Monday, September 17, 2007

格林斯潘 媾女伎倆

今日,前聯儲局局長格林斯潘本《Age of Turbulence》新書,將會面世。格林斯潘要賣書,當然要「忽然高調」接受傳媒訪問。傳媒同行,亦因為被收視推動,好多時候都要問啲比較另類嘅問題,特別係啲私人問題。你問得、佢肯答,你收視高時、佢本書賣得,一家便宜兩家着。

咁其中一個孫柏文覺得需要認真參考嘅問答,就係格林斯潘講媾女。如果我同大家話,原來格林斯潘媾女好勁,大家可能會話:「一定係媾港女!因為格林斯潘識印銀紙!仲印好多、好多!」

錯。嗰次電視節目《60 Minutes》訪問格林斯潘,講起佢當年點樣追求比佢年輕二十年,仲要係個女主播叫做Andrea Mitchell。原來佢哋第一次約會,格林斯潘已經成功 "tum"到Andrea返格林斯潘屋企。

一篇文就 "tum"到女

冇錯,噚日我同啲《蘋果日報》女同事講呢單嘢時,相信同大家喺呢一刻嘅反應一樣:「嘩!乜格林斯潘咁狼死!個Andrea咁冇矜持!」相信大家都想知,格老用咗乜嘢招數咁勁。

不過講之前想大家知,我當年讀經濟學嘅專科就係industrial organization、市場架構分析同花旗國「反壟斷」政策。大家一定係話:「你讀乜,關格林斯潘媾女乜事?」

問得好!原來,當日格林斯潘"tum"到 Andrea返屋企,就係同佢講話:「想畀你睇吓一篇我啱啱寫好嘅文。」就係咁,成功"tum"到返屋企。篇文寫乜?就係講花旗國「反壟斷」政策囉!

原來,孫柏文要成功 "tum"女仔返屋企,只要做兩件事就得。

第一,摷番大學年代,我寫過關於「反壟斷法」嘅文章出嚟。
第二,搵個女主播。

最後,呢幾日一定會陸陸續續有關格林斯潘新書內容嘅消息。而直到現在,我覺得最轟動嘅消息,就係佢坦言話布殊總統攻打伊拉克,真係為咗石油,希望供應會穩定,令油價下跌。其實,如果話係為咗令油價下跌,就倒不如話係為咗保護美元購買力,價跌就等如購買力上升。

繼續捧黃金白銀

就算花旗國民、政府揮霍無度,國庫空空如也,大家心裏都知:「美國佬冇錢還,仲可以揮軍搶嘢去還。」不過今時今日,呢個形象已經嚴重受損,就好似70年代,美軍撤出越南一樣。嗰次之後點樣?全世界對美元喪失信心,黃金、白銀升、升、升!

7 comments:

  1. 為何蘋果幾個專欄永遠把“等於”寫成“等如”?

    ReplyDelete
  2. This comment has been removed by the author.

    ReplyDelete
  3. This comment has been removed by the author.

    ReplyDelete
  4. This comment has been removed by the author.

    ReplyDelete
  5. 請問白銀點買架?係咪好似金一樣?唔好意思本人為投資初哥..學野中.........

    ReplyDelete
  6. warhammer gold warhammer money warhammer accounts tibia money tibia gold tibia item runescape accounts buy runescape accounts runescape money runescape gold runescape gp runescape power leveling runescape powerleveling cheap rs2 powerleveling runescape equipment buy rs equipment runescape runes cheap rs2 runes runescape logs cheap rs2 logs runescape items buy runescape items runescape quest point rs2 quest point cheap runescape questpoint runescape gold runescape items runescape power leveling runescape money runescape gold buy runescape gold buy runescape money runescape items runescape accounts runescape gp runescape accounts runescape money runescape power leveling runescape powerleveling tibia gold dofus kamas buy dofus kamas wow power leveling wow powerleveling runescape questpoint rs2 questpoint Warcraft PowerLeveling Warcraft Power Leveling World of Warcraft PowerLeveling World of Warcraft Power Leveling Hellgate money Hellgate gold buy runescape logs buy rs2 items cheap runescape items Hellgate London gold Guild Wars Gold buy Guild Wars Gold runescape items rs2 accounts cheap rs2 equipments lotro gold buy lotro gold buy runescape money buy runescape gold buy runescape runes lotro gold buy lotro gold runescape money runescape gold cheap rs2 powerleveling eve isk eve online isk buy runescape power leveling rs2 power leveling tibia gold tibia item runescape accounts Fiesta Silver Fiesta Gold Scions of Fate Gold Hellgate Palladium Hellgate London Palladium SOF Gold Age Of Conan Gold AOC Gold ArchLord gold tibia money tibia gold runescape accounts runescape gold cheap rs2 powerleveling buy ArchLord gold DDO Plat Dungeons and Dragons Online Plat

    ReplyDelete