Thursday, September 13, 2007

安倍晉三落台

前日,《蘋果批》高明輝、《利字當頭》利世民同我一齊放工。就喺大家執嘢之際,高明輝問利世民有冇好書推介,世民兄就話應該睇《萬曆十五年》。高明輝點點頭,繼續問:「仲有冇其他?」世民兄諗一諗,跟住就喺枱頭攞起一本書話:「呢本都OK。」

安倍落台建制派做嘢

孫柏文望 一望本書,跟住就向高明輝話:「呢本睇唔睇都罷,佢咁弱勢,遲早落台。」世民兄推介嘅書,就係安倍晉三嘅《邁向美麗之國》。點知噚日起身,睇電視新聞報 道,日本首相安倍晉三真係辭職落台。Dammit,真係貼股票又唔見我咁準。

不過,前日我講完之後,世民兄就話:「如果真係落台,一定又係建制派做嘢。因為如果睇佢本書,你就知佢比小泉純一郎,仲想 改革經濟。」聽完世民兄番話,我就諗起舊年5、6月,如果大家仲記得,當時全球所有資產價格一齊下跌。不論黃金、白銀、海外和本地股票都跌,直至到6月 13日,全球所有資產價格都見底,之後反彈。

正當完全冇關係嘅資產,價格走勢一樣嘅時候,一定係貨幣本身作怪。其實,如果大家睇吓當日嘅《讀賣新聞》,就 會知道點解。原來,有「內幕人士」放風,踢爆日本中央銀行行長福井俊彥涉嫌有醜聞,不過之後呢單新聞就銷聲匿迹。如果由陰謀論角度出發,「內幕人士」爆 料,就係想警告福井俊彥,唔好搞搞震,要佢繼續印銀紙。

「內幕人士」就係建制派,就係白銀戰隊要對付嘅紙幣狂魔。今次,安倍晉三因內閣成員常常爆醜聞落 台,改革步伐又停止。孫柏文當然擔心日本平民百姓繼續被欺凌,佢哋手上貨幣嘅購買力慢慢削減。最終去到極點時,令更激進、更民族主義嘅政客上台,20世紀20、30年代德國翻版。

3 comments:

  1. 《萬曆十五年》可以畀人讚足咁多年,真係無野好講。黃仁宇還有一本叫大歷史,講中國古時缺乏數學管理。

    ReplyDelete
  2. 買番啲日經put輪先....

    ReplyDelete
  3. 其實安倍晉三就係有少少衰民族主義,
    LDP點解要推一個更加民族主義嘅出來呢?

    ReplyDelete