Tuesday, July 31, 2007

Comments keeps coming on my call on HSBC

Where is the love?

滙豐出業績 明燈又靈驗

Yesterday... Depressed...

--------------------------------------

噚晚約7點,經常喺理財版《敏妮Talk》出現嘅股王A走過我張枱,見我食緊個厚批pizza,就問我:「有pizza唔call我?」

我望一望佢,捧起個盒,答:「唉…隨便攞。」股王A跟住問:「孫柏文, 乜你唔係減肥咩?」

今次我連望都冇望佢,淨係神情呆滯咁望住電腦,答:「唉…我好depressed…要食啲comfort food。」

股王A再問:「係咪因為今朝你叫人一注獨沽賣滙豐,跟住4點半滙豐出嘅業績,好勁呢?」我都未答,股王A就繼續:「滙豐股價喺倫敦好勁喎,已 經升到143蚊。」

嗰一刻,我只能從塞滿pizza嘅口中答:「唉…」

股王A跟住話:「你做傳媒呢行做耐啲,就會明白唔係唔可以做forecast,不過 最好係將forecast喺公佈數據之前出街。例如,如果聽日有中央銀行要議息,你又覺得佢會有變動,最好就今日篇文已經出街。因為如果同日出,而你又 錯,咁就會好『火羅』。」

『火羅』。

真係『火羅』。

絕對抵打

噚日,4點20幾分開始,世民兄企咗喺我後面,同我一齊望住電腦螢幕上港交所嘅網站,我隻食指就喺度重 複又重複咁㩒個瀏覽器refresh掣。到4點26分,港交所嘅網站就顯示滙豐控股(005)嘅中期業績摘要。我當然第一時間開嚟睇。

睇 咗陣,世民兄問:「點呀?英雄定屎蟲?」我搖住頭答:「我定係滙豐?」世民兄:「你啦梗係!」

我答:「滙豐盈利升咗25%」世民兄問:「係咪有水份或者非 經常收益?」我:「係,不過就算撇除非經常性收益,盈利都升13%。就算係啲最樂觀嘅分析員預測,都係預期得11%、12%,今次我真係大鑊。」

世民: 「有咁多非經常性收益,係咪賣倫敦總部嘅錢?」差不多要哭嘅我:「仲未入數!」

世民:「你真係大鑊。」

今期特區興「數碼欺凌」cyber- bullying,噚晚我上網睇吓啲人嘅反應,簡直就係「數碼圍毆」cyber-assault。不過我都要承認,絕對抵打。雖然我stand by my call,不過今日真係抵打屎忽,無從還擊。


Monday, July 30, 2007

HSBC management comments on subprime

"we have sufficient provisions" - we'll see

"we are not big in california" - fine, what about other imploding areas

Both standard answers...

"we work with borrowers cashflow to let them repay their loans" - there is a million way to read into this. One, if assuming the worst, can say they are going to make a lot of loan repayment holidays to borrowers, just to make sure the loan is not going to go sour.

But what if the home owners goes negative equity, and walks away from the house?

I am ranting here. FOR I GOT MY ASS HANDED TO ME. dammit.

HSBC results 1H07

Results looks good.

Spectacular.

"Profit attributable to shareholders of the parent company up 25 per cent to
US$10,895 million" - Above and beyond expectation

"Loan impairment charges and other credit risk provisions were US$6,346 million in the first half of 2007, US$2,456 million higher than the first half of 2006" - Yes... Much more in provisions than expectation, and yes, even with such high provisions, PROFIT still beat like crazy. Shit.

Well, pretty much have my ass handed to me on results.

Waiting for guidance.

一注獨沽賣滙豐

今日,呢篇文非常難寫。

係《金手指》嘅fan屎都知,孫柏文一出「一注獨贏買XX」嘅文章,就等如我有股票推介。今日,我第一次倒轉,唔係叫大家「一注獨贏」,而係叫大家「一注獨沽」。沽嘅股票就係滙豐控股(005)。

如 果你有睇開《金手指》,就知道我對花旗國樓市非常悲觀。因為呢幾年實在有太多唔應該借到錢嘅人,搵到羊牯借錢畀佢哋買樓,亦即中外馳名嘅「次級按揭」。以 前花旗國樓市節節上升嘅時候,個個都話呢啲羊牯係天才,甚至係煉金術師,將垃圾煉成金。呢啲羊牯當中,就有Hey Sucker Banking Corporation滙豐份。

半年業績未係戲肉

因為當人就嚟連飯都唔食,都會供樓,又或者因樓價升咗,可以走去做二按攞錢唔斷供,就會製造一片「好安全」嘅假象。

滙豐今日收市之後,就會出半年業績。睇啲分析員報告,07年上半年係點,雖然分歧好大,但個個都話會有盈利增長。究竟上半年係點,我唔知,不過我覺得上半年係點,根本捕捉唔到今日滙豐面對嘅花旗樓市挑戰。

即係話,發表上半年業績唔係戲肉,今日最緊要係滙豐如何評價手上嘅按揭價值。首先,滙豐喺年報都話,花旗國按揭估值,因為有按揭債券市場,所以係跟市價。呢個政策值得鼓勵,因為透明度高。

地方問題 影響環球

如 果大家記得,今年一踏入7月(即上半年截數後),穆廸同標普相繼下調好多次按債券評級,而反映AAA同AA級次按債券價格嘅幾個ABX指數,亦喺7月開始 下跌(見表)。

The axis is wrong on the AA bonds graph. It should read 93 instead of 98.

今日,孫柏文就信滙豐喺按揭估值方法上,牙齒當金使。滙豐喺業績公佈之後嘅分析員同記者發佈會裏面,會分享今日手上按揭嘅價值。仲有,花旗 國樓市衍生出嚟嘅資金減少現象,已經開始全球擴散,「地方問題」經已影響「環球金融」,所以最後要再同大家講多一次,一注獨沽賣滙豐!

建議沽出:滙豐控股(005)
目標價:112.5港元
年期:12個月

WaWa and I

Last night, I saw my dark side.

It wasn't pretty. I didn't like it one bit.

I pretty much put out an entry on my blog flaming WaWa with the nastiest things possible.

Because I was seething with rage.

The back ground was she wrote about my encounter with Ms Wong in a way that twisted what really happened.

This is what I thought happened originally...

1. I was asked to possibly host a possible show online talking about stocks.
2. I knew that we can't afford nor should book established commentators as guests.
3. Hence had to book those who were newer and perhaps hungrier.
4. Thought Ms Wong might be such a candidate.
5. Therefore contacted her for lunch
6. Reported this meeting to my superiors.
7. WaWa then asked me whether she could join. I said Yes, thinking she would be writing about her.
8. We had lunch, I was congenial.
9. I only found out she wrote a piece the day before 2hrs before my own deadline.
10. Both pieces published.

It was like being shot at without knowing before hand.
Initial pain in wound.
Then checked the wound and realised it was bleeding pretty bad.
When asking the person why she had to make me bleed, she replied in typical fashion "oh well, it wouldn't hurt if it ain't true"

Which made me really pissed off. Not because it was a bad wound or bad bleeding... But because she had no remorse in not telling me how her piece was going to be written. I never thought I would be in it.

So, I chose to write a pretty classless entry to my blog, as tintinbright so correctly pointed out.. in the process 影衰港男...

After thinking through it during lunch, I came to the conclusion. Let's do the mature thing... I need to go talk to WaWa. So we had a Coeur a Coeur...

Anyhow, the full story is she received an assignment from my superiors to write a piece on the interaction between me and Ms Wong. To make it 八卦 and "fun"...

She thought I knew all along what her assignment was.

To which when I talked to her were, "WHAT?!? Do you think I would have been congenial, if that was true?"

Anyhow, I told her that I don't want to work with her while meeting people if I can't trust her. So I told her that in the future, "please tell me what your assignment is..."

To which she replied, "then you won't drop your guard"

To which I replied, "No, if you don't tell me how far you are going to go, I am going to assume the worst, at least if you tell me how far, and turns out to be acceptable, then I can go a long with it."

So, we reached an agreement, an understanding, between colleagues who has to produce content everyday.

There 2 lessons I learnt here...

1. Always ask a journalist what she/he is going to write before you divulge ANYTHING. Yes, even people in your own paper.

2. When a woman says to a man, "we should talk", it is indeed the most effective way to solve problems. I am a total believer in sitting down for an air clearing meeting.

Perhaps this is how one gets mature...

Congrats Iraq!

If war is an extension of politics.

And sports is the extension of war.

Tonight, total victory belongs to the people of Iraq.

To Iraqis of every race, religion and creed.

Congratulations!

Sunday, July 29, 2007

The battle over the corpse of Nike continues

Ok, Nike, BT god of AV, he who posts several BT seeds for people to download porn is "dead"... ok, maybe dead is too much, but he is offline.

Then... Ms 周瑮 of《膠報》went and danced on his grave...

Which of course provoked responses from the worshippers of Nike.

Then, another writer, called those responses "cyberbullying"

Which made a Ms Hong Kong type...

I will jump in tommorrow myself to this gladitorial contest worthy of the Colosseum...

Wonder who she is talking about...

An interesting blog post I came about this weekend researching 港女.

Wonder who she is talking about...

My bet is she has a big crush on this guy...

Love and hate my friend, a very thin line. Ho Ho Ho

Saturday, July 28, 2007

Maddox is back!

This site is recommended for every secondary school student to write an argumentative essay with CONFIDENCE!!! (no it does not link to Erica's site)

Friday, July 27, 2007

網絡的正義

Well, I have to push this.

On the online world. You can do bad things, but you HAVE to bear the consequences.

惠康 抄 7-11 擺貨法

孫柏文係一個超級漫畫迷,90年代初非常迷戀《龍珠》、《課長島耕作》、《加治隆介之議 ──日本政壇風雲錄》等嘅漫畫。到今日,孫柏文都 有時會買漫畫睇,其中一個我有追嘅系列,就係一套叫做《X挑戰者》嘅漫畫。

X挑戰者》其實係改編自日本電視台NHK,一套為咗振奮啲失去自信嘅日本國 民,對日本企業家信念嘅節目。系列當中,講述日本各行各業嘅人,就算面對艱辛同獨特嘅挑戰,都用腦袋同血汗克服困難,最終為消費者帶來突破性嘅發展。

今日 我想同大家特別講系列當中,日本7-11便利店嘅故事。

改寫日本零售業

當年日本引進7-11,面對嘅最大挑戰,就係因日本地 價貴,所以店舖樓面面積比花旗國嘅7-11細,貨品選擇往往出錯之後不能輕易改變,令店主蝕到入肉,7-11概念陷入隨時滅亡嘅情況。

有見及此,日本7- 11革命地改變供應鏈運作,將好多零售業不可侵犯嘅行規完全打破,最後建立日本7-11,改寫日本零售業。

可能因為日本7-11起家時,克服過咁樣嘅挑 戰,所以日本7-11非常專注貨品選擇、供應鏈運作、貨品喺店內擺放嘅科技。眾多手法當中,我今日想講嘅有兩個:

第一,就係將消費者最迫切需要,對售價最唔敏感嘅貨品,擺喺付款處附近。因為如果消費者需求又迫切又唔理售價,毛利率肯定好高。

第二就係,緊貼消費者買嘢嘅模式,例如,如果7-11嘅總銷售系統,發覺突然有好多顧客,買橙汁時買埋頭痛藥,就會勒令全線有相應嘅調動。

孫柏文幾日前留意到,特區嘅惠康超級市場,都好似有一樣咁厲害嘅營運管理。嗰日,我去其中一間惠康買嘢,排隊畀錢時,見到此情此景,亦順手拍照留念。特區惠康同7-11,果然出自同一集團。

Thursday, July 26, 2007

次按危機?信貸危機!港股點炒?

喺特首曾蔭權眾多花名中,例如「煲呔」、「政治家」、「當奴」等,孫柏文覺得最親 切嘅,就必定係「聖誕權」。當年,香港從殖民身份被祖國解放,啱啱遇上亞洲金融風暴。就喺風暴嘅第一浪,當時嘅財政司司長曾蔭權,預言特區將會喺97年聖 誕前,冇事。「聖誕權」呢三個字,絕對係我哋嘅集體回憶。

咁點解「聖誕權」對我最親切?因為作為一個財經口水佬,一個成日都估錯嘅財經口水佬,每一次聽到 「聖誕權」呢個花名,就會令我知道,就算估錯嘢,有一日都可以翻身。

不過,如果大家再諗深一層,曾司長作為政府官員,就算知道自己講嘅嘢錯硬,除咗可以話 「好快冇事」之外,又有其他選擇咩?

做財長真難

今日分享呢個睇法,就係因大前晚,我睇財經台CNBC,見到花旗國財長 Paulson接受訪問。財長被問及關於滙率問題嘅時候,又再一次用「強美元、強美元」呢個模範答案作答。

最弊就係,電視中嘅財長就話「強美元」,不過喺 電腦螢幕當中嘅美滙指數,就挑戰歷史新低位,仲要一跌穿低位就無底深淵。只可慨嘆一句:「做財長真難。」分分鐘瞓唔着覺。

跟住前晚,CNBC就請咗管理全 球最大債券基金,被稱為bond king嘅Bill Gross做訪問。首先,大家要知道Bill叔唔係好似我咁,鍾意譁眾取寵,佢係一個用字非常小心嘅人。不過前晚,佢就話花旗國公司出嘅高息債券(即係比 較牙煙嘅債仔),已經發生黎克特制8.0級地震。好多投資銀行幫客出債券,根本完全無人問津。

信貸現斷層

情況就好似97年。 當時泰銖已經貶咗值,不過「講關係」嘅投資銀行百富勤,就好似今時今日啲花旗國投資銀行一樣,應承幫一間收印尼盾嘅雅加達的士公司發美元債。點知賣唔去,百富勤要自己硬食。之後,印尼盾大幅貶值,間的士公司還唔到美元,百富勤就咁執笠。

當然,百富勤呢啲中間人執笠,就連冇事嘅公司都會有事。因為好多公司常要借錢去填舊債,只要一發唔到新債,就會出現信貸斷層危機,Contagion就係咁嚟。問題就係,每一次出現信貸危機,聯儲局就會減息,不過正當美滙指數徘徊喺 就跌落無底深淵嘅水位,又可以點?

最後,大家可能會問:「花旗國出現信貸斷層危機,特區股市會點?」只要祖國大水喉仲係對住我哋,當然仲係長升長有啦!

Wednesday, July 25, 2007

香港需要你 今日不買旗

今日,特區塔利班嘅明光社賣旗。賣旗係特區啲慈善團體,其中一個歷史悠久嘅籌款活動,大家可能同我一樣,已經去到唔會問邊間機構賣旗嘅境界。

只要有人將旗貼上心口,就會畀錢。今日,希望大家三思。要知點解,可以睇吓隔籬尹思哲嘅《案內人隨筆》。孫柏文就一定會杯葛,你呢?

---------------------------

Post Script: Wonder how much money they raised today...

榮豐今投票 唯一等天收

上個禮拜,孫柏文寫 過兩篇文講榮豐投資(063)提出想大玩「財富轉移」。當時我話過,大股東對小股民有如被李國章對所有特區學生一樣,全力蹂躪。我亦講過,就算人治色彩濃 厚嘅證監同港交所,批准呢啲蹂躪手法,喺有互聯網之後,你做嘅衰嘢,係唔會銷聲匿迹,永遠被互聯網存載。之後只要有人google榮豐大股東四兄弟嘅名, 就會搵到我嗰篇警惕世人同佢哋家族合作會有乜結果嘅文章。

再講多次,即係話就算證監同港交所嘅人唔收佢,Google呢個天收佢。當時,我亦懇求網上各路英雄bloggers,出手相助、一齊發功,連結到我篇文,等啲人google大股東啲名時,我篇文會喺「搜尋結果」嘅第一頁見到。

嘉許bloggers相助

今 日,榮豐啲小股東將會投票決定是否接受大股東嘅蹂躪建議,成功與否我都唔敢關心,恐怕會傷心流淚。不過,我今日就想同榮豐嘅鍾斌銓(主席)、鍾金榜、鍾燊 榮、鍾斌盛講,你哋今時今日google自己個名,名列前茅嘅「搜尋結果」就係我篇文。仲要唔同報紙,十年八載都會喺網上一click之隔。

他朝,姓鍾嘅 後裔要做生意,搵拍檔,啲人只要一click,一係會卻步,就算做都必定會要求更好嘅條件、更高嘅保障。呢個就係你為後裔留下嘅結果。

最後我想嘉許以下出 手相助嘅bloggers,尹思哲、袁彌明、利世民、Pulp、會計仔、東南西北、Angus、Money cafe同Rapiere,bloggers unite!

「自瀆」文章 周年紀念

舊年今日,孫柏文寫過一篇題為《花旗國樓市將慘過八萬五》嘅文章。之後幾日,前輩王冠一先生,就寫咗篇題為《『自瀆』文章弄巧反拙》嘅文,用咗成篇文去提點小弟。

其中一篇被冠一兄點名提點嘅文章,就係舊年今日嗰篇《慘過八萬五》。今時今日,因為花旗樓市又真係未慘過「八萬五」時代嘅特區樓市,所以我在此承諾,會繼續向王冠一先生學習,將「自瀆文」嘅教訓銘記於心。出年今日,我會再檢討。

The article above, partly led to the article underneath...

Plunge protection team


One more thing,

Yesterday, Hank Paulson has already signaled that the Plunge Protection Team (PPT) is ready to do something.

As of right now, the US Dollar index has broken through 80... 79.93 ...

I am just worried, if there are a concerted effort organized by the PPT with global central banks to rescue the USD. Gold and Silver might get whacked.

TCI最應該入股的公司

噚日,領匯開股東大會,當然有好多以前搵開房委會同納稅人笨嘅既得利益者,出來做做show,示示威。

講真,租金係個固定成本,正當一個商舖賣貨數目越多,租金佔每件貨品成本嘅百分比就會降低,作為一個商人,你寧願租金低?定係租金佔成本百分比低?

當然,除咗喺公屋商場做生意之外,其他各行各業都面對固定成本。交通行業,就係其中一個。以前做石油分析員,都會留意埋航空業。而航空公司面對嘅三大成本,就係機價、人工、燃油。孫柏文想問,呢個唔係同的士業「車租、人工、燃氣」一樣咩?

外國廉價航空成功,係因為佢用「盡量飛多幾程」嘅方法,令機價佔成本百分比盡量降低,特區嘅八折的士,一樣希望做到同樣結果。所以孫柏文永遠唔明白點解會有的士司機反對八折的士。

講政策。

我曾經講過,交通政策應該得一個目標,就係港人盡量可以用最快、最平、最方便嘅方法,由A去到B。所以見到政府控制嘅機管局,做好多嘢去打壓八折的士同電召貨van,真係摸不着頭腦。點解機管局寧願保護其他交通工具,都唔保護赤蠟角機場對其他華南機場嘅競爭力?

如果可以有個冇機鐵嘅機管局,好似領匯咁被完全私有化,真係求神拜佛TCI入股,因為我相信到時來往機場一定好方便,起碼毋須喺30幾度高溫下,由一個泊車區去到另一個泊車區。



樓泡爆破遇上「做啲嘢」心態

孫柏文唔記得邊個人講過,不過佢話立法會議員陳婉嫻,每一次覺得有社會問題嘅時 候,對住啲政府官員,就會要求政府「做啲嘢」。當年特首董建華帶領嘅政府,當然順應呢位民選議員嘅要求,做咗好多嘢,特別係設立咗好多乜乜物物「共度時 艱」、「經濟轉型」基金。


原來,立法會議員陳婉嫻巴結外國勢力,將我哋特區啲最優良政客傳統輸出花旗國。大家都知,花旗國樓市泡沫正在爆破,樓泡爆破係 點,我諗除咗日本人之外,肯定係我哋特區人最熟。樓泡爆破其中一個必然現象,就係做按揭買樓嘅人,有啲會斷供,繼而被債主收樓。花旗國嘅樓泡當然冇分別。

為選舉日拉橫額

現 在,花旗國就出現千千萬萬個陳婉嫻議員,個個要求政府「做啲嘢」。好多州政府就順應民意,上排宣佈成立「救斷供人」基金。首先,我都唔研究究竟花旗國係咪 可以做到董建華做唔到嘅嘢,不過根據《華爾街日報》,各州嘅「救斷供人」基金,加埋得5億美元。

大家可能會問:「5億美元?連超保守嘅聯儲局主席伯南克都 話,淨係次按爆煲,都會係個1000億美元嘅氹啦!」冇錯,我相信得5億美元,就連保皇黨嘅議員都會話政府冇誠意。不過最緊要到選舉日,啲議員可以出嚟拉 橫額,話「成功爭取政府做啲嘢!」

Tuesday, July 24, 2007

與中大女股神午餐

今日,孫柏文counter-spin

上個禮拜,我排除萬難、 鼓起勇氣,卒之搵到前排喺投資比賽裏面,兩個月賺二十倍嘅「中大女股神」王雅媛,同意一起共晉午餐。實不相瞞,《金手指》歷史裏面,我從未試過寫一個人, 寫到有罪咎感,王雅媛係第一個。當時我話過,如果可以以佢嘅速度賺錢,由一蚊開始,就可以喺年半之內賺到等如花旗國國債總和嘅錢。

我當時不單止懇請王雅媛收畢菲特為徒,仲要因佢賺錢能力高到唔需要搞基金收客,投資自己嘅錢就夠,所以我就話:「孫柏文就退守到第二個希望,希望娶呢個上海妹做老婆,令港女棺材又多一口釘。」篇文最後仲有張王雅媛嘅相,上面狠狠地寫咗個fluke字。睇番,就連孫柏文都覺得過晒火,冇可能原諒。所以今次王雅媛同意去食飯,畀機會我向佢道歉,我未見真人已感受到佢嗰份class。

當我向上頭滙報將會有呢個約會時,隔籬《中環在線》一欄嘅李華華,就問可唔可以一齊去。我答:「點解唔得?」華華就問:「你話過希望娶佢做老婆喎,唔怕我做電燈膽咩?」聽到,我就諗,唔通《金手指》啲笑話有如「皇帝的新衣」般,要聰明人先至可以睇得到?

到約會當日,我第一眼見到王雅媛嘅時候,真係覺得佢好瘦。瘦到係我驚如果太熱情,會好似《亞洲華爾街日報》論壇版揸fit人見到啲超瘦人嘅時候話: 「Looks like I could break her in half。」唔知係咪因李華華夫婦啱啱生咗BB,華華就問王雅媛:「咁你出世有幾多磅?」原來,有9磅。跟住華華就睥住我問:「你咁肥,咁你呢?」我就答 有8磅幾。

跟住華華就問王雅媛:「你覺得《金手指》漫畫裏面嘅孫柏文同真人有冇分別?」佢話有,比想像中肥。我聽到佢咁答,真係開心,因為知道多年來賄賂漫畫組啲同事見效,畫到我瘦啲。不過我又諗,佢如果可以好誠實咁話我比佢想像中肥,就不如set多個波畀佢射,所以我就問:「你覺得我幾多歲?」

大家要知道,我由16歲開始已經係咁嘅衰樣,現在仲要唔剃鬚,所以都知應該估錯,只係錯幾多。平時,啲人估我幾多歲都只會求求其其咁答,不過王雅媛就唔同, 佢真係好細心咁睇吓我眼角有冇魚尾紋,睇完佢就估我31歲。嘩!31歲!超開心,好耐已經冇試過有人錯得咁少。原來飲好多水真係有效。

到呢一刻,好似唔耐煩嘅華華突然插嘴問王雅媛:「佢話過想娶你做老婆,你覺得點?」講真,對一個啱啱20出頭,好有修養嘅女仔,你想佢點答?華華心諗當然係: 「叫個肥仔慳啲啦!」為咗解破呢個尷尬僵局,我就順住咁笑話有諗過買花畀佢,跟住轉話題問佢覺得上海女仔同香港特區女仔有冇分別。亦出於對外省女性比港女 文化嘅好奇,我就好似個做緊社會學研究嘅科學家一樣,問佢嘅擇偶條件。王雅媛跟住就講咗一啲合情合理、好簡單,不過絕對有挑戰性嘅條件。

聽完啲條件之後,我就忍唔住問:「你有冇男朋友?」王雅媛話佢唔想答,不過我心就諗:「冇嘅就good luck to her,有嘅就good luck to him囉。」

原來,王雅媛有個專欄,不過因為係喺我比較少睇嘅友報出現,所以我都唔知。最後,同王雅媛傾偈、睇埋佢嘅文章之後,我可以話以佢嘅story telling能力,對數字嘅敏感,同佢對人嘅empathy,佢只要令人覺得佢冇咁guarded,絕對會係個一等一嘅equity sales。希望佢可以如願以償!

Hank Paulson on the US Dollar...

Alright, Sec Paulson is on CNBC's Kudlow and Company right this moment.

His comments on the US$...

"We believe on a strong dollar..." *Yawn*

"One that is governed by the market. As we expect of all our trading partners" or something like that...

Read whatever you want into it... But he lost me on "We believe on a strong dollar..."

Sunday, July 22, 2007

還我舞照跳 捍衞sex141

噚日,孫柏文講過小平同志當年話要收番香港嘅時候,最希望見到香港社會繼續向榮, 市民生活皆有提升。所以就希望有第二個sound bite「馬照跑、舞照跳」。

好多硬膠仲估「馬照跑」就等如沙田、跑馬地每個禮拜有兩日,啲純種馬喺到跑吓跑吓。

「馬照跑」嘅意思,其實就係「錢照賭」, 小平同志要強調「錢照賭」受到保護嘅原因,其實係話香港人可以喺你情我願、唔影響其他人嘅情況之下,為經濟理由進行任何交易。

從經濟學角度上,賭錢嘅神髓 只不過係期權交易嘅其中一種。試諗吓,如果連衞道之士評為最有道德問題嘅賭博活動,政府都話可以繼續進行,其他例如股票交易、貨品貿易等嘅活動自由,必定 可以繼續喺社會保留。「馬照跑」嘅意思,就係用三個字,保證香港人個人經濟自由。

盡量保護性工作者

有好多硬膠仲估「舞照跳」 就等如灣仔、尖沙嘴等地方,繼續有「夜總會」。現在冇,就等如「舞照跳」冇咗。小平同志講「舞照跳」嘅意思,其實係「妓照嫖」。

小平同志要強調「妓照嫖」 受到保護嘅原因,其實係話香港人可以喺你情我願、唔影響其他人嘅情況之下,為滿足進行任何交易。從經濟學角度上,嫖妓嘅神髓只不過係娛樂服務嘅其中一種。 試諗吓,如果就連衞道之士評為最有道德問題嘅嫖妓活動,政府都話可以繼續進行,其他例如藝術展品、夜蒲消遣等活動自由,必定可以繼續喺社會保留。

講真,性 工作一向被譽為世間上最古老嘅行業,就算19世紀維多利亞皇后統治,超保守英國,都冇立法禁止性工作。一個好似特首曾蔭權嘅真正政治家,冇理由唔明白接受 性工業嘅存在。不過,當然盡量希望得到兩個目標,第一盡量保護性工作者,因為呢行業係非常辛苦,佢哋搵嘅錢係辛苦錢。所以就衍生「不能依靠妓女維生」嘅法 例。盡量減低他人剝削佢哋嘅誘因。

法例原意咪歪曲

即係話,「不能依靠妓女維生」嘅法例,原意係用來保護性工作者生計!而唔係 「政治家」曾特首領導嘅政府,用呢條法例去隨機、瘋狂打壓性工作者。唔明原意,都可以被英國人冊封為爵士。都唔知係咪當年間學校就快關門,所以亂派畢業證 書。

當然,嫖妓係可以「影響其他人」,所以就有第二目標,盡量減低對其他人嘅滋擾。例如,有街坊不喜歡有性工作者企街。好多時候,嫖妓活動滋擾其他人,係 因為嫖客同性工作者之間缺乏資訊流通,例如客人唔知邊度有性服務。所以就衍生夜總會、黃色燈箱、企街等等嘅現象。

A pathetic attempt to defeat information asymmetry

不過,有互聯網嘅興起,資訊可以流通,所 以以上三種增加嫖客同性工作者之間資訊流通嘅方法,亦開始式微。

最弊,可以減少擾民嘅性服務網站,好似sex141.com咁,居然被政府攻擊又攻擊。試 問,特首曾蔭權係咪想見到企街出現?夜總會吸納性工作者絕大部份嘅收入?Mr CE,please be compassionate,let us舞照跳!


Down咗嘅 sex141.com


立即Cut 影視處Budget


一年一度書展,明光社嘅姊妹政府部門影視處,又再次四出搵嘢嚟做。孫柏文成日覺得,官僚 做嘢非常慢所以應該完全外判畀明光社做(惟獨是恐怕他朝明光社嘅員工,上街要求「同工同酬」)。點知,居然畀影視處喺茫茫書海中,搵到鹹嘢,我今日亦同大 家分享呢啲好嘢。

影視處當然即刻行動,好似納粹德國或今日嘅新加坡咁,要燒書。出版商就算可以理直氣壯都好,都就範,開始透火。點知第日,影視處突然撤銷 要求,鹹嘢可以繼續賣。我今日就代表明光社嘅兄弟姊妹,高聲疾呼:「廢!立即Cut影視處Budget!」

BEA is in play?

雖然,孫柏文遇到朋友嘅時候,講嘢都係「直腸直肚」、「有嗰句講嗰句」,不過,都希望各上市公司想搵獨立董事嘅時候,唔會因為今日我呢個告誡而唔搵我。

好!入正題,講啲同以上完全無關嘅嘢。

東亞主席李國寶,呢幾日嚟遇到嘅風風雨雨,孫柏文深 表同情。唔知係咪呢幾年,東亞發展國內業務多,噚日仲要好似啲大陸銀行管理層咁,做頭條新聞。咁嘅情況下,東亞股價上個禮拜仲升,我諗係好似啲人吹風話, 一路以來東亞銀行(023)因為股權極散,可以被收購。今次李主席單嘢,唔通真係令人問:「BEA is in play?」

------------------------------------
PS. Our head of business page likens BEA to a country club founded and manned by the great and good of old money in Hong Kong. So hardly th minority shareholders will sell out. I guess there goes my theory of them being in play...

次按債券 人人有份

禮拜一,南韓友利銀行Woori Bank宣佈,佢哋喺花旗國次按債券嗰度輸咗好多億元。因為財技,今時今日一間南韓銀行可以借錢畀啲唔應該借錢嘅花旗國人,孫柏文只 可以話,全球一體化之下,唔係淨係得滙豐銀行可以「環球金融,地方智慧」。

不過講真,我真係驚除咗友利銀行之外,仲有其他亞洲單位中招。因為呢幾年,有好 多白皮投資銀行游說啲亞洲企業,話買呢啲次按債券及其衍生工具係「超英趕美咁先進」嘅現代風險管理手法。就算係咁,每次有分析員或記者開口,繼而令和黃 (013)霍建寧叔叔反問:「和黃資本成本低過回報,點解要減債?」嘅時候,我都覺得和黃應該冇份。仲要覺得和黃好勁!


我最驚除友利銀行之外,仲有其他亞洲單位中招。





滙豐今次業績應冇事

喺特區主板上市嘅公司,每年都要公佈兩次業績。相信作為《金手指》fan屎嘅你都知,一次係全年業績,一次係半年業績。


喺特區裏面,有一個財經口水 佬,對花旗國樓市極度悲觀,而同時因滙豐(005)做咗好多花旗國樓宇按揭,所以都非常睇淡滙豐。相信作為《金手指》fan屎嘅你都知,呢個口水佬就係孫柏文。不過今日就當爆冷,因為我相信滙豐喺7月30日,公佈嘅半年業績,應該會冇事。


大家可能會話:「孫柏文轉軚!」冇轉軚!等我慢慢解釋。雖然滙豐確實擁有好多花旗國次按債券,不過我相信佢哋揸嘅係啲有「攞錢」優先權嘅「優質」AAA、AA級嘅次按債券。

分析員睇倒後鏡揸車

如 果大家記得,今年2月大家第一次聽到「次按債券」呢樣嘢,係因為次按債券當中,冇「攞錢」優先權嘅「劣質」BBB級債券爆煲。當時,AAA、AA級嘅次按 債券係冇事。

大家要記得,滙豐計半年業績嘅截數日,係6月30日。同日,滙豐亦正式進入公佈業績前一個月嘅silent period(沉默期),唔准講嘢。咁點解我會話業績冇事?左邊為大家提供反映花旗國AAA同AA級次按債券價格嘅走勢圖,大家就會見到直至6月30日, AAA同AA級次按債券冇乜點跌。所以反映滙豐直至6月30日狀況嘅半年業績,應該會冇事。

今日見到有投資銀行,調高滙豐半年盈利預測同目標價,孫柏文絕對可以理解。業績係倒後鏡,呢個分析員靠睇倒後鏡揸車,果然藝高人膽大,小弟敬佩、敬佩!



是誰消滅舞照跳

80年代初,鄧小平同志話要收番香港嘅時候,亦同時引進香港第一代嘅sound bite。首先有「一國兩制、港人治港、高度自治」呢個好典型嘅sets of three sound bite。

中英聯合聲明簽署嘅時候,孫柏文得6歲,不過以我理解「一、港、高」背後嘅意思,就係小平同志覺得香港嘅社會生態應該保存(一國兩制)。而最可相信有誘因,同埋最識得去保護香港社會生態嘅,就係香港人自己(港人治港)。而落實方法就係,香港人管治香港人(高度自治)。

何為香港社會生態

咁乜嘢係香港嘅社會生態?Model answer相信冇人知,小平同志都唔知,不過小平同志就知道有啲現象如果可以繼續,就等如97年後,成功保存香港社會生態。所以就有第二個sound bite「馬照跑、舞照跳」。

今晚8:30,孫柏文會喺有線電視第8台,用隻《金手指》去篤醒破壞「繼續馬照跑、舞照跳精神」嘅特區政府。特別係舞照跳。我真係要問:「究竟你哋明唔明乜嘢叫做馬照跑、舞照跳?又話自己好似孫柏文一樣,係政治家!」

對付榮豐 初見成效

噚日,孫柏文講過榮豐投資(063)大玩「財富轉移」,大股東對小股民有如被李國 章蹂躪。我亦講過,就算證監同港交所,批准呢啲蹂躪手法,喺有互聯網之後,你做嘅衰嘢,係唔會銷聲匿迹,永遠被互聯網存載。之後只要有人google榮豐大股東嘅名,就會搵到我嗰篇警惕世人同佢哋合作會有乜嘢結果嘅文章。

即係話,就算證監同港交所嘅人收唔到佢,Google呢個天收佢。

大家可能會問:「真係得?」我只可以話,噚日篇文章上網之後,到晚上時分,你只要google榮豐董事「鍾斌銓」,「鍾金榜」,「鍾燊榮」,「鍾斌盛」任何一個名,都會喺 「搜尋結果」嘅第一頁見到我嘅文章。

google「和黃3」會點?

大家可能會再問:「咁會唔會好快喺結果首頁唔見咗?」呢個問題,最好由和黃公關作答。因為如果你今時今日google「和黃3」,「搜尋結果」首頁嘅第一個答案,就係我篇讚和黃3好勁,不過批評佢哋九流 marketing,題為《和黃3又硬膠》嘅文章,而嗰篇文係喺好幾個月前寫。

試問如果有後生仔女,經過和黃3幾十億元嘅marketing之後,真係上 網睇吓和黃3搞啲乜,點知一睇就係我篇文,你係和黃你會覺得點?所以都係嗰句,做衰嘢,出得嚟行,遲早要還。仲要唔係得你要還,因為永遠被存載,之後十年、二十年,你嘅仔、孫,都仲會還。同姓鍾嘅人做生意,google吓先!

Saturday, July 21, 2007

Dollar Index @ 80.06

Every single gold/silver bug is watching this right now.

I mean EVERY SINGLE bug.

Dollar index is now resting on 80 - @80.06

If 80 breaks...



The thing is this... There is NO WAY to push the dollar up. Especially with interest rates.

There is now a cardiac arrest unfolding in credit markets. Ben my friend, time to print those paper money and shove it into the banks! hahahahahah

Thursday, July 19, 2007

Bear Stearns次按 長爆長有

十幾日前,孫柏文睇《華爾街日報》話管理兩個炒爆次按基金嘅Bear Stearns,會喺「最遲7月16日」公開基金裏面啲次按債券,直到6月30日值幾多錢。到我落筆嘅呢一刻,好似仲未有消息。

今時今日,好多擁有次按債券嘅單位,根本無法知道,甚至唔想知道啲次按債券值幾多錢。因為如果債券資產不抵債,分分鐘可以即時執笠。我唔知Bear Stearns幾時會公佈債券估值,同埋如果一公佈之後,其他基金會否相應下調自己手上債券嘅估值。

不過可以肯定嘅係,好似一個完全被毀容嘅病人一樣,要第一次知自己今日係乜嘢樣,一定要有心理準備。最後大家要謹記,Bear Stearns只提供佢哋覺得啲次按債券,喺6月30日嘅一刻值幾多錢。因為穆廸同標普反枱,將次按投資評級大幅下調,今個月先至開始發生,花旗國樓泡沫呢個故事,真係長爆長有。



大家準備接收聯儲局印出來嘅銀紙啦!

--------------------------------

PS. Shareholders in the Bear Stearns hedge funds lost 90% of their money.

They had US$600m equity, US$4b leverage in form of margin loans. That means that the fund's assets are worth still US$4.06b.

Which begs the question. WHO IS DOING THE VALUATION OF THESE ASSETS and WHAT ARE THEY SMOKING?

Also, did Bear Stearns acquire those left over positions from the busted hedge funds? If so, oh o.

Monday, July 16, 2007

對付無良大股東 初見成效

繼續連結榮豐!繼續推!

Search 鍾斌銓 As of this moment, 3rd result.

Search 鍾金榜 As of this moment, 5th result.

Search 鍾燊榮 As of this moment, 6th result.

Search 鍾斌盛 As of this moment, 1st result. 1st!

要揭榮豐(063)無良大股東的所作所為!認識他們的人,告訴他們這個後果!

Thanks Erica!
! Simon! Pulp!會計仔!Zonaeuropa!Angus!Money cafe!Rapiere!Sun Bin!

Let's see how it goes on the 25th when the shareholders of 榮豐 vote on the proposals.

姓鍾榮豐大股東 禍及下代小股民

Please link to this blog entry. It is time for the small shareholders of Hong Kong to demonstrate what can be done to punish those who treats us poorly.

Google's search result ranking works by seeing how many ppl link to that website, more links to my entry, the higher the rank.

So that when ppl search the name of the company's directors (which i included all of them) on google, hopefully the first result will be this piece.

And it is all about how they treat small shareholders poorly.

Next weds is the Special General Meeting for the shareholders to vote on the deal. Hope fully by then, the ranking will be high. Teach them a lesson to piss off HK shareholders.
-------------------------------------

如果今日,孫柏文同你講,勸你唔好做一樣會影響你下一代嘅嘢,你會唔會聽?

今時今日,一個30歲以下嘅人,如果想research一啲嘢,第一步一定係上網睇。甚至係一定上Google。

早 排有間網上招聘公司嘅總裁,叫做Jason Goldberg,雖然坊間傳聞話佢會大幅裁員,不過佢死都唔認,仲公開批評啲「放風人」。點知,批評「放風人」之後幾日,該公司真係大幅裁員。霎時間, 鬧總裁「廢柴」嘅文章百花齊放。總裁之後都知出事,盡力道歉希望可以擺平風波。不過到今時今日,只要你上Google,打Jason Goldberg,喺頭十名搜尋結果當中,仲有講佢點樣講大話嘅文章。

有互聯網之後,冇嘢可以銷聲匿迹,五年、十年、二十年之後,只要有人 google Jason Goldberg,都會知道佢今日講過大話。喺咁嘅世界裏面,你絕對可以做衰嘢,不過就要有心理準備,出得嚟行,遲早要還。仲唔係得你一個還,之後十年、 二十年,你嘅仔、孫,都仲會還。

如被李國章蹂躪

特區有間上市公司,叫做榮豐(063),早排出通告,話要大玩「財富轉移」。孫柏文絕對唔係第一個講呢單嘢嘅人。基本上,大股東將會攞啲「廢柴」新加坡物業注入榮豐,同埋將榮豐啲特區貴地皮注入冇上市嘅公司,跟住一比一咁分畀股東。下個禮拜7月25日畀啲「獨立」小股東投票決定。

注乜嘢入榮豐,小股東要被攤薄幾多我都冇氣鬧。不過,將貴地皮注入一間冇上市嘅公司?跟住一比一咁分畀股東?如果股權真係冇物質上嘅改變,做咁多嘢為乜?作為一間冇上市嘅公司嘅小股東,有如被李國章蹂躪。

我好尊敬嘅何車先生講過:「榮豐……改組,送不會掛牌的債券。派送不會掛牌的東西,不受歡迎。勝敗炒家常事,建議止蝕離場。寄語上市公司揸弗人,送甚麼都可 以,叉燒飯亦無妨,但不要送不會掛牌的無報價東西。」同樣我好尊敬嘅股醫查博士,仲要一矢中的咁話:「榮豐……其重組手法值得關注,小股東一是反對,一是沽貨。」

就係呢啲手法令特區蒙羞,削弱特區金融業競爭力。如果係特區人呃特區人都算,不過如果係新加坡人嚟特區做呢啲嘢,大家又點睇?

請轉載呢篇文章

大 家只要睇榮豐同佢母公司嘅年報,都應該會推斷佢係家族生意,管理層係姓鍾四兄弟。亦即係話,大家可能會覺得上述從商嘅手法,反映佢哋嘅「種」,有乜嘢心態。



今日我嬲嘅,唔係證監同港交所廢柴,連呢啲手法都批准。
今日我嬲嘅,唔係坡佬嚟搞寸特區。
今日我嬲嘅,係因鍾斌銓Cheong Pin Chuan, Patrick,鍾金榜Cheong Kim Pong,鍾燊榮Cheong Sim Eng,鍾斌盛Cheong Pin Seng,可以完全唔顧佢哋下一代永遠永遠都要負起佢哋商業行為嘅後果。

今日要中英文名都出晒,係因為我相信好多曾經被上市公司大股東,咁樣「對待」嘅小股東股民,會轉載、連結到呢篇文章。到時候,如果佢哋姓鍾嘅後裔要做生意,搵拍檔,啲準拍檔一google佢屋企,就會知道佢哋家族嘅從商心態。

回頭是岸。

Sunday, July 15, 2007

Did I lead to his arrest?... no...

Well, the police is taking action on the serial terrorist attacks on New World's Assets.

And the highest profile individual arrested so far is a man named 鬼添.

Apart from his alleged involvement with triads Sun Yee On, he is also an officer at the Thai Boxing Association here in Hong Kong.

Anyhow, according to house he is suppose to have a Master's degree...

Master's degree... umm... it wouldn't be an MBA would it?

If so... Did my musing led to his arrest?

Friday, July 13, 2007

Sinner repents... A little late...

S&P admits sloppy subprime review


S&P emoticon------> t('.'t)

終極奧運概念股

孫柏文當年讀大學,上堂嘅時候,喊過一次。成年男人喊,已經算少,不過上堂喊,應該大家都未睇過。我記得嗰班係教「近代東亞歷史」,而令我喊嘅一課,記得當時我坐喺後排,喺息晒燈嘅班房睇一段關於南韓嘅紀錄片。

北京係漢城翻版?

令 我喊嘅一鏡,仲歷歷在目,銀幕畫面上,從高空影住幾個喺橋上嘅人。後面配音話:「到1987年6月,南韓人民發動大規模支持民主政制嘅示威……」,鏡頭慢 慢越拉越闊,畫面上由最初影住幾個人,最後影住一個完全俾人頭塞滿、一望無際嘅廣場。配音:「88年奧運會,喚醒南韓人民對民主嘅訴求,令超過100萬漢 城市民,上街爭取民主政制。到6月29日,獨裁政府嘅執政黨候選人盧泰愚,宣佈完全接受人民嘅要求。宣佈同年12月舉行嘅總統選舉,會以一人一票直選產 生,同時宣佈,金泳三同金大中等反對派人士,全面恢復政治權利。」

唔知點解,嗰一刻,眼淚就開始流出嚟。

今日同大家分享呢個故事,就係因為噚日,我俾老闆 黎智英喺《壹週刊》,《事實與偏見》專欄裏面,題為《時代的演進》嘅文章觸動咗神經。基本上,老闆話,好多樣嘢由星星之火嘅開始,點樣變成普及。老闆首先 用科技舉例,話電話雖然喺百幾年前發明,不過要去到近八年十年,先至去到人人有自己一部。老闆跟住再用生物學舉例,話睡蓮嘅生殖速度一到臨界點,就會以 exponential嘅速度進行。開頭好似冇乜變化,不過一到臨界點,就出現大爆發。

股價實行升10倍

老闆最後就諗:「表 面上,中國大陸的政治改革確實非常緩慢……可是在這表象的下面,正在出現變化。到了2008年北京奧運,中國將要對外間開放了……我希望那將會激發起中國 人……給中國政治改革打出個大缺口。」

如果用股票經紀口脗重複老闆嘅說話,就係:「08北京係88漢城翻版!」

如果真係咁,孫柏文就 有隻股票要推介。呢隻終極奧運概念股,就係壹傳媒(282)。大家諗吓,我哋擁有特區銷量排第一二嘅雜誌、報紙,有台灣排第一嘅雜誌,排第二嘅報紙,基本 上有言論自由嘅華人社會,我哋就掂。

台灣有2300萬人,特區700萬,加埋有3000萬人,祖國有13億人。

用計埋物價水平嘅人均收入計算,祖國人民收入係特區同台灣嘅四分之一。

如果08北京真係88漢城翻版,壹傳媒可以名正言順走進祖國。

13億人,就算除番4,都有3億幾人,現在3000萬人,股價就 2.77元,如果有3億人,咪27.7元一股?

不過同Rapiere傾,佢就會錯意,因為今時今日孫柏文盡量避免用,被紫微楊叔叔評定為硬膠「白話文夾雜廣東話,再加些英文字」嘅「三及第式」語文。所以我話壹傳媒係「終極奧運概念股」嘅時候,Rapiere仲估「終極」係terminal,而唔係ultimate。

Thursday, July 12, 2007

樓泡集團 反枱內訌

簡直係一齣杜琪峰作品。一個已經被重重包圍嘅賊巢,噚日,有兩個賊忍唔住,反枱。大叫:「我哋唔玩,你死你事,我哋去自首!」呢兩個賊,就係穆廸同 標普。黑社會,就喺呢幾年,憑財技吹大花旗國樓市泡沫嘅利益集團。

一個入籍花旗國不久嘅新移民,月薪只有1500美元,居然可以毋須首期,用70萬美元買 間屋,變成債仔。

放債嘅中介人,話做足功課,搵過「獨立」估價員去估價,話間屋嘅價值,遠比70萬高。呢個估價員知道,如果話間屋唔值70萬,下次就會冇 放債中介人畀生意,跟住被淘汰。

試問有幾多估價員因為咁被淘汰?遺留下來嘅估價員,又可以幾「獨立」?

中介人放債畀千千萬萬個債仔之後,就走去投資銀行, 問佢哋有冇興趣代債仔還錢。等中介人收佣,之後嘅利息收入,就同中介人無關。投資銀行當然樂意接受,因為佢哋都係中介人,都係賺個佣。投資銀行接收呢啲按 揭之後,就將佢哋嘅利息收入結合,跟住將結合咗嘅利息收入流,再以收錢次序分成不同等級嘅投資債券。每個月第一批收到嘅錢,會畀優先嘅債券,排最後嘅就可 能冇錢收。因為呢啲債券從按揭收入衍生出嚟,所以係「衍生工具」。

投資銀行話呢啲債券,特別係優先收錢嘅債券「好安全」。因為已經搵過「獨立」嘅風險評級 公司,例如穆廸同標普睇過,佢哋話係AAA、AA、A。大家都知道,一間公司出債券借錢,穆廸同標普會「金睛火眼」咁睇晒間公司盤數,先至會出評級。不 過,呢啲按揭債券衍生工具嘅評級方法,就非常唔同。

為穆廸同標普擔心

基本上,啲投資銀行去穆廸同標普,叫佢哋為衍生工具出評 級嘅時候,就會提供埋未來宏觀經濟走勢。例如,投資銀行設定未來每年樓價升10%,穆廸同標普就會根據提供走勢,話啲按揭債券「好安全」。因為就算係月薪 得1500美元嘅新移民,都會飯都唔開,去供樓。

就係咁,有好多高息「好安全」債券出現。令更多資金湧入樓市。樓市進一步上揚,債券更「安全」。

不過當所 有要買樓嘅人已經買咗樓,地產發展商又不斷起新樓,泡沫就爆。

冇畀過首期嘅債仔斷供。冇人會理穆廸同標普出評級嘅時候,話只係根據投資銀行提供嘅未來走勢 出評級。大家睇到嘅,只會係AAA、AA等嘅英文字母。如果喺1999年,我同你講話科網股爆破嘅時候,表面上無關嘅會計師行Arthur Anderson會執笠,你一定話我黐線。

真係為穆廸同標普擔心。

Wednesday, July 11, 2007

「可不可能還我自由?」

朱培慶唱K事件,已經有好多唔同嘅分析。孫柏文覺得,下台合理,港台無罪,不過應 殺。因為作為一個傳媒工作者,我覺得嗰啲話「港台如果被殺,香港就會冇獨立聲音」嘅人,正硬膠也。因為如果你要走在正「中」間,只需買份《蘋果日報》,同 一份「祖國奶水」報,跟住兩份都睇晒就可以。

仲有,港台每年差唔多6億元嘅撥款,又可以畀幾多小朋友,喺啲教得好好嘅牟利幼稚園讀書?

處長K癮殺死港台

不 過講真,如果今次港台被處長鋪K癮殺死,港台只可以怪自己。特區有個blog叫做「東南西北」,blog主好鍾意繙譯中文文章,畀番鬼佬明白特區同祖國嘅 風土民情。除咗繙譯之外,blog主都會有用英文寫嘅分析文章,今次就畀我幫佢繙譯。基本上,「東南西北」話如果朱培慶唱K係「私事」,咁點解第一次朱處 長做回應嘅時候,係港台呢個「公器」嘅公關做?如果港台真心覺得今次係「私事」,根本就唔會畀佢「公器私用」,應該係「佢死佢事」。港台因此形象嚴重受損。

最後,孫柏文喺上個禮拜五收到一封朋友轉送嚟嘅電郵,今日想大家分享,在下面啲出。

------------------------------


友:

請不要視今天的信為一封遺書。沒錯,我今天尋的是死亡,不過是塔羅牌中的「死亡」。懂用塔羅牌占卜的人,會告訴你如果在占卜過程中,你抽到「死亡牌」,不代表你將會魂歸天國。「死亡牌」只預言在生命中有些事情會得到了結,去到盡頭。

各位,實不相瞞,我好攰。我想有好多事情得到了結。

以前,熱愛我的工作,深愛我的女人。

奈何愛,已經不在。

我的工作,本應好簡單,只需管理一班毋須管理的精英,確定精英沒被滲透。奈何工作,已經變成一場戰爭。外來的攻擊,有如長江江水,綿綿不絕。有如花崗岩般的堅定,都會有崩潰的一日。

我的女人,本應好簡單,我深愛她,她深愛我。奈何女人,已經變成一場交易,互惠互利。為符合世俗的預期,使他人覺得一切如常。內裏的折磨,有如熔爐烈火,熊熊在燃。有如黃金般的熱情,都會有耗盡的一日。

工作已變成折磨,回家已變成工作。

奈何愛,已經不在。

我在尋找的了結,何時現?

我在尋找的死亡,在那方?

酒,不應再喝。喝了,只會有更多煩擾的電郵。不過今天應不是放下酒杯的一天。

PS.今晚我哋係咪落Must Kara?好掛住Coco。

Tuesday, July 10, 2007

港女 豬扒 中糧油

孫柏文作為一個肥仔,平時食飯都會揀擇啲,大家唔好誤會係揀飲擇食,只係希望可以 食好啲。橫掂都一樣嘅卡路里,就當然希望有最大感官刺激回報。

不過,噚日因為工作關係,要去到一間公司canteen食午飯。好彩,呢個canteen係 由大家樂集團(341)嘅子公司管理,所以仲有佢哋嘅旗艦產品,「一哥焗豬扒飯」可以揀。去到canteen嘅時候,咁啱撞到香港女性典範,隔籬理財版《敏妮talk》嘅溫敏妮。

見到靚女,孫柏文嘅自然反應,當然係走去媾媾佢。點知,就見 到溫敏妮手腕好似有事,佢話係肌肉勞損,我諗分分鐘係Carpal Tunnel Syndrome。佢仲話,自己已經成為《鹿鼎記》裏面嘅「獨臂神尼」,不過係現代版,「獨臂敏妮」。面對港女,我當然步步為營,所以都冇膽讚敏妮佢連自 嘲都「好港女」咁毒。叫自己「獨臂神尼」,唔通話自己不但四肢不齊,仲要攻擊港女死穴,話自己好似啲尼姑咁,嫁唔出?

試吓新嘢?!

敏妮同我就一齊排隊,去到收銀機,我話要「一哥焗豬扒飯」,點知,個收銀哥哥話冇「一哥焗豬扒飯」,淨係得「一哥焗雞扒飯」。

What?焗雞扒飯?我問佢點解,佢話公司想試吓啲新嘢。

乜話?攞旗艦產品試吓新嘢?

就好似將《蘋果日報》嘅風月版,變成畀「同志」睇,唔係話冇市場,不過市場真係細好多。

講真,冇焗 豬扒飯嘅真正原因,係因為canteen同敏妮嘅公司,有價格管制協議。焗豬扒飯成本之一嘅豬肉,價錢上升時,又不能轉嫁畀消費者,就當然會出現計劃經濟 當中最常見嘅短缺問題。豬肉喺特區,都係因同一問題出現短缺,養豬成本節節上升,不過豬農又不能轉嫁成本畀五豐行,咁就當然唔供應。

仲係能源概念股?

養豬其中一個最大嘅成本,就係飼料。而因為豬肉係我哋中國人不可缺少嘅食物,為減低豬肉價,祖國政府一定希望見到飼料價格下跌。所以孫柏文一向對祖國「糧食變能源」概念股,存有戒心。好似中國糧油(606),話雖然國家宣佈停止所有新嘅「提煉乙醇」計劃,中糧啲計劃唔知可唔可以繼續。今日我就放長雙眼,睇吓中糧可唔可以繼續煉乙醇,仲可唔可以叫自己做能源概念股。


Notice the Greek letters on the menu...

Monday, July 09, 2007

和黃3有救 你今日先知?


上個禮拜五,和黃(013)升咗6.3%,收83元,六年新高。買咗真係三年又三年。

升得咁勁嘅原因,我諗係因喺禮拜五相繼有瑞信Credit Suisse 同埋美林 Merrill Lynch出報告挺和黃。孫柏文作為特區絕無僅有、叫大家「一注獨贏買和黃」嘅財經口水佬,當然第一時間睇睇啲報告講乜。

一睇,就發覺原來兩份報告都話和黃嘅3G電訊業務有救,而3有救嘅原因,就係因「數據服務」增長應會非常強勁。「數據服務data service」究竟係乜?咪就係用手機上網囉!

吹水唔抹嘴

講 電話、send短訊等嘅活動,消費者將會全面靠上網做,所以根本無可能有額外收費,如果無線電訊公司早啲覺悟,簡簡單單專注「無線寬頻上網服務」佢哋就有 機會突圍。

和黃嘅3喺舊年11月宣佈推出,有如大家屋企寬頻上網服務咁簡單、易明嘅「無線寬頻上網服務」。呢個收費文化大革命就叫做X-Series,我 記得和黃CFO陸法蘭宣佈之後嗰日,我就第一次叫大家「一注獨贏買和黃」。因為我信X-Series會救番3,而3一冇事,和黃股價仲唔升?

不過我記得當 時,好多分析員對X-Series隻字不提。就算有講X-Series嘅報告,都話作用不大,有個我唔記得乜名嘅分析員,直情話X-Series係個 「gimmick」花招。6蚊就可以買份《蘋果日報》,真係唔知要幾多錢先可以睇到嗰份報告。

講真,真係唔可以怪今時今日啲分析員,唔睇啲電訊公司嘅新服 務或收費模式。因為以前睇新服務、產品,繼而叫大家去買電訊股嘅分析員,已經喺dotcom泡沫爆破之後炒晒,仲要被批評為「吹水唔抹嘴」。今時今日啲分 析員「好實在」,淨係睇數,亦引以為榮。我諗淨係得番啲睇Apple Inc嘅分析員,先至睇新服務、產品究竟係乜,出買賣建議。

重申買和黃

今日,孫柏文重申一注獨贏買和黃,維持強力買入建議,目標價100元,有效至今年11月21日。

後記:可能因我以前係一個石油分析員,《金手指》一欄其實講過好多資源股,不過好多時,喺街見到啲fan屎,佢哋往往只記得我貼過一隻股票,就係和記黃埔。呢個真係Blue Ocean Strategy嘅text book case。

Friday, July 06, 2007

和黃 good today

"Data business growing well..." Analysts say... hahahhah

All hail X-Series! (here and here)



But I still think Hutchison should kill the "3" brand and go with Wham!Poa!

Marriot 被搞之謎

市面流傳,江湖要上位,做大佬,好多都要喺外國讀工商管理學呢啲番書。以下就有個大佬上個禮拜同兄弟對話。

大佬:「收到order我哋要搞新世界。即係話 搞新世界電訊、新世界啲大廈。」

蠱惑仔A:「佢哋好似有酒店o忝。」

大佬:「係,Harbour View。啊B你去搞。」

蠱惑仔B問蠱惑仔A:「Harbour View中文係乜?」

蠱惑仔A:「好似有個『萬』字嗰間。」

蠱惑仔B:「萬豪呀?」

蠱惑仔A:「好似係,你自己去check check。」

後記:JW Marriot = 萬豪,Renaissance Harbour View = 萬麗。原來酒店都可以被人點錯相!

兩個蘋果 只能揀一個

孫柏文有一個大學同學叫Gabriel,喺矽谷Silicon Valley做嘢。喺對上周末,Gabriel打電話畀我,劈頭第一句話:「Pak Man!你要幫我去搵你老闆肥佬黎!」我:「咁大鑊?唔好啩?」

Gab:「I don't care,我今日排咗好耐隊先至買咗部iPhone。返到屋企就試吓,求神拜佛可以睇到中文,因為我買部機番來,都係想可以隨時上網,特別係上你哋個《蘋 果》網站。」

我:「咁得唔得?」

Gab:「得!Load到《蘋果》網站,我都唔知幾鬼開心。」

我:「呢個我都知。我嗰日經過老闆辦公室門口,都見到台灣 《蘋果》,攞咗幅iPhone上《蘋果》網嘅相做A1。」

Log in唔到點算好

Gab:「不過上到《蘋果》網,都睇唔到 《蘋果》囉!作為一個海外讀者,係要訂閱,跟住就要log in先至睇到《蘋果》。問題就係用iPhone log in唔到《蘋果》網!」跟住Gabriel就一輪咀講話平時html log in,蘋果iPhone就會喺畫面爆出個keyboard,不過因為部電話睇唔明《蘋果》網用嘅JavaScript,所以冇爆出keyboard,咁就 不能登入《蘋果》網。試咗好耐都唔得。

Gab:「你明唔明我講乜嘢?」

我:「唔係好明啊大佬,hung over囉。不過應承你我會搵個方法同佢哋講。」

Gab:「我訂咗《蘋果》網差唔多十年,到8月續期嘅時候都未搞掂嘅話,就等如迫我喺iPhone或《蘋 果》網揀一個!」

我即刻答:「咁你梗係一定keep住《蘋果》網啦!」

Gabriel下一句說話,就無關痛癢,所以我亦選擇喺呢度結尾。不過點解要強迫啲 人,一定要喺兩個蘋果之中,揀一個?

後記:孫柏文翻查過嗰份台灣《蘋果》,發現相中,上咗《蘋果》網嘅iPhone,其實係未登入網站。

Thursday, July 05, 2007

如何甄選「心中有團火」嘅新移民

今日,孫柏文終極挺曾。對上個禮拜,我已經寫咗好多文章話,我非常認同特首曾蔭權走出嚟話要將特區打造成千萬人城市。因為我想有多300萬人,可以呼吸特區嘅自由空氣,把握自由空氣賦予嘅機會。我阿爺當年就係把握咗呢個機會,先至可以有孫柏文。我亦話過,最想見到嘅就係年輕版李嘉誠、黎智英等嘅移民。佢哋當時係「三冇」:冇錢、冇學位、冇方向。不過就好「好飢餓」hungry,對機會同知識「好飢餓」,對向上爬「好飢餓」。簡直就係心中有團火。

神髓在引入按金

我 亦解釋過,甄選到年輕版李嘉誠、黎智英為香港人嘅移民政策,就係當年嘅「抵壘政策」。「抵壘政策」就係一個完全冇主觀性嘅「入港試」,想「考」嘅人已經自 我甄選過self selected,心中一定有團火。問題就係,喺21世紀社會已經唔可以容忍「抵壘政策」分分鐘要你同鯊魚游水嘅不人道。所以挑戰就係點樣設計一個,可以 捕捉到「抵壘政策」神髓,不過又人道嘅移民政策。

仲有,任何移民政策,喺設計上都要盡量杜絕啲新移民做嗰三樣我哋最驚嘅嘢──去打劫、攞綜援、用醫療。大家可能會問:「係咪真係可以設計一個咁嘅移民政策?」其實係可以。

今日,孫柏文想 同大家分享一個叫做「有團火按金」移民政策。個政策好簡單,就係一個不論喺世界任何角落嘅新移民,只要能夠證明身體健康,跟住畀政府4萬元按金,政府就會 容許佢嚟香港3年。可以自由工作,又可以好自由咁唔工作。3年後可以發還按金,不過如果申請人喜歡,可以再續4年。又4年之後就已經7年,亦即係香港人, 到時候無條件發還按金。

4萬元按金對大家可能好少,不過對一個一係嚟香港,一係冒生命危險搭貨櫃偷渡去花旗國嘅人,4萬元絕對可以證明呢個人「有團火」。點解要係按金,而唔係攞咗就算?因為要盡量杜絕佢哋去打劫、攞綜援、用醫療。

首先,一個理性嘅人為錢去犯法,基本上係計數。值得就會做,如果唔值就唔做。而一般人最驚嘅犯罪活動,就係為錢嘅隨機暴力劫案,例如扑頭黨。好在為錢嘅隨 機暴力劫案回報率往往只有幾百元,所以只要政府話:「被裁定犯法嘅新移民,佢哋4萬元按金會被充公。」啲新移民就會計計數。

當然,如果一個新移民可以做上市公司主席,跟住做假數呃投資者好多千萬元,充公4萬元按金嘅阻嚇作用就真係唔大。不過,我都想擁抱呢個人做我哋一分子。

等新移民知難而退

再講防止新移民攞綜援。如果一個新移民真係山窮水盡,政府可以每個月發還某部份按金,上限設定為兩萬元。仲要好似炒孖展一樣,政府要個新移民喺某段時間內補 啲按金,否則會充公剩餘嘅,跟住遞解出境。咁樣新移民真係會三思,到時候,如果個新移民撈唔掂,對應該知難而退,返歸。

再講防止新移民用醫療。由於新移民 來港前要證明身體健康,所以如果一個新移民來港用醫療,一定係因為喺香港出事。「有團火」嗰種新移民多數係後生仔女,而後生仔女如果真係要用醫療,大多數 都係「災難式」嘅醫療需要,例如撞車。當然,有按金可以扣數,甚至可以強制性要求佢哋證明買咗醫療保險。不過大家要謹記,後生仔女永遠都係社會上最唔需要 醫療服務嘅一群。所以醫療問題應該唔會好大。

各位對移民政策有興趣嘅fan屎,相信你已經準備好鉸剪。希望你可以剪呢篇文章落嚟,為香港五十年後嘅未來, 諗吓我呢個「有團火按金」移民政策。

Wednesday, July 04, 2007

香港要智勇雙全嘅移民

今日,孫柏文又挺曾。

上個禮拜,我用兩篇文章話過,我非常認同特首曾蔭權,走出嚟 話要將特區打造成千萬人城市。問題只係畀啲乜嘢人嚟香港。我又曾經話過,我最想見到嚟港嘅移民,就係年輕版,「三冇」嘅李嘉誠同黎智英。佢哋當時窮到燶, 讀書少,嚟港嘅一刻,連未來想做邊行,會走邊條路都唔知,所以就係「三冇」,冇錢、冇學位、冇方向。

不過佢哋就有一樣好重要嘅嘢,就係「飢餓」 hunger,佢哋就係「好飢餓」hungry嘅人,對機會「好飢餓」,對知識「好飢餓」,對向上爬「好飢餓」。所以就算冇錢、冇學位、冇方向,就係過百 萬個呢啲咁嘅移民,喺獅子山下將香港打造成一個神話。政府可以成功甄選呢啲「三冇」移民嘅政策,就係憑當年嘅「抵壘政策」。

「抵壘政策」好簡單,就係只要 你能夠憑聰明才智或者超卓體能,能夠繞過政府嘅障礙,成功到達市區,就可以攞身份證,融入社會。即「抵壘政策」係一個港英政府提供畀想嚟港工作、生活嘅 人,24小時隨時可以考嘅「移民試」。

咁今時今日兩個最大主流移民方案,就係「投資移民」同「技術移民」。如果要用幾百萬先至可以嚟港,窮到燶嘅年輕版嘅 李嘉誠同黎智英嚟唔嚟到?所以支持「投資移民」嘅人,正硬膠。

隨時資源錯配

講「技術移民」。雖然,就連我非常仰慕嘅左丁山叔 叔,都話人口「貴精不貴多」,如果只吸引「低教育,低技能」嘅人,只會益咗陳婉嫻、李卓人攞多啲選票,令政府福利支出大增。不過如果左丁山叔叔有留意,上 個禮拜就有班「好高教育,好高技能」嘅醫生、社工,出嚟要求政府增大支出畀佢哋。所以高技能都可以冇用。不過如果換轉係年輕版「好飢餓」嘅李嘉誠同黎智 英,薪金太低?一早已經學新技能轉工啦!

仲有,如果六七十年代政府係用計分制度吸引「高技術」移民。今時今日香港一定有全世界啲最優秀嘅黐膠花工人,有個「黐膠花」立法會功能組別,跟住黐膠花聯會就會「好愛國」,日日要求政府資助式微嘅黐膠花行業。所以,支持「技術移民」,不如支持「好飢餓」嘅移民。

最 近聽聞我哋特區有個「專才」入口計劃。嚟港嘅要求,就係到埗前要有份工喺手。你話年輕版嘅李嘉誠同黎智英,有冇工喺手先嚟?毋須靠我哋血汗錢開飯,可能投 靠朋友、親戚嘅外來後生仔女嚟港,就不如畀個機會,畀啲時間佢哋摸清楚特區環境,跟住就唔好阻住佢哋開工。唔係好似「專才」計劃咁,人生路不熟,已經要有 份工喺手,分分鐘資源錯配,浪費大家時間。

其實,我哋可以用經濟學,去設計一個「人道版抵壘政策」。毋須強迫想嚟港嘅人犯法、同鯊魚共舞,都可以甄選出「好飢餓」嘅移民。我叫呢個政策做「三冇」按金政策。今晚8:30pm喺有線財經08台,公之於世!

抵壘政策雖然要人同「鯊魚共舞」,不過就甄選到李嘉誠同黎智英。問題係點樣將抵壘政策「人道化」。

Tuesday, July 03, 2007

金手指貼士第二季總結

7月第一個交易日,係時候總結孫柏文隻金手指為大家篤嘅貼士第二季嘅表現。可以用以下12個字做總結,「H股好勁,put輪打靶,其他發呆」。以下個成績表(附表)可以清楚顯示第二季表現,跟住我會講吓未來嘅展望。

白銀

白銀(圖1)上升主要有兩個因素。第一就係基本供求,第二就係貨幣政策。喺早幾個禮拜,白銀協會Silver Institute出嘅一年一度白銀供求報告裏面,講得清楚白銀需求喺06年跌咗1.5%,礦產量供應就升咗少少,冇1%。

不過大家要記得,白銀06年嘅 平均價錢比起05年升超過50%。價升50%,新供應先至升少少,需求又只係跌咗啲。

仲有礦產供應6億幾盎斯,需求係9億盎斯,之間嘅分別就有存貨來彌補。其中一個最大嘅存貨來源──各國嘅政府、央行,舊年就賣咗7000幾萬盎斯。以前啲政府、央行,加埋加埋有幾十億盎斯白銀,到舊年尾就只剩1億幾盎斯。

最後,白銀用來做首飾嘅需求大跌,用來做菲林相紙都係一樣,不過做機械、工業嘅需求增加,就完全彌補以上兩樣用途嘅跌幅。供求上,銀價應升。

而喺貨幣政策上,應該會「樓泡爆破印銀紙,美元貶值金銀升」。

所以維持原本建議同目標價:強力買入、120美元盎斯。

和黃

我舊年建議 買和黃(圖2),係因3G好似卒之覺悟,推行「收費文化大革命」X-Series。將大家最痛恨電訊商嘅一貫硬膠收費模式,完全打破,變成公平簡單嘅收費 模式。所以如果連X-Series都救唔到3,咁就再冇方法可以救到3。

今年頭兩個半月,3嘅全球上客量有70萬,令總客量有1472萬。希望到和黃喺9 月出半年業績嘅時候,總客量可以有突破。

不過最緊要就係,如果X-Series呢個收費模式,真係受到消費者愛戴,上客成本應該下跌。到時如果上客量勁, 不過上客成本跌,平均用戶收費可以保持,市場就會相信3得救。

維持原本建議同目標價:強力買入、100元。

H指沽證3497

我叫大家喺舊年買H指沽證(圖4及5),係因為覺得舊年年H指走勢同03年太似。H指之後都有跌,隻認沽證最高都有升超過79%,不過因為我冇叫大家賣,隻認沽證喺上個禮拜打靶,輸足100%。同大家一樣,我都係血本無歸。慘!


江西銅業

銅價現在喺舊年第三季嘅水平,舊年第三季江銅(圖3)賺0.5元一股。只要銅價維持喺呢個水平,江銅每年可以賺2元。亦只要市場相信銅價唔跌,可以接受8倍市盈率,江銅就會16元一股。

維持原本建議同目標價:強力買入、16元。

Silver's next big leg up

Was musing on thursday that it really feels like July 2005.

When the July 7th 2005 London Transport Bombings occurred.

My bet was the standard policy response was to flood the market with liquidity.

The crisis this time I mused, was going to be the continued mortgage carnage (yes, subprime and not subprime included) in America. And with the printing of money, precious metals, esp. Silver will off to the races.

Silver went from $7 an oz all the way to $15 per oz early 2006.

And then lo and behold. On Friday in London. Another attempted bombing. Together with attacks in Glasgow.

The repeat of these events are eerie to say the least.

But if Silver were to repeat those rises in the same percentage. We will see $28 an oz early next year.

US$28 an oz!