Sunday, May 31, 2009

Picture of May 2009



(Hat tip business insider)

今日係最後落車機會

維持治安、保護財產,社會通常都係由政府提供,例如警察去負責。收得埋嘅嘢,都仲算可以唔使保護,不過人所皆知係你嘅財產(例如物業不動產),就真係好難唔使搵警察幫手。不過一旦政府運作出現問題,又甚至政府有意或無意侵犯私人財產,民間就好大機會以自發秩序形式去保護自己啲嘢。其中一個方法,就係組織民間自衞隊。

如果政府只係無能,自衞隊多數只會行吓beat,睇吓有冇賊仔。但如果政府係搶掠嘅源頭,自衞隊分分鐘演變成反政府嘅叛軍,同政府打內戰。就算政府有外國政府支持,作為手無寸鐵嘅市民惟有盡量躲避,唔好逞英雄。

官民「內戰」有排打


前晚,花旗國醞釀多時嘅官民衝突,卒之爆大鑊。

之前政府透過聯儲局印鈔,令人覺得貨幣快會大幅貶值,從市民手上嘅現金、債券搶去購買力,毋須流血就去侵犯私人財產。

不過一眾買開債券嘅人,就自發組織自衞隊成bond vigilantes,喺前晚罷買債券,令政府就算有大陸等盟友支持,都要出高好多嘅利息,先出到債券、借到錢。而類似嘅內戰仲有排打。

不過當兩方駁火、槍林彈雨之際,股市就仆直。孫柏文奉勸大家,唔好逞英雄,今日係五月最後一個交易日,要把握最後落車機會,嚴守sell in May。

Friday, May 29, 2009

「一注獨贏」發揚光大!

I see that the term「一注獨贏」 is being used by others out there to signal UNBELIEVABLE confidence and even more UNBELIEVABLE masochism (when wrong even just temporarily, you get whacked)

Just like the way I use it...

But too bad Mr 高 places this disclaimer. Which is kinda a downer...

以上是筆者之見, 沒有任何推介成分

Wednesday, May 27, 2009

佳士拿今離破產保護

市場傳聞克萊斯勒(Chrysler,前稱佳士拿)將會今晚被正式分拆,做車嗰部份將會正式離開破產保護,快過霆鋒開跑車。

開得咁快就當然有好多人喺冇公義嘅情況下被車死,包括好多dealer分銷商。

佢哋噚晚入稟法院,希望個官唔好咁快割走啲資產等佢哋唔使血本無歸。

雖然我落筆呢刻唔知點判,不過如無意外個官都係叫佢哋F.O.。

我睇過入稟狀,怨氣好重仲要楚楚哀求,如果乜都冇,分分鐘玩汽油彈或自焚。好似當年小人蛇家人一樣,法庭搵唔到公義,就會搵另類嘅公義。

四叔孫女笑 hor hor

噚日,孫柏文行過書報攤,見到雜誌封面有「四叔」李兆基個仔李家誠嘅全家福好 sweet,佢老婆徐子淇同啱啱出世嘅二女都容光煥發,值得戥佢哋開心。

不過噚日同朋友R傾開呢個封面,佢問點解個BB出世都冇兩個禮拜,就已經識笑?係喎,自己啲親友嘅BB細時都係唧都唔笑噃。

R話可能請嘅營養師好勁,咩DHA、Omega 3,徐子淇大肚時食得足,所以個B一生出嚟就咁精靈。

識投胎梗識笑

其實親朋戚友啲B唧都唔笑嘅原因,係因為小弟個社交圈子、血源網絡都比較清貧,啲B一出世見到自己喺lottery of life抽籤時抽到佢哋,第一個反應都係:「頂!唔係嘛。」所以未撇低啲失落前,唧都唔笑。

相反,如果個B一出世擘大眼知徐子淇係自己阿媽、李家誠係老竇、李兆基係爺爺,仲唔笑到見牙唔見眼?

Tuesday, May 26, 2009

願各兄弟謹記小心...



呢到有個故事,源自高登。

各位兄弟,如果你朋友有如作者「擒芒塞賣的!」所講就快變成:「一條中左毒既麻甩佬, 同一條插住西既賓周一樣, 好難自拔, 只會愈插愈深.....」

就要有義氣喺太遲之前,救朋友

以下就係故事嘅開頭...

【激氣撚】雷頒德 & 馮德倫反目事件發生在我身上.....

人物: 我 + 一個識左三十年既老死 + 佢條新女

我老死條新女正一典型公主病港女
仲要以為自己好撚得人鍾意所以個個要就晒佢咁

是咁的
大約半年前我老友識左呢條女
咁無耐就上床扑野溝掂左之類啦, 過程唔鳩多講啦(又唔係我扑)
無耐就自然帶條女出黎識下朋友, 出黎玩下咁
第一次見呢條女, 講下佢個撚樣先 (continued here...)


1. 我想識 Mary
2. 如果「擒芒塞賣的!」有好多題材,以佢o個種風格,絕對支持佢寫專欄。

Monday, May 25, 2009

才子窩輪大縮窩

有日坐喺自己《蘋果日報》財經組個位度上網睇blog,見到blogger「荒木茂」寫政府對付豬瘟用咗「流感大流行」呢5隻字,因而覺得政府硬膠。

政府架床叠屋


因為「流感」呢兩字,其實係「流行性感冒」縮寫,所以流感後再加「大流行」簡直係架床叠屋兼無謂。

見到有人對語言咁執着,孫柏文當然即刻想啲後生傳媒工作者學吓。

有見及此,就叫坐我隔籬嘅同事高明輝睇睇。

點知因佢check緊自己買咗嘅衍生工具收市價,仲要越check越現青筋,我要用盡三寸不爛之舌,佢先肯睇。

佢睇完就問我:「咁點呀?」
我就答:「你唔覺得重複咗咩?真係好難諗個比流感大流行更無謂嘅詞彙。」

到呢刻,高明輝已走番去睇啲衍生工具收市價,但唔知係咪個問題觸動到佢,佢好激動咁企起身話:「有!就係『窩輪大縮窩』!」

窩輪意義新解

我即刻問:「邊度有重複?窩輪嘅窩只係warrants嘅war,縮窩嘅窩就係引伸波幅中implied volatility嘅vol。」
高:「窩輪唔係warrants,其實係一句說話嘅縮寫。」
我問:「咁窩輪究竟係乜嘢嘅縮寫呀?才子……」
高答:「窩輪其實係14隻字。就係『街貨一多即縮窩、買咗好似俾人輪』!」

後生可畏,才子果然係青出於藍勝於藍。

Wednesday, May 20, 2009

咩人萬點仲追H股

前日,黃國英同孫柏文一齊做節目《你貼股我教路》。

講起大陸經濟時,黃兄提到大陸發電量嘅趨勢,令人對大陸經濟表現產生憂慮。咁黃兄噚日喺佢專欄《英之見》度,就再講話大陸5月上旬嘅用電量跌幅擴大至3.9%。

大家試諗下,國民生產總值GDP,即全國生產量提升嘅話,用電量會加定減?相信大家都會話加。

不過有啲信大陸一定成功「保八」嘅樂觀派,即係嗰啲H股指數過萬點仲追嘅人,就一定唔同意。佢哋會話:「用電量跌咁又點?保八、保八、保八!」

為大家計計數。假設舊年全國用咗100度電,去生產值 100蚊嘅產品同服務,今年數據話「保八」成功,全國生產值108蚊嘅嘢,不過只用咗96度電。

其他嘅唔好讚,淨係我國用電效率升咁多,從環保角度都可喜可賀!

當然,如果你真係信大陸用電效率升咁多而追入H股嘅話,我有批千禧年dotcom股票你應會有興趣。

專業投資者較信發電量

其實,發電量同GDP數據有出入喺大陸已經唔係第一次出現。

九十年代尾,即因亞洲金融風暴對上一次要「保八」,數據話「保八」成功,不過發電量增長遠不及 GDP升幅。計數就只可話效率提高。

到千禧年代中,中央話要冷卻經濟時,發電量升幅遠超GDP數據增長。咁又係咪代表中國人用電忽然效率大跌?大家應該心照。

當領導壓重注落一個數據時,就千祈唔好靠嗰個數據搵食,會好危險。

所以前日我問黃兄佢信GDP定信發電量去反映經濟情況,佢都係答:「專業投資者都係信發電量多啲。」

Tuesday, May 19, 2009

「通識教育」教口交?

呢份就係陶傑幫《有線新聞》做嘅通識科試券



咁孫柏文當然即刻睇睇...

嘩!睇第一題已經好激。都未睇其他問題已要答呢條先。

要答呢條問題,首先要睇咗呢個對答...

兩條港女講穿舌環...



舌環係乜?大家睇圖啦!Drew Barrymore 都整咗個。




咁舌環有乜用?肯定唔係用來做裝飾...

試題中兩個港女嘅對答中其實有提示。



哈!哈!原來係條仔要佢穿舌環。

咁條仔又提供咗咩理由要條女穿舌環呢?



擺到明呃條女啦!

呢條友想佢條女穿舌環嘅原因,係因為一個識點用舌環嘅女仔,為仔口交時,條友係 high 好多。起碼有個朋友係咁講。

不過如果條仔已穿舌環,條女不但要諗諗,仲要同個姊妹討論,即係條友 service 條女 service 得唔好
冇發揮到自己個舌環。條女高潮過,好難 say no to 穿舌環...

好,通識討論就同大家做咗咁多。係時候答試卷問題...

個問題係條女
個姊(即反對條女穿舌環)嘅立場,反映佢有咩價值取向?

試舉出一項?舉夠三項。不過因我當年係喺國際學店讀番書,所以用英文答。


Monday, May 18, 2009

美財政部應學《有線》

孫柏文老竇成日都話,考試要公平,就一定要有普通法制嗰種「考試面前人人平等」嘅精神。試卷一樣固然重要,但改卷結果嘅穩定性都不能忽視,唔可以因被審或被考嘅人係邊個,就放棄人人平等嘅原則。

例如噚日,《有線電視新聞台》就搵咗陶傑兄,試做連考評局都話冇標準答案嘅通識科試卷,跟住就畀咗3個教通識科老師改卷。為保公平性,冇同嗰3位老師講邊個係「考生」。

壓力測試要人人平等

結果係點?兩個老師肥陶傑佬,喺最後一條,一個老師仲要畀零分。

我嘅結論?呢個制度咪大公無私、人人平等囉!連陶傑都肥佬,一旦你呢個會考生攞到個E,仲唔勁過才子?呢個制度仲唔「公信第一」?

所以我就話花旗國財長應向《有線》學習。之前嗰個銀行「壓力測試」,未考已知邊份卷跟邊個考生,邊會大公無私、人人平等。

試想像吓,如果你係幫《有線》改卷嘅老師,未睇卷已知係特區文字界嘅JP Morgan--陶傑寫嘅,你都會淆底。

有好消息!唔使想像老師淆底,直情有得睇,google「有線」、「陶傑」就得。

特首驚我哋唔夠政治人才,如果以小弟嘅指標,即係搵陶傑做政治助理完全overkill,根據拉curve制度,每年有六成會考生即時qualify攞十幾萬人工。

不過花旗國財長可能會話:「唔睇人就改卷,分分鐘帶來系統性風險。」呢個都唔錯得晒,因陶傑被問及佢肥佬點睇時,都係答:「根本個試題唔合格。」通識科?玩完啦!

Sunday, May 17, 2009

壹潛艇

二戰後,蘇聯突然發覺自己最大敵人嘅源頭,已從歐洲變成花旗國。角力場地由自己周邊地方,一下子擴大至全世界。

蘇聯領導知道要喺世界呢個舞台贏,就要得海洋控制權,或起碼唔畀花旗國玩晒。所以決定可以射導彈嘅潛艇,係保國唯一出路。

因地理問題,唔好話潛艇隊,蘇聯當時連海軍都冇乜,根本冇「行內人」去設計新潛艇。咁點呢?蘇聯搵咗設計米格戰鬥機班「外行人」去設計潛艇。

當時無論咩國嘅潛艇設計,都係抄第一次世界大戰德軍U Boat潛艇。


German U Boat Design

不過蘇聯班設計師冇包袱,重新諗點做,炮製出順水好多嘅「淚珠形管道」設計,外行人永遠改變咗潛艇嘅形狀,令蘇聯潛艇被各國尊重。



USSR Tear Drop Submarine Design

如果歷史改寫又點?假設蘇聯總書記都好信「潛艇係唯一出路」論,亦肯傾國傾城去做,落order要喺某時限內見到隊潛艇每日發射40枚導彈。

外行領導盞撞板

不過總書記唔熟水性,連水都唔游(話唔啱自己feel),但就對潛艇設計過程非常hands on。

有次開會仲話:「我唔要啲潛艇密封。」
班設計師諗:「會漏水死人,唔掂架。」
但只得一個敢話:「其他國家潛艇都係密封喎。」個設計師被即時派去西伯利亞,之後冇人敢講:「唔掂架。」

最後,有個盡忠嘅軍官接手,成功製造日射40枚導彈嘅冇密封潛艇隊。

不過潛艇落水冇耐,總書記問軍官:「點解我哋啲潛艇冇潛過?又未出過港口。點解敵人仲喺度?啲導彈冇摧毀佢哋咩?」
軍官諗:「你話要射,冇話要中。」
但開口答:「總書記,我哋fine tune緊架嘞……」

Wednesday, May 13, 2009

一注獨沽港交所

係《金手指》fan屎都知,孫柏文一出「一注獨贏買XX」,就等於我有股票推介。

今日,我自上次07年7月30日後第二次倒轉。唔係叫大家「一注獨贏」,而係叫大家「一注獨沽」。沽嘅股票就係港交所(388)。

其實禮拜一已經想寫「一注獨沽港交所」,建議大家買佢跌。不過因上周寫咗「嚴守Sell in May」三之一、三之二,所以要寫埋三之三。

禮拜一提過,港交所當日開市好大機會升到飛起,但又要從當日嘅高位,今年內跌一半。咁嗰日港交所因印滿「金融」兩字嘅CEPA 6協議裂口高開,一朝早已見125.7元全年高位。

做咗個預測兼買賣建議,當然要落實。

今日,就提供以下投資建議。

建議沽出:港交所(388)
目標價:62.85元
年期:至09年12月31日

升市動力靠唔住

港交所擁躉好多,喺《蘋果日報》我啲同事當中都唔少。不過今次升浪實在太誇張,短短兩個月由低位升過一倍。

依家被推到呢啲位,第一因資金流向同大家預期流向會繼續,第二就係疑似經濟春筍。

咁第一,我覺得資金好快就會好勁咁流走,第二就係春筍其實係中國製綠色硬膠粒。

已經有18個月冇用過「一注獨贏/沽」呢把劍,今次係咁多年嚟最有信心嘅一次。最後同大家講多一次,一注獨沽港交所!

Monday, May 11, 2009

嚴守Sell in May (三之三)

原先,孫柏文今日《金手指》條題係「一注獨沽港交所(388)」,跟住就解釋港交所雖然今日好大機會升到飛起,但將會從今日嘅高位,今年內跌一半。

不過因上周寫咗「嚴守Sell in May」三之一、三之二,今日就寫埋三之三。

美銀子公司美林,上個禮拜有個叫David Rosenberg嘅經濟師轉工。佢基本上係該行我覺得仲可信嘅分析員,有預測到今次金融海嘯。喺美林臨走嗰日,佢仲留咗13句做預測時要謹記嘅真言。

做預測13條守則


1. 要自己個經濟預測有用,就一定要同時建議埋買乜、沽乜。
2. 千祈唔好做數據奴隸,冇嘢勝過有智慧咁睇番個大環境同趨勢。
3. 主流意見好少啱,太樂觀。除咗見底時。
4. 談戀愛嘅對象應該係自己老婆,唔係自己個預測。
5. 冇兩個周期係一模一樣。
6. 永遠唔可以將責任卸落個預測方程式度。
7. 要不斷搵新證據去測試原先個預測。
8. 「市場先生」講嘅嘢,你要尊重。
9. 要留意自己嘅預測要幾耐先會「靈」,因為好多客其實只想短炒。
10. 咁多個市用不斷跳動嘅市價同你「講」嘢,通常都係債市「講」嘅嘢最準。
11. 一開始就要解釋清楚,你個預測如果唔中,可能會因為啲乜。
12. 估到花旗國消費者嘅意向,個預測都好難錯。
13. 經濟增長時,過癮過衰退時。

佢亦有話,花旗股市今次個升浪,上周五應該見咗頂,之後要再試低位。最後一句,記得今年要嚴守Sell in May。

Sunday, May 10, 2009

黃世澤 + Leona?

喺荒木茂個blog,就有個 entry 黃世澤 + Leona

其實,都幾 make sense...

我覺得佢哋真係幾襯,男同女都係叻人。

大家不妨睇睇 ♥♥...

雖然死人荒木茂又講得衰D hehe,不過黃兄,去馬吧!

Friday, May 08, 2009

嚴守 Sell in May(三之二)

呢個禮拜三,孫柏文講過,可以推翻今次升浪嘅一個隱憂,即佳士拿排頭攞錢嘅債主被害,攞錢喺其他人之後。令有資本嘅人唔敢放錢,因恐債仔出事破產會俾人搵笨。

應承大家今日講銀行壓力測試,因為呢個就係今次升浪第二大隱憂。首先提提大家,我落筆呢刻係未知測試結果,不過到大家睇到文時,結果已公佈。

測試如考A Levels,畀你pass晒五條E咁又點?攞乜嘢英文字母係唔緊要,最緊要係到九月有冇大學收。銀行壓力測試一樣,最終係要唔要增加資本。如果要,點增加。

金銀齊升有啟示

錢,一係私人資金,即輸咗會肉痛嗰隻,一係就政府出。衣家要私人投資者出錢買啲資不抵債、即零價值嘅嘢就真係難啲,所以應該又係花旗政府出錢。

咁政府已出咗唔少錢,買咗好多優先股,將優先股變成普通股去增資,就係唱到街頭巷尾都係咁諗嘅方案。例如美銀,傳聞被迫集資340億美元。咁佢哋已攞咗政府450億美元TARP,不過係優先股,照理只要變普通股,即時冇集資壓力,連手頭嘅建行(939)都唔使賣。

不過點都好,啲銀行全部都係黑洞。填窿嘅政府錢應該又係聯儲局印,印完買國債。

雖然對上一次會議,聯儲局話唔會再印新銀紙,不過呢幾日壓力測試消息流出後,金、銀都係咁升。

唔再加碼印?得咩?不過印唔印,長息已靜靜地升,記得今年要嚴守 Sell in May。

Thursday, May 07, 2009

嚴守Sell in May(三之一)

Sell in May,go away。三月開始不時見到好多行家評論員,寫文章或上公仔箱提醒大家今年要嚴守Sell in May呢個策略。

策略呢啲嘢,永遠都係冇壓力嘅情況下制訂嘅。問題係,講就天下無敵,做嗰陣就千祈唔好因貪婪或恐懼而變成有心無力。

如果要跌,肯定唔會由基本因素引致。因為基本因素冇好過,啲乜嘢green shoots「青筍」,係啲花旗國官員老吹,你見到嗰啲疑似經濟「青筍」,根本唔係有生命力嘅植物,其實係大陸製嘅綠色硬膠粒,完全係大陸人為插落地。

唔講基本因素,就要講心理同氣氛。如果要我估,又係花旗吹來嘅冷風。一切由佳士拿同奧巴馬所致。

喺花旗國,當一間公司進入破產保護、重組狀態,間公司就係喺法庭,即三權其中嘅司法制度控制下。

好簡單,立法機關通過破產法之後,即係定破產程序,法庭就會跟程序做。好處就係有完善嘅破產法,有資本嘅人就知一旦債仔出事時,點樣解決。透明度夠高,有資本嘅人就肯借錢出去。

問題係,佳士拿上個禮拜進入破產保護後,行政機關阿頭奧巴馬就指手畫腳,係咁插手破產程序。

奧巴馬踩過界有後遺症

原先,一間公司破產,排頭位攞番錢嘅應該係嗰啲當時要有抵押品先放水嘅債主。點知喺佳士拿,奧巴馬居然想將呢班人貶喺原先排最後嘅員工後面,畀佢哋攞得番雞碎咁多。

無他,佳士拿員工有工會,工會支持奧巴馬。

如果奧巴馬成功,後遺症係乜?所有有工會嘅公司即時冇人會借錢畀佢哋。大家就睇吓奧巴馬越界侵蝕司法獨立成唔成功,一旦成功,花旗又掀信貸緊張情況,股市就大煲。

Tuesday, May 05, 2009

特區警察

特區警察好鬼勁!

個個都識 multitasking...

唔信捉個番鬼佬,問吓佢知唔知以下差佬部門,近期最大傑作係乜?

1. 商業罪案調查科 (Commercial Crime Bureau)
2. 重案組 (Criminal Investigative Division)

答案...

1. 淫照外流
2. 同的士司機玩捉迷藏

稅局話又到報稅時...*sigh*

"It's a privilege to come"

To those who protest the Hong Kong government whenever they bar people from abroad to come to Hong Kong to air their views. Please proceed also to the British Consulate on Justice Drive to do the same... hor hor hor

Home Secretary Jacqui Smith said she decided to make public the names of 16 people banned since October so others could better understand what sort of behaviour Britain was not prepared to tolerate.

The list includes hate preachers, anti-gay protesters and a far- right US talk show host.

"I think it's important that people understand the sorts of values and sorts of standards that we have here, the fact that it's a privilege to come and the sort of things that mean you won't be welcome in this country," Ms Smith told GMTV.

"Coming to this country is a privilege. If you can't live by the rules that we live by, the standards and the values that we live by, we should exclude you from this country and, what's more, now we will make public those people that we have excluded.

"We are publishing the names of 16 of those that we have excluded since October. We are telling people who they are and why it is we don't want them in this country."

She said the number of people excluded from Britain had risen from an average of two a month to five a month since October. (The Independent)

Monday, May 04, 2009

可揀法官 打官司贏面高

花旗國嘅職業籃球聯賽NBA,早排被體育分析員笑為No Benjamins(指印有Benjamin Franklin圖像嘅100美元鈔票)Association,即係笑佢哋冇錢。

冇錢原因係啲客流走,除因金融海嘯,仲因NBA早排爆黑哨醜聞。

其實未爆前,已有唔少教練同資深球員,喺每場開賽前一睇邊個係球證,已能推斷自己隊波嘅勝算。

球場就有球證,社會就有法官。特區今時今日咁成功,絕對因我哋啲法官大公無私,判決穩定兼有理。

不過聽我老竇講,原來以前殖民時代好黑暗,「功力高」嘅律師,「揀法官」嘅情況非常猖狂。

睇性格避鋒頭

聽聞喺70年代,有位鄉紳急電律師話:「我個仔俾人拉咗,你要救佢呀!」

原來鄉紳個仔「與未成年少女進行性行為」,呢啲告得都應人贓並獲,所以入罪率高,非常難打。鄉紳最後一句,個仔唔可以坐監!

律師開始做功課,一睇邊個法庭審,就同鄉紳講:「你個仔唔使坐。」

點解?到開審日,律師去到嗰個新界區裁判司署,第一件事就搵負責法官審案排期嘅court clerk傾偈,風花雪月一番,跟住同佢講:「今日兩個法官,不如排畀法官B審。」

clerk話:「法官A冇乜case喎,可以快啲審你又快啲走。不過你要B就B啦。」

原來兩個法官都係愛爾蘭人,離鄉別井,係因兩個都頂唔順當時非常保守嘅愛爾蘭天主教社會。

點解要揀B審?原來法官A離開愛爾蘭嘅原因,係因為佢自己個女細細個俾人未婚搞大咗個肚,權威法官頂唔順啲指指點點至嚟香港。俾A審,一定重判。

回歸後唔使諗

B呢?佢離開保守愛爾蘭係因為佢係gay。

最後律師等咗成日,鄉紳個仔認罪,被判緩刑唔使坐。「功力高」嘅律師,貴就係貴呢度。

不過今時今日仲有冇呢隻歌仔唱?都共和國時代,梗冇啦!

電盈目標價:$0

由於特區始終係國際資金集散地,大家炒港股嘅時候,無可避免一定要留意外國好似唔關我哋事嘅嘢。

大家千祈唔好覺得孫柏文講緊墨西哥豬瘟,其實我係想提吓大家關於巴勒斯坦嘅哈馬斯,佢哋卒之成功開發大殺傷力武器。

冇錯!上個禮拜哈馬斯宣佈,成立佢哋第一間銀行。你話驚唔驚?

股價越高小股東越啱

講起驚,我真係為嗰啲上個禮拜企喺上訴庭出面,不知幾咁開心嘅電盈(008)小股東擔心。點解?好簡單,李澤楷出4.5元向你買股票,仲話係明益你,就即係李澤楷同你講:「李澤楷管理嘅電盈唔值4.5元一股。」

你唔同意,就即係信「李澤楷管理嘅電盈唔止值4.5元一股。」

原本私有化成功,究竟邊個啱會係一個謎,但依家繼續有得買賣,股價就一目了然。

好,如果我問你:「李澤楷會用盡全力證明佢自己啱?定係錯呢?」佢錯,就等於股價升過4.5元。甚至升得越高佢就越錯,上訴庭法官、小股東越啱。

不過掉轉頭,股價越低過4.5元,李澤楷就越啱,上訴庭法官、小股東就會大大聲聽到李澤楷沉默地話:「I told you so,suckers!

買李澤楷管電盈唔值$4.5


咁最能證明李澤楷「啱」嘅股價係幾錢?如果越低就越啱,冇嘢低得過零。

我今日就買李澤楷嘅「李澤楷管理嘅電盈唔值4.5元一股論」啱,仲要極啱。

所以,我嘅電盈目標價係零,遲早被債權人接管。

順帶一提,其實做股東可以「慘過零」。要你供股時就輸晒仲要嘔突。