政府幫你賣終極廣告

噚日，孫柏文睇到段新聞，話前宗主國首都倫敦有人行街時，聞到啲令身體不適嘅氣體。

倫敦作為恐怖分子襲擊嘅熱點，警方當然嚴正處理，先封鎖範圍，再派着上生化武器保護裝嘅警員，搵源頭。佢哋極速搵到源頭，原來喺間冇開門嘅餐廳內。

警員踢門入屋，希望防止更多氣體洩漏。一入屋，就見到個泰籍廚師，喺度炒辣椒做辣椒醬。

嘩！呢位廚師真係可喜可賀，連政府都話佢啲辣椒醬同生化武器一樣勁。隻辣椒醬不如改名叫做WMD，肯定大賣！