Monday, July 28, 2008

三十年前 奸商名單

上星期,商務及經濟發展局局長劉吳惠蘭女士為佢嘅「逢商必奸」言論作解釋,透過新聞秘書話佢當日嘅言論只係憶述三十年前嘅世界,而今時今日社會環境已經唔係咁。

孫柏文睇到,知道唔係講緊我,因為三十年前我仲未出世,所以對於佢嘅澄清都收貨。

今時唔同往日


不過,作為一個一向關心別人感受嘅人,我將自己代入三十年前劉吳惠蘭嘅處境,嘗試扮演佢,幻想自己係三十年前二十幾歲、啱啱港大畢業,走去大學嘅就業介紹處,搵個adviser指導吓嘅經驗。

去到坐低,個adviser拎住叠資料同劉吳惠蘭講:「以你嘅成績,應該好多大公司爭住請你,係你揀工而唔係工揀你。」於是對方就叫劉吳睇吓啲資料,點知一見間公司個名,就諗起間公司嘅負責人,繼而諗起佢嘅奸詐、不擇手段嘅邪惡。劉吳惠蘭逐張逐張公司簡介拎喺手,對住個adviser講:
「滙豐銀行,沈弼,奸。
太古洋行,Swire,奸。
怡和洋行,Keswick,奸。
和記企業,祈德尊,奸。
中電集團,嘉道理,奸。
東方海外,董浩雲,奸。
新鴻基地產,郭得勝,奸。
長江實業,李嘉誠,奸。
九龍倉,包玉剛,奸。
電視廣播,邵逸夫,奸。
新鴻基證券,馮景禧,奸。
東方石油,霍英東,奸……」

幻想完後,孫柏文嘗試用計數機計吓,以上公司三十年來交稅養活好似劉吳惠蘭呢啲咁嘅公務員嘅款項有幾多,不過因為小弟嘅計數機只係得12個位,當然計唔到啦。

於是我又諗,當時以阿惠蘭嘅激情抱負,冇理由唔叫啲同學唔好加入商界,以免助長奸險商界的歪風,成為邪惡勢力嘅幫兇。作為金手指嘅fans,如果你係劉吳惠蘭當年嘅同學,不妨電郵給我,分享吓佢當年點樣用佢嘅魅力同感染力,成功說服你放棄從商、進入私人機構嘅道路。

經濟神話之形成

最後,我想知道,讀者之中有冇一啲係以上提過嘅公司嘅後人,如果你係,你係咪好應該企出嚟,對劉吳惠蘭話你上一輩、三十年前通通都係奸商作出回應。唔講不但對你祖輩唔公平,而係對嗰一代將香港變成經濟神話,令我哋今時今日有機會嘅後輩唔公平。求求你哋,出聲吧!

We can't let this stubborn, self-righteous, ungrateful, unrepentant bitch get away with this。

11 comments:

  1. "奸詐、不擇手段"和"將香港變成經濟神話"是沒有衝突的,請不要將"手段"和"結果"混為一談.

    販毒致富,然後捐很多錢給慈善機構的人,如果我稱呼他做"毒販",又是否對這個"慈善家"不公平?

    逢商必奸,不奸就無法從商.從商的手段正當與否和他們對社會的貢獻是沒有關係的,大慈善家也未必一定憑良心做生意

    況且他們口中說的"貢獻"只是納稅和"提供服務,商品,創造就業機會",實在有點說不過去.

    納稅是公民責任,談不上甚麼貢獻."提供服務,商品,創造就業機會"全都是為了營利,是有金錢回報的.而在營商的過程中,往往都是有"淨回報"的----從社會得到的回報大於向社會的付出.沒有人會做虧本生意的.

    人的好與壞從來不是,也不應該由他可以創造多少財富來決定.賺錢多,"促進經濟繁榮"的商人不等於一定是好人,"創造香港經濟神話"的商家也絕對可以是"奸商".

    誠然,選用一個有"仇商心理"的人做商務部長,曾特首的確有點欠缺政治智慧,但是也不至於要用"stubborn, self-righteous, ungrateful, unrepentant bitch"這樣侮辱性的詞語形容劉太吧....

    一句"逢商必奸"都會招來這樣的謾罵,香港人是不是要把大商家當神來拜?

    ReplyDelete
  2. Seems you have forgotten Chief Secretary's family business:Peninsula Knitters and many others.

    ReplyDelete
  3. 香港沒有"奸商",社會會變成怎樣? 商人在社會上創造了許多許多成就,也作了很多貢獻,所得盈利正是社會對該工司的盈利。

    "納稅是公民責任,談不上甚麼貢獻"則很難說過去。難道商人把自己努力的成果,養活了數十萬人,還說沒貢獻?

    若沒有"奸商",劉吳惠蘭大概還在耕田養牛擠牛奶。

    ReplyDelete
  4. 回飛蚊導彈:

    部分觀點實在不敢苟同:
    "貢獻"只是納稅和"提供服務,商品,創造就業機會",實在有點說不過去.

    社會的繁榮發展絕對是企業家貢獻,
    是政府把香港的鐘錶玩具珠寶賣得世界聞名嗎?
    是政府把香港的貨櫃碼頭吞吐效率提升到世界前茅的嗎?
    政府插手發展會有何貢獻,看看中國開國時的五年計劃就知道了

    納稅是公民責任,談不上甚麼貢獻."提供服務,商品,創造就業機會"全都是為了營利,是有金錢回報的.而在營商的過程中,往往都是有"淨回報"的----從社會得到的回報大於向社會的付出.沒有人會做虧本生意的.

    淨回報之下,是有淨虧損這回事的。你不能把企業家承受的風險不當是一回事,否則社會上每個人可以當老闆,不用打工了是不是?企業家沒錯是沒有做虧本生意的打算,但卻有虧本的可能。

    "stubborn, self-righteous, ungrateful, unrepentant bitch"這樣侮辱性的詞語形容劉太吧....

    老實說,除了bitch一詞以外,其他沒甚麼攻擊性,想想馬田李在"言論自由"的社會下寫個文章都被人攻擊為漢奸,再看看美國總統選舉,clinton可以罵對手做"白痴",老實說,八婆一詞是很輕力了...
    作為一個政治人物(還不是新人,與一眾副局長們不同)可以在公開場合都可以說出如此不當的話, 平時是怎樣我很難想象,真的令人憂心

    政治的世界老實說我不見得有何"光明"可言,遠的不說,看看我們的前信保局總監先生就知道了...

    香港人是不是要把大商家當神來拜?
    這不是非黑即白的邏輯,我批評劉太的爛言論不等如我是崇拜商人。

    ReplyDelete
  5. thank you sam... thank you...

    All I can add is this...

    We'll see what happens when she pushes competition law come next year.

    ReplyDelete
  6. 咁我地幫奸商打工, 為奸商賺錢, 係唔係幫凶, 係唔係罪大惡極?

    咁政府要打工仔交稅, 我地辛苦賺地的錢每年都要上繳, 係唔係都係奸商的行為呢?

    ReplyDelete
  7. 如果沒有商界,是否所有工作都收歸政府所有?全部工作由政府分配,由政府出糧?要不要來個固定工資,每人出糧的數目劃一?劉吳惠蘭真的比共產黨還要共產!

    談到三十多年前,連香港的總警師及差人都貪污,向小販及弱勢社群收黑錢或利是,到底商界是否比公務員奸?如何計算誰比較奸?

    一個坐上商務及經濟發展局長的人,一上場就說商界好奸,比葉劉及阿松更白痴!一個政治心態不正確的人做局長,只反映香港政冶人材不足。用unrepentant bitch來形容她的確有點侮辱性,應該叫她早日下台,免得政府民望再次向下。

    現在商界完全不受到局長尊重,以後的日子肯定難過!

    ReplyDelete
  8. 對呀, 以前d政府公務員, 由上至下, 都係貪官, 欺凌大眾, 令到民不聊生. 警察要收保護費, 無錢就唔會幫你, 見死不救; 消防無錢都唔會開水喉; 郵差派信都要另外收錢...呢d例子多不勝數.

    佢應該去做廉政公署或社會福利署等職位, 唔好同商界有任何接觸.

    不過, 佢嘅EQ好似比葉劉更低...

    ReplyDelete
  9. 有位後生仔咁清高, 唔做奸商幫兇,唔去打工,唔知佢點生活呢?

    唔通係靠奸商交稅的錢去打政府工? 定係拎奸商有份進項貢的綜援?

    話時話, 清高後生仔用緊大奸商的網頁, 幫奸商助大佢地盤,唔知清高後生仔知唔知佢幫左奸商一大個忙呢?

    噢,唔知清高後生仔有冇俾錢買米高傻軟件, 有冇每月進貢奸網路商.如果有, 咁咪明益奸商,做奸商幫兇?

    誠然,選用一個"奸商製造"的產品做清高後生仔的扑,軟件,網路商,清高後生仔的確有點欠缺骨氣

    ReplyDelete
  10. 地產大奸商夾手夾脚唔投東涌地,抗議政府政策,政府起番居屋,起越多越好,價錢越平越好,而且唔再俾奸商勾地,睇你班大奸商點死.

    ReplyDelete