Thursday, February 21, 2008

美證監面前 中國人含忍

2月10日,孫柏文走咗去維園參加遊行。嗰次遊行,就係網民抗議「生活照」事件爆發之後,特區差佬夾硬嚟,搞到未審過就要坐監。抗議行政執法機關,想繞過司法制度,夾硬進行私刑。抗議執法機關,為達到覺得佢哋「做咗嘢」嘅政治目的,放棄一個被告人應有嘅公義同保障。

噚日,有好多人問我:「孫柏文,點解你要為李國寶同美國證監會單嘢咁嬲?」我可以話,當日我為鍾亦天走出嚟遊行,今日就要為李國寶申寃。我已經到咗開始會諗成家立室嘅年齡;開始會諗如果有小朋友嘅話,佢哋會喺一個乜嘢樣嘅社會長大。

鍾意耍手段迫投降

多,我都唔要求。我只係想啲小朋友能夠喺一個「法律面前,人人平等」嘅世界長大。「法律面前,窮人含忍」或者「美證監面前,中國人含忍」都要全力反對。

噚日我都講過,美證監最鍾意嘅手段係迫你妥協投降,跟住要你封嘴,佢就出一份鍾意寫乜就乜調查報告。最緊要繞過司法制度,達到「做咗嘢」嘅政治目的,用輿論行私刑。

美證監用呢啲手段,已經好多年。花旗國輿論當然唔會照單全收,好多時狠批證監亂嚟。花旗國家政女皇Martha Stewart當年因為唔肯妥協投降,雖然證監原本想砌佢「內幕交易」,點知就連起訴都唔夠證據。之後夾硬告佢「阻擾調查程序」,最後都要坐監做人辦。

好多特區硬膠,例如余若薇、田北俊等等,都叫李國寶辭職、辭職、再辭職。而呢啲硬膠,全因中晒「殖民地自卑毒」,跟咗帶頭要處李國寶私刑嘅pied piper David Webb。而David Webb自己,就當美證監份調查報告係聖經。

為政治目的乜都寫


我講畀大家知,花旗國政府係一個可以為咗達到政治目的,乜嘢報告都可以寫出嚟。求其寫啲嘢,跟住要外國高官下台,你估係第一次咩?不如就去問吓有家歸不得,駐守伊拉克嘅美軍小士兵。

David Webb作為港交所嘅董事,年年都會提供股票貼士。最驚係輸錢,有人入稟美國法院,要告佢。雖然冇牴觸香港或英國法例,最怕佢好似「NatWest 3」三位英國銀行家,Webb返祖家度假時,被引導去花旗國受審。到時就真係報應。

恒隆主席陳啓宗可能以前因為同美證監交過手,知道群情洶湧時佢哋可以幾咁無賴。關於李國寶佢一矢中的咁話:「賠錢送賊」。完全冇錯。

11 comments:

  1. 鬧得痛快 ! 花旗佬(政客)只得把口仁義道德,其實手黑手辣, 卑鄙無良.

    P.S. 白銀買得少, 而家加碼會唔會蝕章 ? 請隊長指點迷津.

    ReplyDelete
  2. 香港人&記者面前 EDC都要含忍啦... 比人偷左相仲要認錯退出, 同李國寶既賠$送賊一樣...係荒謬, 但全世界都覺得合理

    ReplyDelete
  3. 我覺得直情係:「美帝面前, 全球含忍」

    唉... 不論男人女人, 都要含忍...

    ReplyDelete
  4. 雙語先生:請勿挑起民族仇恨!!

    ReplyDelete
  5. 雙語先生......雙乳小姐在哪?

    ReplyDelete
  6. 點樣挑起民族仇恨 ? 花旗政府話乜都要 yes sir, 要含淚去忍先得 ? 花旗佬所謂法律亂忍咁黎, 全世界人有目共睹.
    一個他國公民, 被花旗政府聲稱佢在他國土地上犯下美國罪行, 派兵攻打他國, 抓獲此人回美國受審, 判刑, 在美國服刑. 這人唔係薩達姆, 薩達姆冇咁好彩, 此人係巴拿馬前總統諾列加.
    而薩達姆 case 更好笑, 在自己國土上擁有大傷力武器都算係罪 ? 何況根本就冇 !
    呢的係文明人的法律 ?

    ReplyDelete
  7. 柏兄:

    你唔記得孟德斯鳩的話嗎?否則人不會對權力如此趨之若鶩囒~~~~~~:P

    Anonymous said...
    雙語先生:請勿挑起民族仇恨!!

    This is the fact,but not the advice:)

    阿茂:

    有無睇過大崩壞一書?天理昭彰......:)

    Daniel.

    ReplyDelete
  8. 點解今日apple無金手指
    你又去左japan?
    今日互動有無你
    不如135 升番6蚊我地去食鮑魚

    ReplyDelete
  9. 寫得真好﹐完全到題。美國的法制一向就是無人性﹐非常有問題(最喜歡用"合法的恐嚇"來迫人和解--不論刑事或是民事)。現在還常常用這些方法對付其他國家的人。美國的肆無忌坦故然討厭﹐其他國家屈服也許只是因為美國有大量的大殺傷力武器﹖

    關於有問題的美國法制的好書﹕
    The Judges, by Martin Mayer

    http://molewisdom.blogspot.com

    ReplyDelete
  10. 大狀都話和解當有罪先不能知所謂! 笑能死人!

    ReplyDelete