Thursday, November 05, 2009

就快暴升或暴跌

升市速度,好多時會用百分比去計算。原因係如果孫柏文同你話:「恒指上個月升咗二千點!」你可能會答:「咁係由一萬點升至萬二點?定係二萬點起步計先?」

不過由3月至今嘅升市,就算用點數而唔係用百分比計算,近排個市已愈升愈冇動力。冇咗嗰種升市升到連企喺銀行內㩒機嘅師奶,㩒掣㩒到嘩嘩聲嘅氣勢。

講真,感覺上家個市有啲似6月底、7月初嗰陣。當時個市不但冇力升,恒指仲要出現「頭肩頂」呢個「已見頂」訊號,在6月1日,同該月12日的兩次收市均見18,888點之後,就開始下試。去到之前那轉嘅多次頂位,即17,500點時,就感覺上似呢刻。

點解?因為一穿支持位就會勁跌。唔穿?暴升。咁7月嗰次下試17,500點,當然實際上冇穿破該支持位。之後點?原本喺17,500至18,888點區域已長達7個禮拜,不過,最後一次試17,500點之後,只需5個交易日,便已升穿18,888點,並直奔20,000點。

禮拜一同大家講過,點解今轉50日平均線咁重要,原因係當某條線睇落似非常強勢嘅「支持」時,就會嚴重影響,以及主導投資者決定。今轉升市開始冇力時,只要下試掂吓條50日平均線,就會好似啲邊青咁,索索即「揩」。

仲有,今次又好似7月見17,500點嗰次咁,好友同淡友在支持位大打出手。同日裂口低開、V形反彈、由大升變大跌等,幾日內連續出現,成交量又同時上升。

所以種種現象總結來講,就令我覺得個市好快就會大升或大跌,亦即番鬼佬話齋:「We have to long volatility。」

咁如果穿50日平均線又怎樣?禮拜一已講過下站就係200日平均線。咁如果幾個交易日內到站,到時我估計200日平均線,可能會去到17,500點。

不過,唔穿又點?咁會好快到23,000點。到時,仲要可能因為一些已經發誓唔入市嘅投資者們,都因為貪婪忍唔住,最後一盅,最後盅晒入市(到時又會吹內地同胞買港股云云),咁就會出現最後一次勁升!

6 comments:

  1. 英倫銀行擴大量化寬鬆, 增加注資250億英鎊.
    看來, 暴升機會較大, 恆指"好快到23,000點".

    ReplyDelete
  2. 嚴 守 Sell in May
    Sell in May, go away。 三 月 開 始 不 時 見 到 好 多 行 家 評 論 員 , 寫 文 章 或 上 公 仔 箱 提 醒 大 家 今 年 要 嚴 守 Sell in May呢 個 策 略 。
    策 略 呢   , 永 遠 都 係 冇 壓 力  情 況 下 制 訂  。 問 題 係 , 講 就 天 下 無 敵 , 做  陣 就 千 祈 唔 好 因 貪 婪 或 恐 懼 而 變 成 有 心 無 力 。
    如 果 要 跌 , 肯 定 唔 會 由 基 本 因 素 引 致 。 因 為 基 本 因 素 冇 好 過 ,  乜  green shoots「 青 筍 」 , 係  花 旗 國 官 員 老 吹 , 你 見 到   疑 似 經 濟 「 青 筍 」 , 根 本 唔 係 有 生 命 力  植 物 , 其 實 係 大 陸 製  綠 色 硬 膠 粒 , 完 全 係 大 陸 人 為 插 落 地 。
    唔 講 基 本 因 素 , 就 要 講 心 理 同 氣 氛 。 如 果 要 我 估 , 又 係 花 旗 吹 來  冷 風 。 一 切 由 佳 士 拿 同 奧 巴 馬 所 致 。  花 旗 國 , 當 一 間 公 司 進 入 破 產 保 護 、 重 組 狀 態 , 間 公 司 就 係  法 庭 , 即 三 權 其 中  司 法 制 度 控 制 下 。 好 簡 單 , 立 法 機 關 通 過 破 產 法 之 後 , 即 係 定 破 產 程 序 , 法 庭 就 會 跟 程 序 做 。
    好 處 就 係 有 完 善  破 產 法 , 有 資 本  人 就 知 一 旦 債 仔 出 現 時 , 點 樣 解 決 。 透 明 度 夠 高 , 有 資 本  人 就 肯 借 錢 出 去 。 問 題 係 , 佳 士 拿 上 個 禮 拜 進 入 破 產 保 護 後 , 行 政 機 關 阿 頭 奧 巴 馬 就 指 手 畫 腳 , 係 咁 插 手 破 產 程 序 。

    奧 巴 馬 踩 過 界 有 後 遺 症
    原 先 , 一 間 公 司 破 產 , 排 頭 位  番 錢  應 該 係   當 時 要 有 抵 押 品 先 放 水  債 主 。 點 知  佳 士 拿 , 奧 巴 馬 居 然 想 將 呢 班 人 貶  原 先 排 最 後  員 工 後 面 , 畀 佢   得 番 雞 碎 咁 多 。 無 他 , 佳 士 拿 員 工 有 工 會 , 工 會 支 持 奧 巴 馬 。
    如 果 奧 巴 馬 成 功 , 後 遺 症 係 乜 ? 所 有 有 工 會  公 司 即 時 冇 人 會 借 錢 畀 佢  。 大 家 就 睇  奧 巴 馬 越 界 侵 蝕 司 法 獨 立 成 唔 成 功 , 一 旦 成 功 , 花 旗 又 掀 信 貸 緊 張 情 況 , 股 市 就 大 煲 。
    ( 三 之 一 )

    ReplyDelete
  3. Friday, May 08, 2009
    嚴守 Sell in May(三之二)

    呢個禮拜三,孫柏文講過,可以推翻今次升浪嘅一個隱憂,即佳士拿排頭攞錢嘅債主被害,攞錢喺其他人之後。令有資本嘅人唔敢放錢,因恐債仔出事破產會俾人搵笨。

    應承大家今日講銀行壓力測試,因為呢個就係今次升浪第二大隱憂。首先提提大家,我落筆呢刻係未知測試結果,不過到大家睇到文時,結果已公佈。

    測試如考A Levels,畀你pass晒五條E咁又點?攞乜嘢英文字母係唔緊要,最緊要係到九月有冇大學收。銀行壓力測試一樣,最終係要唔要增加資本。如果要,點增加。

    金銀齊升有啟示

    錢,一係私人資金,即輸咗會肉痛嗰隻,一係就政府出。衣家要私人投資者出錢買啲資不抵債、即零價值嘅嘢就真係難啲,所以應該又係花旗政府出錢。

    咁政府已出咗唔少錢,買咗好多優先股,將優先股變成普通股去增資,就係唱到街頭巷尾都係咁諗嘅方案。例如美銀,傳聞被迫集資340億美元。咁佢哋已攞咗政府450億美元TARP,不過係優先股,照理只要變普通股,即時冇集資壓力,連手頭嘅建行(939)都唔使賣。

    不過點都好,啲銀行全部都係黑洞。填窿嘅政府錢應該又係聯儲局印,印完買國債。

    雖然對上一次會議,聯儲局話唔會再印新銀紙,不過呢幾日壓力測試消息流出後,金、銀都係咁升。

    唔再加碼印?得咩?不過印唔印,長息已靜靜地升,記得今年要嚴守 Sell in May。



    Monday, May 11, 2009
    嚴守Sell in May (三之三)

    原先,孫柏文今日《金手指》條題係「一注獨沽港交所(388)」,跟住就解釋港交所雖然今日好大機會升到飛起,但將會從今日嘅高位,今年內跌一半。

    不過因上周寫咗「嚴守Sell in May」三之一、三之二,今日就寫埋三之三。

    美銀子公司美林,上個禮拜有個叫David Rosenberg嘅經濟師轉工。佢基本上係該行我覺得仲可信嘅分析員,有預測到今次金融海嘯。喺美林臨走嗰日,佢仲留咗13句做預測時要謹記嘅真言。

    做預測13條守則

    1. 要自己個經濟預測有用,就一定要同時建議埋買乜、沽乜。
    2. 千祈唔好做數據奴隸,冇嘢勝過有智慧咁睇番個大環境同趨勢。
    3. 主流意見好少啱,太樂觀。除咗見底時。
    4. 談戀愛嘅對象應該係自己老婆,唔係自己個預測。
    5. 冇兩個周期係一模一樣。
    6. 永遠唔可以將責任卸落個預測方程式度。
    7. 要不斷搵新證據去測試原先個預測。
    8. 「市場先生」講嘅嘢,你要尊重。
    9. 要留意自己嘅預測要幾耐先會「靈」,因為好多客其實只想短炒。
    10. 咁多個市用不斷跳動嘅市價同你「講」嘢,通常都係債市「講」嘅嘢最準。
    11. 一開始就要解釋清楚,你個預測如果唔中,可能會因為啲乜。
    12. 估到花旗國消費者嘅意向,個預測都好難錯。
    13. 經濟增長時,過癮過衰退時。

    佢亦有話,花旗股市今次個升浪,上周五應該見咗頂,之後要再試低位。最後一句,記得今年要嚴守Sell in May。


    Friday, July 03, 2009
    金手指貼士第二季總結

    7月第二個交易日,係時候總結金手指篤過嘅「一注獨贏」貼士。可以用16個字總結,「全部齊升、beta皆一」。以下係09年第三季嘅展望。

    白銀:今時今日,每一次有舉足輕重嘅債仔出事,令債主要求高回報先肯放新債,聯儲局就會做保證人。

    如果做保證人都唔夠,就會自己借錢畀嗰啲冇人肯出手相助嘅債仔。不論係單一金融機構例如AIG、花旗,或經「量化政策」畀聯邦政府,甚至提供125%按揭畀業主群,通通都係聯儲局印鈔票「借」嘅。

    好多人話印鈔票冇問題,因為只要經濟好轉時抽番啲水出嚟就得。問題係,如果啲債仔還唔到,抽咩呢?錢攞咗出嚟,冇得返轉頭,能保持不變狀嘅嘢(例如白銀)只要一爆通脹,就難收拾殘局。

    孫柏文作為白銀戰隊隊長,維持原本建議:強力買入。
    目標價:120美元一盎斯。
    有效期至:2016年3月6日。

    中油香港(135):返家鄉,所以我亦喺6月17日撤銷「一注獨贏中油香港」嘅建議。幾千股票中,有幾多能重返我建議日07年10月25日嘅價?

    港交所年底見$62.85

    港交所(388):5月13日建議大家「一注獨沽港交所」。今年下半年,當人民銀行因呆壞賬爆發而收緊發債時,依家呢個「唔講基本因素,只談資金湧入」嘅股市就散。成交量跌,港交所重傷。

    維持目標價:62.85 元。
    年期:至09年12月31日。

    ReplyDelete
  4. Shall address it on Monday...

    I was planning to look for those pieces for my article on Monday. Thanks for saving me the labour!

    ReplyDelete
  5. 唓....

    英國一向都是亞羊叫人入市好地方.

    借錢又易,响果到借幾億磅,回港買樓,
    入齊後,樓價炒起,等你地買
    又或者,証劵化, 房地產基金??好嗎??

    你話,樓市仲有排升......
    干預,仲會炒勁些....

    咩... 咩... 咩....

    ReplyDelete
  6. 388....正...

    明天沽淸股仔...金金
    全面入388...

    入幾億.... 濕濕碎....

    咩... 咩... 咩...

    ReplyDelete