Wednesday, December 06, 2006

跟進可以升一倍的股票

兩個禮拜前,孫柏文同大家推介一隻可以升一倍嘅股票──358江西銅業。

當時我話,只要市場相信「高銅價」唔係泡沫,而係因有本身供求、價高嘅理由,江銅就可以升一倍。

理由係,睇江銅由7至10月嘅第三季可以賺0.518人民幣一股,即係話,每年每股盈利2元一股。

當然,第三季銅價亦於3.2至3.7美元一磅之間徘徊(噚日落筆一刻,銅價每磅3.14美元),所以江銅想每年每股有2元盈利,銅價一定要重上呢個水平。

200日線點都要試試

每 股有2元盈利,而市場又覺得江銅應該有八倍市盈率時,股價就可升到16元。噚日收市,江銅股價就係8.36元。大家可能會問:「上一次第三季,銅價徘徊喺 高位,市場知江銅會賺大錢。不過,因為市場都相信銅價係泡沫,所以江銅股價都冇受惠,今次銅價就算重返高位,江銅股價點解會升呢?」

佔盡天時地利人和

今 次江銅股價會升嘅理由係,銅價再挑戰200日線,只要唔跌穿,市場就會確定銅價升軌繼續,江銅股價就會有爆炸性升幅。

好多時,一隻股票好、原材料又好,上 升速度有如銅價自05年5月至06年5月咁急、咁多,都需要下試200日平均線,才知道是否升勢繼續。大家可能會問:「咁樣嘅情況,有冇前科可鑑」有,我 今日畫咗個圖表,提供個例子畀大家睇睇。

大家只要睇吓05年中至06年初,油價同857中石油股價嘅走勢關係圖,就會明白我嘅意思。

最後,銅價要重拾升 軌,其實已經佔盡天時、地利、人和。首先,有花旗國中央銀行濫發鈔票,仲有,祖國需求有增無減等等嘅基本理由,銅價應該可以保持升勢。銅價幾時可以肯定重 返200日平均線之上?我唔知道,不過發生嘅一刻,孫柏文當然會提醒大家。

Follow the story from 1 to 6.

No comments:

Post a Comment