Monday, December 03, 2007

SIV上身 滙豐輸幾多?

上個禮拜,孫柏文解釋過,滙豐(005)股東賬面見唔到嘅兩個SIV 雖然該死,不過點解滙豐仲要攬上身,全因啲財雄勢大嘅投資者,當時入股同借錢畀啲SIV,只因對滙豐管理有信心。如果滙豐今日唔出手相救,呢班投資者一定會翻枱,以後唔幫襯滙豐。

仲有,我亦解釋過,滙豐點解原先要搞啲SIV出嚟。理由係,理論上滙豐只係「管理」啲SIV,賬面上唔關滙豐事,就係咁繞過咗例如存款準備金等嘅政府規定,加大槓桿比率。槓桿大啲,如果順風順水,錢都賺多啲。

SIV本身都係借短債,需要不停循環貸款,一路新錢冚舊數。點知啲SIV 真係出事。借唔到新錢,你可以話因為有credit crunch,又可以學我咁話,因為啲SIV根本係資不抵債。點都好,滙豐就攬上身。

大家自自然然下個問題會問:「上身,滙豐嘅代價係乜?」如果順風順水,SIV啲資產真係冇事。滙豐不但冇代價,仲會賺錢,因為原先SIV股東同債權人會賺嘅錢,全歸滙豐。滙豐仲因為對啲投資者不離不棄,贏埋口碑。

一吓就要跌15元

當然,作為叫大家「一注獨沽滙豐」嘅財經口水佬,我唔覺得呢個童話故事式嘅結尾,會發生喺滙豐身上。今次,只係一次財富轉移。由005嘅股東,轉移啲資產畀 SIV嘅股東同債權人。

轉移幾多?根據Moody's計算,滙豐兩個SIV嘅資產,大約只值票面嘅70%。揮發咗嘅30%就值125億美元。如果滙豐硬食呢筆虧損,而市賬率唔變,滙豐股價一吓就要跌15元。即係離我叫大家「一注獨沽滙豐」嗰日嘅112.5元目標價不遠。如果你係滙豐股東,就要小心、小心。

最後,噚日孫柏文睇報紙,見到屯門有個叫陳耀聰嘅中學生,踩單車飛落山。

原來,佢係無需要跌落去。佢跌咗落去嘅原因,係因為佢喺懸崖邊掙扎時,唔肯放棄架單車。真係寧願死都用大髀夾實架單車。點知支持唔住,人車齊墮懸崖。

聽聞,佢係文武全才,他朝做邊行,我真係唔知。不過,如果佢選擇做金融業,我就真係希望佢可以從今次事故吸取教訓。有危險時,就算係愛股,頂唔順都要放出去。今次佢只係小小損手爛腳,他日可能冇咁好彩。

8 comments:

  1. HSBC剛獲批准不需要停牌, 而公佈價格敏感資料. 不知是好是壞. 真期待.

    如果在低位, 約$120買入, 持有hsbc作長線投資, 是否ok?

    ReplyDelete
  2. HSBC剛獲批准不需要停牌, 而公佈價格敏感資料. 不知是好是壞. 真期待.

    如果在低位, 約$120買入, 持有hsbc作長線投資, 是否ok?

    ReplyDelete
  3. HSBC剛獲批准不需要停牌, 而公佈價格敏感資料. 不知是好是壞. 真期待.

    如果在低位, 約$120買入, 持有hsbc作長線投資, 是否ok?

    ReplyDelete
  4. My target is still 112.5

    We'll re evaluate when HSBC goes down to that level.

    ReplyDelete
  5. $112-息率6%, HSBC業績見紅時息率5.3%,現時仍未. 無可能$112-

    ReplyDelete
  6. Well.

    Thats assuming no dividend cuts.

    We'll see.

    ReplyDelete
  7. 如果市況大逆轉, SIV 上身可能令匯豐賺得更多.

    但從現時市況看來, 匯豐未來一兩年恐怕要靠香港同國內業務單天保至尊, 如果加埋宏調, 真係想升都幾難.

    如果是長線投資的話(5年以上), 買入價錢非關鍵, 反而是以葛勤為首的新管理層的能力尚待驗証.

    所以, 最好唔好買住.

    ReplyDelete
  8. HSBC剛獲批准不需要停牌, 而公佈價格敏感資料. 不知是好是壞. 真期待.

    如果在低位, 約$120買入, 持有hsbc作長線投資, 是否ok?

    Mini StorageMini Storage
    環保袋環保袋

    ReplyDelete