Wednesday, April 22, 2009

傳媒不敢報的壞消息

Blogs kicks ass... Mainstream media could be quite conservative... But whatever happens, the rumour receiving advantage on being near a trading desk has been eroded...

---------------------------------

禮拜一,孫柏文寫咗篇「美股short得」嘅文。到特區時間夜晚,花旗國股市即裂口低開,跟住就一路跌到收市。

大家一定覺得我又認屎認屁,會話啲花旗國投資者,搵繙譯睇完我篇文後,就拋貨。但今次連我都唔敢認。

傳壓力測試美16銀行唔掂

不過大家有冇發覺禮拜一嘅跌市,如果你當晚或第二朝睇傳統主流傳媒,對跌市係一頭霧水。原因係嗰晚導致市場拋貨嘅消息佢哋唔敢報。個消息就係話壓力測試結果已外流,結果非常差。好多料爆,其中3點包括:

1)19間銀行,16間會肥佬被揭係資不抵債。
2)16間肥佬銀行中,冇一間頂得住還款率惡化。
3)16間中任何兩間要國有化,FDIC(美國聯邦存款保險公司)即時冇錢。

咁震撼,點解主流傳媒唔報?理由有兩個:

第一,太震撼。有如當年克林頓搞囡囡一樣,唔敢報。如果消息係流嘅就玩完。所以同上次一樣,網站報道

第二,爆料嘅屬「白人大晒主義」嘅網站,雖然之前已踢爆過政府內部消息,不過財經傳媒唔敢信。究竟唔報道啱定唔啱就其次,最重要係你唔知,但有人信兼拋貨,搞到市跌令你輸錢就大鑊。

你可能問,個網站係咪死好彩,嗰日出消息咁啱遇跌市呢?如果市場覺得呢個網站消息係冇料到,跌市只係咁啱,財政部噚日就唔使同日突然發聲明澄清。

之前個個話啲銀行全部都會pass,其實忽略咗一樣嘢。如果奧巴馬真係想控制銀行,話佢哋唔掂,係注資做控制性股東必然要行嘅一步。19 間會有16間唔掂?出奇係仲有3間OK!

8 comments:

  1. 所以你認為這消息是真的,可信的?

    ReplyDelete
  2. 由網絡來踢爆,依 d 野響花旗國仲可以發生,響香港,又會俾蒲力屎(係咪 CCB ?)屈你《不誠實使用電腦》架喇。

    ReplyDelete
  3. 16間會是那些銀行? 是否Monday大跌個D?

    ReplyDelete
  4. 嘩!冇睇你個 blog 兩三日啫,乜咁多堅料?

    ReplyDelete
  5. 冇錢呀,pump錢,印銀紙...

    現在咪佐人發達,叫人put...

    雖然國家D錢回流上去.....
    不過仲有部分國外華人資金回來跟炒..,炒..

    暫時要再大趺,較難...
    仲未有一個即時導火点??

    泰國?? 日本?? 定中國??
    或是北韓....

    ReplyDelete
  6. 亞羊 must be load up on bannnkk stocks...

    ReplyDelete
  7. 對不起,亞羊只持有..... 金..金.. 金..

    股票 只有...中石油, 中石化...
    都是 IPO價....

    亞羊最喜歡沽銀行股,尤其是HKB,渣打...
    仲有CITI.... (一句口號)
    CITI (股東) never sleeps. (隨時成間closed)...
    幾但塊錢跌下來,幾有滿足感..

    多謝關心

    咩... 咩... 咩...

    ReplyDelete