要向M小姐道歉

講起幽默感，孫柏文今日真係想向黃大仙嘅（學左丁山叔叔先！）M小姐道歉。事源，前晚M 小姐請我去記者協會嘅ball。當時，我啱啱寫完噚日篇文，話對舊年喺網上寫「我想炸廸廸尼……唔該」，繼而被捕嘅林嘉樂非常失望，因為佢由唔認罪改為認 罪。由一個可以為了言論自由對抗強權嘅戰士，變成另一個屈服於政府白色恐怖之下嘅犧牲品。

不過，作為一個肥仔，食物一到，我就將言論自由等等嘅嚴重議題， 暫時放低。

直至到嘉賓──管科技、網上行為嘅王永平局長上台致辭，對住傳媒工作者，王局長當然要擦擦鞋，講啲啱聽嘅說話。當時，我已經用極速嚥下主菜，可 能食得太快，所以有點作悶。而今日要道歉嘅原因，係當王局長引述Voltaire對言論自由嘅一刻，我嘔咗出來。諗起林嘉樂，聽埋王永平，真係有gag reflex。