Sunday, August 31, 2008

張楊楊暈倒!

划艇選手張楊楊在歡送午宴中暈倒... I wish her well.

Those Olympians came to share their joy with us. Nothing More!

So I condemn whoever did this pic!

民意大戰第三集——《領匯復仇》



入正題。自從政府第一次想將房委會轄下嘅商場套現,攞錢救房委會去繼續興建公屋。我哋呢啲自由市場人士,都不斷安慰自己,雖然政府攞到幾百億去膨脹官僚,不過因為商場被民營化,脫離官僚魔爪,每日使用商場嘅公屋居民,生活都會好過啲。

最後幾經波折,啲商場成功民營化,變成今日嘅領匯(823)。而因為領匯最終要成功,就係要同消費者、公屋居民站喺同一陣線。反對上市嘅人最終被鬧到趴街,民意大戰中,領匯先記一功。




商場租霸剝削消費者


點知,嗰批反對人士,因為係一班勾結商人嘅議員,為咗包庇一直掌控房委會屋邨商場嘅租霸,不斷抹黑領匯,製造假象,令好多記者覺得,呢啲以低價租到舖位之後,以市價再轉租畀其他人嘅商場租霸,居然係企喺消費者、公屋居民嗰邊。民意大戰中,實行嚟個《租霸反擊戰》。

冇辦法,所有要求政府立法控制市場運作嘅人,最終只係參與剝削消費者嘅官商勾結、分餅仔遊戲。問題只係不同類別嘅政黨,要求將餅仔分畀唔同商人。

例如立法會新界東選舉中,有一個成日要求政府資助企業嘅自由黨候選人,就被送餅諷刺佢鍾意分餅仔畀大企業。不過,呢個豉油黨候選人唔肯收,原因係盜亦有道,因為送餅嘅選舉對手,就係支持商場租霸既得利益集團嘅其中一位議員。來自社民連。

領匯出招反擊


點知,當我仲估領匯管理層,完全唔介意俾人抽水、淪為拉票項目時,領匯忽然反擊!

領匯前日宣佈,下個月開始喺轄下街市設公正大磅,向舉報「呃秤」嘅市民派200蚊購物券。仲要如果商販因「呃秤」被定罪,會中止呢啲商販嘅租約。

領匯今次清清楚楚同公屋居民站喺同一陣線,大家就睇吓社民連點繼續包庇屋邨商場租霸。

比起平時,今次真係好清晰咁,將商場租霸同公屋居民嘅利益界線劃清,希望領匯會繼續凸顯同公屋居民同一陣線嘅功用。睇吓社民連仲會唔會抽領匯水。真係好似拍戲,民意大戰第三集—《領匯復仇》。好睇!

Friday, August 29, 2008

Reginababy ---> Andrewbaby ---> Angelababy

係早前講 Reginababy rap 既 blog post 到,大家既反應都幾空前。回貼裏面,不斷將野既名狂加"baby"係尾。小弟都無一幸免,變成 pakmanbaby 同 andrewbaby...

而有個叫 "小雯" 既朋友就回貼留言話...

"...咁Angelababy 同 Andrewbaby 咪變成天生一對,郎才女貌?..."

我只可以話... 你地自己作判斷吧! hahahahahahahahah

Wednesday, August 27, 2008

FBI早知有次按問題


噚日,孫柏文睇《洛杉磯時報》見到有篇報道,能夠推翻我一路以嚟話冇任何花旗國政府機構,當年睇到會爆發次按問題。

大家都知道次按問題嘅核心,就係有一班天才投資銀行家,發現債券信貸評級嘅漏洞,推出證券化去屈機賺錢。喺投資銀行家嘅證券化屈機之下,更差嘅借款人,都可以得到AAA最高信貸評級。

不過就算有屈機嘅方法,最終都要有人借錢先至得,所以就出現咗好多按揭中介人 mortgage brokers,做駁艇搵客。

太易借錢置業

呢啲駁艇,以無所不用其極嘅方法,搵人借錢。結果就係好多完全唔應該借錢嘅人,借錢做按揭買樓。

當年,呢啲唔應該借錢嘅人都買到樓時,仲要有社會運動家行出嚟,狂讚證券化能令更多人置業安居。有社會運動家、投資銀行家、信貸評級機構護航之下,信貸泡沫就此形成。

當有以上提過咁神聖嘅組合,要反對按揭中介人搵客,絕對唔係一個想保住自己飯碗嘅官僚能夠做得到。

不過,原來當年其實係有政府機構,早就知會有次按問題,呢個政府機構就係聯邦調查局FBI(即係講外星人來到地球嘅《X-Files》電視劇裏面,嗰兩個探員所屬機構)。

04年,有個叫做Chris Swecker嘅FBI探員,見到按揭中介人好多不良放債手法,走出嚟話:「呢個問題絕對可以變成大鑊嘢。不過大家唔使驚!我相信我哋能夠阻止問題,演變到90年代初銀行倒閉潮咁嚴重。」歷史當然證明佢錯咗。Swecker探員自己都喺06年退休。

查按揭騙案探員大減


原來喺 90年代初,FBI有1000個探員,專門負責調查按揭詐騙案。到07年得番100個。想查,都有心無力。

講真,《X-Files》裏面都有經常講話啲探員開始查到會影響既得利益集團嘅嘢,都會畀人噤住。

就算撇除陰謀論,純粹從公共開支角度嚟睇,FBI當年有更加切身嘅問題需要解決。樓市未爆,未有人輸錢,點查?查咗都冇人多謝你。

仲有,要明白點解FBI郁唔到以投資銀行為首嘅放債組織,睇吓特區就知道。特區警察惡唔惡?惡。不過惡唔惡得過金融管理局總裁任志剛?咪就係囉。

Predictive power


上次04年立法會選舉日,我地條題有你冇我,理論上係一個預測。




結果?睇圖!



何秀蘭努力呀呀!

Tuesday, August 26, 2008

The first moment in this legco election that made me laugh out loud!



睇辯論。睇到長毛用呢句做總結,拍晒手!hahahahahahah

笑到我扒街

無間道 vs 無間道

A Clinton delegate at the Democratic Party convention held in Denver.



The consequence of her action as described by a partisan.



But from which side is this partisan?

Monday, August 25, 2008

《蘋果批》楊卓華膠左?

《蘋果批》既楊卓華主持一個關於旺角行人專用區既討論。引來蘋果批歷來最多人留言呢個紀錄!

好戲量有如當年拿破崙殺入莫斯科一樣?

毛孟靜跟住好戲量一齊被討伐?唔通又要《蘋果日報》幫佢地告急?


和記環球姜太公粗口王

This is the best stress reliever. Have to share with you all...



嘟嘟...
嘟嘟...

粗口王:喂!
和記仔:唔該梁小姐呀!

粗口王:你係邊位?
和記仔:呀!和記環球電訊嫁我係!

粗口王:吓吓吓!講啦!我姓姜
和記仔:張生係咪?

粗口王:姜呀!姜太公個姜呀!
和記仔:呀呀姜生唔好意思,因為呢之前啦就contact過呀梁小姐佢傾過關於我公司 既商業電話線嫁係

粗口王:我同你講加麻!
和記仔:哦!係呀!想問返呢阿姜生呢依公司既電話線方面係用緊邊間電訊公司咁樣嫁?

粗口王:超!我啱啱簽鳩左約!屌佢老母呀電訊盈科你上次打黎咪話撚左你聽囉!啱啱簽鳩 咗!屌
和記仔:係咩?

粗口王:係!屌佢老味hi!真係比佢吹鳩漲!
和記仔:果邊佢俾咩價錢阿姜生你呀?

粗口王:唔撚記得囉!屌!我簽撚咗俾..單到黎俾撚左好似..簽鳩左好似..依家好撚 契鳩弟加麻,哎屌佢老母講粗口添
和記仔:唔緊要!

粗口王:佢好撚契弟嫁,屌佢老母hi呀,依家呀,不過一撚樣,和記又係佢屌佢老母家爺 仔乸玩鳩晒
和記仔:哈哈!

粗口王:哈!屌佢老味hi!簽鳩咗我...依家一簽就兩年,唔知佢送左粒黃豆俾我食呀 嗎
和記仔:黃豆!??

粗口王:唔撚係牙?屌佢老味又送乜又送物呀嗎,佢最撚興嫁啦!最拉尾睇吓,屌佢老味! 黃豆咁撚大粒果d唔知乜撚野,屌你老味攞撚左你要丟果d野
和記仔:係咩?

粗口王:係!佢最撚興嫁啦!不過我地用鳩開佢幾廿鳩年,我費撚柒事轉之麻
和記仔:咁樣牙!想問返阿姜生你公司有冇用開長途電話呢方面呀?

粗口王:用鳩緊你格!!
和記仔:係咩?

粗口王:用撚左好撚柒耐啦!
和記仔:哦!好啦好啦!

粗口王:第日先幫襯啦!屌!唔撚好意思!
和記仔:好好好!

庸官邱騰華 再製「八萬五」

上個禮拜四傍晚,特區各油公司,因為收到香港政府發展及改革局(發改局)局長邱騰華命令,所以fax畀各大傳媒機構,宣佈喺禮拜五凌晨減電油價。冇錯!當立法會通過法例賦予行政部門有權控制油價之後,邱局長亦非常踴躍去行使呢個權力,為民請命。

減價後即冇得買


點知喺禮拜五凌晨,當油公司減價之際,喺紐約商品市場,每桶原油價突躍升5美元。原油價升,下游被勒令減價,後果會點?冇錯!油站價錢牌,確實顯示降低咗嘅價錢。不過如果你想買電油,根本冇得買,因為油公司封盤唔做生意。

唔信?你問你識嘅人,有冇人可以嗰日成功入油?冇呢。要去到禮拜六,紐約商品市場每桶原油價跌番6美元,油公司先至重售電油。

最離譜係油公司封盤呢件事當中,居然冇任何傳媒機構報道。離譜!強烈要求立法監管油公司賣油量!監管傳媒報道手法!

以上就係孫柏文「民粹政客」上身。不過究竟係邊個民粹政客,我就唔講,費事要列出幾百個名。禮拜五全香港都冇油賣的原因,係因為9號風球。不過如果我講埋呢樣嘢,就不是一個稱職民粹政客。

點都好,邱騰華已經百分之百證明佢自己係位為「今日過關」,唔理政府長遠管治能力嘅庸官。佢今日走出嚟領功,令市民覺得政府不但有權力,仲要有責任去要求油公司減價,將控制油價嘅責任攬上身。

到邱騰華走之後,呢個責任就會畀咗下個。邱騰華如果今日講真話,政府他朝就唔使麻煩。仲有,如果冇權力同責任控制油價,他朝邱騰華去油公司打工,都會冇人嘈。

壓油價樓價異曲同工

以前九十年代初,政府推出三成首期政策時,真正原因係為咗確保一旦樓市下滑,銀行體制唔會有事。不過當年,政府就好似邱騰華咁,唔講真話,仲要大大聲話係為「壓抑樓價」,為民請命。

點知就將「壓抑樓價」嘅責任攬上身,最後變成「八萬五」,亦造就「紅灣半島」事件。曾特首,同邱局長講吓啦!

期待有線財經播奧運

唔知道係咪「全球一體化」帶嚟嘅現象。今時今日世界各地嘅傳媒,都喺度玩「尋找Obama兄弟姊妹」呢個搜索遊戲。

繼早前有前宗主國報章,喺深圳搵到Obama一個做出入口生意、娶中國人做老婆嘅兄弟之後,早幾日,就有意大利文嘅《Vanity Fair》,搵到Obama年僅廿六歲嘅細佬。

佢呢個細佬好慘,住喺肯亞首都嘅木屋區,日薪一美元。唔同嗰啲喺特區,社工揀出嚟話自己「畀完個女食麪包,自己就冇得食」嘅「催淚人辦」,呢個細佬身材瘦削,大家唔信可以睇番本報嘅archive,就會發覺嗰啲新界社工最鍾意揀啲肥婆綜援戶嚟話自己唔夠食,匪夷所思。

我推斷,全香港癡肥病最嚴重嘅一個收入級別,肯定係綜援戶。

尋Obama兄弟姊妹

講番Obama,噚日,我同《蘋果批》高明輝講話全球傳媒都玩搜索遊戲時,佢就答:「唔怪得Obama咁有魅力,淨係睇吓佢老竇可以溝咁多女,去幫佢生咁多仔女就知。」

入正題,孫柏文喺大約10年前,就發覺自己每一次睇大型體育節目時,都會幻想喺電視直播時,係咪可以留番一條聲音頻道,簡簡單單喺球場收音,唔使「專業」評述、電視錄影廠嘅閒話,淨係要現場觀眾聽到乜,條頻道就會播乜,完全冇「value added」,都唔知點解,係要迫我聽。

其他種類嘅直播節目都唔好得多,例如我其中一個最喜愛嘅節目──《立法會直播》,都唔知點解,當有官員或議員由用中文變用英文時,係都要迫我聽繙譯,搞到我次次都要轉台,先至可以原汁原味。

原汁原味睇直播

當我非常沮喪時,突然出現一道曙光。噚日卒之發現一個節目,原汁原味冇「value added」咁直播,乜嘢節目?咪就係噚日睇《有線財經台》,直播長實(001)同和黃(013)中期業績記者招待會。

李嘉誠一句用兩文三語、記者們嘅笑聲、PR小姐聲音帶着嘅沮喪,都係現場人士聽到乜,觀眾就聽到乜。我作為觀眾,猶如去到現場非常開心,不過不能想像,如果俾無綫派兩三個前港姐,以「係都要add value」嘅心態去做評述,又會點?

希望到2012年,有線獨家播奧運時,留條「現場」聲音頻道畀我。

Now thats a War Room.



Obama 揀 Biden 做副總統候選人之後都冇24小時,McCain已經還拖。學緊野,學緊野。

Sunday, August 24, 2008

葉劉淑儀 rap Reginababy!!

坊間流傳一段葉太rap。以下是當中的一個cap圖。係咪真係咁勁先?




Thursday, August 21, 2008

我住九西...

九月七日我諗我知我會投俾邊個...

One 8 min video.

Watched by me.

Probably decided my vote.

Flashback to 2006

而蘋果... 真係唔知佢想點. 娛樂無料, 算; 國際新聞變成 "花邊/有趣事情", 都幾好; 體育, 變成一本波經波盤都係大勢所趨. 但我真係頂唔順佢個 <蘋果批>.


咪笑. 唔係麥當奴食得個 d <蘋果批>, 而係有蘋果有個新 (都差唔多兩個月) 既論壇及評論叫 <蘋果批>. 主題從經濟, 交通, 旅遊, 到環保都有, 多是從經濟學出發, 批評政府, 反對監官, 支持市場. 作者有三個 : 李兆富, 孫柏文, 何民傑.


That is an opinion from April 2006... Its very interesting...

儘管楊懷康已經出晒名係爛中之爛 - 我估香港人對自由市場仲抱一個懷疑既態度, 係由楊懷康與 佢既 海耶克所造成 - 呢個 <蘋果批> 比起楊的無定向風更加不濟. 有時認為, 如果我去寫 (唔好嘈, 呢d 野梗係假設性拉. 講梗係天下無敵), 肯近比呢三條茂利更加好睇同有 point.


Its from this blog

Wednesday, August 20, 2008

Michael Phelps diet

Below is a typical day's diet for Michael Phelps. 12,000 Calories.

Anyhow, a Canadian reporter tried to replicate bite for bite.

商品交易所呃人?

白銀嘅價錢喺對上兩個禮拜大幅下跌,相信大家都知道。如果孫柏文問大家知唔知銀價點解會咁跌,相信大家一定會答:「任何一樣嘢嘅價錢郁,都只不過反映供求關係。價錢升,一係供應少咗,一係就需求多咗,價錢跌就掉番轉。」

如果你咁樣答,我就要繼續追問:「咁點解白銀嘅價錢大跌,不過全世界想買白銀嘅人,又因為白銀短缺而買唔到?」呢個就係個謎團。

一樣嘢短缺,即係市價未能反映供求,市價只需要上升,短缺就會消失。

需求增紙銀價竟跌

不過早幾個月前,我已經開始聽到喺外國銀條、銀幣嘅供應出現問題,就連已經買咗嘅人,去到打銀幣嘅地方收貨,都會面對供應商好多藉口,攞唔到貨。不過就算有以上嘅情況,銀價都居然可以由19美元一盎斯,跌到12美元,買咗白銀嘅人個個都問:「究竟搞乜嘢呀?」

當一樣嘢嘅價錢下跌,不過又同時出現短缺,唯一嘅解釋,就係短缺嘅嘢同嗰一件有「市價」嘅嘢其實係唔同,唔係同一樣嘢。

以「銀價」為例,嗰個不斷在跳動嘅數目字,就係反映喺倫敦、紐約商品交易所嘅價格,因為絕大部份嘅參與者,都唔會做交收,分分鐘連條銀條都未見過,所以嗰個「銀價」其實係「紙銀價」。

咁如果喺商品交易所買賣嘅「銀」係「紙銀」。嗰啲買銀條、銀幣嘅人又買緊乜?佢哋就係買實貨,買「實銀」。

穩定溢價不再


咁「實銀」出現短缺,價錢應該上升,咁有冇升先?

我只可以話,以前「實銀價」比「紙銀價」有一個非常之穩定嘅溢價,去彌補運輸等成本,溢價大約1美元一盎斯左右。到上個禮拜五,「紙銀價」去到12美元時,有啲零售點嘅「實銀價」都維持喺16美元以上。

大家唔係蠢才,都知我哋將「紙銀」當成白銀嘅原因,就係因為可以向啲喺商品交易所嘅賣家攞「實銀」貨。

現在「實銀」同「紙銀」有咁大分別時,應該有好多人會進行套戥,應該將「紙銀價」推高。不過一旦攞「實銀」貨呢個動作出現問題,商品交易所嘅「紙銀」就只會變成「紙」。

原本想叫大家再買「實銀」,不過現在短缺。

Tuesday, August 19, 2008

「大奇迹日」一周年紀念

2007年8月17日,即係孫柏文叫大家「一注獨沽賣滙豐」之後嘅第三個禮拜,我去咗佐敦道附近嘅一間餐廳食晏。

當時,因為我有跟足「《金手指》憲章」,即係提供「一注獨乜」投資建議時,自己都會喺文章出街嗰日,一齊做買賣。所以喺舊年8月17日嘅午間休市時段,我成手滙豐put輪。

當日因為一啲私事好忙,全日第一次睇吓恒指係點,已經係我食完晏嘅下午2:40。仲記得踏出餐廳門口嗰刻,舉頭一望對面街間銀行,個顯示住金融資訊嘅液晶體電視,睇到恒指跌1200點,心裏有種被平反嘅感覺。

難脫「明燈」之名

之後我就搭公共交通工具,返去位於將軍澳工業邨嘅壹傳媒全球總部。喺車上,我就開始諗,如果保持呢個下跌速度,滙豐咪好快會跌到落去我嘅目標價?
嗰啲之前鬧到我瞓街嘅人,仲唔大啖大啖咁食crow pie?

返到壹傳媒全球總部《蘋果日報》嘅辦公室,下午3:45,一如所料,好多同事圍住嗰幾部Bloomberg、路透社、股票報價機,個個嘩嘩聲。

我行埋去,諗住畀人恭喜吓擺脫「明燈」呢個名,點知第一位同我講嘢嘅同事就話:「喂!明燈!」
我答:「跌1200點喎,仲明燈?」佢指住個 Bloomberg Terminal話:「你自己睇吓。」
我答:「嘩!」冇錯,反彈1000點。Deep V一詞加上新意思,真係永遠唔會忘記嘅一日。

恒指Deep V反彈

提一提大家,嚟緊禮拜三我將會搞個集體禱告,求神再賜多次「港股直通車、資金自由行」,到時請大家踴躍參與,喺我個blog報名。

最後,相信大家都有睇北京奧運賽事。大家都知我哋祖國喺金牌榜上面,暫時遙遙領先,因為啲田徑決賽未進行。不過值得一提係,如果我以前間大學係一個國家,淨係我哋舊生嘅金牌數量,如果拍埋啲國家咁比較,只有祖國、花旗國、前宗主國同德國比我哋多。

冇錯,孫柏文嘅母校就係密西根大學,我師弟就係 Michael Phelps。

Monday, August 18, 2008

Sunday, August 17, 2008

重申一注獨贏買白銀

各位白銀戰隊成員,隊長speaking。我知道上個禮拜五,今個禮拜初辛苦了大家!如果你係靠借錢做margin嚟買白銀,你應該已經被斬倉。不過如果你冇借錢冇做槓桿咁買實貨白銀,今次冇錯係一場災難,不過同時造就咗一次大舉入市嘅良機。

所以今日,我要重申一注獨贏買白銀。
重申建議買入:白銀
目標價:每盎斯120美元
年期:至2016年3月6日

跌浪造就入市良機

有貴金屬淡友話,之前3月個個開口埋口都講「滯脹」時,好多從未買過貴金屬嘅人,都蜂擁入場。到咗今日,已經再冇人講「滯脹」時,當然就掟晒啲黃金、白銀。

呢個見解孫柏文冇異議,我估有好多呢啲新人,喺呢個跌浪已經離場。剩番忠心耿耿,對戰勝紙幣狂魔不離不棄嘅白銀戰隊成員,仲揸住白銀。我哋係唔會賣嘅!冇人再提供沽壓,白銀仲唔見底?

多都唔講,平時白銀喺亞洲交易時段係唔會點郁,平均每日都係喺花旗國開市之後,銀價先至大上大落。不過今次大跌市,銀價嘅低位14美元一盎斯,就係喺香港開市時造嘅,仲要係喺14.5美元一盎斯,以極高速度掟落去。

之前幾日,花旗國市開市已經有咁嘅現象,最後亞洲市都一齊發生。「被人以高速掟落去」即係點解?咪就係啲借錢買白銀嘅人,被終極斬倉。

情況與活塞男相近

最後,白銀戰隊隊員《蘋果批》嘅高明輝忍唔住都想講番幾句:「早排喺蘋果動新聞入面睇到一條歷來最多人睇嘅片段,就係活塞男嘅片段,第一次睇,的確幾好笑。之不過,咁啱嗰幾日,白銀價格亦都直線向下插,我手頭上嘅白銀,竟然巧合地同活塞男當時嘅情況一樣,走又唔得,留低又尷尬。當我望住嗰個圖表,見到白銀價格直插到近14蚊嘅時候,我忍唔住學活塞男咁大嗌咗一聲:嗚呀!」

高明輝係買實貨白銀。所以我要同佢講句:「你僥倖活下來,就要好好活下去。加碼買白銀啦!」

Thursday, August 14, 2008

中油股東心驚慌

今日同大家分享一個故事。早幾個月前,孫柏文同幾個同事喺度諗,不如過咗立法會選舉之後嘅9月中,放假遠行。一班人去,當然個個有唔同嘅要求。

首先,有港女同事R話要去一個「撞唔到香港人」嘅地方,跟住就有後生仔M話要去個「平到可以做大爺」嘅地方,我就想去個好多唔同嘢食、好多特別酒飲,不過香港冇得試嘅地方。最後我哋幾個都想去啲人好nice嘅地方。

撐分離分子開戰

兜兜轉轉,最後我就建議一個未聽過香港人去、搭的士平過香港搭巴士、被稱為紅酒發源地、喺國際自由市場組織會議上,喺嗰度嚟啲人好nice嘅格魯吉亞(Georgia)。

我一講,啲同事都幾興奮,咁我就開始睇吓可以點去。原來最平最快嘅方法,就係搭Aeroflot,經莫斯科去。

到上個禮拜五晚,啱啱睇完奧運開幕儀式,開始睇新聞報道時,先至知格魯政府,揮軍進入想搞脫離嘅南奧塞梯(South Ossetia)。同時又見到俄羅斯派軍,挺分離分子,又話俄羅斯同格魯會中止空中交通服務。

喺新聞報道差唔多播完時,後生仔M嘅電話短訊已經殺到。佢問:「咁係咪我哋去唔到?」我答:「去到。不過我諗要改搭其他航空公司。」

到噚日,後生仔M同我喺《蘋果日報》嘅newsroom睇格魯吉亞戰事最新片段時,佢話:「如果喺9月發生,我哋成班人可能已經變成戰地記者。」我話:「乜嘢可能!直情已經做緊啦。你就去前線南奧塞梯,我就留喺首都訪問吓啲開唐餐館嘅當地華人,睇吓佢哋煮烤鴨嘅供應鏈有冇出問題。」

中亞油田危危乎


佢望住我問:「咁都得?」我答:「咁我始終都係財經版,要搵財經angle嘛。」

不過認真啲講,今次俄打格其實對祖國好麻煩,因為就算俄羅斯嚴重侵犯格魯吉亞領土,都好似冇後果。格魯吉亞已經喺中亞裏面,同西方國家最親密,咁樣被人打都冇人幫,咁其他中亞國家咪遲早都會被俄羅斯食咗。

例如中油香港(135)最大盈利貢獻嘅油田,就喺哈薩克斯坦 Kazakhstan。格魯吉亞失守,咁呢個油田又點算?唔怪之得中油香港嘅股價越跌越有。悲劇。

------------------------------

Georgian TV reporter shot by Russian sniper during live broadcast...



Could have been me and my Apple Daily colleagues...

Tuesday, August 12, 2008

恐襲香港的永久影響

上個禮拜實在有太多事發生,孫柏文今日會逐一講吓。淨係禮拜五,美滙指數大升 1.27點,都好多年未試過一定要講。

不過未講金融市場之前,我想講吓上個禮拜喺特區發生嘅幾單疑似恐怖襲擊事件。

大家可能會問:「好似得銅鑼灣地鐵站有煙霧彈嗰一單。仲有其他咩?」有。大家可能唔知,我哋《蘋果日報》喺網上有個叫蘋果動新聞嘅服務,為讀者提供即時新聞同新聞短片。喺上個禮拜,有段新聞就成為蘋果動新聞正式啓動一年以嚟,單一最高收視嘅短片。

邊段新聞?咪就係鐵板活塞男。

拒坐sit up板

如果你唔知邊個係活塞男。唯一解釋就係你喺上個禮拜,不單只唔喺特區,仲要去咗格魯吉亞。事緣有條友,喺公園一塊俾人做sit-up、滿佈排雨水圓孔嘅鐵板上,可能做緊掌上壓,又可能訓練緊條腰。

做做吓,忽然發現自己條陽具插咗入個窿,跟住卡住咗,最後要報警求助。

大家可能會話:「呢的都算恐怖襲擊?」一定算。仲要比銅鑼灣地鐵站嗰單,對社會影響更深遠。

點解?不如你問吓你隔籬嘅港女,會唔會因為上個禮拜嘅事,唔再去銅鑼灣地鐵站。

跟住再問佢下次去公園,會唔會坐落去啲 sit-up鐵板上。咪就係囉!

點都好,大家現在知蘋果動新聞嘅存在,不妨多的上去。因為Teresa同我有份一齊做嘅財經show,你貼股我教路,喺每個交易日下午四點半,都會喺蘋果動新聞finance.appledaily.com度睇到。我哋個show一定係全港最free嘅互動股票節目。

捱過拆倉潮


講番上禮拜五,美滙指數大升。美元升,港股、金銀、原材料、外幣一律大跌。由我喺06年3月6日開始寫金手指以嚟,美滙指數未試過升穿200天平均線。不過,喺上個禮拜,就升穿咗。

好多人話美元基本因素改變,我就話冇。變都係歐元變,金銀同美元關係同兩個禮拜前比,都係一模一樣。

咁上個禮拜又點解釋?咪就係好似以前利差交易拆倉時一樣,突然個個要賣晒啲嘢去還借嚟投資嘅錢。

各位白銀戰隊成員,隊長只可以話,捱得過今個8月拆倉潮,想窮都難!

Monday, August 11, 2008

三奉曾淵滄之命講石油

今日繼續奉曾淵滄教授之命講石油。之前孫柏文曾經講過,油價短期走勢係冇得預測。油價只能從長遠角度咁預測,而長遠嘅預測就係睇供求。

之前我亦講過,根據英國石油公司BP嘅數據統計資料,07年九成幾嘅石油需求增長,都係來自有石油補貼嘅地方,所以要估需求,就要估世界各地政府對於補貼嘅政策。一個國家嘅政府,點解要補貼油價,作為《金手指》fan屎嘅你,都應該唔需要我多講。

攞任何一個政府領導人為例,佢哋嘅最終目的,就係繼續執政。民主社會就叫呢個目的為「成功連任」,喺大陸就叫做「一黨繼續專政」。

補貼為保政權

今時今日,無論伊朗啲神職人員、緬甸軍政府、馬來西亞嘅全國巫人統一機構,通通都感受到高油價,對佢哋能否繼續執政,構成壓力。又或者國家原本冇事,但因為削減補貼,令市民造反。

咁點解補補吓貼又要減?係咪忽然中咗「自由市場」毒?我都想。其實,減補貼嘅原因好簡單,就係因為政府財務上頂唔順。一旦國家有長遠嘅財政赤字,最終都係國家破產,結束執政地位。

如果你係啲領導人嘅顧問,要喺減補貼帶嚟市民造反,或國家最終破產黯然下台之間作取捨,你會點建議?如果你兩個之中揀咗一個,唔怪之得你唔係啲國家顧問。

現在最流行嘅建議,就係唔減補貼,不過不斷同啲領導人話:「唔使減補貼。高油價只係短暫現象,來年會回落,啲大行專家就係咁講。」所以先唔係點見到大規模減補貼。

蔓延至所有燃料


仲有,因為好多國家嘅補貼政策,已經蔓延至所有燃料。要減就會鐵索連舟,好麻煩。

用印度為例子,嗰度啲自由市場組織、環保團體,都好驚印度政府突然減柴油補貼。

大家一定覺得好怪,減補貼,用少啲,唔好咩?原因係印度啲柴油車司機,如果見柴油價貴,就會用好平、有補貼嘅火水做引擎燃料。到時損耗機件又多廢氣。咁點解火水有補貼?因為想啲人煮餸唔好咁貴。

問題就係,原本只想減柴油補貼,不過要成功就要減埋火水補貼。你會點建議?冇錯,都係求神拜佛啲大行專家嘅預測啱。

最後,大家唔好笑人。特區私家車司機,見油價高會點?咪減少揸車,搭多啲的士。咁的士嘅石油氣又有冇補貼?世界各國唔減補貼,需求又會點?

Saturday, August 09, 2008

Silver blood bath



An epic bloodbath for 白銀戰隊成員 There are no other way to describe how crap it is tonight.

So many brothers on margin got pushed out of their positions.



Broke through its 200 day moving average.

Resting on the first serious support of the previous highs.

I am wanting to see the trading positions on COMEX. I suspect nearly all long speculators got wiped out on this one. Dare I call a bottom right here.

Friday, August 08, 2008

連環洗劫金鋪...

Seems like someone got carried away playing 古惑仔 Online...



ho ho ho...

At least they got away driving a Nissan Skyline GTR

Thursday, August 07, 2008

我地香港人,幾時搞成咁?



我地幾時變成大陸人眼中既乞兒?

Where the fuck's our pride gone?

Wednesday, August 06, 2008

I condemn whoever created this...




This is Bullcrap. 楊森 most definitely can win by his own merits!

I condemn whoever created this.

再奉曾淵滄之命講石油

上個禮拜四,曾淵滄教授喺佢嘅專欄,公開呼籲財經版老編,叫我寫多啲關於石油同油價嘅嘢。咁喺前日,我就奉命講石油。我嗰日首先強調,短期嘅油價走勢,絕對係靠估。

如果好似曾教授喺上個禮拜四咁講:「大市……一跌一升,全是由美股拉着鼻子走。美股則由石油價格拉着走,或者再加上個別企業的業績所影響,但主導力量還是石油價格。」咁孫柏文就有一個壞消息,預測單日股市走勢,就會好似我以前股票行老闆話齋:「股票、股票,都係估估吓。」

商品大王認九流炒家


想預測油價走勢,只可以做啲比較長遠嘅預測。如果一定要估吓短期走勢,我就要提醒你,商品大王Jim Rogers成日都話自己係「九流炒家」嘅原因,就係簡單直認自己不能夠預測短期走勢。咁你叻唔叻得過商品大王?

前日講過,長遠嘅預測當然又係供求決定。禮拜一開始講需求,我話人類使用石油嘅方法,越來越有效率。每桶石油帶嚟嘅快樂,越來越多,所以先至會肯出越來越高嘅價錢嚟買。

不過喺禮拜一亦講過,如果政府進行補貼,當用家毋須面對油價嘅升幅,使用效率就唔會提升。而因為取消補貼,會令市民反感,所以全世界好多政府都會繼續補貼。特別係啲「世界焦點」嘅地方,因為市民表達不滿嘅方法,好多時候都會示威遊行,所以管治「世界焦點」嘅政府(例如奧運前嘅大陸),唔會停止補貼。

不過就算一個政府,對使用石油嘅效率置諸不理,但因補貼始終非常昂貴,一旦一個地方唔再係「世界焦點」,補貼就可以減少。所以禮拜一就推介「奧運後概念股」中石化(386)。

補貼扭曲石油需求


其實,世界各地嘅政府補貼,已經嚴重扭曲石油需求。根據石油分析員非常尊重嘅英國石油公司BP嘅數據統計部,07年有九成幾石油需求增長,都係來自有石油補貼嘅地方。所以一日仲有地方政府大規模補貼,就算例如美國等冇補貼嘅地方,需求減少,全球總體需求都會繼續增加。

要估需求,就要估補貼。

Tuesday, August 05, 2008

德國人話:自由空氣是有煙味的

Wrote about smoking ban today at apple pie.








And here's a sample of responses... here, here.

All I can say is this

1. Nazi Germany was the first society to have smoking bans.

2. Allowing smoking is seen as more than tolerating "sucking smoke into one's lungs and blowing it into others" in Germany after WW2.

3. More people like 明光社 and HK govt wants to cleanse this society of such acts.

You can make any conclusions you want. And obviously you are making it. Keep the thinking coming.

Monday, August 04, 2008

if you work for a listed company 幫上市公司打工就要...



Thumbs up!

This is from our daily 4:30pm Apple Finance Show. Come check it out.

奉曾淵滄之命講石油

上個禮拜四,曾淵滄教授喺隔籬版佢老人家嘅專欄話:「昨日大市大幅上升,恰好補回前日之所失,一跌一升,全是由美股拉着鼻子走。美股則由油價拉着走,或者再加上個別企業的業績所影響,但主導力量還是油價。有趣的是,《蘋果日報》財經組內有位前全職的分析員,叫金手指,他以前曾擔任過全職石油分析員,老編為甚麼不叫他開個石油專欄?」

孫柏文先澄清老編有叫過我寫,不過我唔識睇油價短線走勢,所以一直冇寫,既然曾前輩有命,我用咗幾日時間不斷反覆深思,得出一個結論,所以今日就講吓石油。

油價短期走勢靠估

首先我一定要強調,短期嘅油價走勢,絕對係靠估。甚至連之前冇耐嘅油價走勢,點解升咗或者跌咗嘅原因,都係估估吓。

例如,之前油價以高速直逼150美元一桶大關,個個都有解釋方法,乜嘢石油庫存、伊朗火箭、大鱷造市等,都有人講。

不過現在過咗一陣之後,先發覺嗰排有個叫SemGroup嘅油管網絡公司,因為之前大量拋空石油,最後被人挾倉、call孖展,所以天價都要買番啲石油。當然,究竟係咪SemGroup最後令油價逼上,我都係估估吓。

如果油價短期冇得估,就只能希望長線可以有路捉。長線價格,當然又係供求決定。今日就專注講需求。

其實,油價喺世界成交桶數冇下降嘅情況之下,都可以節節上升,大家作為人類應該非常安慰。理由係60億人,每日分配8600萬桶石油,用得最冇效率嘅嗰桶石油,都可以帶嚟百幾美元嘅經濟效益(如果你用一桶石油冇百幾美元嘅效益,你就唔會捨得出咁嘅價)。咁價格不斷升,即係用得最冇效率嘅嗰桶石油,都被用得越來越有效率。

政府補貼唔使理效率

以上嘅理論當然可以係錯,價升唔等於效率提升。點解?就係如果政府進行補貼。當用家毋須要面對油價嘅升幅,就唔會提升用油嘅效率。效率低當然唔好,中央政府都知。不過政治上,大家都知補貼有幾好,一貼冇人嘈。

所以怕人嘈時,例如奧運前夕,補貼主導。唔怕人嘈嘅時候,例如奧運完,「閂埋門」後,就會減補貼。結論就係,奧運概念股我就冇,不過「奧運後概念股」就有,減補貼就要買中石化(386)。

Saturday, August 02, 2008

Revert to old colours

Dear all,

It seems my previous new colour scheme (shown below) was less than enthusiastically received.

So I have reverted back to my old colour scheme.

Thanks

New colour scheme

So what do you all think about this colour scheme?

Please leave comments...

I want to know what you all think. = )

Friday, August 01, 2008

黎智英 on 劉吳惠蘭.

For those who thinks I am waaaaaay too tough on 商務及經濟發展局局長 - 劉吳惠蘭...

Here's the piece by my boss Jimmy Lai about her, appeared on the 27th of July 2008.

Here's a link to the piece with a white background



專 欄
事 實 與 偏 見

嘩 , 好 驚 呀 !

「 我 從 冇 諗 過 入 商 界 , 商 界 好 奸 , 商 界 非 常 凶 險 , 為 錢 可 以 你 爭 我 鬥 , 不 擇 手 段 , 當 人 係 賺 錢 機 器 , 無 人 受 到 尊 重 。 」 在 收 音 機 聽 到 咁 言 論 , 我 第 一 個 反 應 是 , 點 解 電 台 俾 個 咁 傻 婆 上 去 講 呀 ! 嘩 , 呢 個 原 來 唔 只 係 傻 婆 咁 簡 單 , 而 係 我 新 上 任 商 務 及 經 濟 發 展 局 局 長 。 , 搵 個 咁 仇 視 商 人 、 以 商 場 是 邪 惡 地 帶 人 去 做 發 展 市 場 的 先 鋒 , 曾 蔭 權 梗 係 傻 , 阿 媽 救 命 啊 !

未 入 過 商 界 , 咁 你 又 點 知 道 商 界 好 奸 , 非 常 凶 險 , 為 錢 可 以 你 爭 我 鬥 ? 你 又 憑 什 麼 體 驗 實 證 , 一 竹 篙 打 一 船 人 釘 死 商 人 不 擇 手 段 , 當 人 係 賺 錢 機 器 , 不 尊 重 別 人 ? 難 道 商 界 都 是 人 渣 ? 我 告 訴 你 , 就 是 今 日 ( 七 月 二 十 三 日 ) , 台 灣 首 富 郭 台 銘 便 在 定 婚 典 禮 中 跟 未 婚 妻 簽 署 保 證 書 , 捐 出 他 的 二 千 億 台 幣 ( 五 百 億 港 幣 ) 的 身 家 的 百 分 之 九 十 做 慈 善 事 業 。 奸 詐 、 當 人 是 賺 錢 機 器 、 不 尊 重 人 的 商 界 培 育 得 出 這 樣 的 人 嗎 ?
我 告 訴 你 , 錢 不 是 大 晒 , 許 多 商 界 中 人 都 是 要 透 過 創 造 事 業 , 體 現 自 己 的 能 力 , 他 們 努 力 工 作 不 純 粹 是 為 了 賺 錢 。 從 郭 台 銘 、 Bill Gates 、 Warren Buffett 等 等 無 數 將 自 己 畢 生 辛 辛 苦 苦 賺 來 的 金 錢 , 捐 獻 出 來 做 善 事 的 富 豪 身 上 可 以 看 得 出 , 你 的 胡 說 八 道 是 如 何 荒 謬 絕 倫 了 。
劉 吳 惠 蘭 , 你 到 底 邊 度 竄 出 來 ? 連 從 延 安 殺 出 來 的 共 產 黨 依 家 都 擁 護 市 場 經 濟 , 靠 商 業 成 果 保 住 只 有 姿 勢 毫 無 實 際 的 共 產 政 權 , 在 靠 自 由 市 場 經 濟 食 胡 的 香 港 , 你 卻 大 聲 疾 呼 商 業 是 邪 惡 力 量 。 我 懷 疑 你 是 幾 十 年 也 沒 有 離 開 過 延 安 的 革 命 先 鋒 , 屈 在 革 命 先 烈 的 屎 塔 內 。 屎 塔 早 已 被 人 遺 忘 了 , 一 天 突 然 給 人 無 意 中 踢 破 , 你 捐 了 出 來 ; 重 見 天 日 , 恍 如 隔 世 , 更 又 陰 差 陽 錯 來 了 香 港 , 但 仍 然 為 階 級 仇 恨 纏 身 , 滿 腔 熱 血 , 誓 要 為 被 壓 迫 剝 削 的 勞 苦 大 眾 報 仇 ; 渴 飲 商 人 血 , 飢 餐 地 主 肉 , 以 大 快 人 心 。

唉 , 你 可 能 只 是 無 知 , 以 為 這 樣 慷 慨 陳 詞 , 大 眾 便 會 覺 得 你 好 偉 大 , 捧 你 為 為 民 請 命 的 偶 像 , 社 會 正 義 的 化 身 和 勞 苦 大 眾 的 救 命 恩 人 。 唉 , 你 以 為 今 日 的 香 港 市 民 還 是 延 安 時 期 住 在 洞 穴 裡 的 貧 農 嗎 ? 你 以 為 國 歌 仍 在 唱 「 起 來 , 不 願 意 做 奴 隸 的 人 們 」 , 我 們 香 港 人 便 是 做 牛 做 馬 的 奴 隸 嗎 ? 請 你 抹 掉 積 了 幾 十 年 的 眼 屎 , 滴 番 幾 滴 「 愛 力 根 」 眼 藥 水 , 張 開 雙 眼 睇 依 家 係 乜 世 界 , 八 婆 !
那 天 你 可 能 心 情 特 別 差 , 莫 非 前 一 晚 你 發 現 個 死 佬 一 件 恤 衫 領 上 有 一 抹 淡 淡 的 口 紅 , 拿 起 件 衫 放 在 鼻 孔 一 嗅 仍 疑 幻 疑 真 , 到 你 挖 清 塞 了 多 年 的 鼻 屎 , 再 貼 近 件 恤 衫 領 一 嗅 , 則 更 是 晴 天 霹 靂 , 一 陣 你 從 未 用 過 的 香 水 味 攻 鼻 而 來 。 更 可 惡 可 怕 可 怒 可 驚 可 怖 的 是 , 那 香 水 味 還 明 顯 地 攙 雜 了 宿 臭 的 汗 味 。
那 一 刻 , 你 不 禁 心 又 驚 、 心 又 怕 , 想 放 聲 尖 叫 , 雙 手 發 抖 、 兩 腳 發 軟 , 臉 上 肌 肉 僵 硬 麻 木 。 不 用 看 也 知 道 那 時 你 臉 如 死 屍 般 蒼 白 , 因 為 你 知 道 , 這 汗 味 是 跟 女 人 痴 纏 鬼 混 留 下 的 痕 跡 。
你 腦 中 不 斷 浮 現 痴 纏 鬼 混 的 情 景 。 你 本 來 不 是 想 像 力 豐 富 的 人 , 可 是 不 知 為 什 麼 , 這 一 刻 你 的 想 像 力 卻 如 狂 潮 般 洶 湧 , 一 幕 幕 性 愛 場 面 歷 歷 在 目 : 女 的 欲 拒 還 迎 香 汗 淋 漓 , 男 的 又 啜 又 錫 上 下 其 手 , 簡 直 是 A 片 的 鏡 頭 。 你 在 想 , 個 死 幾 時 對 我 如 此 猖 狂 過 ? 你 多 渴 望 個 衰 人 是 個 這 樣 粗 獷 獸 性 的 男 人 !
你 越 想 , 心 火 便 越 盛 , 恨 不 得 馬 上 衝 出 房 門 , 向 個 衰 公 大 興 問 罪 之 師 , 可 是 回 心 一 想 , 你 冷 靜 了 下 來 。 你 想 到 自 己 人 老 珠 黃 , 事 情 鬧 翻 了 , 個 衰 公 老 羞 成 怒 , 乘 機 不 要 你 , 投 奔 到 那 女 人 懷 抱 裡 去 , 咁 咪 仲 慘 過 守 生 寡 ? 想 到 這 裡 便 不 敢 輕 舉 妄 動 , 只 好 壓 抑 妒 火 , 含 冤 飲 恨 , 上 床 睡 去 。

但 心 情 受 過 這 樣 的 折 磨 又 怎 還 能 入 睡 ? 你 整 晚 想 那 些 痴 纏 的 鏡 頭 , 想 哭 又 怕 嘈 醒 個 衰 公 , 想 到 那 女 人 好 陶 醉 享 受 的 表 情 , 便 怒 火 中 燒 , 有 個 狠 狠 咬 個 衰 公 一 口 的 衝 動 , 可 是 俾 個 天 做 膽 也 不 敢 , 唯 有 打 掉 門 牙 和 血 吞 , 輾 轉 反 側 眼 光 光 捱 過 一 夜 。
整 晚 未 眠 , 疲 累 不 堪 , 甚 至 動 過 自 殺 的 念 頭 。 上 到 電 台 受 訪 問 , 你 便 什 麼 矜 持 防 範 都 失 守 了 , 將 自 己 的 階 級 仇 恨 原 形 畢 露 於 人 前 。 對 這 種 不 幸 的 女 人 我 寄 予 無 限 的 同 情 ; 懷 這 種 仇 恨 心 態 的 人 出 來 行 , 遲 早 是 要 還 的 。
只 要 他 們 肯 收 斂 一 下 , 我 不 反 對 這 些 人 食 古 不 化 ; 我 也 不 反 對 他 們 對 商 場 存 有 成 見 甚 至 階 級 仇 恨 , 只 消 他 們 以 此 為 個 人 感 受 , 我 不 會 多 管 閒 事 。 說 到 底 香 港 是 個 自 由 地 方 , 每 個 人 都 有 做 婊 子 、 做 契 弟 、 做 八 婆 的 自 由 ; 每 個 人 也 有 仇 恨 那 些 比 自 己 靚 、 比 自 己 聰 明 能 幹 、 比 自 己 活 得 更 好 更 幸 福 的 人 的 自 由 , 更 不 用 說 仇 視 商 人 和 商 界 的 自 由 了 。 可 是 身 為 高 官 而 在 電 台 散 播 仇 恨 , 而 仇 恨 的 目 標 更 又 是 受 她 管 治 的 對 象 , 這 非 但 可 怕 , 更 是 道 德 敗 壞 了 ! 這 是 劉 吳 女 士 的 言 論 令 人 髮 指 的 地 方 。
最 可 惡 的 , 是 她 對 商 場 一 竅 不 通 , 她 描 述 的 商 場 , 全 是 沒 有 真 正 接 觸 過 商 業 運 作 的 作 家 憑 空 構 想 出 來 的 小 說 的 情 節 , 劉 吳 女 士 口 中 的 商 界 跟 現 實 沒 有 半 點 關 係 。 商 場 要 是 真 的 像 她 所 說 兵 不 厭 詐 , 那 麼 誰 還 會 跟 你 做 生 意 ? 市 場 是 個 透 過 合 作 產 生 效 益 的 場 所 ; 要 不 是 互 相 合 作 , 市 場 怎 可 能 創 造 出 現 今 世 界 的 繁 榮 ?

一 個 商 人 如 果 毫 不 尊 重 跟 他 工 作 的 人 , 只 曉 得 視 人 為 機 器 , 那 麼 誰 還 會 願 意 為 他 效 勞 ? 那 些 被 視 為 機 器 , 不 受 尊 重 的 人 不 會 擇 木 而 棲 走 去 別 的 地 方 工 作 嗎 ? 我 們 的 勞 工 市 場 是 個 自 由 市 場 , 而 不 是 個 勞 役 市 場 啊 !
如 果 劉 吳 女 士 說 的 是 撈 偏 門 靠 打 靠 殺 為 生 的 黑 社 會 , 那 麼 她 口 中 的 爾 虞 我 詐 、 視 人 為 機 器 垃 圾 的 行 為 便 庶 幾 近 矣 。 但 那 是 黑 社 會 喲 。 又 或 者 劉 吳 女 士 在 黑 社 會 成 長 , 留 下 了 不 能 磨 滅 的 印 象 , 不 自 覺 地 拿 文 明 法 治 下 的 自 由 市 場 跟 黑 社 會 相 提 並 論 。
不 過 劉 吳 女 士 , 我 可 以 斬 釘 截 鐵 地 跟 你 說 , 你 對 商 場 的 判 斷 大 錯 特 錯 。 只 消 擱 下 成 見 、 仇 恨 , 走 進 任 何 一 家 百 貨 公 司 或 餐 廳 , 感 受 一 下 作 為 顧 客 所 得 到 的 尊 重 和 殷 勤 招 待 , 你 便 理 應 體 會 到 市 場 的 真 諦 是 什 麼 了 。 市 場 是 個 互 相 信 任 、 互 相 尊 重 , 因 而 是 個 互 相 合 作 的 地 方 , 也 是 這 個 原 因 你 才 會 受 到 友 善 、 殷 勤 的 款 待 。 如 果 百 貨 公 司 或 餐 廳 的 員 工 都 不 受 到 尊 重 、 都 是 機 器 , 他 們 會 尊 重 你 、 對 你 友 善 嗎 ?
劉 吳 女 士 , 你 是 不 適 合 、 也 沒 有 資 格 做 商 業 及 經 濟 發 展 局 局 長 的 , 你 還 是 辭 職 吧 。 像 你 這 樣 的 人 也 竟 然 爬 上 這 個 位 置 , 那 不 是 證 明 香 港 官 僚 體 系 已 腐 敗 到 一 個 怎 麼 樣 的 地 步 嗎 ? 又 或 者 你 被 挑 中 坐 這 個 位 置 , 正 正 是 曾 蔭 權 自 鳴 得 意 地 吹 口 哨 的 時 候 , 否 則 以 英 明 的 他 又 怎 會 做 出 這 樣 荒 唐 的 事 ?