恒生供股？

如果我話，當今世上最好睇嘅網上廣東話節目，係我有份主持，每日四點半喺 http://finance.appledaily.com 有得睇嘅《你貼股 我教路》，孫柏文相信冇人異議。

原因係我哋節目嘅宗旨，就係網友上嚟present佢哋嘅見解，即「你貼股」；跟住主持、嘉賓、網友進行討論──「我教路」。

網友籲要仔唔要乸

個節目都做咗差唔多兩年，網友專家我哋儲唔少。

芸芸網友專家之中，我覺得最掂就肯定係「跑馬地陳先生」。

噚日，「跑馬地陳先生」打電話入嚟，劈頭第一句話：「我今日係想呼籲啲人唔好供滙豐（005），不過買恒生（011）。」

買恒生嘅原因，係因為佢比起其他銀行嚟講，透明度高。又要喺舊年賣出好多問題資產，時間掌握得好。仲要搵到位做銀行還原基本步商業貸款揸得好準嘅梁高美懿，去接替一樣咁勁，將會退休嘅柯清輝做銀行領導。

所以陳生就話唔好供滙豐，將供股權證賣出，買恒生。

睇死滙豐供唔起

不過喺陳生眾多理由當中，我覺得最會令我買恒生嘅理由，特別喺感受到滙豐股東嘅迷網之後，就一定係陳生一句：「恒生一定唔會供股……因為（恒生大股東）滙豐供唔起！」

陳生係咪好勁呢？要睇佢嘅見解，就記得每個交易日嘅四點半，睇實我哋嘅節目《你貼股 我教路》喇！