Saturday, September 29, 2007

青姐 fans club officially established

OK.

青姐 fans club is officially established on Facebook.

If you are a fan AND on Facebook. You know what to do!

青 姐 ! 青 姐 ! 青 姐 !

---------------------------

As I am chairman. I promise to dedicate myself to a membership drive.

If within a week, we can get 5000 ppl to join.
I shall shave my beard.

If within a week, we can get 10K ppl to join.
I shall shave my head. Yes, my head!

Friday, September 28, 2007

青姐 fans club

孫柏文同好多特區人一樣,都係K寶財經台青姐(胡孟青)嘅fan屎。

今日要講青姐嘅原因,係因前日,我哋《蘋果日報》引述《香港討論區》網友對兩個收費財經台女主持人嘅感受。

噚日,我有機會問青姐對網友嘅睇法,佢話如果要攞佢個樣同其他人比,首先要對方生番個先。雖然,孫柏文覺得青姐已經好掂,不過今日就特登幫大家搵咗一張青姐幾年前嘅相,畀大家睇睇。相信大家都會話:「索!」








07年都掂!

伯南克點睇美滙走勢

花旗國國會裏面,有個國會議員叫Ron Paul。佢同孫柏文一樣,都係金銀信徒,絕對自由派。甚至可以話比我更堅定、hard core。佢相信聯儲局為首嘅紙幣狂魔,最終會摧毀美元購買力,令唔識玩財技、慢慢儲錢嘅花旗國老百姓被劫。

更令識玩財技嘅人,被迫參與炒賣活動,因為喺美元購買力不斷被削弱嘅世界裏面,唔走去借錢進行投機活動,唔借錢去盲目投資,就只有死路一條。

放心沽美元

上個禮拜,聯儲局減息之後,聯儲局主席伯南克走咗去國會,接受議員問話。其中一個有份去質伯南克嘅議員,就係Ron Paul(我已經將呢段對答放上我嘅blog度,你哋自己去睇睇)。

輪到Ron Paul發言時,佢就好似一個典型白銀戰隊隊員,係咁鬧聯儲局濫發鈔票,令美元滙價每況愈下,更令石油、食物、原材料價格上升。

不過,就算拳拳到肉,因為始終都係個問話,Ron Paul鬧完之後,就問咗條問題作結。Ron Paul:「道德上,令美元價值大貶,係啱定係唔啱?」
伯南克答:「美元價值對我嚟講,就等於美元喺花旗國本土嘅購買力,亦即係通脹率。通脹率仲受控,而聯儲局會繼續專注留意通脹率。」

即係點解?伯南克喺答案中,基本上話:「美滙跌到仆直都冇問題!沽美元啦!」大家可能會問:「咁通脹率失控嘅話又點算?」如果你咁問,我就要用隻金手指篤醒你,因為石油、食物、原材料根本唔喺聯儲局留意嘅「核心」通脹率裏面。「核心」通脹率就係CPI ex inflation,所以一定冇事。大家放心沽美元啦!

Thursday, September 27, 2007

Ron Paul vs Ben Bernanke

Ron Paul keeps going on the falling US dollar...

Bernanke's response? "as long as domestic (core CPI BS) inflation is under control..."

Therefore... LET THE US DOLLAR MELT AWAY!!! Weeeeeeee!!!

Northern Rock賣的紙上白銀

1997年暑假,孫柏文當時日日企喺銀行㩒股票機,同啲師奶一齊搏殺。我記得有個因為開始發生金融風暴,所以對當年股市睇得好淡嘅師奶股神。睇得淡,覺得會大跌嘅佢,當然唔會紙上談兵,所以就喺當年嘅8月開始,大手、大手買年尾到期嘅恒指認沽證。到當年10月股災都仲喺手。

大家可能會問:「咁佢咪贏好多?」應該就係,不過最弊佢買嘅恒指認沽證,係百富出嘅。大家都應該記得,投資銀行百富97年倒閉,嗰位師奶股神後尾有冇錢收,我都唔清楚。

慘。

驚冇錢收要割禾青

今年年初,花旗國次按開始爆破,次按債券價格開始下跌。任何嘢嘅價格有大變動,就自然會有贏家同輸家。原來,有間對冲基金買咗好多類似次按債券認沽證嘅嘢,次按債券價格下跌,啲認沽證當然係咁升,嗰間對冲基金當然贏大錢。

最近,嗰間對冲基金嘅話事人接受傳媒訪問。問到佢覺得次按問題仲要搞幾耐,佢用咗棒球術語still in the early innings。咁因為知道我哋特區人唔識棒球,所以我就繙譯成足球術語──佢話次按問題仲喺場波上半場30分鐘。

不過,個基金嘅話事人又話,佢哋已經開始割禾青,將手上嘅次按債券認沽證賣出。大家可能會問:「咁又話喺場波上半場30分鐘?係咪唔信自己嘅預測?」

咁記者當然有問,其實,個話事人解釋,佢哋覺得次按同樓市爆破,問題會非常嚴重。嚴重程度會到達就連出認沽證嘅金融機構,都會出事,為免好似以上嗰位師奶股神咁,睇中都驚冇錢收,所以開始割禾青。

買銀一定要買實貨


今日講咁多「睇中冇錢收」嘅故事,係因為自從聯儲局喺上個禮拜減息之後,好多《金手指》fan屎又對白銀產生興趣,問我點買白銀。我當然叫佢哋買實貨白銀,不過就有fan屎話,喺銀行開戶買紙上白銀會方便啲。方便就係方便,不過如果你嗰間銀行係Northern Rock咁點算?

前宗主國銀行Northern Rock面對擠提潮,如果你啲紙上白銀係同佢哋買,你會唔會驚?當今世上,喺投機買賣當中,冇乜嘢比「睇中冇錢收」更痛苦,所以最後奉勸大家一句,為咗瞓得着覺,買銀,一定要買實貨白銀。

Wednesday, September 26, 2007

What happens to us when we grow up...

Some will call this cynical. Some will say this is maturity...

Discovered this video at Rapiere's blog



曲詞編唱:何柏存
剪片:梁路加

童年便幻想長大後
踏入駕駛倉拯救地球
乘著鐵人跟那怪獸激鬥
正義在我雙手

然而在這天長大後
逐漸已覺得不對頭
高達是個導演
大魔只懂抄股票
金色火機不可當朋友

機甲艦隊只懂進駐波斯灣
裝作正義侵佔石油
貨櫃車北上不可變作柯柏文
只想找個美少女
大結合

*根本沒有外星侵佔地球
是人類自己造成錯漏

正與邪試問怎可猜透
任你鐵甲萬能最後
成玩偶

機甲艦隊只懂進駐波斯灣
裝作正義侵佔石油
歲月悄然溜走
不再信有英雄
只有面對腹肌六神合體

repeat*

超合金縱虛構都也不朽
那份正義熱血埋藏背後
要是能夠燃起你心底的火舌
那懼怕在塵世內
成玩偶

重申一注獨 ……

Insanity。

第一眼望落去,覺得今次伯南克減半厘息,只可以用瘋狂去形容。一係佢就係一個完全唔理會長遠美元購買力嘅中央銀行行長,為求短暫快慰,摧毀美元;如果唔係,佢一定係覺得實際情況比市場預期嚴重好多。即係伯南克覺得(同孫柏文所講一樣),美國樓市仲慘過八萬五。

作為金手指嘅fans都知,孫柏文只淨番兩個有效建議──一注獨贏買白銀同埋一注獨沽賣滙豐。基本上現時投資大方向,一定受中央銀行貨幣政策主宰,正係喺仲未能觸摸到中央銀行方向嘅時代,孫柏文以上兩個建議,係對冲咗嘅投資建議。

點解?因為如果中央銀行濫發鈔票,價值第一時間飆升嘅一定係貴金屬,例如黃金、白銀。上星期美國聯儲局宣佈減息半厘後,黃金白銀嘅走勢有目共睹。至於沽滙豐有乜好?如果中央銀行唔開水喉,最傷嘅一定係銀行業,特別係國際性大銀行,所以就形成咗呢個對冲格局。

黃金白銀低風險

有啲人成日笑啲gold bugs話央行日日濫發鈔票,不過,當St. Louis聯邦儲備局數據顯示,2007年貨幣供應量除咗八月份外,全年都冇增長過,試問冇增長又何來通脹壓力呢?!

再講,試問一種貨品嘅供應量冇增加,但突然有人揮揮魔術棒就減到價,唯一解釋就係,有啲肯出高價嘅人都冇賣家肯賣貨畀佢。喺資本市場,肯出高利息去借錢嘅人,等於高風險客戶;喺新世代入面,高風險嘅人借唔到錢;高風險嘅投資項目亦都吸引唔到資金。

大家一定會問,咁即係現金冇風險?因為cash is King!大家咁諗,唔錯得晒,但諷刺嘅地方,就係睇美滙指數,美元已經跌到二次大戰後新低,所以美元風險可以話數一數二,而美元債券亦都變相大風險。當美元都有風險嘅時候,作為金手指fans,應該知最冇風險嘅就係黃金同白銀,所以,繼續一注獨贏買白銀!

次按風暴未打完

講完白銀同黃金,梗係要講吓滙豐。

滙豐(005)宣佈要將佢旗下Decision One次按公司結業,好多人以為此舉已將滙豐嘅噩夢畫上句號,不過,有如blogger「會計仔」喺小弟個blog上留言,其實滙豐仲有九百幾億美金嘅美國次按喺手。

如果以股票嚟舉例,現在有如滙豐旗下有間股票行,因為呢排生意唔好,所以結業、裁員。問題係,滙豐呢兩年經嗰間股票行買咗九百億有問題股票。滙豐次按風暴已完?其實仲有排打。

陸恭蕙 思匯 正硬膠

上個禮拜,我哋特區空氣突然變得非常混濁,能見度暴跌。喺上個禮拜之前,由山頂老襯亭望出去,絕對望到獅子山。不過,上個禮拜就連中環都望唔到。

坊間當然傳來好多解釋方法。最精采嘅,就係有人話特首曾蔭權喺前個禮拜五,話空氣質素已見改善,而天神覺得特區高官「篤眼篤鼻」,所以就懲戒佢。情況有少少似《壹週刊》楊懷康社長話齋,喺幾個月前,前特首董建華突然接受訪問為自己平反。點知訪問之後冇幾日,天神就跌架昂坪360纜車落嚟,懲戒吓佢一樣。

污染自華南吹嚟

呢啲咁迷信嘅解釋,孫柏文其實係信嘅,番書仔又點?寧可信其有。不過為求滿足嗰啲吓吓都話需要「科學根據」嘅人,我就做咗啲功課。

其實,如果要知道點解空氣突然變得非常混濁,睇番我哋《蘋果日報》報道就得。引述地球之友環境事務經理朱漢強,佢一矢中的咁話:「香港根本理唔到內地交通同電廠排污問題,佢(曾蔭權)咁講係出口術亂噏!」冇錯,啲污染係從華南地區吹嚟。

去到呢度,孫柏文想問:「陸恭蕙,你喺邊?點解唔講嘢?」
再問:「陸恭蕙,思匯政策研究所,去咗邊?點解唔講嘢?」

我要問呢啲問題嘅原因,係因為思匯早前大大聲話:「香港本身係最大嘅空氣污染源頭!」仲要攞好多分析出嚟。佢哋話一年365日當中,逐日逐日計,香港本身係最大污染源頭嘅日數最多,所以得出佢哋嘅結論。

問題係,如果有200日藍天碧海,不過喺嗰啲日子,香港本身係最大污染源頭,再有165日空氣好似上個禮拜咁混濁,不過從華南地區吹嚟,對陸恭蕙嘅思匯嚟講,「香港本身係最大嘅空氣污染源頭!」所以,思匯根本係完全硬膠!

捉錯用神仲危險

大家都知,特區有鬧之不盡嘅硬膠,所以可能想知點解今日要鬧思匯同陸恭蕙。理由係,佢哋係特強膠,破壞力特強嘅硬膠。因為傳媒二話不說咁接受佢哋嘅結論,政府當時就話會推行一連串針對特區境內「有效」嘅政策。勞民傷財都算,最弊係因為思匯嘅結論,政府對付空氣污染嘅注意力放晒喺特區境內,從華南地區吹嚟嘅污染就被完全忽視。

思匯想環保,不過最終令我哋面對多咗危險污染。仲唔係環保硬膠?




Where art thou Christine? Why the silence Civic Exchange?

Wednesday, September 19, 2007

50 basis point cut...



Bernanke to planet earth, "Thou is stupid for not taking risks. Prudence in finance is for suckers."


Tuesday, September 18, 2007

聯儲局應該這樣做




今晚,聯儲局將會議息。結果會點,孫柏文真係唔知。不過如果伯南克真係一個保衞美元購買力嘅人,今晚聯儲局嘅聲明,就會好似以下我寫嗰張咁。自己睇啦!


Monday, September 17, 2007

What would your ideal Fed statement say?

Alright, I need to pick all of your brains here.

I am going to come up with my version of the ideal Fed statement for tmr's 《金手指》. Or at least one I would like to see the FOMC present tmr.

Anyone has any suggestions?

The Fed statement I have looked at has 3 parts of comments.

1. The general state of the economy
2. What the Fed think inflation is doing
3. What the Fed is predominately worried about going forward

Would love to see what you all think.

格林斯潘 媾女伎倆

今日,前聯儲局局長格林斯潘本《Age of Turbulence》新書,將會面世。格林斯潘要賣書,當然要「忽然高調」接受傳媒訪問。傳媒同行,亦因為被收視推動,好多時候都要問啲比較另類嘅問題,特別係啲私人問題。你問得、佢肯答,你收視高時、佢本書賣得,一家便宜兩家着。

咁其中一個孫柏文覺得需要認真參考嘅問答,就係格林斯潘講媾女。如果我同大家話,原來格林斯潘媾女好勁,大家可能會話:「一定係媾港女!因為格林斯潘識印銀紙!仲印好多、好多!」

錯。嗰次電視節目《60 Minutes》訪問格林斯潘,講起佢當年點樣追求比佢年輕二十年,仲要係個女主播叫做Andrea Mitchell。原來佢哋第一次約會,格林斯潘已經成功 "tum"到Andrea返格林斯潘屋企。

一篇文就 "tum"到女

冇錯,噚日我同啲《蘋果日報》女同事講呢單嘢時,相信同大家喺呢一刻嘅反應一樣:「嘩!乜格林斯潘咁狼死!個Andrea咁冇矜持!」相信大家都想知,格老用咗乜嘢招數咁勁。

不過講之前想大家知,我當年讀經濟學嘅專科就係industrial organization、市場架構分析同花旗國「反壟斷」政策。大家一定係話:「你讀乜,關格林斯潘媾女乜事?」

問得好!原來,當日格林斯潘"tum"到 Andrea返屋企,就係同佢講話:「想畀你睇吓一篇我啱啱寫好嘅文。」就係咁,成功"tum"到返屋企。篇文寫乜?就係講花旗國「反壟斷」政策囉!

原來,孫柏文要成功 "tum"女仔返屋企,只要做兩件事就得。

第一,摷番大學年代,我寫過關於「反壟斷法」嘅文章出嚟。
第二,搵個女主播。

最後,呢幾日一定會陸陸續續有關格林斯潘新書內容嘅消息。而直到現在,我覺得最轟動嘅消息,就係佢坦言話布殊總統攻打伊拉克,真係為咗石油,希望供應會穩定,令油價下跌。其實,如果話係為咗令油價下跌,就倒不如話係為咗保護美元購買力,價跌就等如購買力上升。

繼續捧黃金白銀

就算花旗國民、政府揮霍無度,國庫空空如也,大家心裏都知:「美國佬冇錢還,仲可以揮軍搶嘢去還。」不過今時今日,呢個形象已經嚴重受損,就好似70年代,美軍撤出越南一樣。嗰次之後點樣?全世界對美元喪失信心,黃金、白銀升、升、升!

Sunday, September 16, 2007

Does anyone know who can vote on Tuesday?

The Fed meeting on Tuesday.

Does anyone know who can vote?

If you can point me to the voting list. I would greatly appreciate it.

Friday, September 14, 2007

用黃金做套息交易

套息交易carry trade,相信大家作為《金手指》嘅fan屎,都應該知道係乜。就係一位投資者,借利息低嘅貨幣,跟住買啲利息、回報比較高嘅資產。例如,用一厘利息借日圓,跟住買每年有4.5厘嘅三十年花旗國國庫債券。如果日圓兌美元滙價唔變,每借一百萬,就做都唔使做,可以每年賺3.5萬。所以,大家明白點解咁多人做套息交易。

其實,除咗日圓同瑞士法郎呢啲低息貨幣之外,其中一個好多人喜歡借嚟做套息交易嘅「低息貨幣」,就係黃金。唔明?好,慢慢解釋。

借出去收息慳租

好多時,孫柏文喺街見到fan屎,你哋都會話:「買黃金、白銀冇息收喎。」而各國「聰明絕頂」嘅中央銀行,多年來都同意呢個睇法。佢哋手上有好多黃金,不過,如果將黃金擺喺金庫,佢哋覺得「好嘥」,因為冇息收。所以,佢哋就「聰明絕頂」咁,將黃金借出去,收一厘利息,連倉租都慳埋。借呢啲黃金嘅人,就會將黃金賣出,跟住買啲回報較高嘅資產。

最厲害係,各國中央銀行嘅金庫,可能已經空空如也,將黃金借晒出去。不過因為喺「紙上」仲係啲黃金嘅「物主」,所以仲可以對住全世界,喺年報大大聲話自己有幾多、幾多噸黃金。啱啱講過,做套息交易要賺,借番嚟嘅貨幣就絕對唔可以升。因為個交易每年先至賺幾厘,借番嚟嘅貨幣升幾個百分點,你已經可以輸凸。

隨時升到嚇死人


正當個個做套息交易嘅人,都好驚借番嚟嘅貨幣升,所以每一次真係會升時,個個就好似驚弓之鳥,一齊以最快時間賣資產,買番借咗嘅貨幣。呢個就係點解套息交易拆倉,日圓就會急升。睇番黃金,呢排走勢強勁,唔知借咗黃金做套息交易嘅人,幾時會驚?幾時拆倉?

唔同日圓呢啲央行長印長有嘅紙幣,黃金拆倉,就真係要搶,或者掘先至有。

到時,仲唔升到嚇死人?

Thursday, September 13, 2007

投資分析被懲罰 要贏只需信司長

噚日見到領匯(823)、地鐵(066)等股票上揚,孫柏文就要提供個新嘅投資概念。呢 個,就係叫做「後悔私有化」概念。政府越後悔私有化一間企業,佢今日股價就越升。

炒股票做功課、做分析、做 fundamental analysis?呢啲資金投資方法,一定會被曾俊華司長「懲罰」,令自己輸錢。所以今日,要贏錢,唔需要睇盈利、賬面值、公司未來,只要「信曾得救」!

安倍晉三落台

前日,《蘋果批》高明輝、《利字當頭》利世民同我一齊放工。就喺大家執嘢之際,高明輝問利世民有冇好書推介,世民兄就話應該睇《萬曆十五年》。高明輝點點頭,繼續問:「仲有冇其他?」世民兄諗一諗,跟住就喺枱頭攞起一本書話:「呢本都OK。」

安倍落台建制派做嘢

孫柏文望 一望本書,跟住就向高明輝話:「呢本睇唔睇都罷,佢咁弱勢,遲早落台。」世民兄推介嘅書,就係安倍晉三嘅《邁向美麗之國》。點知噚日起身,睇電視新聞報 道,日本首相安倍晉三真係辭職落台。Dammit,真係貼股票又唔見我咁準。

不過,前日我講完之後,世民兄就話:「如果真係落台,一定又係建制派做嘢。因為如果睇佢本書,你就知佢比小泉純一郎,仲想 改革經濟。」聽完世民兄番話,我就諗起舊年5、6月,如果大家仲記得,當時全球所有資產價格一齊下跌。不論黃金、白銀、海外和本地股票都跌,直至到6月 13日,全球所有資產價格都見底,之後反彈。

正當完全冇關係嘅資產,價格走勢一樣嘅時候,一定係貨幣本身作怪。其實,如果大家睇吓當日嘅《讀賣新聞》,就 會知道點解。原來,有「內幕人士」放風,踢爆日本中央銀行行長福井俊彥涉嫌有醜聞,不過之後呢單新聞就銷聲匿迹。如果由陰謀論角度出發,「內幕人士」爆 料,就係想警告福井俊彥,唔好搞搞震,要佢繼續印銀紙。

「內幕人士」就係建制派,就係白銀戰隊要對付嘅紙幣狂魔。今次,安倍晉三因內閣成員常常爆醜聞落 台,改革步伐又停止。孫柏文當然擔心日本平民百姓繼續被欺凌,佢哋手上貨幣嘅購買力慢慢削減。最終去到極點時,令更激進、更民族主義嘅政客上台,20世紀20、30年代德國翻版。

Well Written!

高明輝's Apple Pie on Anson Chan's call for 公務員要學習民主之道,民主派亦要學良好管治之道。

Well written! Good job!

Wednesday, September 12, 2007

輪到英國按揭有問題

早半年前,孫柏文介紹過一個網站叫ml-implode.com。呢個網站,就係數住06年尾開始,究竟有幾多個花旗國按揭中介公司執笠。我介紹嗰日,就有32間;不過,到半年之後嘅噚日為止,總共有152間。我今日再講呢個網站,係因為估緊佢哋會否向海外發展。去邊度?咪就係前宗主國囉!

前日,前宗主國有間叫Victoria Mortgages嘅按揭中介公司宣佈執笠。跟住就有好多前宗主國「地產界人士」走出嚟,大大聲話:「個別事件、個別事件。冇事、冇事。」去到呢度,孫柏文就要教大家一個法文字,呢個字就係deja vu。

囑滙豐賣英美業務

Deja vu呢個字點解?就係解「似曾相識、已經見過」。今年年初,花旗國按揭中介公司開始出事時,就連聯儲局伯南克都係話:「冇事、冇事。」到今日,相信我都毋須多講。

記得幾個禮拜前,孫柏文有機會同一個行政會議成員食飯。佢話前宗主國嘅地產業氣氛,同花旗國一模一樣,只係慢六個月。所以噚日見到Victoria宣佈執笠時,真係非常佩服嗰位行會成員對國際樓房市場瞭如指掌。

其實,如果前宗主國嘅地產業真係步花旗國後塵,我知道好多人都非常心愛嘅滙豐(005),就會面對更沉重嘅壓力。難怪有個外國「股壇長毛」Eric Knight,係咁叫滙豐管理層,賣晒喺前宗主國同花旗國嘅業務。即係要滙豐嘔番米特蘭銀行,同Household International出嚟。

唔嘔,就打到滙豐主席葛霖嘔或下台為止。

葛霖話睬Knight都儍

雖然,滙豐總裁喺七月尾嘅業績發佈會上,大大聲話過:「好多花旗國按揭中介公司執笠係好事!因為滙豐可以增加市場佔有率!」不過,上個月滙豐就宣佈會喺花旗國按揭業務上,開始裁員。所以唔好吓吓信晒滙豐管理層講嘅嘢。噚日,葛霖已經話,睬Knight都儍,不過真係冇人知道事態發展,之後會點。

Tuesday, September 11, 2007

講你知 為乜托高港交所

噚日禮拜一,港交所(388)升32.1元,收190.1元,成交額74億元,差唔多1 billion US Dollar cash。禮拜五,政府增持港交所股份,孫柏文唔 知噚日繼續買上去嘅資金,係散戶定係政府。不過都係核突。

今日,我想首先恭喜曾俊華司長。佢已經成功將所有真正有效分配資金嘅人,殺晒。亦坐大嗰啲唔識有 效分配資金,不過成功估到,曾司長覺得乜嘢先至係最有效分配資金方法嘅人。對特區長遠經濟,真係可喜可賀。

呢幾日,好多人都估點解政府要增持港交所。而曾 司長已經講咗好多,講過等如冇講嘅理由。所以,大家要繼續估。

我哋《蘋果日報》財經版喺禮拜六,有拆局特稿估話:「為港滬交易所日後正式『結婚』締造平 台……許下5.88%股權的『聘禮』」即係猜測會港滬交易所合併,政府持有股份做交易。我覺得咁睇係錯。如果要出讓股份畀滬交所,根本毋須要政府今日買。

到時候要交換股權,只要滬交所出價合理、條件好,小股東一定支持。以前冇General Mandate,唔係因為反對批股,小股東只係想批股前得到他們同意。

99盈動 = 07港交所

我覺得,今次政府增持港交所,有如當年批數碼港畀盈科數碼動力。製造「特權」假象,托高股價,之後去鯨吞天下。如果國際市場短期之內,真係遇上股災,到時有「好值錢」嘅港交所股票,就可以買乜都得。99盈動就係07港交所。仲唔合乎國策?



大迷信2:道指會跌2400點

來源花旗集團外滙增值服務部。

1990年,道指喺7月19日見頂。之後63日跌21.8%。
1998年,道指喺7月19日見頂。之後31日跌21.6%。
2007年,道指喺7月19日見頂。由高位要跌到10976點,先下調21.6%。前晚,道指收市13363點。

好似大家一樣,孫柏文都 對花旗集團外滙增值服務部觀察出嚟嘅見解,抱好大懷疑。因為完全唔科學,實在太迷信。不過,根據花旗集團計算7月19日加63日,就喺10月11日。

講 真,美滙指數徘徊歷史低位嘅80點,淨係聯儲局要做show去「保護」美元購買力,都要令所有資產價格下跌。所以以上花旗嘅見解唔係完全冇根據。

Monday, September 10, 2007

特首,為乜入港交所呀?

禮拜六,孫柏文睇《蘋果日報》財經版頭條新聞,見到政府宣佈增持港交所(388) 股份。我想問:「曾特首、曾司長,為乜呀呀呀?」

講控制權。都唔講現有法例規範,政府已經有權去揀港交所董事局過半數董事,即係已經有完全控制權。根本唔 可以話為控制權入股港交所。所以再問,為乜入股呀?

講為投資回報。政府為提高投資回報率,賣花旗國債券買股票,此舉我可以同情。不過,絕對唔好買港交所呢 啲盈利非常倚賴政策嘅企業。為咗谷高盈利,令政府回報增加,令官員好睇啲,政府就會有龐大誘因去利益輸送,從中一定有人犧牲。第時,如果又有華資股票行喊 晒口話好慘,大家知點解。所以再問,為乜入股呀?

借鑑澳門 勿瓜田李下

再講,官員為谷高盈利,為要好睇啲,更加唔會引進唯一可以保證香港金融業長遠繁榮嘅競爭。

競爭有乜好?唔使講咁遠,講澳門博彩業就得。有如今日《蘋果批》高明輝話:「如果當年澳門政府入股澳娛股份,便會製造龐大的誘因,令澳門政府不開放澳門的賭博經營權。」所以再問,為乜入股呀?

唔通,政府真係覺得入股港交所,就係履行「偉大嘅十一五行動綱領」?好多人話,港官常常聽唔明京官說話背後嘅真正意思。從國家一路走改革開放路線,減少干預為大方向嚟睇,今次又一「聽唔明」鐵證。所以再問,為乜入股呀?

今次,相信所有自由市場支持者,都對曾俊華司長非常失望。

大迷信:今個禮拜股災

1929年9月3日,道指見頂。當年10月29日股災,相隔56日。

1987年8月25日,道指見頂。當年10月19日股災,相隔55日。

2007年7月19日,道指見頂。今年9月12日,就會相隔55日。

55,係Fibonacci數列嘅其中一個數字。Fibonacci係乜?

好難解釋。孫柏文只可以話,大自然好多嘢都係跟Fibonacci數列。

不過9月12日係咪股災,就真係唔知,實在太大迷信。

最後,29、87、07年道指見頂之後下滑,都係見頂後差唔多個交易日作初步反彈。喺29、87年,反彈後就股災。

今日提供個圖表,畀大家參考。


Saturday, September 08, 2007

我挺陳太!

大家都知道,因為前民建聯主席馬力逝世,立法會港島區議席要進行補選。大家作為《金手指》嘅fan屎,都應該知道孫柏文一路都想見到,有自由市場民 主派嘅出現。


呢幾日,吓吓要求政府干預嘅前立法會議員何秀蘭,宣佈唔參與港島區補選,too bad,real sad。最起碼,民主派好似突然潰不成軍。

我信佢一定會出嚟

不過,我唔怕。因為選舉、參選係公民責任。如果有一個人,知道自 己最能代表一套政策,最能解釋點解嗰套政策能令社會向榮,亦明白如果自己唔參選,市民冇得揀有佢理念嘅候選人,佢一定會盡公民責任,走出嚟。一定為咗隔籬 鄰舍、同一社區嘅市民,提供多一個選擇,參加選舉。

前政務司司長陳方安生,對我嚟講,係一個相信自由市場最能令社會向榮,相信民主政制最能保證繁榮安定嘅 人。

作為一個曾經參選過港島區立法會議席嘅人,孫柏文相信陳太係自由市場民主派最佳嘅參選代表。

陳太,作為一個自由市場民主派人,作為一個港島區選民,作為一個 香港人,an island turns its lonely eyes to you。給我們一個選擇!懇求你,參選吧。

AH股點解冇套戥

今日,大家試試代入角色,想像一吓自己係個19世紀嘅炒家。當年,其中一樣最多人買賣嘅嘢,就係我國茶葉。好,問大家一條問題,如果1斤茶葉喺福建 省賣2盎斯白銀,而1斤同樣、同級嘅茶葉喺倫敦賣10盎斯白銀,你想買茶葉,你會喺邊度買?


大家作為《金手指》嘅fan屎,聰明絕頂,一定會話:「有咁嘅 情況,最好當然係喺福建省買茶葉,跟住就喺倫敦賣番出去!」係,冇錯。如果可以,福建茶葉同倫敦茶葉嘅價格分別同折讓,就會因有醒目仔從福建運茶葉去倫 敦,套戥兩地茶葉價嘅分別,而消失。

醒目仔必備三點

套戥係個醒目仔先識做嘅玩意。

因為,第一要知道兩地有價格分別。

第二,又 要確保福建賣緊嘅茶葉,同倫敦人想買嘅茶葉係一模一樣。

第三,就係要知點樣將茶葉由福建運去倫敦互相流通。套戥成功,三步缺一不可。

呢排,大家都知道特區 股市嘅上升動力,來自「資金自由行」,A、H股有折讓,所以會有好多人嚟套戥。用以上嘅茶葉故事,等如以前只可以喺倫敦買茶葉嘅人,可以去福建省買。有人 就憧憬因為有倫敦嚟嘅購買力,福建茶葉價格將會大升,所以就炒先一步。

不過頭先已講過,要套戥成功,兩地嘅茶葉一定要互相流通。冇得互相流通,只係「理論 上」可以套戥。因為只係「理論上」應該冇差價。

當今世上醒目仔,最高IQ嘅醒目仔就肯定係搞對冲基金嘅諾貝爾得獎者。當年有一間有諾貝爾得獎者做董事,最 後倒閉叫做LTCM嘅對冲基金,就係醒目得滯,進行冇互相流通嘅「理論上」套戥。

執笠皆因唔流通

當年,如果你想買Royal Dutch Shell嘅股票,唔可以直接買。你只可以買佢兩家母公司嘅股票,Royal Dutch或者Shell。一個喺荷蘭上市,一個喺倫敦上市。兩家母公司嘅資產一模一樣,就係擁有Royal Dutch Shell 50%股權。荷蘭、倫敦資金絕對可以流通。所以理論上,Royal Dutch同Shell嘅市值應該一模一樣。

其中一個令LTCM倒閉嘅交易,就係當時Royal Dutch同Shell嘅市值開始有分別。LTCM就借咗好多錢買佢哋差價收縮,點知差價進一步擴闊,最後執笠。所以所有買A、H股折讓收縮嘅朋友,大家 一定要記得LTCM班醒目仔嘅收場。

07澳門賭場 vs 97 dot com

上個禮拜,澳門威尼斯人酒店、賭場開幕,孫柏文走咗去澳門睇睇。一間酒店開幕,就將澳門酒店房間數目,突然推高25%,佔全澳門總房數20%。

不過如果你去到威尼斯人,就會發覺附近仲有好多地盤,查一查紀錄,就會知道威尼斯人只係新發展嘅一小部份。

瘋狂投資時代再現

對上一次我感受到呢種瘋狂投資,就係90年代尾嘅dot com科網股熱潮。當年,花旗國Yahoo!仲未上市,不過如果你去佢嘅網站登記,就會送一股Yahoo! 畀你。經過上市、股份多次分拆之後,嗰股Yahoo!到今時今日已經值4500港元。

今時今日喺澳門,只要你肯喺碼頭轉車,而出發同你想去嘅地方都有酒店,根本毋須要車資。肚餓又有叉燒飯。07澳門賭場就係97嘅花旗國 dot com。

Wednesday, September 05, 2007

今次膠咗



大鑊,今次搞到好似周瑮咁添。

絕對咗。

自己 --------->x1000

------------------



點解膠咗?

因為我一路以來都對罷工去增加收入的成效有懷疑。因為我覺得罷工不能夠解決根本的供求問題。

點知,諗深一層,罷工對供求問題是有幫助。


1. 有工人罷工,能令工人總體供應下降,聽職工盟的人話,肯繼續開工的扎鐵工人,有d的工資已達一千一百。即係等如,如果供應永久地減去今日罷工工人的數目,根據供求定律,要求九百五十絕對可以。

2. 有如早前有人留言,好多今時今日做建築,係因為睇政府建築廣告,誤入歧路。依家扎鐵工的高姿態的罷工行動,令到全世界都知道呢行唔好撈,長遠來說,可以減低d人入行。

仲有,猶豫不決的扎鐵工人,都會考慮過澳門做扎鐵工。

罷工絕對 work。

Also... I think the biggest problem right now, is that the government sells land that is so big, it requires the BIGGEST LAND DEVELOPERS to buy. Smaller ones cannot compete.

The government is the source of a LOT of problems in the construction labour market.

講你知「資金自由行」何時來

「資金自由行」呢五個字,真係令人又愛又恨。呢排股市上升嘅動力,全靠佢。不過作為特區股民,同時令我哋等到pissed off,令我哋個個變晒坐緊長途車嘅外 國小朋友咁,係咁問:「到未呀?到未呀!到未呀呀呀!」


噚日,仲有個粉蛋記者走去問中行李禮輝,資金自由行計劃係咪擱淺,搞到輝叔話「資金自由行未擱 淺」。雖然有個「未」字,不過同一句說話有「資金自由行」同「擱淺」,股民一旦聽唔清楚,恒指分分鐘跌你四五千點,等你仲咁開心日日炒港交所(388)。

阿媽唔畀買

冇錯,孫柏文酸 溜溜嘅原因,係因為冇份炒港交所,我仲係「一注獨沽賣滙豐」。不過講真,如果要估點解中央仲未畀啲資金自由咁行嚟特區,可以有百幾二百個理由。今日就為大 家提供一個。

如果要估中央嘅下一步,大家就要代入角色,擁有做父母嘅思維。中央就係阿媽,祖國散戶就係啲成個袋都係利是錢嘅小朋友。今時今日,啲小朋友係 咁嘈話要買玩具,作為阿媽都已經預咗佢哋去到玩具店會亂嚟。不過,阿媽都希望啲小朋友就算亂嚟,都盡量減低輸錢嘅機會。

即係點解?不如掉番轉頭講。孫柏文記 得,年初同曾淵滄教授做投資講座,嗰排啱啱遇上有外國投資銀行,例如高盛,高姿態唱淡祖國股市,A股三千點時話係「巨大泡沫」。曾教授解釋,因為啲外國投 資銀行想買A股,不過想買平貨,所以大力唱淡,希望大跌,執平貨。亦因中央唔笨,所以一定唔會篤爆泡沫,唔會賤賣資產。

明燈救散戶

同 一道理,中央如果畀祖國散戶出嚟買嘢,絕對唔希望佢哋接火棒。中央仲要自己本身都上咗「黑石」同「巴克萊」呢兩條賊船,清楚明白信貸危機令股市岌岌可危、 驚濤駭浪。所以,用曾教授嘅邏輯,我覺得中央要等到股市大跌之後,先至放啲散戶落嚟,因為到時通街平貨。

當然,有我呢個明燈做一個咁樣嘅預測,就等如今晚 收市後,中央就會即刻落實推行「資金自由行」政策。哈、哈!

Tuesday, September 04, 2007

布殊咳藥水 樓市癌病人

上個禮拜五,花旗國牛仔總統布殊宣佈一系列措施「救樓市」。大家作為《金手指》嘅fan屎,都知孫柏文對 花旗國樓市點睇。舊年都寫過,「將慘過八萬五」。特區政府當年都出過好多招救特區樓市,結果都係冇用。不過既然牛仔總統有措施,我就去睇睇。


一睇,原來牛 仔總統話佢啲措施,將會令八萬個不能轉按嘅斷供戶受惠,佢哋啲樓毋須被債主收回。八萬,大數目,絕對大過早前幾個花旗國州政府成立「救樓市基金」嘅幾千戶 受惠人數。足足多十倍八倍。

冀成幸運八萬人

不過,打後十二個月,將會有二百萬戶需要轉按。如果我係個要轉按嘅花旗國人,真係 想知點樣先可以變成嗰「幸運八萬人」。牛仔總統宣佈嘅措施,有如將咳藥水畀個有肺癌嘅人。有冇用?你哋自己諗。

不過見到花旗國股市上個禮拜五都有升,就等 如股市參與者覺得起碼可以治治標。

講起疾病,花旗國同特區一樣,都被蚊傳播嘅疾病困擾。特區就有登革熱、日本腦炎,花旗國就有西尼羅河病毒West Nile Virus。考考大家,究竟西尼病毒同花旗國樓泡爆破有乜關係?

諗唔到哩。如果睇番97年特區樓市,其中一棟最能代表當年炒樓狂潮嘅大廈,一定係舊山頂道 嘅帝景園。帝景園屬頂級豪宅,當年有人炒燶破產,證明樓泡爆破時,買得豪宅嘅人都可以出事。喺花旗國,絕大部份豪宅都係獨立屋,而有錢人住嘅屋,後花園多 數啲乜?

銀主盤泳池惹蚊

冇錯,就係游泳池。不過因為樓泡爆破,好多有泳池嘅屋被債主收回,冇人住同打理。泳池積聚雨水,爆發 蚊患,多個樓市重災區嘅市政府都要發出西尼病毒警告。試問,如果你住緊嘅屋周邊已經有好多人斷供,佢哋啲屋將會被收回以低價賣出,壓低你間屋嘅樓價,現在 仲要分分鐘中西尼病毒。今次真係銀主兼逢連夜雨。

後記:上個禮拜六,孫柏文見到娛樂版《雙碟記》專欄嘅皇后大盜,用咗小弟「一注獨贏」呢四個字,推介歌手張敬軒嘅新碟《酷愛》。皇后大盜叫得「一注獨贏買張敬軒」,小弟一定去聽聽。



The beginning of the Free Market Democrats? 自由市場民主派的誕生?

Cyd Ho 何秀蘭 pulled out of the Hong Kong Island election.

As I have long stated. I will bust my guts, I will hand out flyers, I will "wash housing estates" for any free market democratic candidate.

Will she or won't?

If she really is an out and out free market democrat. I will volunteer to campaign for her.

It is time for the birth of the Free Market Democrats. It is time to redraw the lines of politics in Hong Kong.

Monday, September 03, 2007

獻計畀足總 搞搞特區波

噚日,特區甲組足球聯賽開鑼,傑志對上屆冠軍南華。相信大家多數都冇睇,甚至前晚英超嘅賽果都可背出嚟時,都唔知傑志對南華嗰場波嘅比數。特區足總真係要諗吓計仔,等特區足球作為一件產品可以求存。

要成功錢同人不可缺

其 實,搞好足球同搞個成功嘅party都係一樣,要兩樣嘢:一,錢;二,人。有見及此,今日我想獻一條屎橋畀足總。

大家都知道,足球運動裏最歷史悠久嘅比 賽,就係前宗主國嘅足總杯FA Cup。作為一件可以成功經過時間考驗嘅產品,FA Cup一定有賣點。如果你覺得FA Cup咁多年嚟係賣緊「足球」,咁我就要用隻金手指去篤醒你。FA Cup冇錯係個足球比賽,不過賣嘅係drama。

正當一隊丙組球隊面對曼聯、車路士時,如果你唔係嗰隊波嘅球迷,睇波嘅原因,應該因為想睇吓對弱隊可唔可 以爆冷。前宗主國嘅足總盃,就係充滿呢種「波係圓」嘅浪漫,常常爆冷。而爆冷永遠都係充滿戲劇性,所以先至吸引咁多球迷。所以今日孫柏文建議特區足總應該都搞番個。

如果你懶醒,隻手已經打緊電話嚟《蘋果日報》,想同我講:「香港已經有足總盃啦!」咁我就要問你:「特區嘅足總盃,有幾隊參賽?」特區足總盃只有甲組隊伍可以參賽,即係得8隊,喺咁嘅情況之下,邊有可能有前宗主國足總盃嗰種「爆冷」浪漫?

開放參賽資格搞旺市

所 以,特區足總應該完全開放足總盃參賽資格,男又得、女又得,學生得、長者得,自由行得、從非洲嚟重慶大廈做生意都得。隊波只要喺比賽日擺到11個人出嚟, 攞到數千至萬元參賽費就得。當然,如果有球員已經喺同一屆比賽代表過一隊波參賽,就算轉會,都唔可以再喺嗰屆足總盃踢,呢個叫做cup-tied。

大家諗 吓,搞隊波做班主嘅門檻大跌,應該會有好多人想試。而如果有隊學生隊可以斬顏良、殺文醜咁晉級,你話佢哋啲姨媽姑姐唔會去睇咩?最後,如果足總驚啲甲組球 隊喺首階段「浪費」時間,可以畀佢哋喺16強先加入。點呀,梁孔德主席,有冇得搞?

Sunday, September 02, 2007

When you think everything's okay...

An old man turned ninety-eight
He won the lottery and died the next day
It's a black fly in your Chardonnay
It's a death row pardon two minutes too late
Isn't it ironic ... don't you think

It's like rain on your wedding day
It's a free ride when you've already paid
It's the good advice that you just didn't take
Who would've thought ... it figures

Mr. Play It Safe was afraid to fly
He packed his suitcase and kissed his kids good-bye
He waited his whole damn life to take that flight
And as the plane crashed down he thought
'Well isn't this nice...'
And isn't it ironic ... don't you think
Repeat Chorus


Well life has a funny way of sneaking up on you
When you think everything's okay and everything's going right
And life has a funny way of helping you out when
You think everything's gone wrong and everything blows up
In your face

It's a traffic jam when you're already late
It's a no-smoking sign on your cigarette break
It's like ten thousand spoons when all you need is a knife
It's meeting the man of my dreams
And then meeting his beautiful wife
And isn't it ironic... don't you think
A little too ironic... and yeah I really do think...


Life has a funny way of sneaking up on you
Life has a funny, funny way of helping you out
Helping you out


Thankyou all. Its like getting a good hug.

Thanks all for your birthday wishes in the previous entry for me.

Yes, I turned 30 on the 30th. Went abroad for a few days. When I came back I saw your messages.

Man... I am touched. You kids are kind. I love you all.

Below are my responses to you all. = )

----------------------------------------------

To 學霖山莊,


Thanks man!

To 肥金.

I hope I can some day 溝女成功 hahahaha

To cinnamon,

獅子山下,,, yes... 共鳴

Thanks!

Also, great intense relationship has a tendency to include tears. Perhaps I am wishing for women who likes less intense relations. = )

To pulp...

1.生日快升;

Silver yes!

2.參選成功取回保證金;

hahahaha some day if I run again! I don;t know how much support odes free market candidate get. But will try someday to offer another choice to my fellow hong kong yan

3.一注獨贏,長買長有;(壽星仔旺啲,聽日有乜推介?)

hahahah... not much 推介

4.溝到上海妹女股神,一世無憂.

She is good! curious as hell. Nothing sexier than curiosity

To Carla,

I can feel that you are also a person of blood and flesh who throws herself into a relationship,

for there is no other way = )

I wish for you never to be in a relationship where you can't think of a reason ever to cry.

We have lives to live!

To Albert,

we shall all 互勉相勉勵, Thats the only way forward.

AND i promise I will 篤 Harder!

To Charles,

Charlie my man. Hei Hei was a good club. I always had a good laugh there, for I get to meet folks like you.

me and u same day of the same year as birthdays. How was your celebration?

As for stock options... don't worry... I got a friend who was a paper millionaire 3 times and still practically broke because of lock up. hahahha but goo experience or what!

To tintinbright,

擺脫燈神 is my goal this year =)


To 暗黑的卡夫卡,

My exiled brother. On behalf of Hong Kong.

We shall always look forward to your return. We always will.

To C.M.,

Thanks bro!

To Nelson,

Appreciate it!

To 所長,

Indeed true, harder you sweat, luckier you get...

I love this "一注獨贏買栢文!"

To kwong666,

Me, you and charlie share the same birthday hahaahah

Lets wish all of us a Good birthday!

To 阿懵,

Love it when someone serenades me... I wish I can find quicker my 另一半ho ho ho

Dear Anonymous,
Volatility makes heroes.

We, shall be heroes.

To Wongchoi,

hahahahha

Well, I wish you a happy birthday too! So many snakes here...

Yo 9gel,

Thanks dude. We are 30.

Hey 肥哨,

Thanks man!

I love doing money cafe. It rocks.
However, 曾安遜 is retiring. You can ask the moneycafe blog.


BUT I WILL LOSE WEIGHT!!!

My target is fight club's Brad Pitt physique.

Hey Leona,
Your cat has a good birthday

AngelAmelie said...

You have such wisdom. But I do too sometimes cannot believe how old i look

We are the generation with the worst experience,

yet we are the generation with the greatest promise.

Thankyou for your wishes.

I also hope I shall 脫離「神燈」行列 = )

Yo conway,

Thanks man. Appreciate your kind words

30而立... The responsibility is great.

hey billy,

Thanks man!

I was Very 唔pro.. took a few days off. hahahahhaha

To 大許Eric,

30. No longer young and naive. At least not suppose to be... I feel you my man.

And thanks for your kind wishes

To pulp (again)

hahhaahha silver threw me a party.

With Bernanke and Bush's help of course.

Dear Kenka,

Thanks my friend. I really appreciate that someone like you would care enough to leave me a spirit raising message. you rock!


Yo Karen (Sze) said...

Thanks!

心想事成!
長買長有!

You rock!

-------------------------------------

People who cares about you is what makes live worth living. = )

Once again. Thank you all!