90年代初，孫柏文開始讀經濟學嘅時候，嗰位從前宗主國嚟老師，好多時都會慨嘆：「實在太懷念蘇聯嘅存在，因為蘇聯實在提供太多教材。」大家要知道，我呢位老師係一個自由市場信徒，佢最鍾意嘅一句說話就係：「Planned economy just doesn't work！」
當年，老師最鍾意攞蘇聯未解體前，自己拍攝市民日常生活嘅照片做教材。曝光率最高嘅一幅，就肯定係影住十幾人排隊嗰幅。曝光率之高，到今時今日我仲記得，嗰十幾人着緊乜。老師往往會揸住幅相，跟住話：「睇吓！高高在上嘅官員，以計劃指導形式去分配資源嘅後果。唔靠消費者同供應商，自行摸索一個可以滿足供求嘅市價，就等於日日叫啲市民去排隊嘥時間。不過冇啦。現在已經冇呢個現象出現。」
聽聞，老師最後同殖民政府一齊，退休回流祖國。所以，我絕對相信佢老人家呢排冇機會北上旅遊、走訪華南地區。如果有，佢部相機就有東山復出嘅機會。先有早排以計劃指導形式，唔畀深圳市民提現鈔，令啲有現鈔嘅提款機大排長龍。再有今日，喺華南地區各大小油站，出現貨櫃車車龍。因為以計劃指導形式，決定柴油售價，令柴油冇得賣。
麪包當波踢
試問，如果要限制貨幣供應。最好方法一定係畀市場決定貨幣嘅「市價」，即係畀市場決定貨幣利息。如果人民幣利息有十幾二十厘，邊度要「限制」啲人提鈔？又或者如果柴油以市價出售，啲貨櫃車司機就毋須忍住唔去，或抱壺度日。
最弊就係，如果「去排隊」決定資源分配方法，就會令到啲「時間唔值錢嘅人」先分配到，仲要攞到之後攞嚟浪費。老師永遠警惕我哋：「喺蘇聯，麪包非常平。不過成功買到嘅人往往係小朋友，佢哋仲要唔係攞嚟食，係攞嚟當波踢！」大家作為《金手指》嘅fan屎，相信應該都係自由市場支持者，呢篇文對大家可能非常行貨。最弊就係對好多高官唔係囉！
Subscribe to:
Post Comments (Atom)
自由市場的最大問題是保障不到弱者。
ReplyDeleteHow about 踢波的小朋友餓死了?
自由市場 is the best way to 保障弱者...
ReplyDeleteTo let 弱者 have a chance to climb up.
同意PakMan的見解，香港之所以成功，是因為貧困者可因本身努力往上爬，只是現時社会的資源分配較差，我最擔心隔代貧窮。
ReplyDeletepakman said...
ReplyDelete自由市場 is the best way to 保障弱者...
To let 弱者 have a chance to climb up.
對,就算困難,有危有機(唔知我講咩,請看有關Sociology的教科書,嘻)~~~~~~:}
Daniel.
sorry，打錯字，不是"隔代貧窮"，是"世襲貧窮"。如天水圍，無資源教育他們的下一代，而變成"世襲貧窮"。
ReplyDelete試問，如果要限制貨幣供應。最好方法一定係畀市場決定貨幣嘅「市價」，即係畀市場決定貨幣利息。如果人民幣利息有十幾二十厘，邊度要「限制」啲人提鈔？又或者如果柴油以市價出售，啲貨櫃車司機就毋須忍住唔去，或抱壺度日。
ReplyDelete哈哈，貨幣匯率從來都不是市場決定啦~ 唔好亂將自由市場用於貨幣~ 唔該。
我先回應："送你一篇行貨文章"
ReplyDelete呀孫生,你讀過經濟學係嘛?成日囉係去外國浸完咸水返黎既野出黎講,就唔係話你個老師講d野錯
我想問下你寫呢篇野之前有冇用下腦諗過?或者做下資料搜集呀?你將乜野都歸咎於用自由市場就可以解決哂資源既問題
你問下你個老豆,六幾年香港制水果陣,點解政府唔用市場價格去控制食水,而要用配給制呀?你真係咁做,資源係咪會愈黎愈貴?窮人咪要飲尿囉!你連咁既道理都唔明~學咩人寫野呀
石油問題都一樣,中央銀行收緊銀根,加息既野,人行唔係冇做到,而且市場向來係處於被動位置,唔係由市場決定既,中國市場既流動性資金主要由邊度黎?國際熱錢,你加息解決到問題?唔好以為自己讀過幾本佛利民既理論就識少少扮代表啦!
你想問下我寫呢篇野之前有冇用下腦諗過?
ReplyDeleteObviously not? hahahahahha
If cowpertwaite embraced open market and free market pricing in water, there would be no 4 days wait for water in the 60s.