Wednesday, January 30, 2008

娛圈911公關界綺夢

2001年9月11日,花旗國紐約朝早9點55分,當時雙子塔只係冒煙,未冧之前,英國首相貝理雅有一位spin doctor「政治化妝師」叫Jo Moore,就喺嗰一刻發電郵畀各部門,電郵話:「It's now a very good day to get out anything we want to bury(今日係出壞消息嘅好日子)。」

呢句建議,冇錯非常涼薄,被揭發之後Jo Moore玩完,最後轉行做小學教師。

面對政治化妝、公關學上嘅問題,小弟唔多識,只係靠睇克林頓同萊溫斯基嘅醜聞,從中學習到皮毛,所以想向蘋果名采版台柱左丁山叔叔請教一下,喺公關學上,以下論調合唔合理。

靠自爆博同情

(一)壞消息一定要自己發放:今時今日互聯網世界,做過嘅嘢一定會被揭發。所以自己嘅壞消息,一定要自爆。理由係傳媒得到嘅所有第一手消息,都係喺你自己口中講出,結果殺傷力可以減低。

加上以自首形式自爆,唔係遮遮掩掩欲蓋彌彰,有懺悔意味,喺傳媒、讀者面前可攞啲同情分。

(二)突然有神風護航:喺自己啲壞消息傳出嘅同時,有另一段更震撼嘅消息,咁你嘅一切壞消息,即時由頭版新聞變成內版。

例如美國911當日,香港政府即使公佈2046都唔會有普選,相信第二日除咗《蘋果日報》,都唔會有報章做頭版報道。

趁壞消息避禍

講到呢度,小弟想問大家一個問題。呢次唔係娛樂圈911事件咩?首先,第一架飛機撞向大廈(第一張淫照被公開),大家理所當然半信半疑。不過都會開電視、電腦睇睇。

當大家嘅焦點都放喺大廈上,第二架飛機就撞正(第二張淫照出現)。

雖然明知可能仲有第三架飛機撞向五角大廈,不過一個Jo Moore級嘅土產公關,就會把握機會為老闆出壞消息。

而噚日開始爆發嘅娛圈911中,有邊個為自己出咗遲早會俾人知嘅壞消息?而因為呢個911避過咗做頭條新聞?最後,今日政府又有乜嘢壞消息出咗,不過由頭版變內版呢?

Tuesday, January 29, 2008

衷心多謝林建岳

孫柏文喺《金手指》呢個欄,有時都會講吓政治。有時仲會喺選舉期間,公開支持、反對某些候選人。甚至會公開誠邀一啲我覺得會稱職嘅人去參選。舊年9月7日,我就寫咗篇題為《我挺陳太!》嘅文,前政務司司長陳方安生亦不負所託,挺身而出,成功奪魁。

不過要承認,我一向評核候選人嘅機制,冇反映某些價值觀。例如,我一向只推薦嗰啲支持民主政制、自由市場、人權法治、保護私產嘅候選人。完全忽略嗰啲非常理性、只關心究竟啲政客會唔會幫佢哋「做啲嘢」嘅選民需要。

所以繼陳太之後,今日又再次公開誠邀另一位仁兄,我覺得絕對能夠滿足嗰啲只求政客「做啲嘢」嘅選民。佢,就係林建岳。

早排,林建岳飛車被差人用雷射槍捉到。佢打官司,成功將自己嘅車速,大幅降低。有人話因為佢請咗愛因斯坦打案,將速度改寫。其實佢只係用咗150萬,請咗頂級大狀,打到政府瞓低。

為公義身體力行

有人話唔公平,淨係有錢佬先可爭公義。只要大律師市場繼續壟斷,我不能否定呢個論調。不過,如果大家有車牌,問心一句,林建岳呢單嘢,搞到政府頭痕,唔大快人心咩?

試問有邊個,為公義,能夠身體力行,以身試法,走去試吓啲法例公唔公平?最後仲要揭露法例嘅醜陋?除咗林建岳,就得番長毛。如果好似當年長毛要求董建華下台,作為唯一嘅競選政綱一樣,林建岳可以喺四年內,將雷射槍打倒,仲唔值回票價?

給我們一個選擇

所以同上次誠邀陳太一樣,我只可以話:「A road system turns its lonely eyes to you。給我們一個選擇!懇求你,參選吧。」

最後,我想講吓上個禮拜五嘅人大「選舉」。我估唔到啲土共,可以咁忘恩負義,唔支持黃宜弘連任。今日就提供一張相片去提醒大家,黃宜弘當年盡忠職守嘅表現。

Monday, January 28, 2008

點解輸562億先自首

New developments everyday on the Societe Generale case.

Financial Times are extremely skeptical about all the news surrounding this event.

Below are just some musing based on the "facts" I was led to believe at that moment. Follow FT's coverage of the changing "facts" over this case.

---------------------------

上個禮拜日晚、禮拜一凌晨,即係全世界都未知打後五個交易日將會有幾咁刺激之際,孫柏文喺屋企睇電視。1月20日當晚,翡翠台重播電影《旺角卡門》,不過唔知點解,我隻右眼一路眼眉跳。


跳得最厲害一刻,就係睇到張學友飾演嘅「烏蠅」,講咗句:「我寧願做一日嘅英雄,都唔想做一世嘅烏蠅。」唔通真係左吉右凶?

輸百億仲有肥雞餐


上個禮拜股市動盪,好多人都歸咎於法興輸562億嘅事件。上個禮拜我話過,根據法興自己出嘅新聞稿,今次事件得到揭發,係因違規交易員克維爾(Kerviel)自首。

我仲要冇經過大腦咁問:「輸49億歐元就自首,點解唔等到50億呢?可能會反彈,輸少啲喎。」更撲朔迷離係法興唔拉人,淨係話:「呢個交易員已經被停職,我哋亦已展開解僱程序。」

其實諗深層,輸49億歐元先至自首,可以用博弈論嚟解釋。

以前都話過,你欠銀行1000萬,還唔到就係你嘅問題。
你欠銀行10億,還唔到就係銀行嘅問題。
你欠銀行1000億,還唔到就係中央銀行嘅問題。

銀行業永遠都係資本主義下,最計劃經濟嘅一行,只要個鑊夠大,出事單位就可以卸鑊。

輸公司錢一樣,輸公司1000萬,你就死。
輸公司10億,你公司就大鑊,不過董事局仲會請食肥雞餐。
輸562億,聯儲局就減息0.75厘。

老作交易為留生路

咁點解要輸562億先至自首?因為你要做到,公司唔放你一條生路,公司就要執笠。當你違規嘅方法,係老作咗好多交易,公司要解結,首先一定要知邊啲交易係真、邊啲係流。輸562億,你就可以同公司講:「保證我冇法律責任,我就講你知邊啲交易係流嘅。如果唔係,你哋逐個打去問啦。」

如果法興大規模打去啲同行問:「我哋有冇做過交易?」事件一定張揚。到時拆倉就會難上加難,公司就要執笠。

所以當你可向公司話:「放我一條生路,就放你一條生路。」你就會冇事,真係輸少個億都唔得。最後,因為就算啲交易贏錢佢都冇得袋,所以好多人估Kerviel嘅動機。我估,可能佢寧願做一日嘅英雄,都唔想做一世嘅烏蠅。

發明電燈膽的人...

我只可以話...

減肥、靚仔真著數...

今晚高登好熱鬧...

Sunday, January 27, 2008

米生挑文化人機

米生話:「博益結業值得慶賀!」

仲要話:「...保障作家和文字工作者...?...咪膠了。」

Saturday, January 26, 2008

A (non?) response from Société Générale

The day after news of Société Générale's... umm... events...

Guess who was my guest on my 4:30pm show 你貼股 我教路 ?

法興 證券衍生工具部 策略師 - Ms. 朱紅

Well, I guess it was uncomfortable... But some questions just has to be asked. Watch it kids hahahahha Also notice the colour scheme I was wearing. Give them face. Red, Black and Rising.

-------------------------------

This is how our house paper covered the dialogue...


zoom

"... 主持孫柏文(圖右)及聽眾都關心法興法國總部炒期貨出事,喺香港買法興嘅窩輪會唔會受到影響?
柴灣聽眾羅先生問:「法興喺香港嘅財務係咪獨立?」
孫柏文都話:「個問題大家都好想知道答案,好似當年百富勤執笠,佢出嘅窩輪一樣死曬。」
朱紅(圖左)雖然冇就法興炒燶期貨事件作出評論,不過就大派定心丸話:「大家可以繼續放心買賣法興窩輪,今日法興有繼續為窩輪開價,市場佔有率仍然係第一,投資者毋須擔心。」..."

資金自由行幾時落實

勁。噚日,正當大家又再次發「資金自由行」夢時,從歐洲傳嚟Societe Generale法興輸咗70億歐元。當中有49億歐元,係因為有一個,冇錯一個公司裏面嘅交易員,搵到法興風險管理制度嘅漏洞,又兼夾睇錯市,幫公司輸嘅。

大家可能會問:「法興係咪啱啱推出新嘅管理制度,所以揭發呢單嘢?」絕對唔係囉!原來係嗰個交易員自己自首,公司先至知。

所以我又想問,一個人究竟要輸公司幾多錢先至會自首?輸49億歐元就自首,點解唔等到50億呢?可能會反彈,輸少啲喎。

不過點都好,就算自首,都應該有排煩。上次新加坡 Baring's嘅利森Leeson,輸公司8億英鎊都已經要坐監,呢個法興交易員,我諗應洗乾淨pet pet準備入冊。

輸49億歐元只係炒魷

點知,睇法興關於呢單嘢嘅新聞稿,就真係勁搞笑。法興好嚴肅咁話:「呢個交易員已經被停職,我哋亦已展開解僱程序。」咩話?隱瞞公司輸49億歐元,即係特區政府每年入息稅收嘅兩倍,都只係炒、魷、魚?

法興真係勁,一定有神靈庇佑。因為如果唔係佛陀做主席,耶穌基督做總裁,點會可能咁寬宏大量?

點都好,噚日未有法興宣佈呢單嘢之前,恒指升過800點。原因係大陸又有人吹話會有「資金自由行」。以前孫柏文曾經講過,「資金自由行」要落實,一定要經過股災。因為唔想大陸股民變成特區股民嘅點心。

今日,再加多句。「資金自由行」不但要股災後,仲要等到特區股民聽到「資金自由行」都冇反應,同埋就算可以嚟,大陸股民都唔嚟,咁就會落實。大陸股民喺乜嘢情況之下可以嚟都唔嚟?大家自己諗諗。

Friday, January 25, 2008

Negative real interest rates galore!

This is from the good folks over at Money cafe.

"...今日公布通脹率是3.8%
目前匯豐優惠利率係6.75%
明日減息四分三厘後,優惠利率去到六厘。
按揭利率目前是P-3%= 3%

按揭實質利率:3% - 3.8%= -0.8%
哇,仲唔買樓????..."

------------------------

Applause to them including credit availability.

Here's a look at the US (ignoring credit availability)

Current US inflation rate: 4.08%

Current Fed Funds Rate: 3.25%

Therefore...

Interest rates - inflation rate - Real interest rate
3.25% - 4.08% = -0.83%
哇,仲唔買白銀????

Amazing pair of news for Societe Generale

This and this news come out.

English sense of humour perhaps.

Amazing.

Thursday, January 24, 2008

Why you might want to buy Next Media 282

This is one reason why you want to buy Next Media (282) shares.

Such institutional patriotism. Such pride in one's work.

債券保險公司——跌浪元兇

前晚聯儲局突然減息0.75厘,因為孫柏文嘅截稿時間呢排被大幅提早,所以噚日未有機會為大家分析。

聯儲局喺特區晚上時間突然減息,當然即刻令花旗國財經台CNBC,成為幾百個收費電視台當中,最好睇、最刺激嘅一個台。當晚原本已經可以放工,不過我都睇埋花旗國開市情況,先至離開公司。可能遲走咗,所以就咁啱同我哋《蘋果日報》財經版、跑銀行beat嘅記者,同一架巴士走。

啓動心臟起搏器

我就問嗰位前輩:「真刺激,諗住今日股市跌二千幾點,一定做頭條。點知聯儲局突然減息。呢排銀行beat真係好多嘢發生。」前輩:「今時今日,十分鐘時間可能已經係兩個世界。真係估唔到做財經版記者,仲刺激過做突發記者。我諗我已經係財經突發記者。」雖然只係電腦螢幕裏面嘅數字不斷跳動,居然比「死人冧樓」更充滿戲劇性。

前日講過,如果經濟體系就係身體,錢就係血液,而各大金融機構組成嘅信貸分配系統,就係心臟。講真,係因為心臟又停頓,聯儲局突然減息,啓動心臟起搏器。

只係降級仲未執笠

上個禮拜五花旗國最大債券保險公司Ambac,被Fitch信貸評級公司降級,即係被判死刑。

問題喺邊?各大基金、金融機構、銀行手上嘅債券,就算被瘋狂降級,只要買咗保險,會計上就可以用債券保險公司本身嘅信貸評級,作為嗰啲債券嘅評級。

呢啲債券保險公司,雖然股價已反映緊佢哋會執笠。不過,評級公司仲話佢哋係AAA。只要評級公司學Fitch降佢哋級,一夜之間就會有數以萬億計嘅債券同衍生產品,同時降級。呢個又係點解禮拜一啲歐洲銀行跌得咁甘。不過咁都未算大鑊,現在只係講降級,都已經咁大反應。真係執笠時,點算?

Wednesday, January 23, 2008

HSI in the P.C. era (Post Cut)

一注獨沽滙豐「到價」

「今日,呢篇文非常難寫。」

07年7月30日下午,滙豐出中期業績。嗰朝早,孫柏文叫大家一注獨沽滙豐。嗰篇文章嘅第一句,就係以上嗰句。當日,亦為大家提供112.5元嘅目標價,建議有效時間12個月。

噚日,到價。好多朋友、同事,都叫我慶祝一番。不過我冇心機。因為滙豐股價由當日嘅140元,跌至噚日收市嘅104.4元,背後有不能想像嘅眼淚。慶祝又怎能建基於他人嘅眼淚。同當日一樣,今日,呢篇文都非常難寫。

以後,不論男女老幼,如果你因炒股票唔開心,而又喺街上見到我。你只要走過嚟話:「我唔開心, I need a hug。」我就會hug你。啱或錯,都可以唔開心。

Tuesday, January 22, 2008

HSI from the B.C. era (Before Cut)

股市咁就彈完

上個禮拜五,孫柏文為大家提供咗張恒指三年走勢圖。大家如果有睇到,都會見到恒指喺呢三年嚟,每次下試200日平均線時,都會見底同嚟一次大力反彈。

咁上個禮拜五,反彈力真係有,由最低到最高位反彈成千點。

最弊係,當日反彈力用晒喺修補嗰日成千點嘅低開裂口。禮拜五個市埋單只升80點。

政府做嘢非好事

如果大家不問世事,分分鐘會覺得噚日一定可以承接禮拜五個勢,繼續升。點知禮拜五晚,花旗國國會同總統布殊,宣佈「救市」方案嘅大方向,就係咁,為噚日全球股市埋下大跌伏線。

大家可能會問:「政府宣佈會『做啲嘢』救市,唔係件好事咩?」如果你覺得政府「做啲嘢」就自自然然係件好事,相信你絕對有資格去做特區立法會議員。不過股市呢啲現實世界,我就建議你千祈唔好行埋去。

作為《金手指》嘅fan屎,你哋明白今時今日最大危機,就係呢幾年嚟用開嘅信貸分配系統,完全停頓。因為一向用開控制風險嘅板斧,全部係錯嘅。如果經濟體系就係身體,錢就係血液,而各大金融機構衍生出嚟嘅信貸分配系統,就係心臟。

心臟有事醫對腳

即係話,呢一刻個病係心臟病。咁布殊同啲國會議員有乜反應?「為醫好呢個病,政府會非常果斷咁醫。醫嘅方法就係買好多藥油嚟捽腳!」冇料就唔使講,最大問題就係心臟問題呀大佬!關隻腳乜事?佢哋連邊度有事都唔知,仲唔嚇死人?

當然,上個禮拜五晚除咗有花旗政府敗露無能之外,仲有花旗國最大債券保險公司 Ambac被判處死,拖累股市。點判、點死、點累市?聽日再講。

Bloodbath... Yet no live financial news!







Monday, January 21, 2008

信貸評級公司的末路 Lord have mercy on the rating agencies



Lord have mercy on the rating agencies


07年8月,孫柏文叫大家「一注獨沽賣滙豐」之後冇耐,我上有線電視財經台節目 Money Cafe,分享咗我覺得呢場國際信貸風暴要打完所需要嘅條件。

要預測場風暴打完條件,一定要同時提供埋風暴根源。我當時話過,呢場風嘅起因,就係啲投資銀行家,搵到信貸系統裏「屈機」方法。有玩過電子遊戲機嘅fan屎,都明「屈機」就係搵到遊戲程式中嘅漏洞,瘋狂用同一板斧重複又重複咁攞最大着數。

信貸系統屈機方法

喺信貸市場,投資銀行家發覺好多資金,不論來自基金或銀行,都非常依賴信貸評級公司提供嘅評級,作出買債券決定,只要話係AAA評級,基金經理或銀行職員,就可以向上頭交差,話自己買咗啲安全程度媲美通用電氣GE還款能力嘅債券。

「屈機」嘅方法,就係以財技製造AAA評級嘅債券,跟住提供比傳統、真正AAA 債券高少少嘅回報,就可以大賣。

評級公司仲要做埋啲投行家嘅顧問,收大量顧問費,教啲投行點樣包裝債券去攞AAA評級番嚟。最終結果,就連評級公司嘅制度都出現腐化,推出一個叫做「idealized default rate」嘅評級機制。

即係不同債券產品嘅同一評級,原來代表唔同程度嘅風險。一張A級市政府債券嘅走數機會率係1%,企業債券就1.8%,而經過證券化財技衍生出來嘅債券就2.7%。同一評級,唔同風險。

同一評級唔同風險

結果係點?攞今時今日,穆廸同標普仲評AAA嘅債券保險公司Ambac嚟講。Ambac發出用嚟借錢嘅債券,息率已達廿幾巴仙,即係高過信用卡利息,點解仲有AAA評級?即係市場已經唔理穆廸同標普嘅硬膠評級。評級冇人用,評級公司仲唔踏上末路?

What ARE they selling here?

There is a song selling a certain idea to the people of Hong Kong...

Here are opening lyrics 歌詞.

跌跌碰碰的旅程 爭取可見將來
與您同步心聲緊扣 生命呼應
滿有鬥志的過程 熱力搖動歌聲
全城凝聚皆精英 攜手意志高升
縱有困阻都可變力量 完全溶入笑容去奔往
朝著理想新方向 抱著信念創造理想


Now... Guess what they are trying to sell.

I personally guessed they were a saving plan of some sort. I mean 爭取可見將來 must be talking about early and secure retirement of some sort.

跌跌碰碰的旅程 is a not so oblique reference to the recent volatility in the stock market.

與您同步心聲緊扣 生命呼應... umm... a saving plan with a medical angle?

滿有鬥志的過程 熱力搖動歌聲
全城凝聚皆精英 攜手意志高升... Oh no... Not just a savings plan, but one done by the government, that will be like MPF probably mandatory... All that sovietesque attitude of assuming NO OPPOSITION in this desire.

縱有困阻都可變力量... A government mandated medical savings plan will obviously face some opposition. And any 困阻 will transform into more 力量 from entrenched interest to increase medical spending arbitrarily...

完全溶入笑容去奔往... Yes, no matter how fierce the opposition, officials will keep smiling.

朝著理想新方向 抱著信念創造理想... The all encompassing call from government every time they push some hard plastic policy.

But holy crap.

This song is selling something I WANT TOO!!!



Here's the rest of the lyrics...

2012 (we are ready) 願見普選從這天開始
2012 (we are ready) 下定決心團結在目前
全城盡努力 尋回現在那失去歷史
人人齊投入, 信心皆一致 We are ready
再次再盼的訴求 普選期望到來
全城嘹亮的歌聲 唱出盛放色彩 (this line is nauseatingly generic... typical fare I thought only capable from 土共)
你我進取牽手結伴行 完全溶入笑容去奔往 (another nauseatingly generic line)
遙望這天空海闊 努力創造遠大理想 (hopelessly nauseating aaarrggghhh)

Well... This is what I think. Inspiring the public go to a certain place, IS NOT telling the public how tough or great the road will be.

But how great the DESTINATION will be. I mean Moses told the slaves there will be a land of milk and honey at the end of that long trek.

And not "follow me and let me show you how I will part the red sea" hahahahhaha

It is especially worrying that this song never addresses any of the genuine fears people (土共 sympathizers) have about democracy or elections. Have to address them in order to win them over.

I know. I know. I am feeling guilty. For at least they have made a good try, while I just sit on the side line being snarky.

Sunday, January 20, 2008

短線點炒?

今日,相信好多讀者晨咁早已經起身,睇特區各大報章嘅財經版,搵股市部署嘅頭緒。所以,孫柏文今日唔會浪費大家時間,即刻為各位fan屎提供一張圖表,以作參考。



大家可以見到,呢三年嚟恒指每次下試200日平均線時,不單止會反彈,仲要係入市嘅良機。多都唔講,淨係對上三次嘅下試,如果你入市,次次都會帶來豐厚回報。

牛市縱壞新丁

上次就係07年8月嘅大奇迹日,遇上資金自由行。之前就係07年2月滙豐首次發盈警,遇上大陸跌停板。再之前就係06年4月全球新興市場拆好倉。

大家都知,我每日下午四點半都會喺finance.appledaily.com,主持財經節目「你貼股、我教路」。節目嘅宗旨,就係畀讀者一個平台,為其他讀者提供投資建議。

好多時,聽完啲讀者嘅建議,同埋建議背後嘅分析,我都會忍唔住問個讀者炒咗幾耐股票。

我發覺,往往對自己建議最有信心嘅一群,就係嗰啲04年先開始炒股嘅讀者。同沈振盈沈大師傾過關於呢個現象,得出一個結論。呢幾年嘅大升浪,已經縱壞咗好多呢啲新晉炒家。甚至乎可以話,越勇越着數,唔勇就眼紅。

博反彈要小心

正當呢條200日平均線靈咗咁耐、靈咗咁多次。我相信股市應該會承接噚日升幅,畀面反彈。不過彈幾多?彈幾耐?真係唔知。

大家要緊記,喺未有資金自由行呢個概念前,恒指高位只係23600點。呢個高位仲要未爆發次按衍生出嚟嘅信貸危機。大家博反彈,真係要小心。

Friday, January 18, 2008

Heroics

Phrase of 2008


This is what I said a couple of days ago...

Perhaps this is true...

"...The truth is too painful..."

Click on the video. Watch the entire video.

"... What happens under these scenarios? I don't know, but the commission is HUGE!..." hahahhahaha

It will takes some pure Heroics to make HK rise on Friday...

Thursday, January 17, 2008

Steve Jobs 預測未來趨勢

今日,學吓上面尹思哲,講吓科技。前晚,蘋果總裁Steve Jobs發表佢一年一度嘅「介紹新產品」演說MacWorld keynote speech。噚日,思哲兄就Jobs上身,寫咗篇題為「假如我是Steve Jobs」嘅文章,分享咗佢心目中希望Jobs會講嘅嘢。

今日,孫柏文就為大家分析吓前晚公開嘅蘋果新產品。

傳統電訊商末日


首先,應該將會非常積極鼓勵「非蘋果」嘅第三者,為iPhone製造軟件。平時大家用開嘅手機,差唔多所有功能都係電話製造商提供,又冇得更新。我淨係想睇啲比較新嘅pdf文件都唔得。iPhone用戶如果可以下載新軟件,就等於佢哋嘅電話可以不斷更新。講真,用戶對硬件功能已經冇乜要求,可以不斷更新軟件先至係最重要。

仲有,Jobs攞番基本上減去可以接駁到傳統電訊網絡功能嘅iPhone、iPod Touch出嚟,都有玄機。不能接駁到傳統電訊網絡,不等於不能用話音溝通或寄SMS,只係經過無線互聯網WiFi。令我相信Jobs見到傳統電訊商嘅末日之路。

幫電車男慳時間


跟住Jobs再公開兩個新產品,第一個係網上租碟服務,第二個係冇「讀碟器」嘅超細手提電腦。兩個產品走埋一齊嘅解讀,就係浪費好多電車男好多時間嘅「究竟下一代DVD係藍光Blu Ray定係HD-DVD贏」嘅問題。喺Jobs眼中,根本冇point。

唔同對上兩年,今次Jobs講嘢,蘋果股價大幅下滑。點解?唔係因為冇創意,只不過攞嚟搞「破壞」。Schumpeter嗰隻creative destruction。電訊商、DVD,真係走上末路?

Wednesday, January 16, 2008

點守「最自由經濟」

噚日,又係一年一度花旗國傳統基金會Heritage Foundation封特區為全世界最自由經濟體系嘅日子。孫柏文作為本地自由市場智庫組織「獅子山學會」研究總監,係應該開心。

冧莊攞冠軍有因

不過某程度上,我哋可以維持冠軍地位,係因為排行第二嘅係新加坡。聽聞,花旗國人,不論組織、調查項目,都唔鍾意封新加坡為冧把溫,可能因為花旗國人寧接受真獨裁,都唔認同假民主。記得舊年,傳統基金會喺宣佈特區為最自由經濟體系嘅記者招待會上,曾經話過「銷售稅ok!」

大家可能會問:「佢哋都係自由智庫,點解會話可以接受銷售稅?」當時佢哋話,只要特區政府稅收總數維持一樣水平,即係銷售稅嘅收入,可以喺其他稅項減去,咁就冇問題。如果大家記得,政府當年推銷售稅,都話會減其他稅項。

排名冇變得分跌


我哋香港人當然比佢哋熟悉本地政府文化,所以聯合一起,反對銷售稅。有啲傳媒機構赤裸裸咁反;有啲表面上支持政府嘅傳媒機構,就標啲「入息稅最高稅率可減至12%」題,仲要將個「可」字,調校到特別細,等我哋香港人覺得呢啲傳媒機構有難言之隱。

今年,特區嘅排名雖然冇變,不過總得分就跌咗。冇辦法,反映主流意見嘅直選立法會議員,通通都係大政府主義者,係咁要政府「做啲嘢」。今年適逢立法會選舉,大家知點做啦!

「叻人」贏縮輸谷,你呢?

去年大奇迹日,孫柏文寫咗篇題目為「泡沫爆破後坐監大熱門」嘅文章。文裏面話花旗國每次有泡沫,爆破之後都會有啲人,好牽強咁被人拉去坐監。喺content is king嘅科網泡沫爆破後,就有教人煮餸嘅Martha Stewart被人拉去坐監。原先「內幕交易」嘅指控,連起訴證據都唔夠,最後求求其其屈佢「唔合作」算數。

拒與鐵達尼同沉

當時,我估喺花旗國樓市泡沫爆破後,最有機會鋃鐺入獄,就係花旗國最大按揭中介公司Countrywide Financial嘅主席Angelo Mozilo。就算咁多年嚟,Countrywide放嘅次按債冇問題,淨係公司直至舊年8月股價不斷下跌時,Mozilo都係咁賣手上以億元計嘅股份,而唔係好似鐵達尼船長一樣,跟住隻船一齊下沉。花旗國人覺得,你搞到間公司執笠is ok!最緊要係冇講大話,同埋冇攞着數。

寫嗰篇文之前幾日,大家都記得嗰種心慌慌。不過之後幾日,相繼有聯儲局做嘢,祖國宣佈「資金自由行」,特區政府入股港交所等好消息,好似噩夢發完一樣。嗰個禮拜,除咗以上消息,仲有美銀BOA宣佈以20億美元現金入股Countrywide,買16%股權。原來,美銀只要等多幾個月,就可以自己印價值40億美元嘅「公仔紙」股票,去「買」成間Countrywide番嚟。之前用20億都冇控制權,今日畀40億仲要攬上身。

以前細個,跟老竇入馬場,佢話最忌就係「贏縮輸谷」。美銀要同我老竇傾傾。

Tuesday, January 15, 2008

伯南克發第二重要言論

大家心目中嘅歷史巨人,往往都會嚟一次非常代表佢哋思維方向嘅言論。小平同志嘅「誰不改革」,就是呢種言論嘅好例子。

如果孫柏文問大家,聯儲局主席伯南克邊一次講話,最能代表佢嘅思維。

相信大家都會話:「一定係講『用直升機對抗通縮』嗰次。」呢個選擇,我都同意。不過上個禮拜五特區凌晨時分,從政策清晰角度嚟講,伯南克發表咗我相信係僅次於「直升機論」嘅言詞。

減息半厘機會跌

睇債券同利息期權價格走勢。原本由08年初開始,偉大嘅市場已開始預測一月聯儲局會議最有機會減半厘利息。不過上個禮拜,當市場聽到伯南克嘅言詞,減半厘嘅機會率急跌。雖然市場仲係覺得減半厘係聯儲局「最有可能」嘅選擇,不過信心嚴重動搖。

大家唔好誤會,市場唔係又覺得只會減0.25厘,而係聽完伯南克講嘢,市場覺得有45%機會減0.75厘(見右上圖)。要說服大家買白銀,孫柏文「一注獨贏買白銀」嘅言論,遠遠不及伯南克上個禮拜五嘅「substantive additional action」三個字。有時用少啲字真係仲有力。



岳少可請司機揸車

最後,聽聞林建岳用150萬打甩咗開車超速要釘牌單官司。我有個朋友話,佢用筆錢請司機,買架平治S500,毋須自己揸車都可以享受到快速感覺。

點都好,突然發覺近排多咗好多人黐呢款汽車貼紙(見圖)。大家知唔知點解?

Friday, January 11, 2008

擺酒派帖經濟學

呢幾日,孫柏文枕住講關於婚禮、婚宴,令好幾個fan屎估點解。理由可能因前個禮拜六,我做咗一次令我百感交集嘅戥穿石、婚宴節目主持人。又或者可能我年屆三十,仲係王老五,因荷爾蒙問題所以係咁諗呢啲議題。今日,應該係近期講呢個議題最後一篇文章,亦都可能係戲肉。噚日,分享過我舊老闆,幾十年前擺酒有得賺嘅經驗,所以今日想討論吓「如何擺酒有得賺」。

婚宴三方最緊要傾


因為自己未結過婚,所以未試過親身經歷擺酒經濟學。我只能夠分享,從周圍有擺酒經驗嘅人啲見解。

任何活動想做到有得賺,不外乎開源節流。開支主要係擺酒費用,收入就係賓客做嘅禮金。不過,因為婚宴金錢流向牽涉三大單位,男家父母、女家父母、新人,而各有所需,誘因不同。所以我其中一個消息來源,「勁靚女」Winery就強調,婚宴要成功,三大單位一定要傾。

朋友同事用作溝淡


如果唔講錢嘅走向,純粹希望開支少過收入,第一件事就要控制成本,問題嘅精髓,基本上係「喺酒樓定酒店擺?」因為擺酒開支係男家責任,所以想賺錢嘅新郎,要集中火力游說女家。佢哋ok?你就ok。

增加收入,亦係竅門。根據Rapiere話,一定要完全杜絕「闔府統請」,如果有結咗婚嘅朋友,除非同佢配偶好熟,否則唔請。不過因為親戚一定要闔府統請, Winery話,所以有仔女結咗婚嘅姨媽,就不單派帖畀姨媽,仲要派帖畀佢仔女,因為多一張帖,就多份禮。不過,最緊要係啲人畀現金做禮,黃金係好,不過親戚送金器,你阿媽一定唔畀你賣。

Rapiere最後補充,最好就係盡量請朋友、同事去「溝淡」親戚人數,維持一定比例。大家點睇?

Thursday, January 10, 2008

為乜結婚要擺酒



上個禮拜,孫柏文同大家分享過做婚宴節目主持人嘅經驗。我話過做主持人,最好就係當婚宴為一個國家級晚宴,新人父母為兩國元首,而主持人嘅我就係個佢哋唔熟識嘅低級外交官。即係當晚嘅節目應該老少咸宜,小心駛得萬年船咁平平淡淡。

從經濟學角度,揀婚宴主持好易出錯嘅原因,係因為新郎冇乜經驗。有如一個冇仇報嘅股市初哥一樣。

冇人識就係成功


有如當年一位曾經做過世界盃決賽球證咁分析:「如果歷史書冇特別提起邊個係當日嘅球證,而淨係記得兩球隊嘅人,個球證就算成功。」我覺得做主持人一樣。

好多fan屎都同我一樣,覺得今時今日啲婚宴節目已經走火入魔。諗啲節目出嚟,純粹為咗娛樂(後生仔女)賓客,唔係去鞏固婚禮、婚宴嘅功能。婚禮、婚宴嘅功能係乜?從人類學角度嚟講,就係對新人以高姿態,話畀佢哋接觸開嘅社區知,佢哋已經畀人mark咗,想擇偶唔該過主。

唔擺酒係咪唔得?我諗最少都要喺啲互聯網社區網站,例如facebook,話自己結咗婚,等所有你識嘅人都知。

結婚擺酒有錢賺

當然,「擺酒」呢個儀式,仲有其他功能。就係「被通知」嘅社區,走埋一齊送禮畀對新人。

仲記得,我以前股票行老闆話過,佢喺大學時,應承咗未來老婆,話一儲到錢擺酒就結婚。點知做咗成年股票行職員都未儲夠。後來女方施壓,舊老闆惟有諗辦法,最後決定向公司借糧,諗住有排還。點知,擺完酒,數一數禮金,發覺有賺。唔怪之得佢老人家可以做到股票行老闆。

Wednesday, January 09, 2008

花旗大學的屎計

孫柏文喺花旗國讀大學時,察覺到一個怪現象。就係一個星期裏面,最多人去酒吧嘅一晚係禮拜四。可能因為周末比較多人,自己喺屋企搞party,所以酒吧最旺係禮拜四。因為酒吧唔同人哋屋企,唔會飲到冇,所以好多時禮拜四係一周七日中酒精攝取量最高嘅一日。

周五開班博人走堂

根據《華爾街日報》,某大學因為見到呢個情況,所以推行新措施。大幅提高星期五開班嘅數目。以我對花旗國大學文化嘅認識,呢個措施嘅唯一效果只會推高「走堂」人數。

今日,我想回應隔籬理財版《敏妮Talk》嘅溫敏妮。前日,溫敏妮寫咗篇題為「投機+風險=機會」嘅文章。文中,溫小姐話佢嘅朋友光頭仔,留意緊會令孫柏文唱歌嘅阿里巴巴(1688)。溫小姐估話,應該唔係因乜嘢基本因素,光頭仔只係體驗緊《信報》曹sir所講嘅「有智慧,不如趁勢」。為咗個「炒」字。

機會-風險=套戥

大家作為《金手指》嘅fan屎,都應該知道我對阿里巴巴嘅睇法。所以今日嘅回應唔係想講阿里巴巴。今日,我係想講篇文嘅重心,「投機+風險=機會」呢個方程式。大家都知我數口比較差,得小學程度。不過以小學嘅算術嚟睇,如果「投機+風險=機會」,即係「投機=機會-風險」。

不過我又諗,「機會-風險」即係一個冇風險嘅賺錢機會。冇風險嘅賺錢機會,唔係「套戥arbitrage」咩?點會係「投機」呢?

平時,我會盡量避免用我啲小學程度嘅數學,去糾正啲港女,特別係從事金融業嗰啲,分分鐘除隻高踭鞋去打爆你個頭。不過溫小姐就唔同,EQ高、人品好,永遠唔會破口大罵。如果所有喺工作上有下屬嘅港女,學到溫小姐嘅三成功力,「港女」呢個字,都唔咁負面。真係想約溫小姐去飲咖啡。

Tuesday, January 08, 2008

最能代表08年嘅「詞」

如果孫柏文要大家投票選出,最能代表07年國際金融業嘅「詞」,相信大熱門一定係 subprime mortgage次按呢個詞。如果要我估最能代表08年嘅「詞」,相信將會係counterparty uncertainty。

Counterparty uncertainty係乜?直譯就係「對賭單位不明朗因素」。最好嘅比喻就係你走去賭馬,不過又唔係同馬會賭,搵咗個外圍落注。個外圍佬就係你嘅對賭單位。平時,同外圍佬落注,最重要就係你買嘅嗰隻馬第一隻過終點。揀唔揀到嗰隻冠軍馬,就係你嘅market risk「市場風險」。

買外圍嘅風險

例如,早排高盛冇好似其他花旗國金融機構咁,宣佈輸大錢,係因為賬面上佢哋入咗好多買次按債券下跌嘅衍生工具。不過,有時你雖然買中咗隻馬,不過外圍佬賠唔起,最後走佬,雖然賬面上贏咗,但最後得個桔。呢個就係買外圍嘅「對賭單位不明朗因素」。

咁點解我會估呢個詞將會叱咤08年國際金融業?又攞番高盛為例子,佢哋賬面上贏咗啲對賭單位好多錢,不過佢哋嘅對賭單位係邊個就冇人知。一旦對賭單位頂唔順,高盛就會得個桔,跟住要為手上嘅次按債券進行大幅撇賬。

對賭單位執笠

今時今日,好多銀行都有做對冲,賬面上輸極有個譜。不過如果對賭單位相繼執笠,國際金融業就會再掀巨浪。

大家可能會問:「如果咁危險,點解啲銀行高層唔出聲?」如果你係個做到月尾就會離職嘅私人助理,老闆下個月就要飛去見個大客,佢叫你買機票,話乜都唔理,最緊要平。你橫掂月尾就會走,所以幫襯間信譽唔好嘅旅行社,只要旅行社捱過月尾就會唔關你事,因為你已經做晒你要做嘅事。啲銀行高層就係呢個助理,明未?

Monday, January 07, 2008

民建聯做保皇黨真正理由

大家作為《金手指》嘅fan屎,可能察覺到孫柏文少鬧民建聯。我自己都有反覆咁諗過因由,得出兩個結論。第一就係「鬧民建聯」,已有好多人做緊,自問枝筆真係幾廢,冇可能同啲前輩鬥。所以都係鬧吓啲冇人鬧嘅嘢,例如鬧吓買咗好多次按嘅滙豐(005)算數。

少講少錯

第二就係民建聯將自己定位為「保皇黨」,而設計上作為「保皇黨」,就要好似鵪鶉咁,唔出聲默默支持政府。不過喺經濟議題上,少講少錯,就唔會畀我鬧。因為如果民建聯支持嘅政府政策出錯,啲人只會鬧政府。

再諗深一層。一向以來,孫柏文都仲估民建聯係出於自由意志,選擇做保皇黨。不過噚日,見到民建聯喺西隧搞抗議活動,我就對佢哋點解要做保皇黨嘅理由完全改觀。佢哋平時唔出聲係因為佢哋對政策,真係完全唔識。

該當何罪

首先,佢哋知唔知如果「成功爭取」壓低西隧回報率,將來唔會有人投資基建項目,要靠晒政府。靠晒政府問題喺邊?如果一旦計錯,就要納稅人補貼。

現在,西隧啲股東已經唔出聲鬧政府當年對需求嘅預測錯晒,好客氣。

仲有,西隧嘅股東之一就係中央國務院嘅中信集團旗下公司。中央政府搞中信出嚟為乜?
民建聯居然反對中央投資香港基建?
雖然冇講出口,試問仲有冇財團夠膽投資香港基建?
民建聯你該當何罪?

Friday, January 04, 2008

戥穿石咪玩出火



前日,《蘋果日報》頭版係一段題為「機管局高層嫁女、老千混入喜宴、百名賓客被騙財」嘅新聞。報道話,幾名老千扮戥穿石同姊妹,喺上菜期間向10圍枱分發每圍12個利是封。叫賓客入錢,話玩抽獎,仲要話係「實有得中」。

大家唔好誤會,啲老千話「實有得中」唔係用嚟勾起貪念,而係希望畀啲賓客一個「只係婚宴節目,唔係搵錢掠水」嘅感覺。

婚宴節目走火入魔

當時,有賓客問新老爺關於抽獎嘅嘢。佢答:「唔知喎,呢啲嘢都係啲後生仔同男家搞o架啦!」最後,到食甜品時發覺還未開獎,先至知有過百賓客俾人呃咗。

孫柏文今日唔係想玩《警訊》,不過點解啲老千今次可以成功呃人?全因今時今日,啲新人嘅同輩喺策劃婚宴節目期間,已經走火入魔。

上個禮拜六,孫柏文走咗去做一位大學同學嘅戥穿石。之後嗰晚仲做婚宴嘅節目主持人。呢幾年嚟,我做過好多朋友婚宴嘅節目主持人,一向嘅態度都係,啲節目最好就係老少咸宜。一個29歲戥穿石覺得好好笑嘅環節,可能已經將男家奶奶嘅面,喺女家前落咗。所以我每次都係將婚宴當作為國家晚宴,新人嘅父母為兩國嘅元首。我就係一個佢哋唔熟悉嘅低級外交官。

一時娛樂禍延久遠

因為冇理由為咗一個29歲戥穿石嘅「娛樂」,為新人種下可以禍延幾十年關係嘅種子。所以大家做戥穿石同姊妹時,永遠記得當日主角係對新人同埋佢哋嘅家人,而唔係你。

蘋果批 : Hope US Republicans choose Ron Paul



Our world, one led economically and militarily by the United States of America is at a crossroad. The people of America will in the coming 11 months choose a new leader to lead not only that fair nation, but in many ways, this world we all live in.

We understand as foreigners from Hong Kong China, that we have no direct leverage on the process. But we wish the people of America will at least hear a voice from a far, and understand better the hopes we have.

Today begins the process in the state of Iowa, of the two major U.S. political parties choosing their presidential candidates. We simply hope the people of America will take a little more time to listen, to what your Congressman from Texas, a Dr. Ron Paul, has to say on various issues.

The one position Ron Paul is best known for is his demand for immediate withdrawal of American troops from Iraq. On initial inspection, this position signals weakness and abandonment. But little more closely, you will hear Paul's defense of the U.S. Congress having the monopoly power to declare war.

War requires the sacrifice of many. Without the express approval from the U.S. Congress, the branch of government with most legitimacy, parties involved including foreign allies and enemies, will doubt the American will and act accordingly. As the war in Iraq has proven, such doubt has a highly corrosive effect on the outcome. If Congress formally declares war, a President Paul will be ready to fight, but not a moment sooner.

Paul has also been criticized by his unwavering demand for the U.S. to be withdrawn from organizations such as the World Trade Organization (W.T.O.). With his critics labeling him an 'isolationist'.

But little more closely, with WTO as an example, Paul wants to pull the U.S. out not because he fears trade, but because he wants America to be engaged in free trade unilaterally. Treating all trade partners equally, and not to discriminate arbitrarily nation to nation. As the people of Hong Kong has been victims of U.S. trade policy, especially in textiles and garments, such policy will win the respect from our land. It is perhaps Paul who remembers Bastiat best, "Where goods do not cross borders, soldiers will."

On money, the Hong Kong Dollar has been pegged to the U.S. Dollar for more than 20 years. We peg our currency in order to receive the stability of the U.S. Dollar anchor. As we enter 2008, the top concern for us is the galloping inflation that is developing. We firmly believe inflation is always and everywhere a monetary phenomenon, thereby conclude the root of the current inflation lies with central bank of America, The Federal Reserve.

With our savers and pensioners in mind, Paul's demand to end the U.S. Federal Reserves' unrestricted ability to debase the currency, by returning the U.S. Dollar to a gold standard receives our most ardent support.

We hope and endorse Ron Paul for the U.S. Republican nomination.

「一注獨贏」07年總結

08年第一個交易日,係時候總結金手指篤過嘅「一注獨贏」貼士。07年嘅表現,附表清楚顯示。跟住我會講吓08年嘅展望。



白銀一向被嘲為三線原材料,07年波幅居然細過恒生指數,全年埋單升15.6%。08年全球央行將會「好果斷」咁印銀紙,希望喺未爆發貨幣信心危機前,拯救銀行體制。我話好難。所以作為白銀戰隊隊長,維持原本建議:強力買入。

認沽證錯在冇放

和黃06年11月建議買入,因為信佢推X-series會救到3。點知中期業績,X-series口碑好都係上唔到客。我亦即時取消建議。最搞笑係取消建議後,因資金自由行,和黃股價差啲到我提出嘅目標價。有冇可惜?冇。好似我以前股票行老闆話齋,作為分析員,right for the wrong reason都係冇用。

H指認沽證3497
06年尾推介沽H指,原因係H指當時升得太快。三月初,隻認沽證升過80%。點知成日覺得中央會繼續發功大力打擊股市,所以冇叫放,最後變廢紙。慘!

江西銅業(358)
由年初建議日至8月27日(到目標價)升咗48%,唔錯。不過之後居然可以再升100%見 32元。江銅要減少非開採業務,同埋放棄預售銅產,我先會再睇,大家自己執生。

等滙豐負面消息

滙豐(005)07年2月, subprime一字仲係被《蘋果日報》繙譯成「次優質按揭」。優質?次?What?而SIV一字,第一次喺《蘋果日報》出現,就係6月9日財經版簡訊中。現在已經唔係「簡訊級」新聞囉。7月尾推介沽滙豐當日,亦提出112.5元目標價。當時肯定係我睇得最淡。今時今日,112.5元目標價?溫和啦。靜待滙豐減派息、(再)發盈警。
中油香港(135)貼完冇幾日已升18%。不過之後掉頭走,有買現在已變大閘蟹。不過喺資源股中,呢隻防守力最強,大家唔使驚。只要公司油產量唔跌,07年業績會好過06年好多。屆時會爆發新升浪。