Thursday, September 27, 2007

Northern Rock賣的紙上白銀

1997年暑假,孫柏文當時日日企喺銀行㩒股票機,同啲師奶一齊搏殺。我記得有個因為開始發生金融風暴,所以對當年股市睇得好淡嘅師奶股神。睇得淡,覺得會大跌嘅佢,當然唔會紙上談兵,所以就喺當年嘅8月開始,大手、大手買年尾到期嘅恒指認沽證。到當年10月股災都仲喺手。

大家可能會問:「咁佢咪贏好多?」應該就係,不過最弊佢買嘅恒指認沽證,係百富出嘅。大家都應該記得,投資銀行百富97年倒閉,嗰位師奶股神後尾有冇錢收,我都唔清楚。

慘。

驚冇錢收要割禾青

今年年初,花旗國次按開始爆破,次按債券價格開始下跌。任何嘢嘅價格有大變動,就自然會有贏家同輸家。原來,有間對冲基金買咗好多類似次按債券認沽證嘅嘢,次按債券價格下跌,啲認沽證當然係咁升,嗰間對冲基金當然贏大錢。

最近,嗰間對冲基金嘅話事人接受傳媒訪問。問到佢覺得次按問題仲要搞幾耐,佢用咗棒球術語still in the early innings。咁因為知道我哋特區人唔識棒球,所以我就繙譯成足球術語──佢話次按問題仲喺場波上半場30分鐘。

不過,個基金嘅話事人又話,佢哋已經開始割禾青,將手上嘅次按債券認沽證賣出。大家可能會問:「咁又話喺場波上半場30分鐘?係咪唔信自己嘅預測?」

咁記者當然有問,其實,個話事人解釋,佢哋覺得次按同樓市爆破,問題會非常嚴重。嚴重程度會到達就連出認沽證嘅金融機構,都會出事,為免好似以上嗰位師奶股神咁,睇中都驚冇錢收,所以開始割禾青。

買銀一定要買實貨


今日講咁多「睇中冇錢收」嘅故事,係因為自從聯儲局喺上個禮拜減息之後,好多《金手指》fan屎又對白銀產生興趣,問我點買白銀。我當然叫佢哋買實貨白銀,不過就有fan屎話,喺銀行開戶買紙上白銀會方便啲。方便就係方便,不過如果你嗰間銀行係Northern Rock咁點算?

前宗主國銀行Northern Rock面對擠提潮,如果你啲紙上白銀係同佢哋買,你會唔會驚?當今世上,喺投機買賣當中,冇乜嘢比「睇中冇錢收」更痛苦,所以最後奉勸大家一句,為咗瞓得着覺,買銀,一定要買實貨白銀。

3 comments:

  1. 白銀黨,有無聽過十年黃金作爛鐵?
    想用黃金作貨幣買樓呀,去越南啦!

    ReplyDelete
  2. hi pakman,

    great to see u stop by my blog, funny that i was on the internet last sunday all nite doing research on gold & silver price drop during the historic crush in 87,97,03, and even 911, gulf war, actually they did fall from 3-10% in the past...

    then later on i concluded that US dollar was the best buy for Oct!!

    so, come by more and chat more!! cheers

    ReplyDelete
  3. warhammer gold warhammer money warhammer accounts tibia money tibia gold tibia item runescape accounts buy runescape accounts runescape money runescape gold runescape gp runescape power leveling runescape powerleveling cheap rs2 powerleveling runescape equipment buy rs equipment runescape runes cheap rs2 runes runescape logs cheap rs2 logs runescape items buy runescape items runescape quest point rs2 quest point cheap runescape questpoint runescape gold runescape items runescape power leveling runescape money runescape gold buy runescape gold buy runescape money runescape items runescape accounts runescape gp runescape accounts runescape money runescape power leveling runescape powerleveling tibia gold dofus kamas buy dofus kamas wow power leveling wow powerleveling runescape questpoint rs2 questpoint Warcraft PowerLeveling Warcraft Power Leveling World of Warcraft PowerLeveling World of Warcraft Power Leveling Hellgate money Hellgate gold buy runescape logs buy rs2 items cheap runescape items Hellgate London gold Guild Wars Gold buy Guild Wars Gold runescape items rs2 accounts cheap rs2 equipments lotro gold buy lotro gold buy runescape money buy runescape gold buy runescape runes lotro gold buy lotro gold runescape money runescape gold cheap rs2 powerleveling eve isk eve online isk buy runescape power leveling rs2 power leveling tibia gold tibia item runescape accounts Fiesta Silver Fiesta Gold Scions of Fate Gold Hellgate Palladium Hellgate London Palladium SOF Gold Age Of Conan Gold AOC Gold ArchLord gold tibia money tibia gold runescape accounts runescape gold cheap rs2 powerleveling buy ArchLord gold DDO Plat Dungeons and Dragons Online Plat

    ReplyDelete