美國熊市正式揭幕

噚日凌晨時分，花旗國聯儲局開會減息0.25%。「減息？好！」一向以嚟都係填鴨式（投資）教育嘅標準答案。不過噚日凌晨，一宣佈減幅，花旗國股市即刻跌你三百幾點。孫柏文覺得，個股市有如唔夠糖食嘅小朋友，喺度扭計。

唔夠糖食扭計

當然，大家可能覺得，噚日凌晨金融系統嘅「反應」，唔係個扭計小朋友，而係唔夠藥嘅癌病人，喺度嘔血。點都好，現實係聯儲局「發功」時，個市居然跌。聯儲局除咗加大力度，已冇板斧。

即係話，除非基本經濟改善，否則股市唔會升，因為從噚日開始，聯儲局為股市提供嘅影響，只會係「負面」。亦即噚日凌晨，花旗國熊市正式揭幕。