惠康 抄 7-11 擺貨法

孫柏文係一個超級漫畫迷，90年代初非常迷戀《龍珠》、《課長島耕作》、《加治隆介之議 ──日本政壇風雲錄》等嘅漫畫。到今日，孫柏文都 有時會買漫畫睇，其中一個我有追嘅系列，就係一套叫做《X挑戰者》嘅漫畫。

《X挑戰者》其實係改編自日本電視台NHK，一套為咗振奮啲失去自信嘅日本國 民，對日本企業家信念嘅節目。系列當中，講述日本各行各業嘅人，就算面對艱辛同獨特嘅挑戰，都用腦袋同血汗克服困難，最終為消費者帶來突破性嘅發展。

今日 我想同大家特別講系列當中，日本7-11便利店嘅故事。

改寫日本零售業

當年日本引進7-11，面對嘅最大挑戰，就係因日本地 價貴，所以店舖樓面面積比花旗國嘅7-11細，貨品選擇往往出錯之後不能輕易改變，令店主蝕到入肉，7-11概念陷入隨時滅亡嘅情況。

有見及此，日本7- 11革命地改變供應鏈運作，將好多零售業不可侵犯嘅行規完全打破，最後建立日本7-11，改寫日本零售業。

可能因為日本7-11起家時，克服過咁樣嘅挑 戰，所以日本7-11非常專注貨品選擇、供應鏈運作、貨品喺店內擺放嘅科技。眾多手法當中，我今日想講嘅有兩個：

第一，就係將消費者最迫切需要，對售價最唔敏感嘅貨品，擺喺付款處附近。因為如果消費者需求又迫切又唔理售價，毛利率肯定好高。

第二就係，緊貼消費者買嘢嘅模式，例如，如果7-11嘅總銷售系統，發覺突然有好多顧客，買橙汁時買埋頭痛藥，就會勒令全線有相應嘅調動。

咁孫柏文幾日前留意到，特區嘅惠康超級市場，都好似有一樣咁厲害嘅營運管理。嗰日，我去其中一間惠康買嘢，排隊畀錢時，見到此情此景，亦順手拍照留念。特區惠康同7-11，果然出自同一集團。