Wednesday, October 08, 2008

救雷曼「苦主」低Q能

呢兩個禮拜,孫柏文睇到「雷曼投資者輸錢事件」嘅事態發展,越睇越火滾。由最初民主黨做show,畀買咗雷曼產品嘅投資者一個集體假希望,到今時今日,政府行政機關高調介入,強迫啲本地銀行硬啃,要令市民覺得政府做緊嘢。

政府明唔明白為咗呢班為數可能上萬嘅人,越「做嘢」就會越罔顧特區銀行體制穩健,越有機會令特區銀行爆發集體擠提潮,最終危害幾百萬個需要穩健銀行體制嘅香港人。孫柏文已經係特區數一數二,政治思維上最心胸廣闊嘅人,不過今日我都要講句:「曾蔭權係政治家?我呸!」

資不抵債隨時執笠

今時今日嘅金融海嘯,係建基於全球債主、存戶唔知道啲銀行手上嘅資產價值。因為唔知道資產價值,一旦被揭發少過負債,就可以即時執笠。不過今次呢個海嘯,起碼知道啲銀行負債有幾多,佢哋要上身負責還嘅數有幾大。

不過如果特區政府行政機關,成功令市民覺得佢哋有能力,強迫啲本地銀行為咗所有之前賣過嘅金融產品上身,本地銀行嘅資產負債表就會突然出現超級問號。多都唔使問,只要有人問政府:「曾特首,本地銀行賣過價值幾多嘅金融產品?本地銀行一旦因為你做嘢,被迫要賠款,究竟仲有冇本地銀行唔係資不抵債?」

當有咁大嘅不明朗因素,所有本地銀行嘅債主、存戶,即時對自己幫襯開嘅銀行出現恐慌。大家都唔使怕師奶提款潮,因為只要有差佬拉啲不誠實使用電腦嘅人,傳媒唔報道,就唔會發生。

恐慌提款潮會再現

不過嗰啲當特區銀行為資金避難所嘅大客戶,就會即時電子提款潮,將資金調去外國。

政府行政機關,背後究竟幫唔幫啲雷曼產品投資者係其次,最緊要係喺全世界嘅目光下,狠狠地宣佈:「為追求更高回報,買任何投資產品自己要負上全部責任。如果覺得被誤導,就唔應該請求立法或行政機關幫手,因為香港有健全反欺騙嘅法例,有事就搵司法制度去爭取公義。」令本地銀行嘅債主、存戶,覺得本地銀行唔上身。

嗰啲好似孫媽媽咁,呢幾年嚟都千辛萬苦用盡方法,向銀行職員嘅推銷說不嘅百萬市民,今日政府幫雷曼產品投資者,簡直就係陷孫媽媽同百萬市民於不義。為自己嘅政治方便,去摧毀銀行體制嘅穩健,呢啲就係負責任嘅領導咩?

-----------------------------

I see people seem to have a reaction upon reading this piece I wrote.

I welcome any thoughts on this matter. Thank you.

61 comments:

  1. 講得好!
    老實講,小弟係第一次完全認同你嘅論點

    ReplyDelete
  2. 但係如果銀行有誤導佢地 , 去到法庭銀行都係有 liability o個喎 , 到時三輸添啦 (苦主 , 銀行 , 政府) .

    ReplyDelete
  3. maybe Donald wanna demonstrate his government is not "官商鉤結" haha.....

    i do agree the government need to step in, and it is obvious that in many cases the banks have mislead their customers. but they can't force the banks to buy the products back for no reason other than to save their own ass.

    if this opens up the first case, then people who bought "縮水" properties can protest and force the real estate development companies to buy them back at market value.

    ReplyDelete
  4. 將法治同合約精神埋咗,重好似做大英雄。

    如果擺埋啲俾人咗買啲無無謂謂健康產品的阿公阿婆一齊,事情就會好清楚。再將其他類似嘅警訊事件比一比,就知今次政府有幾離譜!

    如果人多就是道理,聲大就得值。咁重要法律咩!

    果啲律師,大律師都喺咁講,香港重有咩希望。

    ReplyDelete
  5. i luv this part ...

    嗰啲好似孫媽媽咁,呢幾年嚟都千辛萬苦用盡方法,向銀行職員嘅推銷說不嘅百萬市民,今日政府幫雷曼產品投資者,簡直就係陷孫媽媽同百萬市民於不義。

    yes ... I will feel pity on wht happened ... and I believe the market will "punish" the banks accordingly ... Ppl wun buy any financial products from bank nowadays ... (at least not as casual as before ... )

    surely ... it is all lose situation but in the same time it reminds us that all orgs like SFC / HKMA etc. are just craps

    ReplyDelete
  6. i lost over a million of my p-fund investment in this turmoil. can any legislative councilor stand out and help me to get my money back?? I'll stage my protest otherwise. I want 100% my money back!! I think ther're a lot of people out there would like to join me coz they're pretty much left in the same situation like me. some of these bloody politicians really suck. no judgement at all. where's our core value? at the end of the day the victims might not be able to have a partial money back just out of their "good will". forcing the bank to bear their own lost is totally insane. Talk, Talk, Talk ....not confront. Order...Order!!!

    ReplyDelete
  7. 1) 金手指, 你一直迴避一個問題: "應唔應該容許金融業厄阿婆厄施奶"? 點解銀行竟然可以用跑輸通賬的息口, 賣出風險高到可以連渣都冇的產品? 咁樣同叫D施奶用幾十萬買實際只值幾十蚊的電子零件有乜分別??? (唔好話我知你相信唔存在不良銷售, 好多報導甚至銀行職員都已經承認,佢地為左交數而隱瞞風險係好普遍, 最攞命係, 呢班人根本連雷曼產品英文說明都睇唔明) 你口口聲聲雷曼苦主 "要負上全部責任", 根本係迴避金融業普遍欠缺誠信的事實!!!

    2) 根据平果報導, 就算呢班銀行職員好有責任感, 佢地亦無能力正確地"配置風險", 連產品說明都睇唔明又點配置?
    咁, 社會人士指責銀行不負責任, 亂咁將高風險產品賣比阿婆阿伯, 厄佢地話無風險, 唔通又係完全生安白做?


    3) 而家好多口口聲聲話雷曼苦主, 貪心, 算小弟低Q能, 真係唔明白: 三歲細路都知, 金融產品回報與風險掛勾, 雷曼產品只得幾厘回報, 連通賬都跑輸, 呢d叫 "貪心"??? 如果佢地係為追求幾十厘回報而買, 咁我即刻收聲 (起碼電視上見到, 買家大部份都係一頭白髮, 而直据報大部份係由定期存款轉過去, 所以呢, 我覺得講野都要公道d, 睇下事實)


    2) 梁愛詩聲稱為左保護星島員工而唔起訴梁詩, 然後人大釋法, 報紙天天批評警察濫權兼偏幫有權有勢者, 經過呢d事件你仲叫市民 "有事就搵司法制度去爭取公義", 你係天真丫, 定係無知?? 雷曼當事人冇第一時間搵差人, 只不過反映佢地好清楚現實, 亦反映市民對司法制度已經失去信任.

    3) 一旦銀行業面對巨額損失, 必動搖貨幣体制之根本, 政府為左挽救体制, 無可避免偏幫銀行業, 歐美禁止沽空, 動用平民血汗錢拯救金融界. 連美國司法號稱司法大過天的國家, 而家財長居然可以繞過所有法律去拯救銀行, 你唔係到左而家先跳出來話: 我唔知乜野叫做 too big to fall 丫嘛? 你仲叫人相信司法完全公正?? 低Q能.


    4) 表面上, 你在支持自由市場, 實際上你在支持破壞市場(公信力), 同狂賣次按CDO狂做騙子按揭的美國銀行業無分別, 一個對投資客戶不負責任的金融業, 結果係點??? 雷曼、大摩美林房利美方貸美...全球金融資產貶十一萬億, 而家全球貨幣陷入危机, 連歐美央行全部都搞唔掂, 銀行之間都冇哂唔信任呀陰公, 唔通呢個就係你心目中的理想市場?

    講到尾, 今日全球金融崩潰人人自危的悲慘局面, 正正就係你呢種不問誠信只求回報的偽自由市場的心態一手做成,

    ReplyDelete
  8. I feel deeply sorry for the ones who were misinformed by liars. And hopefully the so called justice system will be there to help the victims.

    Having that said, I hope the ones who thought "why should I know what I bought? That's the adviser's responsibility." had learned something from executing their right of ignorance. There's always a price for something, even for choosing to be ignorant. Hopefully that doesn't sound too cruel though.

    ReplyDelete
  9. 再貼. 扮開放, 你已將今日下午批評貼刪除了, 虛偽.

    ReplyDelete
  10. 問: 合約既精神何在? >> 答: 咁兩個人簽訂合約, 一個人以為有賺無賠, 一個人(銀行銷售)話知你咩產品內容, 交差算數. 雙方對 "交易內容" 理解相差何止千萬里? 合約精神從何談起?
    合約條文只係交易的基本條件而唔係必要條件(甚至可以完全唔涉及"交易內容") 必要條件係信用, 當今風暴核心(銀行拒拆借), 以及法律上可以判定不合理條文不具備法律效力. 由此觀之, 合約精神不在細節而在誠信. 假如閣下字面意義成立, 即政府完全不補償交易能力及資訊弱勢(商業&法律上), 每個人被迫要看每一條條文, 可以斷定零售業運作必停頓, 經濟崩潰. 同時假設每一個人都應該具備理解合約條文能力, 有違現實亦對弱勢者不公. 同意論點核心: 即交易雙方都應信用承諾. 但在雷曼事件, 前提係雙方對交易實際內容(而唔係合約條文)均有合理認識. 好明顯, 社會上永遠有一批人(我相信係大多數人)唔能夠明白日新月異的合約或產品, 咁兩個人簽訂合約, 一個人以為有賺無賠, 一個人(銀行銷售)話知你咩產品內容, 交差算數. 雙方對 "交易內容" 理解相差何止千萬里? 合約精神從何談起?

    ReplyDelete
  11. 雷曼迷你债的真面目:此"债券"非彼债券
    查看评论
    www.cnfol.com 2008年10月06日 14:48 中国新闻网 

      一堆衍生产品有如"毒奶粉"

      让我们看看,令港澳散户"中招"的雷曼"迷你债券"是什么东西?原来此"债券"不同彼债券,"迷你"的意思是把原来100万美元的投资额拆细到数万港元,以方便零售给银行客户。不过,"债券"的内容已不同,"迷你债券"其实是衍生投资产品中的"结构性票据"(SN)(StructureNotes),是有识之士认为根本不应该拿来作零售用途的。如果SN其所有抵押品都是AAA级的国库券,那就问题不大,但近年投行讲求"金融创新"(FinancialEngineering),SN的抵押品又是一堆衍生工具,包括了抵押债务证券(CDO)以及差点就令AIG的百年基业一朝丧的信贷违约掉期安排(CDS)等,真是投资专家都未必在短时间之内搞得清楚,更何况是银行柜位的"不专业人员"和一般存户呢!根据证监会数据,雷曼在本港发行的SN达140多亿元,占各投行发行总量的四成,雷曼出事,当然会引起公众的关注。

      内地"毒奶粉"事件发展至令,国家质检局局长李长江也要问责下台,现在处理雷曼式的"有毒债券"流行,港府财金官员和金管局自然责无旁贷!此外,近日野村证券宣布斥资2.25亿美元(约17.5亿港元)就买下了雷曼亚洲的业务,相对于雷曼发行的SN数量,其抵押品恐怕少得可怜,投资者得不到足够的保障。在这个问题上,监管者是否"崇洋媚外",任由美国人拿着华尔街大行的招牌来这里"片白头",形同开头支票诈骗,值得追究。

      接下来,再细看雷曼所发行的"迷你债券"。它属于SN中的"信贷挂钩票据",即其回报及赎回安排同相关发行机构的信贷挂钩,如其中一家公司未能偿还贷款,需要重组债务甚至不幸破产,都会严重影响到这一类"债券"的派息和继续运作。

      已退休的Y先生是今次雷曼"迷你债券"苦主之一,讲述自己今次"投资"的经过。他只想把毕生积蓄存在银行收息作为生活费,不希望有风险。但有银行职员游说他:"迷你债券"的风险极低,和存在银行定存差不多,结果他由2006年11月开始分四次买了总额170万港元的"迷你债券"。首六年会有年息6厘,八年后一次过还本,算起来每月可以收到8,500元。不过,好景不常,雷曼出事银行通知他,下个月会暂停付息,而本金170万也要有心理准备收不回来。

      Y先生无意只怪责银行或当局,他说他希望能收回老本,但他的平淡论述更令人触目惊心!他保住本钱的微薄诉求在现代的"合约精神"下,恐怕也不会得到积极的响应,更可能被当局以"个别事件"为由随之然不了了之。

      清楚抵押品才可算出苦主损失

      能让投资者稍感安心的是,SN同基金一样,其抵押品等资产是交给信托人(Trustee)托管的。理论上要在SN付息和到期时,Trustee将抵押品出售套现后,才知道盈亏的金额,以及投资者最终可取回多少钱。雷曼"迷你债券"未必如市面上盛传那样"渣都冇得剩"。由于每SN系列的结构和抵押品都不同,信托人需要逐一处理,散户本金可取回的数额不能一概而论。但在公司一旦清盘时,"迷你债券"的索偿权次序比较后,其风险因此比一般的债券较高,而且涉及CDS等衍生工具,绝不应被视为等同存款的低风险投资。

      以雷曼在2008年4月发行的最后一批"迷你债券"(第36系列)为例,招售书已列明"债券"绝不保本,用作信贷参考的七家公司只要一家有信贷问题,"债券"便会被提前赎回,届时抵押品的出售视乎市场情况,投资者本金的损失可能很大。然而,现在七家参考机构都没事,发行人雷曼却倒下了,令问题复杂。第36系列的抵押品是AAA级的CDO和CDS,但掉期合约的交易对才又是雷曼的附属公司,这些所谓AAA级的CDO由谁发行、所付的息口如何,以及流通量是否足够,都未见披露。如果又是以出事前的雷曼信贷评级作参考包装而成的CDO,那就祝投资者好运了!

      其实,"迷你债券"玩的是对赌其它公司有没有信贷违约事件的"财技",其运作过程是先由发行人和掉期安排行以较低的价钱向"债券"的投资者买入相关的CDS,然后拿去在市场高价出售平仓。安排行再把部份差价津贴AAA级CDO的利息,让投资者可收取比其它同级债券稍高一些的息口。这在平静的日子时是不错的安排,但现在市场风高浪急,信贷严重收缩,CDO可能无价又无市CDS的交易对手雷曼已瘫痪,要在此刻找人接手,谈何容易呢!一旦掉期对手无法向发行人支付所需现金,后者力无法向"债券"持有人派息和偿还本金。

      现在善后的当务之急是责成信托人尽快查明"迷你债券"抵押品的最新评级、市场价格等数据,并向投资者公布,以便采取相应的行动。最新的进展是有零售银行愿意向雷曼苦主退回部份款项,对解决问题是个好的开始。

      作者姚迁为进邦汇理投资分析部总监

    ReplyDelete
  12. 高風險和低風險只代表產品出事的可能性,并不是低風險就不會出事!我們不能現在雷曼迷你債券出事了,就說它們是高風險!在雷曼破產之前,說知道它會出事!看看它出事前的評級就知道了!

    ReplyDelete
  13. “三歲細路都知, 金融產品回報與風險掛勾”
    這是誰說的?! 我每天都看見低風險高回報的股票和高風險低回報的股票! 我們要懂得選擇,不然的話就不要投資!

    ReplyDelete
  14. “一旦銀行業面對巨額損失, 必動搖貨幣体制之根本, 政府為左挽救体制, 無可避免偏幫銀行業, 歐美禁止沽空, 動用平民血汗錢拯救金融界. 連美國司法號稱司法大過天的國家, 而家財長居然可以繞過所有法律去拯救銀行, 你唔係到左而家先跳出來話: 我唔知乜野叫做 too big to fall 丫嘛? 你仲叫人相信司法完全公正?? 低Q能.”
    美國政府在救這些銀行的時候,沒有忘記同時取得該機構的大部分股權,把原來股東的利益攤薄的很小,是以商業原則的救市!沒有送錢給銀行業!

    ReplyDelete
  15. 同意苦主應該打官司,我見報紙寫話有議員搵到案例,打官司未必輸。

    ReplyDelete
  16. as far as i can understand, a verbal agreement is also legally binding.

    so it maybe the case that if the banks' representative did lie to some buyers, they could be charged.

    and that i think is why there is some investigation, no matter is the monetary authority or the police or even the consumer council, is checking on some cases.

    the critic to this piece of blog is that it maybe too general to comment on such complicated and wide spread public concern cases.

    i have reservations on govt's political ability as well but do think that they will carefully work out any corrective action whenever regarding monetary systems/services in hk, as they all know well this is the cornerstone of hk that any mis-step could provoke disaster

    the topic of this blog is a misfortune

    s.c.

    ReplyDelete
  17. 我相信每個人皆應該為自己所作之事承擔後果:銀行有誤導就應受到法律的制裁,這是負責任;而投資者亦應為自己"唔明唔知唔問"而負上部份責任,這也是承擔自己所作之事。

    既然要求銀行要為mis-selling負責任,為甚麼投資者就可政100%不負責任,可以全數取回,當無發生,這公平嗎?

    應該是case by case,憑甚麼一刀切,全部反枱唔算?

    如果佢哋可以,我萬九點入市,現在一萬五千四,咁我反枱唔算得唔得?我買嗰時個經紀無話可以跌到咁勁,咁佢算唔算誤導?咁我可否全數取回!我D錢都係有血有汗儲番嚟,你係唔係呃我呢D女人私己錢?

    無人話有錯可以會唔認,所以巳經俾咗渠道,點解唔可以依正手續去查,有錯咪罰銀行囉!但怎以未清楚就以行政手段干預?

    而且,若果真係有銀行因賠錢而冧,影響了其他眾多存户,咪”白狗偷食,黑狗當災”!關其他存户乜事?點解你買嘢輸打贏要就要連累上市銀行股東、甚至其他存户。我D錢唔係錢吖?咪一樣辛辛苦苦揾番嚟!

    政府究竟有無用腦吖?

    ReplyDelete
  18. 2) 梁愛詩聲稱為左保護星島員工而唔起訴梁詩, 然後人大釋法, 報紙天天批評警察濫權兼偏幫有權有勢者, 經過呢d事件你仲叫市民 "有事就搵司法制度去爭取公義", 你係天真丫, 定係無知?? 雷曼當事人冇第一時間搵差人, 只不過反映佢地好清楚現實, 亦反映市民對司法制度已經失去信任.
    如果因為"對司法制度已經失去信任"而可以不依法規做事, 甘我地否要回到用暴力解決問題的年代?

    ReplyDelete
  19. 4) 表面上, 你在支持自由市場, 實際上你在支持破壞市場(公信力), 同狂賣次按CDO狂做騙子按揭的美國銀行業無分別, 一個對投資客戶不負責任的金融業, 結果係點??? 雷曼、大摩美林房利美方貸美...全球金融資產貶十一萬億, 而家全球貨幣陷入危机, 連歐美央行全部都搞唔掂, 銀行之間都冇哂唔信任呀陰公, 唔通呢個就係你心目中的理想市場?
    房利美房貸美的運作正正說明了政府的介入扭曲了市場.
    你亦明白"連歐美央行全部都搞唔掂",那就更不可能由香港政府及那班乘機抽水的政梗搞得掂.
    "銀行之間都冇哂唔信任呀陰公, 唔通呢個就係你心目中的理想市場? " 理想市場會不斷淘汰更新不合市場完則的產物,經此一役, 相信美國i bank的運作模式會被市場淘汰!

    ReplyDelete
  20. "為自己嘅政治方便,去摧毀銀行體制嘅穩健,呢啲就係負責任嘅領導咩?"

    我唔覺得係咁, 大家都知銀行點賣依D產品,就係會破壞左商譽。銀行係第一日就係去摧毀銀行體制嘅穩健。

    依家個問題係, 市民覺得銀行冇信用,用呃去賺錢。

    其實我覺得用法律去解決問題都得,
    咁係咪叫D警察去封銀行,將D職員拉曬返去? 話曬都係咁大金額既懷疑詐騙。

    拿..我地可以想下,佢地咁MIS-SELLING,
    如果證明係詐騙,咁就係咪要拉D銀行大班?

    如果真係詐騙,股東們可以告佢地D大班...咁樣去經營公司。


    PS:見到中銀唔俾人入去投訴;我想起平日銀行職員日日煩我地叫我地俾幾分鐘佢地講下野,到左今時今日,我地所謂既客戶,算係咩野?

    銀行?我吥~

    ReplyDelete
  21. Can't agree more !!

    Just a court case either criminal or civil depending on the evidence.

    Pls keep it up....

    ReplyDelete
  22. 孫柏文今次都算燒起火頭,我今次都無咗三十幾萬,咁我係唔係要上街話 d經紀誤導我買錯股要問經紀全數攞番??係你就杰啦,聽你講入隻135 無咗 30%, 賠錢唔該!!

    不過見有位"無名氏"咁勞氣,肯定買咗唔少雷曼 product,想膽粗粗幫你回應吓...

    1) 金手指, 你一直迴避一個問題: "應唔應該容許金融業厄阿婆厄施奶"? 點解銀行竟然可以用跑輸通賬的息口, 賣出風險高到可以連渣都冇的產品? 咁樣同叫D施奶用幾十萬買實際只值幾十蚊的電子零件有乜分別??? (唔好話我知你相信唔存在不良銷售, 好多報導甚至銀行職員都已經承認,佢地為左交數而隱瞞風險係好普遍, 最攞命係, 呢班人根本連雷曼產品英文說明都睇唔明) 你口口聲聲雷曼苦主 "要負上全部責任", 根本係迴避金融業普遍欠缺誠信的事實!!!

    回應:
    哦,你去街市買菜,有無老闆同你講我 d 菜有風險,有 d 唔靚,有農藥,你唔好買??咁唔係賣菜業普遍欠缺誠信的事實呀??我地一定要上街噃咁樣,錢就話搵過,食落肚死人噃!!

    咁 d 阿婆施奶又識去買o既?? 因為佢地識番屋企浸水先食呀 ma,即係話你唔清楚o既o野唔好買,我覺得你係迴避 d 人唔識又貪心的事實 law....反而



    2) 根据平果報導, 就算呢班銀行職員好有責任感, 佢地亦無能力正確地"配置風險", 連產品說明都睇唔明又點配置?
    咁, 社會人士指責銀行不負責任, 亂咁將高風險產品賣比阿婆阿伯, 厄佢地話無風險, 唔通又係完全生安白做?


    回應:
    講得好!!! d 所謂 bank staff 有 d 係唔 pro ga, 攞法援告佢 law...我支持....如果你有諗清楚的話....

    無能力正確地"配置風險"即係咩??即係你無權做決定,咁其實 sorry, 強積金,保險,基金,你都無能力正確地"配置風險"..... 放大 d 睇, 其實銀行存款你都無能力正確地"配置風險"因為你唔知銀行借錢俾咩人...

    最能力正確地"配置風險"的係.....收係你個月餅盒...或者洗咗佢....



    3) 而家好多口口聲聲話雷曼苦主, 貪心, 算小弟低Q能, 真係唔明白: 三歲細路都知, 金融產品回報與風險掛勾, 雷曼產品只得幾厘回報, 連通賬都跑輸, 呢d叫 "貪心"??? 如果佢地係為追求幾十厘回報而買, 咁我即刻收聲 (起碼電視上見到, 買家大部份都係一頭白髮, 而直据報大部份係由定期存款轉過去, 所以呢, 我覺得講野都要公道d, 睇下事實)

    回應:
    吓???????年息六 % 噃,你用越南的通賬來比呀??定期幾多息呀??活期幾多息呀??

    不過,佢地都唔係好貪心o者,都未要政府生飬死葬



    4) 梁愛詩聲稱為左保護星島員工而唔起訴梁詩, 然後人大釋法, 報紙天天批評警察濫權兼偏幫有權有勢者, 經過呢d事件你仲叫市民 "有事就搵司法制度去爭取公義", 你係天真丫, 定係無知?? 雷曼當事人冇第一時間搵差人, 只不過反映佢地好清楚現實, 亦反映市民對司法制度已經失去信任.


    回應:
    咁我問你如果俾人打劫,而家係咪唔洗搵警察,去搵 d 社團大佬(唔好亂估,我話工聯會 ja)搞掂佢???



    5) 一旦銀行業面對巨額損失, 必動搖貨幣体制之根本, 政府為左挽救体制, 無可避免偏幫銀行業, 歐美禁止沽空, 動用平民血汗錢拯救金融界. 連美國司法號稱司法大過天的國家, 而家財長居然可以繞過所有法律去拯救銀行, 你唔係到左而家先跳出來話: 我唔知乜野叫做 too big to fall 丫嘛? 你仲叫人相信司法完全公正?? 低Q能.


    回應:
    咁而家我比較相信係香港係大聲,惡同民粹比較公正 law,多謝示範...(鞠躬中....一次 ja...唔好亂諗)




    6) 表面上, 你在支持自由市場, 實際上你在支持破壞市場(公信力), 同狂賣次按CDO狂做騙子按揭的美國銀行業無分別, 一個對投資客戶不負責任的金融業, 結果係點??? 雷曼、大摩美林房利美方貸美...全球金融資產貶十一萬億, 而家全球貨幣陷入危机, 連歐美央行全部都搞唔掂, 銀行之間都冇哂唔信任呀陰公, 唔通呢個就係你心目中的理想市場?


    講到尾, 今日全球金融崩潰人人自危的悲慘局面, 正正就係你呢種不問誠信只求回報的偽自由市場的心態一手做成

    ReplyDelete
  23. 1) 銀行股東要為銀行涉嫌誤導甚至欺騙的行為所有行為負責, 唔存在"連累"

    2)存戶應該為自己揀選的銀行負責, 點解佢唔揀一間比較有誠信銀行? 唔通佢地唔知道銀行操守會影響存款安全? 好似恒生好似無涉案(但佢有買貨, 又好"有原則地"拒絕公佈虧損內情)

    3)引述專業人士: ng@ssp1: 打官司?香港法庭每年可以處理幾多case?高院得嗰20零個法官﹐平時已經做唔切﹐迷債案件又複什﹐又隨時以千計。余大狀提嗰單susan field vs barber asia ltd.我睇完判詞唔覺得樂觀﹐今次對手係大銀行﹐成隊大炮﹐又有專家證人﹐同barber asia根本唔同級數﹗隨時打到D苦主暈倒在法庭﹗雖然﹐很多人都話法律解決係唯一公平辦法﹐很可惜﹐呢條路太貴﹐太難行﹐贏面低。

    4) 美國政府冇送錢俾銀行??? 大佬, 成班共和黨議員在選民咆哮之下叛變呀, 為保議席而否決bailout plan! 貨幣体制崩潰回到以物易物的石器時都都唔理得咁多呀, 去問問美國佬啦.

    5) 其實從來無人話雷曼事主唔需要負任何責任, 問題係, 呢個世上已經無人可以唔玩"投資"遊戲, 但政府又失職, 連扺押品嚴重不足的毒債券都夠胆批出, 唔通一見AAA就可以合埋眼批核?? 咁使乜千萬年薪請人監管, 文盲都得啦.

    ReplyDelete
  24. 讚讚肥仔今日在第八台講得非常精采。冼潤棠都識話啦,買張雷曼IOU咪一樣冇晒,關產品風險乜事?樓上轉貼的簡體字長篇大論,咁請問,講到咁恐怖,又唔見迷你債一早爆煲?

    順手貼埋在上一段文打的comment:
    ——樓上說得好。「即使是銀行存款也不是沒有風險,如果銀行倒閉了,最多也只能保障十萬元,要減低風險就要把資金分散投放。」

    事件關鍵明明是銀行破產,你買的產品是高風險還是低風險有何關係?——若雷曼好端端而迷你債券爆煲,才是因為誤解風險而出事,才應該嘈。

    若說迷你債是高風險,何以一直冇爆煲?記住,而家係銀行出事,唔係迷你債出事。銀行一出事,最低風險的存款一樣冇剩。

    雷曼破產,確實是可能性極低、風險極低的事,可能性不見得高於任何本地銀行破產,只能歸咎不幸。有人買時連雷曼個名都未聽過,係事實,分銷手法確係有問題,但即使講明係雷曼貨,雷曼破產才會冇晒,大家估買家當時會唔會因此唔買?

    任何銀行都可能破產,這點是常識,放錢在銀行就要承受這風險,其內任何低息無息存款(除了政府包你十萬)或高息票據都可以冇晒。亦因為這是常識,政府才包你十萬,兼只包十萬。

    ReplyDelete
  25. ‧啱啱睇左money cafe,夠勇敢,我撑你.講得好

    ReplyDelete
  26. I think Hong Kong should not bail out the people who lost their investment. Look at the United States, they just passed a 850 billion dollar bail out bill. Who paying the price? Every citizens paying it. The government cannot tax anymore. In United States it is 30 percent tax deduction on your paycheck. Therefore, government going to print the money. Then, inflation will hit everybody. Especially the savers. I believe people who did investment and lost their money because of their poor judgement. They took a risk and hoping for more profit. How about me? I do business and lost money, should i get bail out too? In conclusion, I think they should never get bail out by anybody PERIOD.

    ReplyDelete
  27. I am deeply sorry for all those who purchased Leman BRo products, but what is investment?? There always has risk inside, if those who think they have a point, why not go to court for trail and sue all the banks. Actually, they dont, that why they all using other methods in order to get back their money. Why you see all are elderly in the front on TV?? It is beacuse to show others that they all fool by bankers. But isnt it all bankers misleading all who buy Leman?? To tell, some investors are professional, even elderly they had been invest in stocks market for years..so are they not experience investors?? Truly, if those who gain the profit, will they return the profit to the banks?? 香港人輸打嬴要都見慣

    ReplyDelete
  28. 欣賞你的勇氣(特別money cafe上), 加上小弟都是向推銷努力說"不"的一群.
    如果你真係唔好彩, 我願意替你食一拳, 加幫你打999.

    ReplyDelete
  29. We need some anti-bail-out-for-idiots protest/demonstration.
    LET THE GOVT KNOW AND SWAY THE MEDIA.

    ReplyDelete
  30. 點解傳媒包括生果報至今不敢報到網友真實的聲音?反對政府干預,反對破壞合約精神,反對不負責任扮可憐的苦主!

    ReplyDelete
  31. 雷曼迷你債券的事件發展至今,主要有兩方面的意見,一是認為購買債券的人都是苦主,銀行欺騙客戶;另一方面,認為他們應對自己的投資負責,不應輸打嬴要。其實兩方面都有自己的道理,但在此希望提出多一點的觀點給大家討論一下:

    苦主一直覺得自己受騙而毫無責任,但事實上每一個成年人,在簽上你名字的一刻就要對你這個行為負上責任,無論你的學歷是多高,你的年齡是多大,這都是不可以逃避的責任,否則整個社會就不可以用合約去維持秩序。你未明白亦不去了解就在空白表格或印上「我完全明白投資的產品及風險」的紙上簽字作實,甚至連副本亦不留,就絕對是你要付上的責任。近年政客當道令很多人都忘記了個人責任,只是把責任推給別人。

    銀行是否有誤導呢?如果他說和定期一樣,或是保本,就幾乎是錯。但他說風險很低是否有錯就值得再探討。讀財務的人都知道,在評級機構取得AAA的債券,風險差不多接近零,這是一個他們讀書時的基本知識,所以從未有人提出疑問,偏偏這次風暴就是這些債券,這就是為什麼很多退休基金、大戶、大機構都有份受害。至於是否雷曼就不會信,這個問題在當時問,就好像今天問你是否相信匯豐銀行一樣,誰也不會相信雷曼會倒閉,直至她真的倒閉那一天。至於債券(Bond)的定義,查過牛津字典及維基網,大約是certificate issued by a government or a company acknowledging that money has been lent to it and will be paid back with interest,以這個定義看,就不可以說雷曼迷你債券不是債券,它只是一件比較複雜的債券。至於低利息低風險的謬誤,正確點來說,所得利息應該是投資者願意在其風險上至少收回多少,既然投資者願意以低利息接受高風險,對手又可樂而不為。 

    有人說證監不應批准賣這些產品,我絶對不同意,試問上一年這個時候在股票市場賺錢的人,有多少人知道他們買的是什麼?就算銀行存款也有風險,有多少人知道定存也是投資,不然一開始就不會將所有錢放在一間銀行,在東亞事件上也發現有些存戶根本不清楚存款保障是什麼,他們又是否連存錢的資格也沒有呢?社會應該給予人更多的選擇,而不應為了保護一班想不勞而獲的人而剝奪努力上進的人的選擇。美國就是一個好像很保護投資者的地方,最後就是普通投資者要付出更多的金錢(佣金及管理費)經所謂的專業投資機構購買同一樣的產品,而最後的損失只會更大。所以產品風險是否高,在乎是個人,不是產品。

    銀行在此件事上絶對有濫用苦主對銀行的信任,但是否所有責任都應該由銀行負責就應該以每一個個案以論。個人十分同請他們,尤其是退休長者,但感情上的支持是一回事,於理上,仍然認為他們應該從法律去解決,以證據去釐清每個角色在每個個案當中應該需要付上多少的責任,而不是一刀切去做。

    因此對政府給予銀行壓力迫她們回收債券十分反感,政府純粹希望儘快解決,只求方便,漠視香港一貫的法理治港,影響深遠。第一,無論從任何條文看,現在還未知每一件個案責任是誰,銀行在現階段都沒有責任要幫所有投資者回購(當然看不出銀行是出於自願而回購),為什麼在未有任何調查結果時便由政府認定銀行做錯了,市民是否希望給予政府這個權力?而對所有銀行的股權人(我相信是大部分市民,因為大家都有強積金)又是否公平?

    第二,這是一個十分不平等的條約,就算當他們是以民事訴訟方式的庭外和解,雙方亦會是商討一個大家合意的價錢,及同意沒有任何再伸索的權力。但現在政府自己設計一個價錢,而不是一個真實的買賣價錢(市價),然後要銀行先付款,先承擔風險,但將來多了錢還要給回投資者,不夠就自己想辦法,還要加上投資者仍然有伸索權,這是可等不合理。

    第三,我們一向最自豪的就是以法治港,所以不同於內地。現在我們有完善的合約條文去處理事後工作,包括雷曼違約後,有20%債權人書面同意,便可啟動贖回程序;然後經大家都信賴的法庭去追討,在香港更可以追討政府在這件事上是否有失誤。但現時政府貪圖方便,以一向說了算,改變整個遊戲規則,將百年根基一次過摧毀,試問將來還會有商家來投資嗎?

    第四,現在這項建議令香港的銀行體制面對無限風險,是否每一次我在銀行買投資產品,然後輸了錢就說我不明白,銀行誤導我,便可以取回本金?究竟銀行作為中介公司,現在及將來雖要承擔多少風險?不明朗前景,對香港的銀行體制是一個無形的計時炸彈。

    總之,這是一個只顧現在民望,不理長遠管治而後患無窮的提議,絶對不可以接受,比較可行的方法是信報的看法,就是資助債券投資者以司法制度索償,好像星加坡都是採取這個方法。

    ReplyDelete
  32. 其實只有在香港、新加坡、台灣等地區,才會有咁多「散戶」.在歐美地區是很少散戶的,大部份人都是透過基金來投資,莫講話迷你債券咁複雜,就算係普通的股票,都好少平民百姓會直接持有股票.

    金融產品愈出愈複雜,是否應該檢容許銀行直接賣金融產品畀散戶?假設一個男人性無能,要買粒偉哥幫補下,都要醫生處方,不能直接買,因為這名男人不明白食偉哥的風險.既然市民也不明白投資的風險,是否也應該由專業人士代勞?

    ReplyDelete
  33. i personally don't like your title for this piece, it's misleading. it's obvious that the government just wanna save themselves, but not the investors. instead of just bracketing the "苦主", you should also bracket "救".

    here's a suggestion "低Q能! 政府「救」雷曼「苦主」?"

    ReplyDelete
  34. "既然市民也不明白投資的風險,是否也應該由專業人士代勞" Then, I do not think they should do any investment PERIOD. They took the risk, signed the paper. They should know better they have a chance of losing their investment. I bet if they made money nobody would say anything. Now lost money scream like a baby. This action is irresponsible.

    ReplyDelete
  35. 合約精神, 如同聖誕老人,小孩才會相信的。

    法律精神, 如同只靠計算安全期,不一定可靠的。

    誠信現在的價位是?

    ReplyDelete
  36. 柏兄:

    我只關注兩件事:

    1.無論任何人有欺詐行為,也要負法律責任.

    2.LegCo是否會要求立法,界定何謂特許投資者(sophisticated investor)?

    Daniel.

    ReplyDelete
  37. 完全同意你嘅講法!
    一句:唔可以救!

    ReplyDelete
  38. 到時真係政府包底,一於搞番個納稅人大遊行啦,保証萬人空巷勁過廿三條

    ReplyDelete
  39. 有人話寳藥黨,被寳藥黨呃源自一個貪字
    你唔貪心.壞人無從入手
    有人話毒奶.行為意識有非常大差別,
    bb飲奶係求生,唔飲會死
    佢地係投資,包括做定期都有風險
    唔好再擺D亞公亞婆上枱.佢地並唔係大多數
    c9佢地都有分析能力,可能佢地日日炒day trade呢.
    同情佢地遭遇,反對政黨們抽水

    ReplyDelete
  40. 如果制度容許詐騙或不保障受騙者. 咁金融業賴以生存的信用亦不會再存在.(雖然事實上信用都係以經唔存在啦, 今次金融風暴亦都係信用崩潰的其中一種.)

    救. 係道理. 唔救. 都有大道理.
    不過經濟上的道理並不成為救或唔救的重要條件. 我覺得今次事件上 政治才是問題
    問題係. 唔救. 班「苦主」的行動會如何. 救. 社會的代價會如何.

    如果唔救. 班苦主會當冇事. 唔救無問題.

    ReplyDelete
  41. 講真如果銀行本身自己無錯,銷售方法無問題, 佢根本唔會哽,一定唔會死錯人, 根本佢可能理虧, 自己知道打官司都可能會輸,所以才考慮接受建議,而且有些報導,講有些銷售職員佢根本連自己買緊咩比人都唔知,承認佢根本都唔了解產品本身,是問自己都唔知,仲買比人,真係好難唔誤導,我相信在這次事件中, 很多個案係有誤導成份,當然也有些混水摸魚,所以唔好一竹竿打一船人,話佢吔輸打贏要

    ReplyDelete
  42. 寶藥黨欺騙人都有罪啦
    難道可以話係受害者貪心無知抵q能
    寶藥黨就完全無錯
    點解會講到銀行誤導人就一d錯都無
    馬會買馬買波係自已甘心情願
    馬會唔會有人sell你買邊隻馬邊隊波穩陣呀
    點可以搵馬會同銀行比架

    ReplyDelete
  43. 你死你賤你訓街, 你on9俾人呃哂d錢做咩要政府賠

    ReplyDelete
  44. 講得岩呀!

    如果個個輸左錢就話對方無解釋清楚,佢地唔導你,咁以後呢個世界會變成點呀!

    跟本就係輸打賺要!
    政府跟本唔須要理會佢地。
    就算要理都應該由法庭理,今次班民主黨又一次令大家失望。

    香港幾時先有一個政黨真真正正為香港市民架!

    好心痛

    ReplyDelete
  45. 噚晚睇完money cafe,覺得你講得好到point,放心,如果有日你係街比人打, 我一定幫你報警同call白車!
    好似有傳媒訪問左一個case, 個阿伯將辛辛苦苦打魚既50萬,買左雷曼, 佢話銀行職員知佢唔識字,早個月買有成廿幾厘, 阿伯o甘就買左,試問點解阿伯將畢生積蓄去信一個三唔識七既銀行職員, 佢大可以返去同屋企人商量下先買架!! 見到佢手上果d文件都寫到明此產品不是保本基金,唔識字唔係罪,無攪清楚而去投資既人都有自身既責任, 無論係有幾多既回報,總知投資就有一定既風險啦!! 我都reject左好多銀行既call, 如果係有第三者會負責既話,我都買啦, 無風險有回報幾好呀! 苦住唔係唔幫, 而係搵司法制度去解決,不良既銷受手法係可恥, 相關既銀行亦要對此負責任, 存戶亦都要為銀行既操守而小心!!

    ReplyDelete
  46. 2.LegCo是否會要求立法,界定何謂特許投資者(sophisticated investor)?

    我正好0係其中一間銀行0既 sales. 可以同你講, 間間銀行都要求個客簽張表, 証明佢了解及肯解承擔某個級別既風險.

    手續上係咁, 但我地一貫做法係三扒兩撥響夾左呢份半完成既風險披露聲明於銷售合約內叫個客簽, 再幫個客 tick 番高風險的選項. 証監問銀行取回所有客戶簽過0既文件睇, compliance 一定過到骨.

    ReplyDelete
  47. 大部分客都唔會睇清楚呢張風險披露文件就簽左名, 少數會驗屍咁驗既至簽我地會同佢講, 呢類產品同定期一樣, 未到期取回錢一定不保本, 所以你先至要簽份文件說明你知道呢個風險, 通常我地咁點完佢地個驗屍客也多肯簽.

    銀行賣迷債前已精心部署點唔令自己上身, 你地以後去銀行, 帶埋錄音機去至有保障.

    ReplyDelete
  48. 基本上如果閣下真的睇過果張紙. 實質上係咩野銀行產品都唔會買. 因為那根本就係一張完全的免責聲明.

    而銀行以及一切騙術之中. 呢d免責聲明都係那些受騙的蠢材作出決定之後先至要佢簽的. 作為石器時代生物的人類. 係決定咗以後就唔會咁易改變.

    ReplyDelete
  49. 我想請問, 如果雷曼苦主話比銀行職員誤導先買, 要銀行同政府賠足100%比佢地, 咁現在D 高官日日話香港銀行無問題, 存款在銀行風險好低, 如果有日,其中一間銀行有事, 我除左有10萬存款保障外, 我問邊個比番個尾數我呀?

    ReplyDelete
  50. 1) the banks clearly need to be punished, so is the HK government and the 'consumer council'.
    back around 1999/2002 when the interest rate was low the banks were pushing the 'guaranteed return funds' at the counter to every single customer.
    12% return vs bank rate of 2%. but there is not even in the fine prints that the 12% is the total return in 5 years, while 2% is p.a. rate!
    i complained to the bank and i was totally ignored.
    this is the job of the consumer council and the regulators, they failed their job.
    they should be punished.

    2) the bank should also be punished for misleading the customers, there should be a legal pathway to resolve this. although the govt could broker for a temporary solution during the process to placate the consumers.

    3) agree that this is unfair to the Sun Mama's. if the banks paid the Lehman creditors and then failed. Sun Mama will be punished for having made the less risky choice.

    ReplyDelete
  51. 按照此邏輯,肥仔你比人打我一定唔會幫你,因為個人必需為自己既言行負責。如果你比人打係因為衰口臭,我一定話你抵死,我點知你講左D乜野得罪左D乜人而比人打?

    ReplyDelete
  52. 回上一個post的Anonymous,
    所以肥仔沒有叫你替他反擊, 也沒有迫你幫佢食. 只不過是打999, 用香港的法治來決定是他口臭還是別人橫蠻. 肥仔一直沒有抵觸自己所言. 是"有些人"自己沒有了解清楚別人所言就膠罷了.

    ReplyDelete
  53. hey pakman,

    are you trying to cheat more traffic?

    ReplyDelete
  54. 打乜鬼999嗟,有事自己負責,自己搞掂丫麻,要打既唔該肥仔(受害人)自己打。

    仲有其他人唔好幫佢做證人添呀,鬼叫佢自己冇拍抵比人打既VIDEO 呀。

    ReplyDelete
  55. 你條明燈……係街比人打我同你食一半!說得太好啦~

    ReplyDelete
  56. "仲有其他人唔好幫佢做證人添呀,鬼叫佢自己冇拍抵比人打既VIDEO 呀。"

    忽發奇想。如果而家有人彈出黎,話可以做人證證明阿婆阿伯簽字之前有人誤導佢地,又或者有一個半個前職員出黎做污點證人,咁D 銀行場官司咪輸硬?!

    ReplyDelete
  57. 曹仁超:誤買毒債值得同情
    ......由於我老曹一直冇同讀者推介迷你債券,實在唔想多講嘢,但隨住事情發展,又有不吐不快之感;我老曹批評證監喺審批過程中實在疏忽(可能鬼子佬中文唔好),呢D產品明明係票據(Notes)點解批准各銀行以債券(Bonds)名稱出售?如果標明迷你票據,而唔係迷你債券,係咪會有咁多人受騙?第二應批評金管局實在監管不力。請問各銀行推銷呢D產品職員中,有幾多人已考到財務策劃師牌照?任由冇財務策劃師資格嘅職員向銀行客戶推銷金融產品,就好似醫管局任由非醫生人士喺本港行醫一樣;第三批評本港各銀行作風,呢D產品推銷對象應係資深嘅投資者(即有100萬美元或以上),而唔係一般散戶,呢類連推銷者自己都唔太明嘅產品,又點可以向一般散戶推介?可以話銀行係濫用客戶對銀行嘅信任。請問銀行內有幾多職員向客戶推介時,用咗等同定期存款呢句說話?職員無知因佢地唔係財務策劃師,但銀行客戶值得同情,好似飲牛奶人士唔一定知道牛奶有毒嘅道理一樣。......(節錄)

    ReplyDelete
  58. 即使係以票据名稱, 根本唔應該批準向公眾銷售複雜的洐生工具, 更何況金管局連風險審查(据報扺押品不足及左右手對賭)都無做就批出, 係嚴重失職.

    即使退一萬步, 假設銀行完全無誤導, 事主告上法庭, 政府都要負上全責, 因為佢負有確保奶品無毒的公眾責任, 可憐埋單的又係納稅人.

    ReplyDelete
  59. The Lehman Affair...

    Might be swallowed by bigger things happening this weekend...

    Morgan Stanley? JP Morgan?

    ReplyDelete
  60. 原來買左貨然後告賣家詐騙好平常,車路士都會咁做:
    http://news.bbc.co.uk/sport2/hi/football/teams/c/chelsea/7663564.stm

    ReplyDelete