Wednesday, April 16, 2008

伯南克只做一屆?

根據小道消息。真係非常小道嘅消息。早兩個禮拜,有人喺個社交場合中,同前聯儲局局長Paul Volcker(沃爾克)講起今時今日嘅聯儲局。講到現任聯儲局局長伯南克,沃爾克就一句到尾咁話:「He's a one-termer(佢只係做一屆)。」

講真,究竟呢個小道消息有幾可靠,孫柏文真係唔知。不過,沃爾克作為成功殺掉70年代通脹巨龍,79至87年嘅聯儲局局長,已經因為伯南克同舊年開始爆發嘅金融風暴,破咗戒,破咗「唔會為繼任人做嘅嘢作出評論」嘅戒。所以就算唔知沃爾克有冇為伯南克,作過一個咁樣嘅預測,起碼唔係天方夜譚。

伯南克「八萬五」政策

伯南克究竟可唔可以冧莊,我估都會幾難。後果應該會同特首董建華或沃爾克嘅前任局長G. William Miller一樣,因為實在做得「太好」,所以「升職」。

董特首就靠「八萬五」嘅威力,被「升」做國家副主席,幫大陸樓市降溫。

G. William Miller就令通脹率去到10%,所以「升」做花旗國財長。

咁乜嘢會成為伯南克嘅「八萬五」?噚日,我分享過上個禮拜有份訪問商品大王羅杰斯嘅經驗。而喺個訪問裏,我就得出可能會係伯南克「八萬五」嘅政策。

我問:「你經常批評,今時今日伯南克嘅聯儲局。咁喺當今世上,有冇任何一個經濟學家或其他人選,你覺得可以做一個好嘅聯儲局局長?」我問完之後,羅杰斯又重複佢一貫嘅睇法,就係聯儲局需要解體,花旗國毋須要中央銀行。花旗國社會同金融業,會好似以前未有聯儲局時,自行發展貨幣。

不過,佢特別提咗個問題:「聯儲局,今時今日問啲銀行攞咗5000億美元以按揭、信用卡、汽車貸款等為收入嘅垃圾債券。大家都知道揸住張按揭債券,要搵番你個債仔間屋已經好難。如果聯儲局揸住嘅債券出事,啲人斷供,聯儲局呢啲典型政府官僚機構,起碼要15年先至知邊間屋係個債仔。聯儲局做債主最好,你就算斷供,都可15年免租咁住。」

收數。唔通就係伯南克嘅「八萬五」?

5 comments:

  1. What kind of trader can make a lot of money? =) How about IT in I bank? I am major in computer engineering =)

    THANK YOU!!!!!

    I always watch your TV show!!!

    ReplyDelete
  2. 今日破欠又要為「甘泉」支付欠薪,看來不止酒樓業的商家打主意,很多人會效法呢!

    早兩天看你在apple pie的發言,兩位主持的立場好含糊!不如改節目名做「芝士批」,兩個主持only say cheese咁講評論!

    祝節目蒸蒸日上,keep it up!

    p.s. 希望不是柏文兄的主意,亮相講股送一個月的睇市服務,有點寒酸,also祝世伯老當益壯,身禮健康。

    ReplyDelete
  3. 柏文兄,就你今天報章中的「做香港馬主?要買Late Foal!」有點個人感想一說:

    買Late foal, 都未必平好多。因為馬價好多時,會與型格、血統和成熟程度等因素所影響。(個人經驗折讓甚少,甚至乎若馬匹早熟而型格一流的馬,可能Late Foal都較昂貴)

    贏打比和求一匹好馬,有點似一間公司求好成績同請到一個好員工一樣,都好說機遇和運氣。

    有馬主一擲千萬買一匹馬,可能不及另一個用幾十萬的成績好!正如好多公司在互聯網投入的資金發展業務,遠不及一個facebook為佳。

    當然,良駒也要伯樂賞識,良才亦要大將重用才會有相扶相承的化學作用。

    ReplyDelete
  4. Dear Allan,

    I will pass on your well wishing to my father.

    have we met before?

    At the race course perhaps?

    ReplyDelete
  5. Dear Pakman,

    係呀!不過已經好耐了!在你拎住支雪茄對住鏡頭,同人講你搵到第一桶金兼叫人投你票的時代。你話幾耐呢!所以我才想起Kevmate。

    講政治,我是門外漢。講賽馬,我也算半個行內人。只是俾些意見,無心得罪。

    p.s. 你同施老闆果種才是節目。兩個人面對面,你贊成我,我附和你,木偶劇嗎?作為 Kevboy的你,keep it up!

    ReplyDelete