去當舖醜怪？搵私貸！

噚晚，5間央行宣佈新嘅「推錢入銀行體制」救市計劃。原因係啲銀行寧願借唔到錢，都唔想去啲央行嘅「緊急借錢處」discount window借錢。理由係如果俾人哋知間銀行要去「緊急借錢處」借錢，就會令人覺得間銀行唔掂。

即係有如孫柏文走去當舖，俾老竇見到，佢一定問我：「呢排係咪輸咗好多？」所以今時今日，我要做個人融資活動時，會望落「好正常」咁，去啲銀行做「私人貸款」。

睇落冇咁尷尬

基本上，做嘅嘢一樣，不過睇落冇咁尷尬。噚晚5間央行宣佈嘅新計劃，就係知啲銀行懶要面，唔肯去央行嘅當舖。所以就推出咗呢個叫做term auction facility嘅「私人貸款」。啲銀行會唔會借？咁我就要問問你，你覺得借「私人貸款」O唔OK？