噚日，孫柏文同好多冇嘢做嘅「雙失」《金手指》fan屎一樣，晏晝乖乖哋睇電視。點知，四個免費電視台，都播緊特首曾蔭權去立法會答問大會。
不過噚日睇電視，我總覺得有啲地方唔多妥。一個立法會答問大會直播，點解電視畫面會有即時恒指走勢。20世紀嘅施政報告都話啫，因為特區地產商同本地銀行，可能會被影響，所以會左右恒指，先至要即時報道恒指走勢。
今時今日，就算曾特首話：「因為有外星人襲擊，中環地區已經陸沉。」只要港交所（388）電腦冇事，都係繼續會another day，another record high。
點解仲係播恒指嘅
幾年前，記得同我堂哥討論過恒指升跌，究竟可唔可以反映特區經濟情況。當時嘅結論都已經係唔得。所以噚日見到電視畫面會有即時恒指走勢，真係覺得唔多妥。
雖然，曾特首嘅施政報告，對股市提供利好因素嘅能力，比較低。不過，我哋日日炒嘅股市，就一定係政策市，只係祖國政策咁解。所以，如果話直播施政報告，需要有即時恒指走勢，倒不如祖國「政治全運會」嘅十七大會議直播時，同一畫面有即時恒指、H指走勢。
最驚就係，隻字不提「資金自由行」。唔講，即係冇咗啦。到時，真係可以一日跌五六千點。
做乜借錢畀大學生
最後，前晚放工，搭利世民順風車。途中聽到收音機話，今時今日好多本地大學生負債纍纍，借咗好多錢去搞搞震。收音機嘅主持人、嘉賓，就討論究竟政府係咪唔夠資助，定係啲大學生太大使。
我就同利世民講：「啲大學生肯借錢，都係一件好事。因為反映佢哋對未來收入好有信心。」點知，利世民話：「佢哋好似係借錢去炒股，搵快錢。」我就諗一諗答：「咁都唔算係壞事。就算大學生對自己未來收入冇信心，起碼對啲上市公司嘅未來收入仲有信心。」
Subscribe to:
Post Comments (Atom)
http://www.youtube.com/watch?v=5cvCcG-rNlA&mode=related&search
ReplyDelete柏文兄，呢個是一個日本節目關於「御宅族」的，有中文字幕。下次向money cafe再談這個話題時，應該有幫助。p.s. 今天中央已表態要撤換支持「資金自由行」的小川哥了！內地巿場已開始收油，難得港巿早上踩緊brake，下午又忍唔住俾油。難道港民都不知車到懸崖邊？
今午有位好友埋怨:「我上星期以$2入了 857 的 call 輪, 今早$2.7 就放了, 點知佢升到 $3.5, 賺少了真激氣.」 我話:「我成手 put 都未埋怨, 你怨乜? 857 股神減持, 想升都幾難, 我搵緊機會買 put.」好友話:「畢菲特賣股, 通常三個月仲會升, 你買put 咁勇?」我話:「畢菲特第一次賣中石油好似都差唔多三個月前啦喎. 依家咁o既時勢, 跌落o黎好難走得切.」
ReplyDelete我這位好友最近才開始買輪, 之前只會買中資正股. 可能是最近直升機市, 人賺我賺下買埋一分.
很多人知道現在的股市存在泡沫, 但當中不少「明知山有虎, 偏向虎山行」, 抱賭大細心態入市, 只求不成最後接火棒的人.
如果這類人成為市場上的多數, 恐怕想搵到人接佢地火棒都幾難...
To Allan,
ReplyDelete謝謝你的you tube-'御宅族'資料.
自從睇咗money cafe-'御宅族'之後, 覺得非常有趣, 我仲係坊間搵緊d書.
你提供的資料, 可以在另一個角度認識'御宅族'