Wednesday, March 11, 2009

青姐的淚不能白流!

孫柏文唔記得邊個前輩,發明「勁假」呢個形容詞去形容每日4點後,港交所(388)嘅競價時段,不過我想話:「呢個前輩好勁!」

競價時段勁假

今年初,港交所為勁假時段進行諮詢,一百幾廿個意見,超過半數話勁假根本唔得。連當時支持港交所,希望競價機制能減低收市波動嘅人,依家都反對,因為機制根本做唔到,仲要造市易咗。

試問,點解零零舍舍會有一批滙控(005)股票,喺33蚊成交?臨收市冇、之後嗰日都冇。所有因為滙控由37蚊突然跌落33 蚊,所以相關嘅衍生工具出事而輸錢嘅人,仲會唔會夠膽再玩啲喺港交所報價嘅嘢?

競價時段is a fucking joke!

唔好話係特區經濟支柱,如果港交所係間深水埗士多,噚日單嘢根本唔會發生。因為舊年MSCI執位令幾隻股舞高弄低之後,士多級管理就算唔炒人,都已取消呢個令特區股民變點心嘅白癡機制。

不過現時港交所被政府保護嘅一所獨大情況,根本唔可以容許改錯。唔好話改錯,連道歉都冇。政府知道,由佢哋嚟管會仲衰,不過一所獨大就令港交所同證監權力大到不得了。

詹培忠對銀行嘅憤怒,唔係咩私仇,根本係源自港交所同證監失控所致。

一所獨大難改

禮拜一,青姐(胡孟青)因競價機制提供嘅漏洞,眼見滙控股民被推落街而流淚。各位金融業朋友,係時候要政府開放交易所牌照數目,青姐的淚不能白流!

3 comments:

  1. 真金白銀有買有賣又點算操控啊,唔係之前掛過但無成交咩?你都可以擺個BID在33蚊,你唔做啫,我又信查到乜野出來。

    ReplyDelete
  2. 沽空都叫 真金白銀有買有賣?
    唔係33蚊mark價嚇班羊仔
    點會有人信

    ReplyDelete
  3. 古有孟姜女哭崩長城,今有胡孟青哭崩U盤,妙哉妙哉! 拙作: http://bittermelon2009.blogspot.com/
    ^^

    ReplyDelete