噚日睇電視直播記者招待會，真係一股清新嘅凉風。
不過同大家講凉風之前要鬧吓啲政府官員。禮拜三嘅《金手指》，已經話到明泰國曼谷機場事件冇咗嘅話，下一個政治爆發點一定係啲因「短加長減」收費改動，而非常勞氣嘅的士司機。最後搞到的士圍堵機場，交通癱瘓。
最可悲係引爆點居然係一張解釋新收費嘅小冊子，喺曼谷機場，政府錯在對旅客要嘅資訊唔夠流通；喺特區機場，唔通錯在資訊太過流通？一張解釋新政策嘅小冊子，引發咁大反應，都係對新政策嘅一個判刑。
講番嗰股清新嘅凉風。噚日睇亞洲電視新任執行主席張永霖，同CEO王維基嘅記者招待會，真係好耐未睇過咁真心實意嘅對答。兩個人赤裸裸喺鏡頭同記者前，講佢哋嘅憂慮同期望。
張永霖一開波就話冇商業機構可以頂得順長期不斷蝕錢。記者們聽到「蝕錢」，就會反射式得一個結論：「裁員呀！裁員呀！」王維基嘅答案就係嗰股清新嘅凉風，冇公關化妝嘅惡臭。
縱蝕錢 唔一定裁員
如果總結王維基嘅說話，就係隊球隊不斷輸波，都要畀佢睇吓係咪唔夠球員，或者太多，係咪要減少後衞球員加前鋒人數。不過點都好，始終都係一隊香港球隊，冇理由一世注定咁水皮。
呢一刻真係好想知TVB管理層有咩感覺。
我諗張永霖、王維基想搞電視好耐，而喺特區想搞電視嘅人都好多。不過佢兩個只係打工，唔係自己生意，誘因會否不夠？從誘因角度嚟睇，自己搞或買電視台會好啲。呵呵！
----------------------------------
ATV has announced today that 4 high ranking management has "resigned".
The plane's cockpit is being reshuffled.
Subscribe to:
Post Comments (Atom)
張生同王生都好手起刀落下，或者亞視終於有夠。
ReplyDelete電視台是燒錢的行業。成日換人，好難搞得好一個台。
ReplyDeleteTVB在2003年前相對穩定，有線過去十年人事亦非常穩定。