上星期聖誕節，當外國傳媒因多人放假、人手短缺之際，好多政府都趁機出咗平時會被鬧爆嘅新聞。首先當然有我國政府，喺聖誕節當日審《08憲章》簽署人之一嘅劉曉波。
花旗國政府財政部又喺平安夜宣布，政府將之前訂下支持兩房嘅金錢限額撤銷。即等於無限量支持佢哋，繼續胡亂以平息借錢俾啲唔應該買樓嘅人買樓。
雖然呢個奧巴馬政權嘅舉動，示意白宮係信聯儲局話，明年第一季後唔會再買新嘅兩房債券唔係講笑，應對美元有利。但本周啲人都係會話：「由有限額支持變成無限量，仲唔係又濫發美鈔？」如歐洲又冇乜新消息，美元近排升勢應要逆轉。
不過，假期放呢啲外國傳媒工作者眼中嘅壞消息，係有好處。真係鬧都少人鬧啲。我國政治化妝技術，已達奧巴馬級數，真是令我鼓舞！
周末，睇到《Now TV》獨家訪問香港醫院管理局行政總裁蘇利民。蘇總其中一段話，長遠來講，特區係要輸入醫生同護士嘅外勞。
呢個建議，我挺！
蘇利民，我挺！
其實，政府成日話醫療開支增長快，又唔夠錢。雖然大家都會同我一樣，話高鐵用少幾百億元都番晒嚟，但都仲有啲人會要求政府搞強醫金，繼續脹大開支。不過，雖話要使就要使，可唔可以每一蚊，成本效益係最大呢？倘外國有平、靚、正嘅醫務人員，佢哋又想來特區，咁就俾佢哋來啦！
我最開心嘅係醫生、護士冇走出來公開反對。佢哋比大律師關心社會得多，倘有人話，自由進口英國頂尖大律師，余大狀又厚顏無恥咁辯護，港人要無奈接受大律師㩒住搶之態。
當然，我挺蘇利民係有利益衝突。因我有個持有三粒星、香港出世、香港大嘅妹，97年9月入大學，攞我阿爸喺香港搵嘅錢去英國讀醫。佢成為放射科專科醫生，為病人服務，但喺英國。依家仲嫁埋俾個老外。
點解？嫁老外就因愛，但冇得返來行醫，係因97年前，喺英國開學嘅香港學生，可以畢業後回港，因受惠當時財政司長曾蔭權為個仔搞出來嘅豁免。我個妹係第一屆冇份。
有人話：「我好窮呀！點解我老竇唔係李嘉誠呀？」
我只可以話：「我個妹有家歸不得！點解我老竇唔係曾蔭權呀？」
不過好彩，我個妹之前考專科時，一次合格，倘唔係，佢會問：「點解我老爺唔係曾蔭權？」
最後再一次，我挺蘇利民！
Wednesday, December 30, 2009
Wednesday, December 23, 2009
誰在千禧年代人氣急跌
十年前今日，大家都因互聯網如癡如醉，又為千年蟲擔憂時，有幾個叱吒風雲嘅人，受到萬人敬仰。不過，十年後嘅今日，佢哋因種種理由而人氣急跌，好啲嘅，就光環褪色，差嘅，就未死已被人唾罵。
仲有幾日，由2000年開始嘅千禧年代就會完，今日孫柏文就同大家分享吓，我覺得人氣急跌嘅三個表表者。
第一，就係李澤楷。在1999年，當年股票編號為1186嘅盈科數碼動力，以透明度極低嘅方法，執到塊地，可以興建數碼港。雖然當時David Webb隔日就警告，條款其實唔係特別着數，不過，因為有太多議員重複又重複咁話：「李澤楷有特權！」令投資者真係仲估佢有特權，繼發展數碼港後，分分鐘將成個大嶼山都俾佢，去搞數碼島。
就係咁，盈科數碼動力股價被勁炒高。當年曾聽過股票從業員，被問及盈科嘅基本盈利條件，同買賣策略時，他會這樣回答：「數碼港？掃咗先講！」
當時股價之高，令李澤楷有幾日嘅財富，多過佢老竇。勁！之後用鯨吞天下嘅姿態，食咗間電話公司，股價開始急瀉，又搞合股，股價跟住再瀉。最後連股東他朝個孫希望能返回家鄉嘅機會，都因為私有化失敗告終而熄滅。當年嘅IT楷，今日嘅李澤楷。
第二，就係佢老竇李嘉誠。在1999年，全球電訊股熱賣。和記黃埔(013)搞咗好幾年嘅Orange，忽然成為搶手貨。之後更成功賣甩，李嘉誠創「唔一定靠地產都暴發」嘅香港神話。
不過，天要弄人，邊個紅，就邊個受挫。在十年後今日，李超人光環褪色。點解？全因一個「3」字。就算有加拿大Husky(赫斯基能源)，或又以天價賣出印度嘅流動電話業務，都不敵「3」嘅魔力。
同一個基金經理講起，佢話「3」破壞力最強之處，係多年來用咗和黃管理層好多時間同心機。如果冇「3」，和黃可能已經成為世界頂尖新能源嘅公司。
第三，就係格林斯潘(Alan Greenspan)。呢位前花旗國央行行長，喺十年前，被人譽為神般拜。記得在2000年，花旗總統初選。小布殊同麥凱恩爭做共和黨代表，去挑戰戈爾。麥凱恩被問及關於貨幣政策時，佢話佢嘅政策係，如果格林斯潘出事死咗，佢會幫條屍戴太陽眼鏡，跟住擺佢番聯儲局辦公室嗰度。
因為就算得番個身體，市場都會風平浪靜。咁仲唔係神一般？不過，經過美國樓市爆煲而出現嘅金融海嘯後，格林斯潘已經變成笑話，甚至未死已被人唾罵。
如果要我選千禧年代人氣跌最多之人，相信真係非格林斯潘莫屬了。
仲有幾日，由2000年開始嘅千禧年代就會完，今日孫柏文就同大家分享吓，我覺得人氣急跌嘅三個表表者。
第一，就係李澤楷。在1999年，當年股票編號為1186嘅盈科數碼動力，以透明度極低嘅方法，執到塊地，可以興建數碼港。雖然當時David Webb隔日就警告，條款其實唔係特別着數，不過，因為有太多議員重複又重複咁話：「李澤楷有特權！」令投資者真係仲估佢有特權，繼發展數碼港後，分分鐘將成個大嶼山都俾佢，去搞數碼島。
就係咁，盈科數碼動力股價被勁炒高。當年曾聽過股票從業員，被問及盈科嘅基本盈利條件，同買賣策略時，他會這樣回答：「數碼港？掃咗先講！」
當時股價之高，令李澤楷有幾日嘅財富，多過佢老竇。勁！之後用鯨吞天下嘅姿態，食咗間電話公司，股價開始急瀉，又搞合股，股價跟住再瀉。最後連股東他朝個孫希望能返回家鄉嘅機會，都因為私有化失敗告終而熄滅。當年嘅IT楷，今日嘅李澤楷。
第二，就係佢老竇李嘉誠。在1999年，全球電訊股熱賣。和記黃埔(013)搞咗好幾年嘅Orange，忽然成為搶手貨。之後更成功賣甩，李嘉誠創「唔一定靠地產都暴發」嘅香港神話。
不過，天要弄人，邊個紅，就邊個受挫。在十年後今日，李超人光環褪色。點解？全因一個「3」字。就算有加拿大Husky(赫斯基能源)，或又以天價賣出印度嘅流動電話業務，都不敵「3」嘅魔力。
同一個基金經理講起，佢話「3」破壞力最強之處，係多年來用咗和黃管理層好多時間同心機。如果冇「3」，和黃可能已經成為世界頂尖新能源嘅公司。
第三，就係格林斯潘(Alan Greenspan)。呢位前花旗國央行行長，喺十年前，被人譽為神般拜。記得在2000年，花旗總統初選。小布殊同麥凱恩爭做共和黨代表，去挑戰戈爾。麥凱恩被問及關於貨幣政策時，佢話佢嘅政策係，如果格林斯潘出事死咗，佢會幫條屍戴太陽眼鏡，跟住擺佢番聯儲局辦公室嗰度。
因為就算得番個身體，市場都會風平浪靜。咁仲唔係神一般？不過，經過美國樓市爆煲而出現嘅金融海嘯後，格林斯潘已經變成笑話，甚至未死已被人唾罵。
如果要我選千禧年代人氣跌最多之人，相信真係非格林斯潘莫屬了。
上星期真反高潮
上星期日，我寫禮拜一出街嗰篇文時，一看月曆，仲估上個禮拜必是多事之周。點知7日後回頭一望，完全反高潮。
先來杜拜，當全世界估佢哋會一如之前警告，走數唔還錢之際，忽然準時還錢，令市場覺得打後要還嘅債亦會準時還。上星期一，我曾在本欄講過，我收到消息，話杜拜會準時還錢，不過連我都唔係好信。因消息來源嘅後生，講嘢成個可愛教主咁，所以點信？依家不但執唔到禮拜一單日股市反彈嘅錢，仲要請食飯。賠了夫人又折兵，真係反高潮。
上周中，希臘發債。全球投資者都睇實情況，諗住標準普爾降佢嘅信貸評級，今次佢哋仲唔出事，借唔到錢？不過，最後一樣順利完成，利息仲只需5厘。
無他，因歐洲央行現有嘅「毒資產做抵押套錢」計劃，只要三大信貸評級公司中，有一間評「A-」級或以上，資產就可俾歐央行換錢。依家雖先有惠譽同標普降希臘評級，跌穿「A-」，但穆迪未郁手，故銀行為希臘政府先發債，袋好推薦費後，就算自己食晒，可以即交歐央行套現。真係反高潮。
到上星期四，諗住本港報章國際新聞編輯擁護咗好耐嘅哥本哈根反碳會議會有料到，點知最後都係爛尾收場。得個話會協力降低地球溫度兩度嘅聲明。
好彩係咁，我幾驚佢哋話要全球政府立法禁止每日嘅潮水漲退。到時唔知綠色和平嘅成員又要爬中區政府合署幾多次先得？不過要讚吓綠色和平本港分店，冇佢哋特首點會慳番啲飛機油，唔去一個冇料到會議？
上禮拜五，立法會「財毀會」辯論600億元高鐵撥款。我諗住呢個計劃上馬，點知因唔夠時間要延遲至明年1月8日再傾。之後有老外朋友問我點解未通過，我話包括班托派馬克思主義議員(即社民連)反對政府呢次使錢，佢驚訝地話：「馬克思主義者都反對使政府錢？呢個計劃真有問題！」
其實，嗰啲學癌細胞、鯊魚，無思考、只識吸資源不斷漲大嘅政黨，如工聯會等，已用高明手段支持計劃通過。佢哋連啲地盤叔叔都搬埋出來，示威支持，話增加就業。仲驚你唔知佢哋係地盤叔叔，叫埋佢哋戴晒安全帽。唔知佢哋係乜水嘅，一眼仲估佢哋因怕會食汽油彈，所以先笠帽。
分析員出身嘅我幫工聯會計數。特區有5萬地盤工人，計劃斥600億元，即每個工人120萬元。不如為環保直接俾佢哋算啦。如《蘋果日報》專欄作家左丁山叔叔話要講社會回報，唔應淨係講菜園村，話當年講咁多，機場都起唔成。好！又計數。政府話高鐵日後每日有20班車。(I mistyped here, should be 200 per day. IF you believe there really would be 30 million passengers traveling on that railroad per year (ie. 99,000 passengers per day). I of course do not believe that estimate.)係咪好多？咁機場每日有幾多班機起飛？每日400班。所以唔好同我講社會回報。
1月8日，孫柏文都會去，立法會見！
先來杜拜，當全世界估佢哋會一如之前警告，走數唔還錢之際，忽然準時還錢，令市場覺得打後要還嘅債亦會準時還。上星期一，我曾在本欄講過，我收到消息，話杜拜會準時還錢，不過連我都唔係好信。因消息來源嘅後生，講嘢成個可愛教主咁，所以點信？依家不但執唔到禮拜一單日股市反彈嘅錢，仲要請食飯。賠了夫人又折兵，真係反高潮。
上周中，希臘發債。全球投資者都睇實情況，諗住標準普爾降佢嘅信貸評級，今次佢哋仲唔出事，借唔到錢？不過，最後一樣順利完成，利息仲只需5厘。
無他，因歐洲央行現有嘅「毒資產做抵押套錢」計劃，只要三大信貸評級公司中，有一間評「A-」級或以上，資產就可俾歐央行換錢。依家雖先有惠譽同標普降希臘評級，跌穿「A-」，但穆迪未郁手，故銀行為希臘政府先發債，袋好推薦費後，就算自己食晒，可以即交歐央行套現。真係反高潮。
到上星期四，諗住本港報章國際新聞編輯擁護咗好耐嘅哥本哈根反碳會議會有料到，點知最後都係爛尾收場。得個話會協力降低地球溫度兩度嘅聲明。
好彩係咁，我幾驚佢哋話要全球政府立法禁止每日嘅潮水漲退。到時唔知綠色和平嘅成員又要爬中區政府合署幾多次先得？不過要讚吓綠色和平本港分店，冇佢哋特首點會慳番啲飛機油，唔去一個冇料到會議？
上禮拜五，立法會「財毀會」辯論600億元高鐵撥款。我諗住呢個計劃上馬，點知因唔夠時間要延遲至明年1月8日再傾。之後有老外朋友問我點解未通過，我話包括班托派馬克思主義議員(即社民連)反對政府呢次使錢，佢驚訝地話：「馬克思主義者都反對使政府錢？呢個計劃真有問題！」
其實，嗰啲學癌細胞、鯊魚，無思考、只識吸資源不斷漲大嘅政黨，如工聯會等，已用高明手段支持計劃通過。佢哋連啲地盤叔叔都搬埋出來，示威支持，話增加就業。仲驚你唔知佢哋係地盤叔叔，叫埋佢哋戴晒安全帽。唔知佢哋係乜水嘅，一眼仲估佢哋因怕會食汽油彈，所以先笠帽。
分析員出身嘅我幫工聯會計數。特區有5萬地盤工人，計劃斥600億元，即每個工人120萬元。不如為環保直接俾佢哋算啦。如《蘋果日報》專欄作家左丁山叔叔話要講社會回報，唔應淨係講菜園村，話當年講咁多，機場都起唔成。好！又計數。政府話高鐵日後每日有20班車。(I mistyped here, should be 200 per day. IF you believe there really would be 30 million passengers traveling on that railroad per year (ie. 99,000 passengers per day). I of course do not believe that estimate.)係咪好多？咁機場每日有幾多班機起飛？每日400班。所以唔好同我講社會回報。
1月8日，孫柏文都會去，立法會見！
Wednesday, December 16, 2009
陳德霖無需為我們擔心
金管局總裁陳德霖，喺周一用咗啲央行行長可以最強硬嘅語言，去警告特區上上下下嘅老百姓，現今香港可能會面對嘅資產泡沫。我聽完佢嘅言論，總結係：「陳總無需為我哋膽心！」
點解孫柏文咁講？陳總最主要嘅結論，喺因花旗國聯儲局為首嘅各國央行進行量化政策，即印鈔票，而港元又同美元掛鈎，所以，現有爆發資產泡沫嘅環境同「營養素」都有。即係如果港人要投機買賣，成本好低。
冇錯，成本低就等如資金供應多，不過，讀過一兩堂經濟學嘅人，都知要有成交(即真係借錢去炒嘢)，除供應多之外，亦要資金需求大先得。
究竟啲人係咪會有資金需求、想借錢炒嘢，去一圓陳總嘅泡沫夢，我就冇咁有信心。
大家可能會話：「陳總冇話依家有泡沫，佢只係話一旦有資產開始升，啲人就會開始借錢追捧，之後就大量資金湧入該市場，最後形成不斷吹大泡沫嘅惡性循環。」即係有樣嘢升，就會有羊群追入啦？
如果近十幾年來，我哋香港人學咗嘅嘢得一樣，就係投機買賣唔係決定幾時上車難，而係幾時落車先係最困難。
因股市見一個又一個嘅泡沫，樓就仲喺八萬五之餘溫，重未有泡沫。所以，今時今日如果有例如大陸同胞同我哋呢啲香港人話：「我買咗啲乜乜物物，跟住升咗好多！」我哋第一個反應係：「咁你放咗未？」如果答未，我哋就會心中一笑，口祝好運。就算答有，我哋就會問：「諗唔諗住再入過？」
就係有咁嘅心理同經驗，資金再多、成本再低，但因為驚輸本，都唔係咁易再氹到我哋借錢瞓身谷泡沫。
再講，資產本身價高價低根本同金管局無關，陳總應睇實嘅係過分借貸。大家可能問，分別喺邊度？
例如科網股熱。係咪升得好勁有泡沫？係，仲好大添。不過因為買家冇借錢，最後啲股價下跌，甚至公司執笠，個經濟影響只係有人輸咗積蓄，資源被浪費。但就冇系統性風險。
不過假設好多人想買樓，借錢又易又積極，大家一定諗今次啲樓價仲唔升？但同時又假設政府批地好快，樓嘅需求升幾多，供應都完全可滿足市場，樓價就冇得升喇。
係咪等如冇事？唔係！因為過分借貸，遲早會學花旗國咁，愈借愈離譜，大學生未畢業已可零首期借幾百萬買樓。到時遲早借俾啲根本會走數嘅人，最後佢哋啲銀主盤湧入市場，就算之前樓價冇升過，都可以之後跌番。跌到咁上下，所有銀行都唔掂時，就會爆陳總口中嘅系統性風險。
所以陳總你唔好再擔心泡沫，留意過分借貸仲好。不過我成日話，最能阻止金融機構胡亂借貸，就係金融機構嘅債主。你亂借錢俾人，我就唔借俾你做生意。
銀行嘅債主係存戶，不過當政府包底所有存款，存戶又邊會睇實啲銀行點放債。所以如真係出現過分借貸，陳總你知賴邊個啦！
點解孫柏文咁講？陳總最主要嘅結論，喺因花旗國聯儲局為首嘅各國央行進行量化政策，即印鈔票，而港元又同美元掛鈎，所以，現有爆發資產泡沫嘅環境同「營養素」都有。即係如果港人要投機買賣，成本好低。
冇錯，成本低就等如資金供應多，不過，讀過一兩堂經濟學嘅人，都知要有成交(即真係借錢去炒嘢)，除供應多之外，亦要資金需求大先得。
究竟啲人係咪會有資金需求、想借錢炒嘢，去一圓陳總嘅泡沫夢，我就冇咁有信心。
大家可能會話：「陳總冇話依家有泡沫，佢只係話一旦有資產開始升，啲人就會開始借錢追捧，之後就大量資金湧入該市場，最後形成不斷吹大泡沫嘅惡性循環。」即係有樣嘢升，就會有羊群追入啦？
如果近十幾年來，我哋香港人學咗嘅嘢得一樣，就係投機買賣唔係決定幾時上車難，而係幾時落車先係最困難。
因股市見一個又一個嘅泡沫，樓就仲喺八萬五之餘溫，重未有泡沫。所以，今時今日如果有例如大陸同胞同我哋呢啲香港人話：「我買咗啲乜乜物物，跟住升咗好多！」我哋第一個反應係：「咁你放咗未？」如果答未，我哋就會心中一笑，口祝好運。就算答有，我哋就會問：「諗唔諗住再入過？」
就係有咁嘅心理同經驗，資金再多、成本再低，但因為驚輸本，都唔係咁易再氹到我哋借錢瞓身谷泡沫。
再講，資產本身價高價低根本同金管局無關，陳總應睇實嘅係過分借貸。大家可能問，分別喺邊度？
例如科網股熱。係咪升得好勁有泡沫？係，仲好大添。不過因為買家冇借錢，最後啲股價下跌，甚至公司執笠，個經濟影響只係有人輸咗積蓄，資源被浪費。但就冇系統性風險。
不過假設好多人想買樓，借錢又易又積極，大家一定諗今次啲樓價仲唔升？但同時又假設政府批地好快，樓嘅需求升幾多，供應都完全可滿足市場，樓價就冇得升喇。
係咪等如冇事？唔係！因為過分借貸，遲早會學花旗國咁，愈借愈離譜，大學生未畢業已可零首期借幾百萬買樓。到時遲早借俾啲根本會走數嘅人，最後佢哋啲銀主盤湧入市場，就算之前樓價冇升過，都可以之後跌番。跌到咁上下，所有銀行都唔掂時，就會爆陳總口中嘅系統性風險。
所以陳總你唔好再擔心泡沫，留意過分借貸仲好。不過我成日話，最能阻止金融機構胡亂借貸，就係金融機構嘅債主。你亂借錢俾人，我就唔借俾你做生意。
銀行嘅債主係存戶，不過當政府包底所有存款，存戶又邊會睇實啲銀行點放債。所以如真係出現過分借貸，陳總你知賴邊個啦！
Monday, December 14, 2009
我都俾杜拜累得慘！
曾經有研究學會的報告講過，喺花旗國嘅「運動」產業，佔佢哋經濟生產總值超過5%。「運動」對經濟嘅貢獻，比起例如電影業等行業為多，特區政府其實都一樣，呢個周末就係最佳例子。
大家可能會問：「唔係嘛？連聯賽足球都冇人睇，唔好話其他體育活動，係咪你睇到特區喺東亞運攞咗個足球金牌，就興奮得滯short咗？」我講嘅當然唔係東亞運，其實係周日喺沙田馬場嘅賽馬國際賽。
我阿爺同老竇由我細細個開始，都成日同我講，話佢哋交好多間接稅。細個時唔知佢哋講緊乜，不過大時就明，因兩人同是超級馬迷，所以就經馬會交咗唔少稅同做唔少善事。呢個孫氏優良傳統，我當然有跟隨。
不過，講開特區政府最大納稅單位搞嘅賽馬國際賽，其實孫柏文由九十年代中開始，就有個一年一度嘅習慣，落注支持杜拜派來嘅馬，噚日亦冇例外。杜拜近廿年來都以銀彈戰術搜羅全球最好嘅馬，所以長跟長贏。
佢哋之前每次派幾隻來，我就會好費神咁揀我覺最好嗰隻。今年就易好多，因受傷等突發事件，最後杜拜得一隻參戰。不過就算係盲目支持，我都上網做吓功課，一搜尋隻馬同馬主名，就搵到一篇來自阿聯酋報章嘅報道。文中訪問個練馬師，佢話隻馬好fit，因佢以前講親都中，有誠信，所以就算隻馬以前來港跑過輸咗，我都落注支持。
結果？我睇住佢跑，一路都佔據有利位置，只要在臨近終點前發力，就可奪魁。點知最後乜都冇，輸咗。
一輸，我第一個反應係：「點解我咁傻呀？」我深信國際體育好講國運。話我迷信嘅，我只可以話乜有唔迷信嘅運動員咩？例如04年奧運頭幾日，好多射擊比賽都係俄羅斯選手領先，點知佢哋好多喺最尾一槍射失，俾中國趕過頭奪金。冇計，祖國國運佳。
不過，今時今日嘅杜拜就差啲，點解我會咁傻呀？佢哋個練馬師有誠信？佢哋啲地產公司以前都有誠信啦！依家咪一樣走數！點解我會咁傻㗎？今次我真係俾班杜拜佬累得慘！卒之親身感受到滙豐控股(005)、渣打(2888)、蘇格蘭皇家銀行等有咩感受。
我仲一廂情願，相信上個禮拜有人放風，話呢兩個禮拜杜拜世界其實只係做咗場大龍鳳，啲債到期(即今日)，會準時還，國運亦因而轉好。之前只係想嚇下啲銀行，等杜拜世界可以講吓數。
睇完場馬，我諗呢批債都係凶多吉少。如果真係還，我又俾佢跣多鑊！
大家可能會問：「唔係嘛？連聯賽足球都冇人睇，唔好話其他體育活動，係咪你睇到特區喺東亞運攞咗個足球金牌，就興奮得滯short咗？」我講嘅當然唔係東亞運，其實係周日喺沙田馬場嘅賽馬國際賽。
我阿爺同老竇由我細細個開始，都成日同我講，話佢哋交好多間接稅。細個時唔知佢哋講緊乜，不過大時就明，因兩人同是超級馬迷，所以就經馬會交咗唔少稅同做唔少善事。呢個孫氏優良傳統，我當然有跟隨。
不過，講開特區政府最大納稅單位搞嘅賽馬國際賽，其實孫柏文由九十年代中開始，就有個一年一度嘅習慣，落注支持杜拜派來嘅馬，噚日亦冇例外。杜拜近廿年來都以銀彈戰術搜羅全球最好嘅馬，所以長跟長贏。
佢哋之前每次派幾隻來，我就會好費神咁揀我覺最好嗰隻。今年就易好多，因受傷等突發事件，最後杜拜得一隻參戰。不過就算係盲目支持，我都上網做吓功課，一搜尋隻馬同馬主名，就搵到一篇來自阿聯酋報章嘅報道。文中訪問個練馬師，佢話隻馬好fit，因佢以前講親都中，有誠信，所以就算隻馬以前來港跑過輸咗，我都落注支持。
結果？我睇住佢跑，一路都佔據有利位置，只要在臨近終點前發力，就可奪魁。點知最後乜都冇，輸咗。
一輸，我第一個反應係：「點解我咁傻呀？」我深信國際體育好講國運。話我迷信嘅，我只可以話乜有唔迷信嘅運動員咩？例如04年奧運頭幾日，好多射擊比賽都係俄羅斯選手領先，點知佢哋好多喺最尾一槍射失，俾中國趕過頭奪金。冇計，祖國國運佳。
不過，今時今日嘅杜拜就差啲，點解我會咁傻呀？佢哋個練馬師有誠信？佢哋啲地產公司以前都有誠信啦！依家咪一樣走數！點解我會咁傻㗎？今次我真係俾班杜拜佬累得慘！卒之親身感受到滙豐控股(005)、渣打(2888)、蘇格蘭皇家銀行等有咩感受。
我仲一廂情願，相信上個禮拜有人放風，話呢兩個禮拜杜拜世界其實只係做咗場大龍鳳，啲債到期(即今日)，會準時還，國運亦因而轉好。之前只係想嚇下啲銀行，等杜拜世界可以講吓數。
睇完場馬，我諗呢批債都係凶多吉少。如果真係還，我又俾佢跣多鑊！
Wednesday, December 09, 2009
如何靠「碳排放」掠水
相信大家都知，丹麥哥本哈根正召開一個講溫室效應氣體嘅會議。特區各大傳媒機構都鋪天蓋地報道。你可能同好多人一樣，一見「碳排放」呢幾隻字，同自己講話「又係啲環保嘢」，已經唔睇有關新聞。呢個孫柏文唔怪你，因為「環保」呢個品牌喺香港俾人已先騎劫、後搞臭咗。
點都好，究竟哥本哈根想搞乜？佢哋想將會引致溫室效應嘅氣體特別係二氧化碳，排放控制，由依家無限量，變成有限。
咁同本欄講財經、經濟學有何關係？其實當排放有限，即將排放量變成有限量資源，經濟學就係研究有限量資源分配嘅方法。
例如香港，土地係有限資源，究竟邊個可使用某塊地，以前就以拍賣形式賣俾私人發展商，起完樓再以價高者得方法賣，決定分配方法。以呢個方法分配最好嘅地方，係每塊地嘅使用者，係出最高價，亦即最想用嘅人，可確保塊地用得有效益、唔會嘥。
理論上，「碳排放」權利亦一樣，就會令每單位人類排放嘅二氧化碳得到最大效益，唔會嘥。如要落實，政府可以每年進行拍賣，將碳排放權利賣出。
大家可能會問：「咁嗰啲排碳量嘅行業，如發電、做運輸等，咪一定唔制？要問政府買，成本升咁多！」係，所以環保組織就開始諗方法，去收買商家。
環保人士度條絕橋成功收買現有商家。方法係倘若你已經常排放某個量嘅二氧化碳，就會收到同等配額，理論上你諗到方法減排，可將用唔晒嘅配額賣出。最極端係將業務執埋，淨係賣配額都賺到笑。
相信年輕讀者，冇太大感覺，不過，我建議你同年長嘅人傾吓。因以前美國入口成衣係用以上方法控制，香港係有一班人因一早做開成衣生意，有大批配額，好多執咗自己間廠，淨賣配額都發過豬頭。輸家就係之後開業嘅新競爭者。
冇錯，環保人士收買現有商家嘅方法，就係犧牲未入行嘅人。呢條橋其實係工會發明，因收買現有工人最易就係剝奪未入行工人嘅飯碗，最低工資係典範，將冇經驗未入行人士，通通以價格攔住一樣。
宋鴻兵《貨幣戰爭》一書曾話，如有碳排放配額制，美國為首嘅發達國家，就可用配額玩死中國。因佢哋就係排開有配額，我哋問佢哋買。所以每個中國人，都反對洋人依家擺喺談判桌上嘅方案。特區有民主派議員唔知係唔識定係甚麼，盲目地被外國環保組織牽住走。最後想問大家，以上減排放方法係咪好煩？其實要有碳排放，先要燒燃料。要減排，喺燃料抽稅就得，不過，如綠色和平人士爬牆、拉橫額做show嘅老經驗環保組織，是否知道會冇政客支持。有民主派議員都喺去年要政府減汽油稅啦！「環保」？「減碳排」？知道背後真相先，唔好反射式支持啦！
點都好，究竟哥本哈根想搞乜？佢哋想將會引致溫室效應嘅氣體特別係二氧化碳，排放控制，由依家無限量，變成有限。
咁同本欄講財經、經濟學有何關係？其實當排放有限，即將排放量變成有限量資源，經濟學就係研究有限量資源分配嘅方法。
例如香港，土地係有限資源，究竟邊個可使用某塊地，以前就以拍賣形式賣俾私人發展商，起完樓再以價高者得方法賣，決定分配方法。以呢個方法分配最好嘅地方，係每塊地嘅使用者，係出最高價，亦即最想用嘅人，可確保塊地用得有效益、唔會嘥。
理論上，「碳排放」權利亦一樣，就會令每單位人類排放嘅二氧化碳得到最大效益，唔會嘥。如要落實，政府可以每年進行拍賣，將碳排放權利賣出。
大家可能會問：「咁嗰啲排碳量嘅行業，如發電、做運輸等，咪一定唔制？要問政府買，成本升咁多！」係，所以環保組織就開始諗方法，去收買商家。
環保人士度條絕橋成功收買現有商家。方法係倘若你已經常排放某個量嘅二氧化碳，就會收到同等配額，理論上你諗到方法減排，可將用唔晒嘅配額賣出。最極端係將業務執埋，淨係賣配額都賺到笑。
相信年輕讀者，冇太大感覺，不過，我建議你同年長嘅人傾吓。因以前美國入口成衣係用以上方法控制，香港係有一班人因一早做開成衣生意，有大批配額，好多執咗自己間廠，淨賣配額都發過豬頭。輸家就係之後開業嘅新競爭者。
冇錯，環保人士收買現有商家嘅方法，就係犧牲未入行嘅人。呢條橋其實係工會發明，因收買現有工人最易就係剝奪未入行工人嘅飯碗，最低工資係典範，將冇經驗未入行人士，通通以價格攔住一樣。
宋鴻兵《貨幣戰爭》一書曾話，如有碳排放配額制，美國為首嘅發達國家，就可用配額玩死中國。因佢哋就係排開有配額，我哋問佢哋買。所以每個中國人，都反對洋人依家擺喺談判桌上嘅方案。特區有民主派議員唔知係唔識定係甚麼，盲目地被外國環保組織牽住走。最後想問大家，以上減排放方法係咪好煩？其實要有碳排放，先要燒燃料。要減排，喺燃料抽稅就得，不過，如綠色和平人士爬牆、拉橫額做show嘅老經驗環保組織，是否知道會冇政客支持。有民主派議員都喺去年要政府減汽油稅啦！「環保」？「減碳排」？知道背後真相先，唔好反射式支持啦！
Monday, December 07, 2009
美元跌完 股市亦升完
相信在上星期初，大家同孫柏文一樣，都仲係睇實杜拜，估緊會唔會引發海嘯續集。點知場風好似雷聲大、雨點小，股市完全收復因杜拜世界延期還債所引發嘅跌幅。
結論係乜？壞消息只要冇擴散機會，就會冇事。咁壞消息要傳播，要點才令市場恐慌？就係出事嘅機構，最後搵邊個嚟救，而救嘅方法有冇用。以杜拜為例，政府嘅子公司出事，應由杜拜政府去救。杜拜政府唔救，就會牽連其他子公司。如果政府話救，點知杜拜政府又冇錢，就搵阿聯酋大佬阿布札比出手。如果連阿布札比都唔幫，咁就由債權銀行例如滙豐、渣打、皇家蘇格蘭銀行等硬頂上。
咁市場相信滙豐、渣打頂得順，最多係輸錢，唔會有更大舉動，所以冇乜點郁。而皇家蘇格蘭銀行已被英國政府國有化，所以各國政府之前做嘅「包底」活動，能令市場對壞消息唔多驚。
市場甚至會信愈多壞消息，就愈包底，愈印銀紙，市場愈多資金去炒高。即壞消息，係好消息！
市場只驚一樣，就係包底結束。咁點先會完？就係要有好消息。因當有好消息，各國央行就要諗點退市，結束包底係必要做，資產價格再升到同回報相比之下，出現不合理情況時，就會引發未來更多需要包底情況，直至冇人再信你。唔信就問下，點解再唔會有人肯借錢俾杜拜？
好消息有冇？有！就係花旗國勞工部於上周五宣布嘅失業數字，遠比市場估計好，美元即時反彈。我已經喺本欄再三警告，美匯指數如果反彈，升穿由4月開始一路升唔穿嘅50日平均線，就等於呢個炒美元貶值概念亦玩完。美匯指數就係喺上周五升穿50日平均線，債券、商品全面報跌，特別係之前吸引咗好多做大槓桿炒家嘅黃金。大家可能會問：「不過，美股上周五有得升，你係咪又做明燈？」
上周五係差不多唯一一次喺呢個超級大升浪中，當美匯轉強，股市都有得升。不過，當其他資產特別係債券下跌時，我就會記得分析員David Rosenberg嘅說話，佢話如果債市同股市反映嘅未來，好似對著幹時，信債市冇死。
債市話美元要大幅反彈，亦已喺上周五開始咗。除非美匯指數升穿50日平均線後嘅幾日內又跌穿，否則今次股市會大幅回落，速度仲要好快。我亦想提醒啲槓桿買黃金同白銀嘅粉絲，如呢兩隻貴金屬價格跌穿佢哋嘅50日平均線，你要即時清晒啲好倉，沽、沽、沽！
結論係乜？壞消息只要冇擴散機會，就會冇事。咁壞消息要傳播，要點才令市場恐慌？就係出事嘅機構，最後搵邊個嚟救，而救嘅方法有冇用。以杜拜為例，政府嘅子公司出事，應由杜拜政府去救。杜拜政府唔救，就會牽連其他子公司。如果政府話救，點知杜拜政府又冇錢，就搵阿聯酋大佬阿布札比出手。如果連阿布札比都唔幫，咁就由債權銀行例如滙豐、渣打、皇家蘇格蘭銀行等硬頂上。
咁市場相信滙豐、渣打頂得順，最多係輸錢，唔會有更大舉動，所以冇乜點郁。而皇家蘇格蘭銀行已被英國政府國有化，所以各國政府之前做嘅「包底」活動，能令市場對壞消息唔多驚。
市場甚至會信愈多壞消息，就愈包底，愈印銀紙，市場愈多資金去炒高。即壞消息，係好消息！
市場只驚一樣，就係包底結束。咁點先會完？就係要有好消息。因當有好消息，各國央行就要諗點退市，結束包底係必要做，資產價格再升到同回報相比之下，出現不合理情況時，就會引發未來更多需要包底情況，直至冇人再信你。唔信就問下，點解再唔會有人肯借錢俾杜拜？
好消息有冇？有！就係花旗國勞工部於上周五宣布嘅失業數字，遠比市場估計好，美元即時反彈。我已經喺本欄再三警告，美匯指數如果反彈，升穿由4月開始一路升唔穿嘅50日平均線，就等於呢個炒美元貶值概念亦玩完。美匯指數就係喺上周五升穿50日平均線，債券、商品全面報跌，特別係之前吸引咗好多做大槓桿炒家嘅黃金。大家可能會問：「不過，美股上周五有得升，你係咪又做明燈？」
上周五係差不多唯一一次喺呢個超級大升浪中，當美匯轉強，股市都有得升。不過，當其他資產特別係債券下跌時，我就會記得分析員David Rosenberg嘅說話，佢話如果債市同股市反映嘅未來，好似對著幹時，信債市冇死。
債市話美元要大幅反彈，亦已喺上周五開始咗。除非美匯指數升穿50日平均線後嘅幾日內又跌穿，否則今次股市會大幅回落，速度仲要好快。我亦想提醒啲槓桿買黃金同白銀嘅粉絲，如呢兩隻貴金屬價格跌穿佢哋嘅50日平均線，你要即時清晒啲好倉，沽、沽、沽！
Wednesday, December 02, 2009
持牌放債人公會
孫柏文之前係唔知道特區原來有個叫「香港持牌放債人公會」嘅組織。呢個公會啲會員，當然就係特區一群「持牌放債人」。
相信大家都知，呢啲金融機構係放債俾啲因種種理由難借錢嘅人，所以，當借錢人好似總體上會有比較大機會走數時，放債人就會收取較高利息。
當收取較高利息，又要比其他金融機構多拖數客戶，搞到要時常聯絡啲客，去提醒佢哋還錢時，「持牌放債人」呢行就會被啲衛道之士歧視。佢哋係會覺得自己嘅小朋友入呢行，唔係一件光宗耀祖嘅事。
不過，如果你都係呢啲衛道之士，就算係叫做「持牌放債人」，你都會話呢啲金融機構係「財仔」、「大耳窿」，係唔好，咁你就錯。
社會中資金最貧乏嘅人，往往都係還款穩定性最低嘅一群。其他金融機構放棄咗佢哋，令佢哋想借錢交學費，以提高收入能力都唔得，想借錢俾租訂，搬去返工嘅區域，希望慳啲時間，做多幾個鐘又唔得。不過，有持牌放債人嘅出現，冇被政府禁，之前嘅例子就有生機。
所以持牌放債人，唔係衛道之士眼中欺壓弱勢社群嘅敗類，而係釋放弱勢社群潛能嘅解放者！
你可能會話：「今次金融海嘯嘅開端，就係一班還款穩定性低嘅美國人，借到錢買樓所致。所以唔可以歌頌啲大耳窿。」啱，不過唔啱得晒。
金融海嘯，冇錯係因為還款穩定性低嘅美國人借到錢買樓，不過最重要嘅係，因為投資銀行透過財技，令終極提供資金嘅債主，誤以為還款穩定性低，都係安全投資，以低息放債。
在低息放債環境下，令債主不能承受多人走數嘅情況，一旦抵押品樓價下跌，咁就會爆發信貸危機。
特區嘅持牌放債人就唔同，冇將債仔走數嘅風險判上判，自己承擔番晒。所以，佢哋就要收高利息去彌補風險，不過亦令香港嘅制度穩健，能承受多人走數都唔會爆煲。
點都好，我知道有香港持牌放債人公會呢個組織嘅原因，係因為佢哋十周年會慶。我自己幫襯過佢哋啲會員，亦多數再會幫襯，我對佢哋對香港嘅貢獻非常感激，恭賀貴會十周年誌慶！
相信大家都知，呢啲金融機構係放債俾啲因種種理由難借錢嘅人，所以，當借錢人好似總體上會有比較大機會走數時，放債人就會收取較高利息。
當收取較高利息，又要比其他金融機構多拖數客戶，搞到要時常聯絡啲客，去提醒佢哋還錢時，「持牌放債人」呢行就會被啲衛道之士歧視。佢哋係會覺得自己嘅小朋友入呢行，唔係一件光宗耀祖嘅事。
不過，如果你都係呢啲衛道之士，就算係叫做「持牌放債人」，你都會話呢啲金融機構係「財仔」、「大耳窿」，係唔好，咁你就錯。
社會中資金最貧乏嘅人，往往都係還款穩定性最低嘅一群。其他金融機構放棄咗佢哋，令佢哋想借錢交學費，以提高收入能力都唔得，想借錢俾租訂，搬去返工嘅區域，希望慳啲時間，做多幾個鐘又唔得。不過，有持牌放債人嘅出現，冇被政府禁，之前嘅例子就有生機。
所以持牌放債人，唔係衛道之士眼中欺壓弱勢社群嘅敗類，而係釋放弱勢社群潛能嘅解放者！
你可能會話：「今次金融海嘯嘅開端，就係一班還款穩定性低嘅美國人，借到錢買樓所致。所以唔可以歌頌啲大耳窿。」啱，不過唔啱得晒。
金融海嘯，冇錯係因為還款穩定性低嘅美國人借到錢買樓，不過最重要嘅係，因為投資銀行透過財技，令終極提供資金嘅債主，誤以為還款穩定性低，都係安全投資，以低息放債。
在低息放債環境下，令債主不能承受多人走數嘅情況，一旦抵押品樓價下跌，咁就會爆發信貸危機。
特區嘅持牌放債人就唔同，冇將債仔走數嘅風險判上判，自己承擔番晒。所以，佢哋就要收高利息去彌補風險，不過亦令香港嘅制度穩健，能承受多人走數都唔會爆煲。
點都好，我知道有香港持牌放債人公會呢個組織嘅原因，係因為佢哋十周年會慶。我自己幫襯過佢哋啲會員，亦多數再會幫襯，我對佢哋對香港嘅貢獻非常感激，恭賀貴會十周年誌慶！
Monday, November 30, 2009
點解仲未救杜拜？
上星期，中東阿拉伯聯合酋長國中一個酋長國杜拜，宣布佢哋嘅債務，暫時唔還住。消息一出，原本第一日都好似冇乜特別，港股在上周四都只係跌幾百點，點知到上周五就好似反應遲鈍咁跌成千點。
相信大家都將注意力，集中喺呢單消息身上，想知牽連有幾大。特別係點解港股反應會咁遲鈍。
其實，杜拜宣布唔還錢，唔係新聞焦點所在。佢哋近月來，都已經陸續有宣布向供應商等拖數，所以佢哋話可能暫時唔還錢。係預期之內。因為大家都知，雷曼兄弟後，有大債仔出事，必定有人救。一有人話冇錢還，啲債主只要買定花生，就可以等白武士出手相救。亦解釋到點解消息傳出後第一日，港股都只係跌幾百點。
點知，事件嘅新聞位，喺之後嗰日發生！當啲債主等緊白武士出現時，平時會即刻宣布救杜拜嘅姊妹酋長國阿布扎比，就唔似啲債主預期咁樣，反而話唔會無限量支持杜拜。唔係即刻救？港股即時跌一千點！
杜拜一宣布完唔還錢，就走去放長假。天下記者們都搵唔到啲官解話，傳媒統稱為「資訊真空」。咁做當然即時被批評處理手法「混亂」，講到杜拜官員唔知自己做緊乜。如果你咁諗，就大錯特錯。
我相信，杜拜啲官其實係特登炮製呢個局面出來，迫阿布扎比救佢。不過出到呢招，真係落重藥，阿布扎比真係好唔想救杜拜，杜拜先咁做。
點解以前救，依家又唔救？筆者呢幾日睇到最合理解釋係因地緣政治先未救杜拜。更重要係花旗國想郁伊朗。咁關酋長國姊妹咩事？
阿布扎比係花旗國喺中東其中一個最大嘅盟友。但杜拜嘅金融業就做好多伊朗人生意，多成點？杜拜機場單一最多航班往來嘅國家就係伊朗。
當花旗國要經濟制裁伊朗時，伊朗人只要到杜拜開戶口，就可繞過制裁關卡。所以要有效制裁伊朗，必要杜拜合作。問題係伊朗人嘅生意好做，杜拜當然唔想放棄，平日風平浪靜時，迫都冇得迫。不過，今次佢哋出事，就係要杜拜合作之大好良機。
咁嘅情況下，杜拜唯有反枱，玩鋪大。如果債主銀行冇散貨，手上最多杜拜債券，即最受影響嘅銀行就係英國的銀行。英政府已出錢幫緊佢哋，所以一定好想快啲解決。杜拜知道奧巴馬好快要宣布阿富汗要增兵，如果英國突然喺阿富汗唔玩，奧巴馬好大鑊，所以就出呢招。
至於究竟點炒呢個市？都係睇美元。六個月來，每次美匯指數升到50日平均線時，美元就會回落，即其他資產價升。你可能同我一樣唔信技術分析，不過，當人人都係咁炒時，有人話齋，有智慧不如趁勢。美匯升唔穿50日平均線，個市都係要升。
相信大家都將注意力，集中喺呢單消息身上，想知牽連有幾大。特別係點解港股反應會咁遲鈍。
其實，杜拜宣布唔還錢，唔係新聞焦點所在。佢哋近月來，都已經陸續有宣布向供應商等拖數，所以佢哋話可能暫時唔還錢。係預期之內。因為大家都知，雷曼兄弟後，有大債仔出事，必定有人救。一有人話冇錢還，啲債主只要買定花生，就可以等白武士出手相救。亦解釋到點解消息傳出後第一日，港股都只係跌幾百點。
點知，事件嘅新聞位，喺之後嗰日發生！當啲債主等緊白武士出現時，平時會即刻宣布救杜拜嘅姊妹酋長國阿布扎比，就唔似啲債主預期咁樣，反而話唔會無限量支持杜拜。唔係即刻救？港股即時跌一千點！
杜拜一宣布完唔還錢，就走去放長假。天下記者們都搵唔到啲官解話，傳媒統稱為「資訊真空」。咁做當然即時被批評處理手法「混亂」，講到杜拜官員唔知自己做緊乜。如果你咁諗，就大錯特錯。
我相信，杜拜啲官其實係特登炮製呢個局面出來，迫阿布扎比救佢。不過出到呢招，真係落重藥，阿布扎比真係好唔想救杜拜，杜拜先咁做。
點解以前救，依家又唔救？筆者呢幾日睇到最合理解釋係因地緣政治先未救杜拜。更重要係花旗國想郁伊朗。咁關酋長國姊妹咩事？
阿布扎比係花旗國喺中東其中一個最大嘅盟友。但杜拜嘅金融業就做好多伊朗人生意，多成點？杜拜機場單一最多航班往來嘅國家就係伊朗。
當花旗國要經濟制裁伊朗時，伊朗人只要到杜拜開戶口，就可繞過制裁關卡。所以要有效制裁伊朗，必要杜拜合作。問題係伊朗人嘅生意好做，杜拜當然唔想放棄，平日風平浪靜時，迫都冇得迫。不過，今次佢哋出事，就係要杜拜合作之大好良機。
咁嘅情況下，杜拜唯有反枱，玩鋪大。如果債主銀行冇散貨，手上最多杜拜債券，即最受影響嘅銀行就係英國的銀行。英政府已出錢幫緊佢哋，所以一定好想快啲解決。杜拜知道奧巴馬好快要宣布阿富汗要增兵，如果英國突然喺阿富汗唔玩，奧巴馬好大鑊，所以就出呢招。
至於究竟點炒呢個市？都係睇美元。六個月來，每次美匯指數升到50日平均線時，美元就會回落，即其他資產價升。你可能同我一樣唔信技術分析，不過，當人人都係咁炒時，有人話齋，有智慧不如趁勢。美匯升唔穿50日平均線，個市都係要升。
Wednesday, November 25, 2009
內地鬧氣荒 大手買中電？
好多年前，又到8月尾內地石油上市公司嘅業績公布期，孫柏文又喺某金鐘五星級酒店嘅大禮堂內，參加一場又一場公司管理層搞嘅分析員發布會。
如果你聽外國例如花旗國上市公司嘅分析員發布會，你會留意到啲分析員好惡。不但如港式記者遇港官嗰隻窮追猛打，如果公司達唔到之前講過嘅預測時，更加會係咁鬧。最勁係有啲分析員甚至會在場直插管理層，話佢哋嘅經營模式唔會掂，之後仲掉轉頭教番管理層點做生意。
香港就唔同，分析員同公司管理層嘅關係，有如中學風紀(prefect)同老師一樣，斯文好多。
咁嗰次我去嘅分析員發布會，就係中海油(883)搞嘅。指定動作係先由公司講解一下業績，之後由分析員發問。由於嗰次業績並冇驚喜，油價升、產量升、盈利自然升。
當到了發問時，又出現了一啲填鴨式教育高級產物會問嘅問題，差不多全部都圍繞中海油想搞嘅天然氣海路進口生意。其他分析員就問例如：「新項目進度如何？」「同天然氣供應商傾成點？」
咁我當時其實已決定創業搞衣物生意，諗住好快永久地離開金融業，所以就趁呢個「最後機會」，問咗一條我想問好耐嘅問題：「傅總，天然氣冇得加價，根本冇乜錢賺，仲搞來做乜？淨係天然氣海路進口站，每個都幾十億美元，不如全心做石油生意啦！」
中海油董事長傅成玉當時就好行咁答話，油價未必會繼續上升，所以要分散吓風險。點都好，中海油最後都冇搞呢啲海路輸入天然氣業務。
點解要同大家分享這個問題？相信大家都知道，內地依家鬧天然氣荒，以上故事就論盡問題所在。
第一，冇得加價，係因發改委長期壓價，唔似成品油咁貼國際市價。點解會咁？因為天然氣冇得走私。成品油係液體，易運輸，唔使經幾十億入口站，所以一旦內地成品油價大脫節，就會有走私機會。
一冇得加價，就冇錢賺。雖然短暫好似益老百姓，不過就會導致公司唔投資，冇新氣田、新管道、新供應，用戶又會唔珍惜。最後出現氣荒。
不過，唔使驚！呢個情況都仲有投資機會。根據環境局長邱騰華話，2013年開始就會用「西氣東輸」嘅氣，不過會夠氣咩？你估喺廣東東江咁近搭啲水管過來？新疆呀！哈薩克呀！
好，內地冇氣即香港冇電。政府點搞呢？一係繼續用煤炭，一係就用海路輸入天然氣。
至於海路輸入，即要用幾十億美元投資起氣站。邊個起？電公司！咁幾十億美元投資乘利潤保證計劃，就算減回報百分點，都係多好多盈利。所以內地鬧氣荒，真係分分鐘要大手買中電控股(002)！
如果你聽外國例如花旗國上市公司嘅分析員發布會，你會留意到啲分析員好惡。不但如港式記者遇港官嗰隻窮追猛打，如果公司達唔到之前講過嘅預測時，更加會係咁鬧。最勁係有啲分析員甚至會在場直插管理層，話佢哋嘅經營模式唔會掂，之後仲掉轉頭教番管理層點做生意。
香港就唔同，分析員同公司管理層嘅關係，有如中學風紀(prefect)同老師一樣，斯文好多。
咁嗰次我去嘅分析員發布會，就係中海油(883)搞嘅。指定動作係先由公司講解一下業績，之後由分析員發問。由於嗰次業績並冇驚喜，油價升、產量升、盈利自然升。
當到了發問時，又出現了一啲填鴨式教育高級產物會問嘅問題，差不多全部都圍繞中海油想搞嘅天然氣海路進口生意。其他分析員就問例如：「新項目進度如何？」「同天然氣供應商傾成點？」
咁我當時其實已決定創業搞衣物生意，諗住好快永久地離開金融業，所以就趁呢個「最後機會」，問咗一條我想問好耐嘅問題：「傅總，天然氣冇得加價，根本冇乜錢賺，仲搞來做乜？淨係天然氣海路進口站，每個都幾十億美元，不如全心做石油生意啦！」
中海油董事長傅成玉當時就好行咁答話，油價未必會繼續上升，所以要分散吓風險。點都好，中海油最後都冇搞呢啲海路輸入天然氣業務。
點解要同大家分享這個問題？相信大家都知道，內地依家鬧天然氣荒，以上故事就論盡問題所在。
第一，冇得加價，係因發改委長期壓價，唔似成品油咁貼國際市價。點解會咁？因為天然氣冇得走私。成品油係液體，易運輸，唔使經幾十億入口站，所以一旦內地成品油價大脫節，就會有走私機會。
一冇得加價，就冇錢賺。雖然短暫好似益老百姓，不過就會導致公司唔投資，冇新氣田、新管道、新供應，用戶又會唔珍惜。最後出現氣荒。
不過，唔使驚！呢個情況都仲有投資機會。根據環境局長邱騰華話，2013年開始就會用「西氣東輸」嘅氣，不過會夠氣咩？你估喺廣東東江咁近搭啲水管過來？新疆呀！哈薩克呀！
好，內地冇氣即香港冇電。政府點搞呢？一係繼續用煤炭，一係就用海路輸入天然氣。
至於海路輸入，即要用幾十億美元投資起氣站。邊個起？電公司！咁幾十億美元投資乘利潤保證計劃，就算減回報百分點，都係多好多盈利。所以內地鬧氣荒，真係分分鐘要大手買中電控股(002)！
Monday, November 23, 2009
金價破高位全因香港？
金甲蟲，係中文翻譯英文gold bug一詞而來，係一個用來形容熱愛黃金嘅人。佢哋熱愛嘅程度，直情似發燒，因英文bug一字，係有被病毒感染嘅含意。
不過，只深愛黃金，係不足以成為金甲蟲，因除咗愛金之外，一定同時要仇恨紙幣先得。嗰種程度嘅仇恨，係來自覺得印銀紙嘅各國央行，特別係花旗國聯儲局，秘密地運用通脹將儲錢者擁有嘅購買力，慢慢偷去。
佢哋覺得，如果唔係投資，純粹想保護購買力，唯一方法就係買一隻冇得亂發嘅貨幣，即黃金。佢哋又話，為咗令世人「棄金擁紙」，紙幣制度下嘅既得利益集團，會無所不用其極咁出術。
點出術？例如喺期貨市場長期冇貨喺手，都大額拋空。質低金價，令你覺得金冇運行。點解冇貨喺手，都可大額拋空？因為當你買咗，不過唔攞貨，佢就可以無限量咁賣。所以金甲蟲一直都話唔好買好多銀行都賣嘅「紙上黃金」。
好喇，到你買咗又要提貨時，就會出現一拖再拖現象。市場傳聞，話有啲歐洲銀行，因客戶要提取以公斤計嘅黃金時，因冇貨要向央行求救。當所有客戶得知原來啲拋空咗嘅銀行，根本冇貨時，就會「擠提」黃金。
大家可能會話：「擠提喺08年都發生過，嗰次都冇事使乜驚？」上次冇事，係因擠提銀紙，央行一開印刷機「無限量支持」就冇事，不過如果客戶係要擠提黃金，真係嘔都嘔唔到出來。
不過，最近孫柏文聽到一個消息，令我好不安。因為金甲蟲嘅安全底線，就係只要實貨黃金一袋落袋就冇事，不過如果啲金係假嘅，點算？
外國金甲蟲圈今期嘅熱門話題，就係用鎢(Tungsten)做餡，出面有層薄金嘅假金條。聽聞呢批400安士嘅金條，喺香港被鑑證師揭發，全數大約係5,000條，總重60公噸。而佢哋又提供咗個事件時間表，今日同大家分享。
09年中，傳聞香港政府為籌備機場金庫開幕，向啲幫我哋存貨嘅外國歐洲銀行要求提貨。
之後同年的9月，銀行冇貨要周圍撲(金價亦因此升破歷史高位)，最後要英倫銀行出手先夠貨。
09年10月，鑑證師喺香港為一批大額金條做鑑證時，則發現大批假貨，貨源來自西方世界。另外，香港政府亦冇再提黃金或金庫一事。
為咗平息呢啲令人擔心嘅疑慮，我建議財政司司長曾俊華、香港金融管理局總裁陳德霖等財金高官，回答以下問題。
第一，香港儲備究竟有幾多黃金？第二，啲金現放喺邊度？第三，喺香港嗰啲有冇我哋自己驗證過？第四，可唔可以將啲金條嘅編號公開？等我哋睇吓有冇同出面啲「問題金」重疊。謝！
不過，只深愛黃金，係不足以成為金甲蟲，因除咗愛金之外，一定同時要仇恨紙幣先得。嗰種程度嘅仇恨，係來自覺得印銀紙嘅各國央行，特別係花旗國聯儲局，秘密地運用通脹將儲錢者擁有嘅購買力，慢慢偷去。
佢哋覺得，如果唔係投資，純粹想保護購買力，唯一方法就係買一隻冇得亂發嘅貨幣，即黃金。佢哋又話，為咗令世人「棄金擁紙」，紙幣制度下嘅既得利益集團，會無所不用其極咁出術。
點出術？例如喺期貨市場長期冇貨喺手，都大額拋空。質低金價，令你覺得金冇運行。點解冇貨喺手，都可大額拋空？因為當你買咗，不過唔攞貨，佢就可以無限量咁賣。所以金甲蟲一直都話唔好買好多銀行都賣嘅「紙上黃金」。
好喇，到你買咗又要提貨時，就會出現一拖再拖現象。市場傳聞，話有啲歐洲銀行，因客戶要提取以公斤計嘅黃金時，因冇貨要向央行求救。當所有客戶得知原來啲拋空咗嘅銀行，根本冇貨時，就會「擠提」黃金。
大家可能會話：「擠提喺08年都發生過，嗰次都冇事使乜驚？」上次冇事，係因擠提銀紙，央行一開印刷機「無限量支持」就冇事，不過如果客戶係要擠提黃金，真係嘔都嘔唔到出來。
不過，最近孫柏文聽到一個消息，令我好不安。因為金甲蟲嘅安全底線，就係只要實貨黃金一袋落袋就冇事，不過如果啲金係假嘅，點算？
外國金甲蟲圈今期嘅熱門話題，就係用鎢(Tungsten)做餡，出面有層薄金嘅假金條。聽聞呢批400安士嘅金條，喺香港被鑑證師揭發，全數大約係5,000條，總重60公噸。而佢哋又提供咗個事件時間表，今日同大家分享。
09年中，傳聞香港政府為籌備機場金庫開幕，向啲幫我哋存貨嘅外國歐洲銀行要求提貨。
之後同年的9月，銀行冇貨要周圍撲(金價亦因此升破歷史高位)，最後要英倫銀行出手先夠貨。
09年10月，鑑證師喺香港為一批大額金條做鑑證時，則發現大批假貨，貨源來自西方世界。另外，香港政府亦冇再提黃金或金庫一事。
為咗平息呢啲令人擔心嘅疑慮，我建議財政司司長曾俊華、香港金融管理局總裁陳德霖等財金高官，回答以下問題。
第一，香港儲備究竟有幾多黃金？第二，啲金現放喺邊度？第三，喺香港嗰啲有冇我哋自己驗證過？第四，可唔可以將啲金條嘅編號公開？等我哋睇吓有冇同出面啲「問題金」重疊。謝！
Sunday, November 22, 2009
滙控盈利將創歷史新高？
「紅底股！又番去100蚊啦！花旗國交易時段嘅預託證券價令人振奮呀！」呢排見到滙豐控股(005)嘅股東，實在太似一個逆子，不過個仔到最後都識回頭一樣。
佢哋呢種興奮，感染力甚強，連孫柏文都想買番手，加入佢哋呢個粉絲會(fans club)，好似啲歌迷會成員咁玩麻木崇拜。不過，當然最後冇，因為滙控股價反映緊未來，實在要身體有化學劑影響，先鯁得落。
大家可能話：「大把名牌股，例如比亞迪(1211)、騰訊(700)，甚至你隻愛股中油香港(135)都升到比恒指32,000點時更高嘅股價。滙控當年冇份癲，一路長期喺130至150元之間，依家先升番100蚊，應該仲有得升！」
如果你咁講，就忘記咗今年滙豐控股，曾經12股供5股集資，當時對股價嘅影響。
大家要記得，2007年係滙控最賺錢嘅一年。股東應佔盈利差不多200億美元(約1,560億港元)，用當時嘅總股數去除，就計到每股盈利。
不過，經過12供5之後，總股數照計就多咗42%，即使滙控總盈利能夠重返07年時的水平，每股盈利都跌三成。
如果用番07年140元股價時嘅市盈率計，每股盈利跌三成的話，股價就要打七折。咁140元打七折係幾多皮？應該係98元，即噚日嘅收市價。
大家仲要謹記嘅係，呢個只是假設盈利，能夠重返07年歷史最高水平，同埋未有海嘯前嘅市盈率。你都咪話滙控的股東唔樂觀。
當然，股價要升，唔使靠盈利上升，市盈率發大就得。如果以07年盈利，就算攤薄咗股數，用比亞迪超過100倍市盈率去計，滙控見1,000蚊一股都得！
不過，市盈率係反映市場對公司前景有幾樂觀。增長快、派息穩定、運作透明度高等，都能令投資者肯付出多啲，接受比較高嘅市盈率，不過，以上條件，滙控呢幾年來有冇？股息確大減，兼且唔要你再供股已謝天謝地！
仲有，滙控盤數有幾多水份呢？多都唔使講，淨係滙控在美國的業務，有一大嚿億億聲「資產」，係啲乜嘢「因為之前蝕咗好多，所以之後唔使交咁多稅」，而唔係實實在在賺嘅資本。
我咁講，可能會令部分滙控的股東條氣有點唔順。不過，我已經知佢哋會點駁咀，佢哋一定話，滙控的發展戰略前景好，新興市場發展幾好等云云。我只可以話：「係啊！今年超過07年盈利！行政總裁辦公室搬回香港，就乜都解決晒嗎？」
最後，想買滙控股份嘅fan屎，現價係買滙控未來盈利將創歷史新高先抵買。我只可話一句，good luck！
佢哋呢種興奮，感染力甚強，連孫柏文都想買番手，加入佢哋呢個粉絲會(fans club)，好似啲歌迷會成員咁玩麻木崇拜。不過，當然最後冇，因為滙控股價反映緊未來，實在要身體有化學劑影響，先鯁得落。
大家可能話：「大把名牌股，例如比亞迪(1211)、騰訊(700)，甚至你隻愛股中油香港(135)都升到比恒指32,000點時更高嘅股價。滙控當年冇份癲，一路長期喺130至150元之間，依家先升番100蚊，應該仲有得升！」
如果你咁講，就忘記咗今年滙豐控股，曾經12股供5股集資，當時對股價嘅影響。
大家要記得，2007年係滙控最賺錢嘅一年。股東應佔盈利差不多200億美元(約1,560億港元)，用當時嘅總股數去除，就計到每股盈利。
不過，經過12供5之後，總股數照計就多咗42%，即使滙控總盈利能夠重返07年時的水平，每股盈利都跌三成。
如果用番07年140元股價時嘅市盈率計，每股盈利跌三成的話，股價就要打七折。咁140元打七折係幾多皮？應該係98元，即噚日嘅收市價。
大家仲要謹記嘅係，呢個只是假設盈利，能夠重返07年歷史最高水平，同埋未有海嘯前嘅市盈率。你都咪話滙控的股東唔樂觀。
當然，股價要升，唔使靠盈利上升，市盈率發大就得。如果以07年盈利，就算攤薄咗股數，用比亞迪超過100倍市盈率去計，滙控見1,000蚊一股都得！
不過，市盈率係反映市場對公司前景有幾樂觀。增長快、派息穩定、運作透明度高等，都能令投資者肯付出多啲，接受比較高嘅市盈率，不過，以上條件，滙控呢幾年來有冇？股息確大減，兼且唔要你再供股已謝天謝地！
仲有，滙控盤數有幾多水份呢？多都唔使講，淨係滙控在美國的業務，有一大嚿億億聲「資產」，係啲乜嘢「因為之前蝕咗好多，所以之後唔使交咁多稅」，而唔係實實在在賺嘅資本。
我咁講，可能會令部分滙控的股東條氣有點唔順。不過，我已經知佢哋會點駁咀，佢哋一定話，滙控的發展戰略前景好，新興市場發展幾好等云云。我只可以話：「係啊！今年超過07年盈利！行政總裁辦公室搬回香港，就乜都解決晒嗎？」
最後，想買滙控股份嘅fan屎，現價係買滙控未來盈利將創歷史新高先抵買。我只可話一句，good luck！
想賭東亞被收購？
好多年前，孫柏文仲係一個喺股票行返工嘅中國石油股分析員時，有次聽隔籬嘅銀行分析員，講番一個他有份參與飯局嘅嘢。
佢話有好幾個「非李姓」嘅東亞銀行(023)高層都有出席。咁我就問：「收到咩風？」佢話有好幾個高層，都將焦點集中喺該行主席李國寶(寶baby)後代接棒能否順利。
我再問：「咁佢哋點睇？」我同事就話情況有變數，新一代接棒不但要叻，仲要因投資者俾嘅時間唔會多，所以要快快建立「掂」嘅形象。我又問：「嘩！叻都唔夠，仲要快？」同事話，當晚在座嘅高層估計，應該3年之內，東亞一定被收購，控制權亦會由「姓李」變成其他人。
電影無間道嘅陳永仁話齋：「三年又三年。」到今日已經係當時3年嘅倍數，東亞一樣照舊股權分散，不過，姓李話事。
上個禮拜，東亞股價又有異動。原因係國浩集團(053)向港交所(388)披露，佢哋買咗好多東亞嘅股票，令市場即傳遐想，會唔會好似電視劇《富貴門》咁，玩逐一股東游說，之後敵意收購。
我就話唔會發生。大家聽完後，可能會話：「國浩入股喎！仲要買成8%！國浩當年搵咗新加坡仔笨，以天價(市帳率3倍)賣道亨，依家手頭上大把現金。」係，呢個我唔會否認。同埋之前講過東亞股權分散，進軍內地又有聲有色，確實令東亞成為好多人幻想會被收購嘅對象。如果你咁諗，我就要用我支大明燈照醒你！
《黑天鵝》一書曾警告，勿信自稱有預測未來能力嘅方程式。作者話，如果有個銀仔，經過100次擲毫後，全部都係「公」，咁第101次擲「公」嘅機會率係幾多？佢話，如果問一個有統計學博士學位、天才分析員，佢一定話第101次擲「公」嘅機會率係50%，因為銀仔嘅特性就係50/50。
不過，倘問一個中五未畢業，由派信開始慢慢升職到今日做管理層嘅人，佢會話：「第101次肯定擲『公』。之前100次都係『公』，就肯定個銀仔本身有問題啦！」
東亞都係一樣，你有幾百億元買佢股票，最多都係搭順風車。就算呢部車有100個位，俾你坐足99個，最後司機位都係由姓李坐。你不但冇資格問架車去邊或開幾快，連乘客位嘅冷氣開幾度，你都冇權過問。你追入，就真係要覺得盈利上抵買先得，如果係賭收購，你就真係嘥時間。多都唔使講。如果你買到50%股權，中央派人同你講，話轉人管理，就唔俾喺內地做生意，相信你都會一切照舊。
最後提一提大家，千祈唔好炒其他「可被收購中型銀行股」。國浩就得一個，佢哋用錢買東亞，就少啲錢買其他銀行，除非你信國浩買東亞，會令其他人買其他銀行股，如果唔係千祈唔好盲樁樁。
佢話有好幾個「非李姓」嘅東亞銀行(023)高層都有出席。咁我就問：「收到咩風？」佢話有好幾個高層，都將焦點集中喺該行主席李國寶(寶baby)後代接棒能否順利。
我再問：「咁佢哋點睇？」我同事就話情況有變數，新一代接棒不但要叻，仲要因投資者俾嘅時間唔會多，所以要快快建立「掂」嘅形象。我又問：「嘩！叻都唔夠，仲要快？」同事話，當晚在座嘅高層估計，應該3年之內，東亞一定被收購，控制權亦會由「姓李」變成其他人。
電影無間道嘅陳永仁話齋：「三年又三年。」到今日已經係當時3年嘅倍數，東亞一樣照舊股權分散，不過，姓李話事。
上個禮拜，東亞股價又有異動。原因係國浩集團(053)向港交所(388)披露，佢哋買咗好多東亞嘅股票，令市場即傳遐想，會唔會好似電視劇《富貴門》咁，玩逐一股東游說，之後敵意收購。
我就話唔會發生。大家聽完後，可能會話：「國浩入股喎！仲要買成8%！國浩當年搵咗新加坡仔笨，以天價(市帳率3倍)賣道亨，依家手頭上大把現金。」係，呢個我唔會否認。同埋之前講過東亞股權分散，進軍內地又有聲有色，確實令東亞成為好多人幻想會被收購嘅對象。如果你咁諗，我就要用我支大明燈照醒你！
《黑天鵝》一書曾警告，勿信自稱有預測未來能力嘅方程式。作者話，如果有個銀仔，經過100次擲毫後，全部都係「公」，咁第101次擲「公」嘅機會率係幾多？佢話，如果問一個有統計學博士學位、天才分析員，佢一定話第101次擲「公」嘅機會率係50%，因為銀仔嘅特性就係50/50。
不過，倘問一個中五未畢業，由派信開始慢慢升職到今日做管理層嘅人，佢會話：「第101次肯定擲『公』。之前100次都係『公』，就肯定個銀仔本身有問題啦！」
東亞都係一樣，你有幾百億元買佢股票，最多都係搭順風車。就算呢部車有100個位，俾你坐足99個，最後司機位都係由姓李坐。你不但冇資格問架車去邊或開幾快，連乘客位嘅冷氣開幾度，你都冇權過問。你追入，就真係要覺得盈利上抵買先得，如果係賭收購，你就真係嘥時間。多都唔使講。如果你買到50%股權，中央派人同你講，話轉人管理，就唔俾喺內地做生意，相信你都會一切照舊。
最後提一提大家，千祈唔好炒其他「可被收購中型銀行股」。國浩就得一個，佢哋用錢買東亞，就少啲錢買其他銀行，除非你信國浩買東亞，會令其他人買其他銀行股，如果唔係千祈唔好盲樁樁。
Tuesday, November 10, 2009
我從迷債學到的教訓
金融海嘯，發人深省，孫柏文唔知大家點，不過，我就喺好多同財經、股市冇關係嘅地方，都見到可以引用從金融海嘯中吸取嘅教訓。就喺噚日，我去咗沙田馬會會所，參加早前已經報名嘅游泳比賽。呢個比賽，係馬會為啲會員搞嘅，而我見到除咗每項比賽有冠、亞、季軍之外，仲會好似格蘭披治賽車一樣，分站計分，到年尾有個全年總冠軍，所以就報名參加每站最多三場賽事。
點知去到游泳池時，就發覺原來我報名的男性15歲或以上嘅三場比賽，只得我一人參賽。大家睇到呢度，可能會戥我高興，咁仲唔三場贏晒，滿牌而歸、分數盡拿？’
不過，大家如果咁諗就錯！因為我每次去到中環畢打街、德輔道中交界，眼見雷曼產品投資者嗰種哭訴，從中吸取了教訓，所以當工作人員同我講，得我一個人比賽的時候，我就即刻問：「咩情況會令我被取消資格？」
我又想到，更「安全」嘅嘢，都要提防「黑天鵝」嘅出現。投資者千計萬計，分析投資產品中嘅輸贏機會時，就係冇計到莊家會「執笠」。
情況有如馬會可以推出新投注產品，就是買一場賽馬裏面，墮馬的機會，即係話，如果嗰場馬冇出現墮馬情況，你有落注就有錢收。
大家都知道，墮馬的機會率甚微，所以賠率亦「非常可恥」，不過，投資、投機乃姜太公釣魚，願者上釣，只要有人覺得有值博率，就有人買。
就係咁，好多追求「安全」投資的投資者，就買咗呢啲「冇墮馬債券」，買定離手，等開跑。一出閘，情況雖因金融海嘯變得動盪，不過，騎師冇事，亦冇墮馬。當入直路，馬群接近終點時，投注大堂已見滿心歡喜嘅投資者，已經排住隊等收錢。
點知場馬未跑完，廣播系統突然宣布，馬會執笠，就算場馬最終冇墮馬，結果對投資者都係「風吹雞蛋殼，財散人安樂」。所以，大家一定要切記，在生活每個環節中，「黑天鵝」可能會隨時出現。
講開體育，就要講吓旅發局冇攞東亞運飛單嘢。聽聞早喺6月的時候，東亞運主辦單位，已問旅發局要唔要飛。當時旅發局冇話要，咁主辦單位就順理成章咁，攞啲飛出街賣。
點知，當出咗會參加運動會嘅運動員名單時，旅發局主席田北俊就大聲喊話：「點解我哋冇飛？點解呀？點解呀？」田主席似乜？除咗似啲要換片嘅BB之外，就好似今年3月，冇用28元供滙豐控股(005)，之後又後悔，仲要賴人嘅嗰種投資者。好彩旅發局的功能可有可無，如果俾田少搞啲有效果嘅機構，都咪話唔驚！揀佢入旅發局嗰個，我要多謝您！
(This last line was added by the editor... Which I am not pleased.)最後說回三場賽事，我都拿了冠軍，兼打破兩項大會紀錄。
點知去到游泳池時，就發覺原來我報名的男性15歲或以上嘅三場比賽，只得我一人參賽。大家睇到呢度，可能會戥我高興，咁仲唔三場贏晒，滿牌而歸、分數盡拿？’
不過，大家如果咁諗就錯！因為我每次去到中環畢打街、德輔道中交界，眼見雷曼產品投資者嗰種哭訴，從中吸取了教訓，所以當工作人員同我講，得我一個人比賽的時候，我就即刻問：「咩情況會令我被取消資格？」
我又想到，更「安全」嘅嘢，都要提防「黑天鵝」嘅出現。投資者千計萬計，分析投資產品中嘅輸贏機會時，就係冇計到莊家會「執笠」。
情況有如馬會可以推出新投注產品，就是買一場賽馬裏面，墮馬的機會，即係話，如果嗰場馬冇出現墮馬情況，你有落注就有錢收。
大家都知道，墮馬的機會率甚微，所以賠率亦「非常可恥」，不過，投資、投機乃姜太公釣魚，願者上釣，只要有人覺得有值博率，就有人買。
就係咁，好多追求「安全」投資的投資者，就買咗呢啲「冇墮馬債券」，買定離手，等開跑。一出閘，情況雖因金融海嘯變得動盪，不過，騎師冇事，亦冇墮馬。當入直路，馬群接近終點時，投注大堂已見滿心歡喜嘅投資者，已經排住隊等收錢。
點知場馬未跑完，廣播系統突然宣布，馬會執笠，就算場馬最終冇墮馬，結果對投資者都係「風吹雞蛋殼，財散人安樂」。所以，大家一定要切記，在生活每個環節中，「黑天鵝」可能會隨時出現。
講開體育，就要講吓旅發局冇攞東亞運飛單嘢。聽聞早喺6月的時候，東亞運主辦單位，已問旅發局要唔要飛。當時旅發局冇話要，咁主辦單位就順理成章咁，攞啲飛出街賣。
點知，當出咗會參加運動會嘅運動員名單時，旅發局主席田北俊就大聲喊話：「點解我哋冇飛？點解呀？點解呀？」田主席似乜？除咗似啲要換片嘅BB之外，就好似今年3月，冇用28元供滙豐控股(005)，之後又後悔，仲要賴人嘅嗰種投資者。好彩旅發局的功能可有可無，如果俾田少搞啲有效果嘅機構，都咪話唔驚！揀佢入旅發局嗰個，我要多謝您！
(This last line was added by the editor... Which I am not pleased.)最後說回三場賽事，我都拿了冠軍，兼打破兩項大會紀錄。
Monday, November 09, 2009
Thursday, November 05, 2009
就快暴升或暴跌
升市速度，好多時會用百分比去計算。原因係如果孫柏文同你話：「恒指上個月升咗二千點！」你可能會答：「咁係由一萬點升至萬二點？定係二萬點起步計先？」
不過由3月至今嘅升市，就算用點數而唔係用百分比計算，近排個市已愈升愈冇動力。冇咗嗰種升市升到連企喺銀行內㩒機嘅師奶，㩒掣㩒到嘩嘩聲嘅氣勢。
講真，感覺上家個市有啲似6月底、7月初嗰陣。當時個市不但冇力升，恒指仲要出現「頭肩頂」呢個「已見頂」訊號，在6月1日，同該月12日的兩次收市均見18,888點之後，就開始下試。去到之前那轉嘅多次頂位，即17,500點時，就感覺上似呢刻。
點解？因為一穿支持位就會勁跌。唔穿？暴升。咁7月嗰次下試17,500點，當然實際上冇穿破該支持位。之後點？原本喺17,500至18,888點區域已長達7個禮拜，不過，最後一次試17,500點之後，只需5個交易日，便已升穿18,888點，並直奔20,000點。
禮拜一同大家講過，點解今轉50日平均線咁重要，原因係當某條線睇落似非常強勢嘅「支持」時，就會嚴重影響，以及主導投資者決定。今轉升市開始冇力時，只要下試掂吓條50日平均線，就會好似啲邊青咁，索索即「揩」。
仲有，今次又好似7月見17,500點嗰次咁，好友同淡友在支持位大打出手。同日裂口低開、V形反彈、由大升變大跌等，幾日內連續出現，成交量又同時上升。
所以種種現象總結來講，就令我覺得個市好快就會大升或大跌，亦即番鬼佬話齋：「We have to long volatility。」
咁如果穿50日平均線又怎樣？禮拜一已講過下站就係200日平均線。咁如果幾個交易日內到站，到時我估計200日平均線，可能會去到17,500點。
不過，唔穿又點？咁會好快到23,000點。到時，仲要可能因為一些已經發誓唔入市嘅投資者們，都因為貪婪忍唔住，最後一盅，最後盅晒入市(到時又會吹內地同胞買港股云云)，咁就會出現最後一次勁升！
不過由3月至今嘅升市，就算用點數而唔係用百分比計算，近排個市已愈升愈冇動力。冇咗嗰種升市升到連企喺銀行內㩒機嘅師奶，㩒掣㩒到嘩嘩聲嘅氣勢。
講真，感覺上家個市有啲似6月底、7月初嗰陣。當時個市不但冇力升，恒指仲要出現「頭肩頂」呢個「已見頂」訊號，在6月1日，同該月12日的兩次收市均見18,888點之後，就開始下試。去到之前那轉嘅多次頂位，即17,500點時，就感覺上似呢刻。
點解？因為一穿支持位就會勁跌。唔穿？暴升。咁7月嗰次下試17,500點，當然實際上冇穿破該支持位。之後點？原本喺17,500至18,888點區域已長達7個禮拜，不過，最後一次試17,500點之後，只需5個交易日，便已升穿18,888點，並直奔20,000點。
禮拜一同大家講過，點解今轉50日平均線咁重要，原因係當某條線睇落似非常強勢嘅「支持」時，就會嚴重影響，以及主導投資者決定。今轉升市開始冇力時，只要下試掂吓條50日平均線，就會好似啲邊青咁，索索即「揩」。
仲有，今次又好似7月見17,500點嗰次咁，好友同淡友在支持位大打出手。同日裂口低開、V形反彈、由大升變大跌等，幾日內連續出現，成交量又同時上升。
所以種種現象總結來講，就令我覺得個市好快就會大升或大跌，亦即番鬼佬話齋：「We have to long volatility。」
咁如果穿50日平均線又怎樣？禮拜一已講過下站就係200日平均線。咁如果幾個交易日內到站，到時我估計200日平均線，可能會去到17,500點。
不過，唔穿又點？咁會好快到23,000點。到時，仲要可能因為一些已經發誓唔入市嘅投資者們，都因為貪婪忍唔住，最後一盅，最後盅晒入市(到時又會吹內地同胞買港股云云)，咁就會出現最後一次勁升！
Wednesday, November 04, 2009
恒指下站17500
50天平均線，真係退後一步睇，其實只不過係每日收市時，用之前50日嘅收市價位總和，然後除50嘅一個簡單數字。原意係俾大家一個方法，撇清波幅後去睇大勢。
因為每月大約有25個交易日，50天平均線，亦即等於之前兩個月嘅平均價。
今日要講50天平均線，係因如果大家睇番好多資產嘅價格、指數走勢，都喺上周下試50天平均線。例如有代表花旗國股市嘅標普500指數、特區嘅恒生指數，又或孫柏文嘅至愛白銀等。
如果從炒賣策略來睇，近幾個月，如每次下試50天平均線時，你都夠膽入市的話，之後都可享有豐厚嘅利益。呢個策略當然唔係咩獨家貼士，今日同大家討論嘅，係恒指因由之前高位22,600點，直至於上周四，恒指跌落50天平均線21,100點時，我身邊有好多朋友，都大手買貨。
到上周五，恒指出現大幅反彈後，呢啲朋友個個都鬆毛鬆翼，大讚自己有眼光。
咁我問佢哋入市因由，問佢哋係咪覺得股票抵買，佢哋異口同聲向我發出恥笑嘅笑聲，仲反問我：「抵買？你仲睇抵唔抵買？你都應該有好多個月冇贏錢，因為你唔敢買貨。」係！我真係唔敢。
問題係，當市場嘅買家，明知唔抵買都入市時，心態就會係博博吓。唔係話佢哋唔做功課，而係話佢哋將會成為驚弓之鳥，一有咩風吹草動，一見勢色唔對，就會急速離場。亦即係炒家主導嘅市場。
雖然上周五嘅恒指，承接上周四花旗股市嘅升勢，成功大幅反彈。不過到上周五晚，標普500指數又再次大瀉，跌穿50天平均線。唔知會唔會令恒指一齊跌穿？
大家可能會問：「如果一路靠50天平均線上，又上到變炒家市，一旦穿咗會點？」咁大家就要參考吓，08年嘅油價圖。
由08年2月，大約80美元一桶油起，你每次見油價下試50天平均線買貨的話，就一路跟住炒上08年中147美元一桶嘅高位。之後一穿，差不多直線、高速落到35美元。炒家市就係咁。
如果恒指一樣，一穿50天平均線，下站應該係200天平均線。雖然冇科學根據，不過？估炒家心理就係咁。咁恒指200天平均線喺邊？咪就係喺17,500點。有貨？又唔想賣？扣好安全帶啦！
因為每月大約有25個交易日，50天平均線，亦即等於之前兩個月嘅平均價。
今日要講50天平均線，係因如果大家睇番好多資產嘅價格、指數走勢，都喺上周下試50天平均線。例如有代表花旗國股市嘅標普500指數、特區嘅恒生指數，又或孫柏文嘅至愛白銀等。
如果從炒賣策略來睇，近幾個月，如每次下試50天平均線時，你都夠膽入市的話，之後都可享有豐厚嘅利益。呢個策略當然唔係咩獨家貼士，今日同大家討論嘅，係恒指因由之前高位22,600點，直至於上周四，恒指跌落50天平均線21,100點時，我身邊有好多朋友，都大手買貨。
到上周五，恒指出現大幅反彈後，呢啲朋友個個都鬆毛鬆翼，大讚自己有眼光。
咁我問佢哋入市因由，問佢哋係咪覺得股票抵買，佢哋異口同聲向我發出恥笑嘅笑聲，仲反問我：「抵買？你仲睇抵唔抵買？你都應該有好多個月冇贏錢，因為你唔敢買貨。」係！我真係唔敢。
問題係，當市場嘅買家，明知唔抵買都入市時，心態就會係博博吓。唔係話佢哋唔做功課，而係話佢哋將會成為驚弓之鳥，一有咩風吹草動，一見勢色唔對，就會急速離場。亦即係炒家主導嘅市場。
雖然上周五嘅恒指，承接上周四花旗股市嘅升勢，成功大幅反彈。不過到上周五晚，標普500指數又再次大瀉，跌穿50天平均線。唔知會唔會令恒指一齊跌穿？
大家可能會問：「如果一路靠50天平均線上，又上到變炒家市，一旦穿咗會點？」咁大家就要參考吓，08年嘅油價圖。
由08年2月，大約80美元一桶油起，你每次見油價下試50天平均線買貨的話，就一路跟住炒上08年中147美元一桶嘅高位。之後一穿，差不多直線、高速落到35美元。炒家市就係咁。
如果恒指一樣，一穿50天平均線，下站應該係200天平均線。雖然冇科學根據，不過？估炒家心理就係咁。咁恒指200天平均線喺邊？咪就係喺17,500點。有貨？又唔想賣？扣好安全帶啦！
Monday, November 02, 2009
Sunday, November 01, 2009
去完先知身體好？
Apart from the title, this pic from Joe Yam's blog is presented strictly without comment (but notice where Yam's hands are...)
Friday, October 30, 2009
Thursday, October 29, 2009
八萬五復活 多謝李兆基！
作為一個千禧年代入世嘅港男，孫柏文想達到嘅人生目標，比之前一代平實得多。因我嘅對等單位，即港女，都知期望愈高、失望愈大，唔會點迫我哋要有乜乜物物先有來往。咁就唔使有車、有樓、有滙豐控股(005)。
我唔需要以上嘅嘢，咁要乜？其實淨係要每朝一起身，聽到一把甜美嘅聲音、鼓勵嘅說話就可以。
今日同大家分享我嘅需要，係因為我為《am730》寫專欄之後，除咗有稿費之外，原來滿足到我以上提過最本能嘅需要。
噚日早上電話響起，一聽就聽到係《am730》嘅女同事來電，叫我不如今日講吓個市或者投資心得。因我喺戰場前線上，有多年同港女交流嘅經驗，所以唔多唔少都吸收咗港女嘅惡習，即就算正有此意，都要好有矜持。
其實我呢幾個月，每逢有人問我個股市點睇，我都係同一答案：「股神巴菲特有個師傅，叫Benjamin Graham。佢出過一套講點樣執行價值投資法嘅書，如果你有呢套書，又喺呢個位問我，好唔好入市，不如下次去燒嘢食時，攞呢套書出來，一頁一頁咁攞來『透爐』，燒咗佢算。」
今次恒指由萬多點，升至呢個水位，完完全全係因為全球政府出手，特別係祖國同花旗國，瘋狂印鈔。如果你覺得聯儲局可以將街嘅貨幣供應繼續發大、花旗政府年年都可借萬億元去使錢、內地銀行又一直會提供上十萬億元人民幣嘅貸款，你咪繼續去買囉。聽講中國移動(941)落後喎，你哋仲唔瞓身落去？
呢幾日有「fan屎」問我，依家究竟應該點？我問佢哋係咪想入市？佢哋話手上有貨，唔知點算。咁我就答話要清倉，佢哋就話「唔得」，因為仲係蟹貨。
我心一算就跟著問：「你哋咩位入？32,000點？」佢哋唔出聲。不過咁，32,000點入得，22,000點當然問可唔可以繼續升。佢哋繼續問我，唔係要我嘅睇法，其實只係要我派心靈雞湯。
講完股市，不如講吓樓市。上個禮拜已經講過，好似民主黨李永達等嘅抽水議員，又好似96年咁，高呼要為「無殼蝸牛」，要求「八萬五」復活。
我仲記得喺98年立法會選舉的論壇上，港島區立法會議員何秀蘭被問及，董特首有冇德政時，佢話有，就係「隊冧樓市」。
今次「八萬五」又再次死灰復燃，其實全賴恒基地產(012)在干德道的豪宅新盤「天匯」，賣七萬多蚊一呎。我好希望七萬多蚊一呎係堅嘅，恒基係有真金白銀袋落袋。
如果係老吹，既冇益恒基，仲要換來「八萬五」復活，我只可話：「八萬五復活，多謝李兆基！」。
我唔需要以上嘅嘢，咁要乜？其實淨係要每朝一起身，聽到一把甜美嘅聲音、鼓勵嘅說話就可以。
今日同大家分享我嘅需要，係因為我為《am730》寫專欄之後，除咗有稿費之外，原來滿足到我以上提過最本能嘅需要。
噚日早上電話響起，一聽就聽到係《am730》嘅女同事來電，叫我不如今日講吓個市或者投資心得。因我喺戰場前線上，有多年同港女交流嘅經驗，所以唔多唔少都吸收咗港女嘅惡習，即就算正有此意，都要好有矜持。
其實我呢幾個月，每逢有人問我個股市點睇，我都係同一答案：「股神巴菲特有個師傅，叫Benjamin Graham。佢出過一套講點樣執行價值投資法嘅書，如果你有呢套書，又喺呢個位問我，好唔好入市，不如下次去燒嘢食時，攞呢套書出來，一頁一頁咁攞來『透爐』，燒咗佢算。」
今次恒指由萬多點，升至呢個水位，完完全全係因為全球政府出手，特別係祖國同花旗國，瘋狂印鈔。如果你覺得聯儲局可以將街嘅貨幣供應繼續發大、花旗政府年年都可借萬億元去使錢、內地銀行又一直會提供上十萬億元人民幣嘅貸款，你咪繼續去買囉。聽講中國移動(941)落後喎，你哋仲唔瞓身落去？
呢幾日有「fan屎」問我，依家究竟應該點？我問佢哋係咪想入市？佢哋話手上有貨，唔知點算。咁我就答話要清倉，佢哋就話「唔得」，因為仲係蟹貨。
我心一算就跟著問：「你哋咩位入？32,000點？」佢哋唔出聲。不過咁，32,000點入得，22,000點當然問可唔可以繼續升。佢哋繼續問我，唔係要我嘅睇法，其實只係要我派心靈雞湯。
講完股市，不如講吓樓市。上個禮拜已經講過，好似民主黨李永達等嘅抽水議員，又好似96年咁，高呼要為「無殼蝸牛」，要求「八萬五」復活。
我仲記得喺98年立法會選舉的論壇上，港島區立法會議員何秀蘭被問及，董特首有冇德政時，佢話有，就係「隊冧樓市」。
今次「八萬五」又再次死灰復燃，其實全賴恒基地產(012)在干德道的豪宅新盤「天匯」，賣七萬多蚊一呎。我好希望七萬多蚊一呎係堅嘅，恒基係有真金白銀袋落袋。
如果係老吹，既冇益恒基，仲要換來「八萬五」復活，我只可話：「八萬五復活，多謝李兆基！」。
Monday, October 26, 2009
Goldman Sachs' Level 3 assets...
So Goldman reported some pretty kick ass results in the last quarter 'justifying' bonuses that is getting their GS ass kicked everywhere (ok, maybe not Barron's)
Anyhow, it seems like everyone has forgotten their level 3 assets.
Forgot what level 3 assets are? Below is a reminder from wikinvest.
So Level 3 are crap that cannot be valued. Which is kinda ironic because Goldman Sachs claim that Level 3 assets "...were approximately $50 billion as of September 25, 2009 (down from $54 billion as of June 26, 2009) and represented 5.7% of total assets..."
Goldman Sachs still has $50 billion of crap that could not be valued.
Just a reminder.
Anyhow, it seems like everyone has forgotten their level 3 assets.
Forgot what level 3 assets are? Below is a reminder from wikinvest.
Level 1
Financial assets and liabilities whose values are based on unadjusted, quoted prices for identical assets or liabilities in an active market (examples include active exchange-traded equity securities, listed derivatives, most U.S. Government and agency securities, and certain other sovereign government obligations). If you can look up an up-to-date price on a major exchange it's a level 1 asset.
Level 2
Financial assets and liabilities whose values are based on quoted prices in inactive markets, or whose values are based on models - but the inputs to those models are observable either directly or indirectly for substantially the full term of the asset or liability.
Level 2 inputs include the following:
a) Quoted prices for similar assets or liabilities in active markets (for example, restricted stock);
b) Quoted prices for identical or similar assets or liabilities in non-active markets (examples include corporate and municipal bonds, which trade infrequently);
c) Pricing models whose inputs are observable for substantially the full term of the asset or liability (examples include most over-the-counter derivatives, including interest rate and currency swaps); and
d) Pricing models whose inputs are derived principally from or corroborated by observable market data through correlation or other means for substantially the full term of the asset or liability (examples include certain residential and commercial mortgage related assets, including loans, securities and derivatives).
Level 3
Financial assets and liabilities whose values are based on prices or valuation techniques that require inputs that are both unobservable and significant to the overall fair value measurement.
These inputs reflect management’s own assumptions about the assumptions a market participant would use in pricing the asset or liability (examples include certain private equity investments, certain residential and commercial mortgage related assets (including loans, securities and derivatives), and long-dated or complex derivatives including certain foreign stock exchanges, foreign options and long dated options on gas and power).
Level 3 assets trade infrequently, as a result there are not many reliable market prices for them. Valuations of these assets are typically based on management assumptions or expectations.
So Level 3 are crap that cannot be valued. Which is kinda ironic because Goldman Sachs claim that Level 3 assets "...were approximately $50 billion as of September 25, 2009 (down from $54 billion as of June 26, 2009) and represented 5.7% of total assets..."
Goldman Sachs still has $50 billion of crap that could not be valued.
Just a reminder.
Thursday, October 22, 2009
Wednesday, October 21, 2009
《大明燈》名從何來？
From Today's am730...
原本，孫柏文喺周一想同大家解釋，點解我呢個新專欄叫《大明燈》。點知因特首特登為小弟造勢，知道本欄名之後，搞咗個「燈泡事件」，我唔可以唔呼籲「辭職吧，邱騰華！」作為答謝。
大家可能喺其他刊物或電視機睇、聽過我嘅分析同睇法，可能已知我向來寫作嘅風格。
如果未，你又可能聽過朋友講話我只懂譁眾取寵博收視。若你真係有咁嘅朋友，佢真係一個值得珍惜嘅朋友！因敢言，又明察秋毫！
其實，我揀《大明燈》呢個名，係因為一早已有大批網友咁叫我。如果你上去各大網上討論區，你就會見到好多「孫柏文正一係明燈！」之類嘅留言。我見咁多網友欣賞我以分析照亮天下，所以希望呢個精神，成為本欄嘅核心價值。
仲有，因我喺花旗國讀大學，唔多唔少都受到花旗國人影響。所以就一係唔做，要做明燈就要做大明燈，watt數有咁大得咁大。
呢幾日，好多時我行行吓街，都有人截住我問我點睇干德道有層新樓6,000呎賣4億元單嘢，7萬幾元一呎。
首先，根據可靠消息，呢個都仲未係至高價，之後仲會有個單位，會以10萬元一呎成交，問你怕未？知價，患有分析員職業病嘅我，就會開始計數。當你用4億元買樣嘢，假設嗰件東西為你帶來3厘嘅回報，每年就會帶來1,200萬元嘅收入。如果嗰件物件係層樓，咁即係每個月租100萬元。
6,000呎，月租100萬元，你話得唔得？幾日前做電視節目，我問《am730》主席施永青呢個問題，佢話呢啲單位頂多得1厘。如果係咁，租金若冇升跌，不過租金回報率由1厘升到3厘，即係樓價要跌七成。同97年至03年跌幅差不多。
咁嘅豪宅價，就吸引咗一班被保護行業嘅從業員，例如律師、醫生等出來鬧，話買唔到樓。民主黨李永達又好似佢喺96年咁，一齊要求政府做啲嘢，想「八萬五」復活。所以，我今日為佢哋同大家分享朋友Kreme嘅睇法。
「嫌遠
嫌細
嫌唔就腳
嫌間格唔好
嫌風水唔好
嫌鄰居影衰自己
嫌嗰區唔夠高尚
當以上條件都解決晒
就會嫌貴
當八萬五、IT爆波、金融風暴/海嘯/地震
五折
又會唔夠膽入市
結論係呢種人一世都唔會買樓」
你係咪呢種人？
原本，孫柏文喺周一想同大家解釋，點解我呢個新專欄叫《大明燈》。點知因特首特登為小弟造勢，知道本欄名之後，搞咗個「燈泡事件」，我唔可以唔呼籲「辭職吧，邱騰華！」作為答謝。
大家可能喺其他刊物或電視機睇、聽過我嘅分析同睇法，可能已知我向來寫作嘅風格。
如果未，你又可能聽過朋友講話我只懂譁眾取寵博收視。若你真係有咁嘅朋友，佢真係一個值得珍惜嘅朋友！因敢言，又明察秋毫！
其實，我揀《大明燈》呢個名，係因為一早已有大批網友咁叫我。如果你上去各大網上討論區，你就會見到好多「孫柏文正一係明燈！」之類嘅留言。我見咁多網友欣賞我以分析照亮天下，所以希望呢個精神，成為本欄嘅核心價值。
仲有，因我喺花旗國讀大學，唔多唔少都受到花旗國人影響。所以就一係唔做，要做明燈就要做大明燈，watt數有咁大得咁大。
呢幾日，好多時我行行吓街，都有人截住我問我點睇干德道有層新樓6,000呎賣4億元單嘢，7萬幾元一呎。
首先，根據可靠消息，呢個都仲未係至高價，之後仲會有個單位，會以10萬元一呎成交，問你怕未？知價，患有分析員職業病嘅我，就會開始計數。當你用4億元買樣嘢，假設嗰件東西為你帶來3厘嘅回報，每年就會帶來1,200萬元嘅收入。如果嗰件物件係層樓，咁即係每個月租100萬元。
6,000呎，月租100萬元，你話得唔得？幾日前做電視節目，我問《am730》主席施永青呢個問題，佢話呢啲單位頂多得1厘。如果係咁，租金若冇升跌，不過租金回報率由1厘升到3厘，即係樓價要跌七成。同97年至03年跌幅差不多。
咁嘅豪宅價，就吸引咗一班被保護行業嘅從業員，例如律師、醫生等出來鬧，話買唔到樓。民主黨李永達又好似佢喺96年咁，一齊要求政府做啲嘢，想「八萬五」復活。所以，我今日為佢哋同大家分享朋友Kreme嘅睇法。
「嫌遠
嫌細
嫌唔就腳
嫌間格唔好
嫌風水唔好
嫌鄰居影衰自己
嫌嗰區唔夠高尚
當以上條件都解決晒
就會嫌貴
當八萬五、IT爆波、金融風暴/海嘯/地震
五折
又會唔夠膽入市
結論係呢種人一世都唔會買樓」
你係咪呢種人？
香港人醒了？
呢排，唔知係咪最低工資、膠袋稅、慳電膽、專業人士鬧話買唔到豪宅等。不過，香港人好似醒咗...
一班一路冇出過聲嘅香港人，唔知係咪已到咗忍耐嘅極限，已討厭俾啲自稱為民請命嘅人，請人做野時被話無良、開燈睇書被標籤為地球殺手、唔補貼專業人士買樓就係製造社會不公義。
醒了，就要做野了。
係時候反攻了。
一班一路冇出過聲嘅香港人，唔知係咪已到咗忍耐嘅極限，已討厭俾啲自稱為民請命嘅人，請人做野時被話無良、開燈睇書被標籤為地球殺手、唔補貼專業人士買樓就係製造社會不公義。
醒了，就要做野了。
係時候反攻了。
Tuesday, October 20, 2009
辭職吧，邱騰華！
From my am730 column 大明燈...
辭職吧，邱騰華！
各位《am730》嘅讀者你哋好！小弟嘅名叫孫柏文，今日第一次寫本欄《大明燈》。原本我諗住趁今日係《大明燈》出世之日，同大家解釋，點解要揀呢個名做我個欄名。不過，未解釋之前，已見有識貨又有勢力之人士，為本欄全力造勢。
佢哋係邊個？咪就係曾特首同環境局長邱騰華。佢哋一知到我個欄叫《大明燈》，就即刻搞個「燈泡事件」，瞓身支持。我只可以向佢兩位話：「孫柏文係唔會辜負您兩位老人家嘅心機！」
等等先。咩話？你唔同意？你覺得「燈泡事件」純粹係特首、政府出事，而唔係幫《大明燈》造勢？雖然你哋會咁諗，已敗露了你冇我有分析能力強嘅殘酷現實，不過，我今次就假設你啱，幫你分析一下點解會出事，同點樣避免再令特首「揩嘢」。
其實，今次出事百分百係邱騰華嘅錯。我曾經形容佢為a young man in a hurry，好趕時間博上位。就係因啊局長喺官場公路嘅快線飆車，一撞到就搞到車毀人亡。
每年，各大政府部門，都會收到唔少西洋人寫嘅顧問報告，環境局當然亦唔例外。不過，唔同其他局，環境局有個好想上位嘅邱騰華話事，搞到佢好想有政績。有政績，即係要做嘢，而官員要做嘢，只需解決兩個問題。就係做啲乜先？同邊個反對？
「做啲乜」，就只需倚靠西洋人顧問報告，而「邊個反對」，對環保局唔算係難題。因為「環保」喎！你敢反對「環保」咩？
所以之前就成功將膠袋稅，塞落要親身去超市買嘢一群人嘅喉嚨，要我哋硬吞。「環保」喎，所以有幾多怨氣我哋都要啞忍。
不過，呢啲顧問報告，就好似信貸評級公司嘅報告一樣，佢千計萬計，話明百年先出事一次。投資銀行信佢，所以會用一蚊本，借40元去炒啲債券，點知一遇黑天鵝事件，連銀行都執埋。
邱騰華一樣，數口精明，大力做嘢，點知點計，就係計唔到有「特首親家做慳電膽生意」呢隻黑天鵝。仲要因人人都仲記得你迫抽膠袋稅呢個仇未報，今次仲唔打政府打到瞓街？
邱騰華本質愛上位。江山易改、本性難移，就算今次冇事，佢遲早又搞大鑊嘢，損害特首同政府管治能力。邱局長，為特首，你係時候走。辭職吧，邱騰華！
辭職吧，邱騰華！
各位《am730》嘅讀者你哋好！小弟嘅名叫孫柏文，今日第一次寫本欄《大明燈》。原本我諗住趁今日係《大明燈》出世之日，同大家解釋，點解要揀呢個名做我個欄名。不過，未解釋之前，已見有識貨又有勢力之人士，為本欄全力造勢。
佢哋係邊個？咪就係曾特首同環境局長邱騰華。佢哋一知到我個欄叫《大明燈》，就即刻搞個「燈泡事件」，瞓身支持。我只可以向佢兩位話：「孫柏文係唔會辜負您兩位老人家嘅心機！」
等等先。咩話？你唔同意？你覺得「燈泡事件」純粹係特首、政府出事，而唔係幫《大明燈》造勢？雖然你哋會咁諗，已敗露了你冇我有分析能力強嘅殘酷現實，不過，我今次就假設你啱，幫你分析一下點解會出事，同點樣避免再令特首「揩嘢」。
其實，今次出事百分百係邱騰華嘅錯。我曾經形容佢為a young man in a hurry，好趕時間博上位。就係因啊局長喺官場公路嘅快線飆車，一撞到就搞到車毀人亡。
每年，各大政府部門，都會收到唔少西洋人寫嘅顧問報告，環境局當然亦唔例外。不過，唔同其他局，環境局有個好想上位嘅邱騰華話事，搞到佢好想有政績。有政績，即係要做嘢，而官員要做嘢，只需解決兩個問題。就係做啲乜先？同邊個反對？
「做啲乜」，就只需倚靠西洋人顧問報告，而「邊個反對」，對環保局唔算係難題。因為「環保」喎！你敢反對「環保」咩？
所以之前就成功將膠袋稅，塞落要親身去超市買嘢一群人嘅喉嚨，要我哋硬吞。「環保」喎，所以有幾多怨氣我哋都要啞忍。
不過，呢啲顧問報告，就好似信貸評級公司嘅報告一樣，佢千計萬計，話明百年先出事一次。投資銀行信佢，所以會用一蚊本，借40元去炒啲債券，點知一遇黑天鵝事件，連銀行都執埋。
邱騰華一樣，數口精明，大力做嘢，點知點計，就係計唔到有「特首親家做慳電膽生意」呢隻黑天鵝。仲要因人人都仲記得你迫抽膠袋稅呢個仇未報，今次仲唔打政府打到瞓街？
邱騰華本質愛上位。江山易改、本性難移，就算今次冇事，佢遲早又搞大鑊嘢，損害特首同政府管治能力。邱局長，為特首，你係時候走。辭職吧，邱騰華！
Saturday, October 17, 2009
無良的李慧玲
「獅子狗學會！」、「最低工資都反？正x狗！」等留言，一向在網上各大討論區，特別是高登討論區，因獅子山學會反對最低工資而出現。
驟眼看，在互聯網這個無須「扮嘢」、「心有嗰句講嗰句」的世界中，真的令人覺得最低工資全城支持。不過，本港有一個討論區，出現反常現象，留言及瀏覽的網民一面倒反對最低工資。
這群神奇、反「民意」同獅子山學會一樣的網民，在那個討論區出現？就是在一個叫親子王國（Baby Kingdom）的網站。
據本會查證，瀏覽該網站的人，絕大部分是香港的母親們，特別是那些有未成年小朋友的媽媽。她們反對最低工資的動力不難理解，原因就是獅子山學會一路以來的忠告，最低工資會嚴重害到三類人。
弱勢社群受害
第一，新移民，因大都是從大陸來港一家團聚的過埠新娘，即女人。
第二，因選擇生育曾離開勞動人口，不過，因小朋友比較大想重新返工的人，即又是女人。
第三，各級學歷的畢業生，即女人辛苦懷胎誕下的小朋友。
他們是如何受害？大家不妨問問自己，你們一生中的第一份工作，學了多少令自己生產力更強的東西？而在第一份工作前，生產力如何薄弱？
由於生產力薄弱，香港老闆以「可恥」薪金給這群新進工人「偷師」、「學嘢」的機會。對於有力爭上游之心的員工，無論起初環境如何艱辛，那人必成令一獅子山下的香港故事。
當立法會通過現有的最低工資議案，以下的情況便會是非法了。
學生：「我真係好想入行，俾次機會！」
老闆：「你對呢行乜都唔識……。」
學生：「搬搬抬抬、捱更抵夜，我都肯。淨係希望你俾次機會。」
老闆：「乜都唔識冇乜人工喎。」
學生：「開始時冇人工唔緊要，我真係好需要呢個機會！」
老闆：「好啦、好啦。俾你試試。」
當然，政府知道將以上的情況非法化，會害到人。所以在條例中，豁免了本地大學生。這豁免，就是令本會所有成員發怒，因為政府是明白被奪去第一份工，對個人一生有永久性的破壞。
那獅子山學會要問提案的張建宗局長，如果你明知有害，留學外國的香港小朋友呢？中七畢業生？中五畢業生？最需要「一路返工、一路學嘢」、被政府玩死的輟學學生呢？
今時今日瀏覽親子王國的媽媽們，就是看到本地教育摧殘自己小朋友的可能性，已有心理準備，有天要向自己的小朋友說：「求求你，求其搵住份工先。你日日留係屋企，唔係辦法。唔好嫌人哋人工少，做住先……。」
不過，有最低工資，媽媽們就會連這樣的勸告也不能開口說出來。大家試想，到那一刻這母親的感受如何？這母親可要躲在隱蔽的地方，默默流淚？
星期一黃昏，商業電台《左右大局》節目的主持李慧玲邀請了自由黨成員田北辰和工會代表李卓人，談論自由黨在星期日公布的一份有關最低工資會令多少人失業的調查結果。
那份調查是由自由黨委託香港大學做的，結果是如果將最低工資定在33元水平，將有十七萬多現在勤奮上班的人，工作尊嚴將會被褫奪。
就算是在調查中最低的最低工資水平22元，亦將會有一萬四千多人失業，即相等於十四間中學學生人數的人。
無良主播開香檳
不過，聽當晚《左右大局》最令人憤怒的事，就是主持李慧玲，她就算聽了田北辰解釋會有多少人因最低工資而失去工作尊嚴，她還是對有大多數老闆支持的最低工資而感到興奮，甚至話要「開香檳」。
香港人反對最低工資的理由，不是停留在李慧玲的九十年代世界，不是因什麼「營商環境」。老闆支持最低工資，只要「營商環境」沒損，就可去馬落實最低工資。李慧玲真的要這麼無良？
連自由黨的田北辰都不斷追問李慧玲和李卓人，為何要褫奪人的工作尊嚴。星期一的《左右大局》締造了香港政治歷史，因是第一次自由黨站在道德高地，狠狠砲轟李慧玲和李卓人。
最後，獅子山學會想向李慧玲說一句話。
李小姐，妳每日有數小時發言的時間，不如拿數分鐘出來玩角色扮演，假設你坐在一位因你支持的最低工資而被褫奪工作尊嚴的人面前，妳望進他眼裏時，妳會有什麼說話想同他說？那就將那番話在大氣電波裏說一次。
妳在星期一的節目中，因聽了田北辰問為何要支持一個要褫奪工作尊嚴的法案時，曾說：「依家唔係講立唔立法，因為政府已經遞交左草案……。」妳和2003年辯論二十三條立法的陳鑑林，有可分別？敬候妳的回覆。
驟眼看，在互聯網這個無須「扮嘢」、「心有嗰句講嗰句」的世界中，真的令人覺得最低工資全城支持。不過，本港有一個討論區，出現反常現象，留言及瀏覽的網民一面倒反對最低工資。
這群神奇、反「民意」同獅子山學會一樣的網民，在那個討論區出現？就是在一個叫親子王國（Baby Kingdom）的網站。
據本會查證，瀏覽該網站的人，絕大部分是香港的母親們，特別是那些有未成年小朋友的媽媽。她們反對最低工資的動力不難理解，原因就是獅子山學會一路以來的忠告，最低工資會嚴重害到三類人。
弱勢社群受害
第一，新移民，因大都是從大陸來港一家團聚的過埠新娘，即女人。
第二，因選擇生育曾離開勞動人口，不過，因小朋友比較大想重新返工的人，即又是女人。
第三，各級學歷的畢業生，即女人辛苦懷胎誕下的小朋友。
他們是如何受害？大家不妨問問自己，你們一生中的第一份工作，學了多少令自己生產力更強的東西？而在第一份工作前，生產力如何薄弱？
由於生產力薄弱，香港老闆以「可恥」薪金給這群新進工人「偷師」、「學嘢」的機會。對於有力爭上游之心的員工，無論起初環境如何艱辛，那人必成令一獅子山下的香港故事。
當立法會通過現有的最低工資議案，以下的情況便會是非法了。
學生：「我真係好想入行，俾次機會！」
老闆：「你對呢行乜都唔識……。」
學生：「搬搬抬抬、捱更抵夜，我都肯。淨係希望你俾次機會。」
老闆：「乜都唔識冇乜人工喎。」
學生：「開始時冇人工唔緊要，我真係好需要呢個機會！」
老闆：「好啦、好啦。俾你試試。」
當然，政府知道將以上的情況非法化，會害到人。所以在條例中，豁免了本地大學生。這豁免，就是令本會所有成員發怒，因為政府是明白被奪去第一份工，對個人一生有永久性的破壞。
那獅子山學會要問提案的張建宗局長，如果你明知有害，留學外國的香港小朋友呢？中七畢業生？中五畢業生？最需要「一路返工、一路學嘢」、被政府玩死的輟學學生呢？
今時今日瀏覽親子王國的媽媽們，就是看到本地教育摧殘自己小朋友的可能性，已有心理準備，有天要向自己的小朋友說：「求求你，求其搵住份工先。你日日留係屋企，唔係辦法。唔好嫌人哋人工少，做住先……。」
不過，有最低工資，媽媽們就會連這樣的勸告也不能開口說出來。大家試想，到那一刻這母親的感受如何？這母親可要躲在隱蔽的地方，默默流淚？
星期一黃昏，商業電台《左右大局》節目的主持李慧玲邀請了自由黨成員田北辰和工會代表李卓人，談論自由黨在星期日公布的一份有關最低工資會令多少人失業的調查結果。
那份調查是由自由黨委託香港大學做的，結果是如果將最低工資定在33元水平，將有十七萬多現在勤奮上班的人，工作尊嚴將會被褫奪。
就算是在調查中最低的最低工資水平22元，亦將會有一萬四千多人失業，即相等於十四間中學學生人數的人。
無良主播開香檳
不過，聽當晚《左右大局》最令人憤怒的事，就是主持李慧玲，她就算聽了田北辰解釋會有多少人因最低工資而失去工作尊嚴，她還是對有大多數老闆支持的最低工資而感到興奮，甚至話要「開香檳」。
香港人反對最低工資的理由，不是停留在李慧玲的九十年代世界，不是因什麼「營商環境」。老闆支持最低工資，只要「營商環境」沒損，就可去馬落實最低工資。李慧玲真的要這麼無良？
連自由黨的田北辰都不斷追問李慧玲和李卓人，為何要褫奪人的工作尊嚴。星期一的《左右大局》締造了香港政治歷史，因是第一次自由黨站在道德高地，狠狠砲轟李慧玲和李卓人。
最後，獅子山學會想向李慧玲說一句話。
李小姐，妳每日有數小時發言的時間，不如拿數分鐘出來玩角色扮演，假設你坐在一位因你支持的最低工資而被褫奪工作尊嚴的人面前，妳望進他眼裏時，妳會有什麼說話想同他說？那就將那番話在大氣電波裏說一次。
妳在星期一的節目中，因聽了田北辰問為何要支持一個要褫奪工作尊嚴的法案時，曾說：「依家唔係講立唔立法，因為政府已經遞交左草案……。」妳和2003年辯論二十三條立法的陳鑑林，有可分別？敬候妳的回覆。
I will strive to explain things as clearly as Dylan Ratigan
How Goldman Sachs made $3 billion US.
Visit msnbc.com for Breaking News, World News, and News about the Economy
Friday, October 16, 2009
留學基金重燃孩子新希望
Below is what we wanted from the Chief Executive's Policy Address, appeared last Wednesday.
留學基金重燃孩子新希望
1993年，六四事件四年後。筆者有一位住屯門的朋友名叫Rita，她與丈夫強哥決定，不論他人對一國兩制的懷疑、對北京給香港人承諾的沒信心，Rita和強哥向香港未來投下最神聖的一票。
沒錯，他們選擇了生育，同年誕下了男嬰Anson。
一轉眼到2009年10月，Anson已是昂藏六尺的中五生。他就是香港最後一批會考生。
如無意外，到2012年，他便會中學畢業同歷代學生一樣，希望能升上大學。不過，2012年除了是最後一屆會考生畢業，也是三三四學制改革之下，第一批接受六年中學教育畢業的人。Anson畢業的一年，將會面對前所未見的雙倍學生人數，去爭奪大學教育機會。
政府官員對這情況的反應有二。一、輕描淡寫地保證該年會有多一倍的學位學額。二、將自己的小朋友抽離本地教育制度，離三三四改革「有咁遠得咁遠」。
理性的「希望赤字」
保證多一倍的學位學額是不錯的保證。因為能迎合那些讀書只是求分數、上學只是為學位的學生及家長。不過，對那些讀書是希望求知識的天真人，希望大學能增加生產力的傻子，大學師資能忽然把一年的容量加大一倍嗎？
不能，就等於即使入了大學，接受的亦只是次級教育，一生都要因政府官員有天起身「身痕」，要搞三三四改革而付出代價，連政府的教育官員都誠實地說過：「係會亂幾年。」這班學生的原罪是什麼？就是他們的父母，不論當年多少的風浪及多少人大聲唱淡香港，都選擇誕下他們。而今天的特區政府，給這班人的回報，就是「係會亂幾年」。
曾特首，這批學生的父母，他們的信念應有這樣的報應嗎？你能夠睡得嗎？
一名懂性、聽話的學生，每天在聽父母的警告，因為畢業人數多，還會滯後，升學路會難上加難。
學生一預見自己的未來，就會發現長線的「值博率」不高，不如理性地追求短視的快樂。
結果是怎樣？就是在那些年紀的人中爆發索K、援交及紋身等的底因，莫視長遠前途而換取短暫快慰的行為。那些大義凜然的社工除了為自己爭取「更多資源」外，不如試想如何解決學生理性的「希望赤字」。
希望是奇怪的東西，有了時是真的能醫百病。在三三四學制必定推行的同時，曾特首不如畀次機會這些小朋友，給他們一個希望。
我們欠了這班小朋友，一定要學番鬼佬話齋，要over compensate他們。
獅子山學會早前與多個智庫組織被財政司司長曾俊華邀請商談，關於我們在下星期三曾特首的施政報告中想見到的政策。
本會的建議是，政府應拿建立強醫金那種的決心，下星期三宣布撥500億元建立留學基金，給2012年及其後幾年畢業的學生們留學的機會。
給學生一個機會
假設香港最弱的大學，世界排名是一百，我們讓那些能自己成功申請進入其他世界排名一百名以內大學的學生，能享用政府提供給本地大學生每年20元的補貼往外國留學。
大家雖然聽到獅子山學會的建議時已垂涎三尺，不過，落實這政策是會遇到阻力的。因每次政府想將資源給學生離港，本地大學的既得利益集團便會反射式反對，大大聲、不斷重複：「本港大學唔係教學生，其實係搞研究，對社會好大貢獻！」不過，今次三三四改革的環境，就是能打破這反對聲音的機會，因為無論本地大學既得利益集團如何咆哮，沒有家長或學生相信他們能忽然消化多了一倍的畢業生。2012年就是給香港學生逃生門的一個大好機會。
最後，政府應要求所有數年後想接受補貼的學生，要自願驗毒。每六個月一次。如有這「逃生門獎學金基金」，學生不但有動力驗毒，還有誘因不吸毒。希望這東西，就是這樣神奇。
曾特首，給這班學生一個機會，歷史必定會稱他們為你的兒女「Donald Tsang's babies」。
孫柏文
獅子山學會研究部總監
---------------------------
Anyhow, we want a fund to liberate these children. Money spent to subsidize children to study abroad. Because children are facing pressures from the uncertainty arising from the earthquakes of education systems.
Long term uncertainty... equals to make short term maximizing of pleasure to be very rational.
Now... Below is an excerpt from the Policy Address from Wednesday.
What?!? Solving the problem of education uncertainty is to ask parents and Children TO MANAGE their expectations?
Crap.
------------------------------
留學基金重燃孩子新希望
1993年，六四事件四年後。筆者有一位住屯門的朋友名叫Rita，她與丈夫強哥決定，不論他人對一國兩制的懷疑、對北京給香港人承諾的沒信心，Rita和強哥向香港未來投下最神聖的一票。
沒錯，他們選擇了生育，同年誕下了男嬰Anson。
一轉眼到2009年10月，Anson已是昂藏六尺的中五生。他就是香港最後一批會考生。
如無意外，到2012年，他便會中學畢業同歷代學生一樣，希望能升上大學。不過，2012年除了是最後一屆會考生畢業，也是三三四學制改革之下，第一批接受六年中學教育畢業的人。Anson畢業的一年，將會面對前所未見的雙倍學生人數，去爭奪大學教育機會。
政府官員對這情況的反應有二。一、輕描淡寫地保證該年會有多一倍的學位學額。二、將自己的小朋友抽離本地教育制度，離三三四改革「有咁遠得咁遠」。
理性的「希望赤字」
保證多一倍的學位學額是不錯的保證。因為能迎合那些讀書只是求分數、上學只是為學位的學生及家長。不過，對那些讀書是希望求知識的天真人，希望大學能增加生產力的傻子，大學師資能忽然把一年的容量加大一倍嗎？
不能，就等於即使入了大學，接受的亦只是次級教育，一生都要因政府官員有天起身「身痕」，要搞三三四改革而付出代價，連政府的教育官員都誠實地說過：「係會亂幾年。」這班學生的原罪是什麼？就是他們的父母，不論當年多少的風浪及多少人大聲唱淡香港，都選擇誕下他們。而今天的特區政府，給這班人的回報，就是「係會亂幾年」。
曾特首，這批學生的父母，他們的信念應有這樣的報應嗎？你能夠睡得嗎？
一名懂性、聽話的學生，每天在聽父母的警告，因為畢業人數多，還會滯後，升學路會難上加難。
學生一預見自己的未來，就會發現長線的「值博率」不高，不如理性地追求短視的快樂。
結果是怎樣？就是在那些年紀的人中爆發索K、援交及紋身等的底因，莫視長遠前途而換取短暫快慰的行為。那些大義凜然的社工除了為自己爭取「更多資源」外，不如試想如何解決學生理性的「希望赤字」。
希望是奇怪的東西，有了時是真的能醫百病。在三三四學制必定推行的同時，曾特首不如畀次機會這些小朋友，給他們一個希望。
我們欠了這班小朋友，一定要學番鬼佬話齋，要over compensate他們。
獅子山學會早前與多個智庫組織被財政司司長曾俊華邀請商談，關於我們在下星期三曾特首的施政報告中想見到的政策。
本會的建議是，政府應拿建立強醫金那種的決心，下星期三宣布撥500億元建立留學基金，給2012年及其後幾年畢業的學生們留學的機會。
給學生一個機會
假設香港最弱的大學，世界排名是一百，我們讓那些能自己成功申請進入其他世界排名一百名以內大學的學生，能享用政府提供給本地大學生每年20元的補貼往外國留學。
大家雖然聽到獅子山學會的建議時已垂涎三尺，不過，落實這政策是會遇到阻力的。因每次政府想將資源給學生離港，本地大學的既得利益集團便會反射式反對，大大聲、不斷重複：「本港大學唔係教學生，其實係搞研究，對社會好大貢獻！」不過，今次三三四改革的環境，就是能打破這反對聲音的機會，因為無論本地大學既得利益集團如何咆哮，沒有家長或學生相信他們能忽然消化多了一倍的畢業生。2012年就是給香港學生逃生門的一個大好機會。
最後，政府應要求所有數年後想接受補貼的學生，要自願驗毒。每六個月一次。如有這「逃生門獎學金基金」，學生不但有動力驗毒，還有誘因不吸毒。希望這東西，就是這樣神奇。
曾特首，給這班學生一個機會，歷史必定會稱他們為你的兒女「Donald Tsang's babies」。
孫柏文
獅子山學會研究部總監
---------------------------
Anyhow, we want a fund to liberate these children. Money spent to subsidize children to study abroad. Because children are facing pressures from the uncertainty arising from the earthquakes of education systems.
Long term uncertainty... equals to make short term maximizing of pleasure to be very rational.
Now... Below is an excerpt from the Policy Address from Wednesday.
88. 青少年迷失方向，除了個人因素外，亦與社會大環境有關。香港在六七十年代充滿社會流動機會，只要努力，總有出頭天。今天經濟發展日益成熟，社會流動機會亦趨於制度化，學歷成為個人能否進身中產的關鍵，這對不少青少年造成沉重壓力，在正規教育或公開考試遇到挫折的一羣，更加感到無奈和鬱悶。我理解香港青少年的壓力與無奈，香港社會競爭激烈，由學前教育開始，不少父母已細心為子女安排，希望子女通過教育向上流動。這種競爭的壓力，由小學開始持續到中學及大學。一個十六七歲的青少年能否考入大學或入讀所選擇的學系，似乎決定了他往後三四十年要走的路，他們承受的壓力之大，可想而知。
89. 政府推行多項教育改革，包括今年實施新高中和高等教育學制，減少了一個公開考試。多元化的新高中課程亦發掘同學的不同潛能，配合社會多元化需要。香港發展文化及創意產業，也需要知識廣博和靈活變通的人才。正規教育為學生提供知識基礎，培養他們日後不斷學習的能力。政府會不斷提供在職進修機會，青年人投身工作後，可繼續通過進修增長知識與技能，更容易轉換工作及發展個人興趣，這樣才符合知識型經濟的人才需要。我提出發展文化及創意產業，亦為對正規教育缺乏興趣的青少年提供另類機會。青年人如能善用他們的優勢，可以憑創意成就一番事業。
90. 要幫助青年人面對學制轉變和知識型經濟的發展，家長也需要調整培育子女的態度和方法。家長應與子女建立良好的溝通關係，了解他們的興趣、能力和需要，鼓勵他們多元化發展，並應對子女抱有合理的期望。在家庭的鼓勵和支持下，年青一代更能認識自我、肯定自我，有信心為自己定下未來發展的路向。
What?!? Solving the problem of education uncertainty is to ask parents and Children TO MANAGE their expectations?
Crap.
Wednesday, October 07, 2009
The only-quite-filthy Next Media canteen...
See, I don't have much bad things to say about Next Media (282) for I really did have much good times while working for them.
But I have to share the post below from an ex colleague.
After seeing the post, I have to share this with you all.
The worst thing is, sometimes the food is VERY filthy. I mean I am an easy going guy when it comes to food preparation, I am not one that returns a dish because of an errant hair... But there was one time, I ate dinner at the canteen. And I was suppose to meet for lunch one of the Directors at Next media the next day...
嘩！嗰個lunch就辛苦，食食吓瀉到趴街。仲要係一浪接一浪。fack。幫壹傳媒打工，就真係要小心個canteen。
But I have to share the post below from an ex colleague.
--------------------------------
昨日飯後在pantry洗飯盒時，和清潔阿姐寒暄。提及自己帶飯的問題，我說因為canteen的食物經常令人肚痛，遠近馳名。
阿姐好奇：不乾淨嗎？吃了會肚瀉？
我回答：係呀，萬試萬靈，但厲害在於只會令人小瀉，如果好似金融海嘯般大瀉倒好，立即拉人封舖無謂眼冤。(真要讚讚他們對大腸桿菌沙門氏菌等等的份量控制得剛剛好！)
阿姐(很斯文的)說：哎吔，唔怪得啦。....嗯....我洗廁所都發覺....點解呢間公司個個後生細仔，但係~~咁多人肚屙....
我(代表所有曾經肚屙炸爆馬桶的同事)說：辛苦你了！唉....
* * * * * *
肚痛難耐，但原來自己一時之快舒服到嘔，可能會令人很難受。
同事們，下次唔好彩又肚瀉，盡量乾淨啲啦。
--------------------------------
After seeing the post, I have to share this with you all.
The worst thing is, sometimes the food is VERY filthy. I mean I am an easy going guy when it comes to food preparation, I am not one that returns a dish because of an errant hair... But there was one time, I ate dinner at the canteen. And I was suppose to meet for lunch one of the Directors at Next media the next day...
嘩！嗰個lunch就辛苦，食食吓瀉到趴街。仲要係一浪接一浪。fack。幫壹傳媒打工，就真係要小心個canteen。
Tuesday, September 29, 2009
女人問問問...
女人問問問... 我哋講真話時你哋 handle 到咩？
Women, you want the truth? You can't handle the truth!
唔想妳知係為妳好！！
以下就係最佳例子...
Women, you want the truth? You can't handle the truth!
唔想妳知係為妳好！！
以下就係最佳例子...
Saturday, September 19, 2009
Rand Paul... The next junior Senator from the State of Kentucky
You all know how I stand on Ron Paul.
This is his son Rand Paul.
Must say his son is even better than Ron.
Highly focused with message discipline.
If you are American and would like to donate... Here is the link.
This is his son Rand Paul.
Must say his son is even better than Ron.
Highly focused with message discipline.
If you are American and would like to donate... Here is the link.
Saturday, September 12, 2009
按證是房利美的鐵證
From Lion Rock Institute's piece in the HKEJ from last wednesday...
對於獅子山學會上上下下的會員，昨天是非常振奮的一天。原因是本會多年來視為最威脅「港人治港」的機構香港按揭證券公司 Hong Kong Mortgage Corporation，得到立法會大批議員的重視。
四星期前，獅子山學會在此寫了一篇題為「令北京管治香港的政府機構」的文章。文中，本會曾提及中聯辦研究部主任曹二寶的一篇文章。曹先生文章的內容能以一句「如何收回港人自治權，令北京直接管治香港的方法」作為結論。
直接管治香港 舉腳贊成
本會當天亦曾解釋，為何結束港人治港、北京直接管治香港的一天，特區老百姓必會舉腳贊成的。如你沒有看過四星期前的文章，這刻必定頭痕地問：「冇得再港人治港、高度自治，我哋都會開心？點解呢？」
那天我們會歡迎中央治港的原因，是因港人治港被證明不能維持。什麼是「不能維持」？老父和我多年前的一次對答就最能解釋。
我：「老豆，點解我唔可以咁做？」
父：「唔好駁咀！你想點就點，你要自治權，先要唔靠我。」
我：「唔靠你？即係點？」
父：「即係你要識搵錢，自己養自己。做到，你咪可以有自治權。」
我：「就係咁簡單？」
父：「係。不過你要諗吓有日你有老婆仔女，你又突然撈唔掂，要我救，咁到時我要你點就點。因為你唔鍾意都好，你老婆仔女都會迫你聽我話。」
我：「冇錢、被炒，咪節衣縮食。唔一定要搵你救。」
父：「係，消費係可以縮，不過有D開支，唔可以唔使。」
我：「例如呢？」
父：「例如你老婆幫你生咗個仔，佢大個仔有日同你話想做生意，佢又話搵到錢會俾家用。你聽到話好，話支持。點知因為你到時有樓有資產，借錢平，你個仔就用你個名義借錢，跟住買D例如 accumulator 等，回報高過借貸利息嘅結構性產品，去賺息差。初頭你個仔真係有錢賺，俾好多家用，你同你老婆周街讚佢叻，羨煞旁人。」
我：「And？」
父：「之後因佢俾嘅家用多，你老婆就算擔心個仔會出事，你都話『放心俾佢搞』，你個仔就愈做愈大，愈借愈多。點知有日，又爆D幾年一次嘅『百年水災』，你個仔輸凸，被迫還錢。佢冇錢俾人捉住，D債主搵你，話唔還就有事。到時你可唔可以唔還？呢個開支，可以唔使？」
我：「……」
父：「好，如果撞正你又被炒，你幫唔到佢還錢，仲唔搵我？到時，你唔聽我話都唔得。」
我：「咁又係，對我個名副其實嘅敗家仔，你就係……」
父：「……阿爺。我叫得阿爺，就有咁嘅功能。」
今天的香港，「阿爺」是誰應毋須多解釋。那位最初給大額家用，最後大敗家產的敗家仔又是誰？就是立法會議員關注的香港按揭證券公司。
按證公司的原意是因在《中英聯合聲明》中指明，殖民政府在長達十四年的過渡時期下，每年賣地量面對硬性限制，在缺乏供應下爆發巨型住宅樓市泡沫。所以，政府成立了按證公司，為某些有太多按揭在手的銀行，能賣出按揭去減低銀行體制系統性風險。
沒有存在理由
根據立法會的記錄，當時為得到立法會批准，政府白字黑字寫明，按證公司只能參與香港的住宅按揭市場，就連本地商業大廈融資市場都不能沾手。
時間一轉到2004年，香港樓市經過了最大的跌幅，開始回升，按證公司中人覺悟就連樓市最差的時刻，也沒有銀行倒閉，即等於按證公司是沒有存在理由。按證公司便像一般官僚機構一樣，為自己開拓新的存在理由。
奈何有如軟弱的家長，政府眼見按證公司能帶來巨額「家用」，便採取「放心俾佢搞」的心態，令按證公司愈搞愈大。過去十年的歷史，已證明無論按證公司今天如何保證會限制自己的活動和大小，它朝只要一有機會便擁抱更多風險。
按證公司因能像美國房利美、房地美一樣，能在資不抵債的時候，迫納稅人「泵錢」，所以本身融資、借錢時，息必低、額必大，有資金便能放債賺息差。
最令人沮喪是，按證公司中人的報酬是同按證公司每年的盈利掛鈎。至於按證公司放款的對象不難相信其決定因素，不是債仔能在多年後連本帶利全數還清，而是因年尾花紅推動，債仔能今年內乖乖地按時還款，明年爆煲是明年的事。
前港督彭定康早前話：「Third way原來就是着數私人袋，輸錢全國頂。」
2008年「爆煲」的房利美、房地美，之前也是好像長期在一片歌舞昇平下運作，又常常提醒大眾它們為「圓市民置業夢」的供獻。不過，到突然出事時，一夜之間為已非常龐大的美國國債額再加大五成。
如發生在香港，我們還有選擇不找「阿爺」相救嗎？昨天出聲要殺掉香港按揭證券公司，去除能摧毀一國兩制威脅的立法會議員，獅子山學會為你們喝采。不過，按證仍然存在，大家還需努力。
孫柏文
獅子山學會研究部總監
Anyhow, with HKMC's passion for mission creep and doing more and more, taking on more and more risk.
This battle is not over by a long shot.
對於獅子山學會上上下下的會員，昨天是非常振奮的一天。原因是本會多年來視為最威脅「港人治港」的機構香港按揭證券公司 Hong Kong Mortgage Corporation，得到立法會大批議員的重視。
四星期前，獅子山學會在此寫了一篇題為「令北京管治香港的政府機構」的文章。文中，本會曾提及中聯辦研究部主任曹二寶的一篇文章。曹先生文章的內容能以一句「如何收回港人自治權，令北京直接管治香港的方法」作為結論。
直接管治香港 舉腳贊成
本會當天亦曾解釋，為何結束港人治港、北京直接管治香港的一天，特區老百姓必會舉腳贊成的。如你沒有看過四星期前的文章，這刻必定頭痕地問：「冇得再港人治港、高度自治，我哋都會開心？點解呢？」
那天我們會歡迎中央治港的原因，是因港人治港被證明不能維持。什麼是「不能維持」？老父和我多年前的一次對答就最能解釋。
我：「老豆，點解我唔可以咁做？」
父：「唔好駁咀！你想點就點，你要自治權，先要唔靠我。」
我：「唔靠你？即係點？」
父：「即係你要識搵錢，自己養自己。做到，你咪可以有自治權。」
我：「就係咁簡單？」
父：「係。不過你要諗吓有日你有老婆仔女，你又突然撈唔掂，要我救，咁到時我要你點就點。因為你唔鍾意都好，你老婆仔女都會迫你聽我話。」
我：「冇錢、被炒，咪節衣縮食。唔一定要搵你救。」
父：「係，消費係可以縮，不過有D開支，唔可以唔使。」
我：「例如呢？」
父：「例如你老婆幫你生咗個仔，佢大個仔有日同你話想做生意，佢又話搵到錢會俾家用。你聽到話好，話支持。點知因為你到時有樓有資產，借錢平，你個仔就用你個名義借錢，跟住買D例如 accumulator 等，回報高過借貸利息嘅結構性產品，去賺息差。初頭你個仔真係有錢賺，俾好多家用，你同你老婆周街讚佢叻，羨煞旁人。」
我：「And？」
父：「之後因佢俾嘅家用多，你老婆就算擔心個仔會出事，你都話『放心俾佢搞』，你個仔就愈做愈大，愈借愈多。點知有日，又爆D幾年一次嘅『百年水災』，你個仔輸凸，被迫還錢。佢冇錢俾人捉住，D債主搵你，話唔還就有事。到時你可唔可以唔還？呢個開支，可以唔使？」
我：「……」
父：「好，如果撞正你又被炒，你幫唔到佢還錢，仲唔搵我？到時，你唔聽我話都唔得。」
我：「咁又係，對我個名副其實嘅敗家仔，你就係……」
父：「……阿爺。我叫得阿爺，就有咁嘅功能。」
今天的香港，「阿爺」是誰應毋須多解釋。那位最初給大額家用，最後大敗家產的敗家仔又是誰？就是立法會議員關注的香港按揭證券公司。
按證公司的原意是因在《中英聯合聲明》中指明，殖民政府在長達十四年的過渡時期下，每年賣地量面對硬性限制，在缺乏供應下爆發巨型住宅樓市泡沫。所以，政府成立了按證公司，為某些有太多按揭在手的銀行，能賣出按揭去減低銀行體制系統性風險。
沒有存在理由
根據立法會的記錄，當時為得到立法會批准，政府白字黑字寫明，按證公司只能參與香港的住宅按揭市場，就連本地商業大廈融資市場都不能沾手。
時間一轉到2004年，香港樓市經過了最大的跌幅，開始回升，按證公司中人覺悟就連樓市最差的時刻，也沒有銀行倒閉，即等於按證公司是沒有存在理由。按證公司便像一般官僚機構一樣，為自己開拓新的存在理由。
奈何有如軟弱的家長，政府眼見按證公司能帶來巨額「家用」，便採取「放心俾佢搞」的心態，令按證公司愈搞愈大。過去十年的歷史，已證明無論按證公司今天如何保證會限制自己的活動和大小，它朝只要一有機會便擁抱更多風險。
按證公司因能像美國房利美、房地美一樣，能在資不抵債的時候，迫納稅人「泵錢」，所以本身融資、借錢時，息必低、額必大，有資金便能放債賺息差。
最令人沮喪是，按證公司中人的報酬是同按證公司每年的盈利掛鈎。至於按證公司放款的對象不難相信其決定因素，不是債仔能在多年後連本帶利全數還清，而是因年尾花紅推動，債仔能今年內乖乖地按時還款，明年爆煲是明年的事。
前港督彭定康早前話：「Third way原來就是着數私人袋，輸錢全國頂。」
2008年「爆煲」的房利美、房地美，之前也是好像長期在一片歌舞昇平下運作，又常常提醒大眾它們為「圓市民置業夢」的供獻。不過，到突然出事時，一夜之間為已非常龐大的美國國債額再加大五成。
如發生在香港，我們還有選擇不找「阿爺」相救嗎？昨天出聲要殺掉香港按揭證券公司，去除能摧毀一國兩制威脅的立法會議員，獅子山學會為你們喝采。不過，按證仍然存在，大家還需努力。
孫柏文
獅子山學會研究部總監
按證公司再購 52億貸款
2009年09月12日
【本報訊】一直飽受資產萎縮及被質疑存在價值的按揭證券公司，繼去年末季金融風暴發生後，購入東亞銀行（ 023）的 93億元按揭資產，今年上半年再向本地銀行買入 52億元貸款，為銀行頭寸鬆縛。按證公司總裁劉怡翔表示，去年底銀行及金融體系出現流動資金緊絀，個別保險公司又因評級下降而退出按保行列，該公司是唯一仍在市場購入資產，並繼續提供按保服務的機構，他指一場風暴凸顯了按證公司，在動盪市況中穩定金融體系基建的角色，不可或缺。
美國次按問題亦反映，純以追逐最大盈利、全方位商業營運的兩房模式，存在弊端，他指按證公司並非只高舉盈利及股東回報，(my comments... As if HKMC management's compensation has nothing to do with performance)而是作為金管局旗下肩負穩定金融及深化市場的政策性實體，其資產相對公司資本（ 60億元）的槓桿比率，僅逾 10倍，遠低於兩房達 60至 80倍的風險比率。因應金融形勢驟變，他指該公司昔日對上市持開放態度的立場亦有調整，目前對上市研究的可能性已大為降低... (my comments... this is the tide turning... to paraphrase Churchill, this is not the end, nor is it the beginning of the end, but perhaps it is the end of the beginning... They are being reigned in)(continued here)
Anyhow, with HKMC's passion for mission creep and doing more and more, taking on more and more risk.
This battle is not over by a long shot.
Friday, September 11, 2009
Fed's No Exit Strategy
Here's Fed's balance sheet.
Noinflationistas claim that because the size of the balance sheet has not increased, no inflation.
But take a look of the composition...
The long term stuff (ie. cannot be withdrawn from the money system) has nothing but kept increasing.
The short term stuff is being displaced (mostly swaps with other central banks)
Now... With approx $2 trillion outstanding, there is now $1.5 trillion that is literally stuck in long term stuff ($500 billion of short term stuff left).
Anyhow, the long term stuff is growing at $128 billion MoM (month over month) as of which means that if the Fed were to continue the switch from short term to long term WITHOUT increasing the size of money, all short term stuff with be gone within months.
And if they choose to carry on increasing the long term stuff... The balance sheet will increase in size, which means even the crappiest private banker know how to sell gold as protection.
Sunday, September 06, 2009
點解劉德華叫劉華？
與自稱外星人荒木茂吹水，
談到近日天王被揭已婚的新聞。
以下就係我哋嘅對答...
談到近日天王被揭已婚的新聞。
以下就係我哋嘅對答...
我突然問：
點解劉德華叫劉華？
荒木茂認真回答：
暱稱啩，親切啲嘛。張學友叫學友；黎明本身兩個字易叫；郭富城一向叫城城；劉德華冇理由叫德華咁肉麻，所以叫劉華囉！...
（continued here）
荒木茂
Thursday, August 27, 2009
飛人保特 人類之恥！
飛人保特是人類之恥？
好多年前，包括我在內的一班志同道合的人成立獅子山學會時，發現原來成立智庫組織有好多竅門要學。當成員學得好，該智庫就自然會「打得」。
智庫這個概念在外國已有悠久的歷史，所以已有不少可令人「打得」的招數供本會成員學習。而在眾多竅門中，其中一個必修班，就是如何籌款。
特別是因本會是一個希望阻止政府好心「做嘢」、最後做壞事的組織，獅子山學會的創會規條包括不能向政府伸手拿納稅人的血汗錢，即就算學成一些「衙門前跪地搖頭、瞓街擰籮」技倆也不能用。要錢，就只可向大眾市民籌募。
根據外國行家資料，世界上最成功從市民籌款的智庫類別，非「環保」類莫屬。本會成員就曾在出席國際自由智庫論壇時，聽到有個從德國來的代表呻：「只要求其搵隻熊貓、北極熊做自己個智庫嘅logo，就即刻一百幾十萬咁飛入來。」
不過因「環保」類智庫的籌款能力強，就開始吸引那些掛環保羊頭、賣「低B市民需要我們叫政府改變他們行為」的狗肉智庫。
抽環保水
香港當然有不少這些抽環保水的人，在獅子山學會中，我們稱這些智庫為「西瓜智庫」，原因是這些組織以環保綠，包裝着要製造比烏托邦更完美的法西斯紅、黑、白。
不過看看有些報紙、傳媒將「西瓜新聞稿」copy and paste 當作新聞刊登，就深明以自由市場運作的智庫圈裏，這些「西瓜智庫」大有需求。本會深明適者生存，好「橋」不妨借用，所以最近開始研究同訓練如何在任何情況下，有紀律地抽環保水。直至本會能出新聞稿時，傳媒以反射式手法報道：「……不過對於這個問題，有環保組織指，市民的智慧比較低，有些甚至能被界別為低能。所以為確保市民利益，團體要求政府……」
我們的訓練方法，就是以角色扮演手法進行網上模擬辯論。每日都會有成員將議題拋出來，然後其他人就「西瓜上身」般辯論。起初因功力不足，拋出來的議題多數包含好多好易見到的抽環保水機會。交通運輸、都市計劃、能源發電等，都是最初用來練功的題材。
不過，眼見那些「真西瓜組織」愈戰愈勇，開始要市民注視些諗都未諗過、「嗄！咁都算係環保罪人」的社會問題時，我作為研究總監，當然要受訓成員加把勁。所以本會會內亦開始「西瓜上身」般辯論例如「o靚」模食雪糕點解唔環保。
經過多個星期的訓練，本會班天生骨骼精奇的會員，令我相信他們練成了「點都抽到環保水去迫政府做嘢」的工夫。
這條「木人行」議題，就是上個星期發生的，有會員A拋出：「保特100米跑9.58秒。睇吓你班友仲抽唔抽到水！」即引來大批回覆，以下是回覆記錄。
會員B：「保特是個非常自私的人！任何物件要移動都需要能源，可是人類耕種、收割、運輸、煮食、進食、消化、最後變為肌肉動力的過程效率又非常低，所以用雙腳跑步應該是迫不得已才做，例如為保命被猛獸追或搵食追獵物等。保特為自娛跑步，就有如那些暴發大款買大馬力汽車，然後去遊車河！飛人？我呸！保特是人類之恥！殺滅地球的原兇！政府應該做些事，去正視問題！」
務實妥協
那我問：「政府可以做D乜先？」
會員C：「我們作為西瓜組織，當然務實和懂得妥協。我們不會要求政府立法禁止為運動娛樂跑步，不過會要求政府每人每跑100米收五毫的跑步環保費。我們亦明白政府可能會遇到不少自私的人，用『我跑步不是為娛樂』的理由來反對，所以最初只會在香港最大的幾個公園推行，不過當然亦有延伸收費的時間表及路線圖。我們亦會要求環境局局長走出來，勸告大家不要走法律罅，在其他地方跑步。」
我再問：「傳媒會唔會報道㗎？」
會員D：「這個就易啦！我們張新聞稿會用『政府引至碳排放激增』為題，說政府因要討好那些為自己選區選票的區議員，興建大量優質公園，令市民為娛樂跑步宗數激增。亦會計算因多了人跑步，二氧化碳的排放比97 年升了多少個百分點。港聞記者一見有百分點，就知是科學！一定將我們的新聞稿直接出街，成為新聞報道。」
我三問：「通過法例要立法會議員支持，夠票咩？」
會員E：「一定夠！首先講民主派，佢地唔識㗎！今年可以話要為氣候通緝特首，去年就要政府減油稅。要民主派支持，當佢地係小朋友就得，只要爬牆引佢地注目，跟住拉條大大螢光色嘅banner，之後重複又重複話為環保就得！建制派仲簡單，功能組別已由保護政府積極不干預，變成保護政府，當最低工資都支持，就知班友冇腦。而直選班建制派，因知自己土氣太強，要搵支鬼佬環保沐浴露闢味，所以一定會應承 try my best。最多咪又係得社民連嗰幾件反對？」
我們苦練的成績，變成「吸水西瓜」指日可待，大家說對不對？獅子山學會籌款成功之日，孫柏文定當邀約各方好友，開大冷氣打邊爐賀一賀！
孫柏文
獅子山學會研究部總監
信報 (理財投資 P.31, 2009.8.26)
好多年前，包括我在內的一班志同道合的人成立獅子山學會時，發現原來成立智庫組織有好多竅門要學。當成員學得好，該智庫就自然會「打得」。
智庫這個概念在外國已有悠久的歷史，所以已有不少可令人「打得」的招數供本會成員學習。而在眾多竅門中，其中一個必修班，就是如何籌款。
特別是因本會是一個希望阻止政府好心「做嘢」、最後做壞事的組織，獅子山學會的創會規條包括不能向政府伸手拿納稅人的血汗錢，即就算學成一些「衙門前跪地搖頭、瞓街擰籮」技倆也不能用。要錢，就只可向大眾市民籌募。
根據外國行家資料，世界上最成功從市民籌款的智庫類別，非「環保」類莫屬。本會成員就曾在出席國際自由智庫論壇時，聽到有個從德國來的代表呻：「只要求其搵隻熊貓、北極熊做自己個智庫嘅logo，就即刻一百幾十萬咁飛入來。」
不過因「環保」類智庫的籌款能力強，就開始吸引那些掛環保羊頭、賣「低B市民需要我們叫政府改變他們行為」的狗肉智庫。
抽環保水
香港當然有不少這些抽環保水的人，在獅子山學會中，我們稱這些智庫為「西瓜智庫」，原因是這些組織以環保綠，包裝着要製造比烏托邦更完美的法西斯紅、黑、白。
不過看看有些報紙、傳媒將「西瓜新聞稿」copy and paste 當作新聞刊登，就深明以自由市場運作的智庫圈裏，這些「西瓜智庫」大有需求。本會深明適者生存，好「橋」不妨借用，所以最近開始研究同訓練如何在任何情況下，有紀律地抽環保水。直至本會能出新聞稿時，傳媒以反射式手法報道：「……不過對於這個問題，有環保組織指，市民的智慧比較低，有些甚至能被界別為低能。所以為確保市民利益，團體要求政府……」
我們的訓練方法，就是以角色扮演手法進行網上模擬辯論。每日都會有成員將議題拋出來，然後其他人就「西瓜上身」般辯論。起初因功力不足，拋出來的議題多數包含好多好易見到的抽環保水機會。交通運輸、都市計劃、能源發電等，都是最初用來練功的題材。
不過，眼見那些「真西瓜組織」愈戰愈勇，開始要市民注視些諗都未諗過、「嗄！咁都算係環保罪人」的社會問題時，我作為研究總監，當然要受訓成員加把勁。所以本會會內亦開始「西瓜上身」般辯論例如「o靚」模食雪糕點解唔環保。
經過多個星期的訓練，本會班天生骨骼精奇的會員，令我相信他們練成了「點都抽到環保水去迫政府做嘢」的工夫。
這條「木人行」議題，就是上個星期發生的，有會員A拋出：「保特100米跑9.58秒。睇吓你班友仲抽唔抽到水！」即引來大批回覆，以下是回覆記錄。
會員B：「保特是個非常自私的人！任何物件要移動都需要能源，可是人類耕種、收割、運輸、煮食、進食、消化、最後變為肌肉動力的過程效率又非常低，所以用雙腳跑步應該是迫不得已才做，例如為保命被猛獸追或搵食追獵物等。保特為自娛跑步，就有如那些暴發大款買大馬力汽車，然後去遊車河！飛人？我呸！保特是人類之恥！殺滅地球的原兇！政府應該做些事，去正視問題！」
務實妥協
那我問：「政府可以做D乜先？」
會員C：「我們作為西瓜組織，當然務實和懂得妥協。我們不會要求政府立法禁止為運動娛樂跑步，不過會要求政府每人每跑100米收五毫的跑步環保費。我們亦明白政府可能會遇到不少自私的人，用『我跑步不是為娛樂』的理由來反對，所以最初只會在香港最大的幾個公園推行，不過當然亦有延伸收費的時間表及路線圖。我們亦會要求環境局局長走出來，勸告大家不要走法律罅，在其他地方跑步。」
我再問：「傳媒會唔會報道㗎？」
會員D：「這個就易啦！我們張新聞稿會用『政府引至碳排放激增』為題，說政府因要討好那些為自己選區選票的區議員，興建大量優質公園，令市民為娛樂跑步宗數激增。亦會計算因多了人跑步，二氧化碳的排放比97 年升了多少個百分點。港聞記者一見有百分點，就知是科學！一定將我們的新聞稿直接出街，成為新聞報道。」
我三問：「通過法例要立法會議員支持，夠票咩？」
會員E：「一定夠！首先講民主派，佢地唔識㗎！今年可以話要為氣候通緝特首，去年就要政府減油稅。要民主派支持，當佢地係小朋友就得，只要爬牆引佢地注目，跟住拉條大大螢光色嘅banner，之後重複又重複話為環保就得！建制派仲簡單，功能組別已由保護政府積極不干預，變成保護政府，當最低工資都支持，就知班友冇腦。而直選班建制派，因知自己土氣太強，要搵支鬼佬環保沐浴露闢味，所以一定會應承 try my best。最多咪又係得社民連嗰幾件反對？」
我們苦練的成績，變成「吸水西瓜」指日可待，大家說對不對？獅子山學會籌款成功之日，孫柏文定當邀約各方好友，開大冷氣打邊爐賀一賀！
孫柏文
獅子山學會研究部總監
信報 (理財投資 P.31, 2009.8.26)
飛人保特 人類之恥！
Sunday, August 23, 2009
小朋友齊議息
From last Wednesday 19th August 2009 HKEJ Lion Rock Institute's Column...
-------------------------------
「虛擬局長」玩轉聯儲局
8月中，港男喜愛的歐洲足球球季又開鑼。即係周末到酒吧，港男最會聽到的說話，又會由：「嘩睇吓！索！」變為：「有冇搞錯！咁都唔中。我射都入啦！」
以上的一句說話，當然不是某某衝口而出。港男經過多年從紅白機至PS3的電子模擬訓練，令個個都深信自己有1986年阿根廷球員馬勒當拿連過六個英格蘭球員的腳法。
美聯儲局網上遊戲 玩家當央行行長
當然，宏觀看特區各大公園球場是看不到的，因雖然我們有心，不過無力，踢波需要的四肢協調，實在要「超電子模擬」的訓練，不是按按制就可以練得成。
雖然好多人，例如那些港女，常批評港男只會對足球專一有興趣，獅子山學會只可話：「那些港女又錯了。」因為除了足球之外，港男亦對美國聯儲局的貨幣政策非常有興趣。各位港男，我說的對不對？
本會作為一個深明獅子山下眾港男思維的組織，絕對明白到體驗任何活動的最佳方法是進行電子模擬訓練。為滿足各位對美國聯儲局貨幣政策的興趣，獅子山學會今日推介一個網上遊戲，等大家都能感受到主宰貨幣政策「落場踢」的感覺。
因早前有隻土產、教大家如何在大學校園如有誤會對人處事方法的遊戲叫《小朋友齊打交》，所以本會亦選擇將這個扮局長遊戲叫《小朋友齊議息》。
這個網上遊戲，就是由三藩市區域聯儲局炮製，等上網參與的人，能「落場」角色扮演做聯儲局公開市場委員會，去釐定聯邦基金利率水平。
自訂利率憑失業通脹率計分
遊戲開始時，你會有十六季即四年時間去決定利率水平，每六星期調校一次，水平任定。遊戲中的「計分」方法，就是定下利率水平後，程式將模擬失業和通脹率走勢。這「計分」方法相信是反映20世紀中，美國國會設聯儲局希望能助失業和通脹穩定的目標。
程式亦在遊戲中久不久爆些突發事故，例如股災、石油危機等，模仿公開市場委員會平日要面對的挑戰。
港女們可能會話：「你估玩完就識做央行行長咩？」獅子山學會相信，打電子足球遊戲好勁，不代表踢波的技術高；但能成功玩這遊戲，可能真的反映這人做央行行長的適合程度。
點解？因為之前提過，踢波要好，除要有心，還需四肢協調；不過，做央行就不同，根據 Ben Bernanke 貝南奇2002年解釋，就算聯儲局要進行一些遠比落實議息等普通貨幣政策伎倆難的政策，例如終極必殺技「量化寬鬆政策」去抗通縮時，連印刷機都不需要，在電腦鍵盤入指令就可以。沒錯！真是按按制就可以。這遊戲玩得好，做行長沒難度。
微調利率 通脹嚴重
有讚，當然也有彈。這遊戲其中一個美中不足之處，就是除決定利率水平之外，沒其他板斧。沒TAF、TALF、CPFF、MMIFF、PDCF、RP、RRP、TSLF、QE等金寶字母湯罐倒出來的金融海嘯後聯儲局伎倆，美中不足因這些計劃先好玩。
不需多說，因印銀紙沒成本，本會真想知道三藩市區域聯儲局寫的遊戲程式當中，如果把QE即量化政策額度由目前的3000億加大，要加幾多先爆超級通脹。如遊戲有這政策選擇，到時各成功玩這遊戲的港男，就算不能成為央行行長，都起碼能成炒金專家。
作為獅子山學會研究總監，當然負起研究這重擔，「瞓身」般玩這遊戲。結論是當聯儲局主席，難度遠比大家心目中高。遊戲是模擬貝南奇上台時的宏觀經濟情況，但我無論如何有心地微調利率，最終結果都是嚴重滯脹，如果突然任內中途大幅加息壓通脹，只會到任期末出現雙位數字的失業率。
先加息滅通脹後減息助失業
經過不眠不休的「研究」，卒之發現唯一可令任期末出現漂亮宏觀經濟情況的方法，就是要遊戲開始時學80年代初的聯儲局主席伏爾克 Paul Volcker，上任後即時大幅加息去滅絕通脹，成功後便能大幅減息去推動經濟。本人「最高紀錄」就是這樣締造，在任期結束的一刻，遊戲中的美國失業率只3.8%，而通脹就剛剛過1%。好勁！大家說對不對？
不過有如讀書一樣，打機不是求分數。例如玩《孖寶兄弟》救不到公主，就算最高分也沒用。這個角色扮演聯儲局主席遊戲的最終目標是什麼？話到明扮演被委任的高級官員，最終目標當然是有得被國會再委任，可以成功連任。
不過，就是遊戲中的這個目標，令我更對美國的貨幣政策擔憂。因跟伏爾克政策為唯一能做到最後出現漂亮的宏觀經濟情況時，我的「分數」都未能令國會滿意。3.8%失業率、1%通脹都會拖我下馬，遊戲告訴我知的原因是「過程太痛苦」。
這個沒3D畫像、環迴立體聲的遊戲，實在太寫實了！
孫柏文
獅子山學會研究部總監
後記：
你估如果真係 0％息、3.8％失業率、1％通脹，個股市會點？
仲唔似 1982 至 2000年咁升到黐線？
Paul Volcker 個招係 work 㗎！
-------------------------------
「虛擬局長」玩轉聯儲局
8月中，港男喜愛的歐洲足球球季又開鑼。即係周末到酒吧，港男最會聽到的說話，又會由：「嘩睇吓！索！」變為：「有冇搞錯！咁都唔中。我射都入啦！」
以上的一句說話，當然不是某某衝口而出。港男經過多年從紅白機至PS3的電子模擬訓練，令個個都深信自己有1986年阿根廷球員馬勒當拿連過六個英格蘭球員的腳法。
美聯儲局網上遊戲 玩家當央行行長
當然，宏觀看特區各大公園球場是看不到的，因雖然我們有心，不過無力，踢波需要的四肢協調，實在要「超電子模擬」的訓練，不是按按制就可以練得成。
雖然好多人，例如那些港女，常批評港男只會對足球專一有興趣，獅子山學會只可話：「那些港女又錯了。」因為除了足球之外，港男亦對美國聯儲局的貨幣政策非常有興趣。各位港男，我說的對不對？
本會作為一個深明獅子山下眾港男思維的組織，絕對明白到體驗任何活動的最佳方法是進行電子模擬訓練。為滿足各位對美國聯儲局貨幣政策的興趣，獅子山學會今日推介一個網上遊戲，等大家都能感受到主宰貨幣政策「落場踢」的感覺。
因早前有隻土產、教大家如何在大學校園如有誤會對人處事方法的遊戲叫《小朋友齊打交》，所以本會亦選擇將這個扮局長遊戲叫《小朋友齊議息》。
小朋友齊打交
這個網上遊戲，就是由三藩市區域聯儲局炮製，等上網參與的人，能「落場」角色扮演做聯儲局公開市場委員會，去釐定聯邦基金利率水平。
自訂利率憑失業通脹率計分
遊戲開始時，你會有十六季即四年時間去決定利率水平，每六星期調校一次，水平任定。遊戲中的「計分」方法，就是定下利率水平後，程式將模擬失業和通脹率走勢。這「計分」方法相信是反映20世紀中，美國國會設聯儲局希望能助失業和通脹穩定的目標。
程式亦在遊戲中久不久爆些突發事故，例如股災、石油危機等，模仿公開市場委員會平日要面對的挑戰。
港女們可能會話：「你估玩完就識做央行行長咩？」獅子山學會相信，打電子足球遊戲好勁，不代表踢波的技術高；但能成功玩這遊戲，可能真的反映這人做央行行長的適合程度。
點解？因為之前提過，踢波要好，除要有心，還需四肢協調；不過，做央行就不同，根據 Ben Bernanke 貝南奇2002年解釋，就算聯儲局要進行一些遠比落實議息等普通貨幣政策伎倆難的政策，例如終極必殺技「量化寬鬆政策」去抗通縮時，連印刷機都不需要，在電腦鍵盤入指令就可以。沒錯！真是按按制就可以。這遊戲玩得好，做行長沒難度。
微調利率 通脹嚴重
有讚，當然也有彈。這遊戲其中一個美中不足之處，就是除決定利率水平之外，沒其他板斧。沒TAF、TALF、CPFF、MMIFF、PDCF、RP、RRP、TSLF、QE等金寶字母湯罐倒出來的金融海嘯後聯儲局伎倆，美中不足因這些計劃先好玩。
不需多說，因印銀紙沒成本，本會真想知道三藩市區域聯儲局寫的遊戲程式當中，如果把QE即量化政策額度由目前的3000億加大，要加幾多先爆超級通脹。如遊戲有這政策選擇，到時各成功玩這遊戲的港男，就算不能成為央行行長，都起碼能成炒金專家。
作為獅子山學會研究總監，當然負起研究這重擔，「瞓身」般玩這遊戲。結論是當聯儲局主席，難度遠比大家心目中高。遊戲是模擬貝南奇上台時的宏觀經濟情況，但我無論如何有心地微調利率，最終結果都是嚴重滯脹，如果突然任內中途大幅加息壓通脹，只會到任期末出現雙位數字的失業率。
先加息滅通脹後減息助失業
經過不眠不休的「研究」，卒之發現唯一可令任期末出現漂亮宏觀經濟情況的方法，就是要遊戲開始時學80年代初的聯儲局主席伏爾克 Paul Volcker，上任後即時大幅加息去滅絕通脹，成功後便能大幅減息去推動經濟。本人「最高紀錄」就是這樣締造，在任期結束的一刻，遊戲中的美國失業率只3.8%，而通脹就剛剛過1%。好勁！大家說對不對？
不過有如讀書一樣，打機不是求分數。例如玩《孖寶兄弟》救不到公主，就算最高分也沒用。這個角色扮演聯儲局主席遊戲的最終目標是什麼？話到明扮演被委任的高級官員，最終目標當然是有得被國會再委任，可以成功連任。
不過，就是遊戲中的這個目標，令我更對美國的貨幣政策擔憂。因跟伏爾克政策為唯一能做到最後出現漂亮的宏觀經濟情況時，我的「分數」都未能令國會滿意。3.8%失業率、1%通脹都會拖我下馬，遊戲告訴我知的原因是「過程太痛苦」。
這個沒3D畫像、環迴立體聲的遊戲，實在太寫實了！
孫柏文
獅子山學會研究部總監
My game
後記：
你估如果真係 0％息、3.8％失業率、1％通脹，個股市會點？
仲唔似 1982 至 2000年咁升到黐線？
Paul Volcker 個招係 work 㗎！
今年唯一中咗嘅預測...
今年卒之有留意《香港小姐》選舉，原因相信同大家一樣，都係因今年D港姐「太索」。番鬼佬話齋：「Such spectacular vintage！」
之前我仲食緊壹傳媒嘅飯時，喺 newsroom 同同事葉嘉澄傾起今年港姐選舉。
10名候選人，各有喜愛。
雖然我同葉小姐，都覺如果冠軍最需要有代表性，即最代表o個年嘅港姐，今年應該係有「女版許願」之稱嘅林潔瑜贏。
不過我兩深知無線冇咁嘅幽默感，所以喺淨低嘅「佳麗」中再揀邊個應做冠軍。
我已唔記得葉嘉澄揀咗邊個，不過我只係睇咗D「佳麗」嘅 profile 一次，就揀咗最後被封后嘅4號 劉倩婷。
點解？大家睇圖...
好似我以前咁，係 Equity analyst 喎，仲唔贏？hor hor hor
不過真係想知佢以前睇開邊個 sector 嘅股票...
最後加多句，我從依家開始會用「你靚到可以選港姐」去贈D「非主流漂亮」嘅港女...
Saturday, August 22, 2009
面臨破產...一夜翻身！
特區真係一個滿懷希望嘅地方...
不過話時話，申請緊破產仲用35蚊買六合彩，就算唔中呢碗心靈雞湯都抵飲！
【東方日報專訊】債台高築獲頒破產令的落難人，自選七個心水號碼用三十五元投注了一條複式六合彩，結果一注命中今年六月的其中一次超級頭獎六合彩，捧走三千七百多萬元。一夜間由破產漢變成千萬富翁，更為今晚攪珠的三千二百萬元頭獎六合彩增添一個發達傳奇故事。
即還債申撤破產令
據悉，該名超級幸運的破產漢已領取彩金，中獎後已即時清還債務並向法庭申請解除破產令，重過新生活。
不過話時話，申請緊破產仲用35蚊買六合彩，就算唔中呢碗心靈雞湯都抵飲！
Thursday, August 20, 2009
Tuesday, August 18, 2009
Saturday, August 15, 2009
令北京直接管治direct rule香港的政府機構
鑒於驚出現「支筆唔用會生鏽」現象，唔少人叫孫柏文keep住寫野。
以下就係我喺上禮拜三（12 Aug 2009）《信報》出街篇文 (subscription required)。寫作風格同喺《蘋果日報》寫時有少許分別。 ho ho ho
2008年立法會選舉期，香港政界和傳媒圈廣泛流傳一篇中聯辦研究部主任曹二寶寫的文章。文章內容能以一句「如何收回港人自治權，令北京直接管治香港的方法」作為結論。
如果以收回港人自治權為目標，那路線圖會是什麼？收回自治權時，又如何調整港人心態，以達致水到渠成？
曹二寶的文章中有云：「鄧小平強調指出『中央確實是不干預特別行政區的具體事務的，也不需要干預。』為此他對中央要管的『香港的事情』提出了一項重要原則，就是必須是『沒有中央出頭香港難以解決的事情』。」
這「原則」如以「阿媽教仔」的邏輯演繹，必然是：「阿仔，警告了你不要在廚房玩火，現在不但嚴重燒傷兼昏迷不醒。就算你常常強調我要尊重你生活自主，現在我幫你叫十字車，到急救後照顧你，負擔你生活開支，你應不會再反對吧？」
守株待兔等出事
獅子山學會相信，曹二寶發表該想法時，絕對會有人相信他只是為國家、為特區作長遠考慮，一旦爆發「沒有中央出頭香港難以解決的事情」時，有已準備好的機制幫我們香港人出頭，以免將來手忙腳亂。
當曹二寶文章在港流傳時，我們香港人的焦點往往放在何謂「沒有中央出頭，香港難以解決的事情」？阿爺如何界定？可是，因香港社會其中一個核心價值是有錢能解決天下事；當特區政府坐擁「埃及妖后嫁妝」的財政儲備，真是難以想像有什麼事情港人不能自己解決，於是得出的結論是中央會胡亂界定、在港人非常反對的情況下，收回港人自治權。
但獅子山學會深信，如果真的有中央為香港「出頭」、結束港人治港這偉大實驗的一天，香港人不但不會抗拒，還會視中央為救世主；只要「守株待兔等出事」，便可以輕輕鬆鬆收回港人自治權。這招數其實已在香港用過，被收回的單位當然不是政府，而是一間上市公司。沒錯！曹二寶至喜愛的上市公司，就是中信泰富（267）。
大家可能會問：「何出此言？」細想一下，出事前的中信泰富，不是像今天的香港政府，有中央「力挺」，管理上有極大的自主性，同時因有被力挺的形象，成功收集如航空、電力、基建等戰略資產。多年來，中信泰富運作和諧、穩定又繁榮，就算有外人懷著奪權之意，也無法落實。等，成為唯一策略。
等什麼？就時要等到中信泰富出事。不難相信，當和諧、穩定壓倒一切，成為公司管理方針時，公司架構上，便積極淡化內裏權力制衡單位例如風險管理部、董事局等監察的積極性去達致「合作」。這時公司管理層就會好心為盈利，做些例如澳元 accumulator「一鋪清袋」的壞事。
中信泰富最後那張拖垮公司的外匯合約，極可能是因事前多次嚐得甜頭、制衡機制不斷腐化下而簽訂的。
全力保護兩制
試問，當中信泰富因澳元 accumulator 輸清光時，有股東會抗拒中央注資、入股、換管理層直接由北京管理嗎？當時股東不是視北京為救世主嗎？曹二寶，也不是在等特區政府同樣出事嗎？
如果特區政府的財務狀況，有天如今天的美國加州一樣，面臨破產。我們的立法會議員一定會像加州州政府的議員一樣，懇求中央聯邦政府出手相救。問問加州的老百姓，聯邦政府「出頭」，大幅奪去州政府的權力，去穩定加州州政府的財政權，這是否好事？
一國兩制、港人治港是需要我們全力保護的。如果曹二寶大方地告知我們中央在什麼情況下，收回我們自治權，那我們要做的事是非常清楚。有如孫爸爸多年來給我的告誡：「Don't fxxk it up。」 例如，有大批建造業工人失業，他們為搵食而轉行，情緒激動，過程痛苦，可是這不會危害一國兩制、港人治港。不過，不斷興建不符合成本效益的大型基建，催生日本式基建既得利益集團，最後不但將財政儲備花光，還要令特區政府負債纍纍，就會見到曹二寶想見到的一天。
又或者因為金融海嘯，從商的人不但發現生意難做，融資又極困難，令一眾公司出現倒閉潮。這雖然難過，但不會危害一國兩制、港人治港。不過，政府透過行政手段，強迫銀行要拋開風險考慮放貸，最後摧毀銀行體制穩健，那就會見到曹二寶想見到的一天。
不過，獅子山學會今天想大家特別注視一個能幫港人一鋪清袋的政府部門，那就是香港按揭證券有限公司。
結束按揭證券公司
有如中信泰富最初定立的澳元合約，香港按揭證券有限公司的原意也是為減低風險而建立。原本按揭證券公司只為減低本地銀行「在貸出按揭貸款時可能引起的資產集中風險及流動資金短缺風險」，即一旦樓價暴跌帶來的銀行結構性風險，但按揭證券公司本身卻盡可能不持貨。
可是，直到今天，按揭證券公司已「變型」，用香港人血汗錢支持的政府信貸評級借錢，然後再轉借給南韓及馬來西亞人消費、買樓，希望可以賺息差。運作和那些前投資銀行一樣。
問題是，當獅子山學會問政府為何還要保留按揭證券公司時，聽回來的答案竟然是「因為幫政府賺錢」！
賺錢好？好。不過如果要承擔的風險是有天一覺醒來，我們會積極要求放棄一國兩制、港人治港，那風險太高了。一個真正的政治家會不但考慮任內之事，還會考慮香港長遠利益，盡量把各計時炸彈拆掉。曾特首，殺掉按揭證券公司吧！
孫柏文
獅子山學會研究部總監
以下就係我喺上禮拜三（12 Aug 2009）《信報》出街篇文 (subscription required)。寫作風格同喺《蘋果日報》寫時有少許分別。 ho ho ho
-------------------------------------------
令北京管治香港的政府機構
2008年立法會選舉期，香港政界和傳媒圈廣泛流傳一篇中聯辦研究部主任曹二寶寫的文章。文章內容能以一句「如何收回港人自治權，令北京直接管治香港的方法」作為結論。
如果以收回港人自治權為目標，那路線圖會是什麼？收回自治權時，又如何調整港人心態，以達致水到渠成？
曹二寶的文章中有云：「鄧小平強調指出『中央確實是不干預特別行政區的具體事務的，也不需要干預。』為此他對中央要管的『香港的事情』提出了一項重要原則，就是必須是『沒有中央出頭香港難以解決的事情』。」
這「原則」如以「阿媽教仔」的邏輯演繹，必然是：「阿仔，警告了你不要在廚房玩火，現在不但嚴重燒傷兼昏迷不醒。就算你常常強調我要尊重你生活自主，現在我幫你叫十字車，到急救後照顧你，負擔你生活開支，你應不會再反對吧？」
守株待兔等出事
獅子山學會相信，曹二寶發表該想法時，絕對會有人相信他只是為國家、為特區作長遠考慮，一旦爆發「沒有中央出頭香港難以解決的事情」時，有已準備好的機制幫我們香港人出頭，以免將來手忙腳亂。
當曹二寶文章在港流傳時，我們香港人的焦點往往放在何謂「沒有中央出頭，香港難以解決的事情」？阿爺如何界定？可是，因香港社會其中一個核心價值是有錢能解決天下事；當特區政府坐擁「埃及妖后嫁妝」的財政儲備，真是難以想像有什麼事情港人不能自己解決，於是得出的結論是中央會胡亂界定、在港人非常反對的情況下，收回港人自治權。
但獅子山學會深信，如果真的有中央為香港「出頭」、結束港人治港這偉大實驗的一天，香港人不但不會抗拒，還會視中央為救世主；只要「守株待兔等出事」，便可以輕輕鬆鬆收回港人自治權。這招數其實已在香港用過，被收回的單位當然不是政府，而是一間上市公司。沒錯！曹二寶至喜愛的上市公司，就是中信泰富（267）。
大家可能會問：「何出此言？」細想一下，出事前的中信泰富，不是像今天的香港政府，有中央「力挺」，管理上有極大的自主性，同時因有被力挺的形象，成功收集如航空、電力、基建等戰略資產。多年來，中信泰富運作和諧、穩定又繁榮，就算有外人懷著奪權之意，也無法落實。等，成為唯一策略。
等什麼？就時要等到中信泰富出事。不難相信，當和諧、穩定壓倒一切，成為公司管理方針時，公司架構上，便積極淡化內裏權力制衡單位例如風險管理部、董事局等監察的積極性去達致「合作」。這時公司管理層就會好心為盈利，做些例如澳元 accumulator「一鋪清袋」的壞事。
中信泰富最後那張拖垮公司的外匯合約，極可能是因事前多次嚐得甜頭、制衡機制不斷腐化下而簽訂的。
全力保護兩制
試問，當中信泰富因澳元 accumulator 輸清光時，有股東會抗拒中央注資、入股、換管理層直接由北京管理嗎？當時股東不是視北京為救世主嗎？曹二寶，也不是在等特區政府同樣出事嗎？
如果特區政府的財務狀況，有天如今天的美國加州一樣，面臨破產。我們的立法會議員一定會像加州州政府的議員一樣，懇求中央聯邦政府出手相救。問問加州的老百姓，聯邦政府「出頭」，大幅奪去州政府的權力，去穩定加州州政府的財政權，這是否好事？
一國兩制、港人治港是需要我們全力保護的。如果曹二寶大方地告知我們中央在什麼情況下，收回我們自治權，那我們要做的事是非常清楚。有如孫爸爸多年來給我的告誡：「Don't fxxk it up。」 例如，有大批建造業工人失業，他們為搵食而轉行，情緒激動，過程痛苦，可是這不會危害一國兩制、港人治港。不過，不斷興建不符合成本效益的大型基建，催生日本式基建既得利益集團，最後不但將財政儲備花光，還要令特區政府負債纍纍，就會見到曹二寶想見到的一天。
又或者因為金融海嘯，從商的人不但發現生意難做，融資又極困難，令一眾公司出現倒閉潮。這雖然難過，但不會危害一國兩制、港人治港。不過，政府透過行政手段，強迫銀行要拋開風險考慮放貸，最後摧毀銀行體制穩健，那就會見到曹二寶想見到的一天。
不過，獅子山學會今天想大家特別注視一個能幫港人一鋪清袋的政府部門，那就是香港按揭證券有限公司。
結束按揭證券公司
有如中信泰富最初定立的澳元合約，香港按揭證券有限公司的原意也是為減低風險而建立。原本按揭證券公司只為減低本地銀行「在貸出按揭貸款時可能引起的資產集中風險及流動資金短缺風險」，即一旦樓價暴跌帶來的銀行結構性風險，但按揭證券公司本身卻盡可能不持貨。
可是，直到今天，按揭證券公司已「變型」，用香港人血汗錢支持的政府信貸評級借錢，然後再轉借給南韓及馬來西亞人消費、買樓，希望可以賺息差。運作和那些前投資銀行一樣。
問題是，當獅子山學會問政府為何還要保留按揭證券公司時，聽回來的答案竟然是「因為幫政府賺錢」！
賺錢好？好。不過如果要承擔的風險是有天一覺醒來，我們會積極要求放棄一國兩制、港人治港，那風險太高了。一個真正的政治家會不但考慮任內之事，還會考慮香港長遠利益，盡量把各計時炸彈拆掉。曾特首，殺掉按揭證券公司吧！
孫柏文
獅子山學會研究部總監
Friday, August 14, 2009
一注獨贏買白銀
下面就係最後一篇《金手指》... 雖然已經被黎智英喺禮拜一炒咗，不過我喺《蘋果日報》財經版阿頭范國忠，就禮拜二叫我寫篇goodbye文。
阿頭范國忠呢幾年來教咗我好多o野... Thank you Alfred！
最尾一篇文同第一篇日日出街嘅題一模一樣，都係「一注獨贏買白銀」...
1. Original
2. Farewell
It was quite a ride... Loved it and will cherish it！
一注獨贏買白銀
今日係時候講下好耐冇講過嘅白銀。作為白銀戰隊隊長，應該同各位戰隊隊員 update下白銀嘅情況。
由我喺 06年3月6日第一次叫大家「一注獨贏買白銀」後，白銀升咗四成。如果你話：「咁嘅回報超水皮！」咁水皮嗰個係你，因為由第一次買白銀後，我都建議用平均入市法去買。白銀擁有「三線股商品」嘅特性，係一路橫行到最後先呈現暴升走勢。你想越買越貴，定係低價集齊貨先等爆升？
趁低入貨等爆升
原材料大升勢冇變過，有如 87年股災係股票大牛市其中一個入市大良機，舊年白銀跌到落 8美元一盎斯時都係一樣。三年半前提供有十年有效期嘅 120美元一盎斯目標價，剩番六年半當然 stand by my call。
但大家買白銀一定要小心，一定要買實貨。因為實在太多冇貨嘅人，長年拋空或以紙幣做交收。當白銀最後爆升時，到做終極擔保嘅花旗國政府都風聲鶴唳，國債價跌，全球棄美元，聯儲局就要好似 80年代初咁，將美元息口推升至 15厘以上。實貨白銀同紙上白銀價會有越來越大嘅差價。到息口升到咁高，銀價又到我嘅目標價時，就係轉買美股之時。
今日係最尾一篇《金手指》，如果呢幾年來你有睇過孫柏文嘅文，我想多謝你嘅支持。呢三年半喺壹傳媒做嘢，眼界大開，最重要係識到班好好嘅同事。我依家趁機睇下之後有咩搞，不過一定同你哋呢班 fan屎後會有期。
最後講多次，一注獨贏買白銀！
阿頭范國忠呢幾年來教咗我好多o野... Thank you Alfred！
最尾一篇文同第一篇日日出街嘅題一模一樣，都係「一注獨贏買白銀」...
1. Original
2. Farewell
It was quite a ride... Loved it and will cherish it！
------------------------------------
一注獨贏買白銀
今日係時候講下好耐冇講過嘅白銀。作為白銀戰隊隊長，應該同各位戰隊隊員 update下白銀嘅情況。
由我喺 06年3月6日第一次叫大家「一注獨贏買白銀」後，白銀升咗四成。如果你話：「咁嘅回報超水皮！」咁水皮嗰個係你，因為由第一次買白銀後，我都建議用平均入市法去買。白銀擁有「三線股商品」嘅特性，係一路橫行到最後先呈現暴升走勢。你想越買越貴，定係低價集齊貨先等爆升？
趁低入貨等爆升
原材料大升勢冇變過，有如 87年股災係股票大牛市其中一個入市大良機，舊年白銀跌到落 8美元一盎斯時都係一樣。三年半前提供有十年有效期嘅 120美元一盎斯目標價，剩番六年半當然 stand by my call。
但大家買白銀一定要小心，一定要買實貨。因為實在太多冇貨嘅人，長年拋空或以紙幣做交收。當白銀最後爆升時，到做終極擔保嘅花旗國政府都風聲鶴唳，國債價跌，全球棄美元，聯儲局就要好似 80年代初咁，將美元息口推升至 15厘以上。實貨白銀同紙上白銀價會有越來越大嘅差價。到息口升到咁高，銀價又到我嘅目標價時，就係轉買美股之時。
今日係最尾一篇《金手指》，如果呢幾年來你有睇過孫柏文嘅文，我想多謝你嘅支持。呢三年半喺壹傳媒做嘢，眼界大開，最重要係識到班好好嘅同事。我依家趁機睇下之後有咩搞，不過一定同你哋呢班 fan屎後會有期。
最後講多次，一注獨贏買白銀！
Monday, August 10, 2009
告別了，壹傳媒！
咁大個仔，未試過俾人豉椒炒魷。
今日，卒之試到。
從今日開始，我就再唔係壹傳媒嘅人。
死因？做壹傳媒 web show 時做唔到老闆（都真係幾易同簡單）嘅要求... oops...
由我最初喺《蘋果日報》試過四個禮拜唔放假、通頂幫公司出新野，到最後...ummm 冇咁積極番工... hahahahah 都算係一個經驗。
點都好，呢三年半來，真係獲益良多，特別係識到好多好好嘅同事。
對於現在還回自由身，有種莫名嘅興奮同解脫（唔使再對住壹傳媒裏搞 web content，跟住因網頁嘅 design，搵都搵唔到自己作品嘅沮喪啦！I have honestly never done anything more demoralizing...）
不過有樣野就真係好可惜，冇辦法喺白銀升到 US$120 一盎斯嗰日，喺《金手指》一欄到認屎認屁。 = P
今日，卒之試到。
從今日開始，我就再唔係壹傳媒嘅人。
死因？做壹傳媒 web show 時做唔到老闆（都真係幾易同簡單）嘅要求... oops...
由我最初喺《蘋果日報》試過四個禮拜唔放假、通頂幫公司出新野，到最後...ummm 冇咁積極番工... hahahahah 都算係一個經驗。
點都好，呢三年半來，真係獲益良多，特別係識到好多好好嘅同事。
對於現在還回自由身，有種莫名嘅興奮同解脫（唔使再對住壹傳媒裏搞 web content，跟住因網頁嘅 design，搵都搵唔到自己作品嘅沮喪啦！I have honestly never done anything more demoralizing...）
不過有樣野就真係好可惜，冇辦法喺白銀升到 US$120 一盎斯嗰日，喺《金手指》一欄到認屎認屁。 = P
舊車換新 油需大跌？
上個禮拜，有個讀者寄電郵畀孫柏文問：「美國政府動用30億美元去推舊車換新計劃，會否令石油需求減少，繼而令油價下跌？」
正式嚟講，個計劃係想達致減少用油，減少花旗國依賴進口石油嘅目標。之前我喺公仔箱都有從多角度講過花旗國舊車換新計劃，不過就真係計漏咗究竟會用少幾多油，今日補番。
依家啲估計，如果行駛里數等不變（ceteris paribus）每架新車比舊車每年會慳大約280加侖油，即大約1060公升。如果以特區13.5港元零售價計，慳萬四蚊。
日慳萬四桶油成效存疑
因平均每架新車有4000美元補貼，30億美元補貼就會有75萬架新車，即係每年總共慳2.1億加侖。
一桶石油有42加侖，即啲新車總共每年慳大約500萬桶石油，即每日用少13700桶。
每日13700桶多定少？全球每日用超過8000萬桶油，淨係花旗國都2000萬。
而花旗國嗰2000萬中，大約950 萬桶係用嚟開車。950萬比13700，相信大家都知成效有幾多。
今時今日，每5個喺花旗國有駕駛執照嘅人，就有6架車，花旗政府仲走去補貼買新車，真係典型凱因斯主義嘅政策。即係完全違反常智，不過有如王帝的新衣，「聰明人」先睇到點解要咁做。
今次真係要挺下啲反對分子，大家知唔知邊啲人最反對呢個計劃？就係啲踩單車嘅花旗國人。
正式嚟講，個計劃係想達致減少用油，減少花旗國依賴進口石油嘅目標。之前我喺公仔箱都有從多角度講過花旗國舊車換新計劃，不過就真係計漏咗究竟會用少幾多油，今日補番。
依家啲估計，如果行駛里數等不變（ceteris paribus）每架新車比舊車每年會慳大約280加侖油，即大約1060公升。如果以特區13.5港元零售價計，慳萬四蚊。
日慳萬四桶油成效存疑
因平均每架新車有4000美元補貼，30億美元補貼就會有75萬架新車，即係每年總共慳2.1億加侖。
一桶石油有42加侖，即啲新車總共每年慳大約500萬桶石油，即每日用少13700桶。
每日13700桶多定少？全球每日用超過8000萬桶油，淨係花旗國都2000萬。
而花旗國嗰2000萬中，大約950 萬桶係用嚟開車。950萬比13700，相信大家都知成效有幾多。
今時今日，每5個喺花旗國有駕駛執照嘅人，就有6架車，花旗政府仲走去補貼買新車，真係典型凱因斯主義嘅政策。即係完全違反常智，不過有如王帝的新衣，「聰明人」先睇到點解要咁做。
今次真係要挺下啲反對分子，大家知唔知邊啲人最反對呢個計劃？就係啲踩單車嘅花旗國人。
Sunday, August 09, 2009
市要繼續升只要...
港股真係勁，尋日大陸喺特區未開市前已因（又）吹風話祖國迫銀行放債嘅意志有所動搖，（又）即時跌到趴街。不過唔使驚，跌市唔和諧，相信中央會繼續指揮D銀行，隊錢出門口。
孫柏文只怕去到某黐線高位，例如07年尾，又有好似當時嘅平安保險（2318）咁，走出來嚐試做次世紀千億大配股。當時消息一出，一向唔理世界走勢嘅大陸股市，都即時仆直，上証指數最後六千變千六。
不過如果中央要銀行收緊，咁唔使配股或IPO抽水走，現水平都已到黐線高位。究竟抽唔抽水，依家喺大陸政府出現最大政策勢力鬥爭。
一邊廂，代表未來如果有更開放、自由經濟嘅控制者，即係做央行嘅人民銀行。佢地一定反對胡亂借貸，因為雖然經濟差唔和諧，不過有銀行因太多壞賬而出事仲大鑊。試下sms滿天飛時，全國過萬分行同時擠提，場面可其壯觀啊！
令一邊廂，就係代表過去計畫經濟，乜都要政府指點嘅世界中嘅話事單位，即國務院。佢地當然要跑數，無寶不落去「保八」。大家見到人行對國務院互毆，真係一場決戰紫禁之巔。
睇番花旗國，下個禮拜（又）來破記錄國債拍賣。上個禮拜o個次睇落「好成功」，雖然咁抽水，不過息冇升、股又冇跌。
點解息冇升？因為有間央行大手掃貨。邊間？如果你話係人行，咁你就錯。o個次最大買家係聯儲局，買咗o個批接近兩成嘅貨。
點解股又冇跌？因為雖然全球散戶開始拋貨，大戶、有錢佬就繼續買。點解買？因為佢地見到聯儲局咁買，就覺白南克好認真咁摧毀美元，所以一定要買野脫離美元魔爪。
大家睇實美元，弱勢持續，股點升到唔值，有錢佬都要繼續買，市要繼續升就只要咁。
孫柏文只怕去到某黐線高位，例如07年尾，又有好似當時嘅平安保險（2318）咁，走出來嚐試做次世紀千億大配股。當時消息一出，一向唔理世界走勢嘅大陸股市，都即時仆直，上証指數最後六千變千六。
不過如果中央要銀行收緊，咁唔使配股或IPO抽水走，現水平都已到黐線高位。究竟抽唔抽水，依家喺大陸政府出現最大政策勢力鬥爭。
一邊廂，代表未來如果有更開放、自由經濟嘅控制者，即係做央行嘅人民銀行。佢地一定反對胡亂借貸，因為雖然經濟差唔和諧，不過有銀行因太多壞賬而出事仲大鑊。試下sms滿天飛時，全國過萬分行同時擠提，場面可其壯觀啊！
令一邊廂，就係代表過去計畫經濟，乜都要政府指點嘅世界中嘅話事單位，即國務院。佢地當然要跑數，無寶不落去「保八」。大家見到人行對國務院互毆，真係一場決戰紫禁之巔。
睇番花旗國，下個禮拜（又）來破記錄國債拍賣。上個禮拜o個次睇落「好成功」，雖然咁抽水，不過息冇升、股又冇跌。
點解息冇升？因為有間央行大手掃貨。邊間？如果你話係人行，咁你就錯。o個次最大買家係聯儲局，買咗o個批接近兩成嘅貨。
點解股又冇跌？因為雖然全球散戶開始拋貨，大戶、有錢佬就繼續買。點解買？因為佢地見到聯儲局咁買，就覺白南克好認真咁摧毀美元，所以一定要買野脫離美元魔爪。
大家睇實美元，弱勢持續，股點升到唔值，有錢佬都要繼續買，市要繼續升就只要咁。
渣打又抽水 下個係滙……
噚日渣打出業績，真係數都唔使睇，淨係又要抽水呢樣嘢已攞你命！佢哋話唔係因咩資本充足比率唔夠，孫柏文淨係知中四生讀經濟科都知，公司印新股出售，就係因為唔夠資金，或覺股價太高。如果唔係印新股為乜？得閒呀？
咁我又忍唔住諗，滙控（005）會唔會又抽水？呢三年嚟，信佢哋管理層真係losing bet。
07年初發盈警，個個話「咁快正視問題，抵讚！買得！」之後每次出業績就有人叫買，話「問題受到控制」。
揸內銀股散戶咪開心
我只係知道，除非你賣股。
如果唔係，你之前每12股用140元供5股，o依家就每季每股畀番0.62蚊過你，即係17股有10.54蚊。十幾季後打個和，長揸就當畀個免息貸款過佢。
一個唔好彩，烏鴉口講中佢哋又要你供，咁就將滙控變成炒股，長揸嗰個正儍仔。
呢隻嘢難睇，最難睇係佢哋資產將會值幾多。你識睇嘅話，就打個電話畀葛霖，因為佢都想知。啲老外銀行，已變成現金焚化爐。
嗰啲買咗大陸銀行股嘅股民唔好咁開心住，你估嗰十萬八千七億嘅貸款出事時，邊間行先幫國家頂？你求神拜佛到時股價跌七成，跌穿每股資產淨值，咁就唔使你供股，因為條例唔畀佢發新股。
最後，求求大家唔好再講咩市升因經濟復蘇。上個禮拜中央只係確定！冇錯確定！話經濟好咗，所以撤錢走，上海、深圳股市即時跌到趴街。唔係經濟復蘇咩？V形反彈咩？大陸股民都純睇資金，你呢？
咁我又忍唔住諗，滙控（005）會唔會又抽水？呢三年嚟，信佢哋管理層真係losing bet。
07年初發盈警，個個話「咁快正視問題，抵讚！買得！」之後每次出業績就有人叫買，話「問題受到控制」。
揸內銀股散戶咪開心
我只係知道，除非你賣股。
如果唔係，你之前每12股用140元供5股，o依家就每季每股畀番0.62蚊過你，即係17股有10.54蚊。十幾季後打個和，長揸就當畀個免息貸款過佢。
一個唔好彩，烏鴉口講中佢哋又要你供，咁就將滙控變成炒股，長揸嗰個正儍仔。
呢隻嘢難睇，最難睇係佢哋資產將會值幾多。你識睇嘅話，就打個電話畀葛霖，因為佢都想知。啲老外銀行，已變成現金焚化爐。
嗰啲買咗大陸銀行股嘅股民唔好咁開心住，你估嗰十萬八千七億嘅貸款出事時，邊間行先幫國家頂？你求神拜佛到時股價跌七成，跌穿每股資產淨值，咁就唔使你供股，因為條例唔畀佢發新股。
最後，求求大家唔好再講咩市升因經濟復蘇。上個禮拜中央只係確定！冇錯確定！話經濟好咗，所以撤錢走，上海、深圳股市即時跌到趴街。唔係經濟復蘇咩？V形反彈咩？大陸股民都純睇資金，你呢？
出賣國家的證監會
特區最自視過高嘅政府法定機構證監會，又有嘢搞去凸顯佢哋擴大官僚版圖嘅野心。
究竟今期佢地又搞乜？上個禮拜五，佢哋因「國際證監會組織」嘅話，要做諮詢研究點樣搞死啲借貨拋空股票做淡嘅人。
佢地明唔明o依家借貨拋空股票已經好難？作為財經口水佬，孫柏文成日都俾啲前輩提醒，叫人借貨拋空股票冇市場。原因唔係因為股民唔睇淡，而係借貨拋空超煩，一般股民做唔到，建議得嚟晒口水。
試問，如果借貨拋空容易得多，恒指當年會害人不淺咁升穿三萬點咩？因為當市場癲都咁時，就會有勇士覺得唔值咁嘅價去拋貨，令市場起碼有一批錢去中和啲瘋癲股價。
再講，跌到落去時又有批人要買貨平淡倉，令股價有支持。
想整死借貨拋空嘅淡友
你可能會話：「不過有啲人係唔平淡倉，沽到零先收手，難拋空好啲。」
先講花旗國，股價係用嚟反映啲公司狀況，舊年例如花旗、美銀等，根本資不抵債，理應執笠。
不過多得淡友出手，先令政府注資或提供一定還錢保證，如果唔係，冇錯股價會暫時唔跌，不過可能一朝起身有銀行出事，股票停牌，即時good bye。
咁特區又點？唔使講最離譜肯定係滙豐（005）質到33蚊。
不過點解33蚊？咪多得啲自視過高嘅人，扮晒傳上帝說話，為綿羊股民搞啲咩競價時段。
如果特區有多過一個交易所，又冇證監呢啲低B劃一嚟搞，「勁假時段」一定喺交易所要競爭下老早消失咗！
咁如果傳話嘅就係證監，上帝呢？咪就係啲硬濕膠「國際證監會組織」。
呢啲鬼佬話事嘅國際組織，最想搞死例如香港呢啲「唔聽話」嘅地方，要我哋做一套，佢地就另一套。最好國企集資一定要去紐約、倫敦。
證監啲人個個心口有個prefect牌，最開心係啲老外「老師」拍拍佢哋話佢地well done。證監啲人係乜？就係一百年前出賣國家，搞到我國被分割嘅庸官。
究竟今期佢地又搞乜？上個禮拜五，佢哋因「國際證監會組織」嘅話，要做諮詢研究點樣搞死啲借貨拋空股票做淡嘅人。
佢地明唔明o依家借貨拋空股票已經好難？作為財經口水佬，孫柏文成日都俾啲前輩提醒，叫人借貨拋空股票冇市場。原因唔係因為股民唔睇淡，而係借貨拋空超煩，一般股民做唔到，建議得嚟晒口水。
試問，如果借貨拋空容易得多，恒指當年會害人不淺咁升穿三萬點咩？因為當市場癲都咁時，就會有勇士覺得唔值咁嘅價去拋貨，令市場起碼有一批錢去中和啲瘋癲股價。
再講，跌到落去時又有批人要買貨平淡倉，令股價有支持。
想整死借貨拋空嘅淡友
你可能會話：「不過有啲人係唔平淡倉，沽到零先收手，難拋空好啲。」
先講花旗國，股價係用嚟反映啲公司狀況，舊年例如花旗、美銀等，根本資不抵債，理應執笠。
不過多得淡友出手，先令政府注資或提供一定還錢保證，如果唔係，冇錯股價會暫時唔跌，不過可能一朝起身有銀行出事，股票停牌，即時good bye。
咁特區又點？唔使講最離譜肯定係滙豐（005）質到33蚊。
不過點解33蚊？咪多得啲自視過高嘅人，扮晒傳上帝說話，為綿羊股民搞啲咩競價時段。
如果特區有多過一個交易所，又冇證監呢啲低B劃一嚟搞，「勁假時段」一定喺交易所要競爭下老早消失咗！
咁如果傳話嘅就係證監，上帝呢？咪就係啲硬濕膠「國際證監會組織」。
呢啲鬼佬話事嘅國際組織，最想搞死例如香港呢啲「唔聽話」嘅地方，要我哋做一套，佢地就另一套。最好國企集資一定要去紐約、倫敦。
證監啲人個個心口有個prefect牌，最開心係啲老外「老師」拍拍佢哋話佢地well done。證監啲人係乜？就係一百年前出賣國家，搞到我國被分割嘅庸官。
因住俾人打！
每次被問關於點睇前特首董建華嘅政績時，我都會用我覺得係佢嘅三大德政作為我睇法嘅頭一段。
而董特首嘅三大德政，第一就係亞洲金融風暴中俾百富勤執笠，令胡亂投資嘅銀行家要面對自己做嘅決定衍生出嚟嘅惡果，花旗國嘅奧巴馬、布殊都冇董特首嘅勇氣。
其實，如果上次有救百富勤，我相信今次金融海嘯一定因有「出咗事，政府都會救我」嘅資金，逼啲金融機構管理層亂放債去追業績，令特區金融機構爆煲。
第二，就係肯接受立法會議員（雖然只係功能組別）嘅建議取消遺產稅，令人知道辛苦一生，可以將成果留畀自己心儀嘅人。
第三，就係將長期被政治力強嘅既得利益集團搵笨嘅公屋屋邨商場，一炮過將經營決定割離好鍾意用利益輸送，去換政治支持嘅政府。亦即係今日嘅領匯（823）。
過氣特首三大德政
今日講領匯，係因為前日有新聞報道，話抽水議員梁國雄帶租戶去領匯股東周年大會示威。咁帶啲咩租戶？有個要畀11000元租金嘅租戶話：「我欠領匯六萬六蚊租，仲欠銀行十幾萬債，領匯話我再唔還錢就要封舖，我又冇錢又冇用，死路一條呀。」
首先唔講佢係咪租霸，或佢嘅經營手法有冇進步嘅地方，佢欠債幾十萬，跟梁議員去「爭取」幾千蚊嘅減租係咪救自己盤生意最有效嘅一步？
梁國雄自己係咪又認為叫呢位租戶跟佢去示威，係救生意最有效嘅方法？
點都好，其實去股東大會，要求上市公司自減收入係非常危險。
其他時間，示威者數目遠超維護公司嘅人，不過股東會就唔同。
試諗吓，如果喺電盈股東會，我企起身要求減所有寬頻用戶嘅月費，你估我會唔會俾人打？
如果梁議員有 cojones，下次就要去電盈（008）股東會試吓，一路仲要大嗌：「電盈股東正一吸血鬼！」算啦，cojones始終唔係人人有。
而董特首嘅三大德政，第一就係亞洲金融風暴中俾百富勤執笠，令胡亂投資嘅銀行家要面對自己做嘅決定衍生出嚟嘅惡果，花旗國嘅奧巴馬、布殊都冇董特首嘅勇氣。
其實，如果上次有救百富勤，我相信今次金融海嘯一定因有「出咗事，政府都會救我」嘅資金，逼啲金融機構管理層亂放債去追業績，令特區金融機構爆煲。
第二，就係肯接受立法會議員（雖然只係功能組別）嘅建議取消遺產稅，令人知道辛苦一生，可以將成果留畀自己心儀嘅人。
第三，就係將長期被政治力強嘅既得利益集團搵笨嘅公屋屋邨商場，一炮過將經營決定割離好鍾意用利益輸送，去換政治支持嘅政府。亦即係今日嘅領匯（823）。
過氣特首三大德政
今日講領匯，係因為前日有新聞報道，話抽水議員梁國雄帶租戶去領匯股東周年大會示威。咁帶啲咩租戶？有個要畀11000元租金嘅租戶話：「我欠領匯六萬六蚊租，仲欠銀行十幾萬債，領匯話我再唔還錢就要封舖，我又冇錢又冇用，死路一條呀。」
首先唔講佢係咪租霸，或佢嘅經營手法有冇進步嘅地方，佢欠債幾十萬，跟梁議員去「爭取」幾千蚊嘅減租係咪救自己盤生意最有效嘅一步？
梁國雄自己係咪又認為叫呢位租戶跟佢去示威，係救生意最有效嘅方法？
點都好，其實去股東大會，要求上市公司自減收入係非常危險。
其他時間，示威者數目遠超維護公司嘅人，不過股東會就唔同。
試諗吓，如果喺電盈股東會，我企起身要求減所有寬頻用戶嘅月費，你估我會唔會俾人打？
如果梁議員有 cojones，下次就要去電盈（008）股東會試吓，一路仲要大嗌：「電盈股東正一吸血鬼！」算啦，cojones始終唔係人人有。
中國是千禧dotcom？
噚日，孫柏文睇花旗國雜誌《Foreign Policy》，裏面有篇Vitaliy Katsenelson寫嘅文章。佢有個比較特別嘅比喻，去形容花旗國同我國關係。
佢話九十年代中，好多電訊設備製造商嘅生意出現高速增長。原因係啲下游前線科技公司生意多咗，當然就要用多啲電訊設備。
不過去到99年，啲人搵創投基金嘅錢開始亂開dotcom最瘋癲時，相信大家都仲記得 Amazon.com總裁嘅名言：「盈利完全唔重要！」咁呢啲dotcom訂電訊設備時會考慮嘅嘢，因資金太容易籌到，自然唔理啲生意應唔應該做。電訊設備定單金額嘅升幅，就開始同經濟現實脫節。
中國變大債主
當然，電訊設備商收到單照做，不知幾開心。令盈利增幅有如日出日落般穩定，亦因而令投資者覺得就算dotcom邊個最後勝利，電訊設備商先係大贏家，所以就將電訊設備商嘅市盈率越推越高。
到dotcom泡沫爆破嘅開端，電訊設備商因為要跑數畀投資者，就想盡辦法賣電訊設備。所以推出vendor financing，即設備商畀買家賒數慢慢還，最緊要設備一出門，就可以book數落簿當盈利，然後同股東講佢哋上季有幾咁勁！
最後點？因為 dotcom執笠，電訊設備商就要大幅撇賬，輸大錢出嚟話：「百年一遇水災呀！」
我國多年嚟靠出口花旗國食糊，最初花旗國因經濟增長令消費入口增加。
不過到九十年代尾，因股市大泡沫，花旗國人消費同進口開始同經濟動力脫鈎，當股市都爆埋，花旗國人借錢度日繼續消費。
邊個係最大債主？咪我哋中國人囉！真係威威！
佢話九十年代中，好多電訊設備製造商嘅生意出現高速增長。原因係啲下游前線科技公司生意多咗，當然就要用多啲電訊設備。
不過去到99年，啲人搵創投基金嘅錢開始亂開dotcom最瘋癲時，相信大家都仲記得 Amazon.com總裁嘅名言：「盈利完全唔重要！」咁呢啲dotcom訂電訊設備時會考慮嘅嘢，因資金太容易籌到，自然唔理啲生意應唔應該做。電訊設備定單金額嘅升幅，就開始同經濟現實脫節。
中國變大債主
當然，電訊設備商收到單照做，不知幾開心。令盈利增幅有如日出日落般穩定，亦因而令投資者覺得就算dotcom邊個最後勝利，電訊設備商先係大贏家，所以就將電訊設備商嘅市盈率越推越高。
到dotcom泡沫爆破嘅開端，電訊設備商因為要跑數畀投資者，就想盡辦法賣電訊設備。所以推出vendor financing，即設備商畀買家賒數慢慢還，最緊要設備一出門，就可以book數落簿當盈利，然後同股東講佢哋上季有幾咁勁！
最後點？因為 dotcom執笠，電訊設備商就要大幅撇賬，輸大錢出嚟話：「百年一遇水災呀！」
我國多年嚟靠出口花旗國食糊，最初花旗國因經濟增長令消費入口增加。
不過到九十年代尾，因股市大泡沫，花旗國人消費同進口開始同經濟動力脫鈎，當股市都爆埋，花旗國人借錢度日繼續消費。
邊個係最大債主？咪我哋中國人囉！真係威威！
穿21000要乜？
恒指勢如破竹，淡友仲因一路被殺平倉，變成上升嘅火箭燃料。我早排講過，當今世上已冇人敢再出聲叫人做淡，之前睇淡都係偷偷哋自己去做。費事嗰班跌市時會完全消失唔出聲變鵪鶉嘅人，大大聲笑你。
不過，去到上個禮拜，試問你附近仲有冇人做淡？偷偷哋想做都因彈盡糧絕而有心無力。
去到破萬九後，我覺得下個位將會喺21327點，因根據blogger Money Cafe，嗰個係恒指07年高位差不多32000點，同08年低位穿11000點嘅黃金比率。點解要信黃金比率？唔信，唔通用基本分析咩？點都好，全球任何資產價格齊上升，歸根究柢又可賴美元弱雞。
美滙指數，已由3月高位差不多嘅90點，跌穿79點。基本上，恒指係咪可以完全唔使理啲上市公司未來盈利，繼續盲目咁升，就係睇美元死唔死。
short in August？
美滙指數自從三月到o依家，走勢似典型下降三角形，底為78 點。如果跌穿，已有人話美滙指數會去到67點。當然，美滙指數如果唔穿78點，升破下降三角形，美元又再現強勢，亦遇到恒指到黃金比率，呢個可能係自08 年5月以嚟，最佳拋空機會。
5月18000點叫沽因覺唔值，8月21327點當然覺得更唔值。
唔通sell in May之後，就係short in August？
不過，去到上個禮拜，試問你附近仲有冇人做淡？偷偷哋想做都因彈盡糧絕而有心無力。
去到破萬九後，我覺得下個位將會喺21327點，因根據blogger Money Cafe，嗰個係恒指07年高位差不多32000點，同08年低位穿11000點嘅黃金比率。點解要信黃金比率？唔信，唔通用基本分析咩？點都好，全球任何資產價格齊上升，歸根究柢又可賴美元弱雞。
美滙指數，已由3月高位差不多嘅90點，跌穿79點。基本上，恒指係咪可以完全唔使理啲上市公司未來盈利，繼續盲目咁升，就係睇美元死唔死。
short in August？
美滙指數自從三月到o依家，走勢似典型下降三角形，底為78 點。如果跌穿，已有人話美滙指數會去到67點。當然，美滙指數如果唔穿78點，升破下降三角形，美元又再現強勢，亦遇到恒指到黃金比率，呢個可能係自08 年5月以嚟，最佳拋空機會。
5月18000點叫沽因覺唔值，8月21327點當然覺得更唔值。
唔通sell in May之後，就係short in August？
Sunday, July 26, 2009
HSI 21000 top?
If around 21000 is to be top (according to Fibonacci).
We need a massive strengthening of the US Dollar.
The chart below is a prediction (based on a descending triangle), that if the US Dollar Index were to break below 78.3, it will fall catastrophically to 67.
And if that happens, all kinds of crap will be forced sky high.
My guess is the US Dollar index will strengthen. Stock Markets around the world is driven by no attachment to future earnings.
Beware everyone. Keep an eye out for the USD.
Wednesday, July 22, 2009
淡友投降 見底定見頂？
Meredith Whitney，07年10月30日成為第一個大行分析員，出報告唱淡花旗銀行。當時，佢話花旗銀行將要減（淨係減咋！）派息或變賣資產去彌補達300億美元嘅虧損。一出報告被視為淡友。
當然，如果今時今日，花旗宣佈成個金融海嘯只輸300億，股價即升10倍，哈哈。點知上禮拜一走出嚟話可以策略性吸納銀行股，股市因佢「轉軚」大升。
Roubini，講嘢勁似芝麻街嘅吸血伯爵。06年尾走出嚟話花旗國銀行體系將會輸一萬億美元（one trillion），當時被主流批為嘩眾取寵，亦被確定為淡友。到今日，如果銀行體系真係只需一萬億就唔再資不抵債，唔好話花旗國政府，我國中央政府都會話：「咁平！我嚟救！」點知上禮拜四被人話佢覺得「最壞時刻已過」，搞到啲人話佢「轉軚」，股市即大升。
上周股市升到驚
唔要來路貨，陀地嘅都有。
例如有幾年前已大吹淡風，有港版「末日博士」之稱嘅交通銀行經濟師羅家聰，年初話恒指睇8000至10000。點知早前話個市今浪可升到冇人信嘅21000點。
講到淡友當然提吓自己。07年7月30日叫人140蚊一注獨沽滙豐，點知即升，三日後上電視鏡頭前俾青姐（胡孟青）用籐條打屁股。雖然今年五月叫人嚴守sell in May，又叫人一注獨沽港交所，點知個市上禮拜嘅升勢連孫柏文都驚，勁想掉頭叫人買升。
淡友已全部投降，你話見底定見頂？
當然，如果今時今日，花旗宣佈成個金融海嘯只輸300億，股價即升10倍，哈哈。點知上禮拜一走出嚟話可以策略性吸納銀行股，股市因佢「轉軚」大升。
Roubini，講嘢勁似芝麻街嘅吸血伯爵。06年尾走出嚟話花旗國銀行體系將會輸一萬億美元（one trillion），當時被主流批為嘩眾取寵，亦被確定為淡友。到今日，如果銀行體系真係只需一萬億就唔再資不抵債，唔好話花旗國政府，我國中央政府都會話：「咁平！我嚟救！」點知上禮拜四被人話佢覺得「最壞時刻已過」，搞到啲人話佢「轉軚」，股市即大升。
上周股市升到驚
唔要來路貨，陀地嘅都有。
例如有幾年前已大吹淡風，有港版「末日博士」之稱嘅交通銀行經濟師羅家聰，年初話恒指睇8000至10000。點知早前話個市今浪可升到冇人信嘅21000點。
講到淡友當然提吓自己。07年7月30日叫人140蚊一注獨沽滙豐，點知即升，三日後上電視鏡頭前俾青姐（胡孟青）用籐條打屁股。雖然今年五月叫人嚴守sell in May，又叫人一注獨沽港交所，點知個市上禮拜嘅升勢連孫柏文都驚，勁想掉頭叫人買升。
淡友已全部投降，你話見底定見頂？
CIT
今時今日啲花旗國金融機構嘅命途，真係有人今朝要執笠，又有人漏夜賺大錢。
孫柏文睇高盛業績，係好勁。咁呢邊廂高盛勁時，個邊廂就有CIT就死得。
金融機構輸錢唔使死，要去到執笠田地，永遠都係馬多夫個隻，即係好多個煲水滾，不過唔夠煲蓋。
百年老店執笠牽連大
百年老店CIT，一路以來用佢哋嘅江湖地位，以平息借短債，跟住掉轉頭放債。不過佢哋家陣應冇能力借新錢還舊債，因已被信貸市場判死刑。
CIT執笠關香港人咩事？CIT喺花旗國專做中小企生意，借錢畀超過30萬個零售商。試問特區又有幾多公司同花旗國做生意，當中又有幾多花旗國客戶靠CIT放數周轉？
冇錢周轉，又點還錢畀香港出口商？
佢哋話有人救，個CEO仲被封為神，不過你估CIT放咗嘅債未來表現會點？到時一樣冇錢，資不抵債。
有急單？收數時goodluck囉！
孫柏文睇高盛業績，係好勁。咁呢邊廂高盛勁時，個邊廂就有CIT就死得。
金融機構輸錢唔使死，要去到執笠田地，永遠都係馬多夫個隻，即係好多個煲水滾，不過唔夠煲蓋。
百年老店執笠牽連大
百年老店CIT，一路以來用佢哋嘅江湖地位，以平息借短債，跟住掉轉頭放債。不過佢哋家陣應冇能力借新錢還舊債，因已被信貸市場判死刑。
CIT執笠關香港人咩事？CIT喺花旗國專做中小企生意，借錢畀超過30萬個零售商。試問特區又有幾多公司同花旗國做生意，當中又有幾多花旗國客戶靠CIT放數周轉？
冇錢周轉，又點還錢畀香港出口商？
佢哋話有人救，個CEO仲被封為神，不過你估CIT放咗嘅債未來表現會點？到時一樣冇錢，資不抵債。
有急單？收數時goodluck囉！
人肉 road block
早前發生「人肉 road block」事件，朋友呢幾日議論紛紛、各有己見。
時間：90年代初。
地點：觀塘。
背景：葉繼歡揸住支AK47行街街……
人物：路人甲、差佬乙。
乙（跪地指住甲）：你你你，過來。
甲：咩事阿sir。好驚呀！
乙（指住乙與葉之間嘅行人路）：我要查你身份證，你企定喺度唔好郁，郁就拉你阻差辦公。
有人話鄧竟成係飛虎出身，只得四肢發達，我就話佢有諸葛孔明嘅智慧。因古有草船借箭，今有roadblock搶車。
時間：90年代初。
地點：觀塘。
背景：葉繼歡揸住支AK47行街街……
人物：路人甲、差佬乙。
乙（跪地指住甲）：你你你，過來。
甲：咩事阿sir。好驚呀！
乙（指住乙與葉之間嘅行人路）：我要查你身份證，你企定喺度唔好郁，郁就拉你阻差辦公。
有人話鄧竟成係飛虎出身，只得四肢發達，我就話佢有諸葛孔明嘅智慧。因古有草船借箭，今有roadblock搶車。
Friday, July 17, 2009
Thursday, July 16, 2009
Tuesday, July 14, 2009
Monday, July 13, 2009
綜援集團交差記
禮拜六朝早九點，孫柏文代表獅子山學會到立法會討論關於「市民大眾對綜合社會保障援助受助人的看法」，即係講社會歧視綜援戶嘅問題。
去嘅原因，係因為我哋覺得唔可以再有另一個「黃葵香」，唔可以再有有鬥心脫離綜援嘅人，被政府逼死。
佢被逼死嘅原因，係因為社署喺社會壓力下，要啲某時段收入超標嘅人嘔番啲攞咗嘅綜援津貼出嚟。
咁我哋嘅建議係每個港人可以喺18至65歲嗰47年間，攞某期數限嘅綜援津貼，例如可總共攞260個禮拜。
點解？依家嘅制度，理論上可無止境咁攞，令社會覺得會有綜援戶抱住「唔攞就嘥」嘅心態，令自己墮入綜援制度，安全網變蜘蛛網。亦因社會有咁嘅感覺，逼到政府要攞綜援嘅人面對非常繁複、官僚式嘅高門檻先攞得綜援。
設期數降門檻
亦因為咁，好似黃葵香呢啲想脫離綜援嘅人，雖然有鬥心，但喺勞動人口嘅邊緣，工作穩定性好低，一旦放棄綜援，好驚上唔番車，唔敢同社署講佢有一份可能好快又冇嘅工。悲劇結果係一旦被揭，就會被逼死。
不過如果設期數限制（期數當然可再傾），社會就會覺得綜援戶攞嘅津貼，對於佢哋個人嚟講係有限資源，攞一期就少一期，自然會珍惜。
到時候，政府可大幅簡化攞綜援嘅程序同降低門檻，令自覺有需要嘅人得到幫忙，呢期冇需要就唔攞，黃葵香亦唔會被政府逼死。
咁在場嘅其他綜援既得利益集團代表點睇？佢哋只係不斷話社會嘅歧視，係因政府播過兩段宣傳片，而解決歧視嘅方法，就係政府再拍多段「攞綜援ok」片。
冇錯，我都係諗what the fuck。
你，究竟係想求其交差同人講你做咗嘢？定真係想幫綜援戶？
去嘅原因，係因為我哋覺得唔可以再有另一個「黃葵香」，唔可以再有有鬥心脫離綜援嘅人，被政府逼死。
佢被逼死嘅原因，係因為社署喺社會壓力下，要啲某時段收入超標嘅人嘔番啲攞咗嘅綜援津貼出嚟。
咁我哋嘅建議係每個港人可以喺18至65歲嗰47年間，攞某期數限嘅綜援津貼，例如可總共攞260個禮拜。
點解？依家嘅制度，理論上可無止境咁攞，令社會覺得會有綜援戶抱住「唔攞就嘥」嘅心態，令自己墮入綜援制度，安全網變蜘蛛網。亦因社會有咁嘅感覺，逼到政府要攞綜援嘅人面對非常繁複、官僚式嘅高門檻先攞得綜援。
設期數降門檻
亦因為咁，好似黃葵香呢啲想脫離綜援嘅人，雖然有鬥心，但喺勞動人口嘅邊緣，工作穩定性好低，一旦放棄綜援，好驚上唔番車，唔敢同社署講佢有一份可能好快又冇嘅工。悲劇結果係一旦被揭，就會被逼死。
不過如果設期數限制（期數當然可再傾），社會就會覺得綜援戶攞嘅津貼，對於佢哋個人嚟講係有限資源，攞一期就少一期，自然會珍惜。
到時候，政府可大幅簡化攞綜援嘅程序同降低門檻，令自覺有需要嘅人得到幫忙，呢期冇需要就唔攞，黃葵香亦唔會被政府逼死。
咁在場嘅其他綜援既得利益集團代表點睇？佢哋只係不斷話社會嘅歧視，係因政府播過兩段宣傳片，而解決歧視嘅方法，就係政府再拍多段「攞綜援ok」片。
冇錯，我都係諗what the fuck。
你，究竟係想求其交差同人講你做咗嘢？定真係想幫綜援戶？
--------------------------------
The mild as crap 政府宣傳片
The mild as crap 政府宣傳片
Saturday, July 11, 2009
Friday, July 10, 2009
我挺曾特首！
好聽！孫柏文建議大家上港台網站嘅「立法會直擊」網頁，睇吓7月7日行政長官答問會。
高潮應喺第59分鐘開始，李永達問特首關於二氧化碳排放，就用「鬼佬好Q勁、我哋食晒屎」嘅一貫策略，講到英國政府幾咁巴閉、幾咁正視呢個問題。
點知我呢個政治家界師弟曾蔭權答：「平均每人每年嘅碳排放量，香港就6噸，英國就11噸……」我聽到呢度，即刻拍晒手。
最慘特首唔係社民連成員，如果唔係特首一聲：「李永達！」紅衫軍就會嗌：「收皮！」之後就只聽到，李永達，收皮！李永達，收皮！
其實，我對李永達最失望嘅地方，係佢覺得立法要喺某某年減到幾多幾多嘅二氧化碳排放就搞掂。好，就算畀你通過到，嗰年唔達標點算？係咪報警拉晒所有排出二氧化碳嘅人？（真係拉晒嘅話，何其壯觀啊！）
頭先已講過，香港碳排放比每一元嘅經濟生產，其實世界首屈一指。不過你話要再少，當然可以。
促減油稅 民主黨唔環保
外國同特區一樣，交通係碳排放嘅大源頭，咁要減少燒油，最好就係每重量單位嘅燃油加稅、加價（外國話咩cap and trade，其實係因抽油稅太難，而變出嚟嘅怪胎）。不論係私人、運輸、公共交通，全部都要抽。
咁我咪google「民主黨」、「燃油稅」，睇吓佢哋之前講加幾多稅。一睇，oh shit！李永達代表民主黨，喺08年6月建議減收一半燃油稅同免柴油稅。
嘩！好彩係我師弟做特首而唔係李永達。如果唔係，唔好話啲環保分子想「通緝」佢，我相信Greenpeace會學鄭家富嗰隻毋須審訊即行刑嘅司法思維，將李永達「當場槍斃」。
高潮應喺第59分鐘開始，李永達問特首關於二氧化碳排放，就用「鬼佬好Q勁、我哋食晒屎」嘅一貫策略，講到英國政府幾咁巴閉、幾咁正視呢個問題。
點知我呢個政治家界師弟曾蔭權答：「平均每人每年嘅碳排放量，香港就6噸，英國就11噸……」我聽到呢度，即刻拍晒手。
最慘特首唔係社民連成員，如果唔係特首一聲：「李永達！」紅衫軍就會嗌：「收皮！」之後就只聽到，李永達，收皮！李永達，收皮！
其實，我對李永達最失望嘅地方，係佢覺得立法要喺某某年減到幾多幾多嘅二氧化碳排放就搞掂。好，就算畀你通過到，嗰年唔達標點算？係咪報警拉晒所有排出二氧化碳嘅人？（真係拉晒嘅話，何其壯觀啊！）
頭先已講過，香港碳排放比每一元嘅經濟生產，其實世界首屈一指。不過你話要再少，當然可以。
促減油稅 民主黨唔環保
外國同特區一樣，交通係碳排放嘅大源頭，咁要減少燒油，最好就係每重量單位嘅燃油加稅、加價（外國話咩cap and trade，其實係因抽油稅太難，而變出嚟嘅怪胎）。不論係私人、運輸、公共交通，全部都要抽。
咁我咪google「民主黨」、「燃油稅」，睇吓佢哋之前講加幾多稅。一睇，oh shit！李永達代表民主黨，喺08年6月建議減收一半燃油稅同免柴油稅。
嘩！好彩係我師弟做特首而唔係李永達。如果唔係，唔好話啲環保分子想「通緝」佢，我相信Greenpeace會學鄭家富嗰隻毋須審訊即行刑嘅司法思維，將李永達「當場槍斃」。
擒芒塞賣的！又有新作品！
高登麻甩筆神「擒芒塞賣的！」又有新作。
可喜可賀！以下就係佢嘅新作...
我本身唔係曼迷. 不過鍾意睇英超
隊隊波都睇
我有個friend就做左三十年利物浦迷....
今朝同佢食早餐....由奧雲講起曼聯
我
佢
曼聯上兩年其實踢得幾好....特別係前年拎歐聯果年
勁乜撚, 成鳩日贏埋d付錄波, 99年果年已經付錄贏, 果次又係咁撚樣
咁就算決賽付錄...你都要碌到入決賽架....
屌, 佢地成日都靠運贏波架啦, 場場都係咁
運氣不嬲都係比賽既一部分黎架啦....
食屎啦曼聯, 真係好撚柒, 成日贏埋d 1:0既鳩波, 扮頂班馬
贏波拎3分咪得囉.....1:0都要你唔失波先得架
屌, 場場波打12個人點會失波呀
乜撚野12個人?
球證囉, 成鳩日收買球證, 打埋晒d假波
點解咁講呢?
十二碼又唔罰, 落後就送球十二碼俾佢, 想唔拎三分都唔得啦
有告過佢打假波咩?好似祖記咁
屌, 祖記可能無俾錢足協, 所以先咁既下場, 曼聯大把錢
...............
最撚憎曼聯.....無啦啦俾佢付錄拎兩季英超...
平左利記紀錄喎, 下季好睇喇
利物浦d英超係健康波, 曼聯果d買番黎既
屌....你到底有無睇曼聯d比賽架...成鳩日假波假波
無, 一場都無睇過
![[sosad]](https://lh3.googleusercontent.com/blogger_img_proxy/AEn0k_v4G_hValfSSrnlHHjXYELmTuE4lacSQI-qQr5MG3OmznCi2Z56PUtDMtFz5NQwt7YZvjYvxzFQUgrFh-wOGF5KnB4J2IMkXArZwZJRSw=s0-d)
冇錯，繼續呼籲佢老哥有定期嘅作品。
可喜可賀！以下就係佢嘅新作...
----------------------
我本身唔係曼迷. 不過鍾意睇英超
隊隊波都睇
我有個friend就做左三十年利物浦迷....
今朝同佢食早餐....由奧雲講起曼聯
我
佢
曼聯上兩年其實踢得幾好....特別係前年拎歐聯果年 勁乜撚, 成鳩日贏埋d付錄波, 99年果年已經付錄贏, 果次又係咁撚樣 咁就算決賽付錄...你都要碌到入決賽架.... 屌, 佢地成日都靠運贏波架啦, 場場都係咁 運氣不嬲都係比賽既一部分黎架啦.... 食屎啦曼聯, 真係好撚柒, 成日贏埋d 1:0既鳩波, 扮頂班馬 贏波拎3分咪得囉.....1:0都要你唔失波先得架 屌, 場場波打12個人點會失波呀 乜撚野12個人? 球證囉, 成鳩日收買球證, 打埋晒d假波 點解咁講呢? 十二碼又唔罰, 落後就送球十二碼俾佢, 想唔拎三分都唔得啦 有告過佢打假波咩?好似祖記咁 屌, 祖記可能無俾錢足協, 所以先咁既下場, 曼聯大把錢 ............... 最撚憎曼聯.....無啦啦俾佢付錄拎兩季英超... 平左利記紀錄喎, 下季好睇喇 利物浦d英超係健康波, 曼聯果d買番黎既 屌....你到底有無睇曼聯d比賽架...成鳩日假波假波 無, 一場都無睇過 ----------------------
冇錯，繼續呼籲佢老哥有定期嘅作品。
Thursday, July 09, 2009
環保影帝邱騰華
財經演員大家就聽得多，原來特區有好多人同組織，用環保呢個概念搵着數，手持劇本當環保演員做show。
噚日孫柏文睇電視，得出嘅結論就係，眾多演員當中，環保影帝非邱騰華莫屬。
我自己都喺公仔箱示範過，膠袋稅推出後，如何令人用更多塑膠。
例如，製造商會先自行用有手抽裝置嘅膠袋，袋好啲產品，令以前一個膠袋袋五件產品，變成今日用五個膠袋。
就算你有自備不織布袋，變成係用不織布袋袋五件產品加五個膠袋。
當然，呢啲製造商嘅應變措施，就係邱騰華所講嘅「走法律罅」。咁點解要封邱騰華做環保影帝？
噚日，電視報道環保影帝出巡嘅新聞時，開始時鏡頭影住影帝手摸一袋啱啱提過，製造商預先包住產品、有手抽裝置嘅膠袋，點知鏡頭一閃去到邱騰華講嘢時，佢話：「未發覺有人取巧。」
口不對手
我第一個反應係：「唔通佢係盲嘅？」
不過再諗就：「唔係喎，佢係親自用手摸，盲嘅都知係膠袋啦！」
唯一解釋，就係阿影帝佢講嘢，係編劇寫嘅台詞。
編劇寫嘅稿，以影帝嘅專業演員操守，係唔會爆肚亂改。
講真，邱騰華好似某19世紀末嘅後生英國高官一樣，好多動作，不過好多時做嘅嘢危害大英帝國嘅管治同認受性。
當時啲人批評佢嘅說話，絕對適用於環保影帝身上，邱騰華is a young man in a hurry。
噚日孫柏文睇電視，得出嘅結論就係，眾多演員當中，環保影帝非邱騰華莫屬。
我自己都喺公仔箱示範過，膠袋稅推出後，如何令人用更多塑膠。
例如，製造商會先自行用有手抽裝置嘅膠袋，袋好啲產品，令以前一個膠袋袋五件產品，變成今日用五個膠袋。
就算你有自備不織布袋，變成係用不織布袋袋五件產品加五個膠袋。
當然，呢啲製造商嘅應變措施，就係邱騰華所講嘅「走法律罅」。咁點解要封邱騰華做環保影帝？
噚日，電視報道環保影帝出巡嘅新聞時，開始時鏡頭影住影帝手摸一袋啱啱提過，製造商預先包住產品、有手抽裝置嘅膠袋，點知鏡頭一閃去到邱騰華講嘢時，佢話：「未發覺有人取巧。」
口不對手
我第一個反應係：「唔通佢係盲嘅？」
不過再諗就：「唔係喎，佢係親自用手摸，盲嘅都知係膠袋啦！」
唯一解釋，就係阿影帝佢講嘢，係編劇寫嘅台詞。
編劇寫嘅稿，以影帝嘅專業演員操守，係唔會爆肚亂改。
講真，邱騰華好似某19世紀末嘅後生英國高官一樣，好多動作，不過好多時做嘅嘢危害大英帝國嘅管治同認受性。
當時啲人批評佢嘅說話，絕對適用於環保影帝身上，邱騰華is a young man in a hurry。
Monday, July 06, 2009
個仔叫Wealthee幾好
哨牙通爭千億遺產嘅訴訟正審到如火如荼。好多（甚至太多）details流出，聽落難頂，不過又繼續聽。
其中一個好多人講嘅花邊新聞，就係哨牙通將個仔改名為Wealthee。
經過孫柏文嚴正嘅非正式調查，所有人嘅反應係：「真係好cheap呀！咁貪錢！」我每次聽到咁嘅反應都覺得怪，因為想個仔發達有咩問題？
雖然，Wealthee呢個名係少少非主流，不過咁改名有大把前科。
例如生個仔，好希望佢戰無不勝，咪幫佢改名為Victor。生第二個時，想佢發達咪叫佢做Rich囉！
嗰個大仔叫 Victor、二仔叫Rich嘅仁兄，我又唔見佢同人因金錢糾紛打官司時，會被對方將佢兩個仔嘅名作為證明佢「有問題」嘅證據。
你班覺得叫 Wealthee好cheap，不過叫Rich就冇問題嘅人，真係一世叻極都係做中產。
花旗黑人哲學家Chris Rock曾經講過，wealthy同rich嘅分別，佢話籃球員Shaquille O'Neal（過往6年年薪2000萬美元）就係rich，不過出糧畀佢嗰個班主就係wealthy。
Rich嘅財富係一代即散，wealthy先能世代相傳。
勝在好記易搵
再講，英文叫Wealthee就反感，咁你要問吓自己識唔識人個中文名有「發」、「財」、「利」、「豪」、「富」等字？
最後，Wealthee呢個名有個大好處，就係好易google，第時要做保險經紀，啲客好易搵到你。
其中一個好多人講嘅花邊新聞，就係哨牙通將個仔改名為Wealthee。
經過孫柏文嚴正嘅非正式調查，所有人嘅反應係：「真係好cheap呀！咁貪錢！」我每次聽到咁嘅反應都覺得怪，因為想個仔發達有咩問題？
雖然，Wealthee呢個名係少少非主流，不過咁改名有大把前科。
例如生個仔，好希望佢戰無不勝，咪幫佢改名為Victor。生第二個時，想佢發達咪叫佢做Rich囉！
嗰個大仔叫 Victor、二仔叫Rich嘅仁兄，我又唔見佢同人因金錢糾紛打官司時，會被對方將佢兩個仔嘅名作為證明佢「有問題」嘅證據。
你班覺得叫 Wealthee好cheap，不過叫Rich就冇問題嘅人，真係一世叻極都係做中產。
花旗黑人哲學家Chris Rock曾經講過，wealthy同rich嘅分別，佢話籃球員Shaquille O'Neal（過往6年年薪2000萬美元）就係rich，不過出糧畀佢嗰個班主就係wealthy。
Rich嘅財富係一代即散，wealthy先能世代相傳。
勝在好記易搵
再講，英文叫Wealthee就反感，咁你要問吓自己識唔識人個中文名有「發」、「財」、「利」、「豪」、「富」等字？
最後，Wealthee呢個名有個大好處，就係好易google，第時要做保險經紀，啲客好易搵到你。
---------------------------------------------
黑人哲學家Chris Rock講
wealthy 同 rich 嘅分別
黑人哲學家Chris Rock講
wealthy 同 rich 嘅分別
Friday, July 03, 2009
金手指貼士第二季總結
7月第二個交易日，係時候總結金手指篤過嘅「一注獨贏」貼士。可以用16個字總結，「全部齊升、beta皆一」。以下係09年第三季嘅展望。
白銀：今時今日，每一次有舉足輕重嘅債仔出事，令債主要求高回報先肯放新債，聯儲局就會做保證人。
如果做保證人都唔夠，就會自己借錢畀嗰啲冇人肯出手相助嘅債仔。不論係單一金融機構例如AIG、花旗，或經「量化政策」畀聯邦政府，甚至提供125%按揭畀業主群，通通都係聯儲局印鈔票「借」嘅。
好多人話印鈔票冇問題，因為只要經濟好轉時抽番啲水出嚟就得。問題係，如果啲債仔還唔到，抽咩呢？錢攞咗出嚟，冇得返轉頭，能保持不變狀嘅嘢（例如白銀）只要一爆通脹，就難收拾殘局。
孫柏文作為白銀戰隊隊長，維持原本建議：強力買入。
目標價：120美元一盎斯。
有效期至：2016年3月6日。
中油香港（135）：返家鄉，所以我亦喺6月17日撤銷「一注獨贏中油香港」嘅建議。幾千股票中，有幾多能重返我建議日07年10月25日嘅價？
港交所年底見$62.85
港交所（388）：5月13日建議大家「一注獨沽港交所」。今年下半年，當人民銀行因呆壞賬爆發而收緊發債時，依家呢個「唔講基本因素，只談資金湧入」嘅股市就散。成交量跌，港交所重傷。
維持目標價：62.85 元。
年期：至09年12月31日。
白銀：今時今日，每一次有舉足輕重嘅債仔出事，令債主要求高回報先肯放新債，聯儲局就會做保證人。
如果做保證人都唔夠，就會自己借錢畀嗰啲冇人肯出手相助嘅債仔。不論係單一金融機構例如AIG、花旗，或經「量化政策」畀聯邦政府，甚至提供125%按揭畀業主群，通通都係聯儲局印鈔票「借」嘅。
好多人話印鈔票冇問題，因為只要經濟好轉時抽番啲水出嚟就得。問題係，如果啲債仔還唔到，抽咩呢？錢攞咗出嚟，冇得返轉頭，能保持不變狀嘅嘢（例如白銀）只要一爆通脹，就難收拾殘局。
孫柏文作為白銀戰隊隊長，維持原本建議：強力買入。
目標價：120美元一盎斯。
有效期至：2016年3月6日。
中油香港（135）：返家鄉，所以我亦喺6月17日撤銷「一注獨贏中油香港」嘅建議。幾千股票中，有幾多能重返我建議日07年10月25日嘅價？
港交所年底見$62.85
港交所（388）：5月13日建議大家「一注獨沽港交所」。今年下半年，當人民銀行因呆壞賬爆發而收緊發債時，依家呢個「唔講基本因素，只談資金湧入」嘅股市就散。成交量跌，港交所重傷。
維持目標價：62.85 元。
年期：至09年12月31日。
Tuesday, June 30, 2009
上海冧樓的大贏家
周末時分，孫柏文聽新聞報道話上海有個差唔多完工嘅樓盤，突然有一棟冧咗落嚟。
好彩冧樓暫時係個別事件，如果唔係就有如73年搵到假合和（054）股票一樣，個個投資者對手上嘅貨突然充滿懷疑，唔理好醜先沽後查，最後令價格大跌。
作為一個盡責嘅傳媒工作者，我再深入調查，睇吓邊個係發展商，諗住沽爆佢嘅股票。點知睇睇吓，沽咩就未知，不過就有間公司我好想入股。
反宣傳玻璃襟用
邊間？大家睇啲冧樓相就會發現棟樓雖然瞓低，但本身都幾完整。
《東南西北》宋以朗觀察到啲玻璃都冇乜點爛。十幾層樓高跌落嚟！勁襟用！
可惜發展商唔出名，仲未搵到邊個係玻璃供應商，一查到我會即刻為大家報料。
其實，呢啲貌似壞消息嘅事件，好可能就係你隻產品最好嘅宣傳機會。
不過如果你啲PR廢（特區有好多廢柴PR）就分分鐘幫你倒米。
幾年前喺洛杉磯某路口，一個啱啱喺便利店做世界嘅持槍劫匪搶走一部停低等轉燈嘅 Land Rover。女司機被迫落車後，劫匪就高速逃離現場，同全城嘅差佬展開追逐戰。
呢啲追逐戰，久不久發生，亦係當地電視台最鍾意現場直播嘅「節目」。
當日，電視台用直升機一路直播差佬屢次失敗嘅過程，整地釘、開槍「啡」，架Land Rover得番一條胎都繼續成功避開攔截。
如果Land Rover係用啲特區典型三流PR，填鴨式訓練出嚟，唔做嘢會肚痛，實會即刻打電話畀各大傳媒，希望佢哋唔好做得「咁大」。
一流嘅PR又點？乜都唔做。
事關之後Land Rover喺洛杉磯區嘅銷量升咗4倍。
點解？差佬都要出九牛二虎之力先停到，仲唔襟用咩？
好彩冧樓暫時係個別事件，如果唔係就有如73年搵到假合和（054）股票一樣，個個投資者對手上嘅貨突然充滿懷疑，唔理好醜先沽後查，最後令價格大跌。
作為一個盡責嘅傳媒工作者，我再深入調查，睇吓邊個係發展商，諗住沽爆佢嘅股票。點知睇睇吓，沽咩就未知，不過就有間公司我好想入股。
反宣傳玻璃襟用
邊間？大家睇啲冧樓相就會發現棟樓雖然瞓低，但本身都幾完整。
《東南西北》宋以朗觀察到啲玻璃都冇乜點爛。十幾層樓高跌落嚟！勁襟用！
可惜發展商唔出名，仲未搵到邊個係玻璃供應商，一查到我會即刻為大家報料。
其實，呢啲貌似壞消息嘅事件，好可能就係你隻產品最好嘅宣傳機會。
不過如果你啲PR廢（特區有好多廢柴PR）就分分鐘幫你倒米。
幾年前喺洛杉磯某路口，一個啱啱喺便利店做世界嘅持槍劫匪搶走一部停低等轉燈嘅 Land Rover。女司機被迫落車後，劫匪就高速逃離現場，同全城嘅差佬展開追逐戰。
呢啲追逐戰，久不久發生，亦係當地電視台最鍾意現場直播嘅「節目」。
當日，電視台用直升機一路直播差佬屢次失敗嘅過程，整地釘、開槍「啡」，架Land Rover得番一條胎都繼續成功避開攔截。
如果Land Rover係用啲特區典型三流PR，填鴨式訓練出嚟，唔做嘢會肚痛，實會即刻打電話畀各大傳媒，希望佢哋唔好做得「咁大」。
一流嘅PR又點？乜都唔做。
事關之後Land Rover喺洛杉磯區嘅銷量升咗4倍。
點解？差佬都要出九牛二虎之力先停到，仲唔襟用咩？
Friday, June 26, 2009
差佬數示威人數
一般嚟講，Incentive正式譯為「誘因」，但如果你教人嗰陣真係咁譯，只會反映你冇心機。其實，孫柏文自細開始就幫啲讀經濟學嘅人補習，到o依家仲有。
我覺得譯incentive呢個字，譯得最好肯定係陶傑兄嘅「有咩鼓勵」。
咁喺眾多學生當中，有時我會教啲住喺新界，想上進嘅邊青。
我成日同佢哋講，要威、要型就要明白啲嘢點解發生，唔知就柒牌男裝（真係有咁嘅品牌）由頭着到腳。
做得邊青就會出夜街，咁住得新界又出夜街嘅就肯定熟悉小巴運作。
我問佢哋：「我跟住架綠wan喺屯門公路中線開車，見綠wan嘅時速顯示80。突然有3架紅wan喺快線閃過，用經濟學分析，點解？」佢哋每次答：「有incentive！」我就會好安慰。
前日，隔籬嘅同事高明輝突然問：「喂！你話禮拜日遊行《蘋果》數嘅人數，會唔會少過警方公佈嘅人數呢？」事實屢次證明，《蘋果》數示威人數全球最準，特別係比啲差佬準。原因係我哋資源充足，會派人企定數晒所有參與嘅人。
啲差佬就唔同，佢哋唔夠人所以如果遊行喺3:00pm開始，數到3:05pm就要調走數人數嘅同事去做其他嘢。
自己遊行點計數
點都好，用番頭先教邊青嘅例子。如果啲差佬真係為咗海嘯中加薪，自己去遊行（聽講流產咗），喺數人頭方面，一下子由綠wan變紅wan，仲唔去到盡，顯示牌嘟、嘟聲？
我覺得譯incentive呢個字，譯得最好肯定係陶傑兄嘅「有咩鼓勵」。
咁喺眾多學生當中，有時我會教啲住喺新界，想上進嘅邊青。
我成日同佢哋講，要威、要型就要明白啲嘢點解發生，唔知就柒牌男裝（真係有咁嘅品牌）由頭着到腳。
做得邊青就會出夜街，咁住得新界又出夜街嘅就肯定熟悉小巴運作。
我問佢哋：「我跟住架綠wan喺屯門公路中線開車，見綠wan嘅時速顯示80。突然有3架紅wan喺快線閃過，用經濟學分析，點解？」佢哋每次答：「有incentive！」我就會好安慰。
前日，隔籬嘅同事高明輝突然問：「喂！你話禮拜日遊行《蘋果》數嘅人數，會唔會少過警方公佈嘅人數呢？」事實屢次證明，《蘋果》數示威人數全球最準，特別係比啲差佬準。原因係我哋資源充足，會派人企定數晒所有參與嘅人。
啲差佬就唔同，佢哋唔夠人所以如果遊行喺3:00pm開始，數到3:05pm就要調走數人數嘅同事去做其他嘢。
自己遊行點計數
點都好，用番頭先教邊青嘅例子。如果啲差佬真係為咗海嘯中加薪，自己去遊行（聽講流產咗），喺數人頭方面，一下子由綠wan變紅wan，仲唔去到盡，顯示牌嘟、嘟聲？
中國人不如洋人狗？
前日，孫柏文睇我哋壹網站，睇到條新聞短片關於兩頭由港交所（388）獨立非執董莊偉林養嘅洋狗。話莊偉林一家同佢哋兩隻金毛尋回犬行山（喺熱帶養長毛狗？仲要唔剪毛？仲要33度行山？）點知兩狗中暑，先昏迷，後升仙。
據旁述，莊偉林見狗昏迷所以報警，而政府派出飛行服務隊去拯救。唔知係咪以前做分析員嘅職業病，個腦忍唔住即刻開始計數。根據以前政府叫人唔好濫用救護車嘅 propaganda，救護車每次出動，成本要幾千蚊。
走地嘅都幾千，用直升機至少要兩萬蚊。
雖然冇吊走啲狗，亦冇降落，不過我又諗，如果吊個當值醫生落去，佢一睇到會唔會話：「頂！我醫人唔係醫狗！」
點都好，兩萬蚊呢個數不斷喺我個腦盤旋，之前旺角巴士撞小巴意外，其中一名傷者被送往伊利沙伯醫院急症室後，醫管局要佢屋企人畀兩萬銀先肯用某隻藥去救。唔通中國人不如洋人狗？
各自為政嘥資源
再睇其他媒體，先知莊偉林當時兵荒馬亂（打得999好少唔會），令救急隊誤以為有人出事。之後一知唔關人事，就收起直升機。
最後想講，當飛行服務隊以幾萬蚊成本，成功英勇救人到醫院，最怕係醫院要你畀錢先出急藥。咁可能將飛行隊用咗嘅資源嘥咗。不過冇辦法，拯救隊嘅budget同醫管局嘅budget係分開o架嘛！
據旁述，莊偉林見狗昏迷所以報警，而政府派出飛行服務隊去拯救。唔知係咪以前做分析員嘅職業病，個腦忍唔住即刻開始計數。根據以前政府叫人唔好濫用救護車嘅 propaganda，救護車每次出動，成本要幾千蚊。
走地嘅都幾千，用直升機至少要兩萬蚊。
雖然冇吊走啲狗，亦冇降落，不過我又諗，如果吊個當值醫生落去，佢一睇到會唔會話：「頂！我醫人唔係醫狗！」
點都好，兩萬蚊呢個數不斷喺我個腦盤旋，之前旺角巴士撞小巴意外，其中一名傷者被送往伊利沙伯醫院急症室後，醫管局要佢屋企人畀兩萬銀先肯用某隻藥去救。唔通中國人不如洋人狗？
各自為政嘥資源
再睇其他媒體，先知莊偉林當時兵荒馬亂（打得999好少唔會），令救急隊誤以為有人出事。之後一知唔關人事，就收起直升機。
最後想講，當飛行服務隊以幾萬蚊成本，成功英勇救人到醫院，最怕係醫院要你畀錢先出急藥。咁可能將飛行隊用咗嘅資源嘥咗。不過冇辦法，拯救隊嘅budget同醫管局嘅budget係分開o架嘛！
Monday, June 22, 2009
Who is the Stig?
My all time favourite show about cars on this planet is Top Gear.
I went to their live show right here in Hong Kong.
Bought a T shirt that says
"I am the Stig" (here is what the Stig does and his role on the show)
For I am the Stig (thats what I tell everyone)
But finally, the Stig's true identity has been revealed.
Or is he really? Is this a hoax by Top Gear on all of its fans?
先北電 後電盈
孫柏文有好幾個朋友細細個移民加拿大。佢哋當然帶咗香港小朋友最優良嘅習慣過去，就係炒炒賣賣。
當年我就炒盈科數碼動力，而佢哋都有隻異曲同工嘅high tech、揩嘢泡沫股，就係北電Nortel。
你唔知間嘢以前有幾勁嘅話，自己上網睇。(from wikipedia:At its height, Nortel accounted for more than a third of the total valuation of all the companies listed on the Toronto Stock Exchange (TSX). )
點解今日講北電？之前4月27日，《金手指》寫咗篇題為「電盈目標價：$0」嘅文，之後啲人又喺度鬧「譁眾取寵！」「駁收視！」。
噚日，北電宣佈清盤，公司支解。祝電盈股東好運。
當年我就炒盈科數碼動力，而佢哋都有隻異曲同工嘅high tech、揩嘢泡沫股，就係北電Nortel。
你唔知間嘢以前有幾勁嘅話，自己上網睇。(from wikipedia:At its height, Nortel accounted for more than a third of the total valuation of all the companies listed on the Toronto Stock Exchange (TSX). )
點解今日講北電？之前4月27日，《金手指》寫咗篇題為「電盈目標價：$0」嘅文，之後啲人又喺度鬧「譁眾取寵！」「駁收視！」。
噚日，北電宣佈清盤，公司支解。祝電盈股東好運。
「前瞻性指標」
大家今時今日睇數據去估轉勢時，一定要記得今次海嘯嘅源頭花旗國樓市，係由二戰以來第一次下跌而引起。即係所有由二戰之後嘅「前瞻性指標」，啲前瞻功能都可能冇效。
例如，上個禮拜五公佈嘅「持續領取失業救濟金人數」係喺21個禮拜來第一次跌。如果你覺得係好事兼轉勢訊號，咁就大錯特錯。
失業救濟金最長派26周
之前，持續領取失業救濟金人數下跌嘅原因，係因啲人開始搵到工，即經濟轉好。不過今時今日數字跌，係因為花旗國福利制度唔會養人過世，政府平均最長只會派26個禮拜救濟金，用完即止。依家數字跌，係因啲人已開始到冇得再攞嘅階段。
好事？
轉勢？
你諗你囉。
例如，上個禮拜五公佈嘅「持續領取失業救濟金人數」係喺21個禮拜來第一次跌。如果你覺得係好事兼轉勢訊號，咁就大錯特錯。
失業救濟金最長派26周
之前，持續領取失業救濟金人數下跌嘅原因，係因啲人開始搵到工，即經濟轉好。不過今時今日數字跌，係因為花旗國福利制度唔會養人過世，政府平均最長只會派26個禮拜救濟金，用完即止。依家數字跌，係因啲人已開始到冇得再攞嘅階段。
好事？
轉勢？
你諗你囉。
想節能 輪胎能
繼「成龍、崖上的波兒」MTV 推廣策略，成功引我抽一手霸王（1338）之後。
又有另一廣告，成功運用互聯網文化去推產品，同令用戶清楚認知產品嘅特點。
咩廣告？就係古天樂賣 Yokohama車胎嘅廣告。我原本仲估係泰文廣告，因為古天樂讀個廣告口號時話：「想杰撚，撚胎撚。」點知原來係普通話。
咁我當然想知究竟古天樂講過乜，所以就再睇。好彩有字幕，完來係「想節能，輪胎能。」
大家可能笑古天樂講普通話唔準，不過大家又要同時承認真係記得Yokohama有隻車胎係特別慳油。仲要已有人扮古天樂個廣告，不斷重複Yokohama想你知嘅訊息。
搵古天樂拍呢個廣告嘅職員，升職加薪啦！
Karaoke Version
又有另一廣告，成功運用互聯網文化去推產品，同令用戶清楚認知產品嘅特點。
咩廣告？就係古天樂賣 Yokohama車胎嘅廣告。我原本仲估係泰文廣告，因為古天樂讀個廣告口號時話：「想杰撚，撚胎撚。」點知原來係普通話。
咁我當然想知究竟古天樂講過乜，所以就再睇。好彩有字幕，完來係「想節能，輪胎能。」
大家可能笑古天樂講普通話唔準，不過大家又要同時承認真係記得Yokohama有隻車胎係特別慳油。仲要已有人扮古天樂個廣告，不斷重複Yokohama想你知嘅訊息。
搵古天樂拍呢個廣告嘅職員，升職加薪啦！
監管改革死硬原因
天下政客一樣黑。大家見到孫柏文咁寫，可能會話：「你都選過立法會，咪即係一樣咁衰！」錯！我唔係政客，我同曾特首一樣都係政治家。仲因我自稱係政治家嘅時間比佢早，所以係佢師兄。
講番啲政客，例如李卓人，政客只有一個目標，就係選舉要贏。而要喺有自由傳媒嘅地方贏選舉，就一定要有錢。
跛腳鴨舉步為艱
因為選舉中，一定有傳媒機構會懶中立咁抹黑你，唯一能夠還自己一個清白嘅方法，就係自己賣廣告繞過傳媒「報道」，直接同選民講自己係點。呢個現象喺花旗國就最明顯。
就係因花旗國選舉要咁多錢，我可以話前晚花旗國奧巴馬政權推出嘅「金融監管機構改革」好大機會通過唔到。
點解？首先，奧巴馬已開始染有濃烈嘅跛腳鴨味道。佢剩番落來嘅政治籌碼，應該喺醫療改革度用盡（仲要失敗而回）。
佢將會成為跛腳鴨嘅其中一個主要原因，係佢一上任之後嘅「加大政府開資去救市嘅方案」，令財赤大到迫長息飆高，令花旗國人更難借錢，選民雖然唔可以好快通過投票箱直接懲罰佢，不過可以出年懲罰嗰啲支持過佢嘅國會議員。
不過更會令「金監改革」敗北嘅理由，係因監管啲監管機構嘅國會（參議院Senate）小組全部唔同晒。你突然話取消小組A監管開嘅機構，畀小組B管，小組A嘅議員一定反對。
都係錢作怪
每一個被機構監管嘅公司，都想被管得輕手啲，所以會捐錢畀有關嘅參議院議員。你突然將權畀咗人，即係斷人米路。最神奇係話將監管權力畀聯儲局。當你都只係將權力由小組中互調，利益都仲留喺參議院中，畀聯儲局就真係冇財路。
所以大家睇到冇監管權嘅眾議院 House議員好鬼熱情去支持呢個方案，不過到參議院就只得共和黨嘅反對聲音，民主黨議員就水靜鵝飛。
講番啲政客，例如李卓人，政客只有一個目標，就係選舉要贏。而要喺有自由傳媒嘅地方贏選舉，就一定要有錢。
跛腳鴨舉步為艱
因為選舉中，一定有傳媒機構會懶中立咁抹黑你，唯一能夠還自己一個清白嘅方法，就係自己賣廣告繞過傳媒「報道」，直接同選民講自己係點。呢個現象喺花旗國就最明顯。
就係因花旗國選舉要咁多錢，我可以話前晚花旗國奧巴馬政權推出嘅「金融監管機構改革」好大機會通過唔到。
點解？首先，奧巴馬已開始染有濃烈嘅跛腳鴨味道。佢剩番落來嘅政治籌碼，應該喺醫療改革度用盡（仲要失敗而回）。
佢將會成為跛腳鴨嘅其中一個主要原因，係佢一上任之後嘅「加大政府開資去救市嘅方案」，令財赤大到迫長息飆高，令花旗國人更難借錢，選民雖然唔可以好快通過投票箱直接懲罰佢，不過可以出年懲罰嗰啲支持過佢嘅國會議員。
不過更會令「金監改革」敗北嘅理由，係因監管啲監管機構嘅國會（參議院Senate）小組全部唔同晒。你突然話取消小組A監管開嘅機構，畀小組B管，小組A嘅議員一定反對。
都係錢作怪
每一個被機構監管嘅公司，都想被管得輕手啲，所以會捐錢畀有關嘅參議院議員。你突然將權畀咗人，即係斷人米路。最神奇係話將監管權力畀聯儲局。當你都只係將權力由小組中互調，利益都仲留喺參議院中，畀聯儲局就真係冇財路。
所以大家睇到冇監管權嘅眾議院 House議員好鬼熱情去支持呢個方案，不過到參議院就只得共和黨嘅反對聲音，民主黨議員就水靜鵝飛。
Saturday, June 20, 2009
古天樂's 泰文廣告
我第一次喺 Krispycrap 睇呢段片，我真係仲估古天樂有好多泰國 fan 屎，所以 Yokohama 搵佢做泰國市場代言人。
搞到佢要泰文拍廣告。
「想節撚，撚胎撚。」＜----------- 仲唔係泰文？
搞到佢要泰文拍廣告。
「想節撚，撚胎撚。」＜----------- 仲唔係泰文？
Wednesday, June 17, 2009
撤銷「一注獨贏中油香港」
07年10月25日，嗰日恒指開市報29660點。同日，孫柏文喺《金手指》建議大家「一注獨贏買中油香港（135）」，結果股價喺5.9元裂口高開，之後喺6.49元收市，而嗰日嘅成交量亦係之前或之後三個交易日嘅三倍。同時，三個交易日後，恒指喺31958點見頂。
經過年半多時間，今日就要宣佈撤銷「一注獨贏中油香港」呢個建議。
中油香港之前係間真正嘅開採原油為生意嘅公司，盈利同石油價格嘅敏感度非常高。點知公司宣佈轉型天然氣業務，仲要真係走去收購、投資等。
睇債市走勢預知股災
我一向唔信大陸天然氣業務有大錢搵，仲可能因「要紓解民困」用股東錢去補貼老百姓。依家隻股加埋兩次派息，已番家鄉，係時候說再見。
不過就算你睇好公司嘅遠景，你都最好走咗先。早前有讀者鏟上我哋個網上節目《你貼股 我教路》問我，點解叫人sell in May，我同個讀者對談後，該集嘉賓沈振盈沈大師就話：「以我用之前幾十年嘅統計，喺咁短時間升咁多就得一個結果，就係股災！」
大家要記得David Rosenberg嘅忠告，咁多個市場透過價格「反映未來」，最可信係債市。
今日為大家提供兩個同一年期嘅花旗國長債價格，不過兩個時空嘅走勢圖，走勢係勁似。
一個係今年嘅走勢，當然未知結局，相信大家想知之前債價有同一走勢後結局係點。
另一個係87年，直至當年10月19日，如果我嘅fan屎係小朋友，就去問吓啲老人家之後發生咩事啦！
經過年半多時間，今日就要宣佈撤銷「一注獨贏中油香港」呢個建議。
中油香港之前係間真正嘅開採原油為生意嘅公司，盈利同石油價格嘅敏感度非常高。點知公司宣佈轉型天然氣業務，仲要真係走去收購、投資等。
睇債市走勢預知股災
我一向唔信大陸天然氣業務有大錢搵，仲可能因「要紓解民困」用股東錢去補貼老百姓。依家隻股加埋兩次派息，已番家鄉，係時候說再見。
不過就算你睇好公司嘅遠景，你都最好走咗先。早前有讀者鏟上我哋個網上節目《你貼股 我教路》問我，點解叫人sell in May，我同個讀者對談後，該集嘉賓沈振盈沈大師就話：「以我用之前幾十年嘅統計，喺咁短時間升咁多就得一個結果，就係股災！」
大家要記得David Rosenberg嘅忠告，咁多個市場透過價格「反映未來」，最可信係債市。
今日為大家提供兩個同一年期嘅花旗國長債價格，不過兩個時空嘅走勢圖，走勢係勁似。
一個係今年嘅走勢，當然未知結局，相信大家想知之前債價有同一走勢後結局係點。
另一個係87年，直至當年10月19日，如果我嘅fan屎係小朋友，就去問吓啲老人家之後發生咩事啦！
Subscribe to:
Posts (Atom)
