Wednesday, February 28, 2007

It is getting harder to beat me...

37.18 Seconds...

Try this game. But those with no skillz should once again avoid the humiliation




股災祖國政府應做乜

1987年10月20號朝早,孫柏文作 為一個小學生,再次開開心心上學去搗蛋。大家如果較年長,應該記得1987年10月19日,就係花旗國股票市場嘅「黑色星期一」股災。當日,道指跌咗 26%,打個比喻,即係今時今日嘅恒指喺一日內跌5000點,亦係花旗國股市有史以來單日最大跌幅。因為對上一次花旗國股市有咁大規模嘅股災,就係 1929年,亦係世界經濟大蕭條嘅序幕,所以花旗國人民都好怕歷史會重演。

雖然嗰次股災最終對世界經濟冇乜事,不過花旗國政府都因「黑色星期一」而推出一 連串政策,去防止超級大股災發生。
其 中一個政策,就係「鑑」粗引進「跌停板」機制。根據官僚大腦嘅思維,佢哋一定係諗:「如果跌500點就係『不可接受嘅大股災』,咁只要我哋引進『跌停板』 機制,個市一跌400點就停止交易,個市咪冇可能有『大股災』囉!」不過班官僚冇諗過,1929年股災引發經濟蕭條嘅其中一個原因,係人民覺得個市「未到 底」,所以不投資、不消費,影響經濟活動。

其實,如果大市可以一日內除清瘀血,最緊要真係「到底」,投資者就會像火鳳凰般,置諸死地而後生。無時無刻嘅價 格變動,都係喺到同大家講「如何分配投資資源」,粗暴「停止價格變動」只會得唔到穩定嘅效果,因為大家都唔知道所有嘢值乜價。

當然,呢啲咁嘅官僚大腦思維 「好嘢」,我哋祖國政府係唔會重蹈覆轍。不過,雖然祖國冇「成個市跌停板」機制,不過有「個別股份跌停板」機制。喺呢個機制之下嘅「不可預見的後果」,就 係將每一間獨立上市公司嘅股票「鐵索連舟」,股災時就會出現「火燒連環船」。因為如果你係個基金經理,買重咗公司A嘅股票,公司A開始下跌,你亦知道好多 投資者會贖回基金,所以你要套現。不過,公司A跌停板,停止交易,你惟有不願意咁出售其他股票,變成骨牌效應。最後,越嚟越多公司股票跌停板,原先用嚟 「穩定市場」嘅跌停板機制,就會令市場更加不穩定。

希望經過噚日,上海股市1200幾隻股票當中,有900幾隻跌停板嘅教訓,祖國政府盡快取消跌停板機 制。

Tuesday, February 27, 2007

Can you beat me? I think not...

34.98 Seconds...

Try this game. But those with no skillz should avoid the humiliation


寫港女!

早幾日,孫柏文喺副刊版見到李怡先生開筆寫港女,非常精采,仲用埋經濟學之中最耳熟能詳既供應同需求嚟分析男女關係,分析以前點解台灣妹會咁騷,港女又點解會高竇。同埋有見到李怡先生分析形勢應該開始改變,因為我哋特區慢慢變咗少。

不過睇睇吓,我睇到李怡先生話:「現在大概對一個女孩說『你好漂亮』,已不大會被認為是想『媾』她,或想佔她便宜……」

我睇完,諗咗一諗,發覺李怡先生可能因為已經係個深居簡出、唔需要再上場衝鋒陷陣嘅老將,所以唔會明白好似孫柏文, 呢啲日日仲喺前線上苦戰嘅士兵慘況。不過,我再睇埋之後嗰句,先至明白:「除非你態度輕佻或惡形惡相……」我睇完再諗一諗,就算我唔衰第一樣,都肯定衰第 二樣。平時,我讚女仔靚嘅時候,佢哋都會扮鹹蛋超人,將雙手搭成十字,出死光嚟保護自己。小弟一定要承認,果然薑越老越辣,佩服佩服!

不過講真,香港30至39歲嘅人口之中,每100個男就有139個女,的確出現咗一個供求失衡嘅現象,至於供應較大嗰一方有冇因此而「減價」,唔再「吊起嚟賣」,佢哋嘅態度有冇變?仲高唔高竇?講真,對於我呢個喺沙場上搞到血肉模糊嘅前線小卒,真係覺得好似冇乜點變過。

不過最後,孫柏文想同大家講,我真係唔鍾意寫港女,因為實在有太多陰影,怕一寫就會思潮氾濫,一發不可收拾。如果他朝有緣,再同大家分享!

我和戰隊成員的一個約會

噚日,有一位「白銀戰隊成員」,FB先生嚟探班。孫柏文其實一早已經同FB先生有電子郵件來往,一路以來都有交換白銀投資心得。不過因為FB先生係一個長駐內地工作嘅香港人,所以要等到春節假期先至可以喺我哋特區見見面。

可能因運用電郵溝通,始終不能100%傳情達意,今次面對面暢談,令我感受到,原來做「白銀戰隊隊長」,唔係我想像中咁孤獨。因為喺06年3月6日,孫柏文日日叫大家買白銀之前,已經有人同我一樣,覺得白銀將會有段倍計升幅。雖然,FB先生都有買埋黃金,而唔係「一注獨贏買白銀」,不過FB先生對白銀嘅信心不比我弱。我諗FB先生只係比我相信分散投資呢個概念,所以先至會買埋黃金,而我一注獨贏就得。

今次同FB先生交換白銀投資心得,我都學到新嘢,所以想同大家分享。首先,FB先生同我一樣都非常相信「建制」操控「紙幣狂魔」去濫發鈔票,繼而引發通脹。亦同意喺紙幣購買力不斷削弱嘅情況之下,唯一可以保護自己購買力嘅方法,就係買貴金屬。

不 過,原來FB先生更推進一步諗過,如果「建制」見到平民百姓個個走去買貴金屬,放棄紙幣嘅時候,會有乜嘢反應?會有乜嘢政策令「紙幣狂魔」不死?FB先生 話,原來喺20世紀30年代初,花旗國第一次將美元對黃金貶值嘅時候,亦同時間通過法例令平民百姓不可以再擁有黃金。雖然,呢段歷史我都知道,不過根據 FB先生講,當時花旗國政府原來派人去全國各地嘅銀行,逐個逐個私人保險箱開嚟睇睇,如有發現黃金,即刻充公。

速速買實貨最穩陣

小 弟真係要承認,唔知原來當年花旗國政府,開人哋啲私人保險箱去充公黃金,因為我仲估呢種卑劣行為,只得發行「金銀券」嘅解放前國民黨政府先至會做。當然, 知道我哋特區有好似FB先生,呢啲有咁高危機感嘅「白銀戰隊成員」,我都好開心。而我亦當然加問:「FB先生,咁你手頭上嘅實貨白銀又係喺邊度買呢?」 FB先生答:「哈、哈!其實我啲白銀,仲係某香港中資銀行嘅紙上白銀。我都明白要買實貨白銀,不過仲未去買。我諗短期之內,政府仲未會出充公呢招!」雖 然,我都覺得「短期之內」政府都應該唔會充公大家啲白銀住,不過我仍希望FB先生同買咗紙上白銀嘅你,會盡快搞掂佢,將紙上白銀變成實貨白銀!

Monday, February 26, 2007

另一金銀大升浪嘅開端?

噚日,孫柏文去 飲茶,坐低打開我哋《蘋果日報》財經版睇。一睇就睇到財經版嘅頭條新聞係「金屬價全線漲升勢未止」。作為「白銀戰隊隊長」嘅我,睇到咁樣嘅新聞當然興奮。 因為自從06年5月,金屬價格都好似被人遺忘咗,黃金、白銀,已經好耐冇過頭條新聞。

其實,睇番上個禮拜黃金、白銀走勢,金銀價係喺禮拜四紐約時間突然飆 上。當晚,我喺屋企一路上網一路睇電視,睇花旗國財經新聞啦啦隊台CNBC。佢哋台上面啲分析員就話:「貴金屬價錢上揚原因,係因為當日公布嘅通脹數據, 比預期高咗少少。」雖然個分析非常行貨,甚至可以話係書本中個個學生都會抄嘅model answer,不過孫柏文都要篤爆呢個謬論嚟分析。

冇錯,買黃金、白銀嘅人,都係好似我咁,怕咗一眾中央銀行為首嘅紙幣狂魔,會濫發鈔票,令紙幣染上購買力下跌嘅病,繼而爆發通脹呢個症狀。不過,話金價、銀價喺一日之內突然飆上,係因為單月通脹數據有0.2%而非0.1%,就真係有少少牽強。

冇咗放債網絡

其實,孫柏文覺 得上個禮拜四金銀價飆上嘅真正原因,係又有另一間花旗國樓宇按揭中介人執笠。大家可能會問:「按揭中介人執笠,點解會令金銀價上升?」原因係,聯儲局其實 已經擔心花旗國樓市爆煲,雖然聯儲局歷年來有充足經驗去減低資產爆煲對經濟嘅傷害。方法就係「資產爆一鑊、紙幣發一鑊」,不過就算濫發鈔票,將錢推入銀行 體系,聯儲局都要有渠道去放債,先至可以彌補爆煲對經濟嘅傷害。

現在最大嘅問題,係呢啲擁有龐大放債網絡嘅按揭中介人相繼執笠。以前,聯儲局擺一蚊入銀行 體系,就可能會有一蚊嘅經濟活動,不過因為冇咗放債網絡,現在要擺三蚊先至有一蚊嘅經濟活動。咁大家可能會問:「嗰兩蚊點?」嗰兩蚊?攞嚟炒嘢囉!

如果大 家睇番黃金呢兩年嘅走勢(附圖),會發覺自從06年5月之後,金價一路不能升穿650美元一盎斯。最後要去到07年2月8日,先至升穿650美元。嗰日發 生咗咩事?2月8日就係滙豐銀行因為花旗國樓宇按揭出事,出首次盈利警告嘅大日子。孫柏文相信金銀價首先會挑戰舊年高位,如果到時眾中央銀行唔打壓金銀價,就會好似05年9月咁──係另一金銀大升浪嘅開端!

政府誘人假結婚

相信各位金手指嘅fan屎都同我孫柏文一樣,覺得結婚係一件好神聖嘅事,不過,喺早幾日,香港政府「成功」歧視中港婚姻,控告一名內地漢子「假結婚」。

大家可能會問:「佢哋認喎,告佢有咩唔啱?」咁我要問大家,點先係假結婚?

政府又用咩去衡量假結婚,然後開始調查?而且,點樣先叫做真結婚?有冇一齊住?見面嘅時間?冇愛情就唔算真結婚?但係愛唔愛,外人根本唔可能知道。好明顯,呢條假結婚罪,好似裁決乜嘢係不雅、叛國、公平競爭一樣,係一條要人估估吓嘅法例。

其實,呢次告一個中港通婚例子嘅時候,官僚有冇諗過,政府做咗好多政策,利誘香港人去結婚,去註冊得到金錢上嘅利益,搞cheap晒神聖嘅婚姻。

好 似現有嘅結婚免入息稅,令結婚有咗金錢誘惑,本來兩個人嘅終身大事,加入咗經濟考慮。又例如公屋政策,利誘港人結婚去換取更快或者更大嘅單位,當中申請個 案中,有幾多係真,幾多係假,我唔敢講,但係原先純潔嘅婚姻,因為呢的威迫利誘政策,就算有情侶係兩情相悅而結合,有咗免入息稅或者申請咗公屋,都好難同 人講佢哋結婚係好神聖。

何不放寬移民政策

喺 以前仲有首次置業貸款嘅時候,我識得好多朋友,本來完全冇動機去結婚,但係為咗拎貸款,所以去結婚。最後貸款到手,佢哋亦離婚收場,如果要查假結婚,應該 首先睇吓兩個都係100%港人嘅註冊,而唔係戴住有色眼鏡咁去查中港結婚夫婦。

政府提供大量金錢利誘,搞cheap咗神聖嘅婚姻。如果政府覺得內地人同港 人結婚係為咗福利或者工作機會,所以要查,咁點解唔索性收緊綜援同放寬移民政策,令到本身想嚟香港工作嘅人,唔需要透過結婚先可以嚟香港?

最後可以令到結 婚變番神聖嘅方法就係,取消晒呢的政策帶來嘅金錢利誘,令到本來想結婚嘅人,唔需要再為咗其他經濟考慮。到時,就算真係有人無端端「假結婚」,但係佢哋又 影響唔到人,攞唔到其他人着數,咁又關其他人咩事呢?

Saturday, February 24, 2007

Gold and Silver to test May 2006 top NOW!

You can ride this short term to beat May 2006 top of Silver and Gold. Which is US$15+ and US$730+. Yes... Even with margin trading...

Next Friday close will be very interesting. If both metal closes above last year's highs, it will be another massive rise in the making. Silver will reach US$25+ on the next wave...




Friday, February 23, 2007

一注獨贏買年糕

大家都知道,孫柏文喺《金手指》裏面,日日都叫大家買白銀嘅時候,一定要買實貨白銀。今日,高明輝兄話有感而發,話要警告大家買嘢一定要買實貨,有見及此,今日我就同大家分享高明輝兄嘅文章。
----------------------------------------

啱啱過咗嘅農曆年假,我哋特區有一班人,深深咁體會到中央銀行濫發鈔票,令到紙幣本身唔值錢嘅禍害,大家可能會問:「你講緊邊個國家嘅貨幣?」賣個關子先, 呢個「國家」,所用嘅「貨幣」,唔係fiat money,亦都唔係同美金掛鈎,而係同過年食品年糕掛鈎,講到咁白,大家都應該知道,呢個「國家」,國號叫美心Maxim's。

就喺過年前幾日,美心發行嘅「紙年糕」paper rice cake,喺年廿九、三十俾人大量「行使」。作為年糕大淡友嘅美心,俾人「夾倉」,實貨年糕physical rice cake擠提繼而短缺,出現咗經濟學成日都會講嘅「太多糕券追逐太少年糕」現象。

美心當然有「財金官員」即時走出嚟解圍,宣布「紙年糕」同實貨年糕脫鈎,並即刻用年糕券嘅票面值,去鈎其他一籃子貨品,例如西餅、餐券,或者XO醬,大部份持有美心年糕券嘅人梗係唔制,除咗係因為過年一糕值千金、市場瘋狂追捧吸納之外,更加因為佢買嘅「紙年糕」原先獲承諾會兌換番年糕,情況就好似我哋嘅聯系滙率機制一樣,原先講明你拎$7.8去銀行,理論上就可以換番1蚊美元,但係如果任志剛聽日走出嚟話,佢冇晒美金貨,不過e家你拎$7.8嚟,可以換番一 罐XO醬,特區上下又有幾多人制呢?不過深圳特區就唔知,因為有個經常話貨幣要鈎一籃子貨物嘅張五常教授。

其 實「紙餅券」出現問題都唔係第一次,喺好耐之前,一個好出名嘅帝國超群(1966),版圖一度遍及台灣、美國、加拿大及中國,不過最終都係亡國,所發行嘅 「紙西餅」統統宣布無效。該國發出嘅貨幣唔再受到該國執政團體承認,情況就好似當年日本皇軍嘅「大東亞共榮圈」,戰敗投降之後,所發行嘅日本皇軍軍票,變晒廢紙,今日就算你揸住超群餅券去搵李曾超群,佢都會好似日本政府咁,唔會嘔番十二件餅畀你。

至於另一個整餅界大國聖安娜(1972),雖然一直好努力咁做好呢件餅,充實儲備,但係都難逃央行濫發餅券、遇上信心危機嘅問題。喺九十年代,聖安娜出現過「太多餅券追逐太少西餅」現象,差啲俾好友夾死,好彩嘅係,佢哋有足夠嘅西餅儲備,雖然一度出現擠提,市面上有大量「未平倉合約」,但係好彩,最後都成功 保住一張餅券兌十二件西餅嘅心理關口,力保不失,但係好友都要抹幾把汗,因為當年排隊換西餅的確搞到佢哋身水身汗。

嚟緊嘅一年,相信會有唔少餅行,要你買紙糕、紙月餅等等,為咗對抗紙幣狂魔,記住,要買實貨。千祈唔好盲目相信餅行拋空出售紙餅券嘅甜言蜜語,例如有九八折,或被恐嚇「唔買紙貨就會冇貨」,因 為餅行一旦濫發糕券、餅券,損失嘅只會係你嘅本,而最後你都係收唔到貨。所以最後,大家要跟住我,年糕戰隊隊長高明輝,去對抗紙券狂魔,大家要緊記,買年糕,最緊要買實貨年糕。
超群「紙餅券」有如當年日本軍票。
公司執笠、國家投降,即時變廢紙。

減稅彰顯強政勵治

A more serious public policy discussion that appeared on the Forum's page of Apple Daily.

I was representing the Lion Rock Institute
獅子山學會. Hence the tone.

----------------------------------------
這場有人參賽,但毫無競爭的選舉下,新一任特首,頭號任務當然是進一步肯定自己。

政客要肯定自己,可以大張旗鼓,大破大立,但更深層次一點,可以在最根本的問題下工夫。當然,說特區有迫在眉睫的問題,是有點過火;不過說政府無病無痛,卻又不切實際。香港政府整體效率委實不差,可是偏偏資源分配制度失衡︰錢花得越多,往往就是辦得越差的範疇,越差的範疇,就越多的藉口去花更多錢。

換人試試,有效嗎?說過了,是制度失衡,當然不排除有人為因素,不過環境改造行為習慣,制度出問題,再能幹的司局長也無可奈何。再者,連任後的曾蔭權,是末期政府,面對各司局中有心競逐下一任特首的精英,換不換人亦不是曾蔭權說過算數。

歸根究柢,為制度動手術,避不了。大刀闊斧改造失衡部門,無論如何也會觸動公務員的龐大政治利益,政治正確的氣氛環境下,政客就算心裏相信,也不會口頭支持,要曾蔭權獨自承擔這個擔子,太沉重了。

經濟學的博弈論,講的就是要將遊戲規則定好,曾蔭權對十多萬公務員利益,未開戰已知輸贏;不過,要是將遊戲變成全港納稅人對浪費部門的博弈,改革成功的機會便大大提高。乾坤大挪移,唯一的方法,就是訂下減稅目標,也向香港人承諾,未來五年,年年有餘的不是庫房,是市民,說明政府不會有多餘資源去盲目擴張,搞不好管理的局和部門好自為之,減稅目標一旦錯失,問責精英自負政治後果。

說到底,減稅除了彰顯強政勵治的決心,也是得民心的德政,一舉兩得,何樂而不為?曾蔭權其實早已打出了減稅牌,唯一美中不足之處,是要得他連任之後要由他親手落實。坐定笠六的曾蔭權啊!下周唐英年公布預算案,給大家一個驚喜吧,最多當作提早預祝你老人家連任,好嗎?

Thursday, February 22, 2007

「金沙唔畀錢」 最苦Adelson

噚日,報紙頭版刊登咗一篇聞者傷心,見者流淚嘅報道。話說,一位未成年少女,喺金沙度玩老虎機,「贏咗」74萬,不過可惜,由於贏咗老虎機要記名登記,佢未夠秤,職員知道之後,冇賠到畀佢。

除咗嗰個女仔欲哭無淚,因為人生冇幾多個機會可以中到大額老虎機獎,咁早就用咗個quota,我都幾戥佢唔抵,但係最唔開心嘅,一定係金沙主席Adelson。

家開賭場,唔係驚你賭錢贏到開巷兼肥到襪都着唔到,最驚嘅,係你唔嚟賭,而有咩嘢誘因令到賭客唔去賭,就係賭場傳出贏錢冇得賠嘅消息,賭仔心態,有機會贏,風險幾大都會去博,但係俾人知道冇得賠,輸梗,邊個肯嚟?

大 家可能會問:「點解賭場唔驚人大包大包錢咁贏走?」賭場係一盤靠機會率嚟贏錢嘅生意,雖然喺賭枱上面,好明顯係不公平競爭,賭場贏嘅機會係大賭仔好多,不 過就算係咁,如果好少人去賭,求其俾人贏咗一鋪甘嘅,賭場都有機會會輸。如果又要做生意,又要必贏,方法唔係唔賠錢趕客,而係增加賭客嘅數量,可能中間會 有偏差,令一啲好命嘅賭客贏到錢,但係大量嘅賭客機會率都係落咗喺輸錢嗰邊,人越多,賭場想輸都幾難。

番 轉頭講金沙,我諗Adelson如果嗰個時間在場,一定寧願細細聲、隻眼開隻眼閉咁賠幾十萬畀個女仔,因為會好過第日見報,大字標題寫住「金沙唔畀錢」, 睇住篇報道,我彷彿聽到Adelson喺我耳邊講:「我哋又點會冇得賠,估唔到今次衰喺一個o靚妹手上,唉!」

所以,最後忠告所有未成年人士:未夠秤又想 去賭,唔係唔得,但係絕對唔可以玩老虎機,因為贏得大,一定會好揚,佢想賠畀你都難。最好玩一啲用現金即時派彩嘅遊戲,最好就係坐喺啲講普通話、貌似大陸 貪官嘅人隔籬,因為如果佢贏到錢都有得賠,咁賭場就算覺得你未夠秤都一定照賠!

豬年最應沽的藍籌股

孫柏文心裏面有一隻又愛又恨嘅藍籌股。首先,我愛呢隻股票嘅原因,係公司 管理層對自己嘅行業瞭如指掌,亦一向以來明白、繼而證實世界大趨勢必定會利好該行業。仲要管理層每一次定下來嘅多年計劃,一定成功落實,兼且為公司帶來一 開始已經預測會有嘅非常可觀盈利增長。可以話牙齒當金使,有世界級競爭力香港人之典範。

公司最令我如癡如醉嘅原因,就係多年來派息比率高達80%,公司賺1蚊、股息派8毫,公司有錢賺、股東笑呵呵。

大家聽到我咁樣形容呢間公司,都應該同我一樣有少少心動。不過,我恨呢隻股票嘅原因,就係因為以上同大家講過嘅公司優勢,全世界都知,甚至可以話有好多投資者比我更相信該公司戰無不勝嘅神話,所以令到隻股好貴。

呢隻藍籌股就係利豐(494)。

有 心機選擇外判商,可以令各種貨品每一步嘅工序成本下降,亦同時將品質提高。有效運用供應鏈,就會令總存貨數量減少,亦同時減少供不應求、熱賣貨品斷市嘅情 況出現。控制到登峯造極嘅供應鏈,甚至可以令產品盡快變種去迎合不停改變嘅消費者口味,公司就可以減低「估估吓、估錯咗」口味帶來嘅損失。呢啲利豐全部做 得到。因為如此,所以今時今日投資者肯出45蚊去買利豐每1蚊嘅利潤,即係等於市盈率高達45倍,做個比較,滙豐(005)嘅市盈率都係得13倍。喺花旗 國,出晒名貴嘅Google,市盈率都係得49倍。當然,利豐近年真係可以交出每年20%嘅盈利增長,所以先至有咁多fan屎。

不 過,孫柏文非常擔心利豐股價前景,因為利豐一向以 來都被認為係一隻反映花旗國消費者信心嘅股票,而花旗國正面對樓市爆煲將會減低消費意慾嘅現實。雖然,公司盈利不但不會減少,甚至可能繼續有增長,不過因 為利豐市盈率咁高,市場一定要見到20%嘅盈利增長,增長只要一放慢,投資者可以接受嘅市盈率就可以暴跌。到時每股盈利上升10%,不過市盈率跌一半,公 司股價就可以跌45%。數就係咁計,所以除非利豐真係可以戰無不勝,豬年最應沽嘅藍籌股就係佢!

Au + Ag on fire tonight

Inflation more than "expected"... Not the driving factor tonight I don't think.

Subprime lender Novastar implosion... Thats what is driving the Gold (Au) + Silver (Ag) market tonight, at least thats the reason silver bugs like me will buy silver tonight.

Subprime lenders going bust = credit crunch

Credit crunch = Fed flooding the market with liquidity (FFMWL)

FFMWL = more money driving Gold and Silver up out of fear


Yet... Yen is still pretty weak right now. Who is going to win the race to devalue quickest... Fed or the Bank of Japan I wonder.

Desperate Analyst Attacks!

ha! seems like the personal insults keeps coming for me.

This time it is from "
分析員的告白"'s Albert...

But before I talk about Albert, I would like to say that when Cory said that he doesn't like my style of
譁眾取寵, it is fair. If reading other people's musing on finance and economics are like listening to the Berlin Orchestra, then yes, my column is like going to a rave party. I will be the first to admit that it is a style that will turn a lot of people off... And I think it is a tragedy for me to lose someone like Cory as a reader.

However... Albert...

Here is his comments on Cory's blog entry responding to me.

"Cory兄:

一個人的文筆很多時已反映其性格和修為。

從孫柏文於"某報紙"中刊登的文章,已不難看到一二,亦不難理解為何坊間有人對他作出誤解。


"和黃"及"匯控"的分析看到其"思考的連貫性"

"一注獨中"看到其風險管理意識、大局觀以及責任感

"白銀系列"不難看到其謙遜程度

其他不想多說........唯有贈他一句,水能載舟,亦能覆舟,名聲亦如兩刃刀,還請好自為之"

And this is my response to him.

" well... this entry was on my blog entry, so might as well join the discussion...

Albert, 一注獨贏 silver is to show determination, to catch the attention of the reader. If you think it fails to achieve risk diversification, I agree. But how insulting it is for my readers to think that they will really put all eggs in one basket?

I know you are an analyst, and I do wonder whether your comments stems from the fact that when you present your recommendations, it is to those with inferior intellect. I am no longer an analyst, I no longer deal with people who control other people's money, I no longer have to cover their asses if the trade (based on analyst recommendations) becomes a loss. My readers is, in one word, free. Free to invest, free to trade and free to think.

If you disagree with my macro economic analysis. Then all I can say is, time will tell.

As for Hutch and HSBC, we all know Hutch is held back by 3. And we all know if 3 is solved, hutch will explode upwards, every other business unit's prospects are priced in.

All justification to buy/sell 13, such as discount to BV, EBITDA forecast, EV calculations are BS. I am waiting for 3's subscriber numbers for Q1. Their x-series is a complete change in mentality for ANY phone operators, if that doesn't move subscriber numbers, then it really is time for Hutch to throw in the towel. But that is also why it is a good trade.

As for HSBC, it is not whether it was going to be US$9.5B - 11B vs consensus of US$8.8B...

This warning's significance is it challenges HSBC's aura of invincibility, of HSBC's omniscience. It has always been that any trouble they encounter, it is either because of exogenous factors OR it is an "one-off" mistake. You look at what Geoghegan or Green said after the profit warning... They are still up playing the "this is an one-off" angle.

Therefore, if there are any further bad news (say from UK consumer finance, or the trading desk) this stock is going to get whacked. Thats the story behind the warning.

Finally, 責任感... Have some faith in the typical man-on-the-street's intelligence, and let loose of the arrogance that seethes within you."

Finally, to lower myself to Albert's level..

The Conclusion? Albert is an inferior complex driven 小農中產, desperate for a false veneer of class and respectability. Sad.

Wednesday, February 21, 2007

好懷念胡國興法官!

過年之前幾日,我哋尊貴嘅特首曾蔭權挾住八成嘅選委支持票,即係641 票,向選舉辦事處報名參選特首。其實,參選特首選舉只係需要100個選委提名支持就可以報名參加,但點解我哋嘅曾候選人要搵咁多票呢?我諗梗係為咗個 「勢」喇!特首一定係想話畀另一個特首候選人梁家傑聽:「我有幾多人支持我吖,淨係呢個『勢』已經『食硬』你喇,梁生你點同我『揮』吖!選舉如打仗,冇個 『勢』又點打贏特首選舉呢場仗!」

彭鍵基法官應該發威

不過,正所謂「同人唔同命,同遮唔同柄」,孫柏文記 得當年參加2000年立法會選舉,出戰港島區。嗰次我大包尾,亦要承認選民眼睛係雪亮嘅,不過今日唔係講我,而係回想我當年嘅對手,都係姓曾名健成嘅「阿 牛」。「阿牛」喺2000年報名時,提交近萬個選民提名名單,諗住嚟一個「萬人挺曾」嘅氣勢去參選。

點知卻惹來我哋公正嚴明嘅選舉委員會主席胡國興法官好 唔滿意,不點名批評「打窒」。胡官話佢浪費選舉事務處嘅人力物力,花大量時間去核實提名人士資格,可憐嘅「阿牛」就因此被冠以「浪費公帑」嘅惡名,成個 「氣勢」就咁俾胡官打謝咗。雖然唔知道有冇關係,結果「阿牛」嗰屆參選立法會輸咗。

以前,特首董建華攞700幾個選委提名,都係迫不得已之下想將不記名投 票變成可以秋後算賬、白色恐怖嘅記名投票制度。今次,擺到明有人會同曾特首參加不記名投票環節,攞咁多個提名為乜?到時候如果得票率比起提名數目少,曾特 首就會好樣衰。

所以特首選管會主席彭鍵基法官應該喺上個禮拜,為下屬挺身出聲,同曾候選人講:「你係咪玩嘢吖!臨放年假先至『泵』600幾個提名名單嚟, 交100個做吓樣咪算囉!叫我班『o靚』放假都放得唔安樂,做餐死嘅去核實,你拍拍『籮柚』影吓相就走得啫,浪費公帑!」講咗仲可以凸顯彭法官嘅獨立性, 何樂而不為?

今年大家豬籠入水

首先同大家拜年,孫柏文祝大家豬籠入水、身體健康、青春常駐、世界和平。小弟屬蛇,聽聞財運麻麻,所以如果要為大家提供一個豬年預測,我諗白銀今年都應該上唔到我為大家提供嘅120美元一盎斯目標價。雖然係咁,不過今日都係想同大家講黃金白銀。

阿根廷都有例子

大 家都知道,自從七十年代,世界經過高通脹之後,好多國家都覺得,為咗保護貨幣嘅購買力打壓通脹,可以控制貨幣供應嘅中央銀行,就一定要獨立於政客運作。不 過,世界各地嘅中央銀行加唔加息去控制貨幣供應,就好視乎行政部門計算出嚟嘅「通脹率」。甚至乎可以話,量度通脹率嘅人,雖然係政府行政部門,不過可以牽 住「獨立運作」嘅中央銀行走。

早排,日本央行宣布唔加息,就係一個咁樣嘅例子。本來,如果日本政府用原有嘅計算方法計通脹率,日本通脹率應該有0.9%, 而日本央行話,通脹率超過0.5%就要加息,咁上次日本中央銀行就好應該按照自己嘅話,加息。不過,上次因為自民黨搞嘢,改變通脹率計算方法,結果出嚟嘅 由原先嘅0.9%,變咗做啱啱唔過加息規定嘅0.4%,所以最後大家都見到日本央行冇加息,繼續印銀紙機長開,濫發鈔票。

咁當然濫發鈔票係冇專利權,啱啱 喺地球嘅另一邊阿根廷,負責統計通脹嘅官員,因為唔肯屈服改變通脹率嘅計法,所以俾總統炒咗。根據《華爾街日報》報道,最後改由一個由武警護送嘅人入去 做。大家可能會問:「咁結果係點?」結果就係市場預期通脹率係1.5%至2%,不過官方統計出嘅結果就係1.1%,低過預期,你信唔信?

對抗通脹只得一招

債 券市場嘅眼睛係最雪亮嘅,官方數字一出,阿根廷債券息率即時飛升。無他嘅,通脹率高都只不過等如中央銀行「好廢」,不過如果通脹率係篤數出來嘅,就等如政 府「好奸」。「奸」比「廢」嚴重得多,所以債券市場要求嘅值博回報就高咗。

講咗咁耐,大家可能又會問:「咁即係點?」呢幾日,日本中央銀行又會再次召開議 息會議,討論吓加唔加息,市場今次預期有六成機會會加息。之但係,e家全球濫發鈔票問題咁嚴重,做通脹數做成咁,出晒陰招,真係可以唔加!大家可能會再問 多次:「咁即係點?」咁即係又到白銀戰隊隊長孫柏文出場嘅時候,喺呢個濫發鈔票嘅年代,惟有買實貨黃金白銀先至可以對抗通脹,保住自己嘅購買力,記住,唔加息,又係白銀戰上場嘅時候喇!

Sunday, February 18, 2007

Wonderful! Check out these responses to 沙士重臨 必襲長洲

Well, as you all may or may not know, I was a sell side equity analyst.

And when you are a sell side analyst, you get to meet clients who you want to entice into making certain actions such as buy, sell or hold.

Sometimes, depending on the client, your pitch will vary. As some clients are more prone to certain types of suggestions.

For example, I have sold PetroChina back in 2004 as

1. A never expiring call warrant on oil price
2. Proxy for betting on an ever more powerful People's Liberation Army
3. Dividend play

Three different types of clients, three different pitches. There is no point arguing against the bias of the client. If the client didn't care about dividends but was a clear fanatical patriot who believes in a rising PLA, well, you can't make him buy PetroChina by talking to him about dividends yields...

Anyhow, I wrote a piece recently, titled 沙士重臨 必襲長洲 ...

And boy... did I shock these people...


First up... Was Mr. Market himself
市場先生... Who can't believe, just CAN'T BELIEVE that anyone could be THAT ignorant, and claim that because the integrity, purity and operational freedom of 太平清醮's 搶包山 was compromised, it will lead to pestilence on the island of 長洲. That no god could be that wicked and vengeful...

Then... There were
小混混Cory, 珀塞爾 and Rampei

1. 小混混Cory - Thinks that my column helps Apple Daily as an inclusive publication to "regress to the mean" by providing the counter balance to 方卓如.

2. 珀塞爾 - Well, he thinks that MPF is "德政"... Which basically reduces all desire for me to critique his comments. But he is a fan of my silver analysis, so I do bear grudging admiration for him. Anyhow, he says I was mean to make fun of those who took a vow of chastity. I shall address that here...

Being chaste is a personal choice. Being public about such a vow is nothing but a publicity stunt. Such a stunt can then be construed as a judgment on those engage in premarital sex - that it is WRONG to do so. Then having this one guy at the event who says "after succumbing to the temptation, I fell in love with pornography" Does that make everyone who watches porn a sexual deviant? Sad... If you want to judge others do it like me, publicly, openly and be ready for people to challenge you and defend yourself on reason. And not some holier than thou event...

3. Rampei - Thinks that I am 嘩眾取寵... hahahaha of course! I didn't quit being an equity analyst because I enjoy bland style of writing. I work in the media after all... Inform others while entertaining them too... keep reading my friends...

Ok, now that I have summed up all of that views. Here is my response on why I wrote 沙士重臨 必襲長洲

搶包山 is an example of how a private event has been hijacked and rendered completely sterile by our anally retentive "school prefect run" government.

I have written in Apple Daily's editorial expressing my disappointment in the HK govt not letting "boys be boys" even "girls be boys". It is highly insulting to the people of 長洲 that the government thinks they do not know how dangerous 搶包山 is.

The point is this, if people knowing how dangerous an activity is, but still CHOOSES to participate, as long as they are adults, LET THEM BE!
搶包山 is a prime example.

Anyhow, I was thinking to myself... how can I help push along the people of 長洲 to resist further sterilization of 搶包山? If telling them to resist for cultural freedom doesn't work, then maybe appeal to their superstition. If resisting not for the personal freedom of Hong Kong, then resist the government for their own health, for the gods to protect them. Just like when I was selling PetroChina... There are many ways to sell "resist advances in government controls!"

So thats why I wrote that piece. And thats why I think I won't be travelling to
長洲 for a while. Just in case I get beaten up hahahahaha. So 市場先生, 小混混Cory, 珀塞爾 and Rampei don't be mad, I wasn't trying to curse them... I was just trying to protect the people of Hong Kong from the onslaught of the Hong Kong Government = )

Friday, February 16, 2007

講領匯 講到爆粗!

大家可能覺得奇怪,孫柏文作為一個百無禁忌、亂發噏風嘅自由市場支持者,居然可以從未講過我對領匯加租嘅睇法。冇辦法,因為講起領匯加租呢單嘢,孫柏文就連落筆嘅冷靜都冇,淨係諗都會令我爆粗。大佬啊!佢哋支持同反對雙方個個都迫我爆粗,雖然我唔似讀過幾年書,不過都係斯文人,要我爆粗,於心何忍? 咁唔可以寫出來,口講又爆粗,可以點?

今日,孫柏文想賣一賣廣告。今晚9至10,我將會喺網上「人民電台」嘅《香港出路》節目,講領匯單嘢,希望大家可以到時候踴躍打電話嚟或者ICQ個節目。當然,大家要記得網上電台唔受廣管局監管,所以必定盡量發揮基本法保證嘅言論自由!

網址 www.prhk.org。

-----------------------------------------------------------

Ok, Here's the links.

Feb 9th 2007 - My rant against "Planned competition law"
Part 1 (about 30 mins) Part 2 (about 30 mins)

Feb 16th 2007 - My rant against "Link REIT opposers"

Part 1 (about 30 mins) Part 2 (about 30 mins)

滙豐搵人接火棒

上個禮拜四,滙豐出處女盈利警告,因為放咗好多債畀啲唔應該置業嘅花旗國 人,去買啲唔值嘅樓。現在,樓價下跌,按揭出現斷供潮,所以滙豐手上嘅按揭,就出現好多壞賬。


喺特區,銀行放債畀人去買樓,之後就會每個月等債仔還錢,因 為風險要自己承擔,所以風險控制會打醒十二分精神。而滙豐喺花旗國嘅按揭業務,有啲都係咁做。不過,要自己放債畀人,需要龐大嘅銷售網絡,就算請人都要一 段時間。滙豐為咗盡快可以放債畀人做按揭,得到按揭業務回報,就向啲花旗國「樓市叠碼仔」(按揭中介人)去買佢哋已經做咗嘅按揭番嚟。

不如執笠走佬

原 理就係咁樣,首先呢啲「叠碼仔」會放債畀人做按揭,跟住滙豐就會幫借咗錢嘅人還款畀啲「叠碼仔」。之後借咗錢嘅人每個月還款,就會畀滙豐而唔係畀原先放債 嘅「叠碼仔」。不過,問題就係呢班原先放債嘅「叠碼仔」,雖然知道自己最終唔會承擔風險,不過就係原先計算借錢人還款能力嘅單位,所以根本就冇誘因準確地 計算,人要借錢、佢就放

當然,滙豐唔係儍仔,買呢啲按揭番嚟嘅時候,就喺交易當中,包括隨時可以將按揭賣番畀啲「叠碼仔」嘅權利。大家可能會問:「咁如果呢啲按揭出事,滙 豐賣番畀佢哋咪得囉?」我反問大家:「如果你係啲叠碼仔,知道因為樓市爆煲所以新造按揭減少,不過有好多舊按揭火棒要接,你會點?」冇錯!現在花旗國按揭 中介公司已經出現倒閉潮,原因就係如果要接火棒,不如執笠走佬仲好。

最後,滙豐如果想賣走呢啲按揭,可能最後就係要賣畀啲散戶,孫柏文今日已經幫滙豐準備咗啲宣傳單張,大家睇完有冇想買嘅衝動?

強迫金果膠

今日,孫柏文要 繼續講「強迫金」。大家可能知道,「股壇長毛」David Webb同我一樣都係反對「強迫金」。而佢反對「強迫金」嘅其中一個理由,就係「迫金局」囤積咗太多錢,就算唔還富於民,都應該還畀政府。其實,我唔覺得 呢樣嘢係主要嘅問題,不過Webb兄鍾意鬧,我都不會反對。

不過噚日,我收到一份同事畀我嘅禮物,原來係「迫金局」嘅賀年糖果,一盒得兩粒,極之徙錢。而我將糖果放進口裏嘅時候,覺得有啲硬,所以就即刻睇吓粒糖用乜 原料做。點知,粒「迫柑糖」同個「迫金局」,都係同出一轍,兩個都係以多種「膠」造成,真係講都冇人信。俗語有話「崩口人忌崩口碗」,唔通「迫金局」真係 連呢樣嘢都唔明?

Thursday, February 15, 2007

日本快爆搶金潮

今日首先要同大家講,孫柏文今 日會讓啲版位畀《利字當頭》一欄總舵主利世民兄。理由係,世民兄話有感而發,要同大家分享佢老婆同永亨銀行客戶服務部嘅奇妙經歷,希望大家有共鳴。我只可 以話希望永亨銀行嘅公關科同事,可以寫信入嚟,等我都可以同大家分享永亨嘅回覆。

入正題。

大家作為《金手指》嘅fan屎,都應該知道世界各國嘅中央銀行, 最害怕嘅就係黃金同白銀。因為就算中央銀行為首嘅建制,可以控制「消費物價指數」嘅計算方法,令到好似冇通脹出現,不過只要金價、銀價上升,紙幣購買力不 斷被削弱嘅事實,就會赤裸裸暴露出來。所以,一眾中央銀行會用盡所有財技手段去控制金價。

日央行有心無力

早 幾個禮拜,眾中央銀行嘅俱樂部國際貨幣組織IMF,就出嚟話因為發展中國家個個發達,毋須要問IMF借錢,所以冇利息收入去彌補營運開支。唯一可以開源嘅 方法,就係將手上「冇用」嘅黃金賣出,變成紙幣再去投資。佢哋擺到明就係想打壓金價,仲要慌死驚冇人知佢哋想打壓,行出嚟話:「我哋會叫其他中央銀行減慢 賣金嘅速度同數量,等金價可以穩定。」希望用呢句說話,令人諗:「各國嘅中央銀行都係各自為政,冇可能可以協調佢哋賣金嘅數量,都係賣咗啲金好啲!」

雖然 呢個「口術」高明,不過建制當中,有啲人就連「紙幣可以保值」呢個大話都懶得講,紙幣要貶值就貶值。大家可能會問:「邊一間中央銀行,會完全唔理自己貨幣 同金價嘅關係?」原先就冇,間間央行都一定會留意,不過,有一間中央銀行就有心無力,因為被人挾持。呢間就係日本中央銀行,如果裏面嘅官員唔聽話,唔肯濫 發鈔票,就會被自民黨爆醜聞,可能因日央行個個都身有屎,所以先至被挾持。

其實,孫柏文相 信早排IMF無端端出口術去打壓金價,係因用日圓計算,金價已經逼近舊年5月嘅紀錄。點知日央行被挾持要濫發鈔票,所以就喺上個禮拜,以日圓計算,金價升 穿舊年5月紀錄,建立20幾年嘅新高位。我相信日本好快就會爆發搶購黃金潮,到時候就算以美元計算,都可以衝過舊年5月,730美元一盎斯嘅紀錄,而相伴 嘅白銀,又點會唔爆上?

Wednesday, February 14, 2007

和電不派息股東不批售

噚日,和電2332復牌,亦係Vodafone成功同和電管理層達成協議,收購和電印度業務之後嘅第一個交易日,和電全日股價下挫15.21%。有啲人一定會話股價下跌係因為啲投資者趁有好消息出貨sell on the news,孫柏文唔同意。

Sell on the news,係唔會令隻股票跌15.21%!

其實,我覺得和電跌15.21%嘅原因有幾方面。第一,好多人都以為和電拍賣印度業務會爆發競投戰。點知,喺第一回合就已經被Vodafone贏咗。仲要係市場覺得合理嘅價錢,而唔係Vodafone一向以來出嘅瘋狂價,淨係睇Vodafone股價升就知道。

第二,就係啲人覺得和電管理層,又會「玩嘢」,好似Harry Potter咁玩財技。以前「公司唔好、股東唔好」大家都明白,不過今時今日「公司好、股東照樣唔好」,就係可以解釋點解用「天價」賣嘢,股價可以跌15.21%!

最後,和電管理層已經話過會派股息,不過孫柏文建議大家,如果派股息少,到要投票批准交易時,大家可以「玩嘢」投反對票。為了大家股東利益,一齊集體抗爭吧!雖然very substantial disposal好似只要simple majority通過。不過如果有機會,反對好過唔反對!

澳博.org?

前日,《利字當頭》一欄總舵主利世民兄搵孫柏文去食貴價燒味,約咗喺我辦公室度見。不過因為世民兄到達嘅一刻,我仲未寫完稿,所以叫世民兄睇吓報紙,就算世民兄話自己「好Q肚餓」,都要等一等。不過,唔知道世民兄係唔係餓到血糖好低,又或者想引誘我快啲寫好啲稿,佢重複又重複咁喺度講可以叫嘅嘢。而我就越聽越肚餓。

為求可以減低口水同胃液分泌,盡量專心寫稿,我就開始同世民兄講吓時事。因為佢係個對時事非常敏銳嘅性情中人,平時只要搵到啲嘢令佢發火,世民兄就會不停謾罵,到時我只要耐唔耐點點頭,問:「真係咁衰?」,就可以專心寫稿。不過,今次好似冇效。

同 佢講話:「有冇留意到『計劃競爭法』嘅最大聲支持者,例如消委會陳黃穗、嶺南大學陳坤耀、立法會議員湯家驊等等,全部都係喺冇開放競爭嘅行業裏面工作。一 個係政府出糧機構嘅總裁,一個係政府畀錢嘅大學校長,一個就係連前宗主國大狀都要排斥嘅本地大律師。」世民兄聽完之後,只答:「我想分番碗鐵碗燒肉飯 食!」

問世民兄:「前幾日,股壇長毛David Webb計數篤爆『強迫金』係官商勾結嘅老千局,不過就算全城和應挺Webb,全港市民一齊罵政府,都好似冇用?」世民兄聽完之後,只答:「我想分番碗燒鵝瀨食!」

燊哥咁嬲係有因

見 到講政治冇用,我就開始講財經時事,「噚日,澳博賭場『新葡京』開幕,之後睇何鴻燊開記者招待會,真係覺得佢老人家仲好好火,寸爆『金沙』主席 Adelson。最重要係,被記者問到點樣抵抗金沙同永利嘅時候,仲要好堅定咁話『會陸續多好多橋,冇橋就冇得競爭。』最衰佢賣關子,要到過年之後先至知 賣乜橋,不過起碼知道何鴻燊抵抗外敵嘅底線就係佢嗰個句『橋唔怕舊,最緊要受。』你點睇?」世民兄聽完之後,只答:「叉燒飯!叉燒飯!叉燒飯!」

講真,孫柏文睇 何鴻燊日前喺記者招待會,被問及金沙主席Adelson話「金沙登陸澳門後,已取得領導地位」嘅時候,真係感受到佢老人家唔妥Adelson。其實,用最 簡單嘅計算方法,都可以明白點解燊哥咁嬲。單憑澳博仲佔有過半數63%博彩市場佔有率,就可以明白以「市場佔有率」呢個計法,澳博先至有領導地位。

不過, 澳博收入非常依賴「貴賓廳百家樂」,而呢類型嘅賭博客源,係非常倚賴中介人去搵番嚟,而中介人係收佣。睇番當年,去睇又係非常依賴「貴賓廳百家樂」嘅銀河 娛樂23盤數,就算有好多億嘅收入,利潤都可以分分鐘係零。因為從賭客收番嚟嘅錢,全數畀晒班中介人。所以就算有好大嘅市場佔有率,佣金成本高,都係得個 桔。可能金沙主席話嘅唔係市場佔有率,而係利潤?

當年,好多人曾經話過啲網上公司dotcom,例如Amazon.com,應該改名叫做 Amazon.org,因為Amazon.com冇錢賺,而org係畀啲「非牟利社會企業」用。因為我都想知澳博有冇錢賺,所以我都希望佢可以成功申請上 市,到時候就可以睇招股書知道,究竟係「澳博.com」定係「澳博.org」。


"Adelson can fuck off..."

- Stanley Ho Circa 2007

Tuesday, February 13, 2007

我挺Webb!

孫柏文喺 《金手指》一欄裏面曾經狠批過有「股壇長毛」之稱嘅David Webb。原因係佢一邊廂為咗打破某些公司嘅壟斷,舉腳支持將會非常煩擾香港市民嘅「計劃競爭法」,另一邊廂就理直氣壯咁支持港交所繼續壟斷,所以令我覺 得佢為咗升職加薪做港交所董事,可以連真男人一定要有嘅原則都放棄。

不過,我今日一定要同大家講,孫柏文挺Webb! 無他嘅,因為David Webb同我都非常痛恨「強迫金」。而喺啱啱過咗嘅周末,Webb兄就赤裸裸地用計數機篤爆「強迫金」── 呢個政府強迫市民,將自己辛辛苦苦賺取嘅血汗 錢,利益輸送畀基金公司嘅騙局。可能,特首曾蔭權話要將香港變成金融基地嘅計劃經濟,就係建基於呢種「強制性補貼輸送金」。

孫柏文今日作兩個承諾。第一,如果下一屆立法會選舉當中,喺我選區有候選人話:「一日強積金係強制性嘅,一日都會喺財政預算案投反對票!永不妥協!」就算冇其他政綱,我都一定投佢一票,仲要自告奮勇幫佢「洗樓」、派傳單。


第二個承諾就係,如果Webb兄搞遊行抗議「強迫金」,孫柏文第一個到,仲會肩並肩咁同Webb兄行。「《金手指》方案」就係,立即畀市民停止供款嘅選擇,同畀市民即時提取已經供咗嘅款項選擇。就係呢兩樣嘢咁簡單!


積金騙局 越供越窮

盲目相信股票回報...

「強迫金盲目相信股票同債券喺八十年代至二千年嘅回報率,如果七十年代嘅高通脹同濫發鈔票重臨,香港勞動階級根本冇其他投資渠道去保護自己,例如話唔可以買貴金屬等等,其實好冇保障。」

財經專欄作家孫柏文

沙士重臨 必襲長洲

噚日,孫柏文睇到新聞,話長洲嘅「搶包山」活動,將會用「膠」包取代真包。理由係為避免落雨時,真包變壞食病人,同搶包山參賽者跣親。不過,孫柏文今日想警告長洲嘅居民,再咁搞落去,相信如果沙士重臨特區,長洲必定會變成疫阜。

原 因係,搶包山係太平清醮其中一項最重要嘅活動。而太平清醮本身係長洲居民酬謝神恩、祈求國泰民安嘅儀式,以前好似好不顧安全嘅「搶包山」活動,都係居民為 咗凸顯自己嘅虔誠,同酬謝神恩嘅誠意,所以明知危險都照樣參加。甚至可以話,參與搶包山嘅人,面對明知嘅危險越多,就越虔誠。天神因無處不在、無事不知、無所不能,往往就會被這份真誠打動,繼而保護長洲居民。

不過,自從「搶包山」復活之後,長洲居民已證明畀天神知,完全唔會抵抗嗰啲大大聲話「減低搶包山危險性」,不過最終褻瀆神明、摧毀真誠嘅低級公務員干涉,去 維護酬謝神恩嘅誠意。天神係公平嘅,覺得如果你無需要佢嘅保護,佢就唔會保護你,所以下次沙士重臨特區時,長洲變成疫阜,大家就要記得歸咎於邊個。

長洲居民緊記,神會記得邊個係虔誠,邊個係褻瀆神明。

一相值千字

噚日,高明輝嚟咗探我,傾吓傾吓,佢拎起份報紙話:「睇吓!有八百個大學生宣誓保貞潔,話唔會搞婚前性行為喎。」

孫柏文:「吓!有冇可能呀!e家啲人差唔多三十歲先結婚,有冇可能等咁耐呀?」

高明輝猶豫咗一陣,望住份報紙好認真咁話:「其他人唔知,不過我睇,呢八百個學生都有可能成功嘅……」我問高明輝點解,佢就遞份報紙畀我,我亦即刻攞嚟睇,原來篇報道配咗張相,相入面就係班喺度宣誓保貞嘅女學生,我一睇都忍唔住話:「佢哋都應該可以成功保貞!」

Monday, February 12, 2007

最有良心輪商選舉

噚日,孫柏文上網睇啲討論區,睇吓有冇啲有趣嘅消息。睇睇吓見到有一個網上選舉,主題為「最有良心的輪商」選舉。對於孫柏文,一個資金唔多嘅人,我有時都會買輪,所以我都對呢個選舉主題有興趣。

一click入去,見到好多輪商嘅名同埋佢哋嘅得票率。粗略咁望一望,發覺法興遙遙領先,有18票,比第二名德銀嘅票多出一倍。講真,平時孫柏文有時都會幫襯法興,所以都唔太驚奇。

點知,原來仲有其他選擇。我將網頁拉下,睇吓仲有冇其他輪商,得票率高過法興。一睇,原來得票最高嘅選擇係──「以上全部無良心」,得137票。結論係,特區股民真可愛!

HSBC = Hey Sucker Banking Corporation?

滙豐銀行喺上個禮拜四出嘅盈利警告,令全世界嘅財經口水佬,都喺周末紛紛討論呢單嘢。孫柏文喺上個禮拜五都話過,滙豐出警告係因為花旗國業務出事,因為滙豐美國業務專攻低下階層,樓市升時,佢哋就算收入唔夠畀供款,都可以做二按攞錢還,所以就製造咗歌舞昇平嘅假象,而市一跌就出現壞賬。

喺我哋特區裏面嘅財經口水佬,好多都話繼續對滙豐有信心,最多都係話要等到3月滙豐出業績嘅時候,知道滙豐要對呆壞賬做幾多撥備,跟住就可以入市買滙豐。

不過,外國嘅財經口水佬就冇咁友善,而最唔客氣嘅口水佬,就肯定係嗰啲同我一樣,睇淡花旗國樓市嘅花旗國財經口水佬。如果要我分析佢哋評論滙豐嘅語氣,我諗最接近嘅繙譯就係「滙豐硬膠!」孫柏文作為一個「飲香港水、流香港血」嘅特區人,喺呢個周末睇到呢啲咁嘅評論,心確實有啲酸。理由係滙豐嘅英文名HSBC嘅H始終都係Hong Kong。

不 過,班花旗國口水佬最唔客氣嘅地方,就係連HSBC呢四個英文字母都攞出來玩,話舉行「誰人能夠最抵死演繹HSBC呢四個英文字母?」比賽。搞手係一位作 者,佢喺自己嗰篇分析滙豐嘅文章題目,話HSBC等如Hey Sucker Banking Corporation(羊牯你好銀行)。

撥備越多越好

見 到心雖然酸,不過,滙豐都真係要檢討吓自己。首先,冇理由放債出去畀啲唔應該置業嘅人去買啲唔值嘅樓 Helped Stupids Buy Crap。呢班人好多都係希望可以用更加高嘅價錢賣番層樓出去Hoping Somebody's a Bigger Chump。

現在,樓市開始下跌,仲要唔係軟着陸 Housing Stabilization Becomes Crash,令滙豐要收番啲樓Homes Shall Be Confiscated,不過可能資不抵債 Holding Shitloads of Bad Collateral。當然,孫柏文比起呢啲口水佬樂觀得多,因為滙豐管理層對 樓房市場大跌身經百戰,淨係喺特區「八萬五」之下都經驗豐富 Have Seen Buildings Collapse。

不過,溫馨提示滙豐,3月出業績嘅時候要一次過為花旗國業務做撥備,越保守越好(即係撥備越多越好),最好就係連最睇淡美樓市嘅人(好 似我呢類人)都覺得撥備撥得太誇張,咁因為市場覺得冇需要再擔心美樓市,滙豐股價就會到谷底,可以開始上升。不過如果喺3月之後,滙豐又要再出嚟為花旗國 業務出集團盈利警告,咁滙豐股價都會好難翻生,到時候做股東就會好慘Hapless Shareholders Burnt Completely!

Umm... Bloomberg is reporting otherwise

Umm... Bloomberg is reporting that the total value is US$18.8b

Which includes Vodafone assuming US$2b debt.

Therefore, actual cash amount going to HTIL 2332 is going to be US$11.08b

or HK$10.13 per share for Hutchison 13 and HK$20.1 for 2332 Hutchison Telecom.

根據 bloomberg 報道,Vodafone 出價 188億美元去買印度和電。20億美元去幫公司還債,淨下來有110.8億的是給和電國際。

= 和黃每股收 HK$10.13 同 和電每股收 HK$20.1

沒有路透社報道的高,所以都係要等和黃同和電的正式公布!

印度和電 = US$19.3 billion

Hutchison Essar is sold with total value of US$19.3b

Winner is Vodafone.

印度和電值193億美元

= 和黃 13 每股收 HK$11.63 同 和電 2332 每股收 HK$23.27

Oh yeah. Waiting for official annoucement from Hutchison Telecom 2332. HK and Hutchison Whampoa 0013.HK

等待兩間公司的正式公布,今次好犀利!

勁!一注獨贏買和黃

Saturday, February 10, 2007

印度和電 > US$17 billion

My friends, according to the WSJ opening round of bids... at least US$17b for Hutchison Essar

or HK$10.25 per share for Hutchison 13 and HK$20.5 for 2332 Hutchison Telecom.

Oh yeah!

根據華爾街日報報道,印度和電已經收到的收購建議,令印度和電的估計價值至少170億美元。

= 和黃每股收 HK$10.25 同 和電每股收 HK$20.5

不過這是第一輪的競投,應該不只170億美元。

勁!一注獨贏買和黃

Friday, February 09, 2007

一句口號 全城澎湃

大家都知道,曾特首角逐連任搵咗「我會做好呢份工!」做競選口號。呢句口號令全城思潮澎湃,個個都幫自己諗番句口號。

財經人:
地產經紀:我會賺好呢個佣!
大陸股民:我買股時會心雄!
「倫敦金」經紀:我會迫你炒到燶!
羊太A:我仲揸住啲北控!
羊太B:我仲揸住啲盈動!

以下轉載金手指同曾特首日前嘅一次訪問:
金︰特首先生,如果你成功連任,管治班底會否有變動?
曾︰我會炒咗廖秀冬!
金︰不過好似李國章局長更加需要被更換,下一任教統局會點?
曾︰我會試用梁錦松!
金︰梁錦松?佢會咩?
曾︰應好過食西北風!
金︰政策上會有變動嗎?例如房屋政策?
曾︰繼續迫人住東涌!
金︰不過,咁樣市民會唔開心。
曾︰我會唔理人面燶!
金︰即係孫明揚局長都應該冇事?
曾︰我會繼續用孫公!
金︰其他人要換,點解孫局長唔使?
曾︰燊哥照佢點會窮?
金︰咁除咗東涌,其他地區呢?例如西九?
曾︰我要先搞九龍東!
金︰但聽聞好多政黨反對,點解咁有信心?
曾︰我同馬力打龍通!
金︰咁自由黨呢?佢哋話投廢票?
曾︰我先唔怕田少兇!
金︰最後,可以解釋點解唔好投梁家傑?
曾︰佢會做唔好份工!

最後,《蘋果日報》專欄作家:
溫敏妮:搵錢唔使靠老公!
曾淵滄:我會叫你買滙豐!
孫柏文:我會繼續發噏風!

滙豐幾時買?

噚日,約咗《利字當頭》專欄總舵主利世民兄同佢個女,去飲茶食午飯。幾個月冇見,世民兄個女又大咗好多。雖然一路以嚟,我都知道佢個女好精靈活潑同聰明伶俐,不過今次我察覺到,佢個女他朝定成為運動健將,仲係好厲害嘅籃球員。

我咁肯定嘅原因,係因為正當世民兄餵佢食叉燒包嘅時候,佢一搶走個叉燒包(steal),跟住就橫跨張枱咁掟個包埋我個位(from downtown),之後個包仲要直接飛入斟滿普洱茶嘅杯裏面(swish)。最衰冇機會用手機拍低,如果唔係一定會放上YouTube。

就喺我抹乾件恤衫嘅時候,茶樓嘅電視就報道關於滙豐控股(005),好罕有咁發出盈利警告嘅新聞,令股價大幅下滑。據報道,滙豐話壞賬撥備嘅金額,喺06年需要多20%。報道仲話壞賬多咗係因滙豐花旗國嘅業務,面對好多人因當地樓市爆破所以還唔到錢。

世民兄一聽到呢段消息就話:「有冇搞錯!股價唔係應該一早反映咗呢個壞消息,點解個股市好似好驚訝。唔係個個都知美國樓市爆煲咩?唔係個個都知滙豐美國業務會好差咩?」

孫柏文:「唔好咁講,聯儲局喺佢1月會議之後嘅聲明,都話花旗國樓市下跌速度有開始穩定嘅現象,所以先至會令到個市好似好驚訝。」

世民兄:「仲有人信聯儲局咩?唔係啊嘛?」

其實,孫柏文已經多次重申花旗國樓市會好大鑊。而因為滙豐美國業務專攻低下階層,樓市大升時,佢哋就算收入唔夠畀供款,都可以做二按攞錢還款,所以製造咗一片歌舞昇平嘅假象,而樓市一跌,咁就大鑊。我奉勸大家,千祈要忍手,唔好咁快去買滙豐,等花旗國樓市跌到底先至安全。

最 後,我覺得今次盈利警告,對滙豐嘅管理心態嚟講,絕對唔係好事。股神畢菲特最唔鍾意任何上市公司有盈利預測,原因係管理層一提供預測,就會有誘因千方百計 將盈利迫上預測水平。好則令管理層採取短視嘅管理方針,壞則令管理層遲早越軌。希望今次盈利警告,會係滙豐最後一次提供盈利預測,滙豐應該抗拒分析員啲要 求,叫佢哋自己去計數啦!

Anna Nicole Smith R.I.P.



Anna Nicole Smith ( November 28, 1967 – February 8, 2007)

Rest in Peace, You will be missed.

Thursday, February 08, 2007

原居民大Q晒!

孫柏文成 日唔明點解個啲真正愛黨愛國嘅左派人士(唔係講緊為油水而忽然愛黨愛國嘅人),可以頂得順班原居民。孫中山、毛澤東等偉人支持嘅共和國主義,邊可能容許 「原居民」呢個有特權嘅世襲制(丁屋權)繼續存在。仲有原居民都有分兩級,有新界同九龍香港嘅分別,市區原居民係賤,唔值錢,新界原居民先至值錢。點解有 呢個人造分別?係因為一條滿清同大英所簽嘅不公平條約。真正愛共產黨愛共和國嘅人,唔係應該即時推翻呢啲侮辱中國人、侮辱共和國嘅特權世襲制咩?我諗你哋 都係會為油水繼續忍算數。

前日聽到一句「人善被人 欺」,一位錦綉女住戶無奈同憤怒嘅申訴,就知道錦綉住戶受咗唔少委屈,佢哋都係為咗唔想再有12歲小童死,先至反對錦綉大道畀原居民搞貨櫃場帶來嘅重型貨 車通過。家又唔係冇條新路畀重型車行,點解政府會唔畀行?因為原居民反對,而政府又俾原居民挾持,日前嘅封路衝突係政府成日縱容班原居民做成。

喺 呢件事上引出悠來以久嘅問題,就係原居民擅自改變土地用途,將原本係農地同魚塘,改為貨櫃場、停車場及廢車場,掠水賺錢。擅自改變土地用途係件好嚴重嘅問 題,地產商改變土地用途,都要畀錢先至得啦,唔係話改就改o架話,點解政府見原居民咁樣做,竟然隻眼開,隻眼閉,冇出手制止,引致家嘅局面,係咪原居民 800票裏面有好多票?12歲小童要死,係咪因為曾特首要連任?

前 日班原居民拆咗錦綉住戶喺私家路上設置嘅路障,咁算唔算侵犯私人財產?點解警方冇出手制止,或者拉人,係咪又怕咗多票嘅原居民?大家都係中國香港特區人, 冇分原唔原居民,咁鍾意講強政勵治嘅曾特首,又唔見會做好呢份工?噚日,錦綉居民係全港各大報章賣廣告,都係要求「政府能盡忠職守」,英文可繙譯成Get the fxcking job done!

無良師生害死人

恭喜、恭喜!恭喜「大學師生監察無良企業行動」成功令800名民工下崗 (失業)!「大學師生監察無良企業行動」(下稱為:無良師生SACOM)係一個「好心」組織,喺2005年開始「監察」喺祖國生產Disney產品嘅工 廠。大家都記得,我哋特區嘅廸士尼公園喺05年開幕,當時引來一大批反對民工有就業機會嘅「好心」人大唱「老鼠愛大米」示威。當時,孫柏文都冇覺得點,覺得佢哋只要淨係「好心」而做唔到壞事,就當班學生被誤導參加咗啲硬膠組織。

點 知,上個禮拜深圳市出現罕有嘅示威集會,因為呢班「無良師生SACOM」成功令Disney威迫租用Disney品牌嘅公司從一間叫做「煌星輕工製造廠」 嘅代工廠抽起定單。呢間廠一冇定單,就執笠。呢間廠執笠,就令工廠嘅民工即刻失業。呢班民工被「無良師生SACOM」奪去就業機會之後,即時上街示威,抗 議一班豐衣足食嘅大學師生剝削佢哋生存同工作權。

孫柏文仲 要收到匿名信,內容訴說︰「點解呢班無良師生,唔肯接受我哋要求有特長工作嘅時間?我哋係以計件的方式計算工資,多勞多得。我原本係工廠裏面最勤力嘅民 工,差點兒就可以儲夠錢,新年之後無需要再南下搵工,點知,老闆話有壓力唔可以喺周末開工,所以新年之後又要再次南下。現在,就連份工都冇埋,孫柏文先生,你可否幫幫我哋用隻金手指去篤醒佢哋,佢哋為咗安撫自己係中產嘅罪咎感而引發嘅行動,係會害死人!」

其實,如果呢班大學師生真係想提高民工嘅生活質素,令民工有更加好嘅薪酬待遇。佢哋應該盡量想辦法,做企業家去製造一啲全世界都要嘅商品,到時就會有千千萬萬嘅企業家同一時間去招聘民工。呢班企業家,為求要搶民工去幫佢哋生產就會自自然然提高薪酬待遇。19世紀嘅英國係咁,20世紀初嘅美國係咁,20世紀末 嘅香港係咁。不過,創業始終好難,唱「老鼠愛大米」始終都會易好多!

記者講計劃競爭法變啦啦隊

Wednesday, February 07, 2007

不雅、叛國、公平競爭

好多人曾經問我:「孫柏文,你成日都話自己好支持自由市場,不過點解你咁反對公平競爭法?為咗邊個咁反對?」首先,大家千祈、千祈唔好叫呢條法例做「公平競爭法」,因為如果持平而論,呢條法例其實係「計劃競爭法」。特別係啲好乖、好留意新聞時事嘅學生哥,千祈唔好咁叫,因為你哋每一次開口叫呢條法例做「公平競爭法」,就等如你哋已經中咗政府消委會宣傳嘅毒。

雖然已經有好多人曾經以多種理由反對呢條法例,孫柏文反對嘅原因,係呢條法例會畀啲好心官員太大權力去做壞事。首先,消委會話喺「計劃競爭法」之下,賣嘢定乜價都可能觸犯法例,又同一時間可能完全合法。

加價可能犯法又可能合法(市價升,你加價,會被告「合謀定價」)。

減價可能犯法又可能合法(市價跌,你減價,會被告「掠奪性競爭」)。

維持價格不變可能犯法又可能合法(會被告「操縱價格」)。

好心人上台一樣亂

正當所有行動都可以係犯法或合法,有權去決定是否合法嘅人,會有好大嘅權力。情況有如要界定播乜嘢係「不雅」,做乜嘢算「叛國」,大家真係想畀任何政府委任嘅人咁大權去界定乜嘢係「公平競爭」?記得,係一個擺明車馬會「親疏有別」嘅政府。

喺法例嘅諮詢裏面,政府話(公民黨同民主黨都支持)會成立一個獨立委員會去調查同審判涉嫌違法嘅公司。大家可能會問:「究竟獨立委員會點解唔好?」答案好簡單,啱啱「溫馨提示」過港台鏗鏘集同無綫播《秋天的童話》嘅廣管局,就係嗰種有審裁權力嘅「獨立委員會」。如果有一日,香港好不幸咁遇到孫柏文做「公平競爭委員會」話事人,我一定有方法令所有曾經喺酒吧拒絕過我啲女人受苦。方法就係搞佢哋返工嘅單位。大家要記得,孫柏文當年讀經濟學嘅專科就係industrial organizationmarket structure analysis antitrust policy,如果我唔可以用呢條法例去煮死任何一間企業,我就乜都得!

大家可能會話:「只要防止好似孫柏文呢啲黐線佬做話事人,咪得囉!」問題就喺度!一個真係可以畀到人信心嘅制度,就係無需要恐怕有單一個「黐線佬」或「好心人」上台,令到香港大亂。民主派日日講嘅三權分立、互相制衡,就係希望想達到有呢個制度。問一問大家,如果當年政府推行「八萬五」政策之前,要得到立法會同各大區議會嘅同意,你話會唔會有機會啲左派人士最仇恨嘅「反對勢力」能夠阻止政策落實?唔通我哋中國未受夠單一個「好心人」做事咩?

為未來創業家反對

其實,我咁反對呢條法例嘅原因,係為咗全香港小朋友嘅未來去反對。就算要用到最後一口氣,我都會反對畀政府咁大權力去擾民。我唔想見到未來嘅主人翁,他朝變成創業家嘅時候,每次做商業決定嘅第一個考慮唔係點樣令顧客同消費者更加開心,而係(有錢請嘅話)打電話畀律師問「可唔以可做?」最後,我想向消委會陳黃穗講,我知道你係一個好人,不過呢條法例is a bad law。如果通過嘅話,我可以保證,100年之後,一定仲會有人話你係白癡,因為你全力推銷過。你真係想咁?

消委會總幹事陳黃穗

"快D通過「計劃競爭法」,就算出賣未來棟樑日後服務消費者機會,只要我夜晚得覺,就一於好少理!!!" 設計對白

Tuesday, February 06, 2007

樓市爆,點解美經濟冇事?

大家都知道,孫柏文經常預言花旗國經濟會因樓市爆煲而被拖垮。曾經用過「慘過八萬五」嚟形容花旗國經濟。大家可能會問:「美國樓市已經從舊年年中開始下跌,點解第3、4季經濟數據會咁好?孫柏文係唔係又睇錯?」

其實,舊年第四季花旗國樓價已經跌咗3%,令做二按攞錢出嚟消費嘅金額都跌咗好多。不過,花旗國消費者好好彩咁遇到石油價格大跌,令汽油平咗好多,所以就彌補咗樓價下跌嘅負面作用。

假 設樓價每跌1美元,做二按攞錢出嚟消費就少5美仙,因為樓價跌3%等於3300億美元,所以二按就會少咗170億美元。如果樓價跌1美元,做二按少10美 仙,二按就會少咗330億美元,如此類推。咁舊年第四季汽油平咗,令消費者多咗600億美元,所以除非樓價跌1美元,做二按少多過18美仙,油價跌就彌補 咗樓價跌。


不過我忠告大家,油價要跌20美元先至可以彌補樓價跌3%,究竟信唔信油價今年內跌到35美元?咁又信唔信樓價可以繼續跌3%?以下有兩個走勢 圖,一個就係1982年至今花旗國樓房存貨數字,第二個就係花旗國汽油價走勢。大家自己諗諗啦!

幫紫金礦業計計數

今日,孫柏文做番個資源分析員。根據路透社報道,喺前宗主國上市嘅Monterrico Metals,已接受咗2899紫金礦業「為首」財團嘅收購建議。Monterrico嘅主要資產,就係一塊喺秘魯嘅荒地。聽聞,該片荒地可以變成銅礦,所以今日就會幫紫金計一計數。

首先,紫金為首嘅財團已經宣布會保留Monterrico嘅上市地位,亦話街外股東至少會有30%嘅股權,剩餘70%自己會有31.5%。

非常保守咁假設上市嘅紫金礦業要總數承擔銅礦開發同公司收購費,紫金嘅盈利會點?以下為大家提供一個表,畀大家去分析。

營運成本嘅計算方法,係假設開採嘅銅,每磅要70美仙嘅成本。雖然喺03年Monterrico嘅招股書裏面,話估計營運成本係每磅50美仙,不過招股書裏面預計嘅銅礦生產量,係家嘅40%,所以我亦保守咁將營運成本推高。

兩大隱憂不可不知

其 實,呢單交易係對紫金非常着數,不過大家一定要記得呢單交易嘅兩大隱憂。第一個隱憂,就係唔知道會有乜嘢政府會喺未來上台,雖然喺舊年大選當中,支持自由 市場嘅候選人做咗總統,不過如果將來秘魯嘅選民選咗個大左派,咁都會爆發好多問題。輕微嘅可能抽重稅,嚴重嘅可能被國家充公資產。

第二個隱憂,就係唔知道投資者會否對紫金重新看待。一路以來,喺一眾資源股當中,金礦股特別吃香,市盈率亦特別高。

如果因為今次收購,紫金由一間金礦股,變成為一間銅礦股,就會好大鑊。原因係睇今時今日江西銅業嘅市盈率,如果紫金同佢睇齊,紫金要跌85%。究竟紫金買得好唔好?大家就要拭目以待。

紫金礦業呢個交易抵唔抵

Monterrico 每年產量 :22.4萬噸
將荒地變銅礦嘅投資 :14.44億美元,分7年攤分
收購Monterrico成本 :1億英鎊,分7年攤分
Monterrico開採 營運成本 :1543美元/噸
投資成本 :936美元/噸
收購攤分成本 :130美元/噸
收購Monterrico嘅總成本 :2609美元/噸
上周五銅價收報 : 5392美元/噸
Monterrico每年盈利 :6.23億美元

紫金每股可
盈利 :0.5港元
上周五收報 :5.12港元
紫金06年預測市盈率 :33.26倍
江西銅 06年預測市盈率 :4.81倍

Monday, February 05, 2007

知道自己被騙的一刻……

唔知道大家有冇好似孫柏文咁試過,覺得股市會升,所以走去買恒指認股證。之後,股市真係升,不過走去銀行睇股票機嘅時候,發覺自己買咗嗰隻認股證郁都唔郁,跟住同企喺隔籬個嬸嬸大叫:「我俾人呃咗啊!俾人呃咗啊!呃咗啊!」

其實,大家就算未試過買恒指認股證,都應該試過被騙。而往往喺被騙過程中,最痛苦嘅一刻,就係發現自己「俾人呃咗」嘅一刻。大家可能會問:「今日,孫柏文突然講「俾人呃咗」呢樣嘢,係唔係想安慰曾經跟住金手指建議,買過熊證嘅讀者?」我可以同大家講,雖然我日日都想安慰我啲戰友,不過今日講被騙呢樣嘢,唔係為咗熊證單嘢。

開始懷疑 慢慢接受

呢個周末,孫柏文睇到一段新聞。話說有一位姓陸、叫Bonnie嘅姐姐,佢老公四年前見到街邊有人販賣聲稱「最多會十磅重」嘅寵物豬,而佢老公知道Bonnie係一個充滿愛心嘅人,所以就用咗1800元買隻豬返屋企。點知,隻豬越養越大,去到四年之後嘅今日,已經有二百幾磅。

我睇到呢段新聞嘅時候,真係好想知道,究竟Bonnie同佢老公幾時先至發覺「俾人呃咗」?

係隻豬越養越大,慢慢開始懷疑,跟住又慢慢接受?定係有一日清早時分,個老公喺廁所「做事」嘅時候,Bonnie突然敲廁所門問:「老公,我哋隻豬係唔係真係最多會重十磅?家已經一百磅,使唔使去寵物店問吓佢哋有冇畀錯豬我哋?」

Bonnie姐姐好好人

不過,我見到Bonnie喺電視機被電視台訪問嘅時候,真係非常妒忌佢老公。點解?理由好簡單,Bonnie姐姐就算被騙,搞到屋企擺咗隻二百幾磅重、每日瞓覺都瞓20個鐘嘅豬,都冇「隊」佢出街,就知Bonnie姐姐一定好好人。

唔好話係隻豬,當年讀大學放暑假嘅時候,我每日瞓20幾個鐘,孫媽媽忍咗幾日之後,連自己個仔都「隊」咗出街,叫我搵暑期工做,所以,我今日一定要重申:「Bonnie姐姐一定好好人」。


人可謙虛 職不可貶

呢幾日,已經有好多人分析過特首曾蔭權嘅競選口號「我會做好呢份工! I'll get the job done!」究竟呢個口號有冇用都真係唔關我事,因為我冇票。其實,作為一個番書仔睇呢句I'll get the job done,都估到特首想玩modesty,嗰種由冇變有嘅「香港夢」,嗰種就算有日飛黃騰達,都唔會飄飄然嘅踏實心態。即係好似克林頓Bill Clinton成日都話自己係由Hope Arkansas嚟一樣。

不過,我想提醒曾特首,口號嘅中文版「我會做好呢份工」,真係有少少貶低咗特區首長呢個身份,唔知係唔係繙譯嘅時候出咗問題。為咗避免再有呢種情況發生,特首競選辦應該從今開始盡量減少搵啲番書仔嚟度中文口號。最後,同大家分享網友幫特首個口號value add嘅圖片。

Saturday, February 03, 2007

看不到的肚腩...

穿上jacket,看不到的肚腩...

It is easier to hide one's keg like belly with a jacket and sitting in that posture...

See who I have met today! 大家睇下孫柏文撞到邊個?

今日,孫柏文參加了一個辯論「計劃競爭法」的研討會。當中撞到一個相信大家如果有睇開雙語 Incoherent thoughts熟悉的人。

睇片!




睇下 fan 屎講乜

A fan of mine... hahahhaha

Check out his succinct critique of my masterpiece on (long tail) educational videos posted on Youtube.

Friday, February 02, 2007

真係好兄弟...

兄弟要追女仔,一定要幫到盡 !

Are you willing to take one for the team, so that your buddy can live the dream?



投資銀行中,真係多八婆?

Investment banker chicks...

建制打壓金價

噚日國際貨幣基金IMF放風,話因為冇機會放債畀啲「問題經濟」國家,令到收唔夠息去彌補營運開支,所以諗緊好唔好賣晒手上嘅黃金。以上係官方嘅解釋。

不過講真,真正原因係想打壓金價。喺上個禮拜六《蘋果日報》投資講座,我曾經為觀眾提供過以下日圓兌黃金嘅圖(圖三)。當日,我話過世界所有市場都可能會有 壓力,因為日本央行唔想見到金價突破舊年5月嘅高位,所要可能會將濫發鈔票產生出嚟嘅錢抽走。不過,日本經濟數據又再次轉差,所以日央行不得不繼續濫發鈔票。

想 濫發鈔票,又想金價跌,可以點?

唯一方法就係一味靠嚇,IMF放風話賣黃金,仲要話「會盡量小心唔隊冧金價」,即言下之意就係「不過一唔小心就會隊冧金 價」。當然,如果要金價跌,首先市場要信IMF真係有隊冧金價嘅能力。可能世界上有太多人唔信IMF真係咁嘅能力,所以IMF仲要加多句:「我哋會叫其他 中央銀行減少賣金!
」言下之意就係「如果佢哋唔合作,金價就會冧!」就係咁,呢齣戲只需要有一兩個中央銀行走入嚟話「照賣可也!」就應該嚇跌金價。不過, 睇噚日金價走勢,呢齣戲嘅觀眾好似唔係好驚,因為金價照升!




重申一注獨贏買H指沽證3497

舊年最後一個交易日,即12月29日,孫柏文曾經叫大家「一注獨贏買H指沽證3497」,我話要買H指沽證嘅原因係06年尾嘅急促升勢,實在太過似03年尾嘅H指走勢。當年,H指就係喺04年1月頭幾個交易日見頂,之後5月見底。

12月29日當日,我有過叫大家揸隻沽證到1月尾,跟住就輸贏都要離場。雖然H指由12月29日到1月31日跌咗差唔多700幾點,不過如果大家有聽我嘅說話離場,咁就只係賺咗10幾%,雖然夠畀佣金同印花稅,不過就絕對唔夠錢買驚風散。

孫 柏文本身仲未放貨,而今日我想叫大家繼續持有H指沽證。如果大家睇吓個走勢圖(圖一、二),喺04年頭幾個月,上海A指都有繼續上升,頂住H指。不過今次 有可能因上海A指舊年尾升勢太急,所以今年就已經要跌一排。如果係咁,大家不妨繼續搭順風車,睇吓上海A指下跌會唔會拖累H指下跌。所以今日重申一注獨贏 買H指沽證3497,而將建議有效限期推遲一個月,喺2月尾再檢討。

Thursday, February 01, 2007

點解黃金最後在80年代下跌

上個禮拜六,我哋《蘋果日報》喺灣仔會展舉辦咗投資講座,孫柏文有幸作處女表演。當時,我呼籲大家參加「白銀戰隊」,一齊「一注獨贏買白銀」。理由係當不久嘅將來,市場對美元購買力失去信心時,白銀可令大家避開通脹嘅一劫。

當日我亦講過,最能代表美帝嘅美元,喺千禧年代面對嘅壓力同挑戰,同上世紀70年代非常相似。首先,70年代有嚴重經濟衰退,千禧就有「世紀樓市泡沫爆破」,結果令中央銀行瘋狂印發鈔票,令貨幣供應有如滔滔江水、綿綿不絕。

跟 住再有美帝軍力備受質疑,70年代中有美軍戰敗撤出越南,再有美帝喺中東嘅最大盟友,伊朗國王Shah of Iran流亡海外,換來一個對美恨之入骨嘅執政團體,最後仲有蘇聯以好似好輕鬆嘅姿態,「步入」阿富汗。千禧年代就有美軍不能擺平伊拉克,或者收復阿富汗 嘅叛軍。

大家可能會問:「一個國家嘅軍力,同佢保 護貨幣購買力嘅能力,有乜關係?」問得好!其實,一個國家嘅紙幣只不過是一張欠單,手上嘅紙幣最重要變換成有用嘅嘢。例如,港元同美元掛鈎,港紙就係一張 「隨時可以還美元」嘅欠單。以前,即係1971年之前,美元同黃金掛鈎,美元就係張「隨時可以攞黃金」嘅欠單。今時今日,美元已經完全自由浮動,大家繼續 持有美元,都只因覺得攞美元可以換到其他嘢。

就 算有一日,花旗國乜嘢都冇得畀你,大家最終都相信美帝會派遣軍隊去世界任何有資源嘅地方,美軍會有能力去搶啲嘢番嚟,去實現美元嘅購買力。呢個「軍隊搶嘢 番嚟去兌現紙幣」嘅「終極保證」,自古至今,不論係羅馬或蒙古帝國,都係紙幣令人揸得安樂嘅原因。其實,花旗國曾經喺03年嘗試過體現呢個「終極保證」。 當時花旗國揮軍攻擊伊拉克,如果可以成功大幅提高石油產量,令油價大跌,就變相令美元購買力大幅增強。所以,市場對一個國家嘅軍力睇得咁重。

全球人類集體懺悔

講 座當日,解釋完美元面對嘅壓力之後,有個觀眾問問題嘅環節,不過因為時間有限,好多問題都未能解答。所以今日想為大家答其中一條未能解答嘅問題。有觀眾 問:「點解去到80年代,黃金、白銀最終都從高處跌落嚟?」

原因其實很簡單,首先有列根總統上台,令全世界對美帝霸主地位重拾信心。不過最緊要係,當全球 經濟已經變成依賴濫發鈔票過日嘅癮君子之時,突然出現一個「貨幣神父」叫Paul Volcker嘅做聯儲局局長。佢堅毅不屈嘅福音戒毒手法,將新嘅貨幣供應停止,將濫發嘅鈔票攞走,手段包括將聯邦基金息率喺80至81年之間,三度提升 至2
0%。全球經濟面對20%息率,就有如全球人類進行集體懺悔。今日,為大家提供咗一幅走勢圖,論盡79至82年之間息率同金價嘅關係。

黃金、白銀係神 賦予世人嘅貨幣,凡人如果覺得自己有能力創造另類可以經得起歷史考驗嘅紙幣,就一定要間唔中進行80年代初嘅嗰種集體懺悔。不過所有驚黃金、白銀會跌嘅朋 友,我有兩個問題問你。第一,如果現任牛仔總統係Nixon,下任總統會係卡特或列根?第二,你估幾時先至再見到聯儲局喺兩年之內三度將息率提升至 20%?所以黃金、白銀仲有排升,大家要「一注獨贏買白銀」!

I got a new neighbour...

Next to my 金手指 column is a new writer to Apple daily. He has written before in one other newspaper. I was a fan of his...

You all might just be familiar with him. =P

Anyhow, just want to say to him...

Welcome back to writing and welcome to Apple Daily!

Preview for tommorrow...

The biggest fan of silver in Hong Kong (me) will explain why gold and silver fell in the 80s.

Yes... I shall face the biggest argument against buying precious metals one can dig up.