批持有大英帝國護照嘅難民，居然可以差唔多喺一夜之間，國會上下議院三讀通過，將呢批持有堅過石堅大英 帝國護照嘅人士嘅居英權剝奪。仲要即時畀英女皇簽名，變成法例。當時，仲有大批喺空中飛緊去倫敦希斯路機場嘅飛機，因為法例通過，而需要承擔處置呢批持有 大英帝國護照難民嘅責任。

三流權宜之計

雖然完全係無賴嘅政策，完全暴露大英帝國嘅假仁假義、帝國末日之心，不過孫柏文要 承認呢個真係一個「強政勵治」嘅政策。大家要記得，呢個政策「強政勵治」嘅原因，不單止係因為可以厚顏無恥咁剝奪大英帝國護照持有者嘅居英權，最重要係剝 奪居英權嘅法例可以即時落實。就算空中仲有飛機嚟緊，都一於好少理。

好多人以為，特首Sir曾蔭權係港英政府殖民主義僅存嘅承繼人，不過曾特首可以學到 1972年嘅英國政府咩？孫柏文一路都好支持所有想下一代做香港人嘅父母來港生育，現在錯嘅唔係邊防入境政策，而係綜援政策，相信大家都明白我嘅想法。

不過，孫柏文噚日聽到風聲，話政府會宣布開始大力限制大肚婆來港。如果你要限制去平息因為保護主義所以衍生缺乏助產士嘅民憤，呢啲三流權宜之計，我都冇辦法。不過，孫柏文警 告政府，如果要限制大肚婆來港，就要喺宣布一刻立即落實限制政策。如果宣布同落實限制有任何時間差別，我哋就會見到大批大批嘅大肚婆蜂擁來港。

傳聞話政府 會今日宣布限制大肚婆來港嘅政策，不過要去到2月1日先至實施。如果呢個傳聞係真，我可以擔保呢15日就會係大肚婆湧港嘅高潮。如果馬會要開上下盤，真係 可以開喺15日有兩萬個大肚婆。以前香港已經有廢除抵壘政策嘅經驗，歷史第一次發生係悲劇，第二次就係鬧劇。希望曾特首唔好打大肚婆，不過如果要打，就一 定要快、狠、毒。

用 E-trade 去買白銀

In this piece, I recommended buying SLV ETF through E-Trade. In view of recent developments, I strongly urge ALL to get their stock positions out of E-Trade.

I am exceptionally uncomfortable with that brokerage house right now.

--------------------------------

今日，我相同大家講點樣買白銀 。大家都知道孫柏文最喜愛嘅投資項目，唔係股票，而係白銀。

建議買入：白銀

目標價：每盎斯120美元

年期：至到2016年3月6日

大家都知道，孫柏文重複又重複咁叫大家買白銀嘅時候，要購買實貨。而如果大家怕將一嚿嚿白銀擺屋企，又嫌保險箱倉租貴，絕對可以考慮花旗國上市嘅白銀基金，Silver ETF Exchange Traded Fund。

因為呢個基金，可以好似股票一樣買賣，而大家每一次向基金買一股，佢哋就要買十盎斯白銀。基本上，大家每年要畀百分之一嘅管理費當倉租，不過如果大家相信白銀可以升到120美元一盎斯，大家絕對可以考慮買呢個基金。基金嘅股票編號係 SLV。

最後，大家可能會問：「究竟用邊一個股票經紀好？」作為一個特區投資者，大家可以考慮用我用開嘅股票經紀 E-trade。其實，我都用咗佢哋好多年，Margin、炒輪都冇問題所以大家不妨考慮用E-trade。

提防死貓反彈

講番個市。上個禮拜五，H股指數升咗162.95點。連續跌咗幾日之後，嚟咗一次技術性反彈。番鬼佬話齋：「只要身處嘅位置夠高，攞隻死咗嘅貓掟落街，都會彈一彈。」呢啲技術性反彈就係叫Dead Cat Bounce。

藍海策略 Blue Ocean Strategy

「哈哈哈哈，哈哈哈哈哈哈，哈哈哈，哈哈哈哈哈哈哈哈哈哈，hehe呵呵哈哈哈！啊哈，哈，啊哈哈哈哈哈哈！」如果孫柏文今日問大家，以下三個作家，邊一個曾經喺自己專欄寫過以上句子？A.董橋B.畢明C.孫柏文。相信大家都會第一時間估係「C。低能仔孫柏文！」無他嘅，呢啲咁低能兼有濃郁呃稿費味道嘅句子，相信只有我先至寫得出。不過，以上句子其實係噚日B.畢明喺《蘋果日報》副刊名采版裏面寫出嚟嘅。

大 家不要驚奇，其實噚日畢明寫呢句話，係想為大家示範吓一種叫做「藍海策略」Blue Ocean Strategy。畢明解釋「藍海」即係一個未被開發，或者只有一個供應商嘅市場。如果一個市場有多個競爭者，就會出現互相仇殺嘅情況，當血溝水嘅時候， 就會將汪洋大海染成紅色，即係將「藍海」變成「紅海」Red Ocean。

畢明話，因為我哋特區已經有董橋先生同陶傑先生等文字功力非常高強嘅人，所以如果一個專欄作家，要採納「藍海策略」，就不如「放下身段去哈哈儍笑…因為他（陶傑）不是儍的，但我可以，哈哈。」

我今日要同大家分享畢明嘅見解，就係因為噚日孫柏文睇到畢明嘅文章時，發覺畢明已經篤爆咗《金手指》嘅市場定位策略。

不過，我想警告畢明千祈唔好想跳進「儍仔專欄」嘅市場，因為已經有孫柏文喺裏面。如果要將「儍仔專欄」嘅「藍海」變成「紅海」，最終勝利一定係我，因為以畢明嘅智慧，佢都只係可以扮儍仔，不過孫柏文就 係一個不折不扣嘅真儍仔。如果大家唔服，大家就要問一問自己，究竟當今世上最有可能寫出本篇文章第一句說話嘅人，又會係邊個？

Drinking with the older folks...

Was at a wedding banquet last night.

Was not my friend getting married. But a daughter of an uncle. Yes, I have friends across the entire age spectrum.

Anyhow, was just downing Hennessy XO Cognac the entire night. Sweeeeeeeeet.



Not the taste of course, but rather the aftermath. If I drank the same volume of tequila or some plastic bottle vodka, I would be nursing the biggest hangover ever. Now however, I only feel slightly nauseous. Yippee!




Of course, getting drunk on Stolichnaya Vodka will also not result in too bad a hangover. But hey, volume for volume, Hennessy XO is 8 times the price of Stolichnaya, so if someone is buying, I am drinking. HahHAhAHAha

Also, it is good to go drinking with older folks. They really know how to drink. And with their "been there, done that" world view, they would hardly judge, especially a younger person making a complete fool of himself (or at least that is what I am hoping for after last night)

Phone update...

Ok,

I have bought a new phone, because I have lost my recently purchased new one (my original phone is like 3 years old and it was an "out" model already when I purchased it).

Before I reveal the model/make.

I would like to thank everyone of you that helped my mental process in choosing by leaving comments!

Anyhow, I wrote down a list of needs.

1. I have to get a phone NOW. Because my old old phone is fucked. I mean likely totally fucked. The screen will black out and that means I only know whether I dialed the correct number by listening to the phone pad tone and whether the right person picked up the phone (retro I know).

This requirement struck out the Apple iPhone because I sincerely have no idea when they will launch in HK and whcih phone operators will cooperate fully with Apple to make the phone's functional fully usable.

2. I want to take videos, high resolution videos. So that struck out the retro "water bottle" phones. I really wanted one of those because at the very least, it would have served as a nice ice-breaker in any clubs I go to = ) This eliminated those HK$350 phones that 3rd world farmers use to check latest agricultural product prices...

3. I want a new phone. I don't want a second hand one, as I have no idea how the previous owner treated the phone (I really do think phones should be approached like cars in purchases, at least it is easier to detect whether a car has been in an accident as vs whether a phone has been dropped in the toilet). This requirement makes Apple's iPhone an even more remote and unlikely choice, as I can't wait (see requirement 1).

4. I wanted a phone with optical zoom lens. Ok, that requirement struck out practically all phones. Wonder how many phones have optical zoom lens?

So... after considering all of the above requirements, you all probably have guessed which phone I got...

Yes, I went and bought ANOTHER Nokia N93 ... Sad but true ;)

But hey... I promise I will post MASSIVE amounts of interesting videos online... And do interviews of my subjects... yeah!

篤爆政府如何殺死創意工業

OK... Today's piece. It is written by a writer with, in my humble opinion, much potential. I know this piece lacks the usual venom (hallucinogen?) of a typical gold finger 金手指 piece. But be assured both the writer and I know this, and hope very much that you all can read this piece and leave comments.

篤爆政府如何殺死創意工業

政府想修例將上下載侵權檔案列為刑事罪行，網民激動又憤怒，大呼BT無罪。這個反應是必然的，向來吃慣的免費午餐要暫停供應，怎能不激動？但事實並非表面看來般簡單。

有些網民怨聲載道是因為他們拿着金牛想買午餐，但飯堂沒有午餐賣，只有免費午餐派，於是他們才跟隨群眾食免費午餐，食得和味，還可收回金牛。現在免費午餐暫停供應，他們自知手握金牛高人一等，奈何沒有任何優勢，因為根本無人賣午餐。

網 民用點對點下載檔案通常有兩種情況：一、明顯因為貪檔案免費，不想「執輸」 ；二、為了方便，例如不想沖涼換衫吹頭落街找CD舖買CD，回到家中還要將CD import到iTunes成為電腦檔案（轉換過程還可能遇到甚麼security coding ，要搞上半天），在電腦播放音樂，倒不如安坐家中下載侵權檔案罷了；又例如心血來潮想聽首懷舊金曲或看齣非主流日本動畫，明知走遍全港影視店找都未必找 到，那倒不如安坐家中，下載侵權檔案。

貪免費的網 民，就好似昔日問你借所有DVD、VCD或CD光碟的朋友，dub完碟第二日還給你，現在的互聯網令這一借一還快過閃電，但大家都知道，這些損友避無可 避，他們總有辦法不費分毫拿到想要的東西。而貪方便的網民，即使拿着金牛，也未能在網上經合法途徑付費下載所要檔案。除了用BT，根本別無他選。

肯試聽就有衝動買

BT 被廣泛使用透視了網民對音樂、電影的需求及需求模式的改變。他們渴望從一個包羅萬有的檔案庫內快捷、方便地下載數碼化作品。但現時的版權持有人根本無意提 供網上收費下載去滿足顧客的需要，只是強迫人代入古老的賣唱片手法。我Erica可以肯定講句，即使政府立例管制下載侵權檔案，唱片市道並不會因此轉好， 因為漠視顧客需要的公司是不會賺錢的。

針對唱片業而言，要知道傳統CD的缺點，是將10首歌錄成一隻CD的綑綁式銷售，顧客可能只聽過其中兩首，所以買 CD存在很大風險，往往令顧客卻步。但苦無途徑逐首歌買，所以用BT下載當是試聽。有人聽完會買CD以示支持；亦有人聽完會全碟delete，免得嘥位。 聽眾想試聽代表他們有購買的衝動，衝動是短暫且脆弱的，聽眾走到CD舖那股衝動已所餘無幾，再被大半隻CD的非主打歌打擊，更覺沮喪。沒抓緊顧客購買的衝 動，是誰之過？

在CD動輒賣幾十萬張的90年代初，每個學生青年都帶着discman，後來MD興起，聽眾用CD錄成MD。現在，discman和MD機 連街邊收賣佬都當是古董，人人用MP3或iPod，方便將歌曲分類，自訂playlist，CD難賣，理所當然。

配合顧客進化改革

在 創意工業界未使盡渾身解數提供收費點對點上下載銷售平台之前，政府不應輕舉妄動胡亂改例，假設了所有網民都是貪免費的侵權罪人。要知道唱片業界忽略了一大 群貪方便的潛在顧客，未有因顧客的進化行為而改革，藉互聯網發展新的銷售渠道，等於斷自己米路，這並不是政府的責任。網民有demand，業界無配合網民 的supply，所以才孕育了不正常的supply。

iTunes Music Store 每首歌賣99仙美金，一年賣10億首歌。已經有成功例子擺在眼前，香港竟然無人跟風，業界食古不化，令無辜的網絡供應商在修例之後廣受牽連，要記錄網民 24小時的網上活動，政府還要犯險，不顧網民私隱去緝兇。條例實質是懲罰了ISP，犧牲了網民的私隱，保護了版權，但不見得能提高版權持有人的報酬。

假如 有一個包羅萬有的收費檔案庫，讓網民合法、快捷、方便地下載數碼化的作品， 將創意工業發揚光大，作品多了人欣賞，版權持有人荷包多了錢，皆大歡喜，但未必是拯救創意工業街根本問題的靈丹妙藥。不肯創新改革的創意工業有這種自相矛 盾的現象，是因為政府有意保護，令業界放慢改革的步伐。請政府不要干預，強迫他們面對現實，才能自救。

袁彌明

Our Handsome Mr Wong

I have a colleague Mr F Wong. (Shall post his pic later)

He ruptured his ligament, ACL I think.

Anyhow, he is single and is known to be cute and very nice. But due to past events, he has been very inactive in the dating market.

He has promised to re enter the dating market soon.

So I am going to post his pic here... And any interested female reader can send me an email if you think you want me to set you kids up for a blind date. Yes, he doesn't know about this...

I am hoping to surprise him. hehe

Wait for the iPhone?

I posted yesterday that I am in the market looking for a new phone and I am very very appreciative of all the comments you all have left me.

Anyhow, I need a new phone because I was DUMB, DUMB, DUMB and ARSE, ARSE, ARSE enough to lose my old phone.

Which of course wasn't even that old in the first place. Because I got it like only a week a go.

Once again... Arse.

I know a lot of you have been advising me to wait until the iPhone comes out, and in the mean time to use an old one first.

I am thinking... it will quite a while before ANYONE in Hong Kong will get to use an iPhone in here (afterall, Apple Inc will want to control the relationship between an user and the telecom supplier) as Apple will need to find a compliant telecom company (PCCW? Smartone? Peoples???).

Therefore, I am seriously toying with the idea of buying a N93 again.

And sell the N93 when the iPhone comes out. What do you all think?

讀者問：H股跌完未？

未。

孫柏文喺06年最後一個交易日，即係12月29日嘅《金手指》，曾經叫過大家「一注獨贏」買H指認沽證。理由係因為我覺得06年最後6個月，H股指數走勢有如03年嘅最後6個月。

而一眾分析員、財經口水佬喺06年尾用來辯護H股點解應該升嘅理由同熱情，真係同03年比較有過之而無不及之勢。

重鎚宏觀調控所致

當 然，喺12月29日，我亦曾經話過啲H指認沽證，如果從04年初嘅經驗學習，大家應該喺07年1月尾放出去。雖然，H股指數喺04年要到4、5月先至見 底，不過大部份嘅跌幅都係因當年3月開始嘅「重鎚」宏觀調控所引致，所以不能單從03年尾升幅過急而預測得到。大家可能會問：「大陸政府又好似玩宏調，將 銀行主宰放債能力嘅存款準備金推高，H股指數會唔會來一次04年翻版？」

如果歷史重演……

我 覺得祖國政府喺達到宏觀調控目標嘅政策選擇已經成熟好多，應該唔會好似04年咁，突然宣布全國所有銀行不能放債，呢啲極度擾民、極度粗暴嘅宏調政策。不 過，我都有計算過如果H指今次下跌幅度，猶如04年一樣，會跌幾多。睇番歷史，03年尾嘅H指升浪，喺04年嘅1月初見頂，當時H指見5391點。去到5 月中，H指喺3546點見底，即係由1月至5月H指跌咗35%。今次升浪，H指喺今年第一個交易日，即1月3日見頂，報收10766點。如果今年歷史重 演，H指跌35%，H指就可以跌到7081點。大家可能會問：「如果咁樣急跌，係唔係等如呢個大升浪玩完？」

將國壽H股賣畀同胞

大 家作為我嘅fan屎，都知道我好鍾意用200日平均線去協作決定升浪係唔係玩完。而H指今日200日平均線就係喺7350點，所以就算H指跌到7081 點，都應該可以仲算係「調整」，而升浪未完。今次H指大升浪嘅龍頭股，就一定係中國人壽（2628）。中國人壽升咗幾多？市值已經係全球第二大保險公司。 唔通，真係每個中國人都會有一張保單？

點都好，今次中國人壽大升浪嘅高潮，一定係中國人壽A股上市日。今日孫柏文想 問一句，點解唔可以畀我賣手上中國人壽嘅H股畀啲同胞當A股？兩種股份，每股派息一樣，投票決定權又係一樣，點解要將我哋分隔？不如就簡簡單單，畀特區股 民只要手上有H股，就可以出一張預託證券China Depository Receipt賣畀我國同胞。等兩地嘅差價，唔會咁肉酸。

What new phone should I buy?

Ok, I lost my old phone. I think I have gotten over it.

Anyhow, I would like to seek all of your views on this.

I am thinking of buying a new phone.

Either go crazy and buy a N93 again... Or buy a HK$350 phone.

This is what I have done previously (here and here) with my old N93 (ok, the couple of days I had it)...

What do you guys think? Need your advice, please leave comments!
請大家會貼，給小弟一些建議！

Youtube無分年齡 孫媽媽學上載

孫柏文：母親大人，多年來未見過你拾起筆來寫作，為甚麼今天突然咁有興致呢？

孫媽媽：阿仔，你有所不知。你阿妹想學烹飪，所以我現在下筆為她寫食譜。

孫柏文：我至親愛的妹妹？想學烹飪？有冇搞錯！她做醫生的工作時間那麼長，哪有時間烹調？更哪有時間學烹調？她不是像我一樣，只懂煲水和使用微波爐嗎？

孫媽媽：你真不了解你的妹妹，她有基本的烹飪底子，現在因她接受了男朋友的求婚，知道要成為人妻，所以鑽研和磨練自己的烹飪技術。其實，我知如果可以親自教授她廚藝當然最好，奈何，她身在英國工作，惟有倚靠文字傳達她想學的食譜。

孫柏文：母親大人，為甚麼你不使用電郵，而要執筆寫信呢？

孫媽媽：因為我有一個不肖的兒子，自從1998年開始已經應承會教我如何使用電郵，一等等了9年，到今天仍然不懂怎樣用電腦。

孫柏文：不過，母親大人，你只得一個兒子，難道你是在「暗寸」我嗎？

孫媽媽：你自己鍾意對號入座也不會有人反對，不過我現在需要趕着幫你妹妹寫煮白切雞的食譜，無謂再多講。

孫柏文：母親大人，如果我可以幫你拍攝你烹飪的過程，而你一邊烹調一邊旁述，並解釋一些烹調竅門。之後，我將短片再傳送給妹妹，你覺得她這樣會學得更有效嗎？

孫媽媽：這確是一個從你口中吐出來極少數的好主意，你是否將這段片變成VCD？如果可以的話，能否做多幾隻，等我可以寄給你的表姐、表妹、表兄及表弟，因為他們幾十人都想學煮白切雞。

孫柏文：其實我不會將段短片燒上CD，我原想將段短片直接經電郵給妹妹，不過，既然有這麼多親朋戚友想要學煮，我現在想將短片放上Youtube等所有人都可以分享。

孫媽媽：Youtube？是否那個可以看到「巴士阿叔」短片的網站呢？

孫柏文：對。

孫媽媽：咁我咪要化妝？

孫柏文： 其實，老一輩充滿知慧的人可以靠Youtube去傳授給年輕人無窮無盡的智識。Youtube最好的地方就是可以無分國界，只要有一條可以上互聯網的線就 可以重溫那段教學短片。甚至，將來妹妹可能會有的孩子們亦可上Youtube，它朝能靠短片看到你煮白切雞的方法，將你的手藝繼續流傳。

重申一注獨贏買白銀

噚日，孫柏文講 過上個禮拜原材料大跌嘅理由，係因為就算債市、石油及銅價，都紛紛發出花旗國將會因樓市爆煲以致經濟衰退嘅訊號時，聯儲局仲喺佢哋12月開會嘅會議紀錄裏 面話「好擔心通脹壓力」。令市場覺得，聯儲局會有一排先至開始減息。最大問題係，從觀察舊年年尾嘅債市息率，市場已經預期今年會減四次息，不過，聯儲局一 公布佢哋嘅會議紀錄，形勢就冇咁清晰。

不過，噚日 我亦講過全球最大債券基金Pimco嘅基金經理Bill Gross，對於呢份會議紀錄「一於好少理」。因為覺得聯儲局要執拾樓市泡沫爆煲呢個爛攤子，所以繼續預測今年會減息四次，到4.25%。我亦講過好同意 呢個觀點，所以我亦預測黃金白銀下半年一定會好勁，因為聯儲局又一次重開印刷機，瘋狂印銀紙，令紙幣繼續貶值。

而睇番眾多原材料之中，上個禮拜跌得最「甘」就一定係白銀，3日之內跌7%，到12.10美元一盎斯。冇辦法，聯儲局嘅一份會議紀錄，令「紙幣狂魔」忽然多咗好多盟友，出招打壓白銀。

不過，一打就令到白銀價重返佢嘅200日平均線，而我已經多次講過，每一次銀價重返200日平均線都係一次入市嘅好時機。

我由舊年3月6日第一次叫大家「一注獨贏買白銀」開始，就已經話過「白銀每一次升，我都會出嚟邀功，每一次跌，我都會叫你『趁低吸納』。」今日，我就係叫大家趁低吸納！所以今日我用番以前做股票分析員時候嘅術語：「重申目標價」。

（重 申）建議買入：白銀目標價：每盎斯120美元年期：至到2016年3月6日今次，已經係第三次我「重申一注獨贏買白銀」，以下有個銀價圖同我對上兩次「重 申」嘅記錄，相信大家睇完就會知點做。不過，因為黃金白銀成日都有人整古做怪，所以我要再三向大家勸喻，大家不要貪圖方便而買「紙上」白銀，要買就買實 貨，千祈千祈唔好做孖展。

最後，噚日小弟拜讀黃國英兄嘅《英之見》專欄，題為「一注獨贏輸多贏少」嘅文章，小弟獲益良多。文章提及「一注獨贏泡湯機會高達 七成以上」，小弟會永遠記在心中，亦向天發誓希望令大家fan屎做到剩落嚟嗰三成唔泡湯嘅人。

Fuck.

I lost my phone. Fuck.

Absolute Arse.

I cried...

Tears rolled down my cheeks... When I read this...

What would you do if you were given a second chance to try something you have regretted failing the first time for your entire life?

Index ETF =/= Passive investing

好多人覺得買指數基金好穩定，因為覺得基金唔會經常買入賣出。 不過，花旗國Mark Cuban講過，買指數基金其實只係買決定指數成份股公司嘅眼光。每一次加入、剔除或改變成份股，你就已經進行了買賣，所以唔好覺得指數基金唔會經常買入 賣出。

When you "buy the market" by buying SPDRs or QQQQ or DIA, you are thinking that you are investing "passively". Merely tracking the market.

However, as Mark Cuban has said, when you buy an index fund, you are actually trusting the stock pickers of the index. Whether it is the S&P 500 or the Hang Seng Index.

Everytime they change their index portfolio, or weighting, your fund will be trading. So do not think your index fund is as passive as they prsent themselves to be.

花旗爆煲 金銀飆上

上個禮拜真係刺激。原材料大跌，跌得最慘就一定係孫柏文最 喜愛的白銀，3日之內，跌7%。中資國企股都受到嚴重回吐壓力，被我譽為今次H股泡沫龍頭，猶如當年科技股Cisco嘅中國人壽2628，亦係3日內有高 達17%嘅波幅。好彩中國人壽係一間國企公司，如果係一間土生土長香港人建立同營運嘅公司，港交所同證監會都已經要求佢出通告解釋。

不 過，上市公司出少啲「唔知道點解股價大上大落」嘅通告，對環境保護都好啲。因為我都係一個環保分子，所以我好支持「untouchable」嘅國企來港上 市，繼續支持港交所同證監會排擠土生土長嘅公司。呢幾日股價大上大落，最大得益者肯定係班輪商。淨係睇中國人壽禮拜五嘅波幅，都知道輪商淨係靠朝頭早嘅過 山車走勢，已經因為引伸波幅，可以將認股證嘅溢價校到好高。

其 實，呢幾日嘅金融市場波動，源頭就係上個禮拜三晚出嘅花旗國聯儲局會議紀錄。聯儲局會議就係喺12月進行，總括嚟講，聯儲局仲係一心想打擊通脹。就算到上 年年尾，債市（憑長息率低過短息）、石油（升勢終止）、銅價（跌、跌、跌）都已經發出訊號標誌，花旗國如果唔改變方向，就會經濟衰退，但聯儲局都好似一意 孤行。仲有，大家都預期聯儲局出來救市，點知一份會議紀錄，令大家夢醒。所以對經濟表現非常敏感嘅油價、銅價都相繼加速跌幅。

加按攞錢影響嚴重

當 然，有啲人完全唔覺得聯儲局可以不顧經濟衰退，覺得遲早會減息救市。例如，全球最大債券基金Pimco嘅基金經理Bill Gross就覺得，聯儲局今年應該減四次息，令聯邦息率去到4.25%。呢個觀點，我都相信，我都覺得聯儲局會重開印刷機，瘋狂印銀紙，所以黃金白銀下半 年一定會好犀利。大家都知道花旗國經濟會衰退嘅最大原因，就係佢哋嘅樓市正在爆煲。多嘅我都唔講，因為樓價唔升，花旗國人民淨係少咗加按攞錢，都會嚴重影 響經濟。花旗國分析員Barry Ritholtz計過數，01年、02年如果花旗國經濟冇咗業主加按攞錢，已經會有嚴重經濟衰退（表）。02年之後，花旗國經濟愈嚟愈依賴業主加按，所以 今年冇呢筆錢，除非聯儲局減息，經濟都好難唔衰退。

I walked a mile for a Camel

大家作為《金手指》嘅fan屎，都知道孫柏文非常反對啱啱1月1日生效嘅禁煙條例。無他，反對嘅理由係連只准成年人出現嘅地方，而所有在場人士都你情我願嘅情況之下，都唔准食煙。我亦曾經喺10月19 日講過，我哋特區嗰班患有「肛門堵塞症」anally retentive嘅人，已經將特區推向納粹德國之路。

30年代納粹德國，當時希特拉（Hitler）又係大喊要保護市民健康、製造「完美」社會，所以實施公眾場所全面禁煙嘅政策。歷史最後證明，禁煙只係第一步，煙民只係第一群受迫害嘅人。不過嗰篇文章出街嘅一日，我只收到支持禁煙嘅電郵，一個支持《金手指》嘅煙民都冇。到咗今日，我希望特區80萬個煙民卒之明白，乜嘢係被侵犯獨立自主權、乜嘢叫冇人尊重個人決定。

左偉國玩死醫生

早幾日，孫柏文喺電視機螢幕上，見到吸煙與健康委員會主席左偉國意氣風發嘅樣。左偉國個樣，有如當年希特拉成功吞併捷克之後，向波蘭宣戰一樣樣。繼公眾場所禁煙之後，再要求政府加煙草稅。殺完同性戀者、再追殺共產黨員、最後滅絕猶太人，為達到「完美」社會，會不遺餘力。唔通，呢啲就叫「強政勵治」？

大家可能會問：「左偉國身為牙醫，點解要咁落力去宣傳反吸煙呢？」點解？有如我嘅朋友Rapiere話齋，左偉國一定係當年入唔到醫學院，迫住走去做牙醫，一路都懷恨在心。e家話禁煙，係知道好多醫生食煙，所以今次一鑊過，玩死佢哋。左偉國呢招夠晒毒，乜仇都報晒，佩服！

不如響應長毛遊行

今時今日，我知道有「長毛」之稱，視煙民哲．古華拉為偶像，自己今日都飽受被侵犯獨立自主權嘅立法會議員梁國雄，話會搞遊行抗議呢個政策。孫柏文今日發誓，如果梁議員搞遊行，我第一個到，仲會同佢肩並肩咁行。大家不如響應梁議員，遊行當日一路行，一路食煙，將維多利亞公園、軒尼詩道、政府合署變成全世界最煙火鼎盛嘅地方，喺一片二手煙之下，爭取獨立自主權！到時候，大家真係可以同自己講一句：「I walked a mile for a Camel！」

Sorry for the lack of posts...

For some reasons, I was having difficulty in accessing blogger.com...

So I was a little slow in posting...

Anyhow, below is a few posts of what I wanted to say for the past few days that I saved in draft.

Me, My N93, Simon and his new iPod

Well, we all know how iPod conquered the world and REALLY exposed how the Singaporean firm Creative Technology really dropped the ball on the mp3 player.

Ok, so did Sony et al.

But lets face it, Apple cracked the code on mp3 players. Which is when a user is faced with a bazillion songs or data measured in gigabytes, how the hell is the user going to have the easiest way of finding the wanted data.

When user's demand of instant gratification are measured in nano seconds, how can they manage the data most efficiently and quickly? And for those who says "Yes, but Sony has better sound quality!" all I can say is who cares when they are playing mp3s.. MP3s!!! yes even if it is 192b version...

Anyhow, this is Simon (a new iPod user) rates and comments on the iPod. And the voice you can hear interjecting his review is mine (yes, I am aware about how the iPod causes a lot of hearing problems, and notice how he doesn't respond to that... maybe hearing damaged?). hahahahaha

Me and my N93

I have said before that I really really really wanted a Nokia N93 to film stuff... Yes I got one!

And I have said that I do like to go to the club formerly known as 348, now called F-1...

Now if you merge the two urges together...

This is the result. Yes... the squealing? thats me with excitement... hahahha



First thing first... my favourite part of the video is from 1m02sec till 1m14sec. But what is the guy doing!??! Why is his hand on her back... I was like put it on her ASS... HER ASS!!!!! 唔好摸背隻啦!楂屎忽啊!屎忽啊!!! hahahahahahah

The thing is... notice the girl on the left, between 1m56s and 2m01s... watch the way she rapidly oscillates her butt. Now imagine how applicable that is with her on top ho ho ho...

Also, with these kind of music, arms waving like the dude simply looks weird (towards the end of the video). I feel bad for the male dancer... Obviously well trained in the art of professional dancing. But if whatever dances he knows is like Wushu competition, when he has been plunged into an ugly free-for-all street brawl... Kinda like university debates vs public advocacy.

孫柏文 helped to popularise the word 膠 (plastic)?

Ok, here's the original piece of me calling 民建聯 the Democratic Alliance for the Betterment and Progress of Hong Kong (DAB) 膠 (plastic), for asking the government to subsidize the finance industry of Hong Kong.

Well, the word 膠 strictly speaking means plastic, or some sort of gum/organic (carbon based) substance. It also incidently rhymes with the word "penis" in Cantonese. But it has been used by those who visit the forum hkgolden to describe things or people in a derogatory manner. Which of course is why I used it to describe the DAB.

Anyhow, the subsequent fallout is this. From one Mr Martin Oei (sp.?)

I love it how the debate is not focused on whether DAB is 膠 (which I guess is accepted by Mr. MO), but on how this word will gain popularity in the mainstream media, and by extension into the mainstream public.

If 膠 ever goes mainstream... I am proud to be part of the reason why! hahahaha

原材料係時候重拾升浪？

噚日，相信大家都將焦點放喺股市身上，呢點孫柏文絕對明白。因為，恒指同H指都相繼跌咗幾百點，特別H指始終得萬幾點，如果一日之內跌幾百點，真係心驚膽跳。不過，今日我想同大家講嘅唔係股票，而係都有一排冇講過嘅原材料。我記得當年我仲係一個石油分析員嘅時候，每一次見到啲客，我都會同佢哋講：「信我啦！石油一定升到大家都唔信。」不論當時石油係30蚊一桶，40蚊一桶，或者50蚊一桶又好，我都係始終如一，好consistently咁講。當年信我嘅客，好多時候都會問我：「石油升，點賭？」同「咁幾時先至好入市？」

何時入都係好時機

我嘅答案都係一樣：「大陸石油股。保守嘅可以買中石油（857），信中央政府政策會愈來愈開明嘅可以買386中石化，想搭基金經理順風車嘅可以買中海油（883），最後信我，覺得油價會升到大家都唔信嘅價位，就買中國（香港）石油（135）啦！」仲有：「任何時候入，都係好時機。」雖然啲客對點樣賭石油升嘅答案，冇乜異議。不過好多時候，啲客會對「任何時候入，都係好時機」呢個答案都持保留態度，有啲客甚至會窒我一句：「乜嘢時候入都得？即係話你冇做功課啦！」喺呢個時候，我就會同佢哋講：「如果你真係等得，你可以等到石油價格返回200平均線，如果啲油股緊貼油價咁升跌，就係最好時機入市。因為油價返回200日平均線，就會到底重拾升浪。不過因為唔可以擔保油股會緊貼油價咁升，所以都係買入先算。」

只係大升浪回氣期

最弊，今時今日嘅問題就係油價跌穿200平均線，仲要完全冇起色。情況仲要不限於油價，就連銅價都係一樣。上個月，我曾經講過如果銅價可以重返200平均線，江銅（358）就可以好快升一倍，不過今日睇形勢，買咗江銅嘅朋友就要等等。70年代中，已故花旗國總統福特在任嘅時候，好多原材料例如白銀、黃金、石油，都有出現回氣現象。好多人曾經講過，由01、02年開始嘅原材料大升浪，會長達10年，大家就要當06年尾07年初呢12個月為今次大升浪嘅回氣期。