Thursday, December 20, 2007

祖國 = 911消防員

噚日,孫柏文全力推介《Black Swan黑天鵝》呢本書,亦分享過書裏面其中一個非常重要嘅概念。就係一定要將可預測嘅「risk風險」,同冇得預測嘅「uncertainty不明朗因素」分開對待。

我亦用咗「辦賭場」嘅例子,去解釋以上兩個概念嘅分別。對賭場嚟講,可預測嘅「風險」,就係賭枱上輸好多錢畀一個客;而冇得預測嘅「不明朗因素」,就係個賭場裝修時有個工人受傷。工人告賭場,而賭場贏咗。個工人唔服,買炸藥諗住同賭場「一鑊熟」。當「不明朗因素」爆發影響非常大嘅事件,就可以稱為「黑天鵝」。

今日,我想講啲國際銀行,都係面對好多咁樣嘅「黑天鵝」。

噚日,我有機會喺有線電視節目Money Cafe,研究吓啲國際銀行面對「黑天鵝」嘅後果。我有機會聽到胡孟青比喻,經過思考,今日想同大家分享我嘅感受。

青姐引述佢以前老細嘅說話,話次按係911。我諗我係嗰個第一架飛機未撞北塔之前,叫大家逃離現場嘅人。青姐繼續話,當日有好多人喺南塔裏面,覺得唔關佢哋事,所以繼續工作。我諗好多特區投資者,屬於呢類人。

青姐又話,當日亦有喺南塔裏面知道危險嘅人,即時走去七十幾樓嘅「防火層」避難。點知,第二部飛機撞南塔時,就係撞咗落七十幾樓度,喺「防火層」嘅人無一倖免。知危險,做埋避難嘅動作,都係要死。我諗呢啲就係以上買咗「次按債券爆煲保險」嘅國際銀行,因為保險公司執笠,就算做咗避難嘅動作,都係要死。

而我,就沮喪

聽完青姐嘅比喻,再思考之後,亦得知我哋偉大祖國,繼入股「賊船」巴克萊同黑石,再入股Morgan Stanley。祖國政府就係911當日,衝入大廈嘅消防員。

而我,就沮喪。因為我係嗰個知要即走,仲要知越走越遠越好,所以走咗上部「白銀」巴士。點知,幢樓開始冧,部巴士都唔開,唔通我上錯逃生車?




祖國 = 911消防員

7 comments:

  1. Dear 孫兄,

    What I will do is buy silver when the price drop.Keep collecting!!

    cheers
    Albert

    ReplyDelete
  2. 栢兄:

    該死唔該病~~~~~~:(

    Daniel.

    ReplyDelete
  3. 柏文兄:
    我愈來愈認同你對美國經濟嘅睇法。
    (開頭無你咁悲觀)。
    出年美國都會幾大件事。
    啲人覺得大選年可能唔會有事(有人會托住)。
    但係如果太大劑就算想托都有心無力。
    我會係出年靜候大熊市嘅來臨。

    各位白銀戰士:
    請帶好安全帶,預備升空!

    ReplyDelete
  4. 是否賊船不用怕,做足風險管理,隨時可與賊共舞。

    ReplyDelete
  5. 我不是想在你blog公開以下說話,因我不打算太多人上到我自己呢個異類。只係覺得email是你私人信箱,成日不請自來不是太好,所以改在此送個聖誕預告比你,公不公開沒關係,因我都一樣會抄返上我自己blog。


    年尾時份你可有都無預測吓自己?

    我送比你聖誕禮物~【12個月後就要離開萍果日報】....你對阿里巴巴36個月預測係負面,我得到來自個天話你《錯》!而家對你的預測只需12個月,唔洗等3年,好快就知結果。


    聖誕快樂!

    ReplyDelete