坐定睇滙控花旗國業績

孫柏文叫大家「一注獨沽」嘅滙控（005），今晚交代花旗國業務。

今日，本想分享我對滙控嘅預期，點知，噚日喺公司嘅「休氣場地」，有位早前乖乖地聽我話買滙控跌嘅同事話：「你呀！你呢個明燈呀！千祈千祈唔好寫滙控會點衰點衰呀！我手上嘅put輪，已經輸咗好多時間值。畀你寫一寫，滙控分分鐘話毋須撇賬，喺未來都唔使撥備。到時正股升，我又輸錢。」

呢個咁誠意嘅訴求，雖然離譜地違反言論自由，不過打動我心靈。

所以，我今日只勸有興趣滙控嘅人，今晚睇佢哋出花旗國業績時，一定要坐定定。特別係如果你一路睇好，更加唔好企響度睇。因為我擔心佢哋一出聲，你會暈低……當然係開心到暈啦！我係明燈啊！