Tuesday, November 13, 2007

印度想人民窮多幾耐?

近幾年,好多人都鍾意攞印度同中國比。話雖然中國「先起步」,不過印度有條件「後來居上」。今日,孫柏文可以同大家話,印度想過祖國?冇可能。一係咁講,印度想過祖國唔係唔得,不過第一件事一定要炒咗佢哋嘅石油部長先。

點解?任何一個21世紀現代經濟體系,都係靠石油推動。任何一個國家,落實將自己石油供應斬斷嘅政策,經濟上只會自取滅亡。上個禮拜,印度石油部長公開發表建議,令我覺得話印度趕上中國,唔好玩啦!

乜咁就壓到油價咩?


呢位叫 Srinivasan 嘅部長,眼見油價居高不下,話解決高油價嘅「方法」係禁止石油喺商品交易所買賣。佢話:「我又見唔到石油出現短缺,供應出現中斷,需求又唔覺有大幅調升。油價升只係啲人喺商品交易所炒炒賣賣。只要禁止石油嘅買賣,油價咪會跌番囉!」

其實,呢位部長究竟明唔明點解石油冇出現短缺?咪就係因為有呢啲「邪惡」嘅商品交易所。石油報價不斷跳動,只不過係用戶搵緊最適合自己嘅供應商,供應商亦係搵緊最適合自己嘅用戶。喺報價清晰易明嘅情況下,唔想喺嗰個價買油嘅人自然唔買,肯喺嗰個價買,就一定買到,咁咪冇短缺囉!

如果印度政府唔鍾意呢個價買油,咁咪唔好買囉。最驚就係有印度人,有方法好有效率咁用石油,肯出高價買,不過政府出嚟話唔得。

仲有,一但冇清晰嘅「高市價」,世界各地嘅供應商,又邊會諗方法去增加供應。邊有人諗方法,直情去取替石油,或者諗方法更加有效用油?印度政府究竟想印度人窮多幾耐?

大家可能會話:「不過市場真係有好多炒賣活動。佢哋嘅錢真係推高油價。」炒家其實好重要,佢哋嘅出現,幫市場提供流通量。真正反映實際供求嘅價格,亦因有炒家嘅出現,更快達到。供應商同用戶,就可以慳番啲時間,盡快調節供求模式。我真係想知,究竟印度政府想印度人再窮多幾耐?!

8 comments:

  1. 眼白白睇住佢升都唔係方法, 咁做個效果係點仲係未知之數.
    而且真係認為呢個油價仲可以有人高效率用油? 焗住都要用啦..

    ReplyDelete
  2. 你知道法國是全國核動力發電嗎? 印度又要原料做核武…

    我同意印度人民有排窮。

    但明日之後,印度國力過中國卻是你我有生之年可見的。原因? 印度有年輕而貪錢的新一代,一代又一代; 中國卻被一孩政策毀了。

    ReplyDelete
  3. I agree.

    一孩政策 should be seriously reconsidered.

    It creates many many demographic problems.

    ReplyDelete
  4. I doubt whether 一孩政策 really exists. This is similar to say we keep on saying 反腐防貪.

    ReplyDelete
  5. No matter you say it or not, the result is not what you want.

    業 績 公 布 後 , 匯 控 在 倫 敦 的 股 價 升 逾 4%

    I think the share price will go up even more in US today.

    ReplyDelete
  6. Well...

    I always think it is only appropriate for those who predicts things are all well in HSBC to buy it with both hands.

    And they are doing that right now.

    ReplyDelete
  7. Hey man, 睇過你今日的專欄... 果然係大明燈呀!! 『一注獨沽』HSBC~ 結果HSBC係LONDON最高升過5%~~
    AND DO U STILL REMEMBER YOUR 585意馬國際?? 你4.X時推薦過, 唔好話$5都未破過, 之後仲一直下跌, 至近日得番1.46~

    ReplyDelete