悼念福特 R.I.P. Gerald Ford

今日我想悼念啱啱去世嘅前花旗國總統福特Gerald Ford，佢除咗係花旗國總統之外，亦都係我嘅學友。當年福特總統係我母校美式足球隊成員之一（Go Blue！），所以身材非常魁梧。

記得有一次，我喺大學周圍「探險」嘅時候，我走咗入去福特總統喺大學校園設立嘅總統圖書館。裏面掛咗一幅有一個人咁大嘅 照片，照片係喺75年福特總統訪華嘅時候拍攝。照片主角就係福特總統同解放香港嘅小平同志。雖然，福特總統高過小平同志成個頭，不過論氣勢，小平同志絕對 勁過福特好多倍。所以身形同管治能力真係冇乜關係。