支持立法會內議員有講粗口自由！

立法會議員嘅職責，係喺代議政制嘅模式下代表投咗票俾佢嘅市民。

即係幫市民講野。

08年，孫柏文係投咗票俾黃毓民。黃毓民即係代表我講野。

以前都講過，一個社會能聽到粗口，幾難聽都好，都等於個個社會係有言論自由。呢個相信好多香港人會同意，如果唔係，公民黨譚香文唔會輸得咁慘。

議事廳中，呢個自由更重要。因為當議員幫市民出聲時，言論自由被鉗制，議員就不能有效代表市民。

所以議事廳中議員嘅言論自由，係應壓倒一切。

A Legislative Councillor's freedom to speak unhindered, should be a right that rules supreme in the chambers of Legco.

仲有，行政機關嘅人，由特首打落，係冇權話立法會議員應該講D乜同唔應該講D乜。因為呢個係立法機關嘅「家事」。

至於係咪教壞細路，議員嘅工作係代表市民去議政，佢哋份工唔係做小朋友嘅偶像。

教壞細路嘅唔係D咩粗口，而係個30個功能組別議員嘅存在。連功能組別呢個概念都話可以接受，呢個message先係最荼毒小朋友！

1 min 40 sec mark.