Wednesday, December 10, 2008

熊貓咬人點解唔使坐監?





孫柏文呢排睇到花旗國3大汽車公司問國會攞錢嘅情況。不過國會對汽車工業嘅要求,肯定同之前對銀行業非常唔同。

例如,有議員話通用汽車要攞錢,就要換話事人。雖然聽落合情合理,但之前啲銀行攞錢呢?直至今日,花旗銀行嘅魯賓都仲喺董事局也文也武。

有好多唔明金融業對保持社會日常運作有貢獻嘅特區人,成日都話:「金融業唔係實業,只得炒炒賣賣。製造工業先至最重要。」

對於呢類人,見到花旗國國會今日嘅所作所為,結論就係擺到明歧視汽車業。對於呢啲睇落非常肉酸,唔係一視同仁嘅舉動,特區都有。

作為一個前唐狗狗主,人類養活咁多動物中,狗對人嘅貢獻最實在。如果類比工業種類,狗就肯定係汽車業。而不能自然咁適者生存,就要政府出手相救嘅銀行,對於嗰啲覺得金融業只係炒炒賣賣嘅人,銀行就係熊貓。

一視同仁才可服人

早排海洋公園發生熊貓咬人事件。海洋公園快速判斷非熊貓之錯,仲要話係人為行政錯誤。如果係隻狗咬人,已經要去漁農處坐一個禮拜監。

所以要人服,就要一視同仁,就算係國寶或銀行,做錯事都要受罰。

7 comments:

  1. 佢係國寶,狗唔係....???
    請問邊位國寶高官現在要下台坐監??

    傻.....

    ReplyDelete
  2. 你又點知隻熊貓無坐監?

    你估漁處有足夠設施監押熊貓咩?

    唔該你查清楚先講啦,正癈柴.

    ReplyDelete
  3. trust me...

    The agricultural dept's cage for dogs are unfit for dogs.

    Those dogs that return suffers from post traumatic symptoms.

    Before you spout your opinions, do your research... For both Pandas AND dogs.

    My point is not that Panda's should go to those cages...

    But that it should do better for dogs.

    But you should go... ass.

    ReplyDelete
  4. 你又吹水唔抺咀. 叫曾生跟進吓囉.

    ReplyDelete
  5. 真好多人實在無理岩唔岩,挑戰大sir鬧左你先,佢做左法官就慘啦! ha ha

    ReplyDelete
  6. 下?熊貓唔係一直都坐緊監既咩..

    ReplyDelete
  7. 點解個樣咁似孫柏文?

    ReplyDelete