Tuesday, April 03, 2007

一夜之間中產變無產

今時今日喺花旗國,好多人成日話:「如要中產變無產,只要一場大病就得!」大家可能會問:「咁關香港乜事?」孫柏文今 日就要問大家,知唔知喺我哋特區裏面,又可以點樣由中產變無產呢?大家可能會答:「炒股票!賭馬!賭波!買樓!」

雖然以上嘅答案全部都啱,參與者真係可以 一夜之間中產變無產,買樓甚至可以負資產,不過一個人是否參與以上嘅活動,就肯定係人嘅選擇。相信當今世上,冇人會希望患病,更冇人會選擇患大病,所以我 話,以上嘅答案冇個啱,因為冇捕捉到嗰種慘況。

所以我話,喺我哋特區裏面,要一夜之間中產變無產,最直截了當嘅方式,就係被人告。冇錯!如要中產變無產, 只要一場官司就得!原因其實好簡單,因為喺我哋特區裏面,大律師好貴。一個大律師,例如湯家驊、梁家傑、余若薇,分分鐘睇吓文件,都要二三十萬,第一日出 庭,就50至100萬,之後每日又十幾萬。如果場官司比預期日數少,一於好少理,錢照收,不過可以減半。所以,如果你唔好彩係一個中產,要打官司,分分鐘 可以雙手拱讓成百萬畀啲大律師。

豁免大律師嘅公平競爭法

孫柏文讀 過幾年經濟學、做得財經口水佬,當然明白「價高」唔等如「貴」。無可否認,大律師收費高,不過更肯定佢哋係掠水。佢哋掠水、唔抵嘅最直接簡單原因,就係因 為冇競爭,所以先至可以當香港市民係水魚,係咁㩒。當然,每個社會都會有人因為有法例保護,所以先至可以做到廣大市民嘅吸血蟲leeching off the sweat and blood of society,我對leeches見怪不怪。

不過,令孫柏文作 嘔到要寫公民黨班大律師嘅原因,就係佢哋居然可以大大聲話,香港需要「(豁免大律師嘅)公平競爭法」。以前已經多次講過,計劃競爭法點樣侵害公民權利,最 後會爆發好多官司,仲因為好多證據會模稜兩可,所以啲官司會打好多日。

我可以保證,如果你係中小企,有人(例如營運手法守舊嘅對手、「社會運動家」、唔鍾 意你去過七一遊行嘅政敵等等)唔鍾意你競爭得太劇烈,想幫你設計同計劃你公司同行業嘅競爭手法,用計劃競爭法告你,相信你計完條數之後,一定投降。

法例之下人人平等,假嘅

其 實,以前香港大律師係有競爭,例如引進其他普通法地區嘅大律師。不過今時今日,一定要證明畀「大律師公會」睇,香港冇嗰種官司嘅大律師,先至可以喺外國 請。記得,呢個本地大律師唔需要叻,最緊要係佢啲同行覺得佢「識」就得。你哋話畀市民有選擇有得揀緊要啲?定係保護同行嘅收入緊要啲?市民冇得揀大律 師,絕對唔係老闆,不過跟住班大律師就話香港需要「鼓勵競爭」,班大律師英文咁好,一定知道咁樣叫做hypocrisy。公民黨班大律師會開放大律師市場 嗎?所以……

湯家驊,hypocrite。

梁家傑,hypocrite。

余若薇,hypocrite。

吳靄儀,hypocrite。

最 大問題就係一條計劃競爭法,一定會豁免大律師,豁免亦即係等如喺法例之下唔係人人平等。有啲人喺法例之下,大律師就above the law。公民黨果然係「港式法治精神」樣辦中嘅樣辦。最後我想問公民黨班大律師:「Exactly from which moral high ground are you asking us to suffer your law?」

5 comments:

  1. 金手指:

    恭喜你﹗一指中的﹗請繼續問各位非常「尊貴」的大律師,如李柱銘等,及其他以捍衛大眾利益作為政治本錢的大律師及律師,請問何時有明碼實價讓市民有一個選擇。另外,請大律師公會用民主精神增加透明度,如何由大律師轉做資深大律師,他們互有甚麼親戚及師徒關係亦應列明,包括大法官、法官與資深大律師之間的裙帶關係,互相通婚、或師徒等等關係,以證明司法公正,人人平等。這亦可能令香港有大發現,這就是原來所謂大律師及法官都不一定正大光明。

    不敢打官司的中產小市民

    ReplyDelete
  2. 各位高高在上的大律師, 你會明白我們這些低下階層的生活及處境嗎? 你會懂得保護自己的利益, 那我們呢? 你們在ivory tower裡, 根本不知道一個小市民只希望做好一份工, 有糧出, 安居樂業, 這是最基本的條件. 你們所謂的"利益"是用那一些criteria來設定及衡量?
    我們在什麼地方買東西都是明碼實價. 為什麼作為一個大律師, 就不需要嗎? 這樣, 你有想過如何保障消費者的利益嗎?

    ReplyDelete
  3. being harmful socialists are fine

    as long as they know they are socialists...

    The barristers actually think they are free market?

    ReplyDelete
  4. Just read the post and your link again...

    So whats the civic party's reason on the exemption of barristers then?

    ReplyDelete
  5. warhammer gold warhammer money warhammer accounts tibia money tibia gold tibia item runescape accounts buy runescape accounts runescape money runescape gold runescape gp runescape power leveling runescape powerleveling cheap rs2 powerleveling runescape equipment buy rs equipment runescape runes cheap rs2 runes runescape logs cheap rs2 logs runescape items buy runescape items runescape quest point rs2 quest point cheap runescape questpoint runescape gold runescape items runescape power leveling runescape money runescape gold buy runescape gold buy runescape money runescape items runescape accounts runescape gp runescape accounts runescape money runescape power leveling runescape powerleveling tibia gold dofus kamas buy dofus kamas wow power leveling wow powerleveling runescape questpoint rs2 questpoint Warcraft PowerLeveling Warcraft Power Leveling World of Warcraft PowerLeveling World of Warcraft Power Leveling Hellgate money Hellgate gold buy runescape logs buy rs2 items cheap runescape items Hellgate London gold Guild Wars Gold buy Guild Wars Gold runescape items rs2 accounts cheap rs2 equipments lotro gold buy lotro gold buy runescape money buy runescape gold buy runescape runes lotro gold buy lotro gold runescape money runescape gold cheap rs2 powerleveling eve isk eve online isk buy runescape power leveling rs2 power leveling tibia gold tibia item runescape accounts Fiesta Silver Fiesta Gold Scions of Fate Gold Hellgate Palladium Hellgate London Palladium SOF Gold Age Of Conan Gold AOC Gold ArchLord gold tibia money tibia gold runescape accounts runescape gold cheap rs2 powerleveling buy ArchLord gold DDO Plat Dungeons and Dragons Online Plat

    ReplyDelete