一注獨贏買國指沽證3497

呢個12月，孫柏文已 經多次建議大家盡量用今年最後啲交易日去狂歡，因為股票市場已經變成一個瘋狂派對。今日，就係06年最後一個交易日，就算派對未完，大市都應該係時候來一 個小休。我講過國企指數已經好似03年12月一樣咁升，所以我亦相信來年1月，國企指數又會好似04年1月一樣咁樣回氣。

大家可能會問：「點解年尾會係升跌市嘅分水嶺？」我可以提供好多原因，有啲甚至可能係啱。

不 過，我覺得年尾係升跌市分水嶺嘅最主要理由，係因好多管理普通基金嘅經理，想跳船去對沖基金hedge fund、私募基金private equity。所以就要盡量谷高今年嘅成績，來一次終極window dressing，省靚自己嘅紀錄去搵工。就算明知唔扺買，都要繼續去。

到出年1月1日，06年成績塵埃落定之後，先至賣貨。所以我就叫大家買國指認沽證，揸到1月尾，跟住就輸贏都要離場。

我話買認沽證3497嘅原因，係因佢嘅行使價最高。最衰冇國指熊證，如果有，我一定推介。

最後，大家要千祈千祈、記得記得，認沽證有槓桿作用，買嘅時候毋須要瞓身。