Wednesday, November 07, 2007

阿里巴巴點解值300倍PE

噚日,有間公司令孫柏文百感交集,今日一定要同大家分享。如果大家有留意,噚日有間叫做阿里巴巴嘅公司上市,編號1688。

大家可能會問:「呢幾年,有咁多間公司嚟香港上市,點解要特登寫呢間?」我今日要寫阿里巴巴嘅原因,係因為佢哋係一間非常偉大的公司。佢哋主要有兩大產品,而兩種產品都係對人類非常重要。

產品有驚世貢獻?


阿里巴巴嘅管理層,深深明白人類過去嘅歷史。清楚知道自從文明開始,人類飽受戰火嘅煎熬。人類嘅科技,就算發明嘅人係希望佢嘅科技能夠促進人類生存力,最終都會被好戰者攞去打仗,令歷史中無數無辜嘅平民百姓被殺,血流成河。

甚至乎科技越係進步,無辜要死嘅人就越多。所以,平民百姓對能夠繼續生存嘅需求非常之大。

阿里巴巴就係睇中呢個商機,喺幾年前推出一種叫做「世界和平」嘅產品,英文叫World Peace。

除咗有「世界和平」呢個產品之外,佢哋嘅管理層亦明白就算世界冇戰亂,人,始終都有終老嘅一日。食物產量增加,公共衞生意識日益進步,工業同交通日趨安全,令傳統延壽方法嘅回報,每下愈況。

魂歸天國嘅理由開始轉變,越嚟越多人因一樣叫做「癌症」嘅嘢,面對死亡。所以,世界各國嘅人對能夠擺脫被癌魔纏繞嘅需求非常之大。

阿里巴巴就係睇中呢個商機,喺幾年前推出一種叫做「癌必治」嘅產品,英文叫Cure for Cancer。

阿里巴巴嘅營業額,就係被呢兩種產品帶動,呢幾年節節上升。市場對於「癌必治」同「世界和平」,未開發嘅需求非常之有信心。覺得當今世上 60億人,都會幫襯阿里巴巴。所以噚日就算阿里巴巴嘅市盈率去到300倍,都仲有人買。

怕者睇錯招股書


等等……乜話!孫柏文睇錯咗招股書?原來唔係阿里巴巴有得賣World Peace同Cure for Cancer。死啦!噚日應該有好多同我一樣嘅人睇錯咗。如果唔係,點會300倍PE都仲入貨?

噚日,阿里巴巴最高見過39.95元一股。如果大家識嗰位喺39.95元買入嘅朋友,希望你可以叫佢打電話嚟《蘋果日報》搵我。我只怕佢係講普通話,因為我嘅普通話好差。

20 comments:

  1. 燈神, 算把啦, 仲死雞撐飯蓋.

    你識分析, d 個世界就無乞兒啦.

    ReplyDelete
  2. go buy Alibaba!

    yeah yeah! Like tomorrow. go go go go go!

    If you do, total respect for your courage.

    If you don't, yup... another anon.

    ReplyDelete
  3. Alibaba咪同 d 瘋狂股仔一樣

    好多股仔無里頭由一仙炒高十幾倍,去到一蚊,佢地 d 基本因素都無大變,為乜可以短時間炒到咁高。

    ReplyDelete
  4. 呢隻係 2007 版香港天線.
    萬事俱備, 只欠東風, 大家坐穩.

    ReplyDelete
  5. 柏文兄眼光的確長遠, 不斷emphasize高 PE, 當然打死唔抽Alibaba.
    佩服你的"堅持", 始終要贏Leona.

    只怪太多人目光短淺, 著重分析呢隻IPO的供求, 抽唔中的話, 仲有暗盤$24任你掃, 結果賺到笑...哈!

    呢個blog教識人,
    最重要係贏到啖氣...而唔係贏到錢,
    Leona今次竟然輸在application costs, 照咁睇, 小弟入黎睇你個blog, 都輸掉唔少time value.

    ReplyDelete
  6. typing up that comment burnt up a whole bunch more of your time value too!

    hahahahaha

    Please, anyone who expects to learn from incoherent thoughts are truly delusional.

    Hope you don't regret no being able to get all those seconds of your life spent reading the twists and turns of my blog!

    = )

    ReplyDelete
  7. 呢兩樣產品怎可令阿里巴巴值300倍PE?小弟相信阿里巴巴令大家咁瘋狂要有賴呢兩隻產品:

    祖國現在鼓吹環保同解決糧食問題,繼「再生能源」後,必定要開發出「再生食物」同「無道德丸」。只要有左呢兩樣產品,先免費派發「無道德丸」給中國落後地區的人民,令佢地無晒道德標準,乜鬼都可以接受到後,再將沿海城巿靠炒股票同投機致富,餐餐大魚大肉後的產品:糞便。造成「再生食物」,由於內陸人民已服用「無道德丸」,所以就算食屎做糧食都完全無問題。再到內地股災來臨,再派發給沿海地區的股災災民,又可解決內地的通脹問題。或者柏文兄你會覺得我呢個係謬論,但其實你呢位分析員心水清D都會留意到中國部份成巿已經試用「無道德丸」,君不見內地蒙著眼大叫:中國沒有娼妓。無疑是服用「無道德丸」的效果,但事實証明,廣東經濟發展迅速的其中一個原因,係黃業的興盛。再者例如「大頭怪嬰奶粉」都是「無道德丸」的副產品。

    說實話,阿里巴巴真的值300倍PE的一天,是中國全民像日本、香港及其他西方國家般推行免費教育。人民即使不豐衣足食,也可全民達至溫飽的需要。

    但這一天很遙遠,小弟和柏文兄你年紀相若,但相信我們有生之年,也不能看到。因為中國始終要解決一個最難解的問題:貪污腐敗。

    P.S. 不要說阿里巴巴跌幅85%以上,一個交易平檯可否真正保障外資亦成疑問。現在美國巿場雪上加霜,中國表面上意氣風發,但既然西方國家可先後讓日本和中國富起來,難道不能捧起非洲的經濟嗎?意氣風發的代價是樹敵甚廣,所以說三年太耐了。一年內已經可蒸發一半股價呢!

    ReplyDelete
  8. 科網股最重要是idea,
    只要有idea, 又為人廣為接受, 廣為需要
    那idea 只需好少的asset 便可generate numerous cash inflow

    所以覺得科網股是最難投資的,但亦是最快令人發達的,
    其實alibaba 都run 0左好耐la, 都無0麥見過有any other good idea, 而且仲要比人投訴難做交易
    講真網頁生意要比人取代非常容易, msn 取代icq 便說明了

    如果再無改善, or other idea 可以肯定佢 PE 可以去返30

    一齊discuss 下la

    ReplyDelete
  9. 另外, alibaba 係對外做交易的平台, 相信已經進入穩定期, 而非增長期
    反而對內的淘寶網卻沒有被注入, 雖然淘寶網有虧損, 但未來會是增長期

    亦相信馬雲不是傻的, if 淘寶網 無future cash inflow 佢仲唔close 0左個網~~~~

    ReplyDelete
  10. "pakman said...

    Hope you don't regret no being able to get all those seconds of your life spent reading the twists and turns of my blog!"

    Haha, you said it yourself. Man this real-life semi-manufactured drama is better than any dumb ass HK soap opera.

    ReplyDelete
  11. 細個靚仔個時候,聽古仔阿里巴巴,後面一定有四十大盜呢幾個字。

    ReplyDelete
  12. 噚日, 有朋友抽到一手alibaba問我$39, 放唔放好, 我話梗係放啦. 點知佢要等神燈升上$50. 今早只有$30. 唉...

    ReplyDelete
  13. 柏文兄:
    有一問題想請教你,
    如果美國經濟係下次議息之前急轉直下,
    伯南克可唔可以即時再減息?
    如果可以,我估佢會。

    另外,我抽到一手1688,
    我信你話隻嘢唔值300倍PE
    所以即日係$39.15放咗。
    多謝!
    我想知有邊啲傻仔會係39蚊以上接貨?
    (除咗啲基金佬)

    ReplyDelete
  14. 上帝要其死亡, 必先令其瘋狂...再減息吧.

    ReplyDelete
  15. 柏文兄,你仲細,仲係血氣方剛(你自己先知 ha ha),講老實,地球上的人類自有個人認知後,一直都係靠一個又一個大話生存至今。

    西方有本聖經,
    東方有本道德經,
    美國有民主法,公平法,
    中國有毛澤東語錄,
    大個仔娶左老婆,日日都要講最愛係佢,
    生左仔,要話俾佢聽世界係公平,
    你老細日日話生意難做,但晚晚落 club,

    好多大話無人想知真相,種金種菌祈福黨,阿扁都話自己無錯。

    納粹黨,民進黨,共產黨,自民黨,民主黨,共和黨,公會,宗親會,教會,街坊福利會,黨黨為權,會會為利。

    ReplyDelete
  16. 因為Alibaba不是大盜,是打開小門的超級賊亞爸! (股票市場本是大盜) 原著中,他不單只用把口"OPEN 賒、信 Me" 便拿走40大盜幸幸苦苦儲埋的賊贓,最後更以滾油沸死甕中的40大盜!

    和Pakman不同,我勁讚成借錢抽,和Alibaba分贓; 但不想被沸死,早走早著。


    remember my comment on your first Alibaba post?

    VC said...
    講真我不長線看好AliBaBa, 但IPO是another game.

    in addition to Leona's case,

    How about we make a bet on...恆生一口價 ... HK$320,000 at...cost of HK$568 with initial payment HKD$40,905.38.

    去碼?

    Sat Oct 27, 05:10:00 PM HKT

    ReplyDelete
  17. 古時有:阿里巴巴,四十大盜;
    現今有:阿里巴巴,四十大洋。

    孫鬢今次死係阿里巴巴手上,死也死得光彩 =D

    ReplyDelete
  18. 39.5入左o既人真係post張相上嚟分享下.

    ReplyDelete
  19. 長年匿埋在象牙塔內的男友問:「當年科網熱你仲讀緊IT, 當時有現在的阿埋巴巴咁瘋狂嗎?」

    「嗯, 當年我好多o野都唔識, 但當年所feel到的, 同現今的差不多。不過, 當年個市好火熱時, 有好多專家話, 世界因為有互聯網所以變左, 係新經濟, 所以要用新眼光黎睇PE。而家時隔幾年, 又係有人話因為中國起飛同埋全球化云云, 所以世界唔同左喎.... 嗯, 作為經濟學家, 你覺得呢幾年世界係咪真係唔同左?」

    「嗯... (他思想一會, 我繼續修甲) 冇。我覺得冇唔同到。」

    ReplyDelete
  20. Carla.

    I can tell that you are a babe already.

    ReplyDelete