Tuesday, October 02, 2007

貼士第三季總結

10月第一個交易日,係時候總結孫柏文隻金手指為大家篤嘅貼士第3季表現。可以用以下12個字總結,「大落大上,祖國好勁,外圍食蕉」。以下成績表(附表)可以清楚顯示第三季表現,跟住我會講講展望。



白銀:呢3個月真係風風雨雨,聯儲局由自稱反通脹第一戰士,變成赤裸裸嘅紙幣狂魔。由8月中開始,濫發鈔票維護建制中嘅銀行,希望可以喺通脹爆發前,美滙指數大跌前,完成救亡。如果問市場參與者,聯儲局係咪真係可以成功喺通脹爆發前先救銀行,金價、銀價已經大大聲話:「No way!」金銀已開始上升,金價仲要挑戰06年高位。白銀升浪指日可待。

等滙控再盈警

滙控(005):以前港產電視劇,大財閥口中嘅「瑞士銀行」,講緊就係UBS等金融機構。「瑞士銀行」大家都知勁,不過噚日UBS話,因花旗國次按輸咗34億美元。今時今日國際銀行當中,市值最大就係花旗Citigroup。Citigroup大家都知勁,不過噚日就話,因花旗國次按輸咗30幾億美元。特區出產,師奶信佢多過自己老公嘅國際銀行,就係滙豐。滙豐大家都知勁,不過唔知幾時又要發盈警?孫柏文叫大家一注獨沽滙豐,未知鹿死誰手。次按問題解決?我只可以話,靜待滙豐(再)發盈警。

和黃(013):我8月24日撤銷「一注獨贏買和黃」嘅建議。因為就算3推出革命性收費模式X-Series,都係上唔到客。除非手機有革命性突破,和黃都係賣咗3算。

江西銅業(358):江銅8月27日到目標價。由年初建議至8月27升咗 48%,幾好。不過之後居然可以再升57%。江銅已經升到我唔識睇嘅地步,大家自己執生。

8 comments:

  1. 柏文兄,現時香港個巿,心水清d都知係大鑊之局。道指升,恆指可升更多;但道指跌,恆指可以跌少少,甚至乎升。我同意柏文兄對次按風暴不能小覤的講法,只不過係:現在香港個巿,出現左三批盜賊:1.外資向美國次按損手那批,拎住政府的借兵來港入巿;2.內地那些偷步入巿的漢奸;3.土生土長的本地土匪。大家都諗住有一批手持內地資金自由行的水魚即將來港接火棒。若果中央夠薑,應下定決心取消資金自由行,第一,以上三類盜賊必出現人踩人的沽貨行動,可打擊這類非理性的投機活動,進而令這些借兵於外資的政府一個重創。對於漢奸和土匪,亦作出一個懲罰。第二,有限度設立內地投資港股的窗口。第三,增設股票利得稅的數目,中國沿海水漲船高,內陸則寸草不生,中國現在的風光,有乃朱榕基時代的鐵腕宏調政策,若現時中國政府還像伯南克的憂柔寡斷,中國股巿在到達一個泡沫最大的一刻才爆破,必有美國1928及香港1973時的壯觀,亦令鄧老開革開放後的新中國,毀於一旦。

    ReplyDelete
  2. 一切已經太遲.

    就算取消資金自由行, 相信一樣踩死人.

    我們中國人最厲害的, 就是賭得大, 贏得大, 加上順景時那分莫名其妙的自信.

    北洋艦隊, 船堅炮利, 超英趕美, 一敗塗地.

    現在不少人存在僥倖心態, 以為嚴守「止蝕不止賺」, 個市跌 10% 左右就離場保本. 殊不知, 個市今日可以日日升3-4%, 亦可以一日跌15-20%. 到時, 人人止蝕, 場面肯定很壯觀.

    ReplyDelete
  3. 今個下午身邊有兩幫聲音..一幫是:『大漲小回;大漲小回』>>另一幫是:『打到黎喇;打到黎喇』!!究竟誰對誰錯?!!p.s.今晚又到栢文兄做節目..大家記得捧場.

    ReplyDelete
  4. 今日個市真精彩,5號仔上升超過150元,"一注獨沽匯豐"睇黎唔惦...
    是匪是盜也好,經過8月大奇蹟日後,有邊個會信個市大跌,雖然如此,有腦都知個市瘋狂,唔會亂入市,睇黎未係大跌時機,淡友要等等。

    ReplyDelete
  5. I love it!

    1.外資向美國次按損手那批,拎住政府的借兵來港入巿;

    2.內地那些偷步入巿的漢奸;

    3.土生土長的本地土匪。

    hahaahaha

    But the market... Every person who knows they are an idiot for buying now, consoles themselves by saying "THERE ARE BIGGER IDIOTS COMING!!"

    ReplyDelete
  6. 個問題就係呢到,點解我地偉大的祖國會比人覺得將自己的人民俾呢三類idiot成為更idiot呢?

    我可斷言,若中央有決心打擊呢三類idiot,一句:基於維護中國人民的投資利益,暫時擱置港股直通車。港股好自然會調控到一個合適水平(原理好似當年取消八萬五咁,雖然好多人負資產,但起碼令到現在居者有其屋,死都係班炒家)。一個國家的興衰,要取捨要讓一批暴發戶在適當時候得到教訓,還是讓平民得到溫飽。

    p.s. 柏文兄你都係留番鬚,回想當年你參選時的型像太囂了。都是現在形像雖然粗枝大熱,不過親切。also由住司徒拔道到住深水步沒有甚麼大不了!雖然小弟都係青姐fans,但有時佢d口吻有點兒陶三姑式的刻薄。人生總有起跌,推薦一看:《豐臣秀吉》

    ReplyDelete
  7. 江西銅業(358) is good if u like "boat cruise", the demand for copper will go down since less construction in the US.

    ReplyDelete
  8. 對於大市睇法
    我都好似一部份人咁
    由四五月開始睇住
    自己睇淡.狠狠的被夾兩大次
    真多謝~~

    對於何時會下跌?
    大家點估/計又得.唔理又得
    因為一定睇錯(笑!!)
    雖然市跌了兩天,
    仍有些人看淡股市,
    所以個人像樓上的網友看的一樣,
    仍未是時候跌.
    自己睇,30000點是可以到達的,
    我自己不買貨是因為就算真是到達30k,
    我受不了,賺不起這些錢,
    要是跌, 第一次會在25000,
    第二次會是到達19500左右,

    哈, 一定有人說我是傻的,
    但有何所謂, 要是你我常常可以估中,
    哪裡會有win or lose

    我是死硬派的淡友.
    現在的我, 是因為股市令我真真正正
    明白到幹實業才是不死的.

    大家努力!!(笑~~)

    ReplyDelete