Friday, June 13, 2008

我最笨實

今個禮拜,喺花旗國有幾件事我覺得值得留意。其中一件係香港時間禮拜一晚,加州蘋果電腦總裁Steve Jobs,會講吓佢哋嘅3G iPhone。噚日,上面《案內人隨筆》嘅尹思哲都有講。

早幾個禮拜,3G iPhone將會在今周出台嘅消息,已吹到如火如荼。孫柏文當時覺得,iPhone就係iPhone,3G同2G嘅分別,只會係上網速度。功能上,可能有少少修改,不過大致上都係差唔多。最多只會改吓電訊商收費模式。

亦因為我鍾情2G iPhone無線上網嘅用戶界面,不過又對打電話服務冇興趣,所以喺上個禮拜,我就上網用二千幾元,買咗減去打電話功能嘅iPhone,即係買咗部 iPod Touch。蘋果電腦亦表示會喺禮拜二送到。

神髓在於不斷被淘汰


點知禮拜一晚,Steve Jobs公諸於世嘅3G iPhone,從功能到軟件都大躍進。仲話賣199美元。到禮拜二收到我部iPod Touch時,我唯一嘅感覺係好耐已經未試過,買樣嘢連盒都未開,嗰樣嘢已經obsolete被淘汰

同同事講起,諗住佢哋會安慰吓我,點知仲要俾佢哋「提點」。話我最好拿拿臨攞上eBay賣,都仲可以攞幾嚿水。

呢部iPod Touch,係我第一次買蘋果電腦產品畀自己。以前唔明白點解啲人買蘋果電腦產品時,會投訴啲產品被淘汰,因為科技產品嘅神髓,就係一路不斷被淘汰。今次之後,我明白點解會嘈,因為啲產品可以被淘汰得咁快。

以前微軟Bill Gates曾經安慰過買電腦嘅人,話:「冇錯,你今日買嘅電腦,會因為科技進步,不斷大幅貶值。不過部電腦每日能夠促進嘅生產力、提供嘅娛樂,絕對能夠彌補每日嘅貶值成本。」我只可以話,嗰條友肯定冇買過Steve Jobs揸fit嘅蘋果電腦產品。

10 comments:

  1. 節哀順變 !

    幾叉野買隻手機蝕唔死人者.慘得過當年老董八萬五時期買青衣新樓盤, 推出第二期定價比第一期平十五巴仙, 前後只兩三個月, 買第一期業主即刻變負資產-因為當時發展商負責借出兩成首期作二按,加上銀行七成按揭, 業主變相借九成.

    ReplyDelete
  2. 早買早享受。
    可以早一個月用得到iPhone 的interface ﹐都是值得的。

    ReplyDelete
  3. 我早到去年九月買iPhone 2G 4GB版(美國華府,AT&T上台後自己Unlock返香港用。)

    但比起我其他用落的手機,就算iPhone我已經用得好勁(每日十幾條SMS,當佢係Blackberry咁用玩「Push」Mail),都覺得,Steve Jobs,你唔駛仲癲過以前iPod Click Wheel改朝換代果鋪嘛。

    ReplyDelete
  4. 我就係鐘意你夠笨實

    一港女上

    ReplyDelete
  5. 盲導犬ユーザーの皆さまが大手ECサイトで商品をご購入される際、グリーンクリックを経由していただくだけでECサイトから支盲導犬。グリーンクリックを利用することで、商品の購入価 格が変わったり、寄付の

    ReplyDelete
  6. 不動産 広島不動産 広島,岡山/四国(香川,徳島,愛媛,高知) -あなぶき不産ナビ四国4県、不動産 広島岡山の不動産、広島 不動産広島の不動産など不動産情報検索(マンション・一戸建て・土地・収益物件等広島 不動産)サイトです。穴吹不動産流通株式会社

    ReplyDelete
  7. キャッシュバック 即日当社の提供するキャッシュバックとは、当社の販売する商品をクレジットカード決済でご購入頂き、キャッシュバック 即日お客様ご指定の口座にご購入金額の最高99.5%を入金するシステムです。

    ReplyDelete